AIZAWL EAST DISTRICT
Sunday School Seminar:
August 15, Thawhlehni khan Thingsulthliah Biakinah Bial Sunday School Department buatsaihin Zirtirtute pualin Seminar hlawhtling taka neih a ni. “Zirtitute mawhphurhna” tih thupui a hmangin Seminar hi neih a ni a, Resource Person-ah Rev. C Lalengliana hman a ni. Hun bulah tawngtaina Upa Lalchhanhima Zote, Director Sesawng local Sunday School in a nei a, Bial Sunday School Secy. T/Upa H. Malsawmtluanga’n report pe in Introduction leh Local hrang hrang atanga kal te in chhiarna neih a ni. Thupui, Zirtirtute mawhphurhna tih chu hlawm pawimawh hrang hrang a thenin zirhona neih a ni a, sawihona hlawk thlak tak neih a ni bawk. He hunah hian Bial chhung atangin mi 60 zet kal theiin, hlim takin hun an hmang a ni.
———-
Thingsulthliah Bial:
Dt.12.8.2023 Inrinni khan Evan. C Thanchhunga te chhungkuain Pathian chawimawia an nei a, Speaker-ah bialtu Pastor. Rev. C Lalengliana hman a ni.
Zan atanga a tuk Pathianni zan thleng Revival a hman chhunzawm niin, Rev. C Lalrammuama, Thenzawl Bial Pastor, Rev. C Lalengliana Thingsulthliah Bial Pastor leh Evan. Vanlalhruaitluanga ten rawngbawlna an nei. PYD atangin malzai ngaihthlak thin a ni bawk. Thu leh hlaa rawngbawltu te Lalpan mal a sawm hle a, Thlarau lam hla te nen hun hlimawm tak hman a ni.
Mi pakua(9) in sual ngaihdamna Baptisma changin, Nau pathum(3) hlan a ni a, Mithar chhungkaw hnih(2) atangin member pasarih(7) te Kohhran dang atangin bialtu Pastor-in a senglut a ni.
———-
Bazar Bial Report:
Bazar bial,Bazar kohhran ah Evan HK.Lalhmangaiha leh a team ten ni 9.8.2023 atang khan rawngbawlna neiin an rawngbawlna Lalpan nasa takin mal a sawm a. Ni 12.8.2023 (Inrinni) ah naupang lang camp siam a ni a, mi 11 laiin Thlarau thianghlim baptisma an chang thar. Heng bakah hian kohhran ah harhtharna nasa tak thlengin Thlarau dawng ngai lo eng emaw zatin an dawng thar bawk a, a ropui takzet a ni. Evan HK.Lalhmangaiah te team hian hian August thla chhung zawng Bazar bial ah rawngbawlna an nei dawn a ni.
———-
Dist. Missions Conf. thlenna tur buatsaih mek:
Kumin 2023 October 27 atanga 29 chhunga Aizawl East District Missions Department Conference thleng tu tur, Sakawrdai bial te chuan inbuatsaihna an kalpui mek a, hemi atan hian August 16, Nilaini khan Bial huap in hnatlang an nei. Hnatlangah hian Slab chhun niin Bial chhung atangin mi 100 Chuang an thawk chhuak a, Slab 70×30 ft a zauva chu chhunzawh nghal vek a ni. District Missions Conference hi Bial Hqrs. Sakawrdai hmunah thlen tur niin Conference an thlenna tur atan hian inbuatsaihna chak taka kalpui mek zel a ni a, Conference kaihhnawih Sub- Committee peng hrang hrangte pawhin an hma zawn theuhah chak takin hma an la mek bawk a ni.
———-
Mithar leh Baptisma chang thar:
Zemabawk Bial, Zemabawk Kohhranah August 15, Thawhleh zan khan member 4 chu Kohhranah sengluh an ni. Zemabawk Vengpui ah hian Evan C. Lalruatsanga (N.Mizoram District) leh a team ten rawngbawlna an nei mek a ni.
August 13, Pathianni khan Rabung Bial, Pamchung Kohhran-ah Member 2 te chu Kohhranah sengluh an ni. Sengluhna hi Evan Lianhnuna’n a nei a ni.
August 13, Pathianni vek khan Zemabawk Bial, Lungbial Kohhranah Mithar 26 (Chhungkaw 4) chu Kohhranah sengluh an ni bawk. Pathianni Chawhma inkhawm banah Baptisma rawngbawlna neih a ni a, Mi 7 in Isua hmingin Baptisma an chang bawk. Lungbial ah hian Evan JH Lalhminghlua leh a team (Apostolic Revival Team) ten rawngbawlna an nei a ni.
Rammut programme hman mek ah Evan R.Lalrinthanga, Upa F.Lalhmingthanga, Bro Lalrindikate chu Murlen kohhran ah an rammu a, an rawngbawlna Lalpan malsawm in Rabung Bial, Murlen Kohhran a lawi turin member pakhat chu Kohhranah sengluh a ni.
Rabung Bial, Saichal Kohhran a lawi turin mi pakhat chu Evan Lalrinsanga’n Kohhranah sengluhna a nei bawk.
August 13, Pathianni chawhnu inkhawm ban khan Bethlehem Bial, Bethlehem Vengthlang Kohhranah mi 3 in Sual ngaihdamna Baptisma an chang a. Bialtu Pastor, Rev T. Lalbiakliana chuan rawngbawlna hi a nei a ni.
Baptisma chang te hi Kohhran dang atanga lolut, Dt 24.6.2023 zana Bialtu Pastorin a sengluh tawhte kha an ni. Bethlehem Vengthlangah hian Bro. Lalrinnunga Riangtlei te chuan rawngbawlna an nei a ni.
———-
Hruaitute Programme:
Rev R. Laltlankima, District Secretary chuan Khawzawl District chhunga Kohhran ram hrang hrang teh fel turin hun a hmang mek a, ruahmanna ang chuan thla thar-ah Aizawl a let leh ang. District Secretary hian Khawzawl District chhunga Local hrang hrang ram teh fel hna an thawk dawn a ni.
Rev. H. Lalropuia, District Treasurer chuan August 20, Pathianni hmanga Hnahlan Bial ten Revival Crusade an hmanah Speaker-ah tangin rawngbawlna a nei a, Inrinni khan Seminar neih niin Resource person-ah a tang bawk a ni. Ruahmanna ang chuan Thawhtanni-ah Aizawl a let leh ang.
———-
———-
NORTH MIZORAM DISTRICT
UPC-NEI (NMD) LITERATURE COMMITTEE THUKHAWM :
UPC-North Mizoram District Literature Committee chuan Aug ni 17 Ningani chawhma dar 10:30Am khan kum 2024-a Nilai Thupui zirtur Edit hna an thawk.
Kum 2024 Nilai Thupui zirtur hi Thupui hlawm 9-ah thenin heng thupui hlawm 9 te hi kumkhat chhung Nilai zana zir daih turin thupui buatsaih leh a ni a, hengte hi Literature Board te hian uluk leh zau taka zir nawnin editing hna hi an thawk a ni. Thupui hlawm then leh a ziaktute:
1. Serh leh Sang pawimawhna – Evan. K. Vanramngaia
2. Thlarau rah leh Thlarau thilpek Khaikhinna – Evan. Lalchhuanmawia Sailo
3. Kohhrana hruaitute mawhphurhna – Upa Lalremliana
4. Bible-a mi hmingtha te – Upa HJ Ronghinglova
5. Kohhran humhimna – Rev. Chhiarpuia
6. Rawngbawlna hlen – Rev. C. Lalhmunliana
7. Lal Isua lokal lehna – Upa David R. Lalsawmtluanga
8. Bible Rintlakzia – Rev. K. Lalthazuala
9. Kohhran leh IT – Pastor PC Lalrokima
Editing kaihhruai hna hi Literature Board Chairman Rev. K. Lalduhsanga’n a kaihruai a, Board member te pawh an kal tha hle a, District hruaitute’n an ho kim thei bawk…
———-
Missions Department OB meeting nei:
North Mizoram District Missions Department chuan Aug ni 17 chawhnu dar 2:00 Pm-ah OB meeting neiin; 2023 North Mizoram District Conference Sumsuih Biala neih tur chungchangah District atanga inruahmanna neih tur awmah thil peih thawhkhat tawh niin; Conference thlenna tur hmun pawh hun remchang hmasaah tlawh an rel. Hei bakah hian District Missions Conference neih turah Missions Field atanga member a tam thei ang bera an kal theih dan tur ruahmanin Item nei tura District in a ruat te bakah Field member kal thei tur te an kalna TA & DA hawn ni leh kal ni tum sak rem tih a ti. Tin, General Missions Department in a ngenna angin NMD Hruaitute’n Gusaigaun Section Matiapara Field Conference neih turah harsatna dang a awm loh chuan hmanpui ngei tura inbuatsaih nise an ti bawk.
NMD OB Meeting hi District Missions Director Rev. C. Lalramthanga’n a kaihruai a ni.
———-
Ram lak thar te:
Persang kohhranah mithar nei: Aug ni 16 Nilai zan khan BBC kohhran atangin Chhungkaw khat member 3 te chu Damparengpui Bial UPC-NEI Persang kohhran member ni turin Lalpa Isua hmingin lawm luh an ni. Member thar te hi kan Missionary Sist Biakzualin Isua hmingin lawm luhna a nei a nei a ni.
———-
West Phaileng Bial Rammut Programme-ah mithar neih a ni:
Electric Kohhran, W. Phaileng Crusade-ah Aug ni 15 thawhlehni zan khan Presbyterian kohhran atangin Member thar pakhat lawm luh a ni. Member thar lawmluhna hi Bialtu Pastor K. Ainawna’n a nei a, kohhranhote an lawm hle. Tin hemi ni hian Pathian Chawimawina Upa VL Mawia te chhungkuain an nei bawk.
Aug ni 20 Pathianni hian Electric veng, Mauchikkawn ah Mual inkhawm buatsaih leh tum a ni. Mual inkhawm hi Rammut thla chhung Pathianni apiangin chawhnu dar 2:00pm ah neih an ruahman a ni.
W.Pheileng Bial ten Rammut Crusade neih ah hian Kohhran dang chhimtu an nei tha hle a, Mual inkhawm an neih pawh hlutsaktu an ngah hle thin a ni.
———-
RAMMUT PUAL CRUSADE MUALLUNGTHU KOHHRANAH NEIH A NI A, MEMBER THAR 2 LAKLUH A NI:
Aibawk Bial Kohhranpui buatsaih Revival Crusade, Rammut thla puala Dt. 1 – 13 August, 2023 a Muallungthu Kohhran neih chu Pathian thlarau thianghlim awmpuina nen hlawhtling leh tluang taka neih zawh a ni. He crusade ah hian Evan. T. Vanlalruata (Apostolic Revival Team) chu speaker-a hman a ni.
Crusade hi August ni 1 (Tue) zan ah tan niin Bialtu Pastor, Pastor PC Lalrokima’n Crusade hawnna a nei a, zan lamah Kohhran inkhawm leh Home Crusade te neia hun hman a ni. Crusade neih chhung hian Aibawk Bial PYD Zaipawl, Hualngohmun Kohhran Zaipawl, Bro. Lalhriatkima leh Sist. Vanlalneihpuii ten zaia rawngbawlna an nei a, Bial chhung local hrang hrangte bakah Durtlang Local atanga tawiawmtu te nen hun hlimawm tak hman a ni.
Crusade neihna atang hian member thar 2 (Presbyterian Church atangin) neih belhin August ni 13 (Sun) zing inkhawmah Speaker in Kohhranah a lawm lut a, thlarau boruak nuam tak nena hun hmang hovin Muallungthu kohhran enkawl mektu Evan. Lalramnunsanga Sailo in zan inkhawmah tawngtainain Crusade kharna hun a hmang.
He Crusade a hlawhtlinna tura tualchhung inpekna a ropui hle a, Bial Kohhranpui leh Department hrang hrangte tawhhona tha tak zarah tluang taka hman theih a ni. Rammut pual Crusade thawh hnihna hi Dt. 23-27 August, 2023 hian Kelsih Kohhranah neih leh tura ruahhmanna kalpui mek a ni.
Rev. Lalhmingthanga, USA Chin Pastor-in Chaltlang Kohhranah rawngbawlna nei: Aug mi 13 Pathianni zan khan NM District lam ruahmanna angin Rev. Lalhmingthanga, USA Chin Pastor chuan Chaltlang Kohhranah rawngbawlna neiin Rev. C. Lalthantluanga, District Treasurer-in a kalpuia, Gen. Choir ten zaia rawngbawlna an nei bawk, inkhawm hi Rev. P. Vanlalfela, Bialtu Pastor-in kai hruaiin rawngbawlna hi kohhran mipuiin an hlutin thusawiin mi rilru a hneh hle a ni.
———-
Bukvannei Kohhran te an lawm:
Aug ni 12 leh 13 hmang khan Kolasib venglai Bial Missions Dept Director Evan David Zothansanga Ralte leh T.Upa Pc.Lalrinhlua te’n rammut thla pualin Bukvannei PP tlawhin Kohhran in tinah ṭawngṭai rawngbawlna te neiin hun an hmang a. He an rawngbawlna hian Bukvannei kohhranah nghawng tha tak neiin, kohhranhote an lawm hle. Inrinni zan leh Pathianni zing inkhawmah Evan David Zothansanga Ralte chuan hun hmangin Pathianni zanah T.Upa Pc.Lalrinhlua’n hun hmang ve thungin anni hnen aṭang hian Kohhran hote’n Pathian thu ṭha tak tak ngaithlain Kohhran hote’n an hlawkpui hle a ni.
———-
Meidum-ah Mithar nei:
Aug ni 13 Pathianni zan khan Bairabi Bial chhûnga Meidum Kohhrana lawi turin Evan.VLMS Dawngkima, Meidum tirhkoh chuan member 26 a lawm UPC-NEI kohhrana lawi turin Lalpa Isua hmingin a lawm lût.
Heng mithar te hi UPC (NEI) member sa mi 14, RPC (Reform Presbyterian Church) atangin member 1, leh Evangelical Church Association (ECA) atangin mi 11 lawmluh an ni a. Naupang 5 Pathain hnenah hlanna neih nghal a ni bawk.
———-
NMD Missions Field ah member 9 neih a ni:
Aug ni 13 Pathianni khan NMD Missions Dept enkawl field 3 atangin thawktu Missionary te kaltlangin Lalpan mithar 9 kohhranhote a pe a, heng Field te hi Rengdil Bial chhunga awmte an ni.
1. Tumpanglui ah Mi thar 5.
2. New Eden 3
3.Kolalian ah 1.
Heng kan field 3 te hi Rengdil bial chhung ami te vek niin; New Edenah Ev.Remruatkima thawktu niin; Kolalian ah hian Ev Lalhmangaihzuala te an thawk a ni.
———-
MAUBAWK LOCAL-AH RAWNGBAWLTU CAMPING NEIH A NI:
Dt.10 & 11, August, 2023 zan khan Maubawk Local-ah Rawngbawltu Camping neih a ni a, thupui atan ‘Rawngbawltute mawphurhna leh Thlarau lam rawngbawlna’ tih hman niin, he camping hi Kohhrana rawngbawlna leh chanvo nei chinte intuaitharna atana hman a ni.
Resource person atan Bialtu Pastor Rev. R.Lalhmangaiha leh Local Secretary Upa Lalroluaha te rawih an ni a, an kaihhruaina hnuaiah paper present hmangin he camping hi neih a ni a, Kohhrana rawngbawlna leh chanvo nei chinte mawhphurhnate leh Thlarau lam rawngbawlna te zirho a ni a, kohhran mipuiten kan hlawkpui hle a ni.
———-
Zemabawk Vengpuiah Crusade:
July ni 10, 2023 atang khan Zemabawk Vengpui PYD bul tumin Zemabawk Vengpuiah Crusade neih a ni. He Crusade-ah hian Evan. C Lalruatsanga, N. Mizoram District Tirhkoh Ramtlan chu speaker atan rawih a ni a, ani hi member dang 5 te, 6 ten an ṭawiawm ngar ngar a, zaithiam Sis. Lalfakzuali, Sis. Lalhriattluangi leh Sis. C Lalhminghlui ten an ṭawiawm ṭhin bawk.
Kar khat awh tura PYD Crusade buatsaih hi kohhranin chhunzawm nghalin Pathianniah Chawimawina ruai ṭheh zel a ni a, August chawlhkar khatna kha chawlh a ni zet a, a dawt leh kârah chhunzawm lehin Crusade hi August ni 20, 2023 thleng atan pawh sei a ni.
PYD te hian 2023 project atan Crusade neih ni se tiin ruahnanna an nei a, Chawimawina ruai siamna tur leh senso dang atan sum eng emaw zat crusade atan hian an dah a ni.
A tirah kar khat awh turin PYD Crusade hi ruahman a ni a, Thlarauvah harh tharna thleng thar zelin kohhranin a chhunzawm ta a, PYD Chawimwina ruai siam bakah kohhran sum aṭanga ruai buatsaih a ni leh a, he mi zawh hian LAD ten Chawimawina hi pe lehin a dawtah Sis. Lalramliani Sailo ten pe lehin a tawp leh a ṭum 5 nan Kohhran mipui thawh khawm atangin Chawimawina ruai hi siam leh tura ruahman a ni a, he Chawimawina hi August ni 20, 2023 hian ṭheh a ni ang.
Evan. C Lalruatsanga ruaia Crusade neih chhung hian Baptisma chang mi 21 awm tawhin, Thlarau Thianghlim dawng thar ṭhahnem tak an awm bawk a, Salvation Army atangin chhungkaw khat, member 4 awmna lawmluh an ni tawh bawk. August ni 20 hian baptisma khur hawn leh a ni ang.
———-
———-
LUNGLEI DISTRICT
P.S.M. COMMITTEE:
August ni 15, Thawhlehni chawhnu dar 2 khan Pentecostal Social Ministry (PSM) chu an Chairman Rev.PC. Lalfakawma kaihhruainain, District UPC Office-a Treasurer Room-ah an thukhawm a, an rorel pawimawh zualte:
1.Rualbanlo tanpui ngai, dilna mi 2 lo lut a awm a, pawm a ni.
2. Pa khawi training Hnahthial ah buatsaih nise, Farmers training Zawlpui ah buatsaih bawk nise.
3. Khawpui chhunga PCD leh PYD-te pualin ruihhlo that loh zirtirna buatsaih nise.
4. Rescue Centre hmun tur hi a ranglama ngaihtuah nise, kohhran chhungkua ah ruihhlo ngai awm zat Survey neih nise tha tih a ni.
5. Chhiat tawkte tanpuina kan inpek mek hi ennawn nise, hruaituten ruahmanna thar siamin kum thara hman theih turin lo ruahman se.
6. PSM Tailoring Centre 2nd Batch-te Closing Function hi September ni 28 nise tha tih a ni.
———-
THIANGHLIMNA CAMPAIGN
August ni 13 Pathianni hmang khan District thianghlimna Committee-te chuan Chhipphir bial Mualthuam N Electrict Local-ah thianghlimna Campaign an nei.
Campaign nei hian Upa.C.Malsawmkima Upa.C. Lalfakzuala Rbt.H. Lalhmingmawia leh Upa Th.Lalropuia te an kal a, zing inkhawm ah hian Upa.C.Lalfakzualan inkhawm kaihruai in Upa.C. Malsawmkiman Pathian thuchah sawi na a nei a, zan lam inkhawm ah Rbt.H.Lalhmingmawian inkhawm kaihruai ve thung in Upa.Th. Lalropuian Pathian thuchah sawi na a nei ve thung a ni.
He hun ah hian Chhipphir bial Thianghlima Committee Treasurer Rbt. Rohmingthanga leh rawngbawlpui dang ten Sekhum Local a tang in an lo tawiawm bawk a ni.
———-
LUANGMUAL BIAL PYD TEN THISEN UNIT 17 AN PE :
August ni 11, Ningani khan Luangmual Bial PYD-te chuan Lunglei Civil Hospital tan thisen unit 17 an pe.
Lunglei District PYD Conference in Blood Donation neih nise tia a lo rel bawhzui nan Luangmual bial PYD-te hian thinsen hi an pe a, Lunglei Civil Hospital, Blood Bank-ah he hun hi hman a ni a, thisen pek hma hian hunserh tawi hman a ni a, he hun hi Bial PYD President Rbt. Lalhmangaihzuala chuan a kaihruai a, Dist.PYD Fin.Secretary Rbt.R. Lalsanglura chuan a telpui bawk. He hunah hian Blood bank, Civil Hospital Lunglei thawktute atangin thusawi ngaihthlak a ni a, bial PYD Secretary Rbt.B.Lalrozama chuan hunserh a hmang. Thisen unit 17 petu te hi mipa 15 leh Hmeichhia 2 an ni.
———-
PCD RALLY:
August ni 20 Pathianni hian Rahsiveng bial PCD Rally vawi 10-na chu Vanhne Local Biak Inah neih a ni dawn a, he Rally ah hian bial chhung Local hrang hrang PCD ten intihsiakna an nei ang.
Intihsiakna tur hi Solo (Mipa & Hmeichhia), Elocution, Group zai, Worship Dance te a ni ang.
———-
MI THAR :
August ni 13, 2023 Pathianni zan khan Zehtet Local-ah Mi thar pali (4) Chhungkaw khat (1) Seventh Day Adventist atangin, UPC NEI Zehtet Kohhran a lawi turin Evan. R. Lalrokhawma, Zehtet Home Missionary in a lawm lut. Hun remchang hmasa ber ah Nau hlan leh Baptisma rawngbawlna neih leh tur a ni ang.
Facebook