GENERAL HRUAITUTE PROGRAMME:
UPC North East India General Hruaitute chu April ni 11 -13, 2024 chhung khan Faith Interaction Summit 2024, Philippines Manila-a neih a telin hun an hmang.
Faith Interaction Summit 2024 hi Summit Hotel Greenhills,13 Annapolis, San Juan, 1504 Metro, Manila, Philippines-ah neih a ni a, Asia Regional Directo, Rev. Lynden Shalm kaihhruaina hnuai ah India rama UPC Kohhran than zel dan tur chungchangah Philippines UPC thanna leh punna te zir ho na neih a ni.
He in tawhkhawmna ah hian Texas, USA-a UPC hruaitu, Rev. Ken Gurley, Rev. Clifford Pereira, Rev. Chad Harper-ten telpuiin, Philippines UPC hruaitute bâkah UPC in India hruaitute, UPC Andhra Pradesh Unit hruaitute leh UPC NE India hruaitute an tel a ni.
UPC NE India hruaitute hian an cham chhung hian United Pentecostal Church Philippines Incoporated hmunpui, New Headquarters Office leh hmun pawimawh dang te tlawhin April 17- khan Aizawl an lo let leh a ni.
———-
56th GENERAL CONFERENCE 2024
UPC NE India General conference vawi 56- na chu April 25-28 chhung hian Kolasib Vengthar, North Mizoram District ah neih a ni dawn a, inbuatsaihna ngawrh tak a kal chho pui mek zel a ni.
Conference hmanna tur Pandal hi Kolasib Vengthar, North Mizoram District hmunhma ah sak niin a dung fit 100 leh a vang fit 75 a sak a ni a, pandal hi sak zawh tawh niin, achhung lam chei hna thawh mek a ni. Tin, Conference Palaite thlen dan tur pawh ruahmanna siam niin, counter hi hmun 4-ah siam a ni.
Counter no 1 – (Khuangpuilamah):
Lunglei District
Chandel District
Central District
General Choir te an thleng ang.
Counter no 2 – (Diakkawn):
North Mizoram District
Churachanpur District
Tripura District
Lunglei District PYD Choir te an thleng ang.
Counter no 3 – (Venglai)
Aizawl East District
Chhimtuipui District
Barak DistrictDistrict
Pentecostal Choir te an thleng ang.
Counter 4 – (Tumpui)
Southeast Nagaland District
Imphal District
Lawngtlai West District
North Mizoram District PYD Choir te an thleng ang.
He Conference hi General Pennet YouTube channel ah live tura inbuatsaihna kalpui a ni a, tin chawlhni tlai vengleng te tan chawhlui buatsaih tum ani bawk.
———-
CBC NEW BUILDING HAWNNA NEIH A NI DAWN:
April ni 24, 2024 Nilaini hian UPC North East India Pathian thu zirna Calvary Bible College (CBC) New Building, Mualpui Salem veng, Aizawl a mi chu hawn a ni dawn.
Calvary Bible College (CBC) hi Shillong-a awm thin niin kum 2021 khan UPC North East India General Conference Vawi 53 na Rorel chuan Aizawl a sawn chhoh turin a rel a, hmalakna kalpui chhunzawm zel niin November ni 28, 2022 Thawhtan zing 10:00 khan Building LUNGPHUM phumna, CBC Site, Mualpui, Aizawl ah neih a ni tawh bawk. Tichuan, Hmalakna chak taka kal pui niin Building pawh luah theih tur a peih a ni ta a ni.
Calvary Bible College (CBC) New Building hi Mualpui, Salemveng Aizawl a awm niin April ni 24, 2024 Nilaini hian UPC North East India General Superintendent Rev. R. Lalrinsangan hawn na a nei ang.
———-
———-
LUNGLEI DISTRICT
ZEHTET FIELD TLAWH IN DISTRICT MISSIONS DIRECTOR ZIN CHHUAK:
District Missions Director Rev. C. Lalhriatpuia chuan Ni 13-14 April 2024 Pathianni hmangin Zehtet Field chhung Local hrang hrang tlawh in hun a hmang a, District Missions Treasurer, Sist. R. Khawngaihzuali, Sist. R. Lalnuntluangi, Sist. Lalhmangaihzuali Hmar ten tawiawmin, Ni 13 zan ah Mautlang Local ah Inkhawm pui in, Ni 14 Sunday zing ah Buknuam ah Inkhawm in Nikum leh kumina Member thar sengluh Mi 9 ten Isua hmingin Baptisma an chang a, Baptisma rawngbawlna hi Rev. C. Lalhriatpuia Missions Director in a nei a. Zan lam ah Zehtet Local ah Inkhawm in hun an hmang leh bawk.
———-
DINTHAR, TLABUNG A THAWK TURIN HOME MISSIONARY LA THAR:
April ni 16, Thawhlehni khan District Missions Executive Board chu District Missions Director Room-ah Director Rev.C.Lalhriatpuia kaihhruainain an thukhawm a, kumin chhunga Dinthar Local-a Home Missionary hna thawk turin Rbt.Hminghlumawia S/o Thanzuala (L) Rangte S Local chu an la.
Rbt.Hminghlumawia hi kum 29 a ni a, Bachelor of Theology (Bth) kal chhuak tawh niin, Dinthar Local-a awm tur hian May ni 1 ah Joining report a pe ang a, May ni 6 ah a awmna tur ah hian a pem lut ang.
———-
CHHIPPHIR BIAL PYD TEN THISEN UNIT 62 AN PE :
April ni 16 Thawhlehni khan Chhipphir Bial PYD (NEI)-te chuan Lunglei Civil Hospital tan Mualthuam Electric Local Sunday Scholl Hall-ah, thisen unit 62 an pe.
Chhipphir bial PYD te thisen pek hi Civil Hospital, Lunglei Blood Bank-a thawktuten an kal chilh a, thisen pek hma a hunserh tawi an hman naah bial PYD President Rbt. PC.Chuaudingliana chuan hun a kaihruai a, bialtu Pastor Lalengzauva chuan hunserh hmangin, Dr. Vanlallawma, Blood Bank Officer chuan thu a sawi bawk.
Thisen pe tur hian bial chhung Local hrang hrang, Chhipphir, Bualpui ‘V’, Mualthuam ‘N’ Electrict, Sekhum, Kanghmun ‘S’ atangin an kalkhawm a, thisen unit 62 petu te hi mipa 39 leh hmeichhia 23 an ni.
Chhipphir bial PYD (NEI) te hian hriat theih chinah tun kum 5 (2020-2024) chhung hian Lunglei Civil Hospital Blood Bank tan hian hetiang hian thisen an lo pe tawh a ni.
– Kum 2020-ah Unit 64
– Kum 2021-ah Unit 51
– Kum 2022-ah Unit 69
– Kum 2023-ah Unit 49
– Kum 2024-ah Unit 62
All Total Thisen Unit 295
Chhipphir bial PYD (NEI)-te hian Lunglei District PYD Conference in Blood Donation neih nise tia a lo rel bawhzui nan thisen hi an pe a ni. Thisen pek anih hnu hian Rbt.R.Lalrinzuala, Secretary Chhipphir bial PYD chu tawngtainain hun tawp a khar a ni.
———-
ZOBAWL BIALIN BIAL DEPARTMENT HRUAITU AN RUAT:
Bial thar, Zobawk Bial board hmasa ber chu April ni 13, 2024 Inrinni khan Rbt. V. Darțhuama In (Pastor Quarters atana hman lailawk) ah neih a ni.
Bial board hi bialtu Pastor Rev. C. Vanlalena’n a kaihhhruai a, bial chhung hmalakna țul hrang hrang leh Pastor Quarters hmun tur ngaihtuah tur Committee din a ni a, bial Department hruaitu tur te form nghal a ni.
Zobawk bial Board hmasa ber hi Rev. C. Lalrintluanga District Superintendent chuan telpui in bial centre a tan Zobawk Local chu hman anih tur thu leh bial hmasawnna tur ngaihtuah chunga ke kan pen a țul thu te a sawi.
Kum 2024 atana Bial Department hrang hrang hruaitu turte hetiang hian ruat an ni:
– MISSIONS DEPARTMENT:
Director: Upa C. Vanneihsanga (Dawn Local)
Secretary: Evan. Lianmawia ( Emmanuel Local)
Treasurer: Bro K. Lalțanpuia (Zobawk Local)
– SUNDAY SCHOOL DEPARTMENT:
Director: Evan. C. Lianchhunga (Zobawk Local)
Secretary: Upa R. Lalpekthara (Dawn Local)
Treasurer: Rbt. C. Lalhmunsiama (Zobawk, Vengthar Local)
– PENTECOSTAL YOUTH DEPARTMENT (PYD):
President: Rbt. C. Lalzawmdika (Zobawk Local)
Secretary: K. Lalnunhlimi (Dawn Local)
Treasurer: Rbt. Lalbiakenga (Emmanuel Local)
– LADIES AUXILIARY DEPARTMENT (LAD):
President: Sist. C. Zosangpuii (Dawn Local)
Secretary: Sist. C. Lalbiakdiki (Zobawk Local)
Treasurer: Sist. R. Lalmuansangi (Zobawk Local)
– PENTECOSTAL CHILDREN DEPARTMENT (PCD):
President: Bro. T. Lalnunfela (Zobawk Local)
Secretary: Sist. Lalchhanhimi (Emmanuel Local)
Treasurer: Sist. F. Lalfingkimi (Dawn Local)
– THIANGHLIMNA COMMITTEE:
Chairman: Evan. C. Lianhmingthanga (Zobawk Vengthar Local
Secretary: Rbt. R. Lalnunzira (Dawn Local)
Treasurer: Bro. R. Lalramdinthara (Zobawk Local)
———-
———-
AIZAWL EAST DISTRICT
District Missions Emergency board:
April 11, Ningani khan District Missions Department Emergency Board chu District Committee room-ah Rev C Lalmalsawma, District Missions Department Director kaihhruaiin neih a ni. He hun hi District Kohhranpui hruaitute pawhin telpuiin board member an kal tha hle a ni.
An thu passed langsar zualte:
1. Kum 2024 District Missions Department Conference E. Lungdar Biala neih tura ruahman chu remchan zawkna avangin Khawzawl bial-ah sawn nise tih a ni.
2. District PYD buatsaih Elpida Rehabilitation Centre fencing na tur District PYD in an dil na chu tha tih niin hruaitu ten hma lo la in lo bawhzui se tih a ni.
———-
Naupang Sunday School pualin hmun hrang hrangah hun hman a ni:
Zemabawk North Bial Sunday School Department Naupang Lang Camp hlawhtling taka neih a ni. Zemabawk North Bial Naupang Sunday School (Junior-Doctrinal Department) Lang Camp hi April 13, Inrinni zan atang khan Zemabawk West Biak In ah tan a ni. Lang Camp hi Bialtu Pastor leh District SS Director ni bawk Rev. C. Lalengliana’n hawnna a nei a ni. Speaker ah Rev. KVL. Hmangaihkima hman niin Pathian thu zirna hun tha tak an hmang a, hlawk thlak an ti hle a ni. Lang Camp hi April 14, Pathianni zan thleng khan hman a ni.
April 14, Pathianni chawhnu khan Bazar Bial Sunday School Department buatsaihin Bazar Biakinah Ruihhlo, Sex leh Social media tih thupuia hmangin Awarness campaign hlawhtling taka neih a ni. He hun hi Evan. Jerry Lalrinsanga chuan kaihruaiin Evan. HVL Chhanchhuaha’n hunserh a hmang a ni. Resource person-ah Evan. K. Lalmuansanga, District SS Secretary chu hman a ni. Programme hi Session hnihah then a ni a. 1st Session ah “Ruihhlo” thupui zir hmasak niin 2nd Session-ah “Sex leh Social media” tih thupui zirho leh a ni bawk. He hunah hian naupang leh zirtirtu mi 160 chuang kalkhawmin hlawhtling takin hun an hmang a ni.
April ni 13 & 14, 2024 hmang khan North Vanlaiphai Bial chuan Headquarters Biak inah Naupang Lang Camp an nei bawk a, speaker atan Evan. HK Lalhmangaiha hman a ni a, hlim takin hun an hmang a ni.
April ni 13, 2024 hmang khan Khawzawl Bial chuan Vengpui Biak inah SS zirtirtu seminar an nei a, Resource person atan Rev. JH Zahluna, General SS Secretary an hmang bawk a ni.
———-
Mithar leh Baptisma chang thar:
April 13, Inrinni khan Serchhip Ramthar ah Evan H Malsawmthanga rawngbawlna atangin mithar pahnih Kohhranah sengluh an ni.
April 14, Pathianni khan Khawhai Bial, Biate Kohhrana lawi turin mithar 1 sengluh a ni.
April 13, Inrinni zan khan Zohmun Bial, Zohmun kohhranah Members 4, Chhungkaw khat chu Bialtu Pastor Vanlalnghaka’ n sengluhna a nei bawk.
April 14, Pathianni chawhma inkhawmah khan Khawhai bial, Biate Kohhranah mithar pakhat sengluh a ni.
April 14, Pathianni zan khan Champhai Kahrawt bial, Chhungte ah mithar 4, chuungkaw khat chu bialtu Pastor F.Malsawmtluangan a lawmlut. Chhungte khuaah hian Home Evangelist Sist Ramdinmawiin rawngbawlna a nei mek a ni.
April 14, Pathianni chawhma inkhâwmah khân, Hnahlan bial, Vênglai Kohhrana lawi tûrin chhûngkaw khat, member 3 chu Evan.Lalzârzoliana Pârtê , Hnahlan bial Secretary chuan lawmluhna a nei.
———-
———-
NORTH MIZORAM DISTRICT
HRUAITUTE PROGRAMME:
United Pentecostal Church of North East India, General Conference vawi 56-na, North Mizoram District in a thlen turah Pandal sakna hmun Kolasib Vengthar chu North Mizoram District hruaitute’ n an tlawh
Nimin April ni 15 Thawhtanni chawhma khan, UPC (NEI) Gen. Confe vawi 56-na, North Mizoram District ten an thlenna tur Kolasib Vengthar Dist. Hruaitute’n an tlawh.
Kohhranhote’n Pandal sakna tura an ruahman hi Kohhranin hmun thar a lei niin; Pandal sakna turin hun engemaw chen kal ta atanga an lo laihzawl tawh a ni. Pandal hi April ni 10 Nilaini atang khan sak bul tan tawh a ni a, a satute hi Dharmanagar, Tripura Pandal sa thin mite an ni.
Pandal hi 100×75 ft-a liana sak niin; Stage tur 45×16 a zau an ruahman bawk.
Paldal sak thlen chinte thli thlaia kal District hruaitu Rev. K. Lalduhsanga, Supdt. Leh Rev. C. Lalmuanpuia, Dist. Treasurer te hi Kolasib town Pastor pahnih Rev. R. Lalnithanga, Kol Venglai Bialtu Pastor leh Rev. PC Laltlankima, Kol. Diakkawn Bial Pastor ten an tawiawm a, hemi bakah hian Conference Organising hruaitu pawimawh tak tak ten an tawiawm bawk.
District hruaitute hian Nimin April ni 15 vek khan, Kolasib hi an chhuahsan leh a ni.
———-
MITHAR NEIH REPORT:
Chawlhhmun Bial Zonuamah Mithar: April ni 13 Inrin zan khan Chawlhhmun Bial, Sakawrtuichhun Local-ah Pastor Bialtu thar Rev. K. Vanlaldika chuan a Bial fan hmasak ber ah member thar chhungkaw 1 Member 6 awmna chu E.F.C I. Kohhran atangin .U.P.C.(NEI) ah Lalpa Isua hminga lawmlut in Naute 1 ka hlan nghal a ni bawk.
He mi bakah hian April ni 14 Pathianni khan Chawlhhmun Bialtu Pastor Rev. K. Vanlaldika vekin Chawlhhmun Bial Zonuam Kohhrana lawi turin mithar Chhungkaw khat Mizoram UPC atangin a lawmlut bawk.
———-
Aibawk Bial, Muallungthu Kohhrana mithar:
April ni 14, 2024.Pathianni zing inkhawm ah District in Muallungthu khua-a rawngbawl tura dah, Evan. Lalramnunsanga Sailo chuan Muallungthu Kohhran a lawi tur in, Sist. Hannah Lalrinawmi chu Presbyterian Kohhran aṭangin Lalpa Isua hming in a lawmlut
———-
PenNet hmalakna bawhzui:
April ni 11-a PenNet Committee in ro a rel anga PenNet mamawh bungrua hrang hrang lei tur Zingah a pawimawh zual Dry Box, Still Camera, Tripod, Sound Card leh Audio bik khawihnan Computer tha tak an lei a, a tahtawlin mamawh hi lei belh zel a ni ang.
PenNet ina a lo rel tawh angin April ni 20 chawhma dar 10-a tanin PenNet Crew pualin training buatsaih thar a ni dawn a, heta tana inbuatsaihna pawh kalpui mek a ni bawk.
———-
UPC (NEI) NORTH MIZORAMA DISTRICT OFFICE-A THAWKTU BRO. C. LALBIAKMAWIA PENSIONA THLAH A NI:
April ni 12 (Zirtawpni) chhun Dar 12:00 khan NMD Office-a, Office enkawl (Chowkedar) hna thawktu Bro. C. Lalbiakmawia chu Kohhranin Dan a neih anga Pension hun a thlen avangin District ruahman angin a thlahna Programme District Office Committee room-ah neih a ni.
Inkhawm District Secretary Rev. C. Lalthantluanga’n hruaiin Pathian thu (2012 10 Dec – Thuhriltu 3:1-2 chhiarin engkim tan hun ruat a awm thu Bible in a sawi anga, Bro. Bma kum 12 zet Office-a hna thawkin mihring kuma kum 60 a tlin tak avanga Pension a lo hun chungchangah Pathian ruat a nih dan a sawi a, Bro. C. Lalbiakmawia chu office enkawl hna a thawh chhunga rinawm taka thawk mi a nih dan te a sawi.
He mi hnu hian ‘Aw Lalpa I malsawmna hlu” tih hla Dist. LAD President Sist. F. Rohlupuii B/w hla thlan sain Hunserh hlan tawngtai Rev. Lalruatkima Fanai, Dist. SS Director in a nei a, Sist. F. Rohlupuii, Dist. LAD President in Bro. C. Lalbiakmawia Pension thlahna hla mawi tak a rawn sa leh bawk.
He mi hnu hian District Superintendent Rev. K. Lalduhsanga thusawi tura sawmin a ni’n ‘Bro. C. Lalbiakmawia thlah tura mi sawm Dist. Dept hruaitu, Pastor kalkhawm leh Dist Office Staff te chibai bukin Office enkawltu Bro. Bma’n kum 60 a tlinna ni thleng a, Kohhranin Dan a neih ang a, Pension hun thlenga tha taka thlah theih a nih chungchanga a lawmthu a sawi a.
Kohhrana thawktute Sorkar Pension chhuak anga, sum leh pai tam tak tak chhuahpui tur kan neih ve loh dan te, Mahse Pathian rawngbawltu kan nih anga kan lawmna zawk chu Lalpaah a nih thu te sawiin, Bro. Bma hnathawhah lungawi thlak a tih dan te, sawiselna tur pawh zawng mah ila sawi tur a tam lovang tiin, a hnathawhah hian hlawh hmu tlakin a thawk a ni’ a ti.
Chairman in Bro. C. Lalbiakmawia thlahna thilpek pe duhte tan hun a hawng a, hetiang hian thilpek hlan a ni:-
1. District Kohhranpui aiawhin Dist. Supdt Rev. K. Lalduhsanga’n a pe a, hemi hnu hian District Treasurer Rev. C. Lalmuanpuia’n a sum chhuahpui tur hlanna a nei nghal
2. Staff Welfare aiawhin Sist. K. Lalrokimi
3. Missions Deptt aiawhin Evan. R. Lalthangchhuana, Missions Secy
4. Sunday School aiawhin Rev. Lalruatkima Fanai, Dist. SS Director
5. District LAD atangin President Sist. F. Rohlupuii B/w, Secretary Sist. Doris Lalrinsangi B/w, leh Treasurer Sist. Lalzuiliani B/w ten thilpek an hlan
6. Dist. PYD aiawhin Rev. B. Vanlalruata, Dist. PYD President.
Heng bakah hian Departmental hruaitu te, khawpui Pastor leh Office Staff mi 25 ten Bro. C. Lalbiakmawia Pension thlahna thilpek hi an pe bawk a ni.
Mimal a duh apiang thusawina hun hawngin heng mite hian thu an sawi bawk i) Rev. P. Vanlalfela ii) Rev. PC Lalfela iii) Rev. H. Zabiaka iv) Rev. Lalruatkima Fanai v) Rev. Lalremtluanga vi) Rev. B. Vanlalruata leh Office Staff aiawhin Bro. B. Vanlalhruaia.
Pensiona thlah mek Bro. C. Lalbiakmawia’n thu sawi bawkin Bro. Bma hian ‘A puala Pension thlahna hun District hruaitute’n an buatsaih chu phu lo a tihzia te, a puala thlahna hun hmang tura District Dept hruaitu te, Pastor rual te leh a thawhpui staff chungah lawmthu sawiin; thilpek hlu tak tak pek anih thuah a beisei phak loh dan te a sawi a, heng zawng zawng hi Pathian vang a ni a ti bawk. “Bro. Bma hian Ulcer a neih avanga a mawhphurhna a titha thei lovang tih hlauvi’n hetiang hian a tawngtai dan a sawi “Lalpa ka hna thawh hi kei leh ka chhungte hlawkna tur chauh a ni lova… I Ram leh I kohhran tan a ni tel a ni tih min hriat sak ang che” tiin, a tawngtaina Pathianin a chhanvsak thu pawh a sawi tel bawk.
Bro. Bma thlahna inkhawm hi Darkar 1:30 chhuang hman a ni a, “Aw Lalpa chungnung ber kan fak hle a che” tih hla sa in, Rev. C. Lalramthanga, Director Missions Dept chuan malsawm tawngtaiin inkhawm a tin a ni.
———-
Ladies Auxilliary Center (LATC) tan Dinthar Bial LAD ten Fridge an pe:
April 12/04/2024 (Zirtawpni) chawhma Dar 11:00 khan Dinthar Bial LAD te chuan North Mizoram District LAD buatsaih a thlawna puanthui zirna Ladies Auxilliary Tailoring Centre -a dah turin Fridge thar an pe.
Thilpek hlanna hun tawi Centre ah hmangin Dist LAD Treasurer Sist Lalzuilianin ṭawngtaina a nei a, thilpek hi Dist LAD President leh Dinthar Bial President ni bawk Sist F. Rohlupuii leh Dinthar Bial Treasurer Sist. Thanchungnungi te chuan Voltas Fridge tha tak LATC in a mamawh em em mai an hlan a, Dist LAD hruaitu Sist Doris Lalrinsangi, Dist LAD Secy leh Sist Lalzuiliani, Dist LAD treasurer ten an lo dawng a, Dist LAD hruaitute hian Dinthar Bial LAD te chungah lawmthu an sawi bawk a ni.
———-
BIAL PYD ZAIPAWL TEN TERM TAWP AN HMANG TA :
Pathian hruaina in Dinthar Bial PYD Zaipawl (2021-2024) te chuan an term tawp an lo thleng ve leh ta reng mai. Tun term hi kum 2021 November thla atanga ṭanin kum 2024 April thla hian an hmachhawp tepawh Pathian venna zarah an hlenchhuak ta e.
Ni 11.04.2024 (Ningani zan) zan khan Tuikual Biakinah leh NPSS Hall ah an term kharna hun an hmang a ni. Tuikual Biakinah thlalakhona te nei a hun an hman zawh hnuin NPSS Hall ah: tun term chhunga Pathian hruaina nasa tan an chan avangin lawmthu sawi a ṭawngtaina hun an hmang a, a duh apiang te tan thusawina hun te neiin leh zaihona te neiin hlim takin hun an hmang a ni.
Hemi zan hian Zaipawl Conductor nupui Sis. Chhantei leh Zaipawl Convener Bro. Lalruatkima te hnen aṭangin Zaipawl member zawng zawng ten thilpek an dawng bawk a, zaipawl member te an lawm takzet a ni.
———-
ARUNACHAL MISSIONS FIELD-A BIAK IN HAWN LEH FIELD CONFERFENCE HMAN CHAN CHIN CHHIN CHHIAH TLAK:
April ni 7 & 8 (2024) hmang a, Arunachal MF Conference hmang leh Biak in hawn Programme hmanga kal te Rev.C.Lalramthanga Director NMD, Evan. F.Lalsangliana, Treasurer Gen. Missions leh a driver, Evan Laldingliana Bairabi Bial director, Upa R.Kapdailova Reiek Bial Director, Sist Lalhlimpuii Dawrpui, T.Upa H.Lalthantluanga, Missions Driver, Bro Sawmzuala, Tuikual leh a driver, Sist Laltleipuii (Soloist), Bro Ramhlunsanga, Durtlang, Bro Lianhmingthanga Durtlang, Evan. Ramthanzauva Lunglei te an ni.
Field Conference-a kalte zingah Arunachal Mission Field-a tih tur tam tak awm te, General Missions hruaitute’n tar langin mimal leh kohhran atanga lo bitum theitu tur zawn a ni a, heng mite hian hetiang hian Field tanpuina turin an feh chhuak.
Thilpek petute Heng kan unau Ramthim hmangaiha Conference hman pui tute hian field tan tiin thil hnut chhiah nei ngei a haw an tum hi a van lawmawm thin em! Field tana luang chhuak te,
Bro. Lalsawmzuala Tuikual chuan Jelly tan Rs 1,00,000
Bro. H.Lalthantluanga & family ten Papikrung tan 57,600
Bro Ramhlunsanga & Bro. Liangmingthanga Durtlang ve ve ten Dapo tan Rs 1,00,000
Reiek Bialin Karo Kohhran tan Rs 33,200
Bairabi Bialin Chengo Kohhran tan Rs 25,000 thawh turin an in tiam hlawma, a lawmawm hle a ni.
Rehmang Biak Rev. C. Lalramthanga, Director, Missions Dept, NMD in a hawn takah Rs 9,00,000 bawr vela sak niin, he Biak in pual hian NMD Mission Dept chuan Rs. 3,00,000 vel a thawh bawk a ni.
Conference hman zawh an haw kawngah pawh Kaying Quarter thutthlengsei lei nan Ev Laldingliana leh Upa R Kapdailova te chuan Rs 2,000/ ve ve pe in, Bro Lanhmingthangan Rs 1500/ a pe bawk a ni.
Facebook