June 05, 2026
Pennet News
UPCNEINEWSSERVICE_5 JUNE 2026
UNION MINISTER OF STATE SHRI. DR. L. MURUGAN CHUAN ASC HOME A TLAWH:
June ni 3, 2026 Nilai ni khan Union Minister of State for information & Broadcasting leh Parliamentary Affairs, Dr. L. Murugan chuan Kolosib District-a sawrkar hmalakna leh hmun pawimawh a tlawh zingah UPC North East India Fahrah enkawlna Audrene Scism Children Home a tlawh a, Kolasib DC Pu Dolianbuaia leh Sawrkar mi pawimawh tha hnem takin Minister hi an tawiawm a ni.
Union Minister of State Dr. L. Murugan hi Compassion Center Project Director, Rev. R. Laichhingpuia, ASC Home Superintendent leh Susanne Downs Boarding School Principal te bakah ASC Home Staff te leh Naupang ten lo hmuakin lawmna thil pek an lo hlan a ni. Union Minister of State Dr. L. Murugan hian Home kal phung leh hmalak dan te zawtin Naupangte an room tinah tlawh kualin hun a hman pui a ni.
---------
GENERAL CHOIR 2026-2028 TERM INDUCTION SERVICE:
June ni 1, 2026 Thawhtanni zan khan UPC North East India General Choir (2026-2028) term member ruat thar te Induction Service neih a ni.
He Inkhawm hi Tlangnuam Kohhran Biak In, North Mizoram District ah neih a ni a, Evan. Dr. R. Vanlalpeka, General PYD Secretary leh Music & Choir Committee Chairman chuan a kaihruai a, Evan. Jeno Vanlalruata, General PYD Treasurer chuan hunserh hmangin, Bro. Lalrammawia Music & Choir Secretary hnen atangin Report ngaihthlak a ni.
Kum 2026 atanga 2028 chhunga General Choir member ruat thar te chu UPC North East India General Superintendent, Rev. Zohmingthanzama'n Lalpa Isua hminga hriak thihin Lakluhna a nei a ni. General PYD President, Rev. C. Lalmalsawma chuan fuihna thu sawiin; Tlangnuam Bial Zaipawl, Bethlehem Bial Zaipawl leh General Choir (2024-2026 term) te hnen atangin fak hla ngaithlak a ni bawk.
He mi rual hian General Choir member kal chhuakte thlahna neih nghal niin Ngaihhruina Citation hlan an ni.
General Choir (2026-2028) Memberte:
Conductor : Bro. Lalrammawia, Dist. Headquarters Local, Bazar Bial, AED
1. Sis. Malsawmdawngzuali, Dinthar (NMD)
2. Sis. F. Lalmuanawmi, Thuampui (AED)
3. Sis. Deborah Lalramchuani, Chaltlang (NMD)
4. Sis. Mercy Lalmuanpuii, Bawngkawn (AED)
5. Sis. K. Lalhmachhuani, Zemabawk (AED)
6. Sis. C. Lalchhanhimi, Rawpui, (Lunglei Dist.)
7. Sis. Lalhlimpuii, Ramhlun Vengthar (AED)
8. Sis. Lalchhuanawmi, Tuikual (NMD)
9. Sis. Lalremruatsangi, Hunthar (NMD)
10. Sis. Lalhmunsiami, Sairang (NMD)
11. Sis. Laltlanzuali, Dist. Hqrs. (AED)
12. Sis. Thangzuali, Ramthar (AED)
13. Sis. K. Lalfakmawii, Lungverh (NMD)
14. Bro. Lalramchuana, Dinthar (NMD)
15. Bro. Johny Lalthafamkima, Dist. Hqrs. (AED)
16. Bro. B. Malsawmdawngliana, NMD Hqrs.
17. Bro. Lallawmzuala, Armed Veng (AED)
18. Bro. Lalthansanga, Chawlhhmun (NMD)
19. Bro. Lalruatkima Ralte, Hqrs. (NMD)
20. Bro. C. Lalruattluanga, Mualpui (AED)
21. Bro. Lalramdinpuia, Peniel Kohhran (AED)
22. Bro. Lalhruaitluanga Sailo, Serchhip Biakinpui (AED)
23. Bro. C. Lalhmangaiha, Maubawk (NMD)
24. Bro. Lalnuntluanga, Durtlang (NMD)
25. Bro. Lalawmpuia, Dawrpui vengthar (NMD)
26. Bro. Lalhriatzuala, Thuampui (AED)
General Choir hi UPC North East India General PYD Music & Choir Committee enkawlna hnuai a awm a ni.
---------
HRUAITUTE PROGRAM
General Sunday School Director Rev. Biaksangzuala chuan June ni 5, 2026 Zirtawpni khan Lawngtlai West District Sunday School Board a hmanpui.
General Missions Director Rev C. Vanlalena chuan June ni 7, 2026 hian Patna ah, Bihar & Jarkhand Missions Field Director tur atana ruat thar Pastor SR Lalhualhima chu induction a nei ang.
General Missions Treasurer, Rev. R. Lalrinmawia chuan June ni 7, 2026 hian Diphu Field Director atana ruat thar Rev. Lalmuanpuia chu lakluhna a nei bawk ang.
----------
----------
AIZAWL EAST DISTRICT
Oneness Theological Seminary Opening Programme hman a ni:
June 2, Thawhlehni khan Aizawl East District hnuaia Short Term Course Pathian thu zirna, Oneness Theological Seminary chuan Kum 2026 Session atan Opening function hman a ni.
He hun hi District Committee room-ah hman niin Rev. R. Laltlankima, Principal chuan a kaihruai a, hunserh Rosanga Kawlni, OTS Teacher chuan a hmang a. Pastor Laltlanhlua Hnamte, Secretary, Theological Education Board chuan zirlaite hriattur hrang hrangte sawina neiin fuihna thu, Rev. H. Lalropuia, District Secretary leh Pastor J. Lalhmingsanga ten an nei thung.
He hunah hian Rev. VL. Hnemtluanga, District Treasurer chuan zirlaite hriattur hrang hrang a sawi bawk a ni. Rev C. Lalmalsawma, District Missions Director chuan huntawp tawngtaina a nei. Kumin 2025 Session atana OTS opening programme-ah hian Zirlai leh Zirtirtute an kal tha hle a, hlim takin hun an hmang a ni. Opening function an hman zawh hian chawhnu lamah Class an nei leh nghal a ni.
Kumin OTS-ah hian zirlai 5 zirin-hetiang hian Zirtirtu leh an subject lak dan a ni:
1. Rev. R. Laltlankima- Christian Leadership
2. Pastor Laltlanhlua Hnamte- History of Pentecostal Movement
3. Rev. VL. Hnemtluanga- Life and works of Christian Minister
4. Rev Rosanga Kawlni - Life of Christ
5. Pastor J. Lalhmingsanga - Book of Acts
----------
Futsal Tournament kick off neih a ni:
May 28, Ninga zan khan Vaivakawn Auditorium-ah Youth for Wellness Futsal Tournament, District PYD Fund Raising Committee buatsaih kick off neih a ni.
He hun hi T. Upa Lallawmzuala Parte chuan kaihruaiin Bro. H. Lalengzauva hnen atangin inlawmna thu ngaihthlak a ni. Evan Dr. R. Vanlalpeka, District PYD Vice President chuan hunserh hmangin Bro. Lalmuanzuala hnen atangin report ngaihthlak a ni bawk. Lalrina Renthlei, Internation Sport Person hnen atangin thusawi ngaihthlak niin kalkhawmte hnenah fuihna thu tha tak sawiin Rev. VL. Hnemtluanga, District Treasurer chuan Kick Off na neiin PYD member kalkhawmte hnenah fuihna thu tha tak a sawi bawk a ni. He hunah hian Sis. Lallawmpuii leh Sis. Miriam Lalhmingmawii ten fak hla an sa bawk. He hun hi Distrct PYD OB te pawhin telpuiin hlim takin hun hman a ni a, programme neih kar lakah tie draw neih thin a ni bawk. Hun tawp tawngtaina Evan F. Malsawmdawngliana, District PYD Asst. Secretary chuan a nei a ni.
Youth for Wellness Futsal Tournament-ah hian Aizawl khawpui chhung leh pawn atangin Team 38 an tel thei a, May 30, Inrinni atang khan Tournament hi Bethesda Futsal Ground, Tanhrilah khelh nghal niin ruahmanna ang chuan June 12-ah Final khelh a ni ang.
----------
Silver Jubilee lawm:
Serchhip Chanmari Kohhran te chuan an Kohhran Kum 25 tlin, Silver Jubilee chu June 3, Nilai zan atang khan an hmang tan. Jubilee hi Bialtu Pastor C. Lalchhuanga chuan hawnna neiin Jubilee tan zan hian LAD leh Sunday School Department ten hruaitu chawimawina hun an hmang a ni. Jubilee meidet-na Upa Isaac Malsawmtluanga kaihhruaiin neih a ni bawk a, Kohhran hruaituten Jubilee mei det bul hi an tan a ni.
June 5, Zirtawp zanah inkhawmna nei lehin hetah hian PYD leh Missions Department ten hruaitu chawimawina an nei leh a, Kohhran Documentary thlir hona neiin PYD leh Missions Department atangin thusawi ngaihthlak a ni.
Serchhip Chanmari ten an Kohhran kum 25 tlin, Silver Jubilee hi June 7, Pathianni zan thleng hian an hmang dawn a, Pathianni tlaia-h Jubilee ruai an kilho dawn a ni.
----------
Skill Development Training hawn a ni:
June 1, Thawhtanni zing dar 7:00 khan District conference Hall ah District PYD hmalaknaa Skill Development Training kalpui tur chu Pastor J. Lalhmingsanga, District PYD President chuan a hawng. Programme hi Evan. Dr. R. Vanlalpeka, Vice President chuan kaihruaiin Evan. Lalfelkima, District PYD Secretary hnen atangin report ngaihthlak a ni a, thusawi tawi instructor te - Bro. Zorema Pachuau, Bro. Lalfakzuala leh Bro. Lalhriatpuia Zote te hnen atanga ngaihthlak a ni a, Evan. Lawmsangkima, District PYD Treasurer in tawngtaiin hun a khar a ni. He training programme ah hian Electrical ah mi 5 leh steel Fabrication ah mi 3 ten training hi thla 3 chhung an nei dawn a ni.
----------
Mi thar:
May 31, Pathianni khan Zohmun Kohhran Member ni turin Pastor. H K Lalhmangaiha, Bialtu Pastor chuan mi pakhat sengluhna a nei. Inkhawm banah Baptisma chang nghalin hemi rual hian mi pakhatin Baptisma a chang ve bawk. Pentecostal Choir induction:
June 7, Pathianni zan hian Aizawl East District PYD zaipawl, Pentecostal Choir, 2026 -2028 Term-a member tharte lakluhna, induction neih a ni dawn. He hun hi Zemabawk Vengpui Biakinah hman tur niin Pastor J. Lalhmingsanga’n inkhawm a kaihruai anga, Rev. H.Lalropuia, District Secretary in member lakluhna a nei dawn a ni. Pentecostal Choir member hi District PYD Music & Choir Committee chuan Bial hrang hrang atangin a ruat thar a ni.
----------
----------
CENTRAL DISTRICT
Central District buatsaih "Seminar on Accounting & Auditing" chu June ni 7, 2026 Pathianni hian Tura Section-ah neih a ni a, Resource Person atan District Superintendent Rev. Vanlalhruaia Tlau leh, District Secretary / Treasurer Rev. Lalpeklien Sungte te hman an ni.
----------
----------
CHHIMTUIPUI DISTRICT
NU CHHUANAWM CHAWIMAWINA HLAN
District Hub For Empowerment of Women (DHEW), Women And Child Development, Siaha in Tipa Block chhunga Nu chhuanawm a thlan pali zing ah Farnu Gail Davis W/o Rbt.K.Lalthlengliana (L) Tipa 'V' a tel. Sist.Gail Davis hian a fate pathum MBBS, Junior Engineer (PWD) leh Bachelor of Pharmacy ah hlawntlinna chang thei khawp in a lo enkawl hlawm a ni. Chawimawina ah hian Citation, Memento leh pawisa fai a dawng tel.
He chawimawina a dawng thei hi kan chhuangin kan lawmpui takzet e.
----------
DISTRICT MUSIC COMMITTEE MEETING NEI
June ni 2, 2026 dar 1:00 Pm khan District Superintendent Official Chamber ah Chhimtuipui District Music Committee Meeting pawimawh tak an nei a, District Official ten an thutpui a ni. Meeting thuchhuak pawimawh zualte
1) Kum 2026-2028 tana District Choir Member tur, mipa 15 leh Hmeichhia 13 an ruat.
2) Zaipawl lakluhna programme hi dt. 28.06.2026 (Pathianni) zing inkhawm banah Siahatla Local ah neih tura tih a ni a, Induction service hi District Superintedent in a nei ang.
Heng bakah hian Budget chungchang leh Zaipawl tihhmasawnna tur thu pawimawh hrang hrangte an rel bawk.
Kum 2026-2028 thlenga Music & Committee a mawhphurtu te chu -
Chairman - Rbt L. Khai u
Secretary - Rbt S. Vabeima
Treasurer - Rbt J. Lalhriatchhunga
Member te - (1) Evan S.Vanlalvena
(2) Upa V. Lalninghaka
(3) Upa Siherliana
Conductor - Bro Ls. Vanlalchhuanga
Asst. Conductor - Bro Zorammuana
----------
APOSTOLIC BIBLE SCHOOL NEWS
Apostolic Bible School Board chuan Kum 2026-a ABS a kal turte Pastor bial hrang hrang aṭangin a hlui mi 5 leh a thar 8 an vaiin mi 13 a la a. Dt.1.6.2026 (Monday), Zing Dar 11:00 Am ah Rev. Kholy Hlychho, Principal kaihhruaina hnuaiah Registration Day Programme hi District Committee room, Siaha ah hman a ni ang. Dt. 2.6.2026 (Tuesday) aṭangin Class ṭan nghal a ni ang.
ABS Board chuan zirtirtu atan heng a hnuaia mi te hi a ruat a ni.
1.Rev. Kholy Hlychho,Principal
2.Rev. MH. Robin Lalthanmawia,Registrar
3.Rev. Joseph L.Thlauhthang,Teacher
4.Rev. K. Kawngkharmawia,Teacher
5.Rev. Lalhnehchunga,Teacher
July ni 5, 2026 (Sunday) Dar 1:30 Pm ah Council Vaih Local Church, Siaha Biakin ah Graduation Day hman a ni ang a, Graduation Speaker atan Rev. L.John Gangte, Principal CBC chu sawm a ni.
----------
SANGAU BIAL MISSIONS DEPARTMENT
May ni 27-31, 2026 aṭanga ṭanin Thaltlang Home Missions Field-ah Bial Missions Department hmalakna in crusade neih a ni. He crusade neihna turah hian Upa Hc. Hmingtinthanga Jehova Jire Rivival Team member pa -6 te rawn present in rawngbawlna tluang taka neiin an hlim hle
----------
THIAHRA KOHHRAN TE TLAWH
Dt 30-31 May 2026 hmangin Council Vaih Local LAD te chuan Dist.Hqrts Bial LAD Conference rorel bawhzuiin Thiahra kohhrante an tlawh.
Programme hman chhung zawngin Speaker atan Evan Vanrohlupuia, Upa David H Lallianhluna, Evan Beihluatlai khuhly te hman an ni a, an hnen aṭang Pathian thu ṭha tak tak ngaihthlak a ni. An rawngbawlna Kohhrante'n an hlawkpui hle.
He hun ah hian Sist Hc Maradeiva, Secretary, Dist headquarters Bial in Thianghlimna Campaign a nei nghal bawk. Council vaih Local LAD te hian Kesil rawngbawlnaa hman atan Steel chawhtawlh 2 leh thuthleng hniam 2 chu Thiahra kohhrante an hlan bawk a ni. Lalpa Thlarau pawlna leh malsawmna dawngin hun hlimawm tak an hmang.
----------
DISTRICT MISSIONS RAMTHIM BAWM VAH PUI
Siaha bial Board ruahmanna in Dt. 25- 29.5.26 chhung in Siahatla Local Church ah District Ramthim bawm chu vah chhuahpuiin, in tin ah luhpui a ni.
He rawngbawlna pawimawh tak mai neia hma la turin Siahlatla Local Church Board rorelna chuan Group- 6 (paruk) ah ṭhenin group tinah Leaders te siam a ni.
Group leaders te leh members ten ṭhahnem ngai takin khaw chhe hnuaiah an vah chhuahpui a, in tin an luh kim hma chu chawl lovin an kal zel a ni. Kohhrante thawhhona leh inpumkhatna zarah cheng tamtak kan hmu hi kan lawm tak zet ani.
Group leaders te:-
1.Bro.Zothanpuia, Pre.PMD
2.Bro.R.Lasawmliana, Former Secy.PMD
3.Bro.Buihaw Secy. pmd
4.Bro.Khawpuimawia, Trea.PMD
5.Bro.LC.Apaw
6.Bro.J.Lalhmingchungnunga, Former Secy.PYD
Group tinte rawngbawlna leh chhungkaw tin ṭhahnemngaihna zarah Ramthim bawm a tla zawng zawng hi Rs 46,300/- a ni a, Siahatla Missions Dept ten College Vaih Local ah Ramthim bawm an hlan chhawng ang.
----------
VAHIA HOME MISSIONS FIELD KOHHRAN TEN PHURA TLAWH
Dt.31.May.2026 (Chawlhni) ah Vahia Home Missions Field Kohhran ten Phura Local ah rawngbawlna an nei. Vahia aṭang mi 10 kal in, speaker atan Evan.E.Khaching,Field Worker hman a ni a, a rawngbawlna Kohhrante'n an hlawkpui hle. Zing inkhawm ah Evan.E.Khaching an nau hlan rawngbawlna a nei bawk.
Vahia aṭanga kal te hi an vaiin Upa F.Lawma,Chairman, Phura Local ten zanriah an buatsaih sak a,Kohhrante an lawm hle.
----------
----------
LUNGLEI DISTRICT
PBS IN FRESHERS MEET AN HMANG :
June ni 1 Thawhtanni chawhnu dar 2 khan Lunglei District UPC-in thla khat awh Pathian thu zirna a neih Pentecostal Bible School (PBS) chuan Freshers Meet an hmang.
He hun hi District Music Committee Room-ah hman a ni a, Rev.C.Lalhriatpuia chuan kaihruaiin, Headquarters bialtu Rev VL Hmuaka chuan hunserh a hmang. PBS Principal, Rev C Lalrintluanga leh PBS Teacher Pastor Lallawmsanga ten thu an sawi a, PBS Dean Rev.PC.Lalfakawma chuan inhmelhriattirna neiin hriattur pawimawhte a puanga, zirlai hruaitu tur thlan a kaihruai bawk. He hun hi PBS Teacher Rev R Lalramhluna chuan tawngtainain a titawp a ni.
Kumin PBS ah hian 1st Year ah mi 11, 2nd Year ah mi 4 leh 3rd Year ah mi 11 (an vaiin mi 26) an kal dawn dawn a, Subject 5 an zir dawn a ni.
PBS hian June ni 28 Pathianni hian Graduation day an hmang ang.
----------
UPA THUZIR BUATSAIH:
UPC Lunglei District Inkhawmpuiin Upa te pualin Training buatsaih ve nise tih a rel bawhzui nan May ni 29 Zirtawpni khan Lunglei North Zone-te tan Upa thuzir hun buatsaih a ni.
Lunglei N Zone-ah hian Pukpui Section, Rahsiveng Section leh Sertlangpui Section-te an awm a, hun hmanna ah hian Upa 51 an kal khawm a ni.
Lunglei N Zone-te puala Upa thuzir hi UPC Conference Hall, Chanmari-ah neih a ni a, hun khatna hi Rev H Rothuama, Pukpui bialtu chuan a kaihruai a, District Superintendent Rev C Lalrintluanga leh Rev C Lalhriatpuia, District Missions Director chuan zirtirna an pe.
Hun hnihna hi Rahsiveng bialtu Pastor, Rev LH Lalchhandaman a kaihruai a, District Secretary Rev PC Lalfakawma chuan zirtirna a pe bawk.
Upa thuzir hi a bu buatsaih a ni a, a bu chhung ah hian thupui hrang hrang, Kohhran upa tih tur leh nihphung, Church Leadership, Church Administration-te a awm a, heng thupuite hmang hian vawiinah hian zirtirna hi in pek a ni.
Upa thuzir neih dan tur hi District chhunga Section hrang hrangte Zone hrang hrangah inthen anih angin kalpui chhoh zel a ni a, nikum 2025 July ni 25 ah khan Haulawng Zone leh Hnahthial Zone te tan buatsaih a lo ni tawh a, bial 11 te tan buatsaih chhunzawm a ni leh ang.
----------
DISTRICT LAD BOARD VAWI 122-NA TLUANG TAKA NEIH A NI:
May ni 28 Ningani khan District LAD Board vawi 122-na chu District Board Room-ah neih a ni a, President Sis PC Lalrinthangi, Bw chuan a kaihruai a, an rorel te:
1. Thianghlimna atan Incheina chungchangah Seminar a tam thei ang ber nei tura Bial leh Local-ah a tul dan anga hmalak nise.
2. Kumpuan Taimakna hmalak dan tur hetiang hian ruahman a ni.
- Seminar bial tin ten neih theuh nise, Section Conference leh Local inkhawmna ah hun khat tal sermon thupui ah nei tura hma lak nise.
- Tin, Thu leh hla inphuahsiakna neih bawk nise. 1-3 na thleng lawmman siam ni bawk se.
3. SAPC (Sabstance Abuse Prevention Committee) din a ni a. Hruaitu te pawh ruat fel nghal an ni.
4. General Kohhranpui atanga Addl. Target kan neih Rs 52,000/- chu District sum atanga pek nise.
5. Pangzawl Ramrikawn Biak In sak nan Ra 50,000/- pek belh leh nise.
6. Diamond Jubilee lawmnan Pathianni tuk ah a thei thei ten Kawr var leh Puanchei ven nise.
----------
----------
NORTH MIZORAM DISTRICT
HRUAITUTE PROGRAMME
District Superintendent Rev. K. Lalduhsanga chuan Sikkim Mission Field leh Darjeeling-a rawngbawlna nei tur leh Lebong Kohhran Biak In thar hawng tura zin chhuak, North Mizoram District Superintendent Rev. K. Lalduhsanga leh a a kalpui te chu, June ni 4, 2026 khan tluang takin Vairengte, Mizoram an lo lut leh ta a ni.
District Secretary Rev. C. Lalthantluanga chuan May ni 29, 2026 atangin June ni 6, 2026 thleng PSM lamah Zirtirna hna a thawk ang.
District Treasurer Rev. C. Lalmuanpuia chuan June ni 4, 2026 zan khan Bro. H. Lalchhuanawma (Anna) ralna hun Pennet Committee ten an hmannah Pennet Chairman a nih angin a hman pui a; June ni 5, 2026 khan Missionary Retreat, Headquarters Biak ina neihah Chawhnu lamah hun hmanpuiin Retreat-ah hian Financial & Account Management lam a zirtir a ni.
----------
Evan Raphael Lalhmingsanga Khiangte chuan North Mizoram District UPC hnenah a thesis a hlan
Kumin March, 2026 khan Calvary Bible College atanga Degree of Bachelor of Divinity (B.Div) hlawhtling taka lo la tawh, Evan Raphael Lalhmingsanga Khiangte S/o Evan K. Lalmuliana, Central Jail Veng chuan 28th May 2026 khan a Degree lakna tura a Thesis ziah chu North Mizoram District UPC (NEI) hruaitute hnenah a hlan.
Evan Raphael-a hian zu hman khawlohna leh Kohhran thiltihnaa tel thin te inlaichinna thuk tak zir chhuakin, a thesis-ah hian "Alcohol abuse and Church Participation: A Comparative Analysis of Residents in the Central Jail Veng Area, Aizawl: Its Implications for Pastoral care and counselling" tih thupui hmangin Central Jail Veng bik tarlan nan a hmang a ni. He thupui hnuaiah hian zu in pawizia leh chumi laka Kohhran hruaitute leh Counselor te hna thawh tur pawimawh tak tak te chipchiar takin a tarlang a ni.
He zirchianna tha tak leh Kohhran hmasawnna tura tangkai tak mai hi North Mizoram District UPC hruaitute chuan lawm takin an lo pawm a, hetiang khawpa rawngbawlna atan leh khawtlang tana thil tangkai zir chhuaktu Evan Raphael Lalhmingsanga Khiangte hi an chhuang hle a, a zirna leh rawngbawlnaah duhsakna an hlan nghal bawk a ni.
----------
Headquarters Biak Inah Missionary Retreat Hlawhtling Takin Neih a Ni
June 5, 2026 khan Headquarters Biak In-ah Missionary Retreat neih a ni a. Missionary-te pualin hun hlawkthlak tak hman a ni.
Retreat hi chawhma leh chawhnu hunah then a ni a. Chawhma hun hi Evan. Jessy Rothangpuia, District MS Secretary-in a kaihruai a. District Superintendent-in Darjeeling-a Biak In hawng tura a zinnaah hun ruat anga alo haw hman loh avangin, District Missions Director-in a aiawhin hun a hmang a ni. Hun khatnaah District Missions Director-in Missionary-te Thlarau rawngbawlna leh an nungchang chungchangah zirtirna pein, hun hnihnaah District Treasurer-in Financial & Account lam zirtirna a nei dawn bawk a ni.
Chawhnu hun hi Evan. Lalthangchhuana, District MS Treasurer-in a kaihruai leh a, Administration leh a kaihhnawih pawimawh zualte zirtirna a nei leh a ni. Tichuan, Sawihona (Discussion) hun hman niin, hun khar nan Inhlanthar tawngtai hona neih a ni bawk.
----------
PENTECOSTAL SCHOOL OF MINISTRY-AH THLARAU THIANGHLIM CHENCHILHNA ROPUI TAK KAN HMU; CHAWIMAWINA NEIH A NI
June Ni 3, 2026 khan PSM-ah Chawimawina neih a ni a, Pentecostal School of Ministry (PSM)-ah Pathian Thlarau Thianghlim hnathawh ropui tak a thleng a, Pathian hnenah lawmthu sawina leh Chawimawina ropui tak hlan a ni.
PSM zirlai mipa dome-a awm ten mut dawn devotion an neih laiin, Pathian Thlarau Thianghlim lo thlengin, tawnghriatloh hlapui ropui tak mai an rem chhuak a. He Thlarau Thianghlim chenchilhna hlimawm leh hlu tak avang hian Pathian hnenah Chawimawina hlan a tul ta hial a ni.
Pathian hnena lawmthu sawina tur atan sum leh pai thawhkhawm a ni a. Sakawrtuichhun hnaivai local hrang hrang atang leh hmun hrang hrang atangin chawimawina chhim tur hian kohhran mipui te an fuankhawm a ni.
He chawimawina hlawhtling taka hman a nih theih nana sum leh pai thawhtu mi thahnemngai te chu a hnuai tarlan te hi an ni:
S.No Hming Pawisa Thawh Zat (₹)
1 Unaupa Bronson Lalramthara 10,000/-
2 Unaunu Zaneihkimi (Bronsona nu) 5,000/-
3 Unaupa Lallungkhama 1,000/-
4 Unaupa Lallawmzuala 1,000/-
5 Unaupa Lalhmingmawia 1,000/-
6 Unaupa Lalhlimpuia 500/-
7 Unaunu K. Lalfakmawii 500/-
8 Unaunu Esther Malsawmtluangi 500/-
9 Unaupa Zolaltura 500/-
10 Unaupa F. Vanlalchanmawia 500/-
11 Unaupa Ricky Ramdintluanga 500/-
12 Unaupa Lalduhawma 200/-
13 Unaupa Laltlanzela 200/-
14 Unaupa Lalhlanthara 200/-
TOTAL ₹22,900/-
----------
LAD TAILORING CENTRE TEN THILPEK AN DAWNG
June ni 5, 2026 khan Chaltlang bial LAD te chuan Tailoring Centre-ah Wall Fan pakhat leh Thingrem lian, Cushion nen an rawn pe leh a. Heng thilpek te hi Sis. Doris Lalrinsangi BW, District LAD Secretary leh sis. Lalzuiliani BW, District LAD Treasurer te chuan lo dawngsawngin lawmthu sawi tawngtaina hun Sis. Doris Lalrinsangi BW chuan a hmang bawk a ni. Chaltlang bial LAD te chungah thinlung takin lawmthu an sawi a, an senso leh an hmangaihna luang chhuak te Lalpa'n tam takin rul sela, malsawmna tam takin lo vur let sela tiin duhsakna an hlan a ni.
----------
NORTH MIZORAM DISTRICT HEADQUARTERS BIAL REVIVAL CRUSADE HMANG; BAPTISMA CHANG MI 4 A AWM
Ni 29 atanga 31 May 2026 chhung khan Mission Vengthlang Biak Inah North Mizoram District chhunga Headquarters Bial te chuan Bial huap Revival Crusade an hmang a. He Crusade-ah hian Evan PC Lalramchhuanmawia, Rehoboth Revival Team chu speaker-ah hman a ni.
Crusade neih chhung hian Mission Vengthlang kohhran member hlun tak, Sr. Upa Darkhawthanga chuan Inrinni zanah chatuan ram min pansan a. Amah zahna leh thlahna ni atan Pathianni zing leh chhun inkhawm te chu kohhran chuan thulh mah se, Pathianni zanah Revival Crusade hi chhunzawm lehin Pathian thuchah ngaihthlak a ni.
Pathianni zan inkhawm hi a hlawkthlak hle a, Baptisma khur hawn niin mi 4 ngawtin sual ngaihdamna Baptisma an chang a. Baptisma hi Bialtu Pastor Rev. Lalremtluanga'n a chantir a ni.
----------
MITHAR 16 LAWMLUT
May ni 30, 2026 Inrinni zan khan UPC Gilgal Kohhran, Bairabi Bial (Awrpuara Veng) a lawi turin thawktu Upa C.Muankima chuan members 16 Hindu atangin a lawm lut. Kohhran hoten Pathian malsawmna nasa tak kan dawng hi Pathian hnenah lawmthu awm mawlh rawh se.
----------
Tuirum MF ah mithar
May ni 29, 2026 khan Tuirum MF ah Evan. Lalthianghlima chuan Presbyterian kohhran atangin UPC member ni turin chhungkaw khat member 2 awmna chu Isua hming in a lawm lut.
----------
ASC Home Khuangpuilam, Kolasib tlawh.
Dt.30/5/26 (Inrinni) khan Vairengte Bial Missions Department te chuan ASC Home Khuangpuilam, Kolasib tlawh niin Bial hmingin thilpek- Thawmhnaw 5-bags, Artui 1-box, Têl 1-case, Wai Wai 2-case, Sweet 1-Pocket leh Hmunphiah 12-pcs an hlan.
Tin, heng bakah mimal angin Bialtu Pastor nupui Sis. Hmingchhuantlingi Birthday pualin Drinks 5-Case leh T. Upa Ramtharnghaka te nupa in Wai Wai 1-case leh Freshy 3-case hlanna an nei ve leh bawk a ni.
ASC Home tlawhna ah hian Bial Missions aiawhin members 14 an kal thei a ni.
Vairengte Bial Missions Department te hi Dt.30/5/26 (Inrinni) vêk khan, Rengtekawn Bial, Thinglian Missionary Quarters kâng pualin tiin Missionary Sis. Vanlalpeki hnenah tul leh pawimawh leina atan tiin sum thawhkhawm ve leh in Bial Missions Department hmingin Rs.2000/- , T. Upa Ramtharnghaka te nupa Rs.2500/- leh Upa Malsawma Rs.500/- a vaiin Rs.5000/- chu Bial Missions Department, Vairengte Bial hmingin Rengtekawn Pastor Quarters ah hlanna neih leh nghal a ni.
----------
SEMINAR CUM REVIVAL HLAWHTLING TAK BUATSAIH
June ni 1, 2026 khan Bairabi bial Conference leh bial board-in a lo rel tawh angin May ni 30 & 31 khan Bairabi Bethel Biak inah Seminar cum Revival buatsaih a ni.
Inrinni khan bial chhung Church Board members leh bial Deparment OB te pualin 'Serh leh Sáng rawngbawlna' leh 'Sermon buatsaih dán' tih thupui hmangin Seminar neih a ni a. Inrinni zan aṭanga Pathianni zan thlengin Revival hman chhunzawm a ni. He hunah hian Resource person - Speaker atan Rev. B. Vanlalruata, Dist. PYD President hman a ni.
Seminar leh Revival-ah hian bial chhung aṭangin an kal ṭha hle a. Bro. Lalbiakdika, Sihphir bakah bial chhunga mimal zaithiam te leh bial PYD Zaipawl ten zaia rawngbawlna nei ṭhinin Thlarau lam malsawmna nasa nen hlim takin hun hman a ni. Pathianni zan dar 10:43pm-ah inkháwm bângin Seminar cum Revival chu kham lo takin a ṭiak ta a ni.
----------
DINTHAR BIAL PYD ZAIPAWL LAWMLUHNA LEH THLAHNA INKHAWM
June ni 4, 2026 Ningani zan khan Dinthar Bial PYD Zaipawl lawmluhna leh member kal chhuakte thlahna hun Tuikual Biak inah hman a ni a, inkhawm hi Bro. H.Lalmalsawma (Chairman, Music Committee) chuan kaihruaiin, Bro.Laledentharmawia chuan hunserh hmangin, Bialtu Pastor Rev. C. Lalramthanga member tharte lakluhna leh hriak thih rawngbawlna a nei a; Zaipawl member kalchhuak turte thlahna hun hman a ni a, Citation hlan an ni.
----------
----------
June ni 3, 2026 Nilai ni khan Union Minister of State for information & Broadcasting leh Parliamentary Affairs, Dr. L. Murugan chuan Kolosib District-a sawrkar hmalakna leh hmun pawimawh a tlawh zingah UPC North East India Fahrah enkawlna Audrene Scism Children Home a tlawh a, Kolasib DC Pu Dolianbuaia leh Sawrkar mi pawimawh tha hnem takin Minister hi an tawiawm a ni.
Union Minister of State Dr. L. Murugan hi Compassion Center Project Director, Rev. R. Laichhingpuia, ASC Home Superintendent leh Susanne Downs Boarding School Principal te bakah ASC Home Staff te leh Naupang ten lo hmuakin lawmna thil pek an lo hlan a ni. Union Minister of State Dr. L. Murugan hian Home kal phung leh hmalak dan te zawtin Naupangte an room tinah tlawh kualin hun a hman pui a ni.
---------
GENERAL CHOIR 2026-2028 TERM INDUCTION SERVICE:
June ni 1, 2026 Thawhtanni zan khan UPC North East India General Choir (2026-2028) term member ruat thar te Induction Service neih a ni.
He Inkhawm hi Tlangnuam Kohhran Biak In, North Mizoram District ah neih a ni a, Evan. Dr. R. Vanlalpeka, General PYD Secretary leh Music & Choir Committee Chairman chuan a kaihruai a, Evan. Jeno Vanlalruata, General PYD Treasurer chuan hunserh hmangin, Bro. Lalrammawia Music & Choir Secretary hnen atangin Report ngaihthlak a ni.
Kum 2026 atanga 2028 chhunga General Choir member ruat thar te chu UPC North East India General Superintendent, Rev. Zohmingthanzama'n Lalpa Isua hminga hriak thihin Lakluhna a nei a ni. General PYD President, Rev. C. Lalmalsawma chuan fuihna thu sawiin; Tlangnuam Bial Zaipawl, Bethlehem Bial Zaipawl leh General Choir (2024-2026 term) te hnen atangin fak hla ngaithlak a ni bawk.
He mi rual hian General Choir member kal chhuakte thlahna neih nghal niin Ngaihhruina Citation hlan an ni.
General Choir (2026-2028) Memberte:
Conductor : Bro. Lalrammawia, Dist. Headquarters Local, Bazar Bial, AED
1. Sis. Malsawmdawngzuali, Dinthar (NMD)
2. Sis. F. Lalmuanawmi, Thuampui (AED)
3. Sis. Deborah Lalramchuani, Chaltlang (NMD)
4. Sis. Mercy Lalmuanpuii, Bawngkawn (AED)
5. Sis. K. Lalhmachhuani, Zemabawk (AED)
6. Sis. C. Lalchhanhimi, Rawpui, (Lunglei Dist.)
7. Sis. Lalhlimpuii, Ramhlun Vengthar (AED)
8. Sis. Lalchhuanawmi, Tuikual (NMD)
9. Sis. Lalremruatsangi, Hunthar (NMD)
10. Sis. Lalhmunsiami, Sairang (NMD)
11. Sis. Laltlanzuali, Dist. Hqrs. (AED)
12. Sis. Thangzuali, Ramthar (AED)
13. Sis. K. Lalfakmawii, Lungverh (NMD)
14. Bro. Lalramchuana, Dinthar (NMD)
15. Bro. Johny Lalthafamkima, Dist. Hqrs. (AED)
16. Bro. B. Malsawmdawngliana, NMD Hqrs.
17. Bro. Lallawmzuala, Armed Veng (AED)
18. Bro. Lalthansanga, Chawlhhmun (NMD)
19. Bro. Lalruatkima Ralte, Hqrs. (NMD)
20. Bro. C. Lalruattluanga, Mualpui (AED)
21. Bro. Lalramdinpuia, Peniel Kohhran (AED)
22. Bro. Lalhruaitluanga Sailo, Serchhip Biakinpui (AED)
23. Bro. C. Lalhmangaiha, Maubawk (NMD)
24. Bro. Lalnuntluanga, Durtlang (NMD)
25. Bro. Lalawmpuia, Dawrpui vengthar (NMD)
26. Bro. Lalhriatzuala, Thuampui (AED)
General Choir hi UPC North East India General PYD Music & Choir Committee enkawlna hnuai a awm a ni.
---------
HRUAITUTE PROGRAM
General Sunday School Director Rev. Biaksangzuala chuan June ni 5, 2026 Zirtawpni khan Lawngtlai West District Sunday School Board a hmanpui.
General Missions Director Rev C. Vanlalena chuan June ni 7, 2026 hian Patna ah, Bihar & Jarkhand Missions Field Director tur atana ruat thar Pastor SR Lalhualhima chu induction a nei ang.
General Missions Treasurer, Rev. R. Lalrinmawia chuan June ni 7, 2026 hian Diphu Field Director atana ruat thar Rev. Lalmuanpuia chu lakluhna a nei bawk ang.
----------
----------
AIZAWL EAST DISTRICT
Oneness Theological Seminary Opening Programme hman a ni:
June 2, Thawhlehni khan Aizawl East District hnuaia Short Term Course Pathian thu zirna, Oneness Theological Seminary chuan Kum 2026 Session atan Opening function hman a ni.
He hun hi District Committee room-ah hman niin Rev. R. Laltlankima, Principal chuan a kaihruai a, hunserh Rosanga Kawlni, OTS Teacher chuan a hmang a. Pastor Laltlanhlua Hnamte, Secretary, Theological Education Board chuan zirlaite hriattur hrang hrangte sawina neiin fuihna thu, Rev. H. Lalropuia, District Secretary leh Pastor J. Lalhmingsanga ten an nei thung.
He hunah hian Rev. VL. Hnemtluanga, District Treasurer chuan zirlaite hriattur hrang hrang a sawi bawk a ni. Rev C. Lalmalsawma, District Missions Director chuan huntawp tawngtaina a nei. Kumin 2025 Session atana OTS opening programme-ah hian Zirlai leh Zirtirtute an kal tha hle a, hlim takin hun an hmang a ni. Opening function an hman zawh hian chawhnu lamah Class an nei leh nghal a ni.
Kumin OTS-ah hian zirlai 5 zirin-hetiang hian Zirtirtu leh an subject lak dan a ni:
1. Rev. R. Laltlankima- Christian Leadership
2. Pastor Laltlanhlua Hnamte- History of Pentecostal Movement
3. Rev. VL. Hnemtluanga- Life and works of Christian Minister
4. Rev Rosanga Kawlni - Life of Christ
5. Pastor J. Lalhmingsanga - Book of Acts
----------
Futsal Tournament kick off neih a ni:
May 28, Ninga zan khan Vaivakawn Auditorium-ah Youth for Wellness Futsal Tournament, District PYD Fund Raising Committee buatsaih kick off neih a ni.
He hun hi T. Upa Lallawmzuala Parte chuan kaihruaiin Bro. H. Lalengzauva hnen atangin inlawmna thu ngaihthlak a ni. Evan Dr. R. Vanlalpeka, District PYD Vice President chuan hunserh hmangin Bro. Lalmuanzuala hnen atangin report ngaihthlak a ni bawk. Lalrina Renthlei, Internation Sport Person hnen atangin thusawi ngaihthlak niin kalkhawmte hnenah fuihna thu tha tak sawiin Rev. VL. Hnemtluanga, District Treasurer chuan Kick Off na neiin PYD member kalkhawmte hnenah fuihna thu tha tak a sawi bawk a ni. He hunah hian Sis. Lallawmpuii leh Sis. Miriam Lalhmingmawii ten fak hla an sa bawk. He hun hi Distrct PYD OB te pawhin telpuiin hlim takin hun hman a ni a, programme neih kar lakah tie draw neih thin a ni bawk. Hun tawp tawngtaina Evan F. Malsawmdawngliana, District PYD Asst. Secretary chuan a nei a ni.
Youth for Wellness Futsal Tournament-ah hian Aizawl khawpui chhung leh pawn atangin Team 38 an tel thei a, May 30, Inrinni atang khan Tournament hi Bethesda Futsal Ground, Tanhrilah khelh nghal niin ruahmanna ang chuan June 12-ah Final khelh a ni ang.
----------
Silver Jubilee lawm:
Serchhip Chanmari Kohhran te chuan an Kohhran Kum 25 tlin, Silver Jubilee chu June 3, Nilai zan atang khan an hmang tan. Jubilee hi Bialtu Pastor C. Lalchhuanga chuan hawnna neiin Jubilee tan zan hian LAD leh Sunday School Department ten hruaitu chawimawina hun an hmang a ni. Jubilee meidet-na Upa Isaac Malsawmtluanga kaihhruaiin neih a ni bawk a, Kohhran hruaituten Jubilee mei det bul hi an tan a ni.
June 5, Zirtawp zanah inkhawmna nei lehin hetah hian PYD leh Missions Department ten hruaitu chawimawina an nei leh a, Kohhran Documentary thlir hona neiin PYD leh Missions Department atangin thusawi ngaihthlak a ni.
Serchhip Chanmari ten an Kohhran kum 25 tlin, Silver Jubilee hi June 7, Pathianni zan thleng hian an hmang dawn a, Pathianni tlaia-h Jubilee ruai an kilho dawn a ni.
----------
Skill Development Training hawn a ni:
June 1, Thawhtanni zing dar 7:00 khan District conference Hall ah District PYD hmalaknaa Skill Development Training kalpui tur chu Pastor J. Lalhmingsanga, District PYD President chuan a hawng. Programme hi Evan. Dr. R. Vanlalpeka, Vice President chuan kaihruaiin Evan. Lalfelkima, District PYD Secretary hnen atangin report ngaihthlak a ni a, thusawi tawi instructor te - Bro. Zorema Pachuau, Bro. Lalfakzuala leh Bro. Lalhriatpuia Zote te hnen atanga ngaihthlak a ni a, Evan. Lawmsangkima, District PYD Treasurer in tawngtaiin hun a khar a ni. He training programme ah hian Electrical ah mi 5 leh steel Fabrication ah mi 3 ten training hi thla 3 chhung an nei dawn a ni.
----------
Mi thar:
May 31, Pathianni khan Zohmun Kohhran Member ni turin Pastor. H K Lalhmangaiha, Bialtu Pastor chuan mi pakhat sengluhna a nei. Inkhawm banah Baptisma chang nghalin hemi rual hian mi pakhatin Baptisma a chang ve bawk. Pentecostal Choir induction:
June 7, Pathianni zan hian Aizawl East District PYD zaipawl, Pentecostal Choir, 2026 -2028 Term-a member tharte lakluhna, induction neih a ni dawn. He hun hi Zemabawk Vengpui Biakinah hman tur niin Pastor J. Lalhmingsanga’n inkhawm a kaihruai anga, Rev. H.Lalropuia, District Secretary in member lakluhna a nei dawn a ni. Pentecostal Choir member hi District PYD Music & Choir Committee chuan Bial hrang hrang atangin a ruat thar a ni.
----------
----------
CENTRAL DISTRICT
Central District buatsaih "Seminar on Accounting & Auditing" chu June ni 7, 2026 Pathianni hian Tura Section-ah neih a ni a, Resource Person atan District Superintendent Rev. Vanlalhruaia Tlau leh, District Secretary / Treasurer Rev. Lalpeklien Sungte te hman an ni.
----------
----------
CHHIMTUIPUI DISTRICT
NU CHHUANAWM CHAWIMAWINA HLAN
District Hub For Empowerment of Women (DHEW), Women And Child Development, Siaha in Tipa Block chhunga Nu chhuanawm a thlan pali zing ah Farnu Gail Davis W/o Rbt.K.Lalthlengliana (L) Tipa 'V' a tel. Sist.Gail Davis hian a fate pathum MBBS, Junior Engineer (PWD) leh Bachelor of Pharmacy ah hlawntlinna chang thei khawp in a lo enkawl hlawm a ni. Chawimawina ah hian Citation, Memento leh pawisa fai a dawng tel.
He chawimawina a dawng thei hi kan chhuangin kan lawmpui takzet e.
----------
DISTRICT MUSIC COMMITTEE MEETING NEI
June ni 2, 2026 dar 1:00 Pm khan District Superintendent Official Chamber ah Chhimtuipui District Music Committee Meeting pawimawh tak an nei a, District Official ten an thutpui a ni. Meeting thuchhuak pawimawh zualte
1) Kum 2026-2028 tana District Choir Member tur, mipa 15 leh Hmeichhia 13 an ruat.
2) Zaipawl lakluhna programme hi dt. 28.06.2026 (Pathianni) zing inkhawm banah Siahatla Local ah neih tura tih a ni a, Induction service hi District Superintedent in a nei ang.
Heng bakah hian Budget chungchang leh Zaipawl tihhmasawnna tur thu pawimawh hrang hrangte an rel bawk.
Kum 2026-2028 thlenga Music & Committee a mawhphurtu te chu -
Chairman - Rbt L. Khai u
Secretary - Rbt S. Vabeima
Treasurer - Rbt J. Lalhriatchhunga
Member te - (1) Evan S.Vanlalvena
(2) Upa V. Lalninghaka
(3) Upa Siherliana
Conductor - Bro Ls. Vanlalchhuanga
Asst. Conductor - Bro Zorammuana
----------
APOSTOLIC BIBLE SCHOOL NEWS
Apostolic Bible School Board chuan Kum 2026-a ABS a kal turte Pastor bial hrang hrang aṭangin a hlui mi 5 leh a thar 8 an vaiin mi 13 a la a. Dt.1.6.2026 (Monday), Zing Dar 11:00 Am ah Rev. Kholy Hlychho, Principal kaihhruaina hnuaiah Registration Day Programme hi District Committee room, Siaha ah hman a ni ang. Dt. 2.6.2026 (Tuesday) aṭangin Class ṭan nghal a ni ang.
ABS Board chuan zirtirtu atan heng a hnuaia mi te hi a ruat a ni.
1.Rev. Kholy Hlychho,Principal
2.Rev. MH. Robin Lalthanmawia,Registrar
3.Rev. Joseph L.Thlauhthang,Teacher
4.Rev. K. Kawngkharmawia,Teacher
5.Rev. Lalhnehchunga,Teacher
July ni 5, 2026 (Sunday) Dar 1:30 Pm ah Council Vaih Local Church, Siaha Biakin ah Graduation Day hman a ni ang a, Graduation Speaker atan Rev. L.John Gangte, Principal CBC chu sawm a ni.
----------
SANGAU BIAL MISSIONS DEPARTMENT
May ni 27-31, 2026 aṭanga ṭanin Thaltlang Home Missions Field-ah Bial Missions Department hmalakna in crusade neih a ni. He crusade neihna turah hian Upa Hc. Hmingtinthanga Jehova Jire Rivival Team member pa -6 te rawn present in rawngbawlna tluang taka neiin an hlim hle
----------
THIAHRA KOHHRAN TE TLAWH
Dt 30-31 May 2026 hmangin Council Vaih Local LAD te chuan Dist.Hqrts Bial LAD Conference rorel bawhzuiin Thiahra kohhrante an tlawh.
Programme hman chhung zawngin Speaker atan Evan Vanrohlupuia, Upa David H Lallianhluna, Evan Beihluatlai khuhly te hman an ni a, an hnen aṭang Pathian thu ṭha tak tak ngaihthlak a ni. An rawngbawlna Kohhrante'n an hlawkpui hle.
He hun ah hian Sist Hc Maradeiva, Secretary, Dist headquarters Bial in Thianghlimna Campaign a nei nghal bawk. Council vaih Local LAD te hian Kesil rawngbawlnaa hman atan Steel chawhtawlh 2 leh thuthleng hniam 2 chu Thiahra kohhrante an hlan bawk a ni. Lalpa Thlarau pawlna leh malsawmna dawngin hun hlimawm tak an hmang.
----------
DISTRICT MISSIONS RAMTHIM BAWM VAH PUI
Siaha bial Board ruahmanna in Dt. 25- 29.5.26 chhung in Siahatla Local Church ah District Ramthim bawm chu vah chhuahpuiin, in tin ah luhpui a ni.
He rawngbawlna pawimawh tak mai neia hma la turin Siahlatla Local Church Board rorelna chuan Group- 6 (paruk) ah ṭhenin group tinah Leaders te siam a ni.
Group leaders te leh members ten ṭhahnem ngai takin khaw chhe hnuaiah an vah chhuahpui a, in tin an luh kim hma chu chawl lovin an kal zel a ni. Kohhrante thawhhona leh inpumkhatna zarah cheng tamtak kan hmu hi kan lawm tak zet ani.
Group leaders te:-
1.Bro.Zothanpuia, Pre.PMD
2.Bro.R.Lasawmliana, Former Secy.PMD
3.Bro.Buihaw Secy. pmd
4.Bro.Khawpuimawia, Trea.PMD
5.Bro.LC.Apaw
6.Bro.J.Lalhmingchungnunga, Former Secy.PYD
Group tinte rawngbawlna leh chhungkaw tin ṭhahnemngaihna zarah Ramthim bawm a tla zawng zawng hi Rs 46,300/- a ni a, Siahatla Missions Dept ten College Vaih Local ah Ramthim bawm an hlan chhawng ang.
----------
VAHIA HOME MISSIONS FIELD KOHHRAN TEN PHURA TLAWH
Dt.31.May.2026 (Chawlhni) ah Vahia Home Missions Field Kohhran ten Phura Local ah rawngbawlna an nei. Vahia aṭang mi 10 kal in, speaker atan Evan.E.Khaching,Field Worker hman a ni a, a rawngbawlna Kohhrante'n an hlawkpui hle. Zing inkhawm ah Evan.E.Khaching an nau hlan rawngbawlna a nei bawk.
Vahia aṭanga kal te hi an vaiin Upa F.Lawma,Chairman, Phura Local ten zanriah an buatsaih sak a,Kohhrante an lawm hle.
----------
----------
LUNGLEI DISTRICT
PBS IN FRESHERS MEET AN HMANG :
June ni 1 Thawhtanni chawhnu dar 2 khan Lunglei District UPC-in thla khat awh Pathian thu zirna a neih Pentecostal Bible School (PBS) chuan Freshers Meet an hmang.
He hun hi District Music Committee Room-ah hman a ni a, Rev.C.Lalhriatpuia chuan kaihruaiin, Headquarters bialtu Rev VL Hmuaka chuan hunserh a hmang. PBS Principal, Rev C Lalrintluanga leh PBS Teacher Pastor Lallawmsanga ten thu an sawi a, PBS Dean Rev.PC.Lalfakawma chuan inhmelhriattirna neiin hriattur pawimawhte a puanga, zirlai hruaitu tur thlan a kaihruai bawk. He hun hi PBS Teacher Rev R Lalramhluna chuan tawngtainain a titawp a ni.
Kumin PBS ah hian 1st Year ah mi 11, 2nd Year ah mi 4 leh 3rd Year ah mi 11 (an vaiin mi 26) an kal dawn dawn a, Subject 5 an zir dawn a ni.
PBS hian June ni 28 Pathianni hian Graduation day an hmang ang.
----------
UPA THUZIR BUATSAIH:
UPC Lunglei District Inkhawmpuiin Upa te pualin Training buatsaih ve nise tih a rel bawhzui nan May ni 29 Zirtawpni khan Lunglei North Zone-te tan Upa thuzir hun buatsaih a ni.
Lunglei N Zone-ah hian Pukpui Section, Rahsiveng Section leh Sertlangpui Section-te an awm a, hun hmanna ah hian Upa 51 an kal khawm a ni.
Lunglei N Zone-te puala Upa thuzir hi UPC Conference Hall, Chanmari-ah neih a ni a, hun khatna hi Rev H Rothuama, Pukpui bialtu chuan a kaihruai a, District Superintendent Rev C Lalrintluanga leh Rev C Lalhriatpuia, District Missions Director chuan zirtirna an pe.
Hun hnihna hi Rahsiveng bialtu Pastor, Rev LH Lalchhandaman a kaihruai a, District Secretary Rev PC Lalfakawma chuan zirtirna a pe bawk.
Upa thuzir hi a bu buatsaih a ni a, a bu chhung ah hian thupui hrang hrang, Kohhran upa tih tur leh nihphung, Church Leadership, Church Administration-te a awm a, heng thupuite hmang hian vawiinah hian zirtirna hi in pek a ni.
Upa thuzir neih dan tur hi District chhunga Section hrang hrangte Zone hrang hrangah inthen anih angin kalpui chhoh zel a ni a, nikum 2025 July ni 25 ah khan Haulawng Zone leh Hnahthial Zone te tan buatsaih a lo ni tawh a, bial 11 te tan buatsaih chhunzawm a ni leh ang.
----------
DISTRICT LAD BOARD VAWI 122-NA TLUANG TAKA NEIH A NI:
May ni 28 Ningani khan District LAD Board vawi 122-na chu District Board Room-ah neih a ni a, President Sis PC Lalrinthangi, Bw chuan a kaihruai a, an rorel te:
1. Thianghlimna atan Incheina chungchangah Seminar a tam thei ang ber nei tura Bial leh Local-ah a tul dan anga hmalak nise.
2. Kumpuan Taimakna hmalak dan tur hetiang hian ruahman a ni.
- Seminar bial tin ten neih theuh nise, Section Conference leh Local inkhawmna ah hun khat tal sermon thupui ah nei tura hma lak nise.
- Tin, Thu leh hla inphuahsiakna neih bawk nise. 1-3 na thleng lawmman siam ni bawk se.
3. SAPC (Sabstance Abuse Prevention Committee) din a ni a. Hruaitu te pawh ruat fel nghal an ni.
4. General Kohhranpui atanga Addl. Target kan neih Rs 52,000/- chu District sum atanga pek nise.
5. Pangzawl Ramrikawn Biak In sak nan Ra 50,000/- pek belh leh nise.
6. Diamond Jubilee lawmnan Pathianni tuk ah a thei thei ten Kawr var leh Puanchei ven nise.
----------
----------
NORTH MIZORAM DISTRICT
HRUAITUTE PROGRAMME
District Superintendent Rev. K. Lalduhsanga chuan Sikkim Mission Field leh Darjeeling-a rawngbawlna nei tur leh Lebong Kohhran Biak In thar hawng tura zin chhuak, North Mizoram District Superintendent Rev. K. Lalduhsanga leh a a kalpui te chu, June ni 4, 2026 khan tluang takin Vairengte, Mizoram an lo lut leh ta a ni.
District Secretary Rev. C. Lalthantluanga chuan May ni 29, 2026 atangin June ni 6, 2026 thleng PSM lamah Zirtirna hna a thawk ang.
District Treasurer Rev. C. Lalmuanpuia chuan June ni 4, 2026 zan khan Bro. H. Lalchhuanawma (Anna) ralna hun Pennet Committee ten an hmannah Pennet Chairman a nih angin a hman pui a; June ni 5, 2026 khan Missionary Retreat, Headquarters Biak ina neihah Chawhnu lamah hun hmanpuiin Retreat-ah hian Financial & Account Management lam a zirtir a ni.
----------
Evan Raphael Lalhmingsanga Khiangte chuan North Mizoram District UPC hnenah a thesis a hlan
Kumin March, 2026 khan Calvary Bible College atanga Degree of Bachelor of Divinity (B.Div) hlawhtling taka lo la tawh, Evan Raphael Lalhmingsanga Khiangte S/o Evan K. Lalmuliana, Central Jail Veng chuan 28th May 2026 khan a Degree lakna tura a Thesis ziah chu North Mizoram District UPC (NEI) hruaitute hnenah a hlan.
Evan Raphael-a hian zu hman khawlohna leh Kohhran thiltihnaa tel thin te inlaichinna thuk tak zir chhuakin, a thesis-ah hian "Alcohol abuse and Church Participation: A Comparative Analysis of Residents in the Central Jail Veng Area, Aizawl: Its Implications for Pastoral care and counselling" tih thupui hmangin Central Jail Veng bik tarlan nan a hmang a ni. He thupui hnuaiah hian zu in pawizia leh chumi laka Kohhran hruaitute leh Counselor te hna thawh tur pawimawh tak tak te chipchiar takin a tarlang a ni.
He zirchianna tha tak leh Kohhran hmasawnna tura tangkai tak mai hi North Mizoram District UPC hruaitute chuan lawm takin an lo pawm a, hetiang khawpa rawngbawlna atan leh khawtlang tana thil tangkai zir chhuaktu Evan Raphael Lalhmingsanga Khiangte hi an chhuang hle a, a zirna leh rawngbawlnaah duhsakna an hlan nghal bawk a ni.
----------
Headquarters Biak Inah Missionary Retreat Hlawhtling Takin Neih a Ni
June 5, 2026 khan Headquarters Biak In-ah Missionary Retreat neih a ni a. Missionary-te pualin hun hlawkthlak tak hman a ni.
Retreat hi chawhma leh chawhnu hunah then a ni a. Chawhma hun hi Evan. Jessy Rothangpuia, District MS Secretary-in a kaihruai a. District Superintendent-in Darjeeling-a Biak In hawng tura a zinnaah hun ruat anga alo haw hman loh avangin, District Missions Director-in a aiawhin hun a hmang a ni. Hun khatnaah District Missions Director-in Missionary-te Thlarau rawngbawlna leh an nungchang chungchangah zirtirna pein, hun hnihnaah District Treasurer-in Financial & Account lam zirtirna a nei dawn bawk a ni.
Chawhnu hun hi Evan. Lalthangchhuana, District MS Treasurer-in a kaihruai leh a, Administration leh a kaihhnawih pawimawh zualte zirtirna a nei leh a ni. Tichuan, Sawihona (Discussion) hun hman niin, hun khar nan Inhlanthar tawngtai hona neih a ni bawk.
----------
PENTECOSTAL SCHOOL OF MINISTRY-AH THLARAU THIANGHLIM CHENCHILHNA ROPUI TAK KAN HMU; CHAWIMAWINA NEIH A NI
June Ni 3, 2026 khan PSM-ah Chawimawina neih a ni a, Pentecostal School of Ministry (PSM)-ah Pathian Thlarau Thianghlim hnathawh ropui tak a thleng a, Pathian hnenah lawmthu sawina leh Chawimawina ropui tak hlan a ni.
PSM zirlai mipa dome-a awm ten mut dawn devotion an neih laiin, Pathian Thlarau Thianghlim lo thlengin, tawnghriatloh hlapui ropui tak mai an rem chhuak a. He Thlarau Thianghlim chenchilhna hlimawm leh hlu tak avang hian Pathian hnenah Chawimawina hlan a tul ta hial a ni.
Pathian hnena lawmthu sawina tur atan sum leh pai thawhkhawm a ni a. Sakawrtuichhun hnaivai local hrang hrang atang leh hmun hrang hrang atangin chawimawina chhim tur hian kohhran mipui te an fuankhawm a ni.
He chawimawina hlawhtling taka hman a nih theih nana sum leh pai thawhtu mi thahnemngai te chu a hnuai tarlan te hi an ni:
S.No Hming Pawisa Thawh Zat (₹)
1 Unaupa Bronson Lalramthara 10,000/-
2 Unaunu Zaneihkimi (Bronsona nu) 5,000/-
3 Unaupa Lallungkhama 1,000/-
4 Unaupa Lallawmzuala 1,000/-
5 Unaupa Lalhmingmawia 1,000/-
6 Unaupa Lalhlimpuia 500/-
7 Unaunu K. Lalfakmawii 500/-
8 Unaunu Esther Malsawmtluangi 500/-
9 Unaupa Zolaltura 500/-
10 Unaupa F. Vanlalchanmawia 500/-
11 Unaupa Ricky Ramdintluanga 500/-
12 Unaupa Lalduhawma 200/-
13 Unaupa Laltlanzela 200/-
14 Unaupa Lalhlanthara 200/-
TOTAL ₹22,900/-
----------
LAD TAILORING CENTRE TEN THILPEK AN DAWNG
June ni 5, 2026 khan Chaltlang bial LAD te chuan Tailoring Centre-ah Wall Fan pakhat leh Thingrem lian, Cushion nen an rawn pe leh a. Heng thilpek te hi Sis. Doris Lalrinsangi BW, District LAD Secretary leh sis. Lalzuiliani BW, District LAD Treasurer te chuan lo dawngsawngin lawmthu sawi tawngtaina hun Sis. Doris Lalrinsangi BW chuan a hmang bawk a ni. Chaltlang bial LAD te chungah thinlung takin lawmthu an sawi a, an senso leh an hmangaihna luang chhuak te Lalpa'n tam takin rul sela, malsawmna tam takin lo vur let sela tiin duhsakna an hlan a ni.
----------
NORTH MIZORAM DISTRICT HEADQUARTERS BIAL REVIVAL CRUSADE HMANG; BAPTISMA CHANG MI 4 A AWM
Ni 29 atanga 31 May 2026 chhung khan Mission Vengthlang Biak Inah North Mizoram District chhunga Headquarters Bial te chuan Bial huap Revival Crusade an hmang a. He Crusade-ah hian Evan PC Lalramchhuanmawia, Rehoboth Revival Team chu speaker-ah hman a ni.
Crusade neih chhung hian Mission Vengthlang kohhran member hlun tak, Sr. Upa Darkhawthanga chuan Inrinni zanah chatuan ram min pansan a. Amah zahna leh thlahna ni atan Pathianni zing leh chhun inkhawm te chu kohhran chuan thulh mah se, Pathianni zanah Revival Crusade hi chhunzawm lehin Pathian thuchah ngaihthlak a ni.
Pathianni zan inkhawm hi a hlawkthlak hle a, Baptisma khur hawn niin mi 4 ngawtin sual ngaihdamna Baptisma an chang a. Baptisma hi Bialtu Pastor Rev. Lalremtluanga'n a chantir a ni.
----------
MITHAR 16 LAWMLUT
May ni 30, 2026 Inrinni zan khan UPC Gilgal Kohhran, Bairabi Bial (Awrpuara Veng) a lawi turin thawktu Upa C.Muankima chuan members 16 Hindu atangin a lawm lut. Kohhran hoten Pathian malsawmna nasa tak kan dawng hi Pathian hnenah lawmthu awm mawlh rawh se.
----------
Tuirum MF ah mithar
May ni 29, 2026 khan Tuirum MF ah Evan. Lalthianghlima chuan Presbyterian kohhran atangin UPC member ni turin chhungkaw khat member 2 awmna chu Isua hming in a lawm lut.
----------
ASC Home Khuangpuilam, Kolasib tlawh.
Dt.30/5/26 (Inrinni) khan Vairengte Bial Missions Department te chuan ASC Home Khuangpuilam, Kolasib tlawh niin Bial hmingin thilpek- Thawmhnaw 5-bags, Artui 1-box, Têl 1-case, Wai Wai 2-case, Sweet 1-Pocket leh Hmunphiah 12-pcs an hlan.
Tin, heng bakah mimal angin Bialtu Pastor nupui Sis. Hmingchhuantlingi Birthday pualin Drinks 5-Case leh T. Upa Ramtharnghaka te nupa in Wai Wai 1-case leh Freshy 3-case hlanna an nei ve leh bawk a ni.
ASC Home tlawhna ah hian Bial Missions aiawhin members 14 an kal thei a ni.
Vairengte Bial Missions Department te hi Dt.30/5/26 (Inrinni) vêk khan, Rengtekawn Bial, Thinglian Missionary Quarters kâng pualin tiin Missionary Sis. Vanlalpeki hnenah tul leh pawimawh leina atan tiin sum thawhkhawm ve leh in Bial Missions Department hmingin Rs.2000/- , T. Upa Ramtharnghaka te nupa Rs.2500/- leh Upa Malsawma Rs.500/- a vaiin Rs.5000/- chu Bial Missions Department, Vairengte Bial hmingin Rengtekawn Pastor Quarters ah hlanna neih leh nghal a ni.
----------
SEMINAR CUM REVIVAL HLAWHTLING TAK BUATSAIH
June ni 1, 2026 khan Bairabi bial Conference leh bial board-in a lo rel tawh angin May ni 30 & 31 khan Bairabi Bethel Biak inah Seminar cum Revival buatsaih a ni.
Inrinni khan bial chhung Church Board members leh bial Deparment OB te pualin 'Serh leh Sáng rawngbawlna' leh 'Sermon buatsaih dán' tih thupui hmangin Seminar neih a ni a. Inrinni zan aṭanga Pathianni zan thlengin Revival hman chhunzawm a ni. He hunah hian Resource person - Speaker atan Rev. B. Vanlalruata, Dist. PYD President hman a ni.
Seminar leh Revival-ah hian bial chhung aṭangin an kal ṭha hle a. Bro. Lalbiakdika, Sihphir bakah bial chhunga mimal zaithiam te leh bial PYD Zaipawl ten zaia rawngbawlna nei ṭhinin Thlarau lam malsawmna nasa nen hlim takin hun hman a ni. Pathianni zan dar 10:43pm-ah inkháwm bângin Seminar cum Revival chu kham lo takin a ṭiak ta a ni.
----------
DINTHAR BIAL PYD ZAIPAWL LAWMLUHNA LEH THLAHNA INKHAWM
June ni 4, 2026 Ningani zan khan Dinthar Bial PYD Zaipawl lawmluhna leh member kal chhuakte thlahna hun Tuikual Biak inah hman a ni a, inkhawm hi Bro. H.Lalmalsawma (Chairman, Music Committee) chuan kaihruaiin, Bro.Laledentharmawia chuan hunserh hmangin, Bialtu Pastor Rev. C. Lalramthanga member tharte lakluhna leh hriak thih rawngbawlna a nei a; Zaipawl member kalchhuak turte thlahna hun hman a ni a, Citation hlan an ni.
----------
----------