July 31, 2026
Pennet News
UPCNEINEWSSERVICE_31 JULY 2026
*UPCNEINEWSSERVICE_31 JULY 2026*
KOHHRAN SUM AUDIT:
July ni 27 , 2026 atang khan General Headquarters Office, Mualpui Salem veng Aizawlah Kohhran sum, kum chanve Audit-neih a ni a, General Administration hnuaia Department leh Committee peng hrang hrangte sum enfel hna ngawr tak a thawh niin July ni 31, 2026 Zirtawpni khan tluang tak a zawh fel a ni.
Auditors te hi Rev. H. Lalropuia, Rev. K. Vanlalhruaia, Rev. Lalsawmliana Sailo leh Rev. C. Lalthantluanga te an ni.
---------
GENERAL PYD EXECUTIVE COMMITTEE
July ni 31, 2026 zirtawp ni khan General PYD Executive Meeting chu General Headquarters Office, Mualpui Salem veng, Aizawl-ah neih a ni. An rorel langsar zualte:
1. General PYD Conference Vawi na, Dt: 30th October - 1 November 2026 a Thenzawl, North Mizoram District-a neih turah Speaker tur in heng mite hi ruat an ni:
1) Rev. B. Vanlalruata, President, North Mizoram District
2) Pastor J. Lalhmingsanga,President, Aizawl East District
3) Rev. C. Lalmalsawma, General PYD President
4) Rev. Zohmingthanzama, General Superintendent
2. Apostolic Youth Conference, Dt: 14th - 16th October, 2026 chhunga, Bangkok, Thailand khawpuia neih turah UPC North East India Zaipawlte rawngbawlna nei tur sawmna chu ti hlawhtling tura hmalak ni se tih a ni.
---------
HRUAITUTE PROGRAM
General Secretary Rev. Lalmalsawma Sailo chuan August ni 2, 2026 Pathianni zan hian Saikhama Kawn Kohhran, North Mizoram District ah hun hmangin rawngbawlna a nei ang.
General Treasurer Rev. R. Laichhingpuia chuan August ni 2, 2026 Pathianni zan hian ITI Kohhran, Aizawl East District-ah Thusawi rawngbawlna a nei ang..
General Sunday School Director Rev. Biaksangzuala leh General Sunday School Secretary Rev. JH Zahluna te chuan July ni 19, 2026 chhung hian Lunglei District ah hun hmangin General Sunday School meet tur chungchangah a tul ang te ngaihtuahin hun an hmang.
----------
----------
CHURACHANDPUR DISTRICT
DISTRICT KUMPUAN SUB-COMMITTEE SEMINAR CUM WORKSHOP:
July ni 25, 2026 Inrinni khan Churachandpur District Kumpuan Sub- Committee hmalakna in One Day Seminar cum Workshop hlawhtling tak a neih a ni. Churachandpur District Kumpuan Sub- Committee Seminar ah hian Resource Person 3 awmin, Rev. B. Lalzamluaia, Dist. Superintendent chuan "Thlarau zai Pawimawhna" tih thupui a zirtir a, Evan. Zionthang, Rengkai Local Chairman chuan "Thlarau zai chi hrang hrang" tih thupui a hmangin zirtirna a pein, Evan. K.Khuma, UDC, District Office chuan "Khuang vuak dan" tih hmangin zirtirna a pe bawk.
Seminar ah hian mi 40 vel kalkhawmin, member ten hlawk thlak an ti hle. Ruahman dan chuan remchang hmasa berah Practical workshop buatsaih leh tum a ni.
----------
----------
AIZAWL EAST DISTRICT
Sawleng Biakin hawng:
July 25, Inrinni khan Rev. R. Laltlankima, District Superintendent chuan Darlawn Bial, Sawleng Biak in hawnna a nei.
Biak in hawnna hi Biak in tualah hun hman hmasak niin Biak in chhungah a lawmna hman chhunzawm nghal niin Rev. R. Laltlankima, District Superintendent chuan thusawi rawngbawlna a nei nghal a ni. Sawleng Biak in hi Ft 30x15 a liana sak niin District atangin Biak in sak tanpuina an dawn bakah a theih ang angin Sawleng Kohhran leh Darlawn Bial ten Biak in sakna tur hi an tuak bawk. Rev. R. Laltlankima, District Superintendent hian Pathianni thleng khan Darlawn Bialah hian rawngbawlna a nei a ni.
----------
Cook la thar:
Bethesda Hostel Cook atan Sis. Lalhmunsiami D/o Remruatkima, Thentlang chu lak a ni. Bethesda Hostel Cook lakna tur atan hian Bethesda Hostel Managing Board chuan Adverstisement chhuahin July 30, Ningani khan Interview neih a ni a, Sis. Lalhmunsiami hi lak a ni ta a ni.
----------
Electrcian leh Welder zirchhuak thlahna hun hman a ni:
Aizawl East District PYD ten Skill Development an kalpui - 'Electrcian' leh 'Welder' zirchhuak thlahna hun July 31, Zirtawp zan khan neih a ni.
He hun hi District Committee room-ah neih niin T. Upa. Lallawmzuala Parte, District PYD V. President chuan a kaihruai a, fuihna thu Pastor J. Lalhmingsanga, District PYD President chuan sawiin report District PYD Asst. Secretary Evan F. Malsawmdawngliana hnen atangin ngaihthlak a ni bawk. Electrcian leh Welder zirchhuak te hnenah hian Certificate leh an kalzelna tur atana an mamawh thilpek hlan an ni bawk.
District PYD ten Skill Development an kalpuiah hian thla hnih chhung Electrict leh Welding hi zir niin Instructor atan Bro. Lalfakzuala, Bethlehem leh Bro. Zorema Pachuau te hman an ni.
----------
Revival Crusade:
District PYD Kumpuan Sub-Committee te buatsaihin August 7 atanga 9 chhung hian ITI Kohhran, Mualpui Bialah Revival Crusade neih a ni dawn.
He hunah hian Speaker-ah Rev. KVL. Hmangaihkima chu hman tur niin inkhawm apiangin Zaipawl leh mal zai ngaihthlak thin a ni ang. He hun hmang tur hian Bial hrang hrang bakah District Sub-Committee te atangin PYD member te sawm an ni.
----------
Thisen pe:
Bazar Bial PYD te chuan July 25, Inrinni khan Civil Hospital, Aizawl-ah a duh apiangte hman atan thisen an pe. Thisen hi Unit 30 pek niin mipa 21 leh hmeichhia 9 ten an pe a ni. Thisen pe tur hian Bazar Bial atangin PYD member mi 60 chuang an kal a ni.
----------
Elpida Rehabilitation-ah hun hmang:
July ni 24, 2026 Zirtawp zan khan District PYD hnuaia Street Ministry Committee member te chuan Elpida Rehabilitation Centre ah inkhawmpuina hun an hmang.
He hun hi Bro. Lalthafamkima, Secretary, Street Ministry chuan kaihruaiin Chairman Tual Upa Dr. Oliver Lalthlengliana hnen atang leh Elpida Rehabilitation Centre a awm mêk mi 4 te hnen atangin thusawi an ngaithla a ni. Street Ministry Committee hian an sum thawhkhawm cheng 7000 an hlan bawk a ni.
----------
Mi thar:
July 29, Nilai zan khan Zohmun bial, Zokhawthiang ah Members thar 10 seng luh an ni. Zokhawthiang ah hian District Missions Evangelist Upa.Lalrokima’n rawngbawlna a nei mek a, Darlawn Upa Malsawma te pafa in an tawiawm mek bawk a ni.
July 26, Pathianni zan khan Tuirial Airfield Kohhranah Mithar 3 chu Evan H Malsawmthanga, District Fulltime Evangelist rawngbawlna atangin sengluh an ni. Mithar te hian Isua hmingin Baptisma an chang nghal a, nau Pakhat hlan a ni bawk.
July 26, Pathianni vek khan Rabung Bial, Khualen Kohhran ah Member thar 5 sengluh an ni. Mithar te hi Bialtu Pastor HMS Dawngkima'n sengluhna a nei a, Nau pahnih hlan nghal an ni bawk.
July 25, Inrinni zan khan Khuangleng kohhran, Khawbung bial member ni turin mi thar pakhat sengluh a ni. Khuanglengah hian Evan Vanlalchhawrzela, District Missions Evangelist in rawngbawlna a nei mek a ni.
----------
----------
NORTH MIZORAM DISTRICT
District Hruaitute Programme:
District Superintendent Rev. K. Lalduhsanga chu Upa Laltlanmawia, Headquarters Local te chhungkua Chawimawinaah Pathianni zingah thu a sawi ang.
District Secretary Rev. C. Lalthantluanga chuan Rengtekawn Bial-ah Rawngbawlna neiin a kal ang hetiangin:
1. 1/8/26 (Sat. zan) : N.Builum
2. 2/8/26 (Sun. zing) : Saihapui K
3. 2/8/26 (Sun. Zan) : Rengtekawn
District Treasurer Rev. C. Lalmuanpuia chuan August ni 2, 2026 Pathianni chhun ah CBC Inkhawm ah thu sawi ang, Tin, Pathianni zanah hian Chanmari West Local ah thu a sawi bawk ang.
District Missions Director Rev. K. Malsawmtluanga chu Upa Laltlanmawia, Headquarters Local te chhungkua Chawimawinaah Pathianni chawhnuah thu a sawi ang.
-------------------
District NEWS:
District Board Vawi 254-na Rorel
North Mizoram District District Board Vawi 254-na chu Dt. 22–23 July, 2026 khan District Committee Room-ah neih a ni a. Rorel tlangpuite:
1. Tripura District atanga Balukchhera Preaching Point chu North Mizoram District hnuaiah lakluh a ni a, Zawlnuam Bial hnuaiah awm tûrin District Board-in a phalsak.
2. Rev. Lalremtluanga pension a lo chhuak dawn tak avangin, September 10, 2026 atangin Rev. K. Lalduhsanga, District Superintendent chu Headquarters Bial lo hmui tûrin ruat a ni.
3. District Secretary Rev. C. Lalthantluanga chu Executive Board Member atan ruat a ni.
4. Kohhran Hming Thlak : Awrpuara Veng (Bairabi Bial) chu Gilgal Kohhran ti a thlak a ni a, Mualmawi Preaching Point (Headquarters Bial) chu Kulikawn East ti a thlak a ni bawk.
5. District PenNet Studio siam zawh, North Mizoram District Website siam leh PenNet rawngbawlna tihchangtlunna atâna PTZ Camera leh Drone lei tûr chu pass a ni a. Hengte hi 2027 Budget-ah dah tûrin rel a ni.
6. District chhunga Bial tinah Bial PenNet Committee din tûr leh Media Cell/Archive Cell awmsa te pawh "Bial PenNet" tih hming hmang tûra rel a ni. Hemi rorel hi tun atangin hman nghal tûra pass a ni.
7. District hmasawnna atan heng bial te hi hawn thar tûrin hmalak ni se tih a ni:
* Thingdawl Venglai
* Thenzawl Field Veng
* Kawrthah
* North Lungleng
* Buhchangphai
* Sairang
* Zotlang
8. Pastor-te travelling allowance atan petrol leh diesel rate tihpun a ni a. Hemi rate thar hi December 2026 Board atangin hman tan tûr a ni.
9. PG Higher Secondary School Managing Board hnuaia thawktu te MUHCS zawm ve theih tûrin phalsak a ni a, Membership Fee-ah 50% Managing Board-in a tumsak ang. Tin, probation period pawh kum hnih atangin thla rukah tihdanglam a ni.
10. North Mizoram District-ah Counselling Centre din chungchang chu District Conference Agenda-ah thlen tûrin rel a ni.
11. Rev. PC Lalfela chu Voluntary Pension phalsak a ni a, October 1, 2026 atangin pension-a chhuak tûra rel a ni. A awmna Kolasib Venglai Bial chu District Secretary-in lo hmui tûrin ruat a ni.
12. March 2027 District Board-ah Pastor thar lak tûrin rel a ni a. Advertisement chu January 2027-ah chhuah tûr a ni.
District Board Vawi 254-na chuan District leh kohhran hmasawnna tûra rorel pawimawh tam tak a siam a. Heng rorelte hi a hun taka hman zui tûrin District hruaitute leh bial hrang hrangte an hma la zui ang.
----------
Seminar Cum SS Kumpuan Campaign nei dawn
North Mizoram District Sunday School hruaitu pahnih Rev. K. Vanlaldika, Director, SSD, NMD leh Evan. MS Dawngliana, Secretary, SSD, NMD te chuan Kanghmun Bial SS Dept. in a sawm angin Aug ni 1&2 hmang hian Seminar cum Campaign Kanghmun Bial Local hnih-ah an nei dawn.
Aug ni 1 Inrinni hian Seminar Khawrihnim Kohhranah Director-in neiin Zanah Sermon-in a chhunzawm ang a, a tuk Aug ni 2 Pathianni zingah Bial Hqrs. Kanghmunah pheiin Chawhmaah Evan. MS Dawngliana, Secy. in hun hmangin, chawhnu lamah Director in Seminar a nei ang a, Zanah Director vekin rawngbawlna a chhunzawm bawk ang. (Note: Kanghmun kohhrante hian Sunday School hmasawnna atana hruaituten rawngbawlna hun thawl an neih theih nan, Zirlai an zirtur te, kar kalta Pathianni khan uluk takin an lo zir lawk tawh a ni)
----------
DISTRICT SUM AUDIT
July ni 28 atanga ni 30 thleng khan District Sum Audit a ni.
Auditors
* Chief Auditor: Rev. P. C. Laltlankima
* Upa K. Lalngilneia
* Upa C. Lalfakawma
Sum Audit dan
July 28, 2026
* Accountant
* Cashier
* PGHSS – Rammawia
July 29, 2026
* District Treasurer
* Missions Department
* PGHSS
July 30, 2026
* Bookstall
* Sunday School Department
* LAD
* PYD
----------
PG HIGHER SECONDARY SCHOOL AH CAMPAIGN NEI
July ni 27, 2026 (Thawhtanni) khan UPC (NEI), North Mizoram District PYD, Education Sub Committee te chuan PG Higher Secondary School ah Campaign an nei a ni. Thupui ah Career & Guidance leh Mental Health tih hmangin Campaign hi an nei a ni.
Resource Person ah Education Committee OB atangin Secretary Bro. Robert K. Lalrohlua leh Sis. Julie Vanlalsawmi Treasurer te hman an ni. Thupui thlan chhuah khi hneh takin an sawi a, naupangte pawhin an hlawkpui hle a ni. Tin, District PYD Education Committee ten Career Guidance lehkhabu tha tak mai an siam HMATHLIR chu bu 5 lai PG School te hi an pe bawk a ni.
An chungah PG Higher Secondary School Staff te leh naupangte an lawm tak meuh meuh a ni.
----------
BIAL/LCOAL NEWS:
Member thar lawmlut:
July ni 24, 2026 Inrinni zan atanga Thenzawl bial Hermon Local a Revival Crusade neia rawngbawl mek Masada Revival Team (Speaker Evan. Lalramhluna Hmar) rawngbawlna kal zelah ni 27 July Thawhtan zan khan Baptist kohhran atangin chhungkaw khat (member 3) te chu Pentecost kohhran ah lawmluh an ni a, an zinga pakhatin sual ngaihdamna baptisma a chang nghal bawk.
----------
THIANGHLIMNA SEMINAR CUM CRUSADE HMAN A NI
Dt.25th-26th July,2026 chhung khan Mamit Bial Thianghlimna Committee buatsaihin Thianghlimna Seminar cum Crusade buatsaih a ni a, he hunah hian Upa C.Lalnunmawia, Headquarters, Tuikhuahtlang chu Resource Person atan hman a ni.
Dt.25th July, 2026 (Inrinni) chhun ah khan Seminar hi neih niin Bial chhung local hrang hrang atangin Upa, T.Upa, Bial Department hruaitute, Local Department hruaitute leh tualchhunga rawngbawltu chin te tel in member 54 vel an tel thei a ni.
Resource Person, Upa C.Lalnunmawia hnen atangin Thianghlimna chungchang a paper buatsaih chu zir ho a ni a, zawhna leh chhanna hun te hman niin hun hlawk thlak taka hman a ni.
Tin, Inrinni zan atanga Pathianni zan thlengin Thianghlimna Crusade neih chhunzawm a ni a, Upa C.Lalnunmawia chu Speaker atan hman chhunzawm niin a ni hnen atangin Pathian thu tha tak tak ngaihthlak thin a ni bawk.
He hun kan hman chhung zawng hian nung tak mai a, Zai a rawngbawlna min neihsaktu, Sis.Malsawmdawngliani.High Shool Veng Mamit leh Sis.C.Vanlalremruati, Hqrs bial,NMD te chungah Lawmthu kan sawi mawlh mawlh e.
-------------------
Revival Crusade | Hlawhtling taka hman zawh a ni
Dt 26.July 2026 : Bilkhawthlir Bial, Headquarter(Dawrveng Biakin) a, Revival kan hman mek chu Zanin hian hman zawh a ni ta a.
Bialtu Pastor, Rev. R Lalnithanga chuan inkhawm hi min kaihruai a ni.
Pathian fakna hla hlim taka sak ho a nih hnuah ṭawngṭai rualna neih a ni a, thlarau lam hla nen hun nuam taka hman a ni a .
Zaia rawngbawl turin Sis. Vanlallawmsangi chu sawm a ni a, "I dam tha em?" tih hla chu nung takin arawn sa a, thlarau lam hla a sak chhunzawm in, boruak nuam tak hnuaiah hun hman a ni.
Chumi hnuah
Chairman-in Speaker Evan K. Malsawmkima chu sawmna a nei nghal a, Pathian thu Philemona 1:10,17 chhiar in,"Nang malsâwmna ni ang che" tih chu thupui ah hmangin Pathian thu ropui tak min hrilh a ni.
Rawngbawltu a din zawhin Chairman in Bial LAD zaipawl te chu zai turin a sawm a, "Khawpui Mawi" tih hla chu mawi tak leh nung takin an rawn sa a ni.
Inkhawm boruak a nuamin Pathian thlarau in hna a thawk a, Revival programme hi mipuite pawhin kan hlawkpui hle a, kham lo takin zan 9:45 pm velah Rev. R Lalnithanga chuan malsawm ṭawngṭaina in min ṭin a ni.
---------------------------------
Hqrs Local LAD Seminar: 'Taimâkna' Leh 'Incheina Kawnga Thianghlimna'
Vawiin, July ni 26 tlailam dar 1:30pm khan Headquarters local LAD, North Mizoram District te chuan Sis. F. Lalrohlupuii BW, District LAD President (NMD) chu Resource person atân hmangin, Seminar an nei a ni.
He Seminar-ah hian General LAD kumpuan, 'Taimâkna' tih leh 'Incheina kawnga thianghlimna' tih thupui hmanga zirhona neih a ni a. Member kal te'n hlâwkthlâk an ti hle.
He Seminar hi Sis. Doris Lalrinsangi BW, District LAD Secretary (NMD) in a rawn ṭawiawm bawk a ni.
-------------------
Thenzawl bial Hermon local-ah mithar
Dt.26.7.2026 hian Thenzawl bial Hermon local-ah mithar 4, chhungkaw khat chu Evan.Lalramhluna Hmar, Masada Revival team speaker in Lalpa Isua hming in kohhranah a lawmlut...
Thenzawl Hermon local-ah hian Dt.17.7.2026 a tangin Masada revival team te hian rawngbawlna an nei a. An rawngbawlna a tang hian mithar 9 kohhranah seng luh an ni tawh a ni...
-------------------
BILKHAWTHLIR BIAL REVIVAL
United Pentecostal Church; Bilkhawthlir Bial te chuan Dt. 24-26 July 2026 chhung hian Evan K. Malsawmkima (Oneness Revival Team) chu Speaker ah hmangin Revival Crusade an buatsaih.
Dt.24.07.2026( Friday zan) inkhawm report :
Dar 7:30 Pm ah inkhawm ṭan a ni a; Chairman Evan.S.Lalrinmawia lo dingin puan tur ṭul puan na hun a hawnga,inkhawm ṭan a ni.
Chairman chuan rawngbawltu sawmna Sis. Jenny Vanlallawmsangi chu zai turin a sawm a, Ani hian "Over Moro" tih hla chu thiam taka sa in mipui te min awi a;
Rawngbawltu Evan K.Malsawmkima rawn dingi'n , Thupuan 11:1 thu a chhiar a, "Pathian biakin chu teh rawh" tih thupui ah hmangin, Lal Isua thisena lei Kohhran hlut zia thu te sawiin Pathian thu ṭha tak Kohhran mipui te min hrilh a ni.
----------------------
Bial huapin kumpuan campaign neih a ni
▫️North Mizoram District PYD Kumpuan Committee buatsaihin kum 2026 chhunga vawi 4-na leh a tawp ber nan Thenzawl Bial ah Bial PYD huapin kumpuan campaign hlawhtling taka neih a ni.
Inkhawm hi T. Upa Lalnunthara, Bial Kumpuan Committee in a kaihruai a, Bro. Lalchhanchhuaha, Dist. Kumpuan Commt. in ṭanna neiin Evan. Vanlalhluta, Dist. Kumpuan Treasurer hnen atang Dist. Report kimchang taka ngaihthlak a nih hnuah Bro. Vanlalruata, Bial Kumpuan Commt. hnen aṭang Thenzawl Bial kumpuan commt. hmalakna hrang hrangte ngaihthlak leh a ni. Bro. Lalnunzira, Vengpui hnen aṭang fakna hla ngaihthlak a ni bawk. Campaigner Evan. H. Lalbiakhluna, Dist. Kumpuan Secretary hnen aṭang Pathian thuchah ropui tak ngaihthlak a ni a. Bro. PC Lalchhanchhuaha, Bial PYD Secretary hnen aṭang Thenzawl Bial dinhmun tlangpuite, hmalakna tlangpui te sawiin lawmthu sawina a nei nghal bawk a ni. Kumpuan campaign ah hian Bial PYD Education Commt. ten Bial chhunga BA 1st Division-a pass member 2 hnenah Citation an hlan bawk a ni. Inkhawm banah thuthlung phatsan lo tura intiamna signature campaign neiin member ten hlawk thlak an ti hle.
--------------------------------
THUTHLUNG CRUSADE cum SEMINAR BUATSAIH
Dated Bairabi, the 20th July, 2026
July ni 18 leh 19, 2026 hmang khan Bairabi Bial PYD Kumpuan Committee buatsaihin "Thuthlung" tih thupuia hmangin Bairabi North Biak Inah Crusade cum Seminar hman a ni. He programme ah hian speaker atan Bialtu Pastor Pc. Lalrokima hman niin, Sis Lalêngzuali, Durtlâng chu guest artist atan sâwm a ni a. Bial PYD Zaipawlte'n zaia rawngbawlna an nei bawk.
Inkhâwm hi Kumpuan Committee chairman Tual Upa C. Pazâwna leh Bial PYD President Tual Upa CJ Lianchungnunga ten kaihruaiin, Speaker hnen aṭang hian Inrinni zán, Pathianni zîng leh zânah Thuthlung sermon ṭha tak tak ngaihthlâk a ni a. Pathianni chawhnu Seminar program Kumpuan Secretary Tual Upa Laltlanpuia'n hun kaihruaiin Resource person Pastor PC Lalrokima hnen aṭangin Pathian pakhat thu leh Thuthlung chungchang kimchang takin Powerpoint presentation seminar neih a ni a. Seminar paper mai baka projector hmangin hrilhfiah a ni bawk a. A hlâwkthlâk hle. Seminar ah hian member 70 chuang an kal khawm a ni.
Thlarau lam malsawmna ropui tak nen hlim taka hun hman niin Pathianni zan dar 10:20pm khan inkhawm bângin kham lo takin an ṭin.
-----------------------
Hermon Local Thenzawl te chuan ni 17 - 19. 07.2026 (Zirtawp zan aṭang Pathianni zan) thleng Revival Crusade neiin Evan. Lalramhluna, Masada Revival team ten rawngbawlna an nei a ni. Ni 18.07.2026 khan Upa C. Lalduhkima, Hermon Local te chuan Pathian chawimawina neiin Bro. Lalnunfela te chhungkua member 5 chu Mizoram UPC aṭang Speaker hian a lawmlut a ni. Member dang pawh lakluh leh mai beiseiawm deuh te pawh la awmin Speaker te pawh hi an la cham a ni.
------------------------
TLANGSANG LAD TEN SAILUT-1 MF TLAWH
Ni 19.6.2026 Sunday Zing a tang zan hun hmangin Tlangsang Local LAD te chuan keini Sailut-I MF te min rawn tlawhin ,Hun hlimawm leh nuam tak kan hmang ho a,Upa Lalfakawma Bial Mission Directorin rawn ho in ani hnen a tangin Pathianthu tha tak tak ngaihthlak ani a,kan hlawkin kohhran hote pawn nuam kan ti hle ani..Min hmangaih a min rawn tlawhtu Tlangsang Local LAD te Lalpan tamtakin malsawm rawhse.
----------
----------
CHHIMTUIPUI DISTRICT
MITHAR LAWM LUH LEH BAPTISMA RAWNGBAWLNA:
Dt.26.7.26 (Chawlhni) khan Siata Local ah mi thar pakhat (Chakhei lam mi) chuan Evan. L. Khailawngsual kutah sual ngaihdamna Baptisma Lalpa Isua hmingin a chang.
Dt. 26.7.26 (Chawlhni zan) khan Amôbyuh Vaihthie(Zero) Preaching station-ah Mithar Pa 2 (chhungkaw khat) te chu UPC NEI Member ni turin Evan. L. Lalthafamkima, Home Missionary chuan Lalpa Isua hmingin a lawm lut.
Dt. 26.7.26 (Chawlhni) khan Phura Local ah Mi thar pariat-in sual ngaihdamna Baptisma Lalpa Isua hmingin an chang a. Baptisma rawngbawlna hi Evan P Lalrintluanga Home missionary in a nei a ni.
JANUARY - JULY 2026 CHHUNG A MI THAR NEIH TAWH ZAT
`
January - 73
February- 17
March - 22
April. - 43
May. - 33
June - 29
July. - 6
G.Total : 223
----------
HOME MISSIONS FIELD AH RAWNGBAWLNA NEI
Dt.25-26.7.26 chhung khan Evan.HC.Hmingtinthanga (Jehova Jeri Revival Team) te chuan Tuipang 'L' Local ah rawngbawlna an neiin Bible study te an neih pui a ni.
Dt.26.7.26 (Chawlhni tlai) khan Bualpui 'NG' Local PYD te chu Siachangkawn Ps ah Fehchhuak in rawngbawlna nung tak an nei a, Siachangkawn kohhrante an lawm hle a ni.
Evan. N. Thanghnuna, District Evangelist chuan chawlhkar hnih chhung Bethel Local, Sangau ah rawngbawlna nei tawh bawk.
----------
----------
LUNGLEI DISTRICT
UPA THUZIR NEIH A NI
July ni 24, 2026 (Zirtawpni) Dar 10:00 AM khan 'Upa Thuzir' chu UPC Conference Hall-ah neih leh a ni a. Tun ṭum Upa Thuzir hi Southern Zone (Headquarters Bial, Luangmual Bial, Theiriat Bial, Zobawk Bial leh Tawipui Bial) te tan a ni.
Upa Thuzir hi Rev C. Lalrintluanga, District Superintendent in a kaihhruai a. Rev. R. Vanlalenga Ṭawipui Bialtu Pastorin Hunserh a hmang a. Thupui "Church Leadership" zirho a ni a. Resource Person ah Rev Pc. Lalfakawma, District Secretary niin. Thupui "Church Administration", Rev. K. Vanlalhruaia District Treasurer-in a zirtir thung. Rev Jerry Lalmuanawma, Zobawk Bialtu Pastor a ṭawngtai a, chawhma hun tihtawp a ni.
Chawhnu Programme hi Rev VL. Hmuaka, Headquarters Bialtu Pastor chuan kaihruaiin Rev C. Lalhriatpuia, Missions Director Resource Persona hnen atangin "Kohhran Upa tih tur leh nihphung" tih zir ho a ni a, Rev R. Lalramhluna, Luangmual Bialtu Pastor chuan hun tawp tawngtaina a hmang. Upa Thuzir neihah hian Bial panga aṭangin Upa 71 an kal khawm a ni.
----------
SUBSTANCE ABUSE PREVENTION COMMITTEE (SAPC):
Lunglei District hmalaknain Dt 31. 7.2026 chawhnu khan CEC School-ah Awareness neih a ni.
Awareness Programme hi CEC School Hall ah neih a ni a. SAPC Committee Secretary, Sis F. Lalrinthangin a kaihruai a. Rev Pc Lalfakawma hnen atangin thutawi sawi ngaihthlak a ni. Resource Person hi Pi Lalthansiami Hnamte, MJS, Secretary, Legal Service Authority, Lunglei District a ni. CEC Principal P. Samson Vanlalfela hnen atangin thusawi ngaihthlak a ni bawk. Awareness Programme hi SAPC te hmalakna pakhat zinga mi niin, CEC School-ah bul tannin, a remchan dan anga hmalak zel an tum bawk. He Awareness Programme ah hian member te pawh an kal thain, District LAD hruaituten an tawiawm bawk.
----------
THIANGHLIMNA CAMPAINGN NEI:
Dt 26. 7. 2026 Pathianni hmang khan District Thianghlimna Committee Assistant Secretary, Evan MS Dawngliana Hnamte chuan Pangzawl Bial, Bungtlang local-ah Thianghlimna Campain a nei. Evan MS Dawngliana Hnamte hi Rbt V. Chuandailova, AOC Local chuan a ṭawiawm. Campaign hi Inrinni zan ṭanga ṭanin, Inrinni zan leh Pathianni zingah Evan MS Dawngliana Hnamte hian hun a hmang a. Zan lamah Rbt V. Chuandailovan hun a hmang ang. Campaign chhung hian Bial Thianghlimna Committee hruatuten Metting Chairman an ni thung a ni. Bungtlang Local hi member 110 niin Upa leh Rawngbawltu 10 an awm thung.
----------
ADMINISTRATIVE WORKSHOP:
Dt 31.7.2026 (Zirtawp) Zan khan Headquarters Bial PYD te chuan UPC Conference Hall-ah Administrative Workshop an buatsaih. He Workshop hi Bial leh local hrang hrang OB te puala buatsaih niin Resource Person atan Rev C. Lalrintluanga, District Superintendent chu hman a ni.
----------
PASTOR TRANSFER:
District Board-in Pastor Transfer tura a lo rel tawh angin, Dt 30. July 2026 khan Rev R. Lalsangzuala chuan Theiriat atangin a bial thar tur Lungsen a thleng. Lungsen Bialtu Pastor hi Pastor Zionrammawia niin, Deputation-a Tripura Superintendent a zawm hnuah, Rev K. Vanlalhruaia chuan Lungsen Bial hi hmuiin, Rev R. Lalsangzuala hian Lungsen Bial hi a enkawl thung dawn a ni. Theiriat Bial erawh District Superintendent Rev C. Lalrintluanga’n Pastor lak a nih hma chu a enkawl thung ang.
----------
----------
KOHHRAN SUM AUDIT:
July ni 27 , 2026 atang khan General Headquarters Office, Mualpui Salem veng Aizawlah Kohhran sum, kum chanve Audit-neih a ni a, General Administration hnuaia Department leh Committee peng hrang hrangte sum enfel hna ngawr tak a thawh niin July ni 31, 2026 Zirtawpni khan tluang tak a zawh fel a ni.
Auditors te hi Rev. H. Lalropuia, Rev. K. Vanlalhruaia, Rev. Lalsawmliana Sailo leh Rev. C. Lalthantluanga te an ni.
---------
GENERAL PYD EXECUTIVE COMMITTEE
July ni 31, 2026 zirtawp ni khan General PYD Executive Meeting chu General Headquarters Office, Mualpui Salem veng, Aizawl-ah neih a ni. An rorel langsar zualte:
1. General PYD Conference Vawi na, Dt: 30th October - 1 November 2026 a Thenzawl, North Mizoram District-a neih turah Speaker tur in heng mite hi ruat an ni:
1) Rev. B. Vanlalruata, President, North Mizoram District
2) Pastor J. Lalhmingsanga,President, Aizawl East District
3) Rev. C. Lalmalsawma, General PYD President
4) Rev. Zohmingthanzama, General Superintendent
2. Apostolic Youth Conference, Dt: 14th - 16th October, 2026 chhunga, Bangkok, Thailand khawpuia neih turah UPC North East India Zaipawlte rawngbawlna nei tur sawmna chu ti hlawhtling tura hmalak ni se tih a ni.
---------
HRUAITUTE PROGRAM
General Secretary Rev. Lalmalsawma Sailo chuan August ni 2, 2026 Pathianni zan hian Saikhama Kawn Kohhran, North Mizoram District ah hun hmangin rawngbawlna a nei ang.
General Treasurer Rev. R. Laichhingpuia chuan August ni 2, 2026 Pathianni zan hian ITI Kohhran, Aizawl East District-ah Thusawi rawngbawlna a nei ang..
General Sunday School Director Rev. Biaksangzuala leh General Sunday School Secretary Rev. JH Zahluna te chuan July ni 19, 2026 chhung hian Lunglei District ah hun hmangin General Sunday School meet tur chungchangah a tul ang te ngaihtuahin hun an hmang.
----------
----------
CHURACHANDPUR DISTRICT
DISTRICT KUMPUAN SUB-COMMITTEE SEMINAR CUM WORKSHOP:
July ni 25, 2026 Inrinni khan Churachandpur District Kumpuan Sub- Committee hmalakna in One Day Seminar cum Workshop hlawhtling tak a neih a ni. Churachandpur District Kumpuan Sub- Committee Seminar ah hian Resource Person 3 awmin, Rev. B. Lalzamluaia, Dist. Superintendent chuan "Thlarau zai Pawimawhna" tih thupui a zirtir a, Evan. Zionthang, Rengkai Local Chairman chuan "Thlarau zai chi hrang hrang" tih thupui a hmangin zirtirna a pein, Evan. K.Khuma, UDC, District Office chuan "Khuang vuak dan" tih hmangin zirtirna a pe bawk.
Seminar ah hian mi 40 vel kalkhawmin, member ten hlawk thlak an ti hle. Ruahman dan chuan remchang hmasa berah Practical workshop buatsaih leh tum a ni.
----------
----------
AIZAWL EAST DISTRICT
Sawleng Biakin hawng:
July 25, Inrinni khan Rev. R. Laltlankima, District Superintendent chuan Darlawn Bial, Sawleng Biak in hawnna a nei.
Biak in hawnna hi Biak in tualah hun hman hmasak niin Biak in chhungah a lawmna hman chhunzawm nghal niin Rev. R. Laltlankima, District Superintendent chuan thusawi rawngbawlna a nei nghal a ni. Sawleng Biak in hi Ft 30x15 a liana sak niin District atangin Biak in sak tanpuina an dawn bakah a theih ang angin Sawleng Kohhran leh Darlawn Bial ten Biak in sakna tur hi an tuak bawk. Rev. R. Laltlankima, District Superintendent hian Pathianni thleng khan Darlawn Bialah hian rawngbawlna a nei a ni.
----------
Cook la thar:
Bethesda Hostel Cook atan Sis. Lalhmunsiami D/o Remruatkima, Thentlang chu lak a ni. Bethesda Hostel Cook lakna tur atan hian Bethesda Hostel Managing Board chuan Adverstisement chhuahin July 30, Ningani khan Interview neih a ni a, Sis. Lalhmunsiami hi lak a ni ta a ni.
----------
Electrcian leh Welder zirchhuak thlahna hun hman a ni:
Aizawl East District PYD ten Skill Development an kalpui - 'Electrcian' leh 'Welder' zirchhuak thlahna hun July 31, Zirtawp zan khan neih a ni.
He hun hi District Committee room-ah neih niin T. Upa. Lallawmzuala Parte, District PYD V. President chuan a kaihruai a, fuihna thu Pastor J. Lalhmingsanga, District PYD President chuan sawiin report District PYD Asst. Secretary Evan F. Malsawmdawngliana hnen atangin ngaihthlak a ni bawk. Electrcian leh Welder zirchhuak te hnenah hian Certificate leh an kalzelna tur atana an mamawh thilpek hlan an ni bawk.
District PYD ten Skill Development an kalpuiah hian thla hnih chhung Electrict leh Welding hi zir niin Instructor atan Bro. Lalfakzuala, Bethlehem leh Bro. Zorema Pachuau te hman an ni.
----------
Revival Crusade:
District PYD Kumpuan Sub-Committee te buatsaihin August 7 atanga 9 chhung hian ITI Kohhran, Mualpui Bialah Revival Crusade neih a ni dawn.
He hunah hian Speaker-ah Rev. KVL. Hmangaihkima chu hman tur niin inkhawm apiangin Zaipawl leh mal zai ngaihthlak thin a ni ang. He hun hmang tur hian Bial hrang hrang bakah District Sub-Committee te atangin PYD member te sawm an ni.
----------
Thisen pe:
Bazar Bial PYD te chuan July 25, Inrinni khan Civil Hospital, Aizawl-ah a duh apiangte hman atan thisen an pe. Thisen hi Unit 30 pek niin mipa 21 leh hmeichhia 9 ten an pe a ni. Thisen pe tur hian Bazar Bial atangin PYD member mi 60 chuang an kal a ni.
----------
Elpida Rehabilitation-ah hun hmang:
July ni 24, 2026 Zirtawp zan khan District PYD hnuaia Street Ministry Committee member te chuan Elpida Rehabilitation Centre ah inkhawmpuina hun an hmang.
He hun hi Bro. Lalthafamkima, Secretary, Street Ministry chuan kaihruaiin Chairman Tual Upa Dr. Oliver Lalthlengliana hnen atang leh Elpida Rehabilitation Centre a awm mêk mi 4 te hnen atangin thusawi an ngaithla a ni. Street Ministry Committee hian an sum thawhkhawm cheng 7000 an hlan bawk a ni.
----------
Mi thar:
July 29, Nilai zan khan Zohmun bial, Zokhawthiang ah Members thar 10 seng luh an ni. Zokhawthiang ah hian District Missions Evangelist Upa.Lalrokima’n rawngbawlna a nei mek a, Darlawn Upa Malsawma te pafa in an tawiawm mek bawk a ni.
July 26, Pathianni zan khan Tuirial Airfield Kohhranah Mithar 3 chu Evan H Malsawmthanga, District Fulltime Evangelist rawngbawlna atangin sengluh an ni. Mithar te hian Isua hmingin Baptisma an chang nghal a, nau Pakhat hlan a ni bawk.
July 26, Pathianni vek khan Rabung Bial, Khualen Kohhran ah Member thar 5 sengluh an ni. Mithar te hi Bialtu Pastor HMS Dawngkima'n sengluhna a nei a, Nau pahnih hlan nghal an ni bawk.
July 25, Inrinni zan khan Khuangleng kohhran, Khawbung bial member ni turin mi thar pakhat sengluh a ni. Khuanglengah hian Evan Vanlalchhawrzela, District Missions Evangelist in rawngbawlna a nei mek a ni.
----------
----------
NORTH MIZORAM DISTRICT
District Hruaitute Programme:
District Superintendent Rev. K. Lalduhsanga chu Upa Laltlanmawia, Headquarters Local te chhungkua Chawimawinaah Pathianni zingah thu a sawi ang.
District Secretary Rev. C. Lalthantluanga chuan Rengtekawn Bial-ah Rawngbawlna neiin a kal ang hetiangin:
1. 1/8/26 (Sat. zan) : N.Builum
2. 2/8/26 (Sun. zing) : Saihapui K
3. 2/8/26 (Sun. Zan) : Rengtekawn
District Treasurer Rev. C. Lalmuanpuia chuan August ni 2, 2026 Pathianni chhun ah CBC Inkhawm ah thu sawi ang, Tin, Pathianni zanah hian Chanmari West Local ah thu a sawi bawk ang.
District Missions Director Rev. K. Malsawmtluanga chu Upa Laltlanmawia, Headquarters Local te chhungkua Chawimawinaah Pathianni chawhnuah thu a sawi ang.
-------------------
District NEWS:
District Board Vawi 254-na Rorel
North Mizoram District District Board Vawi 254-na chu Dt. 22–23 July, 2026 khan District Committee Room-ah neih a ni a. Rorel tlangpuite:
1. Tripura District atanga Balukchhera Preaching Point chu North Mizoram District hnuaiah lakluh a ni a, Zawlnuam Bial hnuaiah awm tûrin District Board-in a phalsak.
2. Rev. Lalremtluanga pension a lo chhuak dawn tak avangin, September 10, 2026 atangin Rev. K. Lalduhsanga, District Superintendent chu Headquarters Bial lo hmui tûrin ruat a ni.
3. District Secretary Rev. C. Lalthantluanga chu Executive Board Member atan ruat a ni.
4. Kohhran Hming Thlak : Awrpuara Veng (Bairabi Bial) chu Gilgal Kohhran ti a thlak a ni a, Mualmawi Preaching Point (Headquarters Bial) chu Kulikawn East ti a thlak a ni bawk.
5. District PenNet Studio siam zawh, North Mizoram District Website siam leh PenNet rawngbawlna tihchangtlunna atâna PTZ Camera leh Drone lei tûr chu pass a ni a. Hengte hi 2027 Budget-ah dah tûrin rel a ni.
6. District chhunga Bial tinah Bial PenNet Committee din tûr leh Media Cell/Archive Cell awmsa te pawh "Bial PenNet" tih hming hmang tûra rel a ni. Hemi rorel hi tun atangin hman nghal tûra pass a ni.
7. District hmasawnna atan heng bial te hi hawn thar tûrin hmalak ni se tih a ni:
* Thingdawl Venglai
* Thenzawl Field Veng
* Kawrthah
* North Lungleng
* Buhchangphai
* Sairang
* Zotlang
8. Pastor-te travelling allowance atan petrol leh diesel rate tihpun a ni a. Hemi rate thar hi December 2026 Board atangin hman tan tûr a ni.
9. PG Higher Secondary School Managing Board hnuaia thawktu te MUHCS zawm ve theih tûrin phalsak a ni a, Membership Fee-ah 50% Managing Board-in a tumsak ang. Tin, probation period pawh kum hnih atangin thla rukah tihdanglam a ni.
10. North Mizoram District-ah Counselling Centre din chungchang chu District Conference Agenda-ah thlen tûrin rel a ni.
11. Rev. PC Lalfela chu Voluntary Pension phalsak a ni a, October 1, 2026 atangin pension-a chhuak tûra rel a ni. A awmna Kolasib Venglai Bial chu District Secretary-in lo hmui tûrin ruat a ni.
12. March 2027 District Board-ah Pastor thar lak tûrin rel a ni a. Advertisement chu January 2027-ah chhuah tûr a ni.
District Board Vawi 254-na chuan District leh kohhran hmasawnna tûra rorel pawimawh tam tak a siam a. Heng rorelte hi a hun taka hman zui tûrin District hruaitute leh bial hrang hrangte an hma la zui ang.
----------
Seminar Cum SS Kumpuan Campaign nei dawn
North Mizoram District Sunday School hruaitu pahnih Rev. K. Vanlaldika, Director, SSD, NMD leh Evan. MS Dawngliana, Secretary, SSD, NMD te chuan Kanghmun Bial SS Dept. in a sawm angin Aug ni 1&2 hmang hian Seminar cum Campaign Kanghmun Bial Local hnih-ah an nei dawn.
Aug ni 1 Inrinni hian Seminar Khawrihnim Kohhranah Director-in neiin Zanah Sermon-in a chhunzawm ang a, a tuk Aug ni 2 Pathianni zingah Bial Hqrs. Kanghmunah pheiin Chawhmaah Evan. MS Dawngliana, Secy. in hun hmangin, chawhnu lamah Director in Seminar a nei ang a, Zanah Director vekin rawngbawlna a chhunzawm bawk ang. (Note: Kanghmun kohhrante hian Sunday School hmasawnna atana hruaituten rawngbawlna hun thawl an neih theih nan, Zirlai an zirtur te, kar kalta Pathianni khan uluk takin an lo zir lawk tawh a ni)
----------
DISTRICT SUM AUDIT
July ni 28 atanga ni 30 thleng khan District Sum Audit a ni.
Auditors
* Chief Auditor: Rev. P. C. Laltlankima
* Upa K. Lalngilneia
* Upa C. Lalfakawma
Sum Audit dan
July 28, 2026
* Accountant
* Cashier
* PGHSS – Rammawia
July 29, 2026
* District Treasurer
* Missions Department
* PGHSS
July 30, 2026
* Bookstall
* Sunday School Department
* LAD
* PYD
----------
PG HIGHER SECONDARY SCHOOL AH CAMPAIGN NEI
July ni 27, 2026 (Thawhtanni) khan UPC (NEI), North Mizoram District PYD, Education Sub Committee te chuan PG Higher Secondary School ah Campaign an nei a ni. Thupui ah Career & Guidance leh Mental Health tih hmangin Campaign hi an nei a ni.
Resource Person ah Education Committee OB atangin Secretary Bro. Robert K. Lalrohlua leh Sis. Julie Vanlalsawmi Treasurer te hman an ni. Thupui thlan chhuah khi hneh takin an sawi a, naupangte pawhin an hlawkpui hle a ni. Tin, District PYD Education Committee ten Career Guidance lehkhabu tha tak mai an siam HMATHLIR chu bu 5 lai PG School te hi an pe bawk a ni.
An chungah PG Higher Secondary School Staff te leh naupangte an lawm tak meuh meuh a ni.
----------
BIAL/LCOAL NEWS:
Member thar lawmlut:
July ni 24, 2026 Inrinni zan atanga Thenzawl bial Hermon Local a Revival Crusade neia rawngbawl mek Masada Revival Team (Speaker Evan. Lalramhluna Hmar) rawngbawlna kal zelah ni 27 July Thawhtan zan khan Baptist kohhran atangin chhungkaw khat (member 3) te chu Pentecost kohhran ah lawmluh an ni a, an zinga pakhatin sual ngaihdamna baptisma a chang nghal bawk.
----------
THIANGHLIMNA SEMINAR CUM CRUSADE HMAN A NI
Dt.25th-26th July,2026 chhung khan Mamit Bial Thianghlimna Committee buatsaihin Thianghlimna Seminar cum Crusade buatsaih a ni a, he hunah hian Upa C.Lalnunmawia, Headquarters, Tuikhuahtlang chu Resource Person atan hman a ni.
Dt.25th July, 2026 (Inrinni) chhun ah khan Seminar hi neih niin Bial chhung local hrang hrang atangin Upa, T.Upa, Bial Department hruaitute, Local Department hruaitute leh tualchhunga rawngbawltu chin te tel in member 54 vel an tel thei a ni.
Resource Person, Upa C.Lalnunmawia hnen atangin Thianghlimna chungchang a paper buatsaih chu zir ho a ni a, zawhna leh chhanna hun te hman niin hun hlawk thlak taka hman a ni.
Tin, Inrinni zan atanga Pathianni zan thlengin Thianghlimna Crusade neih chhunzawm a ni a, Upa C.Lalnunmawia chu Speaker atan hman chhunzawm niin a ni hnen atangin Pathian thu tha tak tak ngaihthlak thin a ni bawk.
He hun kan hman chhung zawng hian nung tak mai a, Zai a rawngbawlna min neihsaktu, Sis.Malsawmdawngliani.High Shool Veng Mamit leh Sis.C.Vanlalremruati, Hqrs bial,NMD te chungah Lawmthu kan sawi mawlh mawlh e.
-------------------
Revival Crusade | Hlawhtling taka hman zawh a ni
Dt 26.July 2026 : Bilkhawthlir Bial, Headquarter(Dawrveng Biakin) a, Revival kan hman mek chu Zanin hian hman zawh a ni ta a.
Bialtu Pastor, Rev. R Lalnithanga chuan inkhawm hi min kaihruai a ni.
Pathian fakna hla hlim taka sak ho a nih hnuah ṭawngṭai rualna neih a ni a, thlarau lam hla nen hun nuam taka hman a ni a .
Zaia rawngbawl turin Sis. Vanlallawmsangi chu sawm a ni a, "I dam tha em?" tih hla chu nung takin arawn sa a, thlarau lam hla a sak chhunzawm in, boruak nuam tak hnuaiah hun hman a ni.
Chumi hnuah
Chairman-in Speaker Evan K. Malsawmkima chu sawmna a nei nghal a, Pathian thu Philemona 1:10,17 chhiar in,"Nang malsâwmna ni ang che" tih chu thupui ah hmangin Pathian thu ropui tak min hrilh a ni.
Rawngbawltu a din zawhin Chairman in Bial LAD zaipawl te chu zai turin a sawm a, "Khawpui Mawi" tih hla chu mawi tak leh nung takin an rawn sa a ni.
Inkhawm boruak a nuamin Pathian thlarau in hna a thawk a, Revival programme hi mipuite pawhin kan hlawkpui hle a, kham lo takin zan 9:45 pm velah Rev. R Lalnithanga chuan malsawm ṭawngṭaina in min ṭin a ni.
---------------------------------
Hqrs Local LAD Seminar: 'Taimâkna' Leh 'Incheina Kawnga Thianghlimna'
Vawiin, July ni 26 tlailam dar 1:30pm khan Headquarters local LAD, North Mizoram District te chuan Sis. F. Lalrohlupuii BW, District LAD President (NMD) chu Resource person atân hmangin, Seminar an nei a ni.
He Seminar-ah hian General LAD kumpuan, 'Taimâkna' tih leh 'Incheina kawnga thianghlimna' tih thupui hmanga zirhona neih a ni a. Member kal te'n hlâwkthlâk an ti hle.
He Seminar hi Sis. Doris Lalrinsangi BW, District LAD Secretary (NMD) in a rawn ṭawiawm bawk a ni.
-------------------
Thenzawl bial Hermon local-ah mithar
Dt.26.7.2026 hian Thenzawl bial Hermon local-ah mithar 4, chhungkaw khat chu Evan.Lalramhluna Hmar, Masada Revival team speaker in Lalpa Isua hming in kohhranah a lawmlut...
Thenzawl Hermon local-ah hian Dt.17.7.2026 a tangin Masada revival team te hian rawngbawlna an nei a. An rawngbawlna a tang hian mithar 9 kohhranah seng luh an ni tawh a ni...
-------------------
BILKHAWTHLIR BIAL REVIVAL
United Pentecostal Church; Bilkhawthlir Bial te chuan Dt. 24-26 July 2026 chhung hian Evan K. Malsawmkima (Oneness Revival Team) chu Speaker ah hmangin Revival Crusade an buatsaih.
Dt.24.07.2026( Friday zan) inkhawm report :
Dar 7:30 Pm ah inkhawm ṭan a ni a; Chairman Evan.S.Lalrinmawia lo dingin puan tur ṭul puan na hun a hawnga,inkhawm ṭan a ni.
Chairman chuan rawngbawltu sawmna Sis. Jenny Vanlallawmsangi chu zai turin a sawm a, Ani hian "Over Moro" tih hla chu thiam taka sa in mipui te min awi a;
Rawngbawltu Evan K.Malsawmkima rawn dingi'n , Thupuan 11:1 thu a chhiar a, "Pathian biakin chu teh rawh" tih thupui ah hmangin, Lal Isua thisena lei Kohhran hlut zia thu te sawiin Pathian thu ṭha tak Kohhran mipui te min hrilh a ni.
----------------------
Bial huapin kumpuan campaign neih a ni
▫️North Mizoram District PYD Kumpuan Committee buatsaihin kum 2026 chhunga vawi 4-na leh a tawp ber nan Thenzawl Bial ah Bial PYD huapin kumpuan campaign hlawhtling taka neih a ni.
Inkhawm hi T. Upa Lalnunthara, Bial Kumpuan Committee in a kaihruai a, Bro. Lalchhanchhuaha, Dist. Kumpuan Commt. in ṭanna neiin Evan. Vanlalhluta, Dist. Kumpuan Treasurer hnen atang Dist. Report kimchang taka ngaihthlak a nih hnuah Bro. Vanlalruata, Bial Kumpuan Commt. hnen aṭang Thenzawl Bial kumpuan commt. hmalakna hrang hrangte ngaihthlak leh a ni. Bro. Lalnunzira, Vengpui hnen aṭang fakna hla ngaihthlak a ni bawk. Campaigner Evan. H. Lalbiakhluna, Dist. Kumpuan Secretary hnen aṭang Pathian thuchah ropui tak ngaihthlak a ni a. Bro. PC Lalchhanchhuaha, Bial PYD Secretary hnen aṭang Thenzawl Bial dinhmun tlangpuite, hmalakna tlangpui te sawiin lawmthu sawina a nei nghal bawk a ni. Kumpuan campaign ah hian Bial PYD Education Commt. ten Bial chhunga BA 1st Division-a pass member 2 hnenah Citation an hlan bawk a ni. Inkhawm banah thuthlung phatsan lo tura intiamna signature campaign neiin member ten hlawk thlak an ti hle.
--------------------------------
THUTHLUNG CRUSADE cum SEMINAR BUATSAIH
Dated Bairabi, the 20th July, 2026
July ni 18 leh 19, 2026 hmang khan Bairabi Bial PYD Kumpuan Committee buatsaihin "Thuthlung" tih thupuia hmangin Bairabi North Biak Inah Crusade cum Seminar hman a ni. He programme ah hian speaker atan Bialtu Pastor Pc. Lalrokima hman niin, Sis Lalêngzuali, Durtlâng chu guest artist atan sâwm a ni a. Bial PYD Zaipawlte'n zaia rawngbawlna an nei bawk.
Inkhâwm hi Kumpuan Committee chairman Tual Upa C. Pazâwna leh Bial PYD President Tual Upa CJ Lianchungnunga ten kaihruaiin, Speaker hnen aṭang hian Inrinni zán, Pathianni zîng leh zânah Thuthlung sermon ṭha tak tak ngaihthlâk a ni a. Pathianni chawhnu Seminar program Kumpuan Secretary Tual Upa Laltlanpuia'n hun kaihruaiin Resource person Pastor PC Lalrokima hnen aṭangin Pathian pakhat thu leh Thuthlung chungchang kimchang takin Powerpoint presentation seminar neih a ni a. Seminar paper mai baka projector hmangin hrilhfiah a ni bawk a. A hlâwkthlâk hle. Seminar ah hian member 70 chuang an kal khawm a ni.
Thlarau lam malsawmna ropui tak nen hlim taka hun hman niin Pathianni zan dar 10:20pm khan inkhawm bângin kham lo takin an ṭin.
-----------------------
Hermon Local Thenzawl te chuan ni 17 - 19. 07.2026 (Zirtawp zan aṭang Pathianni zan) thleng Revival Crusade neiin Evan. Lalramhluna, Masada Revival team ten rawngbawlna an nei a ni. Ni 18.07.2026 khan Upa C. Lalduhkima, Hermon Local te chuan Pathian chawimawina neiin Bro. Lalnunfela te chhungkua member 5 chu Mizoram UPC aṭang Speaker hian a lawmlut a ni. Member dang pawh lakluh leh mai beiseiawm deuh te pawh la awmin Speaker te pawh hi an la cham a ni.
------------------------
TLANGSANG LAD TEN SAILUT-1 MF TLAWH
Ni 19.6.2026 Sunday Zing a tang zan hun hmangin Tlangsang Local LAD te chuan keini Sailut-I MF te min rawn tlawhin ,Hun hlimawm leh nuam tak kan hmang ho a,Upa Lalfakawma Bial Mission Directorin rawn ho in ani hnen a tangin Pathianthu tha tak tak ngaihthlak ani a,kan hlawkin kohhran hote pawn nuam kan ti hle ani..Min hmangaih a min rawn tlawhtu Tlangsang Local LAD te Lalpan tamtakin malsawm rawhse.
----------
----------
CHHIMTUIPUI DISTRICT
MITHAR LAWM LUH LEH BAPTISMA RAWNGBAWLNA:
Dt.26.7.26 (Chawlhni) khan Siata Local ah mi thar pakhat (Chakhei lam mi) chuan Evan. L. Khailawngsual kutah sual ngaihdamna Baptisma Lalpa Isua hmingin a chang.
Dt. 26.7.26 (Chawlhni zan) khan Amôbyuh Vaihthie(Zero) Preaching station-ah Mithar Pa 2 (chhungkaw khat) te chu UPC NEI Member ni turin Evan. L. Lalthafamkima, Home Missionary chuan Lalpa Isua hmingin a lawm lut.
Dt. 26.7.26 (Chawlhni) khan Phura Local ah Mi thar pariat-in sual ngaihdamna Baptisma Lalpa Isua hmingin an chang a. Baptisma rawngbawlna hi Evan P Lalrintluanga Home missionary in a nei a ni.
JANUARY - JULY 2026 CHHUNG A MI THAR NEIH TAWH ZAT
`
January - 73
February- 17
March - 22
April. - 43
May. - 33
June - 29
July. - 6
G.Total : 223
----------
HOME MISSIONS FIELD AH RAWNGBAWLNA NEI
Dt.25-26.7.26 chhung khan Evan.HC.Hmingtinthanga (Jehova Jeri Revival Team) te chuan Tuipang 'L' Local ah rawngbawlna an neiin Bible study te an neih pui a ni.
Dt.26.7.26 (Chawlhni tlai) khan Bualpui 'NG' Local PYD te chu Siachangkawn Ps ah Fehchhuak in rawngbawlna nung tak an nei a, Siachangkawn kohhrante an lawm hle a ni.
Evan. N. Thanghnuna, District Evangelist chuan chawlhkar hnih chhung Bethel Local, Sangau ah rawngbawlna nei tawh bawk.
----------
----------
LUNGLEI DISTRICT
UPA THUZIR NEIH A NI
July ni 24, 2026 (Zirtawpni) Dar 10:00 AM khan 'Upa Thuzir' chu UPC Conference Hall-ah neih leh a ni a. Tun ṭum Upa Thuzir hi Southern Zone (Headquarters Bial, Luangmual Bial, Theiriat Bial, Zobawk Bial leh Tawipui Bial) te tan a ni.
Upa Thuzir hi Rev C. Lalrintluanga, District Superintendent in a kaihhruai a. Rev. R. Vanlalenga Ṭawipui Bialtu Pastorin Hunserh a hmang a. Thupui "Church Leadership" zirho a ni a. Resource Person ah Rev Pc. Lalfakawma, District Secretary niin. Thupui "Church Administration", Rev. K. Vanlalhruaia District Treasurer-in a zirtir thung. Rev Jerry Lalmuanawma, Zobawk Bialtu Pastor a ṭawngtai a, chawhma hun tihtawp a ni.
Chawhnu Programme hi Rev VL. Hmuaka, Headquarters Bialtu Pastor chuan kaihruaiin Rev C. Lalhriatpuia, Missions Director Resource Persona hnen atangin "Kohhran Upa tih tur leh nihphung" tih zir ho a ni a, Rev R. Lalramhluna, Luangmual Bialtu Pastor chuan hun tawp tawngtaina a hmang. Upa Thuzir neihah hian Bial panga aṭangin Upa 71 an kal khawm a ni.
----------
SUBSTANCE ABUSE PREVENTION COMMITTEE (SAPC):
Lunglei District hmalaknain Dt 31. 7.2026 chawhnu khan CEC School-ah Awareness neih a ni.
Awareness Programme hi CEC School Hall ah neih a ni a. SAPC Committee Secretary, Sis F. Lalrinthangin a kaihruai a. Rev Pc Lalfakawma hnen atangin thutawi sawi ngaihthlak a ni. Resource Person hi Pi Lalthansiami Hnamte, MJS, Secretary, Legal Service Authority, Lunglei District a ni. CEC Principal P. Samson Vanlalfela hnen atangin thusawi ngaihthlak a ni bawk. Awareness Programme hi SAPC te hmalakna pakhat zinga mi niin, CEC School-ah bul tannin, a remchan dan anga hmalak zel an tum bawk. He Awareness Programme ah hian member te pawh an kal thain, District LAD hruaituten an tawiawm bawk.
----------
THIANGHLIMNA CAMPAINGN NEI:
Dt 26. 7. 2026 Pathianni hmang khan District Thianghlimna Committee Assistant Secretary, Evan MS Dawngliana Hnamte chuan Pangzawl Bial, Bungtlang local-ah Thianghlimna Campain a nei. Evan MS Dawngliana Hnamte hi Rbt V. Chuandailova, AOC Local chuan a ṭawiawm. Campaign hi Inrinni zan ṭanga ṭanin, Inrinni zan leh Pathianni zingah Evan MS Dawngliana Hnamte hian hun a hmang a. Zan lamah Rbt V. Chuandailovan hun a hmang ang. Campaign chhung hian Bial Thianghlimna Committee hruatuten Metting Chairman an ni thung a ni. Bungtlang Local hi member 110 niin Upa leh Rawngbawltu 10 an awm thung.
----------
ADMINISTRATIVE WORKSHOP:
Dt 31.7.2026 (Zirtawp) Zan khan Headquarters Bial PYD te chuan UPC Conference Hall-ah Administrative Workshop an buatsaih. He Workshop hi Bial leh local hrang hrang OB te puala buatsaih niin Resource Person atan Rev C. Lalrintluanga, District Superintendent chu hman a ni.
----------
PASTOR TRANSFER:
District Board-in Pastor Transfer tura a lo rel tawh angin, Dt 30. July 2026 khan Rev R. Lalsangzuala chuan Theiriat atangin a bial thar tur Lungsen a thleng. Lungsen Bialtu Pastor hi Pastor Zionrammawia niin, Deputation-a Tripura Superintendent a zawm hnuah, Rev K. Vanlalhruaia chuan Lungsen Bial hi hmuiin, Rev R. Lalsangzuala hian Lungsen Bial hi a enkawl thung dawn a ni. Theiriat Bial erawh District Superintendent Rev C. Lalrintluanga’n Pastor lak a nih hma chu a enkawl thung ang.
----------
----------