GENERAL HRUAITUTE PROGRAMME:
General Sunday School Director, Rev. Biaksangzuala chuan July ni 15 leh ni 16 chhung hian Thenzawl Bial, North Mizoram District ah Sunday School Seminar nei in rawngbawlna a nei ang.
———-
General Missions Treasurer Evan. F. Lalsangliana chuan July ni 15 hian Upper Assam Missions Field, Nalbari Biak In hawnna neih ah hun a hman pui ang.
———-
GENERAL SUNDAY SCHOOL BOARD:
General Sunday School Department chuan Mizoram chhung khawpui lian pathumah National Tobacco Control Programme (NTCP) nena tang kawpin Zuk leh hmuam that lohna tih thupuia hmangin Trainers Training an buatsaih dawn.
General Sunday School Conference rorelnain Vaihlo dona lama hmalak nise tia a lo rel bawhzuina kalzelah sawrkar lamte nen thawh hona thuthlung ziah fel a ni tawh a. Kumin atana a thawh khatnan Mizoram chhunga khawpui lian pathum; Serchhip, Lunglei leh Kolasib ah te Trainers Training hi buatsaih a ni dawn a. He Seminar ah hian Tualchhung Sunday School zirtirtu leh Sunday School hruaitute bakah Bial Sunday School hruaitu chinte tel tura beisei an ni.
July ni 29-30 chhung hian Serchhipah neih hmasak ber a ni ang a, khawpui chhunga Bial hrang hrang te tan Dinthar Kohhran Biak inah buatsaih a ni ang. Lunglei khawpui chhunga bial hrang hrangte pualin August ni 26-27 chhung hian District Conference Hall-ah neih tur niin, Septermber thla hian Kolasib khawpuiah neih tura ruahmanna siam a ni bawk.
Zuk leh hmuam that lohna chungchang sawihona(Discussion) Programme pawh PenNet lamte nen tangkawpa siam tura hma lak mek a ni bawk.
———-
GENERAL SUNDAY SCHOOL EXAMINATION BOARD
JuLY ni 12 nilai ni khan UPC North East India Sunday School Examination Board chu General Headquarters Office, Sunday School Director chamber, Mualpui Salem Veng, Aizawl ah thu khawm in, Kum 2023 North East India UPC Sunday School Exam chung chang tul leh pawimawh hrang hrang an sawi khawm a ni.
———-
———-
AIZAWL EAST DISTRICT
Pastor Quarters hawng:
July 8, Inrinni khan Khabwung Bial Pastor Quarters sak thar chu Rev H. Lalropuia, District Treasurer chuan hawnna a nei. He hunah hian Bial chhung atangin member engemaw zat kalin hun hlimawm tak hman a ni.
Khawbung Quarters hi A dung – 42 ft, Avang – 24ft a lian a sak a ni a, a sak nan : “Mistiri tha – 305, Helper – 798, Hnatlang tha 906, Bazar Kohhran Workcamp – tha 48, Kohhran dang tha – 23. sen a ni. Quarters sak nan hian nuai sawmhnih pathum chuang sen a ni a, mi engemawzat hnen atang tanpuina an dawng bawk a ni. Pastor Quarters hawnna atan hian Pastor H Lalbiakzauva te chhungkua in ran an thawh a, Khawtlang huapin hlim takin hun an hmang a ni.
Khawbung Pastor Quarters hawn programme kal zelah hian July 9, Pathianni zan thleng khan Revival inkhawma hun hman niin hlim takin Kohhran hoten hun an hmang a ni.
———-
MPSC in Combined Competitive Exam a buatsaiha Prelims a tling PYD memberte District PYD chuan tanpuina hlan:
July 8, Inrinni khan District Office-ah Aizawl East District PYD chuan tun hnaia MPSC in Combined Competitive Exam a buatsaiha Prelims a tlingte tanpuina hlanna hun an hmang. He hun hi Rev.C.Lalmalsawma, President chuan a kaihruai a ni. Fuihna thu Rev.KVL.Hmangaihkima, District Superintendent leh Rev.R.Laltlankima, District Secretary ten sawiin kalkhawm ten (District PYD OB leh District hruaitute) an tan tawngtaisakna an nei bawk a ni.
State leh Central Service Exam (Competitive Exam) a tlingte tanpui dan tur District
PYD Board Vawi- 55, Rorel 2-na in alo ngaihtuah tawh leh prelims a tlingte chauh pek nise tia alo passed tawh angin tun hnaia MPSC in Combined Competitive Exam result a tihchhuahah, PYD Member District chhung Kohhrana hming ziak Prelims a tling te hnenah an zir zelna atan tanpuina Rs 5000/- theuh pek nise alo tih angin tanpuina hi hlan an ni. Tanpuina pekte:
1. Bro.Lalremtluanga S/o Upa Zelthuama, Zemabawk Kohhran
2. Bro. Nelson Vanlalneiha Chhakchhuak S/o C. Sanghmingliana , Zuangtui
3. Bro. R. Vanlalzamliana S/o Evan R. Vanchhunga, Bazar Kohhran
4. Bro. H. Lalengzauva S/o Hunlawmawma, Bualpui khua, District Hqrs.a lawi
5. Bro. Phillip Lalhotuliana S/o Upa Lalhlunchhunga, New Vervek khua Peniel Kohhran, Bawngkawn South a lawi.
6. Bro. John Zohmingthanga, N.Vanlaiphai te an ni.
———-
Mithar leh Baptisma chang thar:
N.Vanlaiphai Bial, Lungkawlh Kohhranah Bro H Vanlalhruaia te rawngbawlna ah Pathian malsawmna a thleng zel a July 8, Inrinni khan mithar pakhat sengluh niin sual ngaihdamna baptisma a chang nghal a ni.
July 9, Pathianni khan Zemabawk Bial, Lungbial Kohhranah mithar pakhatin sual ngaihdamna baptisma changin Kohhranah sengluh nghal a ni.
July 9, Pathianni hmang khan District Missions hruaitu ten District Missions Conference thlenna tur Sakawrdai tlawh in rawngbawlna an nei a, an rawngbawlna ah malsawmna an dawng hle. Pathianni zanah Rev VL Hnemtluanga’n rawngbawlna a nei a, mi 3 in Baptisma an chang a, Pakhat hi mithar a ni a, Thlarau Baptisma mi sawm chuang in an dawng thar bawk a ni.
July 9, Pathianni chawhma inkhawmah Champhai Bethel Bial, Zotlang Kohhrana lawi turin, Member thar 6 chu Evan. Lalzidinga(Dingtea) District Evangelist chuan sengluhna a nei.
———-
Training hlawhtling takin nei:
July 9, Pathianni khan Upper Republic Bial chhung Evan,Upa,Tupa te Chhiatni/Thatni leh Sacrament Sem Training Upper Republic Kohhranah neih a ni a.Recource Person-ah Rev KVL Hmangaihkima Superintendent Aizawl East District hman a ni a. Pastor Hmingchungnunga Khawruhlian Bialtu Pastor in a tawiawm bawk. He huna tel te hian hlawkthlak an tiin District Superintendent hian zanah rawngbawlna a nei chhunzawm nghal a ni.
———-
———-
NORTH MIZORAM DISTRICT
HRUAITUTE PROGRAMME
Superintendent: NMD Supdt Rev. Chhiarpuia chuan July ni 10 thawhtanni khan Reiek Bial leh Kanghmun Bial tlawhin Kanhmun Bial Pastor Quarters Guest Room sak chhunzawm zel dan tur ruahmanna an nei. Hei bakah hian Reiek Pastor Quarters sak mek dinhmun te a thlir bawk a ni. July ni 12 Nilaini ah Kawrthah Pastor Quarters UPC-NEI in a neih let leh ta chu tlawhin repair dan tur te a thlirthlai ang bawk ang.
Rev. Chhiarpuia hian Upper Assam Missions Field-a Nalbari Biak in, North Mizoram District-in an sak sak chu hawng turin July ni 13 Ningani ah a zin chhuak ang a, Nalbari Biak in chu July ni 16 Pathianniah hawngin, July ni 17 Thawhtanni-ah Aizawl a lo let le hang.
Secretary: District Secretary Rev. K. Lalduhsanga chuan July ni 14 Zirtawpni hian 2024 UPC-NEI General Confernece, North Mizoram Disitrict in an lo thlenna hmun tur chungchangah Organising Committee-ah telin rorel a ho ang.
District Missions Director: Dist. Missions Director Rev. C. Lalramthanga July 10-13 chhung Office-ah thuin; July ni 14 Zirtawpni atangin General Missions Field Auditor a nih angin Guwahati-ah Missions Field hrang hrang leh committee peng pawimawh sum te audit hna a thawk bawk ang.
———-
PSM GRADUATION DAY HMAN A NI:
UPC-NEI, North Mizoram District hnuaia Bible Zirna Pentecostal School of Ministry chuan July ni 7 Zirtawpni khan District Hqrs. Biak in, Tuikhuahtlangah Graduation Day a hmang.
Graduation Day hman inkhawm Rev. C. Lalthantluanga, Dist. Treasurer-in a kaihruai a, Inkhawm hunserh Rev. P Vanlalfela, Chaltlang Bialtu Pastor chuan hmangin Thufing bu leh Hosea ziak chhiarin, PSM Graduate-a chhuak tur te fuih Pentecost ramah chuan theihna leh tlinna lam nil ova tlawmnaa rawngbawl hi Lalpa malsawm duhzawng a ni a ti.
Rev. K. Lalduhsanga, PSM Secretary leh District Secretary ni bawk chuan Result puanna neiin; Graduate napang mi 11 zingah Sist. Lalrinzuali of Sairang chu pakhatna niin, Sist. Lalnuntluangi of Kol. Khuangpuilam chuan pahnihna a hauh a, Bro. Paul Lalrambeiseia of Zonuam chu pathumna a ni bawk. Heng bakah heng mite hian PSM zirlaite tha taka zirchhuakin an Graduate bawk a ni:-
3. Lalrindiki Durtlang
4. Lalchhandama Dinthar
5. Israel Ramtharnghaka Dinthar
6. Joshua Laltlanchhuaha Zotlang
7. Lalbiakzuala Zanlawn
8. Lalfakzuala Zanlawn
9. Joseph VL Remruata Chawlhhmun
10. Lalrinzauva Chenkual Chanmari West
Result puan zawh hian C.Th Certificate hlanna PSM Principal leh N.M District Supdt. Ni bawk Rev. Chhiarpuia chuan a nei a, Zirlai graduate mi 11 te certificate in Theology a hlan a ni.
Rev. Chhiarpuia hian Thuchah sawiin Tita 2:1 thu “Nang enrawh chuan zirtirna dik tak nena inhmeh thu sawi rawh” tih thu chhiarin PSM leh CBC inthlunzawm dan te, hmunpui zawk America ram thlenga Pentecost huang chhunga Bible zirna tha leh changtlung tam tak a awm dan te sawiin, Pentecost mite leh Graduate naupangte Pentecost irawm zirna ngaihsan nachang hriat pawimawh a tih thu te a sawi a, Pentecost ram leh nihphung hi kohhran dangte nena buk lung khaikhawp chi a nih loh zia te, zirlai kalchhuak tur te pawh rinawm taka rawngbawlna kawnga ke pen zel turin a fuih a ni.
Chairman sawm angina District Sunday School Director Pastor Lalruatkima Fanai chuan Zirlai Naupang Graduate te District kohhranpuiin thilpek a pek te hlanna a nei a,PSM Zirtirtute aiawhin Rev. C. Lalrammuana’n thu sawi bawkin PSM kalphung leh a nihphung te, tuna zirlai mekte dinhmun leh fakawm a tihna te, Camping centre hmuna zirna neih a nih hnuah zirlaite inpawhna leh thawhhona a thatzawk dan te a sawiin, thu ngaihnawm leh bengvar thlak tak tak thu te a sawi.
Zirlai naupangte aiawhn Bro. Lalfakzuala’n thu sawi bawkin; District Board, District LAD te bakah zirtirtute’n duhsak taka an zirtirnaah te, zirna an beih laia Sihphir Bial PYD ten chawhmeh tuihnai tak an rawn pek leh PSM lo zirchhuak tawh tena chawhmeh tuihnai tan an pek chungchangah te lawmthu a sawi a, PSM chu zirna tha tak a nih thu sawiin PSM kal zelna turah duhsakna a hlan a ni.
Graduation Day hman inkhawmah hian General Choir te leh North Mizoram District Choir ten hla remin Pathian fakna an nei a, hei bakah hian Sist. Lalfakzuali’n fak hlain kalkhawm mipuite a awiin Pathian a chawimawi bawk.
Graduation Day inkhawm tluang taka zovin Dist. Missions Director Rev. C. Lalramthanga chuan kohhran mite inkhawm chu Malsawm tawngtainain a tin a, inkhawm PSM Graduation Day pualin ruai kil ho a ni.
Kum 2023 chhung hian PSM-ah zirlai 34 awmin First Year 11, Second Year 12 leh Third Year 11 an awm a ni.
———-
DISTABLE SUNDAY HMANG:
Pathianni kal ta July ni 9 chu Rualban lo te ni (Disable Sunday) ni a nih angin North Mizoram Distrct huam chhunga kohhran hrang hrang te chuan urhsun takin he Ni hi an hmang a, District atanga thuchhuah angin Rualban lote pual thawhlawm te lakkhawm a ni bawk a ni.
———-
DISTRICT PYD BOARD NEIH A NI:
June ni 27 thawhlehni khan North Mizoram District PYD chuan Board Meeting neiin Dist. PYD President Evan Jeno Vanlalruata’n a kaihruai a, Board-ah hian Dist. Supt. Rev Chhiarpuia leh Secretary Rev K Lalduhsanga leh Treasurer, Rev C Lalthantluanga, Gen PYD President ni bawk te chuan an ho a ni.
Dist. PYD Board Meeting rorel tlangpui:-
1. Dist. PYD Conf.2023 Bairabi hmuna neih tur thlir lawkna neih a ni a, Dist. PYD Conf.-ah hian Kolkata PYD te chahchhuah tura rel a ni. Conf. ah hian Theme song neih ngei nise tiin a rel bawk ni.
2. Kawrthah hmuna Pastor Quaters Supreme court in a neitu nihna a tihchian hnuah Kan kuta a awm leh tak avangin Pastor Quarter chu Chei hnumin Tirhkoh chuan luah se tiin Dist. kohhranpui board chuan a rel a. Dist. PYD Board chuan tirhkoh quarter awl tur chu a enkawl zui dan tur a ngaihtuah a, Kawrthah Dinhmun thlir chungin uluk takin boruak lo zir chiang a, hma la turin Dist.board chuan Dist. PYD executives committee kutah a hlan a ni.
3. Dist.PYD hmalaknain kum 2024 ah Solfa training buatsaih tura rel a ni.
4. UPC Dinna hmasaber Lungleng I ah Dist.PYD hminga hmalak nise tih a ni a. Dist.Hruaitute leh PYD OB te leh Bialtu Pastor ten Lungleng 1 kohhran ten an mamawh tak zir chiangin a ṭul angin hma lo la se tiin rel a ni.
———-
Maubawk Kohhran Rs. 50000 pe:
Maubawk Kohhran te chuan Rengdil Bial chhunga kohhran dingthar Mualthuam West Biak ina dah tur Pulpit siam nan July ni 5 Nilaini khan Rs. 50000 an pe.
Thilpek hi Kohhran Chairman leh Maubawk Bialtu ni bawk Rev. R. Lalhmangaiha’n District Office-ah Missions Director Rev. C. Lalramthanga kutah a hlan a ni.
District Missons Director hian District Missions Dept aiawhin Maubawk kohhrante chungah lawmthu a sawi a ni.
———-
PYD Hlabu Pui release na neih a ni:
Dinthar PYD ten hun engemaw chen an lo buaipui tawh PYD Hlabu Pui chu july ni 10 Thawhtanni zan khan T. Upa Lalruatkima, Dinthar PYD Adviser chuan a tlangzarh.
PYD Hlabu Pui ah hian hla chi hrang hrang 266 dah a ni a, hlabu hming atan hian MARANATHA tih chu hman a ni.
Hlabu hi Rs. 200 man niin a zuar chhawng duh tan copy 30 chinah Rs. 160 a pek theih a ni bawk. Amal lei duh chuan Dinthar PYD OB te hnenah leh Pentecostal Bookstall, Millenium Center lamah ngaihven theih a ni bawk a ni.
———-
MITHAR NEIH REPORT:
Bairabi North Kohhranah mithar nei: June ni 28 Zirtawp zan khan Bairabi bialtu pastor Rev. C. Lalhmunliana chuan bairabi North Kohhran-a lawi turin mithar pakhat a lawmlut.
He mithar duhawm tak hi Bro. Lalchhuangliana niin Pathian thuthlung hmua Pentecost kohhran lut mithar hi Kohhranhote’n an lo lawm hle
MI THAR LAWMLUHNA LEH BAPTISMA RAWNGBAWLNA NEIH A NI: July ni 01 Inrinni zan inkhawmah Bairabi bialtu pastor Rev. C. Lalhmunliana’n UPC member ni turin Sis. Mary Sinha chu Bairabi Bethel kohhran Biak Inah a lawmlut a. Zan inkhawm banah Sis. Mary hian Isua hmingin sual ngaihdamna baptisma Rev. C. Lalhmunliana kutah a chang nghal bawk a ni.
Sis. Mary-in thlarau pawlna dawngin khur hlawk hlawk chung leh ‘Halleluiah amen’ ti chung zela baptisma khur a pante, baptisma a chan zawh ruala ‘ka sualna zawng zawng tlenfai a ni tawh’ a tihte chuan thuthlung thar rawngbawlna ropuizia a nemnghet thar hle a ni.
Mithar lawm lut: July ni 2 Pathianni zing inkhawmah kan Kanan thar Mission Field-ah member pakhat chu Lal Isua hmingin Pentecost kohhranah lawmluh a ni. Lawmluhna hi Missionary Sist. F. Lalsiamliani’n neiin mithar lawmluh ni hian Bairabi Bial SS hruaituten kanaan thar an rawn tlawh lai a ni bawk.
Maubawk Localah Mithar: July ni 9 Pathianni khan Maubawk Local-ah Pentecost mi la ni ngai lo member thar 4 te chuan United Pentecostal Church of North East India-ah lutin Maubawk Bialtu Pastor Rev. R. Lalhmangaiha’n Lal Isua hmingin a lawm lut. Heng member tharte hi kohhranhote’n an lo hlawm hle a ni
Serkhan Localah Mithar: July ni 9 Pathianni zan inkhawmah Serkhana District tirha rawngbawlna nei Evan. Lalliankima chuan UPC-NEI Serkhan Kohhrana lawi turin mithar a lawmlut.
Heng mithar te hi Sis. Thanchhumi leh Bro. Lalmalsawma te niin; Pathian thuthlung ropui tak hmua Unau thar pahnih te’n Pentecostal kohhran an zawm chu kohhranhote’n an lo lawm hle.
GOSEN P.P mithar: July ni 7 Zirtawp zan khan Gosen Peaching point ah I.K.K aṭangin Mi thár -1 Pentecost kohhranah senglùh a ni a, member thar lawmluhna Evan K.Lalrindika Gosen Tirhkoh chuan neiin; July ni 8 Inrinni zing khan Gosen Tirhkoh kutah mithar duhawm tak hian Sual ngaihdamna baptisma Lalpa Isua hmingin a chàng nghâl bawk a ni.
Gosen P.P.hi Nikum 2023 a Sist J.Lalmuankimi leh a team te rawngbawlna aṭanga ding an ni a , Tunah hian Kohhran In -5 awm mékin , Evan K.Lalrindikan rawngbawlna a nei mek a,Lalpan a rawngbawlna mal a sawm hle
MEDIA CELL, KOLASIB RENGTEKAWN BIAL
Zanlawn Localah mithar: Krista Chhanchhuah Team ten Zanlawn a rawng an bawlna kal zelah July ni 8 Inrinniah Zanlawn kohhran mipui huapin Lang Camp buatsaih leh a ni a. Member 53 ten Lang Camp an chhim, Inrinni zan vek hian Mithar unau pahnih ten sual ngaihdamna baptisma an chang bawk a ni.
July ni 10 thawhtanni khan Kohhran ten Pathian hnena lawmthu sawi chawimawina neiin, Sihphir aṭangin Bialtu pastor leh Bial Treasurer ten an hman puia, Serkhan aṭangin unau pahnih ten an hman pui bawk. Pathian chawimawina hun hmanah Pathian thlarau malsawmna nen hlim taka hun hman niin, Krista Chhanchhuah teamte bawlna kal zelah July ni 14 Zirtawpni hian Bro.Malsawmdawngliana te chhungkuain Pathian chawimawina an nei leh dawn a ni. Krista Chhanchhuah team ah hian Evan. R. Lalrinchhana chu Speaker a ni mek a ni.
Ailawngah mithar neih a ni: North Mizoram District Tirhkoh Ramtlan Evan. C. Lalruatsanga leh a tem te chuan June ni 2 atang July ni 9 chhung Ailawng kohhrana Revival/Crusade neiin; an rawngbawl chhungin Pathian malsawmna an dawng hle, an rawngbawlna report tlangpui te:
Mithar – Member 7
Baptisma chang – 6
Nauhlan – 3
Chawimawina – Vawi 4 neih a ni a, Thlarau dawng thar te awmin, Siamtharna chang engemaw zat an awm bakah Taksa damna chang an awm nual bawk a ni.
Reiek Bial LAD buatsaihin Rulpuihlim local ah Seminar/awareness campaign neiin thupui atan
General LAD kumpuan Taimakna tih hman a nih bakah Buhfaitham leh Fate thuthlunga an ngheh dan tur tih te zirhovin Bialtu Pastor leh bial hruaituten hun an hmang a ni.
———-
———-
LUNGLEI DISTRICT
AUDIT :
July ni 11 Thawhlehni atang khan Lunglei District UPC kohhranpui, CEC School, Offset press, Department leh Sub. Committee peng hrang hrangte sum, kum chanve (2023) Audit District Office-ah neih tan a ni a, July ni 14 Zirtawpni thlengin Audit hi neih a ni ang.
Auditors-ah hian Rev.C.Lalrintluanga, Pastor Jerry Lalmuanawma, Evan.C.Lalremchhunga, Evan.Laldinpuia Sailo leh Upa C.Lalhmangaiha te hman an ni.
———-
BUKNUAM LOCAL TAN CEILING FAN HLAN :
July ni 10, Thawhtanni khan Upa R. Tlansanga, Electric Local, Lunglei chuan Zehtet Missions Field chhunga awm Buknuam Local Biak Ina dah tur Ceiling fan pahnih (2) chu District Missions Director Rev.C.Lalhriatpuia hnenah a hlan.
District Missions Field tana thilpek petu Upa R. Tlansanga chungah District Missions Director chuan lawmthu a sawi a ni.
———-
———-
CHHIMTUIPUI DISTRICT
CRUSADE NEI CHHUNZAWM ZEL :
Meisatla Local Crusade kal zelah chawimawi tum li nei tawhin thlakhat leh a chanve vel crusade programme hi hman tawh a ni bawk a. Local hrang hrang bakah bial dang atang pawh in crusade chhim hi an tha thin hle a, Thlarau hnathawh nasa takin a thleng a, Thlarau baptisma chang thar pawh mi 40 vel awm tawh in an awm belh mek zel a ni. Ni 10.7.2023(Monday)zan atang khan crusade hi chhunzawm leh niin speaker Evan.N. Thanghnuna Lalpan nasa takin a hmang mek a ni.
———-
SUNDAY SCHOOL ANSWER PAPER ENDIK NA NEI :
Ni 6.7.2023 khan Siaha West Bial Sunday School Department chuan Naupang Sunday School Dept. kum chanve exam Answer paper endikna Rbt.Vanlalruatkima Secretary Bial S.S Dept. In, Council Veng ah tluang taka neih a ni. Result hi Ni 9.7.2023 (Sunday) khan puan fel a ni.
———-
APOSTOLIC BIBLE SCHOOL RESULT PUANNA LEH FAREWELL HUN HMAN A NI:
Ni 7.7.2023 (Zirtawpni) khan District Committee Room ah Apostolic Bible School 2023 Result puanna leh farewell programme hman a ni. 2023 hian zirlai 22 awmin Sist.Lalrintluangi chu a pum puiah pakhatna a ni. Kum hian final year an awm loh avangin Graduation Day hman a ni lova, he result puanna leh farewell programme hi hlim tak hman a ni a. He hun hi Rev.Joseph L.Thlauhthang Principal in a kaihruai a, Zirtirtute Rev.Dr.C.Sihmo, Rev.Kholy Hlychho, Rev.K.Kawngkharmawia leh Rev.H.Lalhnehchunga te hnen atangin fuihna thusawi tha tak tak ngaihthlak ani bawk a, Rev.W.L Thanghre Registar in result a puanna a nei bawk a ni.
———-
KUM CHANVE BIAL BOARD TLUANG TAKA NEIH A NI:
Ni 8.7.2023 Inrinni khan Bualpui ng bial Kohhranpui kum chanve Bial board chu Tialdawnglung hmunah tluang taka neih a ni. He Bial board hi Rev. MH. Robin Lalthanmawia, Bialtu Pastor kaihhruaina hnuaiah neih a ni a, Bial chhunga board member te an kal tha hle.
Bialtu pastor MH. Robin Lalthanmawia’n Tialdawnglung kohhran te chawlhni hmanpuiin Inrinni zan atangin rawngbawlna a nei a, kohhran hote an hlimin an hlawkpui hle a ni.
———-
NIAWHTLANG BIAL KUM CHANVE BOARD NEI
Ni 8.7.2024 (Inrinni) thlenkima hmangin Ainak Local ah Ni 9.7.2023 Sunday inkhawm banah Bialtu Pastor Larry Lalliandinga kaihhruaina in Bial Board tluang taka neih a ni.
Inrinni zan atangin Revival inkhawm neih a ni a, Ainak Kohhrante in pekna a ropuiin Sunday zan thlengin Thlarau lam hla nen hun hman a ni.
Bial Board member pual hian Ainak rawngbawltu te nen tlai lamah chawhlui kil ho a ni a, tisa leh thlarau ah an hlawk in an hlim tlang hle a ni.
———-
KUM CHANVE AUDIT NEI:
Vawiin Ni 12.7.2023 (Nilaini) hian District Committee Room ah District kum chanve audit neih a ni. Rev.Joseph L.Thlauhthang District Superintendent chuan audit tanna hun hmangin auditor a ruatte leh District Department leh Kohhranpui Treasurer te chungah lawmthu sawiin audit hi sum leh pai belh leh paih mai a ni lova, sum leh pai vawn dan leh enkawl dan fel zawk in hrilh hriatna leh in fin chhuahna anih bawk avangin a pawimawh thute a sawi a. Rev.W.L Thanghre District Secretary in tawngtaina neiin Auditor Rbt.H.Ramhlunan thil tul te a sawi hnuin audit neih tan nghal a ni. Auditors Rev.MH Robin Lalthanmawia leh Rbt.H.Ramhluna ten account hrang hrang an audit dawn a ni.
Facebook