UPC NEI EXECUTIVE BOARD:
UPC North East India rorelna sang Executive Board vawi 193-na chu July ni 19 – 20, 2023 chhung khan General Heqaquarters Office, Mualpui Salem veng-ah neih a ni.
Executive Board hi General Superintendent Rev. R. Lalrinsanga chuan kai hruaiin Executive Board member-te pawh an tel kim thawkhat hle, he Board ah hian District hrang hrang atanga Agenda lo lut bak ah Manipur buaina chung chang a kohhran hmalakna tur te rel a ni a, rorel kimchang chu karleh Pennet News ah tar lan a ni ang.
———-
GENERAL SUNDAY SCHOOL EDITTING BOARD
July ni 21 Zirtawp ni khan UPC North East India Sunday School Editting Board chu General Headquarters Committee Room, Mualpui Salem Veng, Aizawl ah thu khawm in Kum 2024 North East India UPC Puitling Sunday school zir tur ” Thuhriltu leh Hla thlankhawmte” tih Rev. K. Malsawmtluanga ziak chu Edit na an nei.
———-
———-
AIZAWL EAST DISTRICT
District Board:
Aizawl East District hnuaia rorelna sang, District Board vawi 135-na, ni hnih chhung neih chu tluang takin July 13, Ningani khan zawh fel a ni. District Board hi Rev. KVL. Hmangaihkima, District Superintendent chuan kaihruaiin thu ngaihtuah tur engemaw zat lutin an thu passed langsar zualte:
1. Disable Sunday thawhlawm khawn hun leh thawhlawm lut hman dan tur mumal zawka kalpui ni se tih niin Disabled Sunday-a thawhlawm chu Pathianni zan zela khawn ni se, hruaituten Disabled Report form siamin report lo thlen dan a zirin a pek chhuah dan tur chu ruahmanna siam thin ni se tih a ni.
2. Hostel siam tur chungchangah lo zirchiang tura District Board-in Committee a ruatte
hnen atangin an zirchianna-te thlirho a ni a, zirchiangtute zirchiannate uluk taka ngaihtuah a nih hnuah Hostel chu siam ve ngei nise tih a ni. Hostel Managing Board hetiang hian din nghal a ni. Chairman : District Secretary
Secretary : Rev. C.Lalmalsawma
Treasurer : District Treasurer
Ex-Offio : District Superintendent
Committee Members:
1. Director Missions Department.
2. Pastor Laltlanhlua Hnamte
3. Pastor F.Malsawmtluanga
3. District PYD ten Zokhawthara an hmunlo ramte chu, tangkai zawka kohhran hoten
an hman theih nan, Dt.13/7/2023 (Thurs) ni hian United Pentecostal Church of North East
India, Aizawl East District hnenah lawm takin an hlan a. He ram tha tak hi tangkai taka hman
a nih theih nan ruahmanna tha tak siam nise tih a ni.
4. Khawzawl bial-tu Pastor, Rev. Lalhmangaihawma Parte chu Calvary Bible College-a
BD zira a kal avanga District Treasurer Rev.H.Lalropuia’n Khawzawl bial alo hmui mek
chu hmui tawh lovin Khawlian Bialtu Pastor K. Vanlalhlimpuia chu Khawzawl Bialtu Pastor atan dah niin Khawlian Bial hi Rev R. Laltlankima, District Secretary chuan lo hmui se tih a ni. Darlawn Bial pawh Rev VL. Hnemtluanga, District Missions Director chuan hmui rih se tih a ni a, August 6, Pathianni-ah induction nei tura tih a ni bawk.
———-
District LAD ten raltlan tanpui:
Aizawl East District LAD ten ruahmanna an lo siam tawh angin District chhunga Kohhran mi raltlan tanpuina Bialtu Pastor te kaltlangin an hlan. District chhunga raltlan mi 270 te hnenah tanpuina hi hlan niin cheng nuaihnih singli sangthum an sem ral a ni.
District LAD te hian District chhunga raltlante tanpuina pek ve ni se tia lo rel angin Bial hrang hrangah tanpuina tur sum hi khawn a ni a, a tanpui dan tur leh pek zat tur hruaitute kuta an dah angin District LAD hruaitute chuan Bial hrang hranga Bialtu Pastor te kaltlangin tanpuina hi an hlan ta a ni.
———-
Bawngkawn Bial PYD ten Seminar hlawhtling takin an nei:
July 16, Pathianni chawhnu khan Bawngkawn Bial PYD buatsaihin Peniel Kohhranah Leadership & Account training hlawhtling taka neih a ni. He hun hi Bro. Lalchhuansanga, Bial PYD President chuan kaihruaiin Bro. Lalrawngbawlna, Bial PYD Asst. Secretary hnen atangin report leh inhmelhriattirna neih a ni.
Bawngkawn Bial PYD ten Seminar an buatsaihah hian Leadership-ah Rev C. Lalmalsawma, District PYD President chu Resource person-ah hman niin hruaitu nihna tur hrang hrang leh hruaitu mawhphurhna tur hrang hrangte ngaihthlak a ni. Account training-ah hian Evan K. Lalbiaknunga, District PYD Treasurer chu resource person-ah hman niin Account vawn dan zirtirna a nei bawk a ni. He hunah hian Bial chhunga Local PYD hruaitute, Bial PYD hnuaia Sub- Committee leh Local PYD hnuaia Sub- Committee hruaitute telin min 40 vel an kalkhawm a, sawihona hun tha neiin kalkhawm ten hlawkthlak an ti hle a ni.
———-
Awarness camapiagn nei:
Serchhip Bial PYD Education sub-committe te chuan July 17, Thawhtan zan khan Electric veng Biak in-ah Theological Campaign leh Career Guidance awareness neiin hun tha taka hmang a ni. Tin, tun thla hi Anti Malaria Month a nih angin Malaria kai lo tura inven dan leh in zirtirna hun Bial Education Sub Committee Chairman Bro.C.V.L. Rinhlua’n a hmang bawk a, inkhawm ten hlawkthlak an ti hle.
Kawlkulh Bial PYD Environment Protection te pawhin July 10 leh 17 zan khan Bial chhungah Awarness Campaign an nei bawk a, hlawk takin hun an hmang a ni.
July 10, Thawhtan khan khan Vengthar PYD Inkhawmah Environment protection awareness neih a ni a, he mi hunah hian Evan. Joel Lalfakzuala, Chairman, Environment Protection Commitee chuan inkhawm kaihruaiin resource person Pu H Lalrosanga, Forest Department hnen atangin thusawi ngaihthlak a ni. He hunah hian member 30 chuang inkhawmin hlim takin hun an hmang a ni.
July 17, Thawhtan zanah vek Venglai PYD inkhawmah hun hman leh a ni a, hetah pawh hian resource person Pu H Lalrosanga, Forest Department hnen atangin thusawi ngaihthlak leh a ni. He hunah hian member 20 chuang inkhawmin hlim takin hun an hmang a ni.
Forest Department leh Kawlkulh Bial Environment Protection Committee tangkawp hian remchang hmasa berah thingphun hnatlang neih leh tum a ni bawk.
———-
Chhingchhip Bial PYD meet:
Chhingchhip Bial PYD te chuan July 14 atanga 16 chhung khan Thentlang hmunah Bial huapin PYD meet hlawhtling takin an nei, Speaker-ah Rev. H. Lalropuia, District Treasurer chu hman a ni.
Meet hi July 14, Zirtawp zan atang khan hman tan niin meet hlanna Bialtu Pastor HP Ramfangzaua’n neiin Speaker hnen atangin thuchah ngaithlak a ni. Inkhawm banah Rev H. Lalropuia, District Treasurer resource person-a hmangin Pathian thu zir hona an nei nghal bawk a ni. Inrinni nileng khan Item chi hrang hrang hmanga intihhlimna neiin zan atangin revival inkhawmin hun an hmang chhunzawm leh a ni. Inkhawm apiangin Rev H. Lalropuia hnen atang hian thuchah ngaihthlak thin niin Pathianni chawhnu-ah erawh Khawbung Bialtu Pastor, H. Lalbiakzauva’n thusawi rawngbawlna a nei thung a ni.
Inkhawm apiangin Thlarau lam hlate nen Lalpa faka zai thin a ni a, Thlarau Thianghlim Baptisma chang thar pawh thalaite zingah an awm nual a ni. Chhingchhip Bial PYD meet hmang tur hian Bial chhung Local hrang hrang atangin PYD member engemaw zat kalin hlim takin hun an hmang a ni. Sis C Zothanmawii (Zotei) leh Bial chhung atangin inkhawm apiangin Pathian fak hla an sa thin bawk a ni.
———-
Mithar leh baptisma chang thar:
July 16, Pathianni khan Mualpui Bial, Mualpui Kohhranah Chhungkaw khat, Member thar 7 chu Bialtu Pastor, Rev C Mawizuala’n Kohhranah sengluhna a nei.
Suangpuilawn Bial, Vanbawng Kohhranah pawh Rev Darchhawna leh a team (Zion Revival Team) te rawngbawl na atangin Nupa tuak khat member 2 te chu Kohhranah sengluh an ni bawk.
July 16, Pathianni vek khan Bazar Bial, Armed Veng South kohhran member ni turin member pakhat chu bialtu Pastor Rev C.Lalmalsawma’n a senglut bawk.
Zohmun Bial Tinghmun Kohhran Members ni turin Evan. Lalrawnliana chuan Barak District atanga kalte Mi 14 Kohhranah lawmluhna a nei bawk a ni.
———-
Hruaitute Programme:
Rev KVL. Hmangaihkima, District Superintendent chuan Pathianni hian Zemabawk Bial, Tuirial hmunah rawngbawltute pual seminar neihah resource person-ah tangin hun a hmang ang.
Rev H. Lalropuia, District Treasurer chuan a Bial hmui mek, Khawzawl Bial-ah hun hmangin rawngbawlna a nei ang
———-
———-
NORTH MIZORAM DISTRICT
HRUAITUTE PROGRAMME
Superintendent, Secretary & Tresurer: North Mizoram District hruaitu pathum Rev. Chhiarpuia, Rev. K. Lalduhsanga leh Rev. C. Lalthantluanga te chuan ruat lawk angin July ni 19 Nilaini leh ni 20 Nilaithawhtan niah te Geneneral Executive Meeting neiin, General Offoce Mualpui Salem Vengah hun an hmang.
Secretary: District Secretary Rev. K. Lalduhsanga chuan July ni 11 Zirtawp zan atangin Lengpui Kohhran buatsaiha Revival Crusade an neih turah Speaker niin rawngbawlna a nei ang. He rawngbawlna hian July ni 23 Pathian ni zan thleng a awh dawn a ni.
District Missions Director: Dist. Missions Director Rev. C. Lalramthanga chuan ruat a nih anga General Mission Field sum Guwahati-a audit a neih zawh hnuah July ni 20 Nilaithawhtanni khan General Executive meeting neiin UPC-NEI Gen. Office Mualpui Salem vengah hun a hmang.
———-
Headquarters Bial Missions Dept hmalakna:
Hqrs. Bial Missions Dept Conference in a lo rel tawh bawhzuiin a thawh lina atan July ni 15 Inrinni zan khan Hqrs. Bial Missions Hruaitute te chuan Mission Vengthlang kohhran an tlawh. He hunah hian Bial Director Evan. Challiana chuan Pathian thuchah sawiin ‘Pathian thuthlung’ a sawi.
———-
REHOBOTH Revival Team rawngbawlna:
Rehobot Revival team te chuan July ni 12 – 16, 2023 chhung khan Aizawl Tuikual North Biak inah PYD Revival Crusade neiin rawngbawlna an nei a. He an rawngbawlnah hian Pathian hnathawh ropui tak thlengin, Thlarau thianghlim siam tharna nasa tak kohhranhoten an chang a, July ni 16 Pathianni zan thleng rawngbawlna nei tura ruahman chu boruak thlir chungin Tuikual kohhran Church Board meeting chuan July ni 19 thleng rawngbawlna chhunzawm turin an chelh a ni.
———-
Hqrs Bial Thianghlimna Comt hmalakna:
Hqrs. Bial Thianghlimna Committee hmalaknain July ni 16 Pathiannni zan khan Local tin Thianghlimna Committee hruaitute leh committee member te chuan Missions Vengthlangah rawngbawlna neiin; Bialtu Pastor Rev. Lalremtluanga’n rawngbawlna a nei a, Rawngbawltu hian ‘Lalpa mite hi Lalpan a ram lut tura a bungbel Thianghlimte kan ni a, Daniela te thian zaho anga khawvel chawtui Lalpa mithmuha thianghlim si lo lakah hian kan intithianghlim tur a ni’ tiin, Thianghlimna thu hmangin Pathian thuchah ngaihnawm leh tha tak a sawi a, kohhran mipuite’n hlawkthlak an ti hle a ni.
———-
Mithar Report:
Bukpui Bial N. Chaltlangah mithar:
July ni 16 Pathianni khan Bukpui Bial N.chaltlang Vengthlanga rawngbawla District in a dah Bro. Lalnunpuia rawngbawlna kaltlangin mithar members 7 chu Lalpa Isua hminga lawm luh a ni.
Heng mithar te hi Chhungkaw 2 niin; chhungkaw khat hi kan kohhran nisa an ni a, an vai hian minipur raltlan niin he Mizorama awm nghet tur an ni. chhungkaw khat dang hi Believer church niin chhungkhat pa ber hi BA.BE lai niin Manipur lamah chuan zirtirtu hna thawk lai mek a ni. An fa te pahnih pawh Pathian hnenah hlan nghal a ni.
———-
Bajerung Missions Field-ah mithar neih a ni:
Bajerung Casual worker Evan. Lallawmpuia Sailo kaltlangin Bajerung khua Presbyterian kohhran atangin mithar duh dawm tak rawngbawltu Evan. Lallawmpuia chuan Lalpa Isua hmingin lawmluhna a nei. Mithar hi SIst. Maisarung niin, kohhranhoten an lo lawm hle a ni.
———-
Masada Revival Team te Rawngbawlna:
Masada Revival team te chuan, July Ni 15-16, 2023 hmangin Kanghmun bial Lungphun khuaaah rawngbawlna an nei a. Team Speaker Evangelist Lalramhluna Hmar hman niin a ni hian mike service neiin hun a hmanga ṭhin a ni.
Pathianni kal ta July ni 16, 23 tlaiah Hreichuk khawlaiah Mual inkhawm neih a ni a. Lalpan an rawngbawlna mal a sawm hle. Lungphun khuaah hian District in Evan C Lalngaihawma chu rawngbawlin an dah mêk bawk a ni.
———-
Mithar lawmlut:
July ni 16 Pathian Ni khan Tlangsang Bial, Sailut 1 Kohhran Bro. Lalremruata awmnaah Baptist Church aṭangin nula 1 chu Missionary hna thawk lai chu Bro.Lalremruata rawngbawlna kaltlangin Pentecost kohhranah lawmluh a ni.
———-
GENERAL S.S DIRECTOR IN SEMINAR cum RETREAT HMANPUI:
July 15, 2023 (Inrinni) khan Thenzawl Bial Sunday School Dept. buatsaihin Thenzawl PWD Veng Biak Inah Sunday School lama mawhphurtute pualin Seminar cum Retreat neih a ni a, he hun hi General SS Director Rev. Biaksangzuala’n hmanpuiin Resource person-ah a tang nghal bawk.
General SS Director hian Inrin zan atanga Pathian zan thlengin Thenzawl bial chhung Local hrang hrangah hun a hmang kual bawk a ni.
———-
Thilpek pe:
Bro R. Lalrempuia, Physics Scientist, S/o Rev R. Thangliana(L) MZU a thawk mek chuan, W. Phulpui Mission Field W. Phaileng bial tan Khuang lian leh tha tak July ni 12, 2023 khan a pe. He thilpek hi District Mission Office-ah Missions Director Rev. C. Lalramthanga’n a dawng a, W. Phaileng bial mipuite thilpek petu chungah an lawm hle.
———-
EDUCATION NIGHT HMAN A NI:
Tlangnuam Bial PYD Education Sub – Committee buatsaihin July ni 10, 2023 (Thawhtanni) zan khan Hlimen Kohhran Biak In – ah Tlangnuam Bial PYD ‘Education Night’ hman a ni. He hunah hian bial chhunga kum 2023, Mizoram University hnuaia Bachelor of Arts (BA) pass thar mi 13 – te hnenah leh Calvary Bible College (CBC) atanga Bachelor of Theology (B.Th) pass thar mi 2 – te hnenah lawmpuina Citation hlan a ni a, Evan. JH Malsawmdawngliana (Principal, PGHSS) leh Evan. Lalmuanawma te hnen aṭangin zirlaite fuihna thu ngaihthlak a ni bawk.
———-
REVIVAL CRUSADE :
Chaltlang Local PYD in Revival Crusade (Thuthlungah) tih chu Chaltlang Local Church Board remtihnain July ni 7, 8 leh 9, 2023 khan tluang takin an nei.
He Crusade-ah hian Speaker atan Evan. Lalchhuanmawia Sailo, Headquarter Local NMD chu rawih niin Thuthlung pawimawh zia leh Isua chauh Pathian a nih zia te fiah taka sawiin hun a rawn hmang a ni.
Sunday chawhnu ah zawhna leh chhanna hun hman niin, he hunah hian PYD member ten Thuthlung chungchang a an hriatfiahloh te zawhna hun hman a ni a, Speaker in fiah taka chhanna pe in hlawk thlak taka hun hman niin kham lo tak chungin Dar 4:00pm ah banna siam a ni.
He hunah hian Bial pawn lam Zaithiam sawm niin Sis. F. Lalhriatchhungi (Bethlehem) leh Bro. Lalruatdika (Dinthar) bakah Chaltlang Local PYD member atangin Sis. Canaan Ramchullovi leh Sis. F. Lalremruati ten Pathian fakna hla mawi tak nen Inkhawm ho te min rawn awi bawk a ni.
———-
Thilpek pe:
Bro Lalmuanawma Hnamte (Malsawm House neitu) te chhungkua, Chawlhhmun te chuan July ni 19 Nilaithawhtan khan Bawngva hmuna kan Biak in sak mekah kohhranhote sum leh pai mamawhna a sang tih hriain kan hnatlan ve nan tiin a tul tula hman turin Rs 20,000 lai District mmin pe a, kan va han lawm tak em! an chhungkaw chungah kohhran ten lawmthu kan sawi tak meuh meuh a ni. An ni hian Tuikual S ah hian Dawr( Malsawm House) an nei a, kohhran tan hian vawi tam tak an lo luang chhuak tawh a, tun huna kei ni Bawngva Biakin tana an rawn luang chhuak leh hi thinlung takin lawmthu kan sawi mawlh mawlh a ni, Tin, Bial chhung Local hrang hrang atangin mi engemaw zat in tawiawm in Kolasib leh Vairengte lam atang ten min rawn tel pui bawk a, Thlarau lam hla te nen Revival Crusade chu hlimawm takin hman a ni.
———-
———-
LUNGLEI DISTRICT
REV.C.HMINGTHANFALA PENSION THLAHNA HUN HMANG:
July ni 16, Pathianni chawhnu dar 2 khan Headquarters Local Biak Inah July ni 20, Ningani a Superannuation Pension-a chhuak Headquarters bialtu Pastor Rev.C.Hmingthanfala thlahna hun chu Headquarters bial hmalaknain hman a ni.
He inkhawm hi Headquarters bial Secretary Evan.F.Lalhmangaiha chuan kaihruaiin, inkhawm hlanna Rev.R.Lalrosangan a nei a, Headquarters Local PCD leh Headquarters bial PYD zaipawl ten fak hla mawi takin an sa a, bial aiawhin Evan.MS Dawngliana Hnamte, Director bial Sunday School Department chuan thlahna thu sawiin thilpek hlanna a nei bawk.Thlahna thilpek hrang hrang District Kohhranpui, Pastor Welfare, District Department hrang hrangte, bial chhung Local leh Local Department hrang hrang bakah chhungkua leh mimal atang ten hlan a ni a, District Superintendent Rev.C.Vanlalena leh Rev.C.Hmingthanfala hnen atangin thusawi ngaihtlak a ni bawk.
District Secretary Rev.C.Lalrintluangan Rev.C.Hmingthanfala chanchin a sawi a, a rawngbawl chhoh dan tlangpui hetiang hi a ni.
Kum 1987-ah Pukpui Local-ah rawngbawltu atan lak a ni a, 1989-ah Local Licence neiin, 1991-ah General Licence a nei a, 2006-ah Ordination Licence a nei bawk. Kum 1989 – 1996 chhung khan District Missions Department hnuaiah Full Time Evangelist in hmun hrang hrangah a lo thawk tawh a, District Board vawi 113-na chuan bialtu Pastor atan a la a, kum 1997 khan he hna hi a thawk tan a ni. Pastor hna a thawh chhung hi kum 26 thla 6 leh ni 20 a ni a, bial 6 ah a awm hman a, a bial awmna te chu hengte hi a ni.
– Bunghmun bial (01.01.1997 – 15.01.2001)
– Tawipui bial (15.01.2001 – 31.12.2005)
– Pangzawl bial (01.01.2006 – 31.03.2010)
– Luangmual bial (01.04.2010 – 30.04.2014)
– Haulawng bial (01.05.2014 – 14.05.2018)
– Headquarters bial (15.05.2018 – 20.7.2023)
Rev.C.Hmingthanfala hian Baptisma hi mi 195 a chan tir a, nau hi 226 hlanin Mitthi 67 a vui bakah kohhran dan khatna a innei tuak 17 a vawn tir bawk.
He inkhawm hi District Treasurer Rev.PC.Lalfakawma chuan tawngtainain a titawp a ni.
———-
———-
CHHIMTUIPUI DISTRICT
KOHHRANTE HNEN AH THILPEK PE :
Ni 14.7.2023 khan Upa. M. Buichung (Treasurer, District Hqrs Local) leh Sis. Ngilneii (District LAD President) te chhungkua chuan Amobyu Vaihthie (zero) Kohhran ten an mamawh êm êm mai Khuang dahna tha leh nalh zet mai chu Kohhran te an pe. He an thilpek hi an chenna inah District Superintendent, District Secretary leh District Mission Director leh zero field worker hoin Pathian hnenah hlanna an nei a, Zero lamaha an phur thla nghal a ni.
Tin, Bro.Lalthlamuana (Tuaia) District Hqrs local chuan Biak In a hman tur Ceiling Fan pakhat a hlan bawk ani.
———-
RAWNGBAWLTU RETREAT HLAWHTLING TAKIN NEI :
1. District rorel bawhzuiin Ni 16.7.2023 khan Dist Hqrs local ah Rev.K. Kawngkharmawia’n Rawngbawltu retreat anei. “Rawngbawltu mawhphurhna” Pastor V Lalhlimpuia ziah leh “Rawngbawltu Ethich” Rev MH Robin Lalthanmawia ziah chu zirhona neih ani a.Rawngbawltu te an kal tha hle ani.
2. District rorel bawhzuiin Ni 16.7.2023 khan Council Vaih Local ah Pathian ni inkhawm chu Rev.Thanchunga Sailo in hmanpuiin a hnen atang thuchah ngaihthlak ani a,kohhran hote te an lawm hle.Chawhnu lam ah Rawngbawltu retreat neih chhungzawm niin,he hun ah hian department OB te pawh sawm an ni a. Rawngbawltu leh department Ob te an tel tha hle.Thupui ” Rawngbawltu mawhphurhna ” Pastor V Lalhlimpuia ziah chu zir hmasak niin,chu mi hnuah ” Rawngbawltu Ethich” Rev MH Robin Lalthanmawia ziah chu zir chhunzawm leh ani a, retreat programme hmangtu ten an hlawkpui hle ani.
3. Ni 16.7.2023 khan College vaih ll Local ah Rev Hc Mangliana’n Rawngbawltu retreat anei.Pathian ni chawhma inkhawm ah Rev Hc Mangliana’n thuchah sawiin,chawhnu lamah rawngbawltu retreat programme nei chhunzawm leh ani. Rawngbawltu te an kal tha hle a Rawnbawltu te bak ah Department hruaitu te an tel bawk ani.
———-
KOHHRAN KAN IN ZIN CHHUAK :
Ni 15-16. 7. 2023 khan District puipa ten Siata Local leh Bethlehem Local ah rawngbawlna an nei. District Superintendent, Secretary leh Mission Director te Siata Local ah thlengin, District Treasurer leh Bialtu Pastor Bethlehem Local ah an thleng a. District hruaitute rawngbawlna a nungin Kohhranten an hlawkpui hle a ni.
Facebook