GENERAL HRUAITUTE PROGRAMME:
General Superintendent Rev. R. Lalrinsanga chuan September ni 2 Inrinni hian Barak District Board hman puiin Sept. ni 3 Pathianni ah Hmar khawlian District Headquarters ah rawngbawlna a nei ang. UPC North East India General Superintendent hian Barak District chhunga Relief Camp hrang hrangte tlawh kualin tanpuina a hlan bawk dawn a ni.
General Sunday School Director, Rev. Biaksangzuala chuan September ni 1 Zirtawpni a Khawruhlian Bial, Aizawl East District ten GOlden Jubilee an lawmna ah hmanpuiin rawngbawlna a nei a ni.
———-
2023 BEIHRUAL INKHAWM
UPC North East India hnuaia Tualchhung Kohhran hrang hrangte chuan September ni 1 Zirtawp zan a tang khan Beihrual Thupui an zir tan.
Kummin Beihrual thupui zirtur hi UPC North East India Literature and Publication Board buatsaih a ni a, a bu hmingah, “Ramthim rawngbawlna” tih niin Rev. K. Satinvela ziah a ni. A bu chhungah hian bung 20 awmin, North East a Chanchintha rawn thlen dan te, NEI UPC lo din dante leh Field hrang hrang chanchin bakah Raawngbawlna kawnga Kohhran hmalak dan tur hrang hrang te ziah lan a ni.
Literature and Publication Board Chairman Rev. Zohmingthanzama chuan he lehkhabu “Ramthim rawngbawlna” kaltlang hian Ramthim rawngbawlna kawngah kohhran mipui ten hlawkna tam tak kan neih theih nan duhsakna hlanin, inbuatsaihna tha tak nen uluk taka zir theuh turin Kohhran hote min ngen bawk.
———-
GENERAL PYD | ENVIRONTMENT RALLY
September ni 2 Inrinni Zing Dar 6:30 khan General PYD Environment Protection Committee buatsaih in Aizawl Khawpui chhung kawngdung bawlhlhawh chharfai hnatlang Environment Rally neih a ni.
He hun ah hian Aizawl Khawpui chhung a Bial hrang hrang PYD member te chu hlawm hnih ah in thenin Hmarlam Durtlang Bial, Chaltlang Bial, Hunthar Bial, Dinthar Bial, Bazar Bial, Bawngkawn Bial, Chawlhhmun Bial, Thuampui Bial, Zemabawk Bial leh Zemabawk North Bial ten Millenium Centre kawt a tanga bul tanin kawngdung bawlhlhawh an chharfai a, chhim lamah Sikulpuikawn a tanga tanin Upper Republic Bial, Headquarters Bial, Tlangnuam Bial, Maubawk Bial, Bethlehem Bial, Mualpui Bial ten kawngdung bawlhlhawh chharfai hnatlang hi an nei bawk. Vanapa Hall kawt ah in tawk khawmin hun tawp hman a ni a, Pu T.J. Lalnuntluanga, Environment, Forest & Climate Change changtu Minister chuan he hun hi a hmanpui bawk a ni.
———-
———-
CHHIMTUIPUI DISTRICT
CRUSADE HLAWHTLING TAKIN NEI :
Evan.N.Thanghnuna District Evangelist leh a thiante chuan Ni 16.8.2023 atang khan Council Vaih Local Siaha ah Crusade neiin kohhran ten malsawmna nasa tak an dawng a, Upa N.Beimo te chhungkua in Pathian chawimawi neiin, Ni 22.8.2023 atangin chawimawi programme in chhunzawm a ni a. Khawpui chhung Local hrang hrang atang pawh chhimtu an tha thin hle a ni.
———-
NIAWHTLANG LOCAL TLAWH :
Ni 25-27.8.2023 hmang khan Siahatla LAD te chuan Niawhtlang Local tlawhin hun hlimawm tak an hmang. Siahatla atang hian Member 33 kalin Pastor J.Chawnthanga Sr Advisor in a tawiawm bawk. Niawhtlang kohhran ten Inrinniah Vawk talhin tisa leh thlarau lam ruai nen hun hlimawm tak an hmang a ni. Programme hman chhung hian Niawhtlang zaithiamte leh Siahatla zaithiam ten zaiin rawngbawlna an nei thin a ni.
———-
SANGAU II LOCAL TLAWH:
Ni 25-27.8.2023 hmang khan Cherhlun Bial PYD te chuan Sangau II Local te tlawhin hun hlimawm tak an hmang.Cherhlun Bial atang hian PYD member 68 lai an kal a, Pastor K. Lalnunpuia Cherhlun Bialtu in a tawiawm bawk a ni. Speaker atan Pastor Lalnunpuia hman ani a,Pathian thu nung tak ngaihthlak thin a ni. Ni 26.8.2023 khan Sangau II Kohhran ten ruai an buatsaih sak chu hlim tak a kilho a, he hun tawite hman chhung hian Thlarau Thianghlim Baptisma chang tharte awmin, siamtharna chang mi engemaw zat an awm bawk a ni.
———-
SOUND SYSTEM THAR NEI:
Sangau I Kohhran ten Pathian malsawmna dawngin Sound System Rs.140,000(nuaikhat leh singli) man athar an nei. He Sound System thar hi Sist.B.Lalthachhinsangi (Machhini) tun a USA a Pathian rawngbawla hun hmang mek in a rawn lei sak a ni.Sangau I Kohhran ho ten Pathian leh Sist.Lalthachhinsangi hnen ah lawmthu an sawi tak meuh meuh a ni.
———-
PASTOR QUARTERS SAK MEK TAN SPONSOR AN PUNG ZEL:
Sangau Pastor Quarters Building Board hmalakna te, Chhimtuipui District Kohhranpui tanpuina te leh Sangau Bial chhung Kohhran hote tan hona zarah Pastor Quarters Building pawh sak pum a lo ni ve ta. Pastor Quarters saknaah Kohhran hoten malsawmna an dawng thar zel a, heng Unaute hnen atang hian Quarters rawng hnawihna tur sponsor hmuh tawh a ni.
1. Bro. Tialliana USA- Rs.5000
2. Sist.Dingpuii UK-. Rs.5000
3. Sist.Lynda China. Rs.5000
4. Upa.V.Lalremliana. Rs.5000
5. Upa.HC Ramtinuka.Rs.5000
6. Rev.V.Lalhlimpuia. Rs.5000
———-
BUALPUI ‘NG’ LOCAL AH RAWNGBAWLNA NEI :
Ni 26.8.2023 Inrinni khan Gospel Crusader team te chuan Bualpui Ng Local an tlawh. Speaker atan Evan KVL Tanmawia Team leader chu hman a ni. Gospel Crusader team te hi an vaiin mi 26 an ni a, an rawngbawl chhung hian inkhawmna leh zaikhawmna in hun hman thin a ni a, thlarau lam malsawmna nen hun hlim takin an hmang a ni. Tin, Bualpui Ng kohhran ten mikhual pualin chawlhni tlai lam zanriah tuihnai tak an buatsaih sak bawk. He rawngbawlna kaltlang hian Bualpui Ng kohhrannho ten malsawmna tam tak an dawng a, an lawm hle a ni.
———-
KOHHRAN DIN LOHNA A KOHHRAN DIN NGEI TURIN HMA LA:
District rorelna bawhzuiin Kohhran din lohna a, Kohhran din ngei tumin Evan.Jona Lalrintluangan Lungzarhtum ah rawngbawlna a nei mek a, Evan.P.Lalrintluanga leh Dr.Aichhunga ten Siachangkawnah, Evan.T.Lalhmingthanga leh Evan.Khachin ten Phalhrangah, Evan.Lalthafamkiman Ramibawkah te rawngbawlna an nei mek a. Kohhran pawh din ngei beisei mek a ni a, emergency District board chuan thla khat chhung hun pawt sei leh in, September thla hian rawngbawlna an la nei chhunzawm leh dawn a ni.
———-
RAM MUTNA HMUN AH LUANG CHHUAK:
Ni 27.8 2023 Pathian Ni khan Rbt.M.Chiadung MDC(Chairman,Town Planning Committee), Rbt.C.Sangmawnga leh Sist.Lalhmingmawii College Veng te chuan Siachangkawn a ram mu mek Rbt.Dr.Aichhunga leh Evan.P.Lalrintluanga te an va tlawh a. Tawngtai sakna te neiin an thlen in te hnenah hmangaih thilpek Rs.3000 lai an hlan bawk a ni.
———-
AILORING TRAINING CENTRE ATAN KHAWL DONATE:
District LAD Tailoring Training Centre tan Pastor L.Nghakliana S.Lungpher Bialtu Pastor te chhungkua chuan khawl pakhat(Rs.11000) an donate. Ti hian miin phalte hnen atangin puanthui khawl 4 an nei ta a ni.
Puanthui khawl hi hmangaih kal tate hriatreng nan an pual a donate te, chhungkaw hmang a donate te leh inneih anniversary emaw Birthday pual a donation pek theih reng a ni.
———-
———-
LUNGLEI DISTRICT
TRAINER’S TRAINING BUATSAIH :
August ni 26, Inrinni chawhma dar 11 khan General Sunday School Department leh National Tobacco Control Programme, National Health Missions tangkawpin an buatsaih Trainer’s Training chu Lunglei District UPC Conference Hall, Chanmari-III ah Lunglei District chhunga Sunday School Department-a mawhphurhna neitute pualin buatsaih a ni.
He Trainer’s Training hi chhawng hnihin then a ni a, 1st Session hi Evan.PC.Zosangliana, Director Sunday School Department, Lunglei District chuan a kaihruai a, Evan.C.Lallawmsiama, Pukpui bial Sunday School Director chuan hunserh hmangin District Superintendent Rev.C.Vanlalena chuan thu tawi a sawi.
General Sunday School Director Rev.Biaksangzuala chuan Evan.F.Lalhmangaiha ziah ‘Zirtirtu puitu’ tih lehkhabu Pukpui bial Sunday School Department-te buatsaih chu a tlangzarh a,hemi hnu hian Ruihhlo, Zuk leh hmuam that lohna tih thupui hmangin Pu Vanlalruata, Social Worker National Tobacco Control Programme, Lunglei District chuan zirtirna a pe a, Sist.Lalromawii chuan zaiin rawngbawlna a nei bawk.
2nd Session hi Lunglei District Sunday School Secretary Evan.R.Ropianga chuan a kaihruai a, Bro.PC.Lalrinsanga chuan zaia rawngbawlna neiin ‘Zirtirtu tana thil pawimawh te’ tih thupui hmangin Rev.Biaksangzuala, General Sunday School Director chuan zirtirna a pek bakah General Sunday School Treasurer Evan.R.Lalbiakfela chuan Sunday School Awarness Campaign a nei bawk.
He hun ah hian Lunglei District Town Area chhunga bial leh Local Sunday School hruaitute bakah zirtirtute mi 140 chuang an kal khawm a, General Sunday School Department hruaitute an tel kim bawk.
General Sunday School hruaitute hi August ni 27 Pathianni chhun leh zan khan khawpui chhung Local hrang hrangah hetiang hian rawngbawlna an nei chhunzawm bawk.
– Rev.Biaksangzuala, Director chu chhun lamah Luangmual Local-ah inkhawmin Zan lamah College veng Local-ah a inkhawm a.
– Rev.JH.Zahluna, Secretary chu chhun lamah Rahsiveng Local-ah inkhawmin Zan lamah Farm veng Local-ah a inkhawm bawk.
– Evan.R.Lalbiakfela, Treasurer chu chhun lamah Venglai Local-ah inkhawmin Zan lamah Electric veng Local-ah a inkhawm a ni.
———-
DISTRICT DAY VAWI 58-NA LAWMNA HUN HMANG :
Aug.ni 29 Thawhlehni kha Lunglei District UPC Day vawi 58-na a ni a, he ni hi Lunglei District UPC kohhran ni pawimawh niin, kohhran Office leh hmun pawimawh dang pawh khar a ni.
District Day lawmna hi buatsaih a ni a, he hun hi District UPC Conference Hall-ah chawhma dar 10 atanga hman tan niin, hetah hian District UPC Office Staff leh Pentecostal Social Ministry (PSM) Tailoring Centre a zirlaite an tel.
He hun hi District Secretary Rev.C.Lalrintluanga chuan a kaihruai a, Rev.PC.Lalfakawma District Treasurer chuan hunserh hmangin lawmthu sawi tawngtai rualna neih a ni.
District Superintendent Rev.C.Vanlalena chuan Lunglei District chanchin sawiin, Chhim lamah UPC din anih theih nana hmalak dan hrang hrangte, District thar hi August ni 29, 1965-a Rahsiveng biak ina Rev.Lerthansung in a hawn thute a sawi bawk. District hming atan South Mizoram District tih niin, he hming hi 1979 thleng khan a pu zui a, 1980 atangin Lunglei District tia thlak a loh nih tak thu te, South Mizoram District din ni hi Lunglei District din ni atan hman chhunzawm zel anih thu te sawiin report ngaihnawm tak tak ngaihthlak a ni.
District Day lawmna ah hian PSM Tailoring Centre atangin Sist.J.Lalthapari leh Sist.Lalromawii te an zai a, Headquarters bialtu Pastor Rev.LH.Lalchhandama leh PSM Tailoring Centre-a Instructress Sist.C.Lalhmunsangi ten thutawi an sawi bakah District Missions Director Rev. C. Lalhriatpuia chuan thu a sawi a, tawngtainain Day lawmna hun a titawp a ni.
Tun dinhmunah Lunglei District chhungah hian Member 19400 chuang awmin bial 20 ah then a ni a, Local hi 115 a awm mek a ni.
Tuna Lunglei District hruaitute:
Superintendent – Rev.C.Vanlalena
Secretary – Rev.C.Lalrintluanga
Treasurer – Rev.PC.Lalfakawma
———-
SOCIAL WORK DAY COMMITTEE AN THUKHAWM:
August ni 15, Zirtawp zan khan District UPC Conference Hall-ah Town Area ten October ni 2-a Social Work Day an hman dan tur an ngaihtuah a, he hun hi Upa C. Malsawmkima, Committee Chairman Social Work Day chuan a kaihruai a, Town Area-a PYD a bial aiawh theuh te an kalkhawm a ni. An thurel tlangpuite:
– Town Area huam chhung Local PYD zawng zawngten a huhova hman nise.
– Khawpui chhung kawngpui leh zunin te tihfai nise.
– Social Work Day hmanna atan hian Rs.17600 an ruahman a, heihi Town Area-a Local hrang hrangah an sem darh a ni.
———-
JOINT MEETING:
August ni 28, Thawhtanni khan Pentecostal Social Ministry (PSM) Committee hruaitute, Pentecostal Youth Department hruaitute bakah Pentecostal Children Department hruaitute chuan District Treasurer Room, UPC Office-ah Joint Meeting an nei a, an rorel tlangpuite:
– September ni 17, Pathianni chawhnu dar 1:30 ah District UPC Conference Hall-ah Town Area-a Local PYD hruaitu chin te pualin Drug Awarness neih nise tha tih a ni.
– October ni 1, Pathianni ah District PCD-in Meet a neih turah Drug Awarness ni neih leh nise tha tih a ni.
———-
MI THAR :
August ni 20 Pathianni khan Thuampui Local-ah mi thar 3 in bialtu Pastor Rev. R. Lalramhluna kutah Baptisma an chang, heng Baptisma changte hi kohhranah lawmluh an lo ni tawh a ni.
———-
———-
AIZAWL EAST DISTRICT
Revival Crusade leh Bible Study nei:
Keifang Bial PYD chuan August 25 atanga 27 chhung khan Rev KVL Hmangaihkima, District Superintendent Speaker-a hmangin, Keifang Kohhran Biakin ah Bible Study Cum Revival Crusade an nei a, he hun a tel te an hlawk tlang hle a ni.
August 26, Inrinni khan Bible Study neiin, Pathian thu zir hona an nei a, zawhna leh chhanna te neiin, hun hlimawm tak hmangin, Pathian thu ah thalaite an hlawk hle a ni.
Pathianni zan thleng khan Revival Crusade a chhunzawm niin, Speaker rawngbawlna Pathianin mal a sawm hle a, Thlarau Baptisma dawng thar engemaw zat an awm bakah, hun rei tak Biakin thleng ngai tawh lo ten Biakin thlengin thu an ngaithla tha in, hlawk an in ti hle a, Bial chhung Kohhran ten malsawmna tam tak an dawng a ni.
———-
Bial PYD ten Preaching Point pahnih hnenah thil pek hlan:
Zemabawk Bial PYD 2023 Inkhawmpui rorel in Zemabawk Bial chhunga preaching point pahnih an neih Zemabawk East & Bungbangla te hnenah thil pek an hlan. Zemabawk East-ah hian Gas Stove (12inch) chu hlanin, August ni 26 Inrinni zan inkhawm ah hlanna hun an hmang a ni.
Bungbangla te hi August ni 27 Pathianni zan inkhawmah hlanna hun an hmang leh a, he mi hunah hian Bial PYD Vice President Bro. Johny Zonunmawia chuan Pathian thuchah sawiin, Bial PYD Secretary Bro. Lalramdinmawia chuan hun hmasa a hmang bawk a ni. Sis. Hmingthantluangi chuan fakna hla sa in inkhawmte min awi bawk.
Thilpek te hi Bial PYD President T. Upa Lalhmingchhuanga chuan hlanna a nei ve ve a ni.
———-
Revival Crusade:
August 25 atanga 27 chhung khan Champhai Bethel Bial Missions Department buatsaihin Champhai Zote ah Revival Crusade hlim taka hman a ni a, Rev VL Hnemtluanga, District Missions Director chu Speaker ah hman a ni. Pathianni ah Rev R Lalthanzuala’n rawngbawlna a nei bawk a ni. Crusade hi Aizawl atangin Evan Lalhmachhuana Varte leh Sis.Lalhriatdiki (Soloist) ten an hmanpui bawk. August 26, Inrinni zan khan mithar pakhat Kohhranah Bialtu Pastor, Rev. E Vanlalpeka Zote chuan a lawmlut. Crusade hi August 27, Pathianni zan thleng khan neih niin Kohhran hoten hlim takin hun an hmang a ni.
Upper Republic Bial te pawhin Rammut thla denchhenin Revival Crusade August 26, Inrinni zan atanga Pathianni zan thleng khan an hmang bawk a, Speaker-ah Evan. Philip VL Hmuchhuaka hman a ni. Crusade-ah hian Pathian siamtharlehna chang mi engemaw zat awmin hlim takin Kohhran ten hun an hmang a ni.
Rev. H. Lalropuia, District Treasurer Speaker-a hmangin August 26, Inrinni zan atanga Pathianni zan thleng khan Zemabawk Bial Missions Department te buatsaihin Zemabawk West Kohhranah Revival Crusade hlawhtling takin an hmang bawk. He hunah hian Bial chhung atangin Kohhran member engemaw zat inkhawmin hlim takin hun an hmang a ni.
———-
Mithar leh baptisma chang thar:
Rammut thla hmang a, Kawlkulh Bial Vankal kohhrana rawngbawl District Revival Team, Healing Ministry Speaker, Rev. H. Vanlalchhana te rawngbawlna ah August 27, Pathianni zan khan Mi 5 in baptisma an chang a, mi 2 hi mithar an ni. Rev. H. Vanlalchhana leh a teamte rawngbawlna hi a ropuiin Vankal kohhran leh khawtlangin an hlut hle a, Thlarau hnathawh ropui tak thlengin siamtharna chang engemaw zat an awm bawk.
August 27, Pathianni khan Zemabawk Bial, Lungbial Kohhranah Chhungkaw khat, Member 5 te chu Kohhranah sengluh an ni.
August 26, Inrinni zan khan Serchhip bial, Electric kohhranah member ni se mi 3 te chuan Bialtu Pastor C. Lalchhuanga kutah sual ngaihdamna baptisma an chang thar.
August 21, Thawhtanni khan Champhai Bethel Bial, Zokhawthar Kohhranah Member thar mi panga sengluh an ni. Zokhawtharah hian District Missions Director in Rammut Programme hmangin District Missions Evangelist, Evan Lalhunthara’n rawngbawlna a nei mek bawk a ni. Zokhawthar ah hian Missions Deptt. hmalakna in District Evangelist Quarters sak bul tan a ni bawk.
———-
Hruaitute Programme:
Rev. KVL. Hmangaihkima, District Superintendent chuan September 1, Zirtawpni khan Khawruhlian Bial ten Golden Jubilee an hmanah telpuiin Jubilee lungphun hawnna a nei a, September 2, Inrinni khan Mualpui Bial, Salem Veng Biakin sak thar hawnna a nei bawk.
Rev R. Laltlankima, District Secretary chuan Khawzawl District chhunga Kohhran ram hrang hrang teh felin hun ala hmang mek a ni.
Rev. H. Lalropuia, District Treasurer chuan September 2, Inrinni-a Mualpui Bial, Salem Veng Biakin sak thar hawnna neihah telpuiin hun a hmang a ni.
Rev VL. Hnemtluanga, Missions Director chuan August 19 atanga 28 chhung khan Zokhawthar hmunah leh Champhai Zote-ah rammut rawngbawlna neiin Evan. Lalhmachhuana Varte in a telpui a, rawngbawlna an neih chhung hian mithar pakhat Kohhranah sengluh a ni.
———-
———-
NORTH MIZORAM DISTRICT
Hruaitute Programme:
Superintend & Secretary: Sept ni 30 Ningani khan North Mizoram DIsgtrict Sperintendent Rev. Chhiarpuia leh Secreatry Rev. K. Lalduhsanga te chuan Kol. Rengtekawn Bial chhunga Kohhran Gosen Kohhran te dinhmun enin Biak in hmun atana an hmuh, hmun lo ram te a hmunah enin zan an inkhawmpui a, District Supt Rev. Chhiarpuia’n Pathian thuchah a sawi.
District Suprintendent: NMD Superintendent Rev. Chhiarpuia chuan Sept ni 31st Zirtawpni khan Kolasib Venglai Bial tlawhin, Kol Venglai Kohhran Biak in thubuai chinfel loh tlem la awm te, Court lamin a tihfel sak chungchangah Venglai Local Church Board Comt ten en meeting neiin Pathian hnena lawmthu sawi tawngtaina Programme an hmang.
District Supdt. Rev. Chhiarpuia hian Sept ni 2 Inrinni zan hian Lengpuiah, Lengpui UPC-NEI Kohhrana lawi turin member thar lawmluhna hun a hmang ang.
District Secretary: NMD District Secretary Rev. K. Lalduhsanga chuan a bial hmui Dinthar Biala Dinthar Kohhrante Sept ni 1 Zirtawp zan atangin beihrual Programme a hmanpui ang.
———-
NILAI THUPUI EDIT HNA THAWK:
Dated 31st., Aug. 2023 (Thu) khan, UPC(NEI) North Mizoram District Literature Board Committee te chuan kum 2024-a Nilai THupui zir tur chu a thawh thumna atan North Mizoram District Committee room-ah editing hna an thawk. Editing Board te hian Nakuma zir tur Nilai Thupui endik hna hi uluk taka thlirin zirhona an nei a, Board member pawh an kal tha hle.
Editing Board te hian Zanin lamah Edit hna hi chhunzawmin Naktuk Sept ni 1 hian an nei leh bawk dawn a ni. Tunah dinhmunah Literature Committee ah hian Rev. K. Lalduhsanga Dist. Secy chu Chaiman niin Pastor PC Lalrokima’n Secretary hna a thawk mek a ni.
———-
UNIFORM TLANGZARH:
Kolasib Venglai Bial PYD Music Sub-Committee chuan ni Aug ni 31 Ningani zan khan Bial PYD Zaipawl (2023-2024 Term) Uniform an tlangzarh.
He hun hi Project Local Biak Inah hman niin T. Upa R. Lalliansanga, Music Sub-Committee Chairman-in a kaihruai a, hetiang hun hman a ni chu lawmawm a tih thu a sawi. Sis. C. Lalruatfeli, Music Sub-Committee Treasurer-in hunserh hmangin Rev. R. Lalnithanga, Bialtu Pastor-in Uniform hi a tlangzarh a, Pathian hnenah a hlan bakah Zaipawl member-te hnenah a sem a ni.
Evan. Lalrelkima Renthlei, Music Sub-Committee Secretary-in Uniform neih a nih dan leh hmalak dan report pek bakah Uniform enkawlna Dan a chhiar chhuak.
Term-ah hian Conductor 1 leh Assistant Conductor 2 te nen Zaipawl member hi 24 niin mipa 12 leh Hmeichhia 12 an awm mek a. Uniform leina atan hian member tinin Rs. 3,000/- ṭheuh an thawh bakah Faith Promise an nei ṭhin bawk a. Bial Kohhranpui leh Bial PYD ten Budget an dah bakah mimal inphal; T. Upa VL Dika Pachuau, Bro. Joseph Lalthlamuana leh Bro. Vanlalhruaia Pachuau ten sum leh paiin an ṭanpui bawk. Zaipawl Uniform leina atan hian a vaiin Rs. 1,06,708/- sen ral a ni. Mipa Form hi Kekawr, Kawr, Coat leh Nectie (Lapel, cufflink, pocket square) a ni a. Hmeichhe Form hi Puan, Kawr leh Coat a ni bawk.
Bial PYD Music Sub-Committee chuan Uniform neih a nih theihna tura sum leh paia ṭanpuitute zawng zawng chungah thinlung takin lawmthu an sawi a. Hemi huna hun hmang tur leh telpui tura sawmte leh, Biak In hman tirtu Project Local Church Board Committee te chungah lawmthu an sawi bawk.
———-
KOLASIB VENGLAI BIAK IN THUBUAI CHINFEL A NIH CHUNGCHANGAH INKHAWMKHAWMNA NEIH A NI:
Dt. 31.08.2023: Sept ni 31 Zirtawpni khan Kolasib Venglai Pastor Qrs.-ah Kol. Venglai Kohhran Biak In thubuai tihfel a nih chungchangah NMD Supdt. Hovin Venglai Local Church board Committee member-te nen hun hman a ni a.
Superintendent chuan Biak In thubuai a fel theihna tura hma lo la hmasatute fakawm a tih thu a sawi a. Kan tih theih ni lovin, Pathianin Court hmangin a ropuina min hmuh tir a ni a ti.
High Court thubuai a fel khan 2015-ah Supreme Court-ah hnuhluh leh a nih avangin a hlawkna tel tur kan la nei lo va. Supreme Court a rel fel a nih Ni-ah pawh khan Mizoram atangin kal an awm loh thu leh Court tur a ni tih pawh an hriat chawp chilh thu a sawi a. He thubuai chinfel a nih chungchangah hian mihring lamin chhuan tur leh chapo pui tur pakhatmah kan nei lo va, Pathian vang liau liau a ni a ti.
District lam hriatpui miah lova Local-in mahni duhdan ang anga hma a lo lak hian hmun tam takah buaina a ti punlun a, a belhchhah a. Ram leh hmun thuah chuan Local-in mahni duhdana rel fel mai lovin, District lama thlen hram hram hi a ṭhain a ṭul a. Kan property leh hmunhma hrim hrim hi Local Church ta leh a enkawl ni mah sela, kan inenkawlna Dan angin North east India UPC ta a ni tih hi kan hriat reng a ṭul hle a ti bawk. Hmunhma buai kan la neihte pawh a fel thuai theihna turin buaipui mek a nih thu ngaihthlak a ni bawk.
Local hruaitute pawhin an hriatthiam lohte an zawt bawk a, inkawmhona hun ṭha tak hman a ni chu lawmawm an tih thu an sawi a. Thubuai chinfel a nih avanga lawmthu sawiin ṭawngṭai rual a ni bawk.
———-
GOSEN P.P: KOLASIB RENGTEKAWN BIAL:
Dt.30.08.2023 hmangin Rev. Chhiarpuia Dist.Suppt. leh Rev. K.Lalduhsanga Dist.Secy. te chuan Gosen Preaching point:Kol. Rengtekawn bial chu tlawhin zanah inkhawmna buatsaih a ni.
Gosen vengah hian kohhran pangai taka la ding lo mahse, Dist.in Tirhkoh Evan. K.Lalrindika chu dahin a nin theihtawp chhuahin rawng a bawl mek a, tunah hian members 10 vel an awm ve tawh a ni.
Dt 30.August.2023(nilaizan )khan inkhawmna buatsaih a ni a, Bialtu Pastor Rev. C. Lalthlengliana chuan inkhawm a kaihruaia, Marka 16:16 thu a chhiara, Tirhkoh K.Lalrindika chuan report a pe a ni.
Rev. Chhiarpuia chuan Pathian thu “Kohhran” tih thupui a hmangin, kohhran hlutna leh kohhran nih phung tur te a sawia, Pathian hian a duh chu a ko mai a, vawiinah hian Gosen kohhran te hi tlem leh tamah buai loh tur, Lalpa koh mi te kan nih hian a tawk mai, Lalpan hun a tih ah chuan kohhran pawh kan pung zel ang.
Mihring ropuina tur thlir loin, Lalpa enin i kal zel ang u, Kohhran hi Krista taksa a ni a, Kohhran hi a nat chuan LALPA a na ani, tiin thu pawimawh tak tak leh kohhran te tana hriattur leh Gosen vengah Kohhran member an lo pun zel theih nana hmalak a tul zia leh, District hmalak mek sawiin, members thar 2(mipa naupang)te hi an nu leh pate hi kan Kohhran lo ni sa tawh an ni. lawmluhna a nei nghal bawk a ni.
———-
RAWNGBAWLNA LAM:
CHAWLHHMUN BIAL REVIVAL CRUSADE :
Dt. 25th – 27th August khan Chawlhhmun Bial chuan Revival Crusade neiin District Revival Speaker Evan R. Lalrinchhana leh a team ‘Krista Chhanchhuahte’ chu rawih an ni a. Revival hlimawm leh hlawkthlak tak neiin tisa leh thlarau ah Bial chhung Kohhran te kan hlawk tlang hle. Chawlhhmun Bial PYD Zaipawl te leh Sist. Lalhmangaihkimi (Team member) ten fak hla sakna an nei thin bawk a ni.
———-
NEW BUILUM KOHHRAN :
Dt.23 .8.2023( Nilai zan) khan Rev C.Lalthlengliana chuan New Builum Kohhranah bial fan programme hmangin, Mi thar -1 sengluh a ni a , Rev C.Lalthlengliana Bialtu Pastor chuan Lalpa Isua hmingin a lawmlut a, nau -1 hlan nghal a ni.
Facebook