August 07, 2026
Pennet News
UPCNEINEWSSERVICE_7 AUGUST 2026
GEN. SUNDAY SCHOOL MULTI MEDIA MINISTRY HMALAKNAIN SIGN LANGUAGE TRAINING NEI:
August ni 4, 2026 (Tuesday) atang khan General Sunday School Multi Media Ministry hmalaknain Sign Language Training, General Headquarters Office, Aizawl-ah neih tan a ni.
Sign Language Trainning hi Rualban lo, a bikin bengngawngte hnena Chanchin tha hril a nih theih nana hmalakna niin, Mizo Indian Sign Language Interpreters Society ten Zirtirna hi an pe thin dawn a ni. Multi Media Ministry Committee chuan Trainning tur te thlang chhuakin, an ni hian Chawlhkar khatah Ni thum chhung Class kalin, Thla thum chhung Trainning an nei ang.
Kum 2026 General Sunday School Conference leh Board thu chhuak chuan, Naupang Sunday School tih hmasawn nan 'Animation leh Cartoon material hmanga rawngbawlna neih leh Rualban lo, bengngawngte hnena Chanchin tha hril a nih theih nan a hmala turin Multi Media Ministry Committee hi a din a ni.
---------
GENERAL HEADQUARTERS OFFICE TLAWH
August ni 4, 2026 (Thawhlehni) khan Serchhip Dinthar Bial hruaitute chuan General Headquarters Office an tlawh.
Serchhip Dinthar Bial te hian Bial Kohhranpui Inkhawmpui Rorel bawhzuiin Kohhran hmunhma hrang hrangte tlawh kualin hun an hmang a, bialtu Pastor Rev. K. Lalhmingmawia chuan hovin mi 21 an thawk chhuak a ni.
Serchhip Dinthar Bialte hian General Headquarters Office tan thil pek ṭha tak an hlan a ni.
---------
HRUAITUTE PROGRAM
General Treasurer Rev. R. Laichhingpuia chuan August ni 9, 2026 Pathianni Tlangnuam Kohhran, North Mizoram District-ah hun hmangin thusawi rawngbawlna a nei ang..
General Missions Director Rev. C. Vanlalena chuan August ni 8-9, 2026 chhung hian S. Chawngtui, Lunglei District ah Missions Campaign cum Seminar neiin hun a hmang ang.
----------
----------
CHURACHANDPUR DISTRICT
DISTRICT KUMPUAN SUB-COMMITTEE SEMINAR CUM WORKSHOP:
July ni 25, 2026 Inrinni khan Churachandpur District Kumpuan Sub- Committee hmalakna in One Day Seminar cum Workshop hlawhtling tak a neih a ni. Churachandpur District Kumpuan Sub- Committee Seminar ah hian Resource Person 3 awmin, Rev. B. Lalzamluaia, Dist. Superintendent chuan "Thlarau zai Pawimawhna" tih thupui a zirtir a, Evan. Zionthang, Rengkai Local Chairman chuan "Thlarau zai chi hrang hrang" tih thupui a hmangin zirtirna a pein, Evan. K.Khuma, UDC, District Office chuan "Khuang vuak dan" tih hmangin zirtirna a pe bawk.
Seminar ah hian mi 40 vel kalkhawmin, member ten hlawk thlak an ti hle. Ruahman dan chuan remchang hmasa berah Practical workshop buatsaih leh tum a ni.
----------
----------
AIZAWL EAST DISTRICT
Electrcian leh Welder zirchhuak thlahna hun hman a ni:
Aizawl East District PYD ten Skill Development an kalpui a, Electrcian leh Welder zirchhuak thlahna hun July 31, Zirtawp zan khan neih a ni. He hun hi District Committee room-ah neih niin T. Upa. Lallawmzuala Parte, District PYD V. President chuan a kaihruai a ni. Hunserh Sis. Lalramliani Sailo, Fund Raising Committee Treasurer chuan hmangin report District PYD Asst. Secretary Evan F. Malsawmdawngliana hnen atangin ngaihthlak a ni a, Skill Development kalpui dan tlangpui a sawi a ni. He hunah hian Pastor J. Lalhmingsanga, District PYD President chuan fuihna thu sawiin zirchhuakte thahnmengai taka thawk chhunzawm a, rawngbawlnaa ngaia hna thawk turin a ngen a ni. Hemi bakah hian Bro. Lalfakzuala leh Bro. Zorema Pachuau, Instructor te hnen atangin thusawi tawi ngaihthlak a ni bawk. Electrcian leh Welder zirchhuak te hnenah hian Certificate leh an kalzelna tur atana an mamawh thilpek hlan an ni bawk. District PYD ten Skill Development an kalpui-ah hian thla hnih chhung Electrict leh Welding hi zir niin zirlaite hnenah hian Stipend pek an ni. Electrician leh Welder zirchhuak te:
Electrician:
1. Bro. K. Laltanpuia, Bawngkawn
2. Bro. Laltlanfela, Maite
3. Bro. Lalrinmawia, Zuangtui
4. Bro. Hmingmuanpuia, Ramthar Veng
5. Bro. F. Vanlalthanga, Armed Veng South
Welder:
1. Bro. Lalchhuanawma, Maite
2. Bro. Malsawmdawngliana, Armed Veng South
3. Bro. R. Lalhruaizela, Armed Veng South
----------
Biakin sakna tur lungphum phum:
August 1, Inrinni khan Thingsulthliah bial, Tlungvel Kohhran Biak in thar sakna tur lung phum chu Rev R.Laltlankima, Superintendent AED chuan Lalpa lsua Kriata hmingin a phum. He hun hi Tlungvel Kohhran memberte leh Bialtu Pastor leh Bial Treasurer Upa Vanlalrawna ten an hmanpui a ni. Rev. R. Laltlankima hian Inrinni zan khan Tlungvel Kohhranah rawngbalwna a nei nghal a ni. Tlungvel Kohhrante hian Biakin hi an sa chhunzawm nghal dawn a ni.
----------
Executive meeting:
July 31, Zirtawpni khan District Missions Executive meeting, Rev. C. Lalmalsawma, Director kaihhruaiin Director room-ah neih a ni. He hunah hian member an telkim thei a ni. An thu passed langsar zualte:
1. Kumin 2026 District Missions Department Conference vawi 32 na Thingsulthliah Bial a neih turah Missionary chahchhuah nise tih a ni a, Pastor T.c Lalfakmawia Upper Assam & East Arunachal Itakola hmuna awm chu chahchhuah nise tih niin thusawina hun pawh pek ni se tih a ni.
Kum 2026 District Missions Conference Speaker tur atan heng mite hi an ruat nghal bawk.
1) Rev C.Vanlalena (General Missions Director)
2) Rev H.Lalropuia ( Secretary AED)
3) Pastor T.C Lalfakmawia (Upper Assam & East Arunachal Field)
4) Evan C.Lalkhumtira ( Director, Rabung Bial )
5) Upa Lalrokima (Mission Evangelist)
2. Saitual Bial ten rawngbawltu rawihna tur cheng 30,000 (Singthum) District Missions Department hnenah an hlan a, District Missions Department chuan lawmthu an sawi a ni. Saitual kohhrana rawngbawltu tur an rawn dil angin Evan. Thangneihsanga of Tuirial chu Casual a lak niin a rawngbawl chhung atan August – October nise, August ni 8-ah Saitual Kohhran thleng se tih a ni.
3. District PYD in rawngbawltu an rawih Evan Lalrongura of Aiduzawl, Farkawn hmuna an rawih lai chu an rawihna sum nen District Missions kutah an hlan a District Missions Department chuan lawmthu sawiin a rawngbawlna te thlirin lo enpui zel nise tih a ni.
4. District Missions Conference October 23 atanga 25 chhunga Thingsulthliah Biala neih turah report form leh Agenda Bial atanga theh luh hun atan October 4 aia tlai lovah District Missions Departmentt OB te hnenah theh luh vek ni se tih a ni.
----------
Serchhip Dinthar Bial ten Office tlawh:
August 4, Thawhlehni khan Serchhip Dinthar Bial te chuan District Office tlawhin hun hlimawm tak hman a ni. An puala hun tawi District Office-a hman hi Pastor V. Lalnienga chuan kaihruaiin in lawmna thu a sawi a, Serchhip Dinthar Bialtu Pastor, Rev. K. Lalhmingmawia chuan District Office an tlawh chhante sawiin inhmelhriattirna a nei nghal a ni, District Office lamin an lo dawnsawn danah lawmthu a sawi bawk. Staff lam atangin inhmelhriattirna neih ni bawkin, Rev. R. Laltlankima, District Superintendent chuan thutawi sawiin Serchhip Dinthar Bial ten District Office an tlawhnaah lawmthu a sawi a, hetiang anga District Office tlawh thin an awm hi lawmthu a sawi bawk a ni. He hunah hian District Office kalphung te bakah District in hma a lak mekna report ngaihthlak a ni bawk.
Serchhip Dinthar Bial te hian District Office a hman turin thilpek tha tak pein hun tawi hman zawhah hian District Office building fanpui an ni. Serchhip Dinthar Bial atang hian mi 21 vel an kal thei a ni. He hun tawi hman hi Rev. H. Lalropuia, District Secretary chuan tawngtaiin a titawp a ni.
----------
Mi thar:
August 2, Pathianni khan Police veng kohhran (Keifang bial) member ni turin mi thar 2 sengluh an ni. Police Veng kohhranah hian Evan Lalzuisanga, District Missions Evangelist in rawngbawlna a nei mek a ni.
August 1, Inrinni zan khan Khuangleng kohhran , Khawbung bial member ni turin member pakhat sengluh a ni. Khuangleng kohhranah hian Evan VL. Chhawrzela, District Missions Evangelist in rawngbawlna a nei mek a ni.
----------
Hruaitute Programme:
Rev. R. Laltlankima, District Superintendent chuan August 8, Inrinni khan N. Vanlaiphai Bial, Rawlkhang Biakin sakna tur lungphum phumna a nei a, N. Vanlaiphaiah hian Pathianni thleng rawngbawlna neiin Serchhip hmunah Kohhran thil tul pawimawh tia hun a hman zawh hnuah August 12, Nilaini hian Aizawl a let leh ang.
----------
----------
NORTH MIZORAM DISTRICT
District Hruaitute Programme
District Superintendent Rev. K. Lalduhsanga chuan August ni 8, 2026 (Inrinni) hian Phainuam Bial tlawhin a kal dawn a. Pathianniah hun hmangin Thawhtanni hian a lo kir leh dawn a ni.
----------
DISTRICT NEWS:
District LAD Conference Nghahna Tur Tlawh
July ni 31, 2026 khan District LAD hruaitute chuan kumin October Ni 9 atanga Ni 11 chhunga District LAD Conference nghahna tur Sialsuk an tlawh.
Sialsuk bialtu Pastor H. Lalrinpuia leh Organising Committee Office Bearers (OB) te nen Conference pandal sakna tur Sialsuk Field leh hmun pawimawh hrang hrang an tlawh a. Organising Committee hmalakna leh inbuatsaihna chungchang te an sawiho bawk.
District LAD hruaituten Conference hlawhtling taka neih a nih theih nana Sialsuk Bial Conference Organising Committee leh kohhran mipuite theihtawp chhuaha an inbuatsaihna te an hmuhin an lawm hle a, an hmalakna chu lungawithlak an ti hle a ni.
----------
Kanghmun Bial Sunday School Zirtirtute Seminar
August ni 1, 2026 (Inrinni) khan Kanghmun Bial Sunday School ruahmannain Khawrihnim Kohhranah Sunday School zirtirtute pualin Seminar neih a ni.
Seminar-ah hian District Sunday School Director Rev. K. Vanlaldika'n "Teaching Method" tih thupui hmangin paper a present a. Tlaiah Kanghmun Bial Sunday School buatsaih zanriah chaw kilho a ni zanah Sermon Inkhawm neih a ni bawk. A tuk (Pathianni) ah Kanghmun Bial Headquarters-ah hun a hmang leh a ni.
----------
PG Higher Secondary School-ah Project SAMARTH Training
August 4, 2026 khan Director, School Education Department, Government of Mizoram chuan PG Higher Secondary School ah Project SAMARTH hmangin training neih a ni.
Training hi Department lam aṭanga resource person mithiam bik pahnihin an rawn kaihruai a. Projector hmangin zirlai zawng zawng hnenah training pek a ni a, thupui atan Students Advancing Mindset in AI, Robotics, Technology and Digital Hardware tih a ni.
Training hi zirtirtu thlan bikte'n an lo buaipui bawk a ni. Zirlaiten Artificial Intelligence (AI), Robotics, Technology leh Digital Hardware chungchang zirchianna leh hriatna thar an dawn theih nan ruahman a ni.
He training hi ni hnih chhung kalpui a ni a August 5, 2026 (Wednesday) thleng khan neih chhunzawm a ni.
----------
KANGHMUN BIALAH SUNDAY SCHOOL SEMINAR CUM CAMPAIGN NEI:
North Mizoram District Sunday School Hruaitu Pahnih Rev. K. Vanlaldika, Director SSD, NMD leh Evan. MS Dawngliana, Secretary & Treasurer, SSD, NMD te chuan kar kalta Inrinni leh Pathianni Aug ni 1 & 2 hmang khan Kanghmun Bial SS ruahman angin Zirtirtu Seminar leh Gen Kumpuan Thianghlimna campaign an nei.
Seminar Cum Campaign hi Kanghmun Bial Kohhran pahnih Kanghmun Kohhranah leh Khawrihnim Kohhranah neiin; Seminar Paper Teaching Methode tih Dist SS Director Rev. K. Vanlaldika’n Kohhran pahnihah a zirtir a, Kohhran pahnihah vek hian Director leh Secretary & Treasurer ten Sunday School hmasawnna lam hawi Pathian thuchah an sawi bawk.
----------
DISTRICT SUNDAY SCHOOL EXECUTIVE MEETING NEI:
August ni 4 (2026) Thawhlehni khan North Mizoram District SS Executive Meeting chu, District Office Supdt. Room-ah neih a ni a.
Dist SS Exe Meting hi Director Rev. K. Vanlaldika’n kaihruaiin District Hruaitu Pathum Rev. K. Lalduhsanga, Dist Supdt., Rev. C. Lalthantluanga, Dist Secy leh Rev. C. Lalmuanpuia, Dist Treasurer ten an ho bawk.
Rorel pawimawh zingah kum 2026 Nov. ni 20 chhung leh zan hmanga Dist SS Conference vawi 45-na Tlangnuam Biala an thlen tur thlir lawkin Tentative Programme an ruahman a, Confe hi Nov ni 20 Zirtawpni dar 11:00Am-ah tanin Rev. C. Lalthantluanga, Dist Secy in a hawng ang a, Rorel inkhawma tan a ni ang.
Zan lamah Revival Programme hman niin; Dist SS hruaitute ruahman angin Naupang lam tam zawka an chhim theihna tura programme buatsaihin Revival-a hun hman tum a ni. Zan lamah Distric Supdt. Rev. K. Lalduhsanga chu Speaker-ah hman a ni ang.
----------
2027 DISTRICT SS MEET:
North Mizoram District in kum 1990 bawra District SS Meet an lo neih tawh chu District SS Board in kum 2027 hian neih leh nise tiin a rel a, Organising Comt din chu District SS Exe kuta dah a nih angin heng mite hi NMD SS Meet 2027 Organising Committee hruaitu atan ruat an ni:
1. Chairman : Evan. Jeno Vanlalruata, Tlangnuam Bial
2. Secretary : Evan. R. Lalthakima, Chaltlang Bial
3. Treasurer : Sist. Angela Malsawmtluangi, Headquar Bial
----------
2027 ATANA SS HALL SAK TANPUINA PEK:
NMD SS-in SS Hall sak tanpuina a pek thin chu kumin atan Kohhran 12 hnenah a pe chhuak a, heng mite hnenah hian a pechhuak a ni:-
1 Bualpui Venglai Local Kawnpui Bial
2 Zamuang Local Rengdil Bial
3 Kanan Local Dinthar Bial
4 N Chaltlang Vengthlang Bukpui Bial
5 Kol. Vengthar Local Kol Diakkawn Bial
6 Kanhmun PP Zawlnuam Bial
7 Rasdali MF Bairabi Bial
8 Thingdawl Vengthar Kol Diakkawn Bial
9 Darlak Mamit Bial
10 West Bunghmun Rengdil Bial
11 Kanghmun Local Kanghmun Bial
12 Msvt Local Hqrs. Bial
----------
BIAL/LOCAL NEWS
MI THAR LAWM LÛT🏻
August ni 2, 2026 (Pathianni Chawhma) khân C. Lalrinchhana-te chhungkua (member 3) chu Mizoram UPC, Zemabawk Dinthar Kohhran aṭangin Upa T. Lalhruaitluanga, Chairman, Church Board Committee, Thingdawl Tlangnuam Kohhran chuan, United Pentecostal Church of North East India, Kolasib Diakkawn Bial, Thingdawl Tlangnuam Kohhran-a lawi tûrin Lalpa Isua hmingin a lawm lût.
Chhungkaw member :
1. C. Lalrinchhana (Chhungkaw pa)
2. Sarah Lalhmingliani (Chhungkaw nu)
3. Christina Lalpekhlui (An fanu)
----------
INDUCTION SERVICE NEIH A NI
Bilkhawtlir Bial hmalakna a rawngbawltu tur Unaunu Juliet Lalremruati B/W chu, Date 2-08-2026 Pathianni zân khan Behliangchhip (PP) Tlangsang Bial ah, Bialtu Pastor Lalramthara Sailo chuan lawmluhna a nei.
Lawmluhna inkhawmah hian Tlangsang Bial Kohhranpui Hruaitute ten fuihna thu leh a rawngbawlnaah Pathian malsawmna an dawna, Lalpa ram zauh anih ngei theih nâna a rawngbawlna tur te malsawm anih theih nân duhsakna sangtak an hlan bawk a ni.
Behliangchhip (PP) a rawngbawltu tur hi Unaunu Lalnuntluangi(Nupuii) Kolasib Khuangpuilam leh Unaunu H.Vanlalvenpuii Bethlehem Aizawl ami ten a rawngbawlna hi an rawn tawiawm dawn bawk ani
Behliangchhip (PP) ah hian Bilkhawtlir Bial bultumin thlakhat chhung rawngbawlna hi neih tum a ni dawn a, ram a kal dân a zirin thlakhat ai rei pawh rawngbawlna hi kalpui tur a ni ang.
Unaunu Juliet Lalremruati B/W hi Bilkhawtlir Bial hruaitu ten Behliangchhip thleng rawn thlah in Induction service pawh an rawn hmanpui bawk ani
----------
PHAINUAM BIAL MISSIONS DEPARTMENT REVIVAL TLUANG TAKIN HMANG ZO
Bial Missions Department Conference rorel, Bial Revival chu Ni 1-2 August 2026 hmangin Phainuam Headquarters Local Biak In ah tluang taka hman a ni.
Saipum Local, Saipum North Local leh Saiphai Local atangin mikhual riak lut mi 42 awm in, langa chhimtu an awm bawk. Phainuam Bethel Local leh Phainuam Upper Local ten Biak In an khar bawk a ni.
Revival Programme
INRINNI ZAN-
Chairman: Upa Thangzachunga, Bial Director
Tantu: T.Upa Lalnunsanga, Secretary Missions Dept. Headquarters Local
Speaker: Upa Lalmalsawma, Director Saipum Local
Thupuan 14:18 thu chhiarin "Pathian duhzawng eng nge ni" tih thu hmangin Pathian thu ngaihthlak a ni.
PATHIANNI ZING-
Chairman: Upa Thangzachunga, Director Bial Missions Dept.
Tantu: Upa Rochungnunga, Director Upper Local
Speaker: Pastor K. Malsawmkima, bialtu pastor
Jeremia 8:18-22 thu chhiarin "Revival hlawhtling a nih theih nan kal san tur, chan tur, paih then ngai kan nei,..Lalpa chu a pangai reng" tih thute hmangin sermon ngaihthlak a ni.
PATHIANNI CHHUN-
Chairman: T.Upa Ngamliana, Secretary Bial Missions Dept.
Tantu: T.Upa Lalneihngheta, Secretary Saipum 'N' Local
Speaker: Upa Vanlalnghenga, Director Saiphai Local
Sam 43:5 thu chhiarin "Pathian beisei rawh" tih thu hmangin sermon ngaihthlak a ni.
PATHIANNI ZAN-
Chairman: Upa Lalrinthanga, Treasurer Bial Missions Dept.
Tantu: Upa Ngulthanga, Director Bethel Local
Speaker: Upa Thangzachunga, Director Bial Missions Dept.
Thupuan 22:12-17 thu hmangin Pathian thuchah ngaihthlak a ni.
Revival inkhawm programme Thlarau lam Tawnghriatlohte nen hman thin a ni a. Bial PYD Zaipawl ten Pathianni zing leh zan inkhawmah hla an rem thin bawk. Thlengtu Local ten Pathianni zing inkhawm banah refreshment tui tak an buatsaih bawk a ni.
----------
AIBAWK KOHHRAN THUTHAR Member thar pali (4) lawmluh ani
Dt 02.08.2026 Pathianni chawhma inkhawm ah UPC NEI member ni tur in Prebyterian kohhran aṭang in Member 4 lawmluh an ni.
Bro H.Lallianzela
Sist Vanlalhruaii
Bro H.Zosangpuia
Sist H.Zothansangi
Mithar te hi Rev Lalhmuakliana Hnamte Bialtu Pastor in lawm luh na a nei a ni. Aibawk local ah hian Rev Lalhmangaihawma’n rawngbawl na a nei mek a ni.
------------
THLAITHAR KÛT ROPUI TAKA HMAN ANI
Tlangsang bial a, TLANGSANG LOCAL ah Thlaithar kût hman ani a. Thlaithar thawhlawm tlingkhawm hi cheng 7,770 a ni Kohhran hmangaiha mahni thlai thar chhuah te phal taka thawhtute chungah thinlung takin LAWMTHU kan sawi e.
----------
----------
CHHIMTUIPUI DISTRICT
SIGNATURE CAMPAIGNED HLAWHTLING TAKA HMAN ANI
August ni 3, 2026 (Thawhtanni zan) khan District PYD Kumpuan Board hmalakna in District Hqrs Bial PYD Fehchhuah programme ah Signature Campaign hlawhtling taka neih a ni.
He Campaign ah hian District PYD OB atangin Upa Vanlalruatkima Financial Secretary in a telpui thei a ni. Dist. PYD Kumpuan Board te chuan hmalakna hmasa atan Signature campaign an kalpui a, Pathian in rem a tih chuan Bial dang ah pawh kalpui zel tum a ni.
----------
BIAL HUAP IN THLAHNA HUN HMANG
August ni 1, 2026 (Inrinni) khan Tipa Bial te chuan an bial chhung Vahia Home Missions field a thawk mek Evan E.Khaching chu Pastor atan lak anih avangin bial huapin a thlahna hun Vahia PS ah an nei. Bial chhung Local hrang hrang atang kal an tha hle.
Vahia kohhran ten Programme hmangtura kal te zingchaw tuihnai tak an buatsaihsak a an lawm hle.
----------
DISTRICT PYD BOARD VAWI 91-NA THU
July ni 31, 2026 (Zirtawp ni) khan District PYD board vawi 91-na chu District Committe Room, Siahaah Pastor Robert B Lalnunsiama T, Dist.PYD President kaihruaina hnuaiah tluang takin neih a ni.
Rorel Agenda sawiho hma in Kum 2026 PYD Week Guide bu release-na neih a ni a. Rbt L Khaiu, Dist.PYD Treasurer in PYD Week Guide bu a buatsaih "Taimakna leh Intodelh" a bu chhung thu leh a buatsaih dan report ngaihnawm tak ngaihthlak a ni. Rev Kholy Hlychho, Dist. Superintendent in Lalpa Isua hmingin tlangzarhna a nei a, Pathian hnenah hlanna a nei bawk. Tlangzarhtu hnenah Guide bu present nghal a ni bawk. PYD Week Guide bu hi bu 1 Rs.20/- in zawrh tura ruahmanna siam a ni.
RORELREL THENKHAT TE
1. Dist.PYD Conference vawi 50-na thupui atan "Nangma tâwnah kan hlimin kan lâwm ang a, Kan hril zêl ang, i hmangaihna" Hla thlankhawm 1:4 thlan a ni.
Speaker tur te :
1. Dist.Superintendent
2. Dist.Missions Director
3. Dist.Secretary
4. Dist.Treasurer
5. Gen.PYD President leh
6. Upa K Rinthara,Former President te an ni ang.
2. District LAD Tailoring Training center tlawh turin a rel a; hemi rual hian Rs.10,000/- tanpuina pek nise a ti.
3. Kumin chhungin heng bial te hi tlawh turin ruahmanna siam a ni.
1. Niawhtlang bial
2. S.Lungpher bial
3. Dist.Hqrts bial
4. Dist.PYD Conference vawi 50-na hi Conference Jubilee a nih avangin Theme song buatsaih nise tih a ni a. Theme song phuahtu atan Bro H Zorammuana, Asst.Conductor, Dist.Choir chu ruat a ni. A satu tur atan District Choir chu ruat an ni bawk.
5. General PYD Conference Programme-a rawngbawlna nei turin District Choir leh Soloist mi pali te ruat an ni.
6. Environment Protection Committee hruaitu turte hetiang hian ruat an ni.
Chairman : Rbt Lianbikthanga,Meisatla
Secretary : Bro K Vanlalrochansanga,Meisatla
Treasurer : Sist Cindy Ramhlimpuii
Members :
1. Sist Jennifer Lalrammuani,Council Vaih
2. Bro Samson,Dist.Hqrts
3. Bro C Vanlalduatsanga,Siahatla
4. Bro Lalruatkima,Siahatla
5. Sist Elizabeth,Council Vaih
----------
JOINING REPORT PE
District board in pastor a lak thar Evan E. Khaching chuan August ni 3, 2026 (Thawhtanni) khan District Superintendent hnenah ziakin Joining report a pe. Tun atang chuan Pastor E.Khaching tiin Kohhran in a ziak in a lam tawh ang. Joining Report pek zawh ah Rev. Kholy Hlychho,South Lungpher bialtu nen charge in hlanna an nei nghal a, Pastor E.Khaching hian South Lungpher a bial dawn a ni.
District hruaituten Pastor E.Khaching fuihna thu leh tawngtaisakna an nei nghal bawk a ni.
----------
----------
LUNGLEI DISTRICT
RAHSIVENG BIAL PYD TEN MAMAWHTE TANA HMAN TURIN CIVIL HOSPITAL LUNGLEIAH THISEN AN PE
August ni 1, Inrinni khan Lunglei District PYD Conference Rorel bawhzuiin Rahsiveng bial PYD ten Civil Hospital Lungleiah Thisen an pe.
Thisen hi Unit 38 pein, Mipa 29 leh hmeichhia 9 in an pe a. Civil Hospital Blood bank kawta hunserh hman hmasak niin, Bial PYD Secretary Rbt Jacob Ramengmawia'n a kaihruaia, Hunserh Upa C. Lalbiakenga, Bial PYD President in a hmang a, memberte hnenah lawmthu a sawi a. Bial report tlangpui leh District hmalakna bialin a tih ve tur awm te a sawi a. Pathian thu chhiarin, a tawngtai a, chumi hnuah thisen pek nghal a ni.
Rahsiveng bialah hian local 8 awmin PYD Member 770 vel an awm a. Nikum 2024 khan thisen unit 39 an lo pe tawh bawk.
----------
DISTRICT PYD EXECUTIVE MEETING NEI:
July ni 31, 2026 (Zirtawpni) zan khan Lunglei District PYD Executive Meeting neih a ni. Pastor K. Lalnunpuia, District PYD President in meeting a kaihruai a. Rev Pc Lalfakawma, Secretary, Lunglei District UPC in a telpui.
Rorel tlangpuite:
1. Kum 2028 District PYD Conference Vawi 60-na neihna hmun atan UPC Multipurpose Centre, Lunglei ruat a ni
2. District kohhranpui pual atan UPC Multipurpose Centre a hman turin Water Cooler lei nise tih a ni.
3. District PYD Conference Vawi 58-na in Politics dik leh thianghlim zawk neih theihna tur leh Social Media hman dan dik inzirtirna neihna atan Booklet siam nise tia a lo rel chu August thla chhungin Local tinah sem chhuah hman nise, Local PYD tin ten a remchan dan ang angin lo zir se tih a ni.
----------
DISTRICT THIANGHLIMNA COMMITTEE CAMPAIGN MUALLIANPUI LOCALAH:
August ni 2, 2026 Pathianni hmang khan Lunglei District Thianghlimna Committee Assistant Secretary, Evan MS Dawngliana Hnamte chuan South Vanlaiphai Bial, Muallianpui local-ah Thianghlimna Campaign a nei.
Evan MS Dawngliana Hnamte hi Upa Pc Lalnundanga, AOC Local chuan a ṭawiawm. Campaign hi Inrinni zan aṭanga ṭanin, Evan CT Vanlalruata, S. Vanlaiphai Bial Thianghlimna Committee Chairman hun a hmang a leh Pathianni zingah Evan MS Dawngliana Hnamte in hun a hmang thung.Sunday Schoolah Power point Presentation hmangin Campaign neih a ni a. Zan lamah Upa Pc. Lalnundanga'n hun a hmang thung.
----------
PYD KUMPUAN RAWNGBAWLNA LAMṬHUAMTHUM LOCAL-AH:
Lunglei District PYD hnuaia Kumpuan Committee te hmalaknain, Lamṭhuamthum Local, Haulawngah rawngbawlna neih a ni.
August ni 2, 2026 Pathianni hmang khan Rbt C. Lalrosanga, Kumpuan Committee Chairman, bakah Committee member Evan R. Lalnunthara, College Veng, Bro C. Lalremruata, Headquarters , Bro F. Lalramenga, Bazar Local leh Sis Lalramdinpuii, Bazar Local te Lamṭhuamthum Localah an kal. Evan R. Lalnunthara'n zing inkhawmah Penticost Ni tih hmangin thu a sawi a. Chawhnuah PYD Fellowship an telpui a. Zan inkhawmah Evan R. Lalnunthara'n hun hmang leh in, Sis Ramdinpuiin zaiin rawngbawlna a nei thung. Zan inkhawm banah Lunglei an lo pan leh nghal a ni.
General PYD Kumpuan Thuthlung puan uar bawhzuiin District PYD Kumpuan Committee te hian Lamṭhuamthum local, Lungsen North Local leh Ṭawipui N-II localah te kal turin ruahmanna an siam a ni.
----------
PASTOR LALRINGZUALA PACHUAU TIHNGHEH A NI
August ni 3, Thawhtanni khan UPC Lunglei District Board vawi 222-in a rel angin Pastor Lalringzuala Pachuau-in District Superintendent hnenah Joining Report an pe.
District Superintendent Room-a Joining Report a peknaah hian District Official ten an lo dawngsawng a, Fuihna thu tha tak tak leh a hna atana pawimawh tur thu tha tak tak an hrilh a, Pathian hnenah an tawngtai sak bawk. Pastor Lalringzuala Pachuau hi tunah Chawngte Bial-ah a awm mek a. Kum 2024 khan Pastor-a lak niin, Probation hun a hman zawh hnuah tihngheh a ni ta a ni. Dt 1.8.2026 kha joining report pek hun ni mahse, chawlh a nih avangin Dt 3. 8. 2026 hian Joining report a pe ta a ni.
----------
Substance Abuse Prevention Committee (SAPC) Lunglei District hmalaknain Vawiin Dt 31. 7.2026 chawhnu khan CEC School-ah Awareness neih a ni.
Awareness Programme hi CEC School Hall ah neih a ni a. SAPC Committee Secretary, Sis F. Lalrinthangin a kaihruai a. Rev Pc Lalfakawma hnen atangin thutawi sawi ngaihthlak a ni. Resource Person hi Pi Lalthansiami Hnamte, MJS, Secretary, Legal Service Authority, Lunglei District a ni. CEC Principal P. Samson Vanlalfela hnen atangin thusawi ngaihthlak a ni bawk.
Awareness Programme hi SAPC te hmalakna pakhat zinga mi niin, CEC School-ah bul tannin, a remchan dan anga hmalak zel an tum bawk. He Awareness Programme ah hian member te pawh an kal thain, District LAD hruaituten an tawiawm bawk.
----------
July ni 26, 2026 Pathianni hmangin District Thianghlimna Committee Assistant Secretary, Evan MS Dawngliana Hnamte chuan Pangzawl Bial, Bungtlang local-ah Thianghlimna Campain a nei
Evan MS Dawngliana Hnamte hi Rbt V. Chuandailova, AOC Local chuan a ṭawiawm. Campaign hi Inrinni zan ṭanga ṭanin, Inrinni zan leh Pathianni zingah Evan MS Dawngliana Hnamte hian hun a hmang a. Zan lamah Rbt V. Chuandailovan hun a hmang ang. Campaign chhung hian Bial Thianghlimna Committee hruatuten Metting Chairman an ni thung a ni. Bungtlang Local hi member 110 niin Upa leh Rawngbawltu 10 an awm thung.
----------
July ni 31, 2026 (Zirtawp) Zan khan Headquarters Bial PYD te chuan UPC Conference Hall-ah Administrative Workshop an buatsaih a. He Workshop hi Bial leh local hrang hrang OB te pual tur a ni a. Chairman ah Evan H. Lalhmingmawia, Bial PYD President a ni a. Hunserh Rev VL Hmuaka’n a hmang ang. Resource Person atan Rev C. Lalrintluanga, District Superintendent a ni thung. Hruaitute tana hriattur pawimawh tak tak, te zir ho a ni a. Upa A Lalchhuanawma, President Headquarters Local-in, tawngtainain tawp a khar thung.
----------
----------
August ni 4, 2026 (Tuesday) atang khan General Sunday School Multi Media Ministry hmalaknain Sign Language Training, General Headquarters Office, Aizawl-ah neih tan a ni.
Sign Language Trainning hi Rualban lo, a bikin bengngawngte hnena Chanchin tha hril a nih theih nana hmalakna niin, Mizo Indian Sign Language Interpreters Society ten Zirtirna hi an pe thin dawn a ni. Multi Media Ministry Committee chuan Trainning tur te thlang chhuakin, an ni hian Chawlhkar khatah Ni thum chhung Class kalin, Thla thum chhung Trainning an nei ang.
Kum 2026 General Sunday School Conference leh Board thu chhuak chuan, Naupang Sunday School tih hmasawn nan 'Animation leh Cartoon material hmanga rawngbawlna neih leh Rualban lo, bengngawngte hnena Chanchin tha hril a nih theih nan a hmala turin Multi Media Ministry Committee hi a din a ni.
---------
GENERAL HEADQUARTERS OFFICE TLAWH
August ni 4, 2026 (Thawhlehni) khan Serchhip Dinthar Bial hruaitute chuan General Headquarters Office an tlawh.
Serchhip Dinthar Bial te hian Bial Kohhranpui Inkhawmpui Rorel bawhzuiin Kohhran hmunhma hrang hrangte tlawh kualin hun an hmang a, bialtu Pastor Rev. K. Lalhmingmawia chuan hovin mi 21 an thawk chhuak a ni.
Serchhip Dinthar Bialte hian General Headquarters Office tan thil pek ṭha tak an hlan a ni.
---------
HRUAITUTE PROGRAM
General Treasurer Rev. R. Laichhingpuia chuan August ni 9, 2026 Pathianni Tlangnuam Kohhran, North Mizoram District-ah hun hmangin thusawi rawngbawlna a nei ang..
General Missions Director Rev. C. Vanlalena chuan August ni 8-9, 2026 chhung hian S. Chawngtui, Lunglei District ah Missions Campaign cum Seminar neiin hun a hmang ang.
----------
----------
CHURACHANDPUR DISTRICT
DISTRICT KUMPUAN SUB-COMMITTEE SEMINAR CUM WORKSHOP:
July ni 25, 2026 Inrinni khan Churachandpur District Kumpuan Sub- Committee hmalakna in One Day Seminar cum Workshop hlawhtling tak a neih a ni. Churachandpur District Kumpuan Sub- Committee Seminar ah hian Resource Person 3 awmin, Rev. B. Lalzamluaia, Dist. Superintendent chuan "Thlarau zai Pawimawhna" tih thupui a zirtir a, Evan. Zionthang, Rengkai Local Chairman chuan "Thlarau zai chi hrang hrang" tih thupui a hmangin zirtirna a pein, Evan. K.Khuma, UDC, District Office chuan "Khuang vuak dan" tih hmangin zirtirna a pe bawk.
Seminar ah hian mi 40 vel kalkhawmin, member ten hlawk thlak an ti hle. Ruahman dan chuan remchang hmasa berah Practical workshop buatsaih leh tum a ni.
----------
----------
AIZAWL EAST DISTRICT
Electrcian leh Welder zirchhuak thlahna hun hman a ni:
Aizawl East District PYD ten Skill Development an kalpui a, Electrcian leh Welder zirchhuak thlahna hun July 31, Zirtawp zan khan neih a ni. He hun hi District Committee room-ah neih niin T. Upa. Lallawmzuala Parte, District PYD V. President chuan a kaihruai a ni. Hunserh Sis. Lalramliani Sailo, Fund Raising Committee Treasurer chuan hmangin report District PYD Asst. Secretary Evan F. Malsawmdawngliana hnen atangin ngaihthlak a ni a, Skill Development kalpui dan tlangpui a sawi a ni. He hunah hian Pastor J. Lalhmingsanga, District PYD President chuan fuihna thu sawiin zirchhuakte thahnmengai taka thawk chhunzawm a, rawngbawlnaa ngaia hna thawk turin a ngen a ni. Hemi bakah hian Bro. Lalfakzuala leh Bro. Zorema Pachuau, Instructor te hnen atangin thusawi tawi ngaihthlak a ni bawk. Electrcian leh Welder zirchhuak te hnenah hian Certificate leh an kalzelna tur atana an mamawh thilpek hlan an ni bawk. District PYD ten Skill Development an kalpui-ah hian thla hnih chhung Electrict leh Welding hi zir niin zirlaite hnenah hian Stipend pek an ni. Electrician leh Welder zirchhuak te:
Electrician:
1. Bro. K. Laltanpuia, Bawngkawn
2. Bro. Laltlanfela, Maite
3. Bro. Lalrinmawia, Zuangtui
4. Bro. Hmingmuanpuia, Ramthar Veng
5. Bro. F. Vanlalthanga, Armed Veng South
Welder:
1. Bro. Lalchhuanawma, Maite
2. Bro. Malsawmdawngliana, Armed Veng South
3. Bro. R. Lalhruaizela, Armed Veng South
----------
Biakin sakna tur lungphum phum:
August 1, Inrinni khan Thingsulthliah bial, Tlungvel Kohhran Biak in thar sakna tur lung phum chu Rev R.Laltlankima, Superintendent AED chuan Lalpa lsua Kriata hmingin a phum. He hun hi Tlungvel Kohhran memberte leh Bialtu Pastor leh Bial Treasurer Upa Vanlalrawna ten an hmanpui a ni. Rev. R. Laltlankima hian Inrinni zan khan Tlungvel Kohhranah rawngbalwna a nei nghal a ni. Tlungvel Kohhrante hian Biakin hi an sa chhunzawm nghal dawn a ni.
----------
Executive meeting:
July 31, Zirtawpni khan District Missions Executive meeting, Rev. C. Lalmalsawma, Director kaihhruaiin Director room-ah neih a ni. He hunah hian member an telkim thei a ni. An thu passed langsar zualte:
1. Kumin 2026 District Missions Department Conference vawi 32 na Thingsulthliah Bial a neih turah Missionary chahchhuah nise tih a ni a, Pastor T.c Lalfakmawia Upper Assam & East Arunachal Itakola hmuna awm chu chahchhuah nise tih niin thusawina hun pawh pek ni se tih a ni.
Kum 2026 District Missions Conference Speaker tur atan heng mite hi an ruat nghal bawk.
1) Rev C.Vanlalena (General Missions Director)
2) Rev H.Lalropuia ( Secretary AED)
3) Pastor T.C Lalfakmawia (Upper Assam & East Arunachal Field)
4) Evan C.Lalkhumtira ( Director, Rabung Bial )
5) Upa Lalrokima (Mission Evangelist)
2. Saitual Bial ten rawngbawltu rawihna tur cheng 30,000 (Singthum) District Missions Department hnenah an hlan a, District Missions Department chuan lawmthu an sawi a ni. Saitual kohhrana rawngbawltu tur an rawn dil angin Evan. Thangneihsanga of Tuirial chu Casual a lak niin a rawngbawl chhung atan August – October nise, August ni 8-ah Saitual Kohhran thleng se tih a ni.
3. District PYD in rawngbawltu an rawih Evan Lalrongura of Aiduzawl, Farkawn hmuna an rawih lai chu an rawihna sum nen District Missions kutah an hlan a District Missions Department chuan lawmthu sawiin a rawngbawlna te thlirin lo enpui zel nise tih a ni.
4. District Missions Conference October 23 atanga 25 chhunga Thingsulthliah Biala neih turah report form leh Agenda Bial atanga theh luh hun atan October 4 aia tlai lovah District Missions Departmentt OB te hnenah theh luh vek ni se tih a ni.
----------
Serchhip Dinthar Bial ten Office tlawh:
August 4, Thawhlehni khan Serchhip Dinthar Bial te chuan District Office tlawhin hun hlimawm tak hman a ni. An puala hun tawi District Office-a hman hi Pastor V. Lalnienga chuan kaihruaiin in lawmna thu a sawi a, Serchhip Dinthar Bialtu Pastor, Rev. K. Lalhmingmawia chuan District Office an tlawh chhante sawiin inhmelhriattirna a nei nghal a ni, District Office lamin an lo dawnsawn danah lawmthu a sawi bawk. Staff lam atangin inhmelhriattirna neih ni bawkin, Rev. R. Laltlankima, District Superintendent chuan thutawi sawiin Serchhip Dinthar Bial ten District Office an tlawhnaah lawmthu a sawi a, hetiang anga District Office tlawh thin an awm hi lawmthu a sawi bawk a ni. He hunah hian District Office kalphung te bakah District in hma a lak mekna report ngaihthlak a ni bawk.
Serchhip Dinthar Bial te hian District Office a hman turin thilpek tha tak pein hun tawi hman zawhah hian District Office building fanpui an ni. Serchhip Dinthar Bial atang hian mi 21 vel an kal thei a ni. He hun tawi hman hi Rev. H. Lalropuia, District Secretary chuan tawngtaiin a titawp a ni.
----------
Mi thar:
August 2, Pathianni khan Police veng kohhran (Keifang bial) member ni turin mi thar 2 sengluh an ni. Police Veng kohhranah hian Evan Lalzuisanga, District Missions Evangelist in rawngbawlna a nei mek a ni.
August 1, Inrinni zan khan Khuangleng kohhran , Khawbung bial member ni turin member pakhat sengluh a ni. Khuangleng kohhranah hian Evan VL. Chhawrzela, District Missions Evangelist in rawngbawlna a nei mek a ni.
----------
Hruaitute Programme:
Rev. R. Laltlankima, District Superintendent chuan August 8, Inrinni khan N. Vanlaiphai Bial, Rawlkhang Biakin sakna tur lungphum phumna a nei a, N. Vanlaiphaiah hian Pathianni thleng rawngbawlna neiin Serchhip hmunah Kohhran thil tul pawimawh tia hun a hman zawh hnuah August 12, Nilaini hian Aizawl a let leh ang.
----------
----------
NORTH MIZORAM DISTRICT
District Hruaitute Programme
District Superintendent Rev. K. Lalduhsanga chuan August ni 8, 2026 (Inrinni) hian Phainuam Bial tlawhin a kal dawn a. Pathianniah hun hmangin Thawhtanni hian a lo kir leh dawn a ni.
----------
DISTRICT NEWS:
District LAD Conference Nghahna Tur Tlawh
July ni 31, 2026 khan District LAD hruaitute chuan kumin October Ni 9 atanga Ni 11 chhunga District LAD Conference nghahna tur Sialsuk an tlawh.
Sialsuk bialtu Pastor H. Lalrinpuia leh Organising Committee Office Bearers (OB) te nen Conference pandal sakna tur Sialsuk Field leh hmun pawimawh hrang hrang an tlawh a. Organising Committee hmalakna leh inbuatsaihna chungchang te an sawiho bawk.
District LAD hruaituten Conference hlawhtling taka neih a nih theih nana Sialsuk Bial Conference Organising Committee leh kohhran mipuite theihtawp chhuaha an inbuatsaihna te an hmuhin an lawm hle a, an hmalakna chu lungawithlak an ti hle a ni.
----------
Kanghmun Bial Sunday School Zirtirtute Seminar
August ni 1, 2026 (Inrinni) khan Kanghmun Bial Sunday School ruahmannain Khawrihnim Kohhranah Sunday School zirtirtute pualin Seminar neih a ni.
Seminar-ah hian District Sunday School Director Rev. K. Vanlaldika'n "Teaching Method" tih thupui hmangin paper a present a. Tlaiah Kanghmun Bial Sunday School buatsaih zanriah chaw kilho a ni zanah Sermon Inkhawm neih a ni bawk. A tuk (Pathianni) ah Kanghmun Bial Headquarters-ah hun a hmang leh a ni.
----------
PG Higher Secondary School-ah Project SAMARTH Training
August 4, 2026 khan Director, School Education Department, Government of Mizoram chuan PG Higher Secondary School ah Project SAMARTH hmangin training neih a ni.
Training hi Department lam aṭanga resource person mithiam bik pahnihin an rawn kaihruai a. Projector hmangin zirlai zawng zawng hnenah training pek a ni a, thupui atan Students Advancing Mindset in AI, Robotics, Technology and Digital Hardware tih a ni.
Training hi zirtirtu thlan bikte'n an lo buaipui bawk a ni. Zirlaiten Artificial Intelligence (AI), Robotics, Technology leh Digital Hardware chungchang zirchianna leh hriatna thar an dawn theih nan ruahman a ni.
He training hi ni hnih chhung kalpui a ni a August 5, 2026 (Wednesday) thleng khan neih chhunzawm a ni.
----------
KANGHMUN BIALAH SUNDAY SCHOOL SEMINAR CUM CAMPAIGN NEI:
North Mizoram District Sunday School Hruaitu Pahnih Rev. K. Vanlaldika, Director SSD, NMD leh Evan. MS Dawngliana, Secretary & Treasurer, SSD, NMD te chuan kar kalta Inrinni leh Pathianni Aug ni 1 & 2 hmang khan Kanghmun Bial SS ruahman angin Zirtirtu Seminar leh Gen Kumpuan Thianghlimna campaign an nei.
Seminar Cum Campaign hi Kanghmun Bial Kohhran pahnih Kanghmun Kohhranah leh Khawrihnim Kohhranah neiin; Seminar Paper Teaching Methode tih Dist SS Director Rev. K. Vanlaldika’n Kohhran pahnihah a zirtir a, Kohhran pahnihah vek hian Director leh Secretary & Treasurer ten Sunday School hmasawnna lam hawi Pathian thuchah an sawi bawk.
----------
DISTRICT SUNDAY SCHOOL EXECUTIVE MEETING NEI:
August ni 4 (2026) Thawhlehni khan North Mizoram District SS Executive Meeting chu, District Office Supdt. Room-ah neih a ni a.
Dist SS Exe Meting hi Director Rev. K. Vanlaldika’n kaihruaiin District Hruaitu Pathum Rev. K. Lalduhsanga, Dist Supdt., Rev. C. Lalthantluanga, Dist Secy leh Rev. C. Lalmuanpuia, Dist Treasurer ten an ho bawk.
Rorel pawimawh zingah kum 2026 Nov. ni 20 chhung leh zan hmanga Dist SS Conference vawi 45-na Tlangnuam Biala an thlen tur thlir lawkin Tentative Programme an ruahman a, Confe hi Nov ni 20 Zirtawpni dar 11:00Am-ah tanin Rev. C. Lalthantluanga, Dist Secy in a hawng ang a, Rorel inkhawma tan a ni ang.
Zan lamah Revival Programme hman niin; Dist SS hruaitute ruahman angin Naupang lam tam zawka an chhim theihna tura programme buatsaihin Revival-a hun hman tum a ni. Zan lamah Distric Supdt. Rev. K. Lalduhsanga chu Speaker-ah hman a ni ang.
----------
2027 DISTRICT SS MEET:
North Mizoram District in kum 1990 bawra District SS Meet an lo neih tawh chu District SS Board in kum 2027 hian neih leh nise tiin a rel a, Organising Comt din chu District SS Exe kuta dah a nih angin heng mite hi NMD SS Meet 2027 Organising Committee hruaitu atan ruat an ni:
1. Chairman : Evan. Jeno Vanlalruata, Tlangnuam Bial
2. Secretary : Evan. R. Lalthakima, Chaltlang Bial
3. Treasurer : Sist. Angela Malsawmtluangi, Headquar Bial
----------
2027 ATANA SS HALL SAK TANPUINA PEK:
NMD SS-in SS Hall sak tanpuina a pek thin chu kumin atan Kohhran 12 hnenah a pe chhuak a, heng mite hnenah hian a pechhuak a ni:-
1 Bualpui Venglai Local Kawnpui Bial
2 Zamuang Local Rengdil Bial
3 Kanan Local Dinthar Bial
4 N Chaltlang Vengthlang Bukpui Bial
5 Kol. Vengthar Local Kol Diakkawn Bial
6 Kanhmun PP Zawlnuam Bial
7 Rasdali MF Bairabi Bial
8 Thingdawl Vengthar Kol Diakkawn Bial
9 Darlak Mamit Bial
10 West Bunghmun Rengdil Bial
11 Kanghmun Local Kanghmun Bial
12 Msvt Local Hqrs. Bial
----------
BIAL/LOCAL NEWS
MI THAR LAWM LÛT🏻
August ni 2, 2026 (Pathianni Chawhma) khân C. Lalrinchhana-te chhungkua (member 3) chu Mizoram UPC, Zemabawk Dinthar Kohhran aṭangin Upa T. Lalhruaitluanga, Chairman, Church Board Committee, Thingdawl Tlangnuam Kohhran chuan, United Pentecostal Church of North East India, Kolasib Diakkawn Bial, Thingdawl Tlangnuam Kohhran-a lawi tûrin Lalpa Isua hmingin a lawm lût.
Chhungkaw member :
1. C. Lalrinchhana (Chhungkaw pa)
2. Sarah Lalhmingliani (Chhungkaw nu)
3. Christina Lalpekhlui (An fanu)
----------
INDUCTION SERVICE NEIH A NI
Bilkhawtlir Bial hmalakna a rawngbawltu tur Unaunu Juliet Lalremruati B/W chu, Date 2-08-2026 Pathianni zân khan Behliangchhip (PP) Tlangsang Bial ah, Bialtu Pastor Lalramthara Sailo chuan lawmluhna a nei.
Lawmluhna inkhawmah hian Tlangsang Bial Kohhranpui Hruaitute ten fuihna thu leh a rawngbawlnaah Pathian malsawmna an dawna, Lalpa ram zauh anih ngei theih nâna a rawngbawlna tur te malsawm anih theih nân duhsakna sangtak an hlan bawk a ni.
Behliangchhip (PP) a rawngbawltu tur hi Unaunu Lalnuntluangi(Nupuii) Kolasib Khuangpuilam leh Unaunu H.Vanlalvenpuii Bethlehem Aizawl ami ten a rawngbawlna hi an rawn tawiawm dawn bawk ani
Behliangchhip (PP) ah hian Bilkhawtlir Bial bultumin thlakhat chhung rawngbawlna hi neih tum a ni dawn a, ram a kal dân a zirin thlakhat ai rei pawh rawngbawlna hi kalpui tur a ni ang.
Unaunu Juliet Lalremruati B/W hi Bilkhawtlir Bial hruaitu ten Behliangchhip thleng rawn thlah in Induction service pawh an rawn hmanpui bawk ani
----------
PHAINUAM BIAL MISSIONS DEPARTMENT REVIVAL TLUANG TAKIN HMANG ZO
Bial Missions Department Conference rorel, Bial Revival chu Ni 1-2 August 2026 hmangin Phainuam Headquarters Local Biak In ah tluang taka hman a ni.
Saipum Local, Saipum North Local leh Saiphai Local atangin mikhual riak lut mi 42 awm in, langa chhimtu an awm bawk. Phainuam Bethel Local leh Phainuam Upper Local ten Biak In an khar bawk a ni.
Revival Programme
INRINNI ZAN-
Chairman: Upa Thangzachunga, Bial Director
Tantu: T.Upa Lalnunsanga, Secretary Missions Dept. Headquarters Local
Speaker: Upa Lalmalsawma, Director Saipum Local
Thupuan 14:18 thu chhiarin "Pathian duhzawng eng nge ni" tih thu hmangin Pathian thu ngaihthlak a ni.
PATHIANNI ZING-
Chairman: Upa Thangzachunga, Director Bial Missions Dept.
Tantu: Upa Rochungnunga, Director Upper Local
Speaker: Pastor K. Malsawmkima, bialtu pastor
Jeremia 8:18-22 thu chhiarin "Revival hlawhtling a nih theih nan kal san tur, chan tur, paih then ngai kan nei,..Lalpa chu a pangai reng" tih thute hmangin sermon ngaihthlak a ni.
PATHIANNI CHHUN-
Chairman: T.Upa Ngamliana, Secretary Bial Missions Dept.
Tantu: T.Upa Lalneihngheta, Secretary Saipum 'N' Local
Speaker: Upa Vanlalnghenga, Director Saiphai Local
Sam 43:5 thu chhiarin "Pathian beisei rawh" tih thu hmangin sermon ngaihthlak a ni.
PATHIANNI ZAN-
Chairman: Upa Lalrinthanga, Treasurer Bial Missions Dept.
Tantu: Upa Ngulthanga, Director Bethel Local
Speaker: Upa Thangzachunga, Director Bial Missions Dept.
Thupuan 22:12-17 thu hmangin Pathian thuchah ngaihthlak a ni.
Revival inkhawm programme Thlarau lam Tawnghriatlohte nen hman thin a ni a. Bial PYD Zaipawl ten Pathianni zing leh zan inkhawmah hla an rem thin bawk. Thlengtu Local ten Pathianni zing inkhawm banah refreshment tui tak an buatsaih bawk a ni.
----------
AIBAWK KOHHRAN THUTHAR Member thar pali (4) lawmluh ani
Dt 02.08.2026 Pathianni chawhma inkhawm ah UPC NEI member ni tur in Prebyterian kohhran aṭang in Member 4 lawmluh an ni.
Bro H.Lallianzela
Sist Vanlalhruaii
Bro H.Zosangpuia
Sist H.Zothansangi
Mithar te hi Rev Lalhmuakliana Hnamte Bialtu Pastor in lawm luh na a nei a ni. Aibawk local ah hian Rev Lalhmangaihawma’n rawngbawl na a nei mek a ni.
------------
THLAITHAR KÛT ROPUI TAKA HMAN ANI
Tlangsang bial a, TLANGSANG LOCAL ah Thlaithar kût hman ani a. Thlaithar thawhlawm tlingkhawm hi cheng 7,770 a ni Kohhran hmangaiha mahni thlai thar chhuah te phal taka thawhtute chungah thinlung takin LAWMTHU kan sawi e.
----------
----------
CHHIMTUIPUI DISTRICT
SIGNATURE CAMPAIGNED HLAWHTLING TAKA HMAN ANI
August ni 3, 2026 (Thawhtanni zan) khan District PYD Kumpuan Board hmalakna in District Hqrs Bial PYD Fehchhuah programme ah Signature Campaign hlawhtling taka neih a ni.
He Campaign ah hian District PYD OB atangin Upa Vanlalruatkima Financial Secretary in a telpui thei a ni. Dist. PYD Kumpuan Board te chuan hmalakna hmasa atan Signature campaign an kalpui a, Pathian in rem a tih chuan Bial dang ah pawh kalpui zel tum a ni.
----------
BIAL HUAP IN THLAHNA HUN HMANG
August ni 1, 2026 (Inrinni) khan Tipa Bial te chuan an bial chhung Vahia Home Missions field a thawk mek Evan E.Khaching chu Pastor atan lak anih avangin bial huapin a thlahna hun Vahia PS ah an nei. Bial chhung Local hrang hrang atang kal an tha hle.
Vahia kohhran ten Programme hmangtura kal te zingchaw tuihnai tak an buatsaihsak a an lawm hle.
----------
DISTRICT PYD BOARD VAWI 91-NA THU
July ni 31, 2026 (Zirtawp ni) khan District PYD board vawi 91-na chu District Committe Room, Siahaah Pastor Robert B Lalnunsiama T, Dist.PYD President kaihruaina hnuaiah tluang takin neih a ni.
Rorel Agenda sawiho hma in Kum 2026 PYD Week Guide bu release-na neih a ni a. Rbt L Khaiu, Dist.PYD Treasurer in PYD Week Guide bu a buatsaih "Taimakna leh Intodelh" a bu chhung thu leh a buatsaih dan report ngaihnawm tak ngaihthlak a ni. Rev Kholy Hlychho, Dist. Superintendent in Lalpa Isua hmingin tlangzarhna a nei a, Pathian hnenah hlanna a nei bawk. Tlangzarhtu hnenah Guide bu present nghal a ni bawk. PYD Week Guide bu hi bu 1 Rs.20/- in zawrh tura ruahmanna siam a ni.
RORELREL THENKHAT TE
1. Dist.PYD Conference vawi 50-na thupui atan "Nangma tâwnah kan hlimin kan lâwm ang a, Kan hril zêl ang, i hmangaihna" Hla thlankhawm 1:4 thlan a ni.
Speaker tur te :
1. Dist.Superintendent
2. Dist.Missions Director
3. Dist.Secretary
4. Dist.Treasurer
5. Gen.PYD President leh
6. Upa K Rinthara,Former President te an ni ang.
2. District LAD Tailoring Training center tlawh turin a rel a; hemi rual hian Rs.10,000/- tanpuina pek nise a ti.
3. Kumin chhungin heng bial te hi tlawh turin ruahmanna siam a ni.
1. Niawhtlang bial
2. S.Lungpher bial
3. Dist.Hqrts bial
4. Dist.PYD Conference vawi 50-na hi Conference Jubilee a nih avangin Theme song buatsaih nise tih a ni a. Theme song phuahtu atan Bro H Zorammuana, Asst.Conductor, Dist.Choir chu ruat a ni. A satu tur atan District Choir chu ruat an ni bawk.
5. General PYD Conference Programme-a rawngbawlna nei turin District Choir leh Soloist mi pali te ruat an ni.
6. Environment Protection Committee hruaitu turte hetiang hian ruat an ni.
Chairman : Rbt Lianbikthanga,Meisatla
Secretary : Bro K Vanlalrochansanga,Meisatla
Treasurer : Sist Cindy Ramhlimpuii
Members :
1. Sist Jennifer Lalrammuani,Council Vaih
2. Bro Samson,Dist.Hqrts
3. Bro C Vanlalduatsanga,Siahatla
4. Bro Lalruatkima,Siahatla
5. Sist Elizabeth,Council Vaih
----------
JOINING REPORT PE
District board in pastor a lak thar Evan E. Khaching chuan August ni 3, 2026 (Thawhtanni) khan District Superintendent hnenah ziakin Joining report a pe. Tun atang chuan Pastor E.Khaching tiin Kohhran in a ziak in a lam tawh ang. Joining Report pek zawh ah Rev. Kholy Hlychho,South Lungpher bialtu nen charge in hlanna an nei nghal a, Pastor E.Khaching hian South Lungpher a bial dawn a ni.
District hruaituten Pastor E.Khaching fuihna thu leh tawngtaisakna an nei nghal bawk a ni.
----------
----------
LUNGLEI DISTRICT
RAHSIVENG BIAL PYD TEN MAMAWHTE TANA HMAN TURIN CIVIL HOSPITAL LUNGLEIAH THISEN AN PE
August ni 1, Inrinni khan Lunglei District PYD Conference Rorel bawhzuiin Rahsiveng bial PYD ten Civil Hospital Lungleiah Thisen an pe.
Thisen hi Unit 38 pein, Mipa 29 leh hmeichhia 9 in an pe a. Civil Hospital Blood bank kawta hunserh hman hmasak niin, Bial PYD Secretary Rbt Jacob Ramengmawia'n a kaihruaia, Hunserh Upa C. Lalbiakenga, Bial PYD President in a hmang a, memberte hnenah lawmthu a sawi a. Bial report tlangpui leh District hmalakna bialin a tih ve tur awm te a sawi a. Pathian thu chhiarin, a tawngtai a, chumi hnuah thisen pek nghal a ni.
Rahsiveng bialah hian local 8 awmin PYD Member 770 vel an awm a. Nikum 2024 khan thisen unit 39 an lo pe tawh bawk.
----------
DISTRICT PYD EXECUTIVE MEETING NEI:
July ni 31, 2026 (Zirtawpni) zan khan Lunglei District PYD Executive Meeting neih a ni. Pastor K. Lalnunpuia, District PYD President in meeting a kaihruai a. Rev Pc Lalfakawma, Secretary, Lunglei District UPC in a telpui.
Rorel tlangpuite:
1. Kum 2028 District PYD Conference Vawi 60-na neihna hmun atan UPC Multipurpose Centre, Lunglei ruat a ni
2. District kohhranpui pual atan UPC Multipurpose Centre a hman turin Water Cooler lei nise tih a ni.
3. District PYD Conference Vawi 58-na in Politics dik leh thianghlim zawk neih theihna tur leh Social Media hman dan dik inzirtirna neihna atan Booklet siam nise tia a lo rel chu August thla chhungin Local tinah sem chhuah hman nise, Local PYD tin ten a remchan dan ang angin lo zir se tih a ni.
----------
DISTRICT THIANGHLIMNA COMMITTEE CAMPAIGN MUALLIANPUI LOCALAH:
August ni 2, 2026 Pathianni hmang khan Lunglei District Thianghlimna Committee Assistant Secretary, Evan MS Dawngliana Hnamte chuan South Vanlaiphai Bial, Muallianpui local-ah Thianghlimna Campaign a nei.
Evan MS Dawngliana Hnamte hi Upa Pc Lalnundanga, AOC Local chuan a ṭawiawm. Campaign hi Inrinni zan aṭanga ṭanin, Evan CT Vanlalruata, S. Vanlaiphai Bial Thianghlimna Committee Chairman hun a hmang a leh Pathianni zingah Evan MS Dawngliana Hnamte in hun a hmang thung.Sunday Schoolah Power point Presentation hmangin Campaign neih a ni a. Zan lamah Upa Pc. Lalnundanga'n hun a hmang thung.
----------
PYD KUMPUAN RAWNGBAWLNA LAMṬHUAMTHUM LOCAL-AH:
Lunglei District PYD hnuaia Kumpuan Committee te hmalaknain, Lamṭhuamthum Local, Haulawngah rawngbawlna neih a ni.
August ni 2, 2026 Pathianni hmang khan Rbt C. Lalrosanga, Kumpuan Committee Chairman, bakah Committee member Evan R. Lalnunthara, College Veng, Bro C. Lalremruata, Headquarters , Bro F. Lalramenga, Bazar Local leh Sis Lalramdinpuii, Bazar Local te Lamṭhuamthum Localah an kal. Evan R. Lalnunthara'n zing inkhawmah Penticost Ni tih hmangin thu a sawi a. Chawhnuah PYD Fellowship an telpui a. Zan inkhawmah Evan R. Lalnunthara'n hun hmang leh in, Sis Ramdinpuiin zaiin rawngbawlna a nei thung. Zan inkhawm banah Lunglei an lo pan leh nghal a ni.
General PYD Kumpuan Thuthlung puan uar bawhzuiin District PYD Kumpuan Committee te hian Lamṭhuamthum local, Lungsen North Local leh Ṭawipui N-II localah te kal turin ruahmanna an siam a ni.
----------
PASTOR LALRINGZUALA PACHUAU TIHNGHEH A NI
August ni 3, Thawhtanni khan UPC Lunglei District Board vawi 222-in a rel angin Pastor Lalringzuala Pachuau-in District Superintendent hnenah Joining Report an pe.
District Superintendent Room-a Joining Report a peknaah hian District Official ten an lo dawngsawng a, Fuihna thu tha tak tak leh a hna atana pawimawh tur thu tha tak tak an hrilh a, Pathian hnenah an tawngtai sak bawk. Pastor Lalringzuala Pachuau hi tunah Chawngte Bial-ah a awm mek a. Kum 2024 khan Pastor-a lak niin, Probation hun a hman zawh hnuah tihngheh a ni ta a ni. Dt 1.8.2026 kha joining report pek hun ni mahse, chawlh a nih avangin Dt 3. 8. 2026 hian Joining report a pe ta a ni.
----------
Substance Abuse Prevention Committee (SAPC) Lunglei District hmalaknain Vawiin Dt 31. 7.2026 chawhnu khan CEC School-ah Awareness neih a ni.
Awareness Programme hi CEC School Hall ah neih a ni a. SAPC Committee Secretary, Sis F. Lalrinthangin a kaihruai a. Rev Pc Lalfakawma hnen atangin thutawi sawi ngaihthlak a ni. Resource Person hi Pi Lalthansiami Hnamte, MJS, Secretary, Legal Service Authority, Lunglei District a ni. CEC Principal P. Samson Vanlalfela hnen atangin thusawi ngaihthlak a ni bawk.
Awareness Programme hi SAPC te hmalakna pakhat zinga mi niin, CEC School-ah bul tannin, a remchan dan anga hmalak zel an tum bawk. He Awareness Programme ah hian member te pawh an kal thain, District LAD hruaituten an tawiawm bawk.
----------
July ni 26, 2026 Pathianni hmangin District Thianghlimna Committee Assistant Secretary, Evan MS Dawngliana Hnamte chuan Pangzawl Bial, Bungtlang local-ah Thianghlimna Campain a nei
Evan MS Dawngliana Hnamte hi Rbt V. Chuandailova, AOC Local chuan a ṭawiawm. Campaign hi Inrinni zan ṭanga ṭanin, Inrinni zan leh Pathianni zingah Evan MS Dawngliana Hnamte hian hun a hmang a. Zan lamah Rbt V. Chuandailovan hun a hmang ang. Campaign chhung hian Bial Thianghlimna Committee hruatuten Metting Chairman an ni thung a ni. Bungtlang Local hi member 110 niin Upa leh Rawngbawltu 10 an awm thung.
----------
July ni 31, 2026 (Zirtawp) Zan khan Headquarters Bial PYD te chuan UPC Conference Hall-ah Administrative Workshop an buatsaih a. He Workshop hi Bial leh local hrang hrang OB te pual tur a ni a. Chairman ah Evan H. Lalhmingmawia, Bial PYD President a ni a. Hunserh Rev VL Hmuaka’n a hmang ang. Resource Person atan Rev C. Lalrintluanga, District Superintendent a ni thung. Hruaitute tana hriattur pawimawh tak tak, te zir ho a ni a. Upa A Lalchhuanawma, President Headquarters Local-in, tawngtainain tawp a khar thung.
----------
----------