May 29, 2026
Pennet News
UPCNEINEWSSERVICE_29 MAY 2026
GENERAL HEADQUARTERS OFFICE TLAWH
May ni 28, 2026 Ningani khan Reiek Bial te chuan Bial Kohhranpui Inkhawmpui rorel bawhzuiin, Bial Board Member leh Department hruaitute chuan General Headquarters Office, Mualpui Salem Veng an tlawh.
Reiek Bial atang hian mi 15 thawk chhuakin Bialtu Pastor, Rev. Lalchuailova chuan a hova, General Headquarters Office bakah Aizawl East District leh North Mizoram District Office hmun hma te, Calvary Bible College te an tlawh a ni. General Headquarters Office a hman tur hmunphiah thahnem tak leh sum fai an pe bawk.
Reiek Bialah hian tualchhung Kohhran pathum; Reiek, Rulpuihlim leh Ailawng te bakah Vaipuanpho Preaching Point awmin Member 490 vel an awm mek a ni.
---------
HRUAITUTE PROGRAM
General Secretary Rev. Lalmalsawma Sailo chuan May ni 31, Pathianni zan hian Durtlang Bial Muanna Veng, North Mizoram District ah Thianghlimna Seminar neiin rawngbawlna a nei ang.
General Treasurer Rev. R. Laichhingpuia chuan May ni 28-31, 2026 chhung hian N. Vanlaiphai Bial LAD ten, Lungkawlh hmuna Bial LAD inkhawmpui an hmanah telpuiin rawngbawlna a nei ang.
General Missions Director Rev C. Vanlalena chuan May ni 31, Pathianni hian Assam Missions Field Headquarters, Guwahati ah hun hmangin Field Director, Rev. James Lawrence Joute leh House Manager In-charge Evan Lalchhuanawma te induction a nei ang.
----------
JOSHUA GENERATION YOUTH CAMP
May 20-22 chhung khan Joshua Generation Youth Camp, Hyderabad a neihah North East India PYD te sawm kan nih angin Lunglei Dist PYD OB pathum te leh Lunglei District UPC Choir te an kal a ni.
----------
----------
AIZAWL EAST DISTRICT
Bial LAD Inkhawmpui:
Aizawl East District chhunga bial hrang hrangte chuan May 29, Zirtawp zan atang khan Bial LAD Inkhawmpui an hmang mek a, Pathianni zan hian a tiak ang. Bial LAD Inkhawmpui-ah hian Inrinni nileng khan Bial chhung in awpna leh District LAD-a lut tur ngaihtuahin rorel Inkhawm neih a ni a, zan atangin Revival Inkhawm-a hun hman nghal a ni. Bial LAD Inkhawmpui-ah hian Bial thenkhat chuan Speaker leh Thupui hranpa nei an awm laiin Bial thenkhat erawh chuan Thupui hranpa nei lovin Bial hruaitute bakah Bialtu Pastor ten thusawina an nei thin a ni, Bial thenkhatah intihsiaka hun hmang an awm bawk a ni. Bial LAD Inkhawmpui hi District LAD Hruaitute chuan hmun hrang hrangah hetiang hian an hmanpui a ni:
President, Sis R. Lalramsiami B/W chuan Serchhip Dinthar Bial a hmanpui a,
V.President, Sis Rodingliani Sailo B/W leh Sis. Lalbiakkimi, Fin. Secretary te chuan Khawlian Bial hmanpuiin
Secretary Sis Lalhmunsiami Khiangte B/W leh Treasurer, Sis. Laldinpuii te chuan Khawbung Bial an hmanpui bawk a ni.
Bial LAD Inkhawmpui hi kum hmasa lamah chuan March Pathianni hnuhnungberah hman thin a ni a, District LAD Conference 2024, Kawlkulh Biala hman chuan Bial LAD Inkhawmpui March thlaa hman thin chu May Pathianni hnuhnung berah sawn ni se a ti a, District Kohhranpuiah thlen niin District Kohhranpui Board chuan May thla Pathianni hnuhnungberah hian sawnin kum 2025 atang khan hman tan a ni ta a ni.
----------
OTS te class tan dawn:
Kumin 2026 Session atan June 2, Thawhlehni atang hian Aizawl East District hnuaia Short Term Course Pathian thu zirna, Oneness Theological Seminary (OTS) chuan class an tan leh dawn. June 2, Thawhlehni chawhma Dar 10:30-ah Kum 2026 atan Opening function, District Committee room-ah an hmang dawn a ni. Opening function-ah hian Pastor Laltlanhlua Hnamte, Secretary, TEB in zirlaite hriattur hrang hrang puanna hun a hmang dawn a ni.
Kumin OTS-ah hian zirlai 5 zirin-hetiang hian Zirtirtu leh an subject lak dan tur a ni ang:
1. Rev. R. Laltlankima- Christian Leadership
2. Pastor Laltlanhlua Hnamte- History of Pentecostal Movement
3. Rev. VL. Hnemtluanga- Life and works of Christian Minister
4. Rev Rosanga Kawlni - Life of Christ
5. Pastor J. Lalhmingsanga - Book of Acts
----------
Chite lui thenfai hnatlang nei:
Aizawl East District PYD Environment Protection Committee te buatsaihin May 28, Ningani khan Chite lui thenfai hnatlang neih a ni. Hnatlang neih hma hian Programme tawi hman hmasak niin Sis. Biaksangzuali chuan a kaihruai a, hunserh Evan. F. Malsawmdawngliana, District PYD Asst. Secretary chuan a hmang a ni. Environment Protection Committee Secretary Bro. Obeda Lalawmawia hnen atangin report ngaihthlak niin Evan R. Vanlalpeka, District PYD Vice President chuan flag off na a nei a ni. He hunah hian Aizawl khawpui chhung atangin PYD Member engemaw zat telin Chite Lui, Bethlehem Vengthlang kai atangin tih fai hnatlang bul hi tan a ni. Environment Protection Committee te hian Bial PYD Member kal tam lawmman bakah Garbage bag challenge inelna an buatsaih bawk a ni.
Environment Protection Committee te hian kum hmasa lamah pawh Chite lui thenfai hnatlang hi an lo thawk tawh thinin Environment humhalh na kawngah theih ang angin hma an la chho mek zel a ni.
----------
Mi thar:
May 27, Nilai zan khan Police Veng Kohhran, Keifang bial ah member pakhat sengluh a ni. Police Veng kohhranah hian Evan Lalzuisanga, District Missions Evangelist in rawngbawlna a nei mek a ni.
May 24, Pathianni khan Mualpui Kohhranah mi thar pakhat sengluh a ni a, Bialtu Pastor R Lalfamkima'n sengluhna a nei. Mi thar lawmluh hian inkhawm banah Isua hmingin Baptisma a chang nghal a ni.
----------
Reiek Bial te District Office tlawh:
May 28, Ningani khan Reiek Bial chhunga Tualchhung hrang hranga Church Board hruaitute leh Department head te chuan Aizawl East District Office tlawhin hlim takin hun hman a ni. District Office-ah hun tawi hman niin Pastor V. Lalnienga, Office AA chuan a kaihruai a, District Office atang leh Reiek Bial atangin inhmelhriattirna neih a ni. He hunah hian Rev. Lalchuailova, Reiek Bialtu Pastor chuan thusawi tawi neiin Reiek Bial Conference rorelin Aizawl khawpui chhunga Kohhran hmun hmate fankualna neih ni se a tih anga District Office pawh tlawh a nih thute leh Reiek Bial Kohhran hrang hrang te ngaihthlak a ni. Reiek Bial te hian District Office-a hman atan hmunphiah leh sum fai hlanin District Treasurer Rev. VL. Hnemtluanga chuan a dawng a ni. Rev. R. Laltlankima, District Superintendent hnen atang leh Rev. VL. Hnemtluanga te hnen atangin thusawi tawi leh lawmthu sawina ngaihthlak niin Rev. H. Lalropuia, District Secretary in tawngtainain hun a titawp a ni.
Programme tawi hman a nih hnu hian Aizawl East District Office hmun leh hma te hrang hrangte tlawh kualna hun an hmang nghal a ni. Reiek Bial atang hian Bialtu Pastor telin min 17 vel an kal thei a ni.
----------
Hruaitute Programme:
May 29 atanga 31 chhunga District chhunga Bial LAD Inkhawmpui hman mekah District hruaituten hetiang hian an hmanpui:
Rev. R. Laltlankima, District Superintendent chuan Ngopa Bial-ah hmangin rawngbawlna a nei.
Rev. H. Lalropuia, District Secretary chuan Serchhip Bial-ah hmangin rawngbawlna a nei a
Rev VL. Hnemtluanga, District Treasurer chuan North Vanlaiphai Bial, Lungkawlh hmunah Speaker-ah tangin rawngbawlna a nei.
Rev. C. Lalmalsawma, Missions Director chuan Darlawn Bial-ah Bial LAD Inkhawmpui hi a hmang a ni.
----------
----------
CHHIMTUIPUI DISTRICT
DISTRICT RAMTHIM BAWM LOCAL TIN AH VAH PUI
District Missions Conference rorelna in Kum 2026 May thla ral hma in Local tinah Ramthim bawm vah pui nise a ti a,Local tin ten ṭhahnemngai takin he rawngbawlna hi kalpui mek.Kohhran chhung tin ten an hlut in an ngai pawimawh hle.
----------
SPECIAL MEETING NEI
Dt. 26. May, 2026 (Thawhṭan zan) khan District Hqrs Bial,Siaha chuan Bial kohhranpui Official leh Bial PYD board Members te nen Special meeting Upa R.Laltanpuia, bial secretary te in ah an nei. Pastor Quarters sak lai mek chung chang rel a ni lm
Tun dinhmunah a structure pawh hmuh theih a bun chhoh ve mek niin a ban leh beam chhun zawmna tur Iron rod pawh phurh thlen a ni tawh bawk.
Bialtu pastor Qrts hi chhawng thum a sak tum a ni a,a hnuai ber ah hian Bial board leh meeting pawimawh neihna tur leh Archives room siam tum a ni bawk.
----------
BUALPUI 'NG' BIAL AH RAWNGBAWLNA NEI
Dt. 22-24 May chhung in District Evangelist N. Thanghnuna leh a naute pahnih in Bualpui 'NG' Local ah rawngbawlna nung tak an nei. An rawngbawlna Kohhran ten an hlut in an hlawkpui hle. Pathian biak inkhawm bakah Bible Study te neiin rawngbawlna an nei a, Kohhran ten an hlawkpui hle. Pentecost Ni ah Baptisma khur hawn ni in, mi paruk laiin Evan.N. Thanghnuna kutah Sual ngaihdamna Baptisma Lalpa Isua hmingin an chang.
Dt. 20 - 24 May chhung in Upa Hc. Hmingtinthanga leh a naute panga (Jehova Jire Revival Team) ten Archhuang Local ah rawngbawlna an nei a.An rawngbawlna Kohhran ten an hlut in an hlawkpui hle.Pathian biak inkhawm mai bakah Home visit leh Bible study te neiin rawngbawlna nung tak an nei.
Evan.N.Thanghnuna leh Upa Hc. Hmingtinthanga te leh an naute'n ṭhahnemngai tak leh hmangaihna nen Bualpui 'NG' bial chhung ah an rawngbawlna zawng zawng avangin Bualpui 'NG' bial Kohhrante'n Lalpa Isua hmingin lawmthu an sawi a. An rawngbawl zelna turah Lalpa malsawmna dawng zel turin duhsakna an hlan bawk.
----------
BAPTISMA KHUR HAWN A NI
Bualpui NG Local ah Pentecost Ni ah Baptisma khur hawn a ni a. Lalpa Isua hmingin sual ngaihdamna Baptisma chang mi paruk an awm a. Baptisma rawngbawlna hi Evan.N. Thanghnuna, Dist. Evangelist in a nei. Baptisma chang thar te hi Kohhran member nilai an ni.
----------
TUIPANG 'L' LOCAL PYD HMALAKNA TLANGPUI
1. Dt.17.5.2026 Pathianni tlai lamah PYD member Thlarau thianghlim la dawnglote pualin Biakin ah ṭawngṭaina neih an nei.
2. Ni 18. 5. 2026 Thawhṭan zanah District PYD rorel bawhzuina in PYD member hlate puala inkhawmna hun buatsaih a ni.PYD hruaitute'n an member tlawhchhuahna neiin, an member-te inkhawm an sawmna hi a hlawhtling hle a, he inkhawmah hian Bro.H.Lalruatkima Local PYD president hnen aṭangin Pathian thu ngaihthlak a ni.
3. Ni 25 thawhṭan zan hian Member hla te puala inkhawmna hun hi buatsaih leh a ni dawn a, Bro.Vanlalsipaia Bial PYD treasurer hnen aṭangin Pathian thu chah ngaihthlak a ni ang.
----------
LEADERSHIP TRAINING HLAWHTLING TAKIN NEI
Dt 23 May 2026 ah Dist Hqrs Bial chuan Council Vaih Local church ah Rawngbawltu te leh Department hruaitu te tan Leadership training hlawhtling takin an nei.1st session Kaihhruai hna Rev.K.Kawngkharmawia sectional pastor in a nei a,Hunserh Rev.V. Lalhlimpuia, Dist.Treasurer in a hmang.Resource person a tan Rev.MH.Robin Lalthanmawia,Dist.Secretary chu hman niin,thupui a tan "Hruaitu leh a mawhphurhna" hman ani.Pathian fakna hla Rbt.Lalbulngheta hnen a ṭang ngaihthlak a ni a, Rev Dr C Sihmo in tawngtaina a nei a chawlh lai lawk ani.
2 session hi Upa David H Lallianhluna Bial Treasurer in a kaihruai a,Upa M.Buichung, Treasurer Dist Hqtrs Local in ṭawngṭaina a nei a zawhna leh chhanna hun hlimawm tak hman ani. Hunntawp ṭawngṭaina Evan.F.Lalrothuama, Chairman Meisatla local in a nei a,tlai lamah chawhlui kilhona neih nghal ani.
----------
LEADERSHIP TRAINING NEI
Dt.24th May,2026(sun) ah Conference rorel bawhzui Sangau Bial chuan Sangau-II Local ah LEADERSHIP TRAINING hlawhtling takin an hmang.Bial chhung local hrang hrang atang member 42 lai mai an chhuakkhawm thei a,resource person atan Pastor LS.Lalhmingmuana, sectional pastor hman a ni.
He programmee ah hian Bial Education Sub-Committee ten HSLC & HSSLC zirlai titha hnenah chawimawina hlanna hun an hmang bawk. Programme zawhin Sangau-II PYD ten refreshment tuihnai tak an buatsaih hlim takin an kilho.
----------
BETHLEHEM LOCAL,SIATA BIAKIN HAWN A NI
Dt. 16 May 2026 ah Bethlehem Local, Siata Biakin chu Rev. Kholy Hlychho, Dist. Supt in Lalpa Isua ropui nan a hawng. Bethlehem Local Biakin hawnna Programme hi dt. 16-17 May 2026 chhung khan hman a ni a, Rev C. Lalchhuanthanga,Niawhtlang bialtu pastor in inkhawm a kaihruai ṭhin a. Rev Kholy Hlychho, Dist. Supt, Rev MH. Robin Lalthanmawia, Dist. Secretary leh Pastor Robert B. Lalnunsiama, Dist. PYD President te Speaker ah hman an ni a, an hnen aṭang Pathian thu ngaihthlak a ni.Farnu Felina Lianchhing leh Farnu Suiṭha ten zaia rawngbawlna an nei bawk. Sawm an nih angin Biakin hawn programme ah hian Siata khua Kohhran hrang hrang UPC NEI Siata Local, Evangelical Church Of Maraland leh Church Of God aṭang te in member tam tak an tel mai bakah Siaha aṭang te, Bualpui NG bial aṭang te, Tipa Bial aṭang te, Niawhtlang Local aṭang te, Iana Local aṭang te leh Niawhtlang III Local aṭang te in mikhual engemaw zat an thleng khawm.
Bethlehem Local Biakin hawn ah hian ruai buatsaih a ni a, ruai senso zawng zawng hi Unaupa C. Thlansanga te nupa in an tum vek a.Sial pakhat, Bawng pakhat, Vawk pahnih, Ar engemaw zat an thawh mai bakah ruai senso zawng zawng an tum vek. Siata Khaw chhung a Kohhran awm zawng zawng sawm an ni a ruai ṭheh pawh an ṭhahnem hle.
Kum 1994 ah Siata Local Church aṭanga in dang in, tunah member 280 ni in In 48 an ni a, Kohhran inlungrual tak leh ṭhahnemngai tak an ni.Dt 1 April 2013 ah Biakin ban kua lai ṭan in, dt 25 March 2014 ah ban an phun ṭan a.Biakin hi a vang 32 Feet leh A dung 64 Feet a lian sak a ni. Kum 6 chhung biakin sak an chawl a, Biakin hi kum 7 chhung sak a ni. Biakin sak nan Sum ₹ 37,16,210 an hmu a, a sum a an sen zawng zawng hi ₹ 36,74,140 a ni. Biakin sak nan hian mimal ṭhahnemngai aṭang sial 1, bawng 2 leh vawk 13 Kohhran ah pe.
----------
----------
LUNGLEI DISTRICT
VENGHLUN LOCAL BIAK IN HAWN A NI:
May ni 23 Inrinni hian UPC Venghlun Local Biak In chu District Superintendent, Rev C Lalrintluanga chuan Pathian hnenah hlanin a hawng.
Biak In hawn inkhawm hi Evan PC Zosangliana, Chairman, Venghlun Local-in a kaihruai a, Rev P Lalthanga, work supervisor chuan Biak In an sak dan report ngaihnawm taka pein, District Superintendent, Rev C Lalrintluanga chuan Pathian thuchah a sawi.
Biak in hawn inkhawmah hian Venghlun Local PYD Zaipawl, PCD Zaipawl leh Sis R Lalmuankimi ten fak hla mawi takin an sa a, Pastor thawklai aiawhin Rev R Lalsangzuala, Theiriat bialtu Pastor leh Pensioner-te aiawhin Rev C Darkhuma, former District Superintendent ten lawmpuina thu tawi an sawi bawk. Venghlun Biak In hawn lawmpuina atan hian Bialtu MLA, Upa T Lalhlimpuia bakah veng chhunga NGO-te, Bial chhunga Local hrang hrang leh Department-te, Local chhung Department hrang hrang leh mimal thahnem takin thilpek an hlan a ni.
Biak in hawn inkhawm ah hian Evan C Lalramhluna, Secretary, Venghlun Local chuan lawmthu sawiin, Rev R Lalrosanga chuan tawngtainain inkhawm a titawp a, Biak in thar lawmna ruai kil chhunzawm a ni.
Venghlun Local Biak In hi kum 2021 April ni 5 ah Rev C Lalhriatpuian Biak In sak bul tanna turin lungphum a phum a, mi 50 chuangin hemi ni hian hnatlang an thawk chhuak. Biak in sakna atan hian hnatlang tha 3577 lutin vawi 189 hnatlang an thawk a, Rs.21900000 (Nuai zahnih sawmpakua) chuang an seng a ni. Venghlun Local Biak in hi a dung 80ft, avang 40ft a sak a ni.
Tun dinhmum ah Venghlun Local-ah hian kohhran member 480 chuang an awm mek a ni.
----------
RAMTHAR LOCAL LAD-TEN GOLDEN JUBILEE AN LAWM:
May ni 23 Inrinni khan Ramthar Local LAD-te chuan an din champha leh an kum 50-na ni bawk, Golden Jubilee hlim takin an lawm.
Jubilee lawmna inkhawmah hian hun hmasa, Sis F. Lalrinthangi, Section LAD President-in a kaihruai a, Jubilee Lungphun Rev VL Hmuaka, Section Pastor-in a hawng. Chumi hnuah Jubilee Dar vuak a ni a, Sis LH Lianthangpuii, Assistant Secretary, LAD Ramthar Local-in kaihruaiin, Jubilee dar vuak zawhah Biak in chhungah inkhawm a ni.
Inkhawm hi Local LAD President, Sis K. Vanrammawii'n a kaihruai a, Bial Kohhranpui Secretary, Evan F. Lalhmangaihan tawngtainain inkhawm a hlan. Sis Pc Lalchhuanliani, Secretary hnen atangin report ngaihthlak a ni a, LAD-te aiawhin kohhranah thilpek Sis Lalhmingthangi, Vice President in a hlan a, hruaitu hlun chawimawina Sis Vanrammawii, President LAD in a kaihruai bawk.
Thutawi sawi ngaihthlak a ni a, Sis Lianziki, Secretary hmasa ber te, Hqrs Section LAD OB leh District LAD OB bakah LMC Ward Councellor Pi Malsawmkimi Khawlhring hnen atangin ngaihthlak a ni. Member kaltate sunna hun hman a ni a, Upa KH Laldinliana a tawngtai. PCD Ramthar Local Zaipawlte mawi takin an zai a, Sis Vanlalneihpuiin Pathian fak hla a sa bawk.
Rev PC Lalfakawma, Secretary, UPC Lunglei District hnen atangin thuchah ngaihthlak a ni a, tlai lamah Jubilee ruai theh a ni. He hun hi Kohhran pum huapa hun hman a nih bakah District leh Bial LAD hruaituten telpuiin Bial Kohhranpui hruaituten an hmanpui bawk.
Jubilee hi Crusade-in chhunzawm a ni a, Speaker atan Evan T. Vanlalruata hman a ni.
----------
----------
NORTH MIZORAM DISTRICT
HRUAITUTE PROGRAMME
DISTRICT SUPERINTENDENT CHUAN SIKKIM MISSION FIELD-A BIAK IN HAWNG TURIN DARJEELING A PAN
North Mizoram District Superintendent, Rev. K. Lalduhsanga leh rawngbawltu engemawzat chuan Sikkim Mission Field, Darjeeling-a Lebong Kohhran Biak In thar hawnna programme hmang turin nimin May ni 26, 2026 (Thawhlehni) khan Mizoram an chhuahsan a ni.
He Lebong Kohhran Biak In sak puihna kawngah hian Lalpa Rawngbawltute aṭangin thilpek ropui tak tak hetiang hian dawn a ni:
● Pu K. Laldawla te chhungkua: Rs. 1,50,000/- (cheng nuai khat leh singnga) an pe.
● Rev. C. Lalmuanpuia (District Treasurer): Rs. 30,000/- (cheng singthum) a pe bawk.
● North Mizoram District: District aiawhin Rs. 20,000/- (cheng singhnih) pek a ni bawk.
District Secretary and Treasurer: Dt. 29th May, 2026 hian PSM Registration Day an hmanpui ang.
----------
DISTRICT NEWS
DISTRICT HRUAITUTEN LAD TAILORING CENTRE BOARD VAWI 17-NA AN TELPUI
May ni 25, 2026 (Thawhtanni) dar 11:30 AM khan North Mizoram District LAD enkawl lai, Ladies Auxiliary Tailoring Centre (LATC) Board vawi 17-na chu District Superintendent Office-ah neih a ni. He board meeting pawimawh tak hi District LAD President Sis. F. Lalrohlupuii BW chuan a kaihruai a ni.
Rorel langsar zualte chu:
LATC zirlai mêkte tana Kum chanve exam hun tur ruahman niin, June ni 22- 24, 2026-ah te neih a ni ang a, Exam endiktuatan Sis. Lalchhuankungi BW, Sis. Laldawngliani BW, leh Sis. Vanlalhliri te ruat an ni.
Zirlaite thawmhnaw thui sa tihral tura tih a ni a, District LAD hruaituten lo enfelin, hralh turin Bial hrang hrangah pek chhuah ni se an ti a. Chumi baka la bâng awm erawh chu Home Missions Field lama pek turin an ruahman a ni.
----------
TAILORING CENTRE-IN THILPEK AN DAWNG
May ni 25, 2026 (Thawhtanni) khan Tlangnuam Bial LAD-te chuan LATC in a ṭul apianga an hman turin sumfai Rs. 6,000/- (cheng sang ruk) an hlan a.
May ni 26, 2026 (Thawhlehni) khan Nursery Local LAD (Headquarters Bial) te chuan - Kawr thuisa khaina (Hanger) 10 leh Khawl-la bawm 2 an hlan ve bawk.
District LAD hruaitute chuan tualchhung hrang hrang LAD-te hnenah thilpek avang hian lawmthu an sawi takzet a ni.
----------
NORTH MIZORAM DISTRICT PUMAH PENTECOST DAY HLIM TAKA HMAN A NI
Kumin Pentecost Day (May ni 24, 2026) ropui tak chu North Mizoram District chhûnga Bial 31-ah kohhranhoten hlim leh lawm takin an hmang tlang ṭheuh a. Local hrang hrangah ruai nen, a ṭhenin thingpui leh a hmeh tuihnai tak takte nen he ni hi an hmang a ni.
Pentecost Day ah District hruaitute:
● District Superintendent (Rev. K. Lalduhsanga): Kumin Pentecost Day hi Lungverh Kohhran-ah a hmanpui.
● District Treasurer (Rev. C. Lalmuanpuia): Sialsuk Bial lamah hun hmangin, Pentecost Day leh Seminar programme-te a hmanpui bawk.
● District Missions Director (Rev. K. Malsawmtluanga): Kumin Pentecost Ni hi Lungleng I Kohhran-ah a hmanpui bawk a ni.
Kumin Pentecost Ni ah hiam Kohhran Member thar lawmluhna neih a ni:
● Tlangnuam Kohhran: Pentecost Ni zing inkhawmah Presbyterian leh Baptist Kohhran aṭangin chhungkaw pahnih (member 9) zet mai chu Kohhran Vice Chairman Upa Lalbiakliana chuan UPC (NEI)-ah lawi turin a lawmlut a. Inkhawm banah Baptisma khur hawn nghal niin, Kohhran Secretary Evan. Jeno Vanlalruata kutah mi 2-in sual ngaihdamna Baptisma an chang nghal bawk.
● Lungleng I Kohhran: District Missions Director, Rev. K. Malsawmtluanga hmalakna hnuaiah, chawhma inkhawmah Presbyterian Kohhran aṭanga lo chhuak member 2 chu UPC (NEI) Lungleng I Kohhrana lawi turin a lawmlut nghal bawk a ni.
Tin, Tlangnuam Bial PYD leh Bial Missions Department bultumin, Pentecost Ni tlaiah Tlangnuam Bial chhunga Tualchhung Kohhran tinah a rualin chawnghei ṭawngṭai neih a ni bawk a ni.
----------
MISSIONS DEPARTMENT EXCUTIVE / OB ROREL PAWIMAWH TAK TAKTE
May ni 25, 2026 (Thawhtanni) khan North Mizoram District Missions Department chuan Executive / OB Rorel pawimawh tak an nei a. He hunah hian ram lak rawngbawlna leh Missionary-te awmna hmun hmasawnna tûr thil pawimawh tak tak hetiang hian an rel a ni.
Missions Department chuan Field-a thawk mêk Missionary-te thlarau nun chawmna leh hmalak dante thlir ho nan ruahmanna thar a siam:
Missionary Retreat: Field enkawltu Missionary zawng zawngte pualin June ni 5, 2026 (Friday) dar 10:00 AM-ah Headquarters Biak Inah Retreat neih tur a ni ang. He hunah hian Speaker bik awm lovin rawngbawltute hian hun an hmang ho dâwn a ni.
Solar Light: Missionary Quarters hrang hranga Solar Light mamawh a ni a, Bial hrang hrangah dil ni se an ti bawk.
Missions Field hrang hranga hmasawnna hna thawk turin hengte hi an rel bawk a ni:
Lianbuang / Rastali: Lianbuang leh Rastali Biak In sak ṭhat tura ruahman mêk chu hruaituten a hmunah ngei kalin an va enfiah phawt dâwn a ni.
New Eden Quarters: He Quarters thar hi tun atan chuan Sunday School Hall-ah hman rih turin an ruahman.
Sotapa Biak In: Sotapa Biak In electric lakna wire lo kâng chhia chu a thar leisak tura tih a ni.
North Thinglian Quarters: N. Thinglian Quarters chhuat chu Lei Cement (Concrete)-a siam ṭhat tur a ni a, he hna hi District Treasurer-in lo buaipui se tih a ni.
----------
PENTECOSTAL SCHOOL OF MINISTRY-IN REGISTRATION DAY HMANG DAWN
May 27 hian Pentecostal School of Ministry (PSM) chuan 'Registration Day' an hmang dawn.
He hun hi zirlai te puala 'Function' hman tur a ni a, chhun dar 1:00 ah chiah tan tur a ni ang. Biak In lama programme hman dan tur tlangpui chu hetiang hi a ni:
● Chairman: Rev. C. Lalthantluanga, District Secretary
● Hunserh: Pastor Lalhmangaihawma
● Thusawi: Rev. C. Lalmuanpuia, District Treasurer
● Benediction: Rev. K. Malsawmtluanga, Director Missions Department
PSM hruaitute chuan he hun hi zirlai tan hun pawimawh tak a nih thu sawiin, tluang taka hman a nih theih nan zirlaite duhsakna an hlan a ni.
----------
NORTH MIZORAM DISTRICT SUNDAY SCHOOL BOARD-IN HMA SÂWNNA PAWIMAWH TAK TAK AN REL
North Mizoram District Sunday School Department chuan May ni 27, khan North Mizoram District Committee Room-ah District Board pawimawh tak an nei a, Board Meeting hi Rev. K. Vanlaldika, Director District SS Deptt. chuan a kaihruai a, rorel tlangpui te:
● District SS Conference thlenna tur Kum 2028 thlenga ruahmanna awm sa bakah, kum 2029-a District SS Conference thlenna tur atan Maubawk Bial nise tih a ni a, hei hi Kum 2026 District SS Conference-a pawmpui tura pharh leh tur a ni.
● Kum 2027-ah District huap Sunday School Meet neih nise tha tih a ni a, Hruaitute ruahmannain Organizing pawh din nise tih a ni.
● North Mizoram District chhûngah Sunday School hming ziak punna kawngah ṭan lak ni se tha tih a ni a, District hruaituten ruahmanna an siam ang.
● Missions Field-a Sunday School pawimawhna uar zawka inzirtirna nei tura 'Sunday School Tour' buatsaih chu tha tih a ni a, kum thar budget-ah dah nise tih a ni.
● General SS Board ruahmanna anga Lunglei-a neih tur Inter-Doctrinal meet chu thlir lawk a ni a, programme kimchang an neih hunah District hruaituten aṭul dan angin hma an la zui ang.
---------
---------
May ni 28, 2026 Ningani khan Reiek Bial te chuan Bial Kohhranpui Inkhawmpui rorel bawhzuiin, Bial Board Member leh Department hruaitute chuan General Headquarters Office, Mualpui Salem Veng an tlawh.
Reiek Bial atang hian mi 15 thawk chhuakin Bialtu Pastor, Rev. Lalchuailova chuan a hova, General Headquarters Office bakah Aizawl East District leh North Mizoram District Office hmun hma te, Calvary Bible College te an tlawh a ni. General Headquarters Office a hman tur hmunphiah thahnem tak leh sum fai an pe bawk.
Reiek Bialah hian tualchhung Kohhran pathum; Reiek, Rulpuihlim leh Ailawng te bakah Vaipuanpho Preaching Point awmin Member 490 vel an awm mek a ni.
---------
HRUAITUTE PROGRAM
General Secretary Rev. Lalmalsawma Sailo chuan May ni 31, Pathianni zan hian Durtlang Bial Muanna Veng, North Mizoram District ah Thianghlimna Seminar neiin rawngbawlna a nei ang.
General Treasurer Rev. R. Laichhingpuia chuan May ni 28-31, 2026 chhung hian N. Vanlaiphai Bial LAD ten, Lungkawlh hmuna Bial LAD inkhawmpui an hmanah telpuiin rawngbawlna a nei ang.
General Missions Director Rev C. Vanlalena chuan May ni 31, Pathianni hian Assam Missions Field Headquarters, Guwahati ah hun hmangin Field Director, Rev. James Lawrence Joute leh House Manager In-charge Evan Lalchhuanawma te induction a nei ang.
----------
JOSHUA GENERATION YOUTH CAMP
May 20-22 chhung khan Joshua Generation Youth Camp, Hyderabad a neihah North East India PYD te sawm kan nih angin Lunglei Dist PYD OB pathum te leh Lunglei District UPC Choir te an kal a ni.
----------
----------
AIZAWL EAST DISTRICT
Bial LAD Inkhawmpui:
Aizawl East District chhunga bial hrang hrangte chuan May 29, Zirtawp zan atang khan Bial LAD Inkhawmpui an hmang mek a, Pathianni zan hian a tiak ang. Bial LAD Inkhawmpui-ah hian Inrinni nileng khan Bial chhung in awpna leh District LAD-a lut tur ngaihtuahin rorel Inkhawm neih a ni a, zan atangin Revival Inkhawm-a hun hman nghal a ni. Bial LAD Inkhawmpui-ah hian Bial thenkhat chuan Speaker leh Thupui hranpa nei an awm laiin Bial thenkhat erawh chuan Thupui hranpa nei lovin Bial hruaitute bakah Bialtu Pastor ten thusawina an nei thin a ni, Bial thenkhatah intihsiaka hun hmang an awm bawk a ni. Bial LAD Inkhawmpui hi District LAD Hruaitute chuan hmun hrang hrangah hetiang hian an hmanpui a ni:
President, Sis R. Lalramsiami B/W chuan Serchhip Dinthar Bial a hmanpui a,
V.President, Sis Rodingliani Sailo B/W leh Sis. Lalbiakkimi, Fin. Secretary te chuan Khawlian Bial hmanpuiin
Secretary Sis Lalhmunsiami Khiangte B/W leh Treasurer, Sis. Laldinpuii te chuan Khawbung Bial an hmanpui bawk a ni.
Bial LAD Inkhawmpui hi kum hmasa lamah chuan March Pathianni hnuhnungberah hman thin a ni a, District LAD Conference 2024, Kawlkulh Biala hman chuan Bial LAD Inkhawmpui March thlaa hman thin chu May Pathianni hnuhnung berah sawn ni se a ti a, District Kohhranpuiah thlen niin District Kohhranpui Board chuan May thla Pathianni hnuhnungberah hian sawnin kum 2025 atang khan hman tan a ni ta a ni.
----------
OTS te class tan dawn:
Kumin 2026 Session atan June 2, Thawhlehni atang hian Aizawl East District hnuaia Short Term Course Pathian thu zirna, Oneness Theological Seminary (OTS) chuan class an tan leh dawn. June 2, Thawhlehni chawhma Dar 10:30-ah Kum 2026 atan Opening function, District Committee room-ah an hmang dawn a ni. Opening function-ah hian Pastor Laltlanhlua Hnamte, Secretary, TEB in zirlaite hriattur hrang hrang puanna hun a hmang dawn a ni.
Kumin OTS-ah hian zirlai 5 zirin-hetiang hian Zirtirtu leh an subject lak dan tur a ni ang:
1. Rev. R. Laltlankima- Christian Leadership
2. Pastor Laltlanhlua Hnamte- History of Pentecostal Movement
3. Rev. VL. Hnemtluanga- Life and works of Christian Minister
4. Rev Rosanga Kawlni - Life of Christ
5. Pastor J. Lalhmingsanga - Book of Acts
----------
Chite lui thenfai hnatlang nei:
Aizawl East District PYD Environment Protection Committee te buatsaihin May 28, Ningani khan Chite lui thenfai hnatlang neih a ni. Hnatlang neih hma hian Programme tawi hman hmasak niin Sis. Biaksangzuali chuan a kaihruai a, hunserh Evan. F. Malsawmdawngliana, District PYD Asst. Secretary chuan a hmang a ni. Environment Protection Committee Secretary Bro. Obeda Lalawmawia hnen atangin report ngaihthlak niin Evan R. Vanlalpeka, District PYD Vice President chuan flag off na a nei a ni. He hunah hian Aizawl khawpui chhung atangin PYD Member engemaw zat telin Chite Lui, Bethlehem Vengthlang kai atangin tih fai hnatlang bul hi tan a ni. Environment Protection Committee te hian Bial PYD Member kal tam lawmman bakah Garbage bag challenge inelna an buatsaih bawk a ni.
Environment Protection Committee te hian kum hmasa lamah pawh Chite lui thenfai hnatlang hi an lo thawk tawh thinin Environment humhalh na kawngah theih ang angin hma an la chho mek zel a ni.
----------
Mi thar:
May 27, Nilai zan khan Police Veng Kohhran, Keifang bial ah member pakhat sengluh a ni. Police Veng kohhranah hian Evan Lalzuisanga, District Missions Evangelist in rawngbawlna a nei mek a ni.
May 24, Pathianni khan Mualpui Kohhranah mi thar pakhat sengluh a ni a, Bialtu Pastor R Lalfamkima'n sengluhna a nei. Mi thar lawmluh hian inkhawm banah Isua hmingin Baptisma a chang nghal a ni.
----------
Reiek Bial te District Office tlawh:
May 28, Ningani khan Reiek Bial chhunga Tualchhung hrang hranga Church Board hruaitute leh Department head te chuan Aizawl East District Office tlawhin hlim takin hun hman a ni. District Office-ah hun tawi hman niin Pastor V. Lalnienga, Office AA chuan a kaihruai a, District Office atang leh Reiek Bial atangin inhmelhriattirna neih a ni. He hunah hian Rev. Lalchuailova, Reiek Bialtu Pastor chuan thusawi tawi neiin Reiek Bial Conference rorelin Aizawl khawpui chhunga Kohhran hmun hmate fankualna neih ni se a tih anga District Office pawh tlawh a nih thute leh Reiek Bial Kohhran hrang hrang te ngaihthlak a ni. Reiek Bial te hian District Office-a hman atan hmunphiah leh sum fai hlanin District Treasurer Rev. VL. Hnemtluanga chuan a dawng a ni. Rev. R. Laltlankima, District Superintendent hnen atang leh Rev. VL. Hnemtluanga te hnen atangin thusawi tawi leh lawmthu sawina ngaihthlak niin Rev. H. Lalropuia, District Secretary in tawngtainain hun a titawp a ni.
Programme tawi hman a nih hnu hian Aizawl East District Office hmun leh hma te hrang hrangte tlawh kualna hun an hmang nghal a ni. Reiek Bial atang hian Bialtu Pastor telin min 17 vel an kal thei a ni.
----------
Hruaitute Programme:
May 29 atanga 31 chhunga District chhunga Bial LAD Inkhawmpui hman mekah District hruaituten hetiang hian an hmanpui:
Rev. R. Laltlankima, District Superintendent chuan Ngopa Bial-ah hmangin rawngbawlna a nei.
Rev. H. Lalropuia, District Secretary chuan Serchhip Bial-ah hmangin rawngbawlna a nei a
Rev VL. Hnemtluanga, District Treasurer chuan North Vanlaiphai Bial, Lungkawlh hmunah Speaker-ah tangin rawngbawlna a nei.
Rev. C. Lalmalsawma, Missions Director chuan Darlawn Bial-ah Bial LAD Inkhawmpui hi a hmang a ni.
----------
----------
CHHIMTUIPUI DISTRICT
DISTRICT RAMTHIM BAWM LOCAL TIN AH VAH PUI
District Missions Conference rorelna in Kum 2026 May thla ral hma in Local tinah Ramthim bawm vah pui nise a ti a,Local tin ten ṭhahnemngai takin he rawngbawlna hi kalpui mek.Kohhran chhung tin ten an hlut in an ngai pawimawh hle.
----------
SPECIAL MEETING NEI
Dt. 26. May, 2026 (Thawhṭan zan) khan District Hqrs Bial,Siaha chuan Bial kohhranpui Official leh Bial PYD board Members te nen Special meeting Upa R.Laltanpuia, bial secretary te in ah an nei. Pastor Quarters sak lai mek chung chang rel a ni lm
Tun dinhmunah a structure pawh hmuh theih a bun chhoh ve mek niin a ban leh beam chhun zawmna tur Iron rod pawh phurh thlen a ni tawh bawk.
Bialtu pastor Qrts hi chhawng thum a sak tum a ni a,a hnuai ber ah hian Bial board leh meeting pawimawh neihna tur leh Archives room siam tum a ni bawk.
----------
BUALPUI 'NG' BIAL AH RAWNGBAWLNA NEI
Dt. 22-24 May chhung in District Evangelist N. Thanghnuna leh a naute pahnih in Bualpui 'NG' Local ah rawngbawlna nung tak an nei. An rawngbawlna Kohhran ten an hlut in an hlawkpui hle. Pathian biak inkhawm bakah Bible Study te neiin rawngbawlna an nei a, Kohhran ten an hlawkpui hle. Pentecost Ni ah Baptisma khur hawn ni in, mi paruk laiin Evan.N. Thanghnuna kutah Sual ngaihdamna Baptisma Lalpa Isua hmingin an chang.
Dt. 20 - 24 May chhung in Upa Hc. Hmingtinthanga leh a naute panga (Jehova Jire Revival Team) ten Archhuang Local ah rawngbawlna an nei a.An rawngbawlna Kohhran ten an hlut in an hlawkpui hle.Pathian biak inkhawm mai bakah Home visit leh Bible study te neiin rawngbawlna nung tak an nei.
Evan.N.Thanghnuna leh Upa Hc. Hmingtinthanga te leh an naute'n ṭhahnemngai tak leh hmangaihna nen Bualpui 'NG' bial chhung ah an rawngbawlna zawng zawng avangin Bualpui 'NG' bial Kohhrante'n Lalpa Isua hmingin lawmthu an sawi a. An rawngbawl zelna turah Lalpa malsawmna dawng zel turin duhsakna an hlan bawk.
----------
BAPTISMA KHUR HAWN A NI
Bualpui NG Local ah Pentecost Ni ah Baptisma khur hawn a ni a. Lalpa Isua hmingin sual ngaihdamna Baptisma chang mi paruk an awm a. Baptisma rawngbawlna hi Evan.N. Thanghnuna, Dist. Evangelist in a nei. Baptisma chang thar te hi Kohhran member nilai an ni.
----------
TUIPANG 'L' LOCAL PYD HMALAKNA TLANGPUI
1. Dt.17.5.2026 Pathianni tlai lamah PYD member Thlarau thianghlim la dawnglote pualin Biakin ah ṭawngṭaina neih an nei.
2. Ni 18. 5. 2026 Thawhṭan zanah District PYD rorel bawhzuina in PYD member hlate puala inkhawmna hun buatsaih a ni.PYD hruaitute'n an member tlawhchhuahna neiin, an member-te inkhawm an sawmna hi a hlawhtling hle a, he inkhawmah hian Bro.H.Lalruatkima Local PYD president hnen aṭangin Pathian thu ngaihthlak a ni.
3. Ni 25 thawhṭan zan hian Member hla te puala inkhawmna hun hi buatsaih leh a ni dawn a, Bro.Vanlalsipaia Bial PYD treasurer hnen aṭangin Pathian thu chah ngaihthlak a ni ang.
----------
LEADERSHIP TRAINING HLAWHTLING TAKIN NEI
Dt 23 May 2026 ah Dist Hqrs Bial chuan Council Vaih Local church ah Rawngbawltu te leh Department hruaitu te tan Leadership training hlawhtling takin an nei.1st session Kaihhruai hna Rev.K.Kawngkharmawia sectional pastor in a nei a,Hunserh Rev.V. Lalhlimpuia, Dist.Treasurer in a hmang.Resource person a tan Rev.MH.Robin Lalthanmawia,Dist.Secretary chu hman niin,thupui a tan "Hruaitu leh a mawhphurhna" hman ani.Pathian fakna hla Rbt.Lalbulngheta hnen a ṭang ngaihthlak a ni a, Rev Dr C Sihmo in tawngtaina a nei a chawlh lai lawk ani.
2 session hi Upa David H Lallianhluna Bial Treasurer in a kaihruai a,Upa M.Buichung, Treasurer Dist Hqtrs Local in ṭawngṭaina a nei a zawhna leh chhanna hun hlimawm tak hman ani. Hunntawp ṭawngṭaina Evan.F.Lalrothuama, Chairman Meisatla local in a nei a,tlai lamah chawhlui kilhona neih nghal ani.
----------
LEADERSHIP TRAINING NEI
Dt.24th May,2026(sun) ah Conference rorel bawhzui Sangau Bial chuan Sangau-II Local ah LEADERSHIP TRAINING hlawhtling takin an hmang.Bial chhung local hrang hrang atang member 42 lai mai an chhuakkhawm thei a,resource person atan Pastor LS.Lalhmingmuana, sectional pastor hman a ni.
He programmee ah hian Bial Education Sub-Committee ten HSLC & HSSLC zirlai titha hnenah chawimawina hlanna hun an hmang bawk. Programme zawhin Sangau-II PYD ten refreshment tuihnai tak an buatsaih hlim takin an kilho.
----------
BETHLEHEM LOCAL,SIATA BIAKIN HAWN A NI
Dt. 16 May 2026 ah Bethlehem Local, Siata Biakin chu Rev. Kholy Hlychho, Dist. Supt in Lalpa Isua ropui nan a hawng. Bethlehem Local Biakin hawnna Programme hi dt. 16-17 May 2026 chhung khan hman a ni a, Rev C. Lalchhuanthanga,Niawhtlang bialtu pastor in inkhawm a kaihruai ṭhin a. Rev Kholy Hlychho, Dist. Supt, Rev MH. Robin Lalthanmawia, Dist. Secretary leh Pastor Robert B. Lalnunsiama, Dist. PYD President te Speaker ah hman an ni a, an hnen aṭang Pathian thu ngaihthlak a ni.Farnu Felina Lianchhing leh Farnu Suiṭha ten zaia rawngbawlna an nei bawk. Sawm an nih angin Biakin hawn programme ah hian Siata khua Kohhran hrang hrang UPC NEI Siata Local, Evangelical Church Of Maraland leh Church Of God aṭang te in member tam tak an tel mai bakah Siaha aṭang te, Bualpui NG bial aṭang te, Tipa Bial aṭang te, Niawhtlang Local aṭang te, Iana Local aṭang te leh Niawhtlang III Local aṭang te in mikhual engemaw zat an thleng khawm.
Bethlehem Local Biakin hawn ah hian ruai buatsaih a ni a, ruai senso zawng zawng hi Unaupa C. Thlansanga te nupa in an tum vek a.Sial pakhat, Bawng pakhat, Vawk pahnih, Ar engemaw zat an thawh mai bakah ruai senso zawng zawng an tum vek. Siata Khaw chhung a Kohhran awm zawng zawng sawm an ni a ruai ṭheh pawh an ṭhahnem hle.
Kum 1994 ah Siata Local Church aṭanga in dang in, tunah member 280 ni in In 48 an ni a, Kohhran inlungrual tak leh ṭhahnemngai tak an ni.Dt 1 April 2013 ah Biakin ban kua lai ṭan in, dt 25 March 2014 ah ban an phun ṭan a.Biakin hi a vang 32 Feet leh A dung 64 Feet a lian sak a ni. Kum 6 chhung biakin sak an chawl a, Biakin hi kum 7 chhung sak a ni. Biakin sak nan Sum ₹ 37,16,210 an hmu a, a sum a an sen zawng zawng hi ₹ 36,74,140 a ni. Biakin sak nan hian mimal ṭhahnemngai aṭang sial 1, bawng 2 leh vawk 13 Kohhran ah pe.
----------
----------
LUNGLEI DISTRICT
VENGHLUN LOCAL BIAK IN HAWN A NI:
May ni 23 Inrinni hian UPC Venghlun Local Biak In chu District Superintendent, Rev C Lalrintluanga chuan Pathian hnenah hlanin a hawng.
Biak In hawn inkhawm hi Evan PC Zosangliana, Chairman, Venghlun Local-in a kaihruai a, Rev P Lalthanga, work supervisor chuan Biak In an sak dan report ngaihnawm taka pein, District Superintendent, Rev C Lalrintluanga chuan Pathian thuchah a sawi.
Biak in hawn inkhawmah hian Venghlun Local PYD Zaipawl, PCD Zaipawl leh Sis R Lalmuankimi ten fak hla mawi takin an sa a, Pastor thawklai aiawhin Rev R Lalsangzuala, Theiriat bialtu Pastor leh Pensioner-te aiawhin Rev C Darkhuma, former District Superintendent ten lawmpuina thu tawi an sawi bawk. Venghlun Biak In hawn lawmpuina atan hian Bialtu MLA, Upa T Lalhlimpuia bakah veng chhunga NGO-te, Bial chhunga Local hrang hrang leh Department-te, Local chhung Department hrang hrang leh mimal thahnem takin thilpek an hlan a ni.
Biak in hawn inkhawm ah hian Evan C Lalramhluna, Secretary, Venghlun Local chuan lawmthu sawiin, Rev R Lalrosanga chuan tawngtainain inkhawm a titawp a, Biak in thar lawmna ruai kil chhunzawm a ni.
Venghlun Local Biak In hi kum 2021 April ni 5 ah Rev C Lalhriatpuian Biak In sak bul tanna turin lungphum a phum a, mi 50 chuangin hemi ni hian hnatlang an thawk chhuak. Biak in sakna atan hian hnatlang tha 3577 lutin vawi 189 hnatlang an thawk a, Rs.21900000 (Nuai zahnih sawmpakua) chuang an seng a ni. Venghlun Local Biak in hi a dung 80ft, avang 40ft a sak a ni.
Tun dinhmum ah Venghlun Local-ah hian kohhran member 480 chuang an awm mek a ni.
----------
RAMTHAR LOCAL LAD-TEN GOLDEN JUBILEE AN LAWM:
May ni 23 Inrinni khan Ramthar Local LAD-te chuan an din champha leh an kum 50-na ni bawk, Golden Jubilee hlim takin an lawm.
Jubilee lawmna inkhawmah hian hun hmasa, Sis F. Lalrinthangi, Section LAD President-in a kaihruai a, Jubilee Lungphun Rev VL Hmuaka, Section Pastor-in a hawng. Chumi hnuah Jubilee Dar vuak a ni a, Sis LH Lianthangpuii, Assistant Secretary, LAD Ramthar Local-in kaihruaiin, Jubilee dar vuak zawhah Biak in chhungah inkhawm a ni.
Inkhawm hi Local LAD President, Sis K. Vanrammawii'n a kaihruai a, Bial Kohhranpui Secretary, Evan F. Lalhmangaihan tawngtainain inkhawm a hlan. Sis Pc Lalchhuanliani, Secretary hnen atangin report ngaihthlak a ni a, LAD-te aiawhin kohhranah thilpek Sis Lalhmingthangi, Vice President in a hlan a, hruaitu hlun chawimawina Sis Vanrammawii, President LAD in a kaihruai bawk.
Thutawi sawi ngaihthlak a ni a, Sis Lianziki, Secretary hmasa ber te, Hqrs Section LAD OB leh District LAD OB bakah LMC Ward Councellor Pi Malsawmkimi Khawlhring hnen atangin ngaihthlak a ni. Member kaltate sunna hun hman a ni a, Upa KH Laldinliana a tawngtai. PCD Ramthar Local Zaipawlte mawi takin an zai a, Sis Vanlalneihpuiin Pathian fak hla a sa bawk.
Rev PC Lalfakawma, Secretary, UPC Lunglei District hnen atangin thuchah ngaihthlak a ni a, tlai lamah Jubilee ruai theh a ni. He hun hi Kohhran pum huapa hun hman a nih bakah District leh Bial LAD hruaituten telpuiin Bial Kohhranpui hruaituten an hmanpui bawk.
Jubilee hi Crusade-in chhunzawm a ni a, Speaker atan Evan T. Vanlalruata hman a ni.
----------
----------
NORTH MIZORAM DISTRICT
HRUAITUTE PROGRAMME
DISTRICT SUPERINTENDENT CHUAN SIKKIM MISSION FIELD-A BIAK IN HAWNG TURIN DARJEELING A PAN
North Mizoram District Superintendent, Rev. K. Lalduhsanga leh rawngbawltu engemawzat chuan Sikkim Mission Field, Darjeeling-a Lebong Kohhran Biak In thar hawnna programme hmang turin nimin May ni 26, 2026 (Thawhlehni) khan Mizoram an chhuahsan a ni.
He Lebong Kohhran Biak In sak puihna kawngah hian Lalpa Rawngbawltute aṭangin thilpek ropui tak tak hetiang hian dawn a ni:
● Pu K. Laldawla te chhungkua: Rs. 1,50,000/- (cheng nuai khat leh singnga) an pe.
● Rev. C. Lalmuanpuia (District Treasurer): Rs. 30,000/- (cheng singthum) a pe bawk.
● North Mizoram District: District aiawhin Rs. 20,000/- (cheng singhnih) pek a ni bawk.
District Secretary and Treasurer: Dt. 29th May, 2026 hian PSM Registration Day an hmanpui ang.
----------
DISTRICT NEWS
DISTRICT HRUAITUTEN LAD TAILORING CENTRE BOARD VAWI 17-NA AN TELPUI
May ni 25, 2026 (Thawhtanni) dar 11:30 AM khan North Mizoram District LAD enkawl lai, Ladies Auxiliary Tailoring Centre (LATC) Board vawi 17-na chu District Superintendent Office-ah neih a ni. He board meeting pawimawh tak hi District LAD President Sis. F. Lalrohlupuii BW chuan a kaihruai a ni.
Rorel langsar zualte chu:
LATC zirlai mêkte tana Kum chanve exam hun tur ruahman niin, June ni 22- 24, 2026-ah te neih a ni ang a, Exam endiktuatan Sis. Lalchhuankungi BW, Sis. Laldawngliani BW, leh Sis. Vanlalhliri te ruat an ni.
Zirlaite thawmhnaw thui sa tihral tura tih a ni a, District LAD hruaituten lo enfelin, hralh turin Bial hrang hrangah pek chhuah ni se an ti a. Chumi baka la bâng awm erawh chu Home Missions Field lama pek turin an ruahman a ni.
----------
TAILORING CENTRE-IN THILPEK AN DAWNG
May ni 25, 2026 (Thawhtanni) khan Tlangnuam Bial LAD-te chuan LATC in a ṭul apianga an hman turin sumfai Rs. 6,000/- (cheng sang ruk) an hlan a.
May ni 26, 2026 (Thawhlehni) khan Nursery Local LAD (Headquarters Bial) te chuan - Kawr thuisa khaina (Hanger) 10 leh Khawl-la bawm 2 an hlan ve bawk.
District LAD hruaitute chuan tualchhung hrang hrang LAD-te hnenah thilpek avang hian lawmthu an sawi takzet a ni.
----------
NORTH MIZORAM DISTRICT PUMAH PENTECOST DAY HLIM TAKA HMAN A NI
Kumin Pentecost Day (May ni 24, 2026) ropui tak chu North Mizoram District chhûnga Bial 31-ah kohhranhoten hlim leh lawm takin an hmang tlang ṭheuh a. Local hrang hrangah ruai nen, a ṭhenin thingpui leh a hmeh tuihnai tak takte nen he ni hi an hmang a ni.
Pentecost Day ah District hruaitute:
● District Superintendent (Rev. K. Lalduhsanga): Kumin Pentecost Day hi Lungverh Kohhran-ah a hmanpui.
● District Treasurer (Rev. C. Lalmuanpuia): Sialsuk Bial lamah hun hmangin, Pentecost Day leh Seminar programme-te a hmanpui bawk.
● District Missions Director (Rev. K. Malsawmtluanga): Kumin Pentecost Ni hi Lungleng I Kohhran-ah a hmanpui bawk a ni.
Kumin Pentecost Ni ah hiam Kohhran Member thar lawmluhna neih a ni:
● Tlangnuam Kohhran: Pentecost Ni zing inkhawmah Presbyterian leh Baptist Kohhran aṭangin chhungkaw pahnih (member 9) zet mai chu Kohhran Vice Chairman Upa Lalbiakliana chuan UPC (NEI)-ah lawi turin a lawmlut a. Inkhawm banah Baptisma khur hawn nghal niin, Kohhran Secretary Evan. Jeno Vanlalruata kutah mi 2-in sual ngaihdamna Baptisma an chang nghal bawk.
● Lungleng I Kohhran: District Missions Director, Rev. K. Malsawmtluanga hmalakna hnuaiah, chawhma inkhawmah Presbyterian Kohhran aṭanga lo chhuak member 2 chu UPC (NEI) Lungleng I Kohhrana lawi turin a lawmlut nghal bawk a ni.
Tin, Tlangnuam Bial PYD leh Bial Missions Department bultumin, Pentecost Ni tlaiah Tlangnuam Bial chhunga Tualchhung Kohhran tinah a rualin chawnghei ṭawngṭai neih a ni bawk a ni.
----------
MISSIONS DEPARTMENT EXCUTIVE / OB ROREL PAWIMAWH TAK TAKTE
May ni 25, 2026 (Thawhtanni) khan North Mizoram District Missions Department chuan Executive / OB Rorel pawimawh tak an nei a. He hunah hian ram lak rawngbawlna leh Missionary-te awmna hmun hmasawnna tûr thil pawimawh tak tak hetiang hian an rel a ni.
Missions Department chuan Field-a thawk mêk Missionary-te thlarau nun chawmna leh hmalak dante thlir ho nan ruahmanna thar a siam:
Missionary Retreat: Field enkawltu Missionary zawng zawngte pualin June ni 5, 2026 (Friday) dar 10:00 AM-ah Headquarters Biak Inah Retreat neih tur a ni ang. He hunah hian Speaker bik awm lovin rawngbawltute hian hun an hmang ho dâwn a ni.
Solar Light: Missionary Quarters hrang hranga Solar Light mamawh a ni a, Bial hrang hrangah dil ni se an ti bawk.
Missions Field hrang hranga hmasawnna hna thawk turin hengte hi an rel bawk a ni:
Lianbuang / Rastali: Lianbuang leh Rastali Biak In sak ṭhat tura ruahman mêk chu hruaituten a hmunah ngei kalin an va enfiah phawt dâwn a ni.
New Eden Quarters: He Quarters thar hi tun atan chuan Sunday School Hall-ah hman rih turin an ruahman.
Sotapa Biak In: Sotapa Biak In electric lakna wire lo kâng chhia chu a thar leisak tura tih a ni.
North Thinglian Quarters: N. Thinglian Quarters chhuat chu Lei Cement (Concrete)-a siam ṭhat tur a ni a, he hna hi District Treasurer-in lo buaipui se tih a ni.
----------
PENTECOSTAL SCHOOL OF MINISTRY-IN REGISTRATION DAY HMANG DAWN
May 27 hian Pentecostal School of Ministry (PSM) chuan 'Registration Day' an hmang dawn.
He hun hi zirlai te puala 'Function' hman tur a ni a, chhun dar 1:00 ah chiah tan tur a ni ang. Biak In lama programme hman dan tur tlangpui chu hetiang hi a ni:
● Chairman: Rev. C. Lalthantluanga, District Secretary
● Hunserh: Pastor Lalhmangaihawma
● Thusawi: Rev. C. Lalmuanpuia, District Treasurer
● Benediction: Rev. K. Malsawmtluanga, Director Missions Department
PSM hruaitute chuan he hun hi zirlai tan hun pawimawh tak a nih thu sawiin, tluang taka hman a nih theih nan zirlaite duhsakna an hlan a ni.
----------
NORTH MIZORAM DISTRICT SUNDAY SCHOOL BOARD-IN HMA SÂWNNA PAWIMAWH TAK TAK AN REL
North Mizoram District Sunday School Department chuan May ni 27, khan North Mizoram District Committee Room-ah District Board pawimawh tak an nei a, Board Meeting hi Rev. K. Vanlaldika, Director District SS Deptt. chuan a kaihruai a, rorel tlangpui te:
● District SS Conference thlenna tur Kum 2028 thlenga ruahmanna awm sa bakah, kum 2029-a District SS Conference thlenna tur atan Maubawk Bial nise tih a ni a, hei hi Kum 2026 District SS Conference-a pawmpui tura pharh leh tur a ni.
● Kum 2027-ah District huap Sunday School Meet neih nise tha tih a ni a, Hruaitute ruahmannain Organizing pawh din nise tih a ni.
● North Mizoram District chhûngah Sunday School hming ziak punna kawngah ṭan lak ni se tha tih a ni a, District hruaituten ruahmanna an siam ang.
● Missions Field-a Sunday School pawimawhna uar zawka inzirtirna nei tura 'Sunday School Tour' buatsaih chu tha tih a ni a, kum thar budget-ah dah nise tih a ni.
● General SS Board ruahmanna anga Lunglei-a neih tur Inter-Doctrinal meet chu thlir lawk a ni a, programme kimchang an neih hunah District hruaituten aṭul dan angin hma an la zui ang.
---------
---------