Literature & Publication » Pentecostal Book Store

Mizo

Executive Board rorel no.2 dated, Aizawl 29.11.2006 in a passed angin, December 2006 ah Aizawl khawpui laili a awm Millennium Trade Centre Building, Block 3-A chu, kum 91 chhung PENTECOSTAL BOOKSTORE atan lei a ni a. A chhunga chhuarte leh thil tul dangte siam fel anih hnuah November ni 30, 2007 ah Executive Board in Pathian hnena hlanna neih a ni a, kohhran hmasawnna leh mellung pawimawh tak a tling a ni. Executive Board hma lakna hi thangthar ten nihlawhpui hle turah ngai ila, tunah pawh a chhuanawm tak zet a ni. Tichuan, March ni 1, 2008 atangin Pentecostal Bookstore chu hawn a niin, lehkhabu leh bungraw chi hrang hrang zawrh tura leikhawm nghal a ni a. April 2008 atangin chung bungruate chu hralh tan a ni.

Bookstore enkawltute

Pentecostal Bookstore hi enkawltu Board hran din lovin, NEI, UPC Executive Board hnuaiah General Officers Committee in a enkawlna hna a thawk a. Executive Board in thuneihnaa pek angin a enkawltu tur ruat thin a ni Bookseller hi kum khat zel a tan appointment pein, tlawmngaia min thawhsak turin contract basis in lawmman tlemte pein rawih a ni a.

Bookstore kalphung

Kan Bookstore hi kum 91 chhung atan lei nimahse thlatin a enkawlna senso (maintenance fee) sawrkarah kan pek a ngai a. Electric Bill a hranin pek a ngai bawk. Tin, Kristian lehkhabu hrang hrang leh Stationery, etc. te Bookstore ah hian zawrh a ni a. Hmun hrang hrang atangin a remchan dan angin heng lehkhabu leh thildangte hi hlep neia zawrh turin lakkhawm thin a ni. Tunah hian lehkhabu chi hrang hrang 400 chuang zawrh mek a ni a. A bu hming leh a man zatte hre duh tan Bookstore ah lam theih a ni e. Tunah chuan thawktu pakhat chauh abul tan nan rawih a ni a, thawktu lak belh theih a duhawm hle. Kohhran lehkhabu chitin reng Aizawl khawpui laili a kan lei thei hi a lawmawm a ni. A hmang tangkai thiamte chuan awlsam taka chanchin inhriat pawh nan leh mamawh lam nan an hmang mek a ni. Thingtlang lam mi tan leh hmun hla zawk atanga lokalte tan phei chuan kan Bookstore hi a tangkai em em a ni.

A hlutna dangte

North East India lehkhabu pawimawh chitin reng awlsam taka kan hmuh theihna a ni a. Mimal pawhin lehkhabu hralhtur an neihte chu Bookstore ah hian an zawrhtir thei bawk a, chungte chu a mawhphurtute nen percent tlemte eiin an lo zawrh sak thei reng bawk.

Pentecostal Bookstore ah hian lokal la, khawvel finna leh thiamna i hmuh theihna tur leh chatuan nunna kawng i hmuh theihna tur lehkhabu rotlingte hi rawn lei ve rawh. I inchhir lo vang.

English

Details Unavailable