Missionary tirhchhuah inkhawm
Aug ni 5, Pathianni zan khan Chaltlang Biak Inah General Missions Deptt in Missionary atana a laktharte tirhchhuah inkhawm buatsaih a ni.
Rev. Zohmingthanzama’n inkhawm kaihruaiin Rev. R. Laichhingpuia’n tawngtainain inkhawm a hlan a, Missionary te hriakthih leh tawngtaisakna Rev. Lalmalsawma Sailo chuan neiin Rev. V. L Tluanga Sinate in Tirhchhuahte chanchin a chhiarchhuahna a nei.
Rev. R. Lalhawia’n Missionary a kal turte tirhchhuahna a nei a, ram lak hna thawk tur an nih ang taka Lal Krista ram zau hna thawk tura fuihin Lal rawngbawl turin a tirchhuak a, malsawmna leh duhsakna a hlan.
Rev. R. Lalrinsanga’n fuihna thuchah a sawi a, Zaipawl General PYD Choir leh Pentecostal Choir ten zaia rawngbawlna an nei a.Rev. Darchhawna’n malsawm tawngtaiin inkhawm a tin.
Missionary tirhchhuah te hi Lunglei Bazar Kohhrana lawi Evan. H. Ramfanzauva, Arunachal Field Manigong a awm tur leh Manipur Senvon Kohhrana lawi Evan. John Pulamte, Dimapur field, Diphu a awm turte an ni.
General Hqrs Office tlawh :
August ni 7, Thawhlehni khan Bilkhawthlir bial chhunga Kohhran Upa ten Bialtu Pastor Lalpianthanga hovin General Hqrs Office an tlawh.
Bilkhawthlir bial Upa te hian Kohhran hmun hma leh kohhran hmasawnna hrang hrangte hmuh an duh avangin Aizawla Kohhran hmun hma hrang hrangte hi tlawh chhuah an duh a, Programme siamin August ni 7, Thawhlehni khan Aizawl khawpui chhunga Kohhran Office, Aizawl East, North Mizoram leh General Hqrs Office te an tlawh a ni.
General Hqrs Office ah hian General Hruaituten lo dawngsawngin Office thawktute nen duhsakna hun leh report pek tawnna hun an hmang a. General Hqrs Office atan sana lian tha tak an present a, Pennet-ah lengkhawm hla 2-an record bawk.
Tawngtai thupui tur buatsaih :
Aug ni 15, Independence Day lo thleng tur pual hian North East India UPC, General Headquarters Office, Mualpui Salem veng Aizawl chuan Information and Public Relations, Gov’t of Mizoram atanga lehkha a hmuh bawhzuinan India Hmarchhak UPC Kohhran hote tawngtai thupui tur hetiangin ruahmanna a siam a, Kohhran hoten ngaipawimawha thahnemngai taka lo tawngtai turin min ngen a ni :
Tawngtai thupui tur te :
1. Pathian Engkimtitheia’n kawng tinrenga kan ram leh hnam min hruainaa lawmthusawina.
2. Kan Sawrkar laipui leh State hruaitute tana tawngtaisakna.
3. Ram leh Hnam inpumkhatna leh inunauna tha zawk a awm zel theihnana tawngtai.
4. Remna leh muanna tha tak a awm theihnan ram chhung leh pawn lam hmelmate lak atanga venhim dilna.
General Suptd Rev. Lalmalsawma Sailo chuan hetiangin Kohhran hote hnenah ngenna a siam :
“Heng thupui hmang hian Kohhran hote’n kan chhung inkhawm, zing tawngtai leh Kohhran inkhawm tawngtainaah te, kan remchan dan apianga thahnemngai taka tawngtaina neih nise tiin.
Chawnghei Tawngtai runpui buatsaih dawn
Thla thar September ni 17 atanga ni 23 chhung hian Chawlhkar khat chhung India hmarchhak pum huapa Chawnghei tawngtai runpui buatsaih leh a ni dawn.
United Pentecostal Church of North East India Kohhran rorelna sang ber General Coference rorelnain a pass angin kumin 2018 September thla hian chawnghei tawngtai runpui neih leh a ni dawn a. Tualchhung Kohhran tina thahnemngai taka bawhzui tur niin hriattirna pawh thawnchhuah vek a ni tawh a. NEI UPC General Suptd Rev. Lalmalsawma Sailo chuan Kohhran hoten thahnemngai leh urhsun taka he chawlhkar khat chhunga chawnghei tawngtai hun hi lo buatsaih theuh tur leh Kohhran mi a tam thei ang ber tel turin Kohhran hote min ngen a ni.
Tawngtai thupui tur hi hlawm lian tak tak pasarih siamin, thensawm leh a ni. A hlawm lian 7 te tarlang ila :
1. Sual thupha chawia tawngtaina.
2. Pathian ngaihdamna leh malsawmna dila tawngtai.
3. Kan rama chhiatna lo thleng thei laka Pathian venna dila tawngtai.
4. Thlarau thianghlim harhna lo thlen theihnan.
5. Thianghlimna kawnga Kohhranten chak lehzuala ke kan pen theihnan.
6. Ram lak rawngbawlnaa chak zawka ke pen a nih theihnan.
7. Inremna leh thawh hona tha a awm zel theihnan.
Hruaitute Programme :
General Secretary Rev.R. Lalrinsanga leh General Treasurer Rev. Zohmingthanzama te chuan Aug ni 9, Ningani khan Aizawl chhuahsanin Tripura an pan a, Tripura District chhungah Kohhran rawngbawlna pawimawh hrang hrang thawkin hun an hmang ang.
General Sunday School Director Rev. R. Laichhingpuia chuan Aug ni 10 atanga ni 12 chhung hian Lunglei Pukpui bial chhungah rawngbawlna neiin hun a hmang a, Aug ni 11, Inrinni chhunah Pukpui Bial Sunday School buatsaihin College veng Kohhranah Seminar an nei a, Inrinni zan atanga Pathianni zan thleng Pukpui bial chhunga Local hrang hrangah rawngbawlna a nei kual.
ASC Home tan thilpek hlan :
1. Aug ni 4, Inrinni khan Saipum Local PYD te chuan ASC Home an tlawh a, member thahnem tak kalin Home tan an mahni thar chhuah thlai leh Thingtuah tur hlanna an nei a ni.
2. Aug ni 8, Nilaini khan Hmar Chaltlang Local ten ASC Home an rawn tlawh a, motor pickup pahnih a kal in member thahnem tak kal in thing leh an mahni thar chhuah thlai te Home tan an hlan.
3. Mark Harris leh Rev Biaksangliana, Kolkatta Missionary te chuan Aug ni 8-10 chhung khan Home tlawh in zan lamah Mark Harrisa’n naupang leh thawktute Pathian thuchah sawina a nei thin a ni. He tih rual hian Kolakatta field te hian dar thar tha tak mai Home tan anhlan bawk a ni.
Lunglei District Board
August ni 10, zirtawpni khan Lunglei District Board vawi 193-na chu District UPC Conference Hall-Chanmari ah neih a ni. He board hian District Board vawi 192-na in Board leh a rel tur atana a dah thupawimawh hrang hrang an ngaihtuah.
North Mizoram District Hruaitute Programme
District Supdt. Rev. Laltluanga leh District Treasurer Rev. K. Lalduhsanga te chuan Aug. ni 12 khan Dimapur Mission Field, Balipatthar-a North Mizoram District Missions Deparment tena Biak in an sak sak hawn Programme-ah kalin, District Supdt. Rev. Laltluanga’n Biak in a hawng.
District Secy. Rev. Chhiarpuia chuan Aug. ni 10 Inrinnni khan Kolasib Venglai Bial Rengtekawnah Rammuin a fehchhuak a, rawngbawlna a nei.
District Treasurer Rev. K. Lalduhsanga chu Aug. ni 7 thawhlehni khan Mamit Bial Quarter sak mek en leh Kohhran thil tul dang buaipuiin Mamit-ah hun a hmang.
N. Mizoram Dist. SS Secretary Evan. H. Lalrinngheta chuan Aug. 4 leh 5 chhung khan Reiek Bial Reiek kohhran leh Ailawng kohhranah Gen. Sunday School kumpuan bawhzuinan “Kan fate i chhanhim ang u” tih thupui hmangin rawngbawlna a nei.
Dist. SS Secy. hian Aug ni 4 Inrinni zan khan Ailawng Kohhranah rawngbawlna neiin; kohhranhoin a rawngbawlna an hlut hle a, Thlarau lam boruak pawh a tha hle. A tuk Pathianni Aug. ni 5 chhun leh zan Reiek Kohhranah hmangin he tah pawh hian Thlarau lam boruak a tha hle bawk.
Rammu in chhuak :
N. Mizoram Dist. Supdt. Rev. Laltluanga chu Aug. ni 4th khan Bukpui Bial, Lungmuatah Rammut programme hmangin a kal, Lungmuat kohhranah hian Inrinni zan atangin rawngbawlna a nei nghal.
Rammua fehchhuak Dist. Supdt. hi bialtu Pastor R.Thanglura, Evan.Lalthazuala sailo Central Jail veng leh Sis.Lalngaihawmi Lengpui ten an tawiawm a. Lungmuat kohhran hi In 40 vel niin members 218 an ni.
Dist. Supt. hian inrinni zan atanga Pathianni zan thleng thuhril rawngbawlna neiin, Thuthlung a rinawm tur te, Thianghlimna vawng nunga, Chanchintha puang darh zel a, Hmangaihna a in dawm tawn a tul zia sawiin kohhram ho te fuih tharna a nei.
District LAD Executive Meeting
North Mizoram District LAD Executive Meeting chu August ni 1 Nilaini khan District Office, Supdt. Office ah neih a ni.
Meeting hi District LAD President Sist. P.C Lalromawii’n a kaihruai a, District hruaitu pahnih Superintendent leh Treasurer ten an telpui.
Meeting-ah hian kumin October ni 12-14 chhunga District LAD Golden Jubilee Conference Thenzawl Biala neih turah Prorgramme tlangpui an duang a, Conference hawng turin Rev. K. Lalduhsanga Dist. Treasurer ruatin; Conference leh confe inkara LAD member chatuan ram pan ta te sunna hun hmang turin Rev. Chhiarpuia Dist. Secretary ruat a ni bawk. Conference Golden Jubilee Souvenir Bu Released turin Rev. C. Lalthantluanga Dist. Missions Director ruat a ni bawk a ni.
Golden Jubilee Conference thupuiah “Puitlin lam i pan ang u” (Heb. 6:1) tih chu passed a ni.
Golden Jubilee Conference -ah hian Speaker hran nei lovin; Dist. LAD Presidednt Sist. P.C Lalromawii B/W, Gen. LAD President Sist. Lalchangliani Sailo B/w, Rev. Laltluanga North Mizoram District leh Rev. Lalmalsawma Sailo, General Supdt. te hman an ni ang.
LAD Golden Jubilee Souvenir Committee
North Mizoram District LAD Golden Jubilee Souvenir Committee chu Aug, 3 Zirtawpni chawhnu khan North Mizoram District Office, Supdt. ah meeting an nei.
Chairman Sist. P.C Lalromawii B/W in meeting a kaihruai a, District LAD Golden Jubilee hriatrengna tura Lehkhabu an buatsaih turah hma lo lak tawh dan te thlir hovin, hmachhawp awm te sawiho a ni a. September thla chhung ngeia lehkhabu peih thei tura hma lak an rel.
District Office tlawh
Aug Ni 7, Thawhlehni khan North Mizoram District Office, Tuikhuahtlanga awm chu Bilkhawthlir Bial chhunga Local 6-a rawngbawltute chuan tlawhin Thilpek tha tak an hlan.
Bilkhawthlir biala rawngbawltute’n District Office an tlawhah hian Inkhawm tawi hmangin Bilkhawthlir Bialtu Pastor Lalpianthanga’n Office a an tlawh chhan te sawiin; Bilkhawthlir Bial chhunga Rawngbawltuten kohhran hmun leh hma bakah kohhran hmasawnna leh dinhmunte a hmun ngeia hmuh an duh avanga Excursion programme siam an nih thu a sawi.
District Supdt Rev. Laltluanga pawhin thu sawiin Kohhran hmasawnna hrang hrang te bakah Office kalphung tlangpuite a sawi bakah Bilkhawthlir ten Office an rawn tlawh chungchangah lawmthu a sawi bawk. District Secy. Rev. Chhiarpuia pawhin thu sawiin Dist. Office staff te inhmelhriattirna neiin Office Building awmzia te leh kohhranin hmunhma a neih hrang hrang leh Kohhranin hma a lakna leh hmasawnna hrang hrang te a report bawk a ni.
District Supdt Rev. Laltluangan Lawmthu sawi tawngtai a neih zawh hnuah Thingpuite in hovin Hqrs. Biak in, Comt Room leh PG School te an tlawh kual a ni.
N. Mizoram Dist. Gospel Camping leh Revival Crusade
1. Kolasib venglai bial chuan July ni 30 atanga Aug n i 4 chhung khan Susanne Downs Boarding School Khuangpuilamah Gospel Camping an buatsaih.
Gospel Camping-ah hian District Tirhkoh Ramtlan Evan. C. Zoramthara chu speaker atana hman a ni a, Speaker hi Bro. K. Rodingliana, Bro. Rosangliana, Bro. Vanlalhausaa leh Sis. Lalchhanhimi ten an tawiawm a ni.
Campers hi an vaiin mi 66 niin; Mipa-48 leh hmeichhia -18 an ni.
Camping buatsaih a hlawhtlingin Baptisma chang mi 41 awmin Pawl dang atangin member 7 laiin sual ngaihdamna Baptisma an chang thar bawk. Camping atang hian Siamtharlehna chang mi 45 awmin Followup Programme Project Local neih chhunzawm a ni a, rawngbawltute inpekna a ropuiin Lalpan mal a sawm hle a ni.
–
2. Zawlnuam Bial, Bawrai kohhran Crusade neih kal zelah Aug. ni 5 Pathianni khan Bro. Lalramchhuanmawia rawngbawlna kaltlangin mithar pahnih Pentecost Kohhranah sengluh an ni.
Member tharte hian Sual ngaihdamna Baptisma chang nghalin, Zawlnuam Bialtu Pastor, Pastor K. Malsawmkima’n Baptisma hi chantirin Kohhranah a senglut nghal a ni.
Speaker P.C Lalramchhuanmawia hi Brenda Lalremdiki soloist, Zomuana leh Ramdinthara Bairabi a mite leh Frencis Dokhuma Luimawi leh Bro. K.Malsawmkima Zawlpui kohhran ten an tawiawm a ni.
–
3. Kawnpui Chhimveng kohhran buatsaihin Revival Crusade ni 16 chhung neih a ni.
Crusade hi July ni 21 Inrinni zan atanga Aug. ni 5 Pathianni zan thlenga neih niin Evan. C. Lalruatsanga, Sialsuk Biala Sialsuk Bialte’n rawngbawla an rawih mek chu Speaker atan hman a ni a.
Speaker hi Bro. Robert-a, Chawnpui leh Bro. Lalhawngliana, Chamring ten an tawiawm a ni.
Kawnpui Chhimveng biak inah bul an ta a, biak in bakah hian kohhran mipuite mamawh dan a zirin, kohhran inah te inkhawm kualna neih thin a ni bawk. Rawngbawltute inpekna Lalpa’n mal a sawm a, kohhranah siamtharna a thleng nasa hle.
Rawngbawlna rah duhawm tak avangin Chhimveng kohhran chuan Pathian hnena lawmthu sawi Chawimawina Aug. ni 4 Inrinni khan neiin hlim takin hun an hmang. Crusade neih chhung hian mi 4 in Isua hmingin Sual ngaihdamna Baptisma an chang. Crusade chhung hian bial chhung local dang atang leh Kolasib atangin chhimtu thahnem tak an awm thin bawk.
Solfa Training
North Mizoram District PYD hnuaia District Music Committee buatsaihin District huamchhung PYD member a duh apiang tana zir theihin Solfa Training Aug. 7, Zing atang khan N.Mizoram District, Hqrts. Kohhran Committee Room-ah tan a ni.
He hun hi Evan F.Lalngaihawma N.Mizoram District PYD President in hawngin Pathian hnenah hlanna a nei a, Aizawl khaw chhung leh pawn atanga lo kal zawng zawng ten hlawk tak a an hman theihnan duhsakna a hlan a, mahni local leh Bial theuhah tangkaina nei thei turin rim leh taima taka zir turin a fuih, a ni khatnaah hian member 19 in Registration an ti tawh a, an pun zel pawh beisei a ni.
He training hi August thla chhung awh tura buatsaih niin; August Ni 30 ah exam neih tur niin a tuk Ni 31 ah Result puan leh lawmman sem na neih a ni bawk ang.
Solfa Trainingah hian Evan PC Lalrokima, Bro Johny Lallawmkima leh Bro C. Zairemmawia ten zirtirna an pe a, an vai hian District PYD Choir Conductor mawhphurhna lo chelh tawh niin; Bro. C. Zairemmawia hian tunah District Choir Conductor hna a thawk mek a ni.
Chawnghei Tawngtai
August ni 2, Ningani atang khan Barak District Board members te chuan chawnghei tawngtai an buatsaih.
Chawnghei tawngtai hi zing dar 7 atanga tanin nilengin neih a ni. An tawngtai thupui te :
1. Lawmthu sawina leh mahni theuh inhlan tharna
2. Sual thupha chawina
3. Mi thar dilna
4. Member zawng zawng tana taksa malsawmna an dawn theihna tura tawngtaisak
5. Member ten Thlarau malsawmna thar an dawn theihna tura tawngtaisak
6. Bial leh Department tin hruaitu zawng zawng tan
7. Bialtu pastor zawng zawng leh missionary tan
8. District Official leh pastor te tan
9. District Department hruaitute tan
10. District chhunga kohhran mipuite leh rawngbawltute inkara inremna leh thawhhona tha a awm theih nan
11. Damlote tan Damna Pathian hnena dilsak
12. An tu leh faten sual kawng an zawh lo va Pathian lama an rilru an pek theih nan
13. Sawmapakhat dik taka kan pek theuh theih nan
14. Budget ruahmanna a hlawhtlin theihnan.
15. General Official leh staff zawng zawng tan
16. General levela department hruaitute tan
17. Northeast India UPC missionary zawng zawng tan
18. Khawvel pumpuia UPCI General hruaitute tan
District PYD Media Cell
August 3, Zirtawpni khan Barak District UPC Office, Hmarkhawlien ah Barak District PYD Media Cell Committtee neih a ni.
Meeting-ah hian Social Media hman dan chungchang inzirtirna SEMINAR buatsaih nise tihte, Social Media hmandan chungchanga kohhran mite tih ve loh tur te leh kan lo fimkhurna turte Media Cell hminga Circular chhuah nise tihte an rel a ni.
Chhimtuipui District rammut report
1. Pastor V.Lalhlimpuia Bungtlang South Bialtu Pastor leh Hmawngbu Field a Home Missionary Evan.T.Ngurchhuana te chuan District Rorel bawhzuiin Tuidangchhuah ah rawngbawlin an rammu a, Aug 5, Pathianni khan an rawngbawlna atangin Mi 9 in sual ngaihdamna Baptisma an chang a, chhungkaw khat member 4 Kohhran ah an senglut nghal.
2. Aug ni 03-06 chhung khan Sangau bial leh South Lungpher bial ah Dist Mission Dept director Rev.Ramthatzawla leh Leh Dist evangelist Evan.Robert.B.Lalnunsiama T te rawngbawlna an nei a,
Aug 4, Inrinni khan Sentetfiang local, Sangau bial ah chhungkaw khat member-2 te chu District Mission Director Rev.Ramthatzawla’n Kohhranah a senglut.
3. Aug ni 5, Pathianni zan khan Cheural local ah chhungkua khat member 5 the chu kohhranah sengluh an ni. Tun hnai maiah Cheural local-ah hian chhungkaw 5 atangin member 25 sengluh an ni tawh.
4. Dist Suptd Rev.Thanchunga Sailo chuan Aug 03-05 chhung khan Tuipang bialah kohhran te kanin local hrang hrangah rawngbawlna a nei a. Dist Suptd hi Sis.T.Lallianmawii Dist LAD President chuan a tawiawm a ni.
5. Aug ni 4 atanga ni 7 chhung khan Rev.Ramthatzawla District Missions Director leh Dist Evangelist Evan.Robert.B.Lalnunsiama T chuan Sangau bial local hrang hrang leh Cheural local, South lungpher bial ah rawngbawlna an nei. Aug ni 4, Inrinni khan Pangkhua ah rawngbawlna neiin, Pathianni khan Sangau I local leh Sangau II ah rawngbawlna an chhunzawm leh a, Dt.06.08.18 khan Cheural localah rawngbawlna hi chhun zawmin hun hlimawm tak an hmang.
Ramthim bawm vahchhuahpui
Chhimtuipui
District conf rorel bawhzuiin Siaha bial chhung local hrang hrangah ramthim bawm vah pui chhunzawm a ni.
Local thenkhat chuan sunday tinin ramthim bawm hi Biak In kawtah an dawh thin a.
College veng Local te chuan chuan Ramthim bawm in tinah an vahpui a, Tawngtaina leh huntawi hmangin chhungkaw tin an fang chhuak a ni. Pathian malsawmna dawngin sum thahnem tak an hmuchhuak a, an vahchhuahna programme pawh Kohhran ten an hlawkpui hle a ni.
Chhimtuipui District Mission Department in tun dinhmuna Home Missions Field- 10 a enkawlna hmun leh thawk tute :
1) Vahai Field : Evan.LC Khailawng te chhungkua
2) Vartekkai : Evan.T.Lalhmingthanga te chhungkua
3) Chawngte C Field : Evan.Lalzawmsanga
4) Hmawngbu Field : Evan.T.Ngurchhuana
5) Hmunnuam Field : Evan.C.Lalhmangaiha te chhungkua.
6) Sihtlangpui Field : Evan.C.Lengkhara te chhungkua
7) Ephatha (Non Mizo): Evan.Larry Lalliandinga te chhungkua
8) Pangkhua Field : Evan.B.Lalbiakchhunga
9) Vaseikai Field : Evan.R.Lalhriatpuia
10. Damdep Field : Evan.R.Lalmawithanga
Heng bakah hian District Missions Dept. hnuaiah hian a tulna hmun apianga rawngbawl turin District Evangelist pahnih Evan.Robert B.Lalnunsiama T. leh Evan.N.Thanghnuna te an ruai mek a. Evangelist Teacher pahnih Bro.J.Malsawma Lunghauka leh Bro.Rangbahadur Sabualtlang te an ruai mek bawk.
Kumpuan committee
July 20, Zirtawp zan khan Peniel Sunday School Hall-ah Aizawl East District PYD Kumpuan Committee neih a ni. An rorel tlangpui te:
1.General PYD Kumpuan Committee in District Kumpuan Sub-Committee te hmalakna
tur hrang hrang Circular a chhuah chu hetiang hian ngaihtuah a ni :-
i) Kut hnathawka mi hlawhtlingte Media-a tih chhuah tur in kawmna hun buatsaih nise,
Bial tin ah Lehkha thawn chhuakin August thla chhungin District Kumpuan hruaitute hnenah
report hi thehluh ni se, report luh dan a zirin rel that leh ni se tha tih a ni.
ii) Kumpuan ‘INTODELH’ avanga hlawhtlingte General PYD Kumpuan Committee-ah report ni se.
iii) District PYD Conference-ah Kumpuan pualin hun hman dil nise.
2. Kumpuan Campaign-a chhuah leh ni se tha tih a ni a, Group thum ah in thenin August 13, Thawhtan zanah Upper Republic Bial, Mualpui
Bial leh Bethlehem Bial tlawh nise, August 27, Thawhtan zan ah Bawngkawn Bial, Thuampui bial leh Zemabawk Bial tlawh nise tha tih a ni a, Programme pawh an siam fel nghal a ni.
Aizawl East District Hruaitute Programme
Rev Rosanga Kawlni, District Superintendent chuan August 11, Inrinni khan Chhingchhip Bial, Hualtu Biakin hawnna neiin Pathianni thleng Hualtu-ah hian rawngbawlna a nei chhunzawm a, ruahmanna ang chuan Thawhtanni-ah Aizawl a let ang.
Rev Biaksangzuala, District Secretary te chhungkua chuan vawiin Pathianni khan Dist.Hqrs.Kohhrana revival Crusade kal zelah Pathianni chawimawina neiin Kohhran hoten hlim takin hun an hmang a, Pathianni zan thleng hian Evan R.Vanchhunga’n rawngbawlna a nei a ni.
Rev Darchhawna, Missions Director chuan N.Khawleka Upa Lalmuana te chhungkua in Pathian chawimawina an neihah Speaker-ah tangin rawngbawlna a nei a ni.
Facebook