October 23, 2026
General
UPCNEINEWSSERVICE_23 OCTOBER 2026
HRUAITUTE PROGRAM
General Missions Director Rev. C. Vanlalena chuan October ni 23-25, 2026 chhunga Aizawl East District Missions Conference, Thingsulthliah hmuna neih chu hmanpuiin Pathianni chawhmaah thusawi rawngbawlna a nei ang.
----------
GENERAL PYD CONFERENCE VAWI 48-NA
UPC North East India Thalai pawl Pentecostal Youth Department PYD General Conference vawi 48-na chu October ni 30 - November 1, 2026 chhung hian neih a ni dawn.
Kum 2026 General PYD Conference hi North Mizoram District ten an thleng dawn a, Thenzawl, Rajput Field-ah Pandal lian tak sa in inbuatsaihna kalpui mek a ni. Conference thupui atan 'Thih thlengin rinawmin lo awm rawh' Thupuan 2:10 chu hman a ni a, October ni 30 zan hian Conference hawnna General Secretary Rev. Lalmalsawma Sailo chuan a nei anga, October ni 31 Inrinniah Field Veng UPC Biak In, Thenzawlah Inkhawmpui Rorel neih a ni ang.
He Confenrence ah hian inkhawm service pangngai bakah Fellowship leh Baptismal Service te neiin hun hman a ni dawn a, Conference hlim tak leh hlawhtling tak a hman a nih theih nan North East India PYD member zawng zawng bakah Kohhran mipui te a tam thei ang ber kal turin Lalpa Isua hmingin General PYD chuan a sawm a ni.
----------
APOSTOLIC CONFERENCE
Apostolic Conference vawi-2 na chu Dt. 16th-18th October, 2026 khan Bangkok-ah hman a ni a. He conference hmang tur hian United Pentecostal Church, North East East India te sawm kan nih angin General Secretary Rev. Lalmalsawma Sailo hovin NEI Thalai mi 38- General PYD OB-3, AED PYD OB 4, NMD PYD OB 3, Lawngtlai West District PYD President, South East Nagaland PYD President leh General Choir te an kal a. Apostolic Conference hmang tur hian rambung hrang hrang 17 atang palai an kal khawm a- India, USA, Philippines, Nigeria, Ghana, Pakistan, Bangladesh, Myanmar, Togo, Ethiopia, New Zealand, Vietnam, ACN, Singapore, Japan leh Thailand te an ni. Inkhawmpuina hmun hi Bangkok khawpuiah niin, The Legacy Hotel ah nghah a ni a, International Apostolic Church of Thailand ten an thleng a ni.
Apostolic Conference- ah hian Speaker atan Rev. James Corbin, Rev. Gregg Damsby, Rev. Joe Harrod, Rev. Mike Mendenhall, Rev. Stacey Wiley, Rev. Gregory Pounds, Rev. Bobby Wade leh Rev. Amanda Lepper te an ni a. Inkhawm apiangin Session hrana then niin Session 1 leh 4-ah a huhova inkhawm thin niin, Session 2 leh 3 erawh chuan thupui bik neiin inkhawm hun hman thin a ni.
Conference ah hian inkhawm apiangin General Choir te chuan zaiin rawngbawlna an nei thin a. Tin, UPC-NEI atanga kal te chu Speaker te leh Conference thlengtu Bangkok Kohhran hruaitute thilpek an hlan a ni.
----------
----------
LUNGLEI DISTRICT
EDUCATION COMMITTEE, PYD LUNGLEI DISTRICT IN CHAWIMAWINA HLAN
Ni 18- October-2026 (Pathianni) chawhnu khan Education Committee, PYD Lunglei District ten, Zirlai tiṭha, infiamna lama hlawhtlinna chang leh hna hmu tharte hnenah Chawimawina an hlan. Chawimawina hlan inkhawm hi Conference Hall-ah hman niin, Upa C. Lalbiakenga, Chairman Education Committeein a kaihruaia, Rev K. Vanlalhruaia, Lunglei District UPC Treasurer in hunserh hmangin fuihna thutawi a sawi.
Education Committee Secretary Dr LH Lalrosanga'n Report a pe a. Lunglei District UPC Choir ten Pathian fakhla an sa bawk. Education Committee Secretary kaihhruaiin Chawimawina hlan a ni a. Zirlai tiṭha mi 11, Hna hmuthar 4 leh Sport lama hlawhtlinna chang mi 2 hnenah chawimawina hlan a ni. Chawimawina hi Zirlai titha MBSE/CBSE/IASE etc hnuaia top 10 chin, India leh State Sawrkar hnuaia Statutory body, UGC/AICTE/NMC/DCI etc hnuaia Technical/professional course paltlang te leh Group A&B gazetted & Non-Gazetted hna hmu thar leh Doctoral degree nei tharte hnenah hlan thin a ni.
Rbt C. Lalrosanga Vice President, PYD Lunglei District, Assistant Account Officer tling tharin thutawi sawina a nei bawk. AI (Artificial Intelligence) chung changah Awareness neih niin, resource person atan R. Lalruatfela, Asst Professor, Dept Of Computer Science, HATIM hman a ni. District PYD ten Reels leh short video insiamsiak result puan leh lawmman sem a nih hnuah, Rev C. Lalrintluanga ṭawngṭaiin programme tihtawp a ni.
----------
REELS LEH SHORT VIDEO INSIAMSIAK LAWMMAN SEM
October ni 18, 2026 Pathianni Chawhnu khan Lunglei District PYD in, Social Media hman dan dik inzirtina leh Politics dik leh thianghlim zawk neihna tura inzirtirna behchhana inelna an buatsaih, Reels leh Short Video insiamsiak result puan leh lawmman sem a ni.
Lawmman sem hi, District Education Committee ten Zirlai tiṭha leh hna hmu tharte Chawimawina inkhawm an buatsaihah sem ve a ni a. Evan R. Lalsanglura, Secretary, PYD Lunglei District in a kaihruai a. Short Film insiamsiak hi Politics dik leh thianghlim zawk neihna tura inzirtirna behchhana siam niin Lunglawn Zaia veng local siam chu pakhatna niin, Luangmual local PYD te film siam chu pahnihna a ni thung. Reels insiamsiak hi Social Media hman dan dik inzirtirna tih hmang a siam a ni a. Pakhatna hi C. Roṭhuamliani, Lungchem niin, Pahnihna- HS Lalramliana, Theiriat a ni a, Pathumna- Zonuntluanga & K. Lalmuankimi Pukpui an ni thung.
Heng reels leh short video te hi Pennet Lunglei Youtube, Instagram leh Facebook Photo Gallery-ah te en theihin a awm a ni.
----------
ṬHUALṬHU LOCAL BIAKIN HAWN A NI
Ni 17. October. 2026 (Inrinni) khan Lunglei District, Tawipui Bial chhunga awm, Ṭhualṭhu local biak in hawn a ni.
Hun hmasa hi biakin kawtah hman niin, Rev R. Vanlalenga, Tawipui Section Pastor in Biak in leh lungphun a hawng. Biak in chhunga hun hmanah Upa B. Lalropuia, Chairman Ṭhualṭhu local in inkhawm a kaihruai a. Aw Lalpa I malsawmna hlu tih chu Pathian fak leh chawimawi nan sak a ni. Welcome Speech, Upa K. Lalhriatpuia Statisticianin sawiin, Sectetary Report Rbt Lalrinmawia hnen aṭangin ngaihthlak a ni.
Biak In sa tur hian kum 2010 aṭangin pawisa khawl ṭan a ni a. Ni 14.January.2012 khan Rev VL Hmuaka, Bialtu Pastor-in Biak In Lungphum hi a phum a ni. Biak in hi a dung 60ft leh a vang 30ft a sak a ni. Biak in hlui chhungkhunga sak niin, Biak In hlui hi Ni13.March.2017 ah sawiṭhiah a niin, Biak in thar hi luah nghal a ni. Biak in sak nan hian ₹18,71,618/- hman a ni.
Sis Lalneihpuii, Chamring hnen aṭangin Pathian fakna hla ngaihthlak a ni a. Tawipui Bial PYD Zaipawlten fakhla mawi takin an sa bawk. Rev C. Vanlalena, General Missions Director in Pathian thuchah sawiin, Rev Pc Lalfakawma, District Secretary in malsawm ṭawngtainain inkhawm a ṭin a ni.
Ṭhualṭhu local Biak in hawn hun hmanpui tur hian Rev Pc Lalfakawma; District Secretary, Rev K. Vanlalhruaia, District Treasurer, Rev VL Hmuaka, Headquarters Bialtu Pastor, Evan F. Lalhmangaiha, District Missions Treasurer bakah Rev C. Vanlalena, General Missions Director te an kal a ni. Sis Lalneihpuii, Chamringin Pathian fakhlate sain, Bial chhung aṭangin Bial PYD Zaipawl bakah Local hrang hrang aṭangin an tel ṭha hle a. Ṭhualṭhu tualchhung a kohhran dang te pawhin he hun hi an hmanpui bawk. Tlai lamah Biak in hawn ruai ṭheh a ni a, Sial pakhat leh vawk pahnih talh a ni
Biak in hawn pual programme hi Pathianni zan thleng hman chhunzawm a ni ang. Inrinni zan inkhawmah Rev K. Vanlalhruaia, District Treasurer in hun a hmang ang. Pathianni zingah Rev. VL Hmuaka, Headquarters Section Pastorin hun hmangin, Zanah Rev Pc Lalfakawma, District Secretary in hun a hmang ang
----------
SETHLUN LOCAL TEN RISING DAY HMANG
Sethlun Local chuan an din champha vawi 8-na lawmin ni 17.October (Inrinni) zan aṭanga ṭanin ni 18, Pathianni zan thleng hun an hmang.
Speaker atan Rev C. Lalrintluanga, Theiriat Section Pastor leh Evan C. Remruatkima, Theiriat local te hman an ni. Inrinni zan leh Pathianni zing Evan C. Remruatkima Speaker niin thuchah a sawi a. Pathianni zan inkhawm hi Upa R. Lalhnehzova'n a kaihruai a, Rev. C. Lalrintluanga hnen atangin thuchah ngaihthlak a ni. Malzai Sis. Ngursangliani leh K.Lallawmawmi te hnen aṭanga ngaihthlak niin, LAD ten, Ram ni eng mawi tih hla an rem bawk. Bialtu Pastor Rev. C. Lalrintluanga'n malsawmnain inkhawm a ṭin a ni. Rising Day lawmna hi Theiriat local leh Lunglawn local aṭangin mi engemawzatin an telpui a ni.
----------
RAHSIVENG LOCAL PYD TEN BUALPUI V HOME MISSIONS FIELD AN TLAWH
Rahsiveng Local PYD Committee member te chuan Vawiin Dt.18.Oct.2026 hian Bualpui V Home Missions Field tlawhin hun an hmang. Committee member mi 19 kalin, Zing Inkhawm hi Rahsiveng Local PYD President, Rbt Jacob Ramengmawia'n kaihruaiin, Bro. H. Vanlalhriata, Finance Secretary-in Pathian thuchah a sawi. Sis. Lalruatdiki'n ṭanna hun a hmang ve thung.
Chawhnuah LAD te Sumtuak fehchhuah pui an ni a. PYD te Fehchhuahna neihpui an ni bawk Zanah Inkhawm Bro Lalhmingmawia'n a kaihruai a, Bro Pc Lalrinfelan thuchah a sawi ve thung. Ṭanna hun Bro C. Lalvenpuian a hmang. Thlarau lam boruak nen hlim taka hun hman a ni. Hun hman chhung hian Sis. Janet Lalruatsangi, Sis K. Laltlanzami leh Sis. Ramengmawii te hnen aṭangin malzai ngaithlak a ni bawk.
----------
RAHSIVENG BIAL LAD TEN BIAL HUAP SEMINAR AN HMANG
Ni 20, October 2026 (Thawhlehni) khan Samuel Resort, Pukpuiah Rahsiveng Bial LAD te chuan Bial huapin Seminar an nei
Resource Person atan Rahsiveng Bialtu Pastor Rev LH. Lalchhandama chu hman a ni. "INCHEINA LEH THIANGHLIMNA" tih thupui, zirho neih a ni. Rahsiveng Bialtu Pastor Rev LH. Lalchhandama hnen aṭangin, "Taimakna chu thawhrimnain a hrinchhuah, zelthel lohna te a ni a, mi taima te chuan tlakranna aiin neihnunna te, intodelh leh midangte tan pawha luanchhuah theihna an nei bik a. Thilṭha lamah chaun taimak tur a ni" tih te leh Rawngbawlna kawng hrang hrang
1) Thlarauvah te
2) Ṭawngtainaah te
3) Thilpekah te
4) Pathian thu luhchilh kawngah te
5) Kohhrana mawhphurhna hlen chhuahna kawngah te, khua leh tui ṭha ni tur leh, chhungkua leh mimala taimak hlawkzia leh a ṭulna te zirho a ni. Incheina kawnga taihmakna hi lang nghal mai anih avangin hlamchhiah miah lo turin fuihna thu ngaihthlak a ni. Chumi zawhah Sis. Biakchungnungi, Bial LAD Secretary hnen aṭangin report ngaihthlak a ni.
Rahsiveng Bial ah hian local hrang hrang 9 a awm a, Chungte chu
1) Rahsiveng
2) Venghlun
3) Zion
4) Rahsiveng thlang
5) Vanhne
6) Hauruang
7) Sazaikawn
8) Runtung
9) Thehlep te an ni.
Rahsiveng Bial LAD member hi 540 an ni a. Bial chhungah Bible Women pathum an nei a Chungte chu-
1) Sis H Zirliani, B/W Rahsiveng local
2) Sis Darsawithangi, Sailo B/W Zion local
3) Sis PC Lalrinthangi, B/W Rahsiveng local te an ni.
Pentecostal Lady kumin 2026-a kan lak zat chu copy 268 a ni. Seminar-ah hian kal an ṭha hle a, nilengin hlim taka hun hman a ni.
----------
PSM COMMITEE LEH AN ROREL
Ni 19-October-2026 (Thawhtanni) Chawhnu khan Pentecostal Social Ministry (PSM) Committee, District Secretary Room-ah neih a ni a, PSM Commitee hi chairman Rev Pc Lalfakawma'n a kaihruai a. Dilna lut awm leh Tailoring Centre-a puanthui zirte chung chang relin, An rorel tlangpui:
1. Rualbanlo tanpuina an pek thin dilna lo lut mi 3 pawm a ni a. Tunah hian PSM te hian rualbanlo tanpuina hi mi 84 an pe mek a. Thlatin, Rs 300/- pein, riualbanlo tanpuina sum hi kumkhatah a hlawmin vawihnih an pechhuak thin a ni.
2. PSM Tailoring Center-a Tuna puan thui zir mek, 5th Batch (May-November 2026) te November ni 19-ah Certificate hlanna hun siam a nise.
3. Puan thui zirte inenkawlna dan siam tha tih a ni a. OB ten lo siam se, Committee lehah thlir ho tur a ni ang.
----------
----------
NORTH MIZORAM DISTRICT
Hruaitute Programme:
Superintendent: Rev. K. Lalduhsanga, District Superintendent chuan District Mission Conference Vawi 46-na Chawhhmuna hman turah a telpui anga, October, ni 25 Pathianni zing inkhawm-ah Pathian thuchah a sawi ang.
----------
DISTRICT NEWS:
DISTRICT LAD VAWI 58-NA CONFERENCE TLUANG TAKA HMAN A NI
North Mizoram District LAD Conference vawi 58-na chu October ni 9 atanga ni 11 chhungin Sialsuk Field-ah hlim taka neih a ni a, Conference thupui atan “Ka beramte chawm rawh” (Johana 21:17) a ni. Conference-ah hian palai riak lut mi 965 awmin, langa kal mi 200 vel kan awm bawk. Mikhual riak lut zingah hian Pensioner pahnih Rev Sanghleia Sailo leh Rev Laltluanga te an tel.
Conference palai te zingah kum upa kum 70 chin mi 46 lai an awm a, chibai bukna thilpek kan hlan. Conference hi Rev. C. Lalthantluanga, District Secretary chuan hawngin Pastor H. Lalrinpuia, Sialsuk bialtu pastor chuan palai lawmna thu a sawi. Conference tan zanah hian Sis. R. Lalbiaknungi BW, Aibawk bial LAD President chuan “Ka beramte chawm rawh : Fanau enkawlna kawngah” tih hmangin Pathian thuchah ropui tak min hrilh. Target khum leh target tlak hmasa bial te hnenah lawmman pek an ni.
Inrinni chhun, Dt.10/10/2026-a Rorel inkhawm hi Pandal-ah neih a ni a, Rorel inkhawm hi District LAD President Sis. F. Lalrohlupuii BW chuan kaihruaiin, District puipate, General LAD President leh Secretary te, District Department hruaitute, bialtu Pastor rual te, Tirhkoh leh Bible Woman thahnem tak leh Kohhran Upa te leh LAD member thahnem takin ro an rel a. Rorel palai mi 695 kan awm. Rorel inkhawmah hian agenda sawmpakhat kan pass. Bial tina buhfaitham tham tha ber hnenah lawmman pek an ni a, bial 31 awmin bial pakhatah tham tha ber mi pahnih an awm avangin mi 32 hnenah lawmman hi pek an ni.
Inrinni zan inkhawmah “Ka beramte chawm rawh : Taihmakna kawngah” tih thupui hmangin Pathian thuchah Sis. Doris Lalrinsangi BW, District LAD Secretary hnen atangin kan ngaithla. Kumpuan Taihmakna bawhzui tha bial pathum te hnenah lawmman pek an ni a, pakhatna Kolasib Venglai bial, pahnihna Headquarters bial leh pathumna Chaltlang bial te an ni.
Pathianni zing inkhawmah hian kum 2025-a District chhunga LAD member chatuan ram min pansan ta mi 63 te sunna hun hman a ni a, sunna hun hi Rev. C. Lalmuanpuia, District Treasurer chuan a kaihruai. “Ka beramte chawm rawh : Nangmahnin ei tur pe rawh u” tih thupui hmangin Rev. K.Lalduhsanga, District Superintendent hnen atangin Pathian thuchah ropui takngaihthlak a ni. Pathianni zing inkhawmah hian kum 2025 chhunga buhfaitham tham tha zual mi sawm te hnenah lawmman pek an ni. Pathianni zan inkhawmah Sis. Lalchangliani Sailo chuan “Ka beramte chawm rawh : Thlarau rawngbawlna kawngah” tih thupui hmangin Pathian thuchah ropui tak min hrilh. Conference chhung hian Sis. Vanlalneihpuii, Sialsuk bial; North Mizoram District PYD Choir; Chawlhhmun Bial PYD Choir; Dinthar Bial PYD Choir leh Headquarters bial Zaipawl, Bairabi Bial LAD Zaipawl, Bilkhawthlir bial LAD Zaipawl, Chaltlang Local LAD Zaipawl leh Maubawk bial LAD Zaipawl ten Lalpa fakna hla an sa. Berampu rual, Tirhkoh leh zai hruaitu Lalpa’n a hman tak tak ten thahnem ngai takin zai min hruai a, Thlarau boruak hlimawm, ropui leh nuam tak nen hun hmangin kham lo takin conference hi a tiak ta a ni
LAD Conference 58-na Rorel thenkhatte:-
North Mizoram District LAD Conference vawi 58-na chu hlawhtling taka neih a ni a, he Inkhawmpui rorel pawimawh tak aṭanga thurel langsar zual te chu hetiang hi a ni:
1. Kum 2028 Diamond Jubilee Conference: Kum 2028-a District LAD Conference (Diamond Jubilee) chu Dinthar bialin an thleng dawn a, ruai nen lawm nise tiin an rel a, Conference thlengtu puihna pawh pandal sa tute tan cheng nuai ruk (Rs. 6,00,000) leh sa lo tute tan cheng nuai thum (Rs. 3,00,000) pek nise tiin an rel.
2. Kum 2030 Conference Thlengtu Tur: Kum 2030 District LAD Conference thleng turin Bairabi bial thlan an ni.
3. General LAD Kumpuan: Kum 2028 aṭanga hman ṭan turin General LAD kumpuan thupui atan "Intodelh" (II Thessalonika 3:8) hman nise tiin General LAD-ah thlen tura rel a ni.
4. Evangelist Tanpuina: District kohhranpuiin Evangelist hmunthua a rawihte chu District LAD ten tanpuina ruahman sak ni se tiin rel a ni a, hei hi kum 2027 aṭanga hman ṭan tur a ni.
5. LAD Day Tawngtai Thupui: Kum 2027 LAD Day-ah a ruala tawngtai thupui pathum - District Tailoring Centre hma sawn nan, kan tu leh faten Thlarau Thianghlim an dawn theih nan, leh hruaitute tan neih nise tiin an rel bawk.
6. Budget Chungchang: District LAD leh General LAD aṭanga budget bak sum khawn tam lutuk leh additional budget awm thin chu ti tlem turin General LAD thlenga thlen nise tiin an passed.
7. Ruihhlo Ngai Pual Home: District-in ruihhlo ngai te pualin 'Home' din ve ni se tiin District kohhranpuia kal turin rel a ni.
8. Hruaitu Chawimawina: District LAD-in hruaitu kum 15 chin chawl lova thawk te chawimawina an pek thin chu, an thawh chhunga an pek hman loh pawhin kum 15 an thawk tling tawh a nih chuan la thawk lai mek pawh ni se, an thawh tlin hun hunah pek mai thin nise tiin an rel.
9. Buhfaitham Lawmman: Kum 2025 chhunga bial tina buhfaitham tham tha ber mi 32 te hnenah lawmman sem a ni a, palai hi Official 7 leh min tawiawmtute zawng zawng nen mi 712 an kalkhawm a ni.
Conference report tlangpui hetiang hi a ni:
Palai leh Kalkhawm Zat: Conference-ah hian palai riak lut mi 965 leh langa kal mi 200 vel an kalkhawm a, mikhual riak lut zingah Pensioner pahnih Rev. Sanghleia Sailo leh Rev. Laltluanga an tel bawk. Palai zingah kum 70 chin chunglam kum upa 46 lai an tel a, chibai bukna thilpek hlan an ni.
Inhawngna leh Thuchah: Conference hi Rev. C. Lalthantluanga, District Secretary-in hawngin, Pastor H. Lalrinpuia, Sialsuk bialtu pastor-in palai lawmna thu a sawi a. Conference chhung hian hruaitu hrang hrang - Sis. R. Lalbiaknungi, Sis. Doris Lalrinsangi (District LAD Secretary), Rev. C. Lalmuanpuia (District Treasurer), Rev. K. Lalduhsanga (District Superintendent) leh Sis. Lalchangliani Sailo ten thupui hrang hrang hmangin Pathian thuchah an sawi a ni.
Rorel Inkhawm: Inrinni chhun khan District LAD President Sis. F. Lalrohlupuii BW kaihhruaiin rorel inkhawm neih a ni a, rorel palai mi 695 an kalkhawmin agenda 11 pass a ni.
Lawmman Semna:
Target khum leh target tlak hmasa bial te hnenah lawmman pek an ni.
Kum 2025 chhunga bial tina buhfaitham tham tha ber mi 32 hnenah lawmman sem a ni.
Kumpuan "Taihmakna" bawhzui tha bial pathum - Kolasib Venglai bial (pakhatna), Headquarters bial (pahnia) leh Chaltlang bial (pathumna) hnenah lawmman pek a ni bawk.
Sunna Hun: Pathianni zing inkhawmah khan kum 2025 chhunga District chhunga LAD member chatuan ram min pansan ta mi 63 te sunna hun hman a ni.
Zaipawl leh Rawngbawlna: District PYD Choir, bial hrang hrang LAD Choir leh Zaipawl te leh rawngbawltute'n Lalpa fakna hla sain inkhawm an tinung a, Thlarau boruak hlimawm tak leh hlawhtling takin Conference hi khar a ni ta a ni.
----------
DISTRICT LAD BOARD VAWI 25-NA ROREL THENKHATTE
North Mizoram District LAD Board Vawi 25-na chu October ni 11, 2026 khan Sialsuk UPC Biak Inah hlawhtling taka neih a ni a, he Board rorel pawimawh tak aṭanga thurel langsar zual te chu hetiang hi a ni:
1. Pastor Pension Thlahna: Pastor pension thlahna chu cheng 5,000 (Rs. 5,000) a tihpun a ni a, ban pharin nemngheh a ni, hman nghal tur a ni.
2. Diamond Jubilee Organising Committee: Kum 2028-a District LAD Diamond Jubilee pualin Organising Committee din nise tiin rel a ni a, hruaitu turte chu Executive Committee ten an ruat ang.
3. SAPC Budget: Substance Abuse Prevention Committee (SAPC) pualin budget cheng 20,000 (Rs. 20,000) dah nise tiin pawm a ni.
4. Missions Field Tlawh Tur Kal Dan Thlak: District Board member-te Missions Field tlawha kal tur chu remchan lohna avangin November ni 10, 2026-ah Aizawl aṭanga chhuah zawk nise tiin rel a ni a, November ni 19-ah Aizawl lo let leh turin ruahman a ni. Hemi pual hian sum awmsa aṭanga hman phalsak ni se tiin rel a ni bawk.
5. District Missions Department Tanpuina: District Missions Department aṭanga lehkha lo lut a dilsakna angin cheng 10,000 (Rs. 10,000) a tihpun chu lungrual taka pass a ni.
----------
MARPARA MISSIONS FIELD TLAWH
District Missions Director chuan dt 16/10/26 (Friday) hian Marpara Missions Field leh Pukzing Vengthar Missions Field tlawhin hun a hmang a. A kal chhan ber hi Dist. MS Executive Board rorelna bawhzuiin Marpara Biak In hmun leh Tirhkoh Quarters hmun a enfiah a ni.
Director hi Aizawl aṭangin BW Lalromawii in a ṭawiawm a, West Phaileng aṭangin Bialtu Pastor Rev C. Lalthlengliana leh W. Phaileng Electric Veng PP Eva. R. Lalchhanchhuaha ten an ṭawiawm bawk a ni.
----------
BIAL/LOCAL NEWS:
MEMBER THAR LAWMLUHNA
A hun : Ni 18 October, 2026 (Pathianni).
A hmun : Central Jail Veng Kohhran Biak In.
Bialtu Pastor Rev.K. Vanlaldika’n member thar pahnih - Unaupa R.L.Lianchia leh Unaunu Lalbiakhluni te nupa (Mizoram UPC)chu Central Jail Veng Kohhran ah a lawm lut a ni. Tin, Bialtu Pastor hian Sunday School Zirlai-37 na zirtirin, Pathian thuchah ropui tak ngaihthlak a ni bawk.
----------
BAIRABI BIAL LAD LEH RENGDIL BIAL LAD TEN RAWNGBAWL HONA NEI
October 17 & 18 khan Rengdil bial LAD ten bial huapa fehchhuakin Bairabi bial te an tlawh a. Bairabi bial te hian Bairabi North local-ah lo dawngsawngin Pathian malsawmna changin rawngbawl hona hun hlimawm tak an hmang.
Rengdil bial LAD te hi bialtu pastor, Rev. C. Laltlanchhuaha hovin mi 41 an ni a, Bairabi North, Bairabi Bethel leh Bairabi South ah te thlen tir niin, Bairabi bial chhung local dang te nen mikhual ṭhahnem tak an awm a ni. Rawngbawl hona neih chhungin Sis. C. Chawngthanmawii, Sis. J. Lalmuankimi BW, Sis. Sangliankhumi leh Rev. C. Laltlanchhuaha ten thusawi rawngbawlna an nei ṭhin a. Ṭantu, zaia rawngbawltu leh thusawitute rawngbawlna a ropuiin Thlarauvin hriak a thih hle.
----------
EDUCATION & CAREER AWARENESS CAMPAIGN NEIH A NI
Aibawk Bial PYD hnuai a Education Commitee hmalakna in,zan in 19.October(Thawhṭan)zan hian Aibawk Kohhran Biak In ah Bial huap in hun hman a ni.
Bro.Immanuel Lalrawngbawla(Chairman,Education Commitee)chuan kaihruai in,Sist.Ruthi Hmangaihsangzuali chuan hun hmasa a hmang a,Sist.Vanlalhriati hnen aṭangin Pathian fakna hla mawi tak ngaihthlak a ni bawk.
Resource Person-atan Sist.Julie Vanlalsawmi(Treasurer,Dist.PYD Education Commitee)chu hman niin,ani hnen aṭang hian thu ṭha leh pawimawh tak tak ngaihthlak a ni a,kalkhawm zawng zawng ten kan hlawkpui hle.
He hun ah hian Bro.Robert K.Lalrohlua(Secretary,Dist.PYD Education Commitee)bak ah,T.Upa.PC Lalrohlua,Bro.Vanlalhmuaka,Bro.F.Lalawmpuia,Bro.Lalrinmuana,Sist.Ruth Lalhmingmawii ten hun min rawn hmanpui bawk a ni.
Bial PYD Member mi 80-zet kalkhawm thei in,zirna a hlawhtling mi 15-hnen ah lawmpuina thuziak hlan an ni.(HSLC- 5, HSSLC- 7, BA- 2, GNM- 1).
Hlawk tak a hun hmang in,thingpui leh a hmeh tui tak ei/in hona neih a ni bawk.
----------
Dt 18/10/2026 Pathianni ah Vaipuanpho PP (Reiek bial) te chuan member inkhawm kim programme hman a ni a, hemi ni hi tisa ruai te nen hman a ni a, thlarau thianghlim awmpuina nen hlim taka hun hman a ni. He hunah hian Evan H Lalbiakhluna Dinthar kohhran chuan rawngbawlna a nei a, Evan H Lalbiakhluna hi Tuikual Local PYD ten an President bro Siamtea hovin member 5 in an rawn ṭawiawm a, sis Lalremmawii Tuikual local in zaia rawngbawlna a nei bawk a ni. Tin, hemi ni hian Roman Catholic kohhran aṭangin member thar pakhat bialtu pastor Rev Lalchuailova'n lawmluhna a nei a ni.
Hemi ni vek hian baptisma rawngbawlna neih a ni a, Evan Lalhmunsiama'n baptisma rawngbawl hna hi a thawk a, member 2 in baptisma hi an chang a, heng baptisma chang thar te hi Roman kohhran leh Hindu sakhua a mi te an ni. Hemi ni vek hian Reiek bial LAD te hnen aṭangin plastic chair lian 4 leh plastic chair te 10 kan dawng a,bro Sawna te chhungkua Vaipuanpho a mi te hnen aṭangin sana lian ṭha tak kan dawng bawk a, Reiek bial LAD te leh bro Sawna te chhungkaw chungah kan lawm em em a ni.
Tin, Vaipuanpho kohhran te hian T upa Lalsawmzuala te chhungkua, Tuikual kohhran a mi te hnen aṭangin combo ṭha tak mai kan dawng a, an chhungkaw chungah kan lawm tak zet a ni. Tin, Vaipuanpho kohhran te hian Reiek bial PYD te hnen aṭangin ṭhutthleng(bench) 6 kan lo dawng tawh a, Luangpawl kohhran(Mamit bial) aṭangin Holy Bible Lian ṭha tak kan lo dawng tawh bawk a ni.
----------
BAPTISMA RAWNGBAWLNA NEI
19th October 2026 zan khan Rev. P Vanlalfela, Bialtu Pastor chuan Chanmari West PYD inkhawm hman puiin, 'Isua Pathian na leh Baptisma' tih thupui hmangin thusawina hun a nei a ni.
Inkhawm ban hian Bro. Lalbiakhlua Methodist kohhran atanga UPC a lo lut chu Isua hmingin sual ngaihdamna Baptisma chan tirin rawngbawlna a nei a ni.
----------
LAD TE PUALIN SEMINAR BUATSAIH
Bairabi bial LAD Conference 2026 in a lo rel tawh angin bial chhung local hrang hrangah LAD kumpuan TAIHMAKNA thupuia hmangin seminar buatsaih a ni a, Pastor Pc. Lalrokima, bialtu pastor chu Resource person atan hman a ni.
October 6 Thawhlehni zan khan Saikhawthlir Biak inah neih a ni a, October ni 13 zan khan Bairabi North Biak inah neih leh niin October ni 21 Thawhlehni zan khan Meidum Biak inah neih leh a ni. Taihmakna thupui hmangin thupui ṭhen hlawm 4 - Chhungkaw enkawlna, Khawtlang inṭhenawm khawvenna, Ringtu nun mimal nun leh Kohhrana Taihmakna leh Thianghlimna kawnga taihmakna tihte hmangin seminar buatsaih a ni. Missions field 3 ah te bialtu pastor bial fan pah hun remchangah inzirtirna neih leh tur a ni ang.
----------
----------
AIZAWL EAST DISTRICT
District Missions Conference hman mek a ni:
Aizawl East District Missions Department Inkhawmpui lian vawi 33-na chu October 23, Zirtawp zan atang khan Thingsulthliah Bial, Thingsulthliah hmunah hman mek a ni a, Pathianni zan hian a tiak ang. Rev. R. Laltlankima, District Superintendent chuan Conference hawnna neiin Thingsulthliah Bialtu Pastor Hmingchungnunga Ralte chuan palai lawmna thu a sawi a, Conference tan zan hian Evan C. Lalkhumtira, Rabung Bial hnen atangin Pathian thu ngaihthlak a ni. Inrinni chawhma dar 10:30 khan Thingslthliah Community Hall-ah rorelna Rev. C. Lalmalsawma, District Missions Director kaihhruaiin neih a ni a, hetah hian District Secretary leh Treasurer ten report an pe bawk a ni. Rorel lo tan inkhawmpui neihna hmunah vantlang inkhawm neih a ni bawk a, Evan. F. Zirliana chuan kaihruaiin Evan. Lalzuisanga hnen atangin thusawi ngaihthlak a ni.
Aizawl East District Missions Department Conference-ah hian thupui hranpa nei lovin Inrinni zanah Upa. Lalrokima, District Missions Evangelist chuan thusawina a nei a, Pathianni chawhma-ah Rev. C. Vanlalena, General Missions Director, Chawhnu-ah Pastor TC. Lalfakmawia, Itakhola, Assam Missions field leh Pathianni zanah Rev. H. Lalropuia, District Secretary ten thusawina an nei leh ang.
Aizawl East District Missions Department inkhawmpuiah hian inkhawm apiangin mal zai bakah Bial Zaipawl leh Pentecostal Choir te atangin zaipawl zai ngaihthlak thin a ni bawk a, District Department ten thusawi tawi an hmang bawk a ni.
Pandal hlanna inkhawm hi October 22, Ninga zan khan Pandal-ah neih a ni a, he hun hi District Missions Department hruaitute pawhin telpuiin Rev. C. Lalmalsawma, Missions Director in thuchah sawina a nei a ni.
----------
Zirlai thlahna hun hmang dawn:
District LAD in puanthui zirna a neih mek, Tailoring Training centre a puanthui zirlai 5th batch thlahna hun October 28, Nilaini hian District Conference Hall-ah neih a ni dawn. He hun hi Sis. R. Lalramsiami B/W, District LAD President chuan a kaihruai anga Secretary Report leh Financial report ngaihthlak tur niin Rev. R. Laltlankima, District Superintendent chuan thusawina neiin Certificate hlanna Rev. H. Lalropuia, District Secretary in a nei thung dawn a ni. He hunah hian District LAD hnuaia Tailoring Training Centre Board member bakah District Department hruaitute tel tura beisei an ni.
----------
Mi thar:
October 18, Pathianni khan Champhai Bethel Bial, Zotlangah chhungkua khat member 4 chu Kohhranah sengluh an ni. Zotlangah hian Dist Evangelist Evan Joel Lalfakzuala'n rawng a bawl a ni.
October 17, Inrinni zan khan Khawzawl Vengthar Kohhran a lawi turin Evan. MH.Laladingngheta'n Member Pahnih sengluhna a nei. Evan. MH.Laldingngheta hi District Missions Evangelist hian Khawzawl Bial ah rawngbawla awm mek a ni.
October 16, Zirtawp zan khan Sesawng Bial, CTI Kohhranah Mi Pakhat chuan Evan Rualthankhuma kutah Isua hmingin Baptisma a chang a, Kohhranah sengluh nghal a ni.
----------
CHHIMTUIPUI DISTRICT
MI THAR CHHUNGKAW HNIH LAWMLUT
Dt.18.10.26 Pathianni khan Phura Local-ah Mithar paruk chhungkaw (2) Mizoram UPC atang chungkaw (1) Member pa 2 leh Baptist Kohhran atang member 4 chungkaw (1) te chu Evan T. Lalrinawma'n Lalpa Isua hmingin a lawmlut. Mithar lawmluhte pualin Upa. F. Lawma,Local Chairman in ṭawngṭaina a nei a; Sual ngaihdamna Baptisma Lalpa Isua hmingin mi pali (4) in Evan T. Lalrinawma kutah an chang nghal bawk.
Kumin chhungin Phura Local ah Kohhran dang aṭang member 43,chhungkaw 10 lawmluh tawh an ni.
----------
DISTRICT DAY CUM SEMINAR HLAWHTLING TAKIN HMANG
October ni 20, 2026 (Thawhlehni) khan 51th Chhimtuipui District Day cum Licence Holder Seminar hlawhtling taka neih a ni.
1st session hi Rev Kholy Hlychho Superintendent ctp in kaihruaiin Tawngtaina Rev C Valy Senior pastor in a nei a Resource person a tan Rev R Laichhingpuia General Treasurer chu hman niin, a hnen a tang Licence holder te tih tur leh tihloh tur te hmasawnna tur tam tak zir chhuah a ni a, Pastor J Chawngtahanga'n tawngtaina neiin chawlh lailawk a ni.
2nd Session hi Rev MH Robin Lalthanmawia Secretary Ctp in kaihhruaiin Tawngtaina Rev Lalhnehchunga'n a nei a. Evan Dr Aichhunga hnen a tang fakna hla ngaihthlak a ni bawk. Licence holder kal te hi mi 56 an ni. Thu zir a tang sawi hona neih niin, hlawk takin he hun hi hman a ni.
----------
DISTRICT LAD HRUAITUTEN HOME MISSIONS FIELD TLAWH
October ni 19, 2026 Thawhṭanni zingkar ah District LAD Hruaituten Thaltlang Home Missions Field an tlawh. District LAD hruaitute hi Pastor LS Lalhmingmuana,Sangau bialtu Pastor in a ṭawiawm hlawm. District LAD Conference rorelna in Home Missions Field ah Biak In sak nise tia alo rel ang in,District LAD hruaitute hian Thaltlang hmun ah Biak in sakna tur hmunhma turte an en ho nghal bawk a ni.
----------
----------
General Missions Director Rev. C. Vanlalena chuan October ni 23-25, 2026 chhunga Aizawl East District Missions Conference, Thingsulthliah hmuna neih chu hmanpuiin Pathianni chawhmaah thusawi rawngbawlna a nei ang.
----------
GENERAL PYD CONFERENCE VAWI 48-NA
UPC North East India Thalai pawl Pentecostal Youth Department PYD General Conference vawi 48-na chu October ni 30 - November 1, 2026 chhung hian neih a ni dawn.
Kum 2026 General PYD Conference hi North Mizoram District ten an thleng dawn a, Thenzawl, Rajput Field-ah Pandal lian tak sa in inbuatsaihna kalpui mek a ni. Conference thupui atan 'Thih thlengin rinawmin lo awm rawh' Thupuan 2:10 chu hman a ni a, October ni 30 zan hian Conference hawnna General Secretary Rev. Lalmalsawma Sailo chuan a nei anga, October ni 31 Inrinniah Field Veng UPC Biak In, Thenzawlah Inkhawmpui Rorel neih a ni ang.
He Confenrence ah hian inkhawm service pangngai bakah Fellowship leh Baptismal Service te neiin hun hman a ni dawn a, Conference hlim tak leh hlawhtling tak a hman a nih theih nan North East India PYD member zawng zawng bakah Kohhran mipui te a tam thei ang ber kal turin Lalpa Isua hmingin General PYD chuan a sawm a ni.
----------
APOSTOLIC CONFERENCE
Apostolic Conference vawi-2 na chu Dt. 16th-18th October, 2026 khan Bangkok-ah hman a ni a. He conference hmang tur hian United Pentecostal Church, North East East India te sawm kan nih angin General Secretary Rev. Lalmalsawma Sailo hovin NEI Thalai mi 38- General PYD OB-3, AED PYD OB 4, NMD PYD OB 3, Lawngtlai West District PYD President, South East Nagaland PYD President leh General Choir te an kal a. Apostolic Conference hmang tur hian rambung hrang hrang 17 atang palai an kal khawm a- India, USA, Philippines, Nigeria, Ghana, Pakistan, Bangladesh, Myanmar, Togo, Ethiopia, New Zealand, Vietnam, ACN, Singapore, Japan leh Thailand te an ni. Inkhawmpuina hmun hi Bangkok khawpuiah niin, The Legacy Hotel ah nghah a ni a, International Apostolic Church of Thailand ten an thleng a ni.
Apostolic Conference- ah hian Speaker atan Rev. James Corbin, Rev. Gregg Damsby, Rev. Joe Harrod, Rev. Mike Mendenhall, Rev. Stacey Wiley, Rev. Gregory Pounds, Rev. Bobby Wade leh Rev. Amanda Lepper te an ni a. Inkhawm apiangin Session hrana then niin Session 1 leh 4-ah a huhova inkhawm thin niin, Session 2 leh 3 erawh chuan thupui bik neiin inkhawm hun hman thin a ni.
Conference ah hian inkhawm apiangin General Choir te chuan zaiin rawngbawlna an nei thin a. Tin, UPC-NEI atanga kal te chu Speaker te leh Conference thlengtu Bangkok Kohhran hruaitute thilpek an hlan a ni.
----------
----------
LUNGLEI DISTRICT
EDUCATION COMMITTEE, PYD LUNGLEI DISTRICT IN CHAWIMAWINA HLAN
Ni 18- October-2026 (Pathianni) chawhnu khan Education Committee, PYD Lunglei District ten, Zirlai tiṭha, infiamna lama hlawhtlinna chang leh hna hmu tharte hnenah Chawimawina an hlan. Chawimawina hlan inkhawm hi Conference Hall-ah hman niin, Upa C. Lalbiakenga, Chairman Education Committeein a kaihruaia, Rev K. Vanlalhruaia, Lunglei District UPC Treasurer in hunserh hmangin fuihna thutawi a sawi.
Education Committee Secretary Dr LH Lalrosanga'n Report a pe a. Lunglei District UPC Choir ten Pathian fakhla an sa bawk. Education Committee Secretary kaihhruaiin Chawimawina hlan a ni a. Zirlai tiṭha mi 11, Hna hmuthar 4 leh Sport lama hlawhtlinna chang mi 2 hnenah chawimawina hlan a ni. Chawimawina hi Zirlai titha MBSE/CBSE/IASE etc hnuaia top 10 chin, India leh State Sawrkar hnuaia Statutory body, UGC/AICTE/NMC/DCI etc hnuaia Technical/professional course paltlang te leh Group A&B gazetted & Non-Gazetted hna hmu thar leh Doctoral degree nei tharte hnenah hlan thin a ni.
Rbt C. Lalrosanga Vice President, PYD Lunglei District, Assistant Account Officer tling tharin thutawi sawina a nei bawk. AI (Artificial Intelligence) chung changah Awareness neih niin, resource person atan R. Lalruatfela, Asst Professor, Dept Of Computer Science, HATIM hman a ni. District PYD ten Reels leh short video insiamsiak result puan leh lawmman sem a nih hnuah, Rev C. Lalrintluanga ṭawngṭaiin programme tihtawp a ni.
----------
REELS LEH SHORT VIDEO INSIAMSIAK LAWMMAN SEM
October ni 18, 2026 Pathianni Chawhnu khan Lunglei District PYD in, Social Media hman dan dik inzirtina leh Politics dik leh thianghlim zawk neihna tura inzirtirna behchhana inelna an buatsaih, Reels leh Short Video insiamsiak result puan leh lawmman sem a ni.
Lawmman sem hi, District Education Committee ten Zirlai tiṭha leh hna hmu tharte Chawimawina inkhawm an buatsaihah sem ve a ni a. Evan R. Lalsanglura, Secretary, PYD Lunglei District in a kaihruai a. Short Film insiamsiak hi Politics dik leh thianghlim zawk neihna tura inzirtirna behchhana siam niin Lunglawn Zaia veng local siam chu pakhatna niin, Luangmual local PYD te film siam chu pahnihna a ni thung. Reels insiamsiak hi Social Media hman dan dik inzirtirna tih hmang a siam a ni a. Pakhatna hi C. Roṭhuamliani, Lungchem niin, Pahnihna- HS Lalramliana, Theiriat a ni a, Pathumna- Zonuntluanga & K. Lalmuankimi Pukpui an ni thung.
Heng reels leh short video te hi Pennet Lunglei Youtube, Instagram leh Facebook Photo Gallery-ah te en theihin a awm a ni.
----------
ṬHUALṬHU LOCAL BIAKIN HAWN A NI
Ni 17. October. 2026 (Inrinni) khan Lunglei District, Tawipui Bial chhunga awm, Ṭhualṭhu local biak in hawn a ni.
Hun hmasa hi biakin kawtah hman niin, Rev R. Vanlalenga, Tawipui Section Pastor in Biak in leh lungphun a hawng. Biak in chhunga hun hmanah Upa B. Lalropuia, Chairman Ṭhualṭhu local in inkhawm a kaihruai a. Aw Lalpa I malsawmna hlu tih chu Pathian fak leh chawimawi nan sak a ni. Welcome Speech, Upa K. Lalhriatpuia Statisticianin sawiin, Sectetary Report Rbt Lalrinmawia hnen aṭangin ngaihthlak a ni.
Biak In sa tur hian kum 2010 aṭangin pawisa khawl ṭan a ni a. Ni 14.January.2012 khan Rev VL Hmuaka, Bialtu Pastor-in Biak In Lungphum hi a phum a ni. Biak in hi a dung 60ft leh a vang 30ft a sak a ni. Biak in hlui chhungkhunga sak niin, Biak In hlui hi Ni13.March.2017 ah sawiṭhiah a niin, Biak in thar hi luah nghal a ni. Biak in sak nan hian ₹18,71,618/- hman a ni.
Sis Lalneihpuii, Chamring hnen aṭangin Pathian fakna hla ngaihthlak a ni a. Tawipui Bial PYD Zaipawlten fakhla mawi takin an sa bawk. Rev C. Vanlalena, General Missions Director in Pathian thuchah sawiin, Rev Pc Lalfakawma, District Secretary in malsawm ṭawngtainain inkhawm a ṭin a ni.
Ṭhualṭhu local Biak in hawn hun hmanpui tur hian Rev Pc Lalfakawma; District Secretary, Rev K. Vanlalhruaia, District Treasurer, Rev VL Hmuaka, Headquarters Bialtu Pastor, Evan F. Lalhmangaiha, District Missions Treasurer bakah Rev C. Vanlalena, General Missions Director te an kal a ni. Sis Lalneihpuii, Chamringin Pathian fakhlate sain, Bial chhung aṭangin Bial PYD Zaipawl bakah Local hrang hrang aṭangin an tel ṭha hle a. Ṭhualṭhu tualchhung a kohhran dang te pawhin he hun hi an hmanpui bawk. Tlai lamah Biak in hawn ruai ṭheh a ni a, Sial pakhat leh vawk pahnih talh a ni
Biak in hawn pual programme hi Pathianni zan thleng hman chhunzawm a ni ang. Inrinni zan inkhawmah Rev K. Vanlalhruaia, District Treasurer in hun a hmang ang. Pathianni zingah Rev. VL Hmuaka, Headquarters Section Pastorin hun hmangin, Zanah Rev Pc Lalfakawma, District Secretary in hun a hmang ang
----------
SETHLUN LOCAL TEN RISING DAY HMANG
Sethlun Local chuan an din champha vawi 8-na lawmin ni 17.October (Inrinni) zan aṭanga ṭanin ni 18, Pathianni zan thleng hun an hmang.
Speaker atan Rev C. Lalrintluanga, Theiriat Section Pastor leh Evan C. Remruatkima, Theiriat local te hman an ni. Inrinni zan leh Pathianni zing Evan C. Remruatkima Speaker niin thuchah a sawi a. Pathianni zan inkhawm hi Upa R. Lalhnehzova'n a kaihruai a, Rev. C. Lalrintluanga hnen atangin thuchah ngaihthlak a ni. Malzai Sis. Ngursangliani leh K.Lallawmawmi te hnen aṭanga ngaihthlak niin, LAD ten, Ram ni eng mawi tih hla an rem bawk. Bialtu Pastor Rev. C. Lalrintluanga'n malsawmnain inkhawm a ṭin a ni. Rising Day lawmna hi Theiriat local leh Lunglawn local aṭangin mi engemawzatin an telpui a ni.
----------
RAHSIVENG LOCAL PYD TEN BUALPUI V HOME MISSIONS FIELD AN TLAWH
Rahsiveng Local PYD Committee member te chuan Vawiin Dt.18.Oct.2026 hian Bualpui V Home Missions Field tlawhin hun an hmang. Committee member mi 19 kalin, Zing Inkhawm hi Rahsiveng Local PYD President, Rbt Jacob Ramengmawia'n kaihruaiin, Bro. H. Vanlalhriata, Finance Secretary-in Pathian thuchah a sawi. Sis. Lalruatdiki'n ṭanna hun a hmang ve thung.
Chawhnuah LAD te Sumtuak fehchhuah pui an ni a. PYD te Fehchhuahna neihpui an ni bawk Zanah Inkhawm Bro Lalhmingmawia'n a kaihruai a, Bro Pc Lalrinfelan thuchah a sawi ve thung. Ṭanna hun Bro C. Lalvenpuian a hmang. Thlarau lam boruak nen hlim taka hun hman a ni. Hun hman chhung hian Sis. Janet Lalruatsangi, Sis K. Laltlanzami leh Sis. Ramengmawii te hnen aṭangin malzai ngaithlak a ni bawk.
----------
RAHSIVENG BIAL LAD TEN BIAL HUAP SEMINAR AN HMANG
Ni 20, October 2026 (Thawhlehni) khan Samuel Resort, Pukpuiah Rahsiveng Bial LAD te chuan Bial huapin Seminar an nei
Resource Person atan Rahsiveng Bialtu Pastor Rev LH. Lalchhandama chu hman a ni. "INCHEINA LEH THIANGHLIMNA" tih thupui, zirho neih a ni. Rahsiveng Bialtu Pastor Rev LH. Lalchhandama hnen aṭangin, "Taimakna chu thawhrimnain a hrinchhuah, zelthel lohna te a ni a, mi taima te chuan tlakranna aiin neihnunna te, intodelh leh midangte tan pawha luanchhuah theihna an nei bik a. Thilṭha lamah chaun taimak tur a ni" tih te leh Rawngbawlna kawng hrang hrang
1) Thlarauvah te
2) Ṭawngtainaah te
3) Thilpekah te
4) Pathian thu luhchilh kawngah te
5) Kohhrana mawhphurhna hlen chhuahna kawngah te, khua leh tui ṭha ni tur leh, chhungkua leh mimala taimak hlawkzia leh a ṭulna te zirho a ni. Incheina kawnga taihmakna hi lang nghal mai anih avangin hlamchhiah miah lo turin fuihna thu ngaihthlak a ni. Chumi zawhah Sis. Biakchungnungi, Bial LAD Secretary hnen aṭangin report ngaihthlak a ni.
Rahsiveng Bial ah hian local hrang hrang 9 a awm a, Chungte chu
1) Rahsiveng
2) Venghlun
3) Zion
4) Rahsiveng thlang
5) Vanhne
6) Hauruang
7) Sazaikawn
8) Runtung
9) Thehlep te an ni.
Rahsiveng Bial LAD member hi 540 an ni a. Bial chhungah Bible Women pathum an nei a Chungte chu-
1) Sis H Zirliani, B/W Rahsiveng local
2) Sis Darsawithangi, Sailo B/W Zion local
3) Sis PC Lalrinthangi, B/W Rahsiveng local te an ni.
Pentecostal Lady kumin 2026-a kan lak zat chu copy 268 a ni. Seminar-ah hian kal an ṭha hle a, nilengin hlim taka hun hman a ni.
----------
PSM COMMITEE LEH AN ROREL
Ni 19-October-2026 (Thawhtanni) Chawhnu khan Pentecostal Social Ministry (PSM) Committee, District Secretary Room-ah neih a ni a, PSM Commitee hi chairman Rev Pc Lalfakawma'n a kaihruai a. Dilna lut awm leh Tailoring Centre-a puanthui zirte chung chang relin, An rorel tlangpui:
1. Rualbanlo tanpuina an pek thin dilna lo lut mi 3 pawm a ni a. Tunah hian PSM te hian rualbanlo tanpuina hi mi 84 an pe mek a. Thlatin, Rs 300/- pein, riualbanlo tanpuina sum hi kumkhatah a hlawmin vawihnih an pechhuak thin a ni.
2. PSM Tailoring Center-a Tuna puan thui zir mek, 5th Batch (May-November 2026) te November ni 19-ah Certificate hlanna hun siam a nise.
3. Puan thui zirte inenkawlna dan siam tha tih a ni a. OB ten lo siam se, Committee lehah thlir ho tur a ni ang.
----------
----------
NORTH MIZORAM DISTRICT
Hruaitute Programme:
Superintendent: Rev. K. Lalduhsanga, District Superintendent chuan District Mission Conference Vawi 46-na Chawhhmuna hman turah a telpui anga, October, ni 25 Pathianni zing inkhawm-ah Pathian thuchah a sawi ang.
----------
DISTRICT NEWS:
DISTRICT LAD VAWI 58-NA CONFERENCE TLUANG TAKA HMAN A NI
North Mizoram District LAD Conference vawi 58-na chu October ni 9 atanga ni 11 chhungin Sialsuk Field-ah hlim taka neih a ni a, Conference thupui atan “Ka beramte chawm rawh” (Johana 21:17) a ni. Conference-ah hian palai riak lut mi 965 awmin, langa kal mi 200 vel kan awm bawk. Mikhual riak lut zingah hian Pensioner pahnih Rev Sanghleia Sailo leh Rev Laltluanga te an tel.
Conference palai te zingah kum upa kum 70 chin mi 46 lai an awm a, chibai bukna thilpek kan hlan. Conference hi Rev. C. Lalthantluanga, District Secretary chuan hawngin Pastor H. Lalrinpuia, Sialsuk bialtu pastor chuan palai lawmna thu a sawi. Conference tan zanah hian Sis. R. Lalbiaknungi BW, Aibawk bial LAD President chuan “Ka beramte chawm rawh : Fanau enkawlna kawngah” tih hmangin Pathian thuchah ropui tak min hrilh. Target khum leh target tlak hmasa bial te hnenah lawmman pek an ni.
Inrinni chhun, Dt.10/10/2026-a Rorel inkhawm hi Pandal-ah neih a ni a, Rorel inkhawm hi District LAD President Sis. F. Lalrohlupuii BW chuan kaihruaiin, District puipate, General LAD President leh Secretary te, District Department hruaitute, bialtu Pastor rual te, Tirhkoh leh Bible Woman thahnem tak leh Kohhran Upa te leh LAD member thahnem takin ro an rel a. Rorel palai mi 695 kan awm. Rorel inkhawmah hian agenda sawmpakhat kan pass. Bial tina buhfaitham tham tha ber hnenah lawmman pek an ni a, bial 31 awmin bial pakhatah tham tha ber mi pahnih an awm avangin mi 32 hnenah lawmman hi pek an ni.
Inrinni zan inkhawmah “Ka beramte chawm rawh : Taihmakna kawngah” tih thupui hmangin Pathian thuchah Sis. Doris Lalrinsangi BW, District LAD Secretary hnen atangin kan ngaithla. Kumpuan Taihmakna bawhzui tha bial pathum te hnenah lawmman pek an ni a, pakhatna Kolasib Venglai bial, pahnihna Headquarters bial leh pathumna Chaltlang bial te an ni.
Pathianni zing inkhawmah hian kum 2025-a District chhunga LAD member chatuan ram min pansan ta mi 63 te sunna hun hman a ni a, sunna hun hi Rev. C. Lalmuanpuia, District Treasurer chuan a kaihruai. “Ka beramte chawm rawh : Nangmahnin ei tur pe rawh u” tih thupui hmangin Rev. K.Lalduhsanga, District Superintendent hnen atangin Pathian thuchah ropui takngaihthlak a ni. Pathianni zing inkhawmah hian kum 2025 chhunga buhfaitham tham tha zual mi sawm te hnenah lawmman pek an ni. Pathianni zan inkhawmah Sis. Lalchangliani Sailo chuan “Ka beramte chawm rawh : Thlarau rawngbawlna kawngah” tih thupui hmangin Pathian thuchah ropui tak min hrilh. Conference chhung hian Sis. Vanlalneihpuii, Sialsuk bial; North Mizoram District PYD Choir; Chawlhhmun Bial PYD Choir; Dinthar Bial PYD Choir leh Headquarters bial Zaipawl, Bairabi Bial LAD Zaipawl, Bilkhawthlir bial LAD Zaipawl, Chaltlang Local LAD Zaipawl leh Maubawk bial LAD Zaipawl ten Lalpa fakna hla an sa. Berampu rual, Tirhkoh leh zai hruaitu Lalpa’n a hman tak tak ten thahnem ngai takin zai min hruai a, Thlarau boruak hlimawm, ropui leh nuam tak nen hun hmangin kham lo takin conference hi a tiak ta a ni
LAD Conference 58-na Rorel thenkhatte:-
North Mizoram District LAD Conference vawi 58-na chu hlawhtling taka neih a ni a, he Inkhawmpui rorel pawimawh tak aṭanga thurel langsar zual te chu hetiang hi a ni:
1. Kum 2028 Diamond Jubilee Conference: Kum 2028-a District LAD Conference (Diamond Jubilee) chu Dinthar bialin an thleng dawn a, ruai nen lawm nise tiin an rel a, Conference thlengtu puihna pawh pandal sa tute tan cheng nuai ruk (Rs. 6,00,000) leh sa lo tute tan cheng nuai thum (Rs. 3,00,000) pek nise tiin an rel.
2. Kum 2030 Conference Thlengtu Tur: Kum 2030 District LAD Conference thleng turin Bairabi bial thlan an ni.
3. General LAD Kumpuan: Kum 2028 aṭanga hman ṭan turin General LAD kumpuan thupui atan "Intodelh" (II Thessalonika 3:8) hman nise tiin General LAD-ah thlen tura rel a ni.
4. Evangelist Tanpuina: District kohhranpuiin Evangelist hmunthua a rawihte chu District LAD ten tanpuina ruahman sak ni se tiin rel a ni a, hei hi kum 2027 aṭanga hman ṭan tur a ni.
5. LAD Day Tawngtai Thupui: Kum 2027 LAD Day-ah a ruala tawngtai thupui pathum - District Tailoring Centre hma sawn nan, kan tu leh faten Thlarau Thianghlim an dawn theih nan, leh hruaitute tan neih nise tiin an rel bawk.
6. Budget Chungchang: District LAD leh General LAD aṭanga budget bak sum khawn tam lutuk leh additional budget awm thin chu ti tlem turin General LAD thlenga thlen nise tiin an passed.
7. Ruihhlo Ngai Pual Home: District-in ruihhlo ngai te pualin 'Home' din ve ni se tiin District kohhranpuia kal turin rel a ni.
8. Hruaitu Chawimawina: District LAD-in hruaitu kum 15 chin chawl lova thawk te chawimawina an pek thin chu, an thawh chhunga an pek hman loh pawhin kum 15 an thawk tling tawh a nih chuan la thawk lai mek pawh ni se, an thawh tlin hun hunah pek mai thin nise tiin an rel.
9. Buhfaitham Lawmman: Kum 2025 chhunga bial tina buhfaitham tham tha ber mi 32 te hnenah lawmman sem a ni a, palai hi Official 7 leh min tawiawmtute zawng zawng nen mi 712 an kalkhawm a ni.
Conference report tlangpui hetiang hi a ni:
Palai leh Kalkhawm Zat: Conference-ah hian palai riak lut mi 965 leh langa kal mi 200 vel an kalkhawm a, mikhual riak lut zingah Pensioner pahnih Rev. Sanghleia Sailo leh Rev. Laltluanga an tel bawk. Palai zingah kum 70 chin chunglam kum upa 46 lai an tel a, chibai bukna thilpek hlan an ni.
Inhawngna leh Thuchah: Conference hi Rev. C. Lalthantluanga, District Secretary-in hawngin, Pastor H. Lalrinpuia, Sialsuk bialtu pastor-in palai lawmna thu a sawi a. Conference chhung hian hruaitu hrang hrang - Sis. R. Lalbiaknungi, Sis. Doris Lalrinsangi (District LAD Secretary), Rev. C. Lalmuanpuia (District Treasurer), Rev. K. Lalduhsanga (District Superintendent) leh Sis. Lalchangliani Sailo ten thupui hrang hrang hmangin Pathian thuchah an sawi a ni.
Rorel Inkhawm: Inrinni chhun khan District LAD President Sis. F. Lalrohlupuii BW kaihhruaiin rorel inkhawm neih a ni a, rorel palai mi 695 an kalkhawmin agenda 11 pass a ni.
Lawmman Semna:
Target khum leh target tlak hmasa bial te hnenah lawmman pek an ni.
Kum 2025 chhunga bial tina buhfaitham tham tha ber mi 32 hnenah lawmman sem a ni.
Kumpuan "Taihmakna" bawhzui tha bial pathum - Kolasib Venglai bial (pakhatna), Headquarters bial (pahnia) leh Chaltlang bial (pathumna) hnenah lawmman pek a ni bawk.
Sunna Hun: Pathianni zing inkhawmah khan kum 2025 chhunga District chhunga LAD member chatuan ram min pansan ta mi 63 te sunna hun hman a ni.
Zaipawl leh Rawngbawlna: District PYD Choir, bial hrang hrang LAD Choir leh Zaipawl te leh rawngbawltute'n Lalpa fakna hla sain inkhawm an tinung a, Thlarau boruak hlimawm tak leh hlawhtling takin Conference hi khar a ni ta a ni.
----------
DISTRICT LAD BOARD VAWI 25-NA ROREL THENKHATTE
North Mizoram District LAD Board Vawi 25-na chu October ni 11, 2026 khan Sialsuk UPC Biak Inah hlawhtling taka neih a ni a, he Board rorel pawimawh tak aṭanga thurel langsar zual te chu hetiang hi a ni:
1. Pastor Pension Thlahna: Pastor pension thlahna chu cheng 5,000 (Rs. 5,000) a tihpun a ni a, ban pharin nemngheh a ni, hman nghal tur a ni.
2. Diamond Jubilee Organising Committee: Kum 2028-a District LAD Diamond Jubilee pualin Organising Committee din nise tiin rel a ni a, hruaitu turte chu Executive Committee ten an ruat ang.
3. SAPC Budget: Substance Abuse Prevention Committee (SAPC) pualin budget cheng 20,000 (Rs. 20,000) dah nise tiin pawm a ni.
4. Missions Field Tlawh Tur Kal Dan Thlak: District Board member-te Missions Field tlawha kal tur chu remchan lohna avangin November ni 10, 2026-ah Aizawl aṭanga chhuah zawk nise tiin rel a ni a, November ni 19-ah Aizawl lo let leh turin ruahman a ni. Hemi pual hian sum awmsa aṭanga hman phalsak ni se tiin rel a ni bawk.
5. District Missions Department Tanpuina: District Missions Department aṭanga lehkha lo lut a dilsakna angin cheng 10,000 (Rs. 10,000) a tihpun chu lungrual taka pass a ni.
----------
MARPARA MISSIONS FIELD TLAWH
District Missions Director chuan dt 16/10/26 (Friday) hian Marpara Missions Field leh Pukzing Vengthar Missions Field tlawhin hun a hmang a. A kal chhan ber hi Dist. MS Executive Board rorelna bawhzuiin Marpara Biak In hmun leh Tirhkoh Quarters hmun a enfiah a ni.
Director hi Aizawl aṭangin BW Lalromawii in a ṭawiawm a, West Phaileng aṭangin Bialtu Pastor Rev C. Lalthlengliana leh W. Phaileng Electric Veng PP Eva. R. Lalchhanchhuaha ten an ṭawiawm bawk a ni.
----------
BIAL/LOCAL NEWS:
MEMBER THAR LAWMLUHNA
A hun : Ni 18 October, 2026 (Pathianni).
A hmun : Central Jail Veng Kohhran Biak In.
Bialtu Pastor Rev.K. Vanlaldika’n member thar pahnih - Unaupa R.L.Lianchia leh Unaunu Lalbiakhluni te nupa (Mizoram UPC)chu Central Jail Veng Kohhran ah a lawm lut a ni. Tin, Bialtu Pastor hian Sunday School Zirlai-37 na zirtirin, Pathian thuchah ropui tak ngaihthlak a ni bawk.
----------
BAIRABI BIAL LAD LEH RENGDIL BIAL LAD TEN RAWNGBAWL HONA NEI
October 17 & 18 khan Rengdil bial LAD ten bial huapa fehchhuakin Bairabi bial te an tlawh a. Bairabi bial te hian Bairabi North local-ah lo dawngsawngin Pathian malsawmna changin rawngbawl hona hun hlimawm tak an hmang.
Rengdil bial LAD te hi bialtu pastor, Rev. C. Laltlanchhuaha hovin mi 41 an ni a, Bairabi North, Bairabi Bethel leh Bairabi South ah te thlen tir niin, Bairabi bial chhung local dang te nen mikhual ṭhahnem tak an awm a ni. Rawngbawl hona neih chhungin Sis. C. Chawngthanmawii, Sis. J. Lalmuankimi BW, Sis. Sangliankhumi leh Rev. C. Laltlanchhuaha ten thusawi rawngbawlna an nei ṭhin a. Ṭantu, zaia rawngbawltu leh thusawitute rawngbawlna a ropuiin Thlarauvin hriak a thih hle.
----------
EDUCATION & CAREER AWARENESS CAMPAIGN NEIH A NI
Aibawk Bial PYD hnuai a Education Commitee hmalakna in,zan in 19.October(Thawhṭan)zan hian Aibawk Kohhran Biak In ah Bial huap in hun hman a ni.
Bro.Immanuel Lalrawngbawla(Chairman,Education Commitee)chuan kaihruai in,Sist.Ruthi Hmangaihsangzuali chuan hun hmasa a hmang a,Sist.Vanlalhriati hnen aṭangin Pathian fakna hla mawi tak ngaihthlak a ni bawk.
Resource Person-atan Sist.Julie Vanlalsawmi(Treasurer,Dist.PYD Education Commitee)chu hman niin,ani hnen aṭang hian thu ṭha leh pawimawh tak tak ngaihthlak a ni a,kalkhawm zawng zawng ten kan hlawkpui hle.
He hun ah hian Bro.Robert K.Lalrohlua(Secretary,Dist.PYD Education Commitee)bak ah,T.Upa.PC Lalrohlua,Bro.Vanlalhmuaka,Bro.F.Lalawmpuia,Bro.Lalrinmuana,Sist.Ruth Lalhmingmawii ten hun min rawn hmanpui bawk a ni.
Bial PYD Member mi 80-zet kalkhawm thei in,zirna a hlawhtling mi 15-hnen ah lawmpuina thuziak hlan an ni.(HSLC- 5, HSSLC- 7, BA- 2, GNM- 1).
Hlawk tak a hun hmang in,thingpui leh a hmeh tui tak ei/in hona neih a ni bawk.
----------
Dt 18/10/2026 Pathianni ah Vaipuanpho PP (Reiek bial) te chuan member inkhawm kim programme hman a ni a, hemi ni hi tisa ruai te nen hman a ni a, thlarau thianghlim awmpuina nen hlim taka hun hman a ni. He hunah hian Evan H Lalbiakhluna Dinthar kohhran chuan rawngbawlna a nei a, Evan H Lalbiakhluna hi Tuikual Local PYD ten an President bro Siamtea hovin member 5 in an rawn ṭawiawm a, sis Lalremmawii Tuikual local in zaia rawngbawlna a nei bawk a ni. Tin, hemi ni hian Roman Catholic kohhran aṭangin member thar pakhat bialtu pastor Rev Lalchuailova'n lawmluhna a nei a ni.
Hemi ni vek hian baptisma rawngbawlna neih a ni a, Evan Lalhmunsiama'n baptisma rawngbawl hna hi a thawk a, member 2 in baptisma hi an chang a, heng baptisma chang thar te hi Roman kohhran leh Hindu sakhua a mi te an ni. Hemi ni vek hian Reiek bial LAD te hnen aṭangin plastic chair lian 4 leh plastic chair te 10 kan dawng a,bro Sawna te chhungkua Vaipuanpho a mi te hnen aṭangin sana lian ṭha tak kan dawng bawk a, Reiek bial LAD te leh bro Sawna te chhungkaw chungah kan lawm em em a ni.
Tin, Vaipuanpho kohhran te hian T upa Lalsawmzuala te chhungkua, Tuikual kohhran a mi te hnen aṭangin combo ṭha tak mai kan dawng a, an chhungkaw chungah kan lawm tak zet a ni. Tin, Vaipuanpho kohhran te hian Reiek bial PYD te hnen aṭangin ṭhutthleng(bench) 6 kan lo dawng tawh a, Luangpawl kohhran(Mamit bial) aṭangin Holy Bible Lian ṭha tak kan lo dawng tawh bawk a ni.
----------
BAPTISMA RAWNGBAWLNA NEI
19th October 2026 zan khan Rev. P Vanlalfela, Bialtu Pastor chuan Chanmari West PYD inkhawm hman puiin, 'Isua Pathian na leh Baptisma' tih thupui hmangin thusawina hun a nei a ni.
Inkhawm ban hian Bro. Lalbiakhlua Methodist kohhran atanga UPC a lo lut chu Isua hmingin sual ngaihdamna Baptisma chan tirin rawngbawlna a nei a ni.
----------
LAD TE PUALIN SEMINAR BUATSAIH
Bairabi bial LAD Conference 2026 in a lo rel tawh angin bial chhung local hrang hrangah LAD kumpuan TAIHMAKNA thupuia hmangin seminar buatsaih a ni a, Pastor Pc. Lalrokima, bialtu pastor chu Resource person atan hman a ni.
October 6 Thawhlehni zan khan Saikhawthlir Biak inah neih a ni a, October ni 13 zan khan Bairabi North Biak inah neih leh niin October ni 21 Thawhlehni zan khan Meidum Biak inah neih leh a ni. Taihmakna thupui hmangin thupui ṭhen hlawm 4 - Chhungkaw enkawlna, Khawtlang inṭhenawm khawvenna, Ringtu nun mimal nun leh Kohhrana Taihmakna leh Thianghlimna kawnga taihmakna tihte hmangin seminar buatsaih a ni. Missions field 3 ah te bialtu pastor bial fan pah hun remchangah inzirtirna neih leh tur a ni ang.
----------
----------
AIZAWL EAST DISTRICT
District Missions Conference hman mek a ni:
Aizawl East District Missions Department Inkhawmpui lian vawi 33-na chu October 23, Zirtawp zan atang khan Thingsulthliah Bial, Thingsulthliah hmunah hman mek a ni a, Pathianni zan hian a tiak ang. Rev. R. Laltlankima, District Superintendent chuan Conference hawnna neiin Thingsulthliah Bialtu Pastor Hmingchungnunga Ralte chuan palai lawmna thu a sawi a, Conference tan zan hian Evan C. Lalkhumtira, Rabung Bial hnen atangin Pathian thu ngaihthlak a ni. Inrinni chawhma dar 10:30 khan Thingslthliah Community Hall-ah rorelna Rev. C. Lalmalsawma, District Missions Director kaihhruaiin neih a ni a, hetah hian District Secretary leh Treasurer ten report an pe bawk a ni. Rorel lo tan inkhawmpui neihna hmunah vantlang inkhawm neih a ni bawk a, Evan. F. Zirliana chuan kaihruaiin Evan. Lalzuisanga hnen atangin thusawi ngaihthlak a ni.
Aizawl East District Missions Department Conference-ah hian thupui hranpa nei lovin Inrinni zanah Upa. Lalrokima, District Missions Evangelist chuan thusawina a nei a, Pathianni chawhma-ah Rev. C. Vanlalena, General Missions Director, Chawhnu-ah Pastor TC. Lalfakmawia, Itakhola, Assam Missions field leh Pathianni zanah Rev. H. Lalropuia, District Secretary ten thusawina an nei leh ang.
Aizawl East District Missions Department inkhawmpuiah hian inkhawm apiangin mal zai bakah Bial Zaipawl leh Pentecostal Choir te atangin zaipawl zai ngaihthlak thin a ni bawk a, District Department ten thusawi tawi an hmang bawk a ni.
Pandal hlanna inkhawm hi October 22, Ninga zan khan Pandal-ah neih a ni a, he hun hi District Missions Department hruaitute pawhin telpuiin Rev. C. Lalmalsawma, Missions Director in thuchah sawina a nei a ni.
----------
Zirlai thlahna hun hmang dawn:
District LAD in puanthui zirna a neih mek, Tailoring Training centre a puanthui zirlai 5th batch thlahna hun October 28, Nilaini hian District Conference Hall-ah neih a ni dawn. He hun hi Sis. R. Lalramsiami B/W, District LAD President chuan a kaihruai anga Secretary Report leh Financial report ngaihthlak tur niin Rev. R. Laltlankima, District Superintendent chuan thusawina neiin Certificate hlanna Rev. H. Lalropuia, District Secretary in a nei thung dawn a ni. He hunah hian District LAD hnuaia Tailoring Training Centre Board member bakah District Department hruaitute tel tura beisei an ni.
----------
Mi thar:
October 18, Pathianni khan Champhai Bethel Bial, Zotlangah chhungkua khat member 4 chu Kohhranah sengluh an ni. Zotlangah hian Dist Evangelist Evan Joel Lalfakzuala'n rawng a bawl a ni.
October 17, Inrinni zan khan Khawzawl Vengthar Kohhran a lawi turin Evan. MH.Laladingngheta'n Member Pahnih sengluhna a nei. Evan. MH.Laldingngheta hi District Missions Evangelist hian Khawzawl Bial ah rawngbawla awm mek a ni.
October 16, Zirtawp zan khan Sesawng Bial, CTI Kohhranah Mi Pakhat chuan Evan Rualthankhuma kutah Isua hmingin Baptisma a chang a, Kohhranah sengluh nghal a ni.
----------
CHHIMTUIPUI DISTRICT
MI THAR CHHUNGKAW HNIH LAWMLUT
Dt.18.10.26 Pathianni khan Phura Local-ah Mithar paruk chhungkaw (2) Mizoram UPC atang chungkaw (1) Member pa 2 leh Baptist Kohhran atang member 4 chungkaw (1) te chu Evan T. Lalrinawma'n Lalpa Isua hmingin a lawmlut. Mithar lawmluhte pualin Upa. F. Lawma,Local Chairman in ṭawngṭaina a nei a; Sual ngaihdamna Baptisma Lalpa Isua hmingin mi pali (4) in Evan T. Lalrinawma kutah an chang nghal bawk.
Kumin chhungin Phura Local ah Kohhran dang aṭang member 43,chhungkaw 10 lawmluh tawh an ni.
----------
DISTRICT DAY CUM SEMINAR HLAWHTLING TAKIN HMANG
October ni 20, 2026 (Thawhlehni) khan 51th Chhimtuipui District Day cum Licence Holder Seminar hlawhtling taka neih a ni.
1st session hi Rev Kholy Hlychho Superintendent ctp in kaihruaiin Tawngtaina Rev C Valy Senior pastor in a nei a Resource person a tan Rev R Laichhingpuia General Treasurer chu hman niin, a hnen a tang Licence holder te tih tur leh tihloh tur te hmasawnna tur tam tak zir chhuah a ni a, Pastor J Chawngtahanga'n tawngtaina neiin chawlh lailawk a ni.
2nd Session hi Rev MH Robin Lalthanmawia Secretary Ctp in kaihhruaiin Tawngtaina Rev Lalhnehchunga'n a nei a. Evan Dr Aichhunga hnen a tang fakna hla ngaihthlak a ni bawk. Licence holder kal te hi mi 56 an ni. Thu zir a tang sawi hona neih niin, hlawk takin he hun hi hman a ni.
----------
DISTRICT LAD HRUAITUTEN HOME MISSIONS FIELD TLAWH
October ni 19, 2026 Thawhṭanni zingkar ah District LAD Hruaituten Thaltlang Home Missions Field an tlawh. District LAD hruaitute hi Pastor LS Lalhmingmuana,Sangau bialtu Pastor in a ṭawiawm hlawm. District LAD Conference rorelna in Home Missions Field ah Biak In sak nise tia alo rel ang in,District LAD hruaitute hian Thaltlang hmun ah Biak in sakna tur hmunhma turte an en ho nghal bawk a ni.
----------
----------