Pennet News Service : September 9 -16
Chawnghei tawngtai runpui :
September 17 -23 chhung hian India hmarchhak pum huapa Chawnghei tawngtai runpui buatsaih a ni dawn.
North East India UPC Kohhran rorelna sang, General Conference in a lo pass angin chawlhkar thar lo awm tur September ni 17 – 23 inkar hian tlai tin, tualchhung Kohhran tin ten Chawnghei tawngtai Beihpui thlak a hun hman tur a ni a, Tualchhung Kohhran tina thahnemngai taka bawhzui tur niin hriattirna pawh thawnchhuah vek a ni tawh a. NEI UPC General Suptd Rev. Lalmalsawma Sailo chuan Kohhran hoten thahnemngai leh urhsun taka he chawlhkar khat chhunga chawnghei tawngtai hun hi lo buatsaih theuh tur leh Kohhran mi a tam thei ang ber tel turin Kohhran hote min ngen a ni.
Tawngtai thupui tur pawh hetiang hian siam a ni :
Sept ni 17, Thawhtan zan: Sual thupha chawia tawngtaina:
Sept ni 18, Thawhleh zan: Pathian ngaihdamna leh Malsawmna dila tawngtaina.
Sept ni 19, Nilaini Zan: Kan ram chhiatna lo thleng thei laka Pathian venna dila tawngtaina
Sept ni 20, Ningani zan: Thlarau thianghlim harhna lo thlen theihnan.
Sept ni 21, Zirtawpni zan: Thianghlimna kawnga Kohhranten chak lehzuala ke kan pen theihnan.
Sept ni 22, Inrinni zan: Ram lak rawngbawlnaa chak zawka ke pen a nih theihnan.
Sept ni 23, Pathianni zan: Inremna leh thawh hona tha a awm zel theihnan.
——-
General Hruaitute Programme:
General Superintendent Rev. Lalmalsawma Sailo chuan Sept. 10 atanga 12 chhung khan Barak District Board a telpui a, Sept. ni 14 atanga 16 chhunga North Mizoram Dist. Chaltlang Bial ten Revival Crusade an buatsaihah Speakerah tang in rawngbawlna a nei.
General Secretary Rev. R. Lalrinsanga chuan Sept. ni 11 atanga 13 chhung khan Aizawl East Dist. Khawzawl Venglai kohhran ten Silver Jubilee an lawmna ah Speaker ah tang in rawngbawlna a nei.
General Missions Director Rev. R. Lalhawia chuan Sept. ni 14 khan Aizawl chhuah sanin, Dimapur Field a kohhran rawngbawlna pawimawh hrang hrang thawk tur in a kal a, ruahman dan chuan Sept. 18 ah Thawhleh ni ah Aizawl a let ang.
——
Social Work Day hman dan tur :
Lunglei Town area PYD te Social Work Day hman dan tur ruahmanna siam a ni.
Sept. ni 9 Pathianni khan Lunglei District PYD Board-in, Town Area ten Social Work Day a huhoa hman nise tia a lo rel bawhzuiin, District Conference Hall-ah Social Work Day Committee hruaitute leh Town area Local PYD aiawh ten Committee an nei a, an rorel langsar zual te:
Social Work Day hi Lunglei khawpui chhung tihfaina atan hman tur a ni ang a, a tihfaina tur hmun tak chu hruaituten lo enfel se tha tih a ni.
Hetiang hian Programme siam a ni.
– Innghahkhawmna tur hmun : Convention Centre kawt
– Khuallian : Andrew Lalhruaia, UD&PA
– Chairman : Evan.Laldinpuia Sailo
– Report : H.Lalhmingmawia
– Hunserh : Rev.C.Lalrintluanga, Dist.Treasurer
– Tan hun : zing Dar 10:30 AM
iii. Social work Day atana hman tur Rs.16000 chu Town area Local hrang hrangah sem ral a ni bawk
iv. Sazaikawna District PYD zunin siam that a, tihfai nise an ti bawk.
——
Bial Missions Conference :
Sept. ni 14 zan atang khan Chhipphir bial Missions Conference chu Chhipphir biak inah neih a ni.
He Conference ah hian Speaker atan Lunglei District Missions Director Rev. VL. Hmuaka chu hman niin, thupui atan ‘Boral mekte chhanchhuak thuai rawh u’ tih chu hman a ni a, He Conference hian Sept. ni 16 Pathianni zan thleng a awh ang.
——
Lunglei PCD OB Meeting :
Sept. ni 3 thawhtanni khan Pentecostal Children Department (PCD) Lunglei District OB Meeting chu District Secretary room-ah neih a ni. An rorel langsar zualte:
Oct. ni 19-a District PCD Meet neih turah lawmman hetiang hian siam nise:
Worship dance –
Pakhatna Rs.5000 + Certificate
Pahnihna Rs.3000 + Certificate
Pathumna Rs.2000 + Certificate
Solo
Pakhatna Rs.3000 + Certificate
Pahnihna Rs.2000 + Certificate
Pathumna Rs.1000 + Certificate
September ni 29-30 chhung a Theiriat bial PCD ten Dawn Local-a Sport cum Rally an hman turah District PCD hruaituten telpui nise tha tih a ni.
District PCD Meet, Solo intihsiakna a pakhatna hi All India Radio Lunglei nen contract an sign dawn a, Radio-ah hian hla 4 a thun ang.
——
Lawmthusawi chawimawina :
Sept. ni 15 inrinni khan Hnahthial Electric Local-ah Bro. Lalnuntluanga te chhungkua chuan Pathian hnena lawmthu sawi chawimawina an buatsaih a, Speaker atan Rev. PC. Lalrosanga chu hmangin, hlim takin hun an hmang.
——
Financial Campaign :
Sept.16 Pathianni hian Bunghmun bial Conference rorel bawhzuiin Sesawm vengthlangah Financial Campaign neih a ni a, bial hruaitute bakah Laisawral Home Missionary Evan.K.Lalhlupuia ten Campaign hi an nei a ni.
——
Mi thar senglut :
Sept. ni 2 Pathianni khan Thingfal Local-ah bialtu Pastor Rev.H.Rothuama chuan mi 7 Isua hmingin baptisma a chan tir a, an zinga pakhat hi mi thar a ni.
Sept. ni 9 Pathianni khan Rangte N Local-ah Evan.HC.Vanhmingthanga chuan mi thar pakhat kohhranah a lawmlut.
Sept.ni 9 Pathianni khan Hnahthial Electric Local-ah bialtu Pastor Rochungnunga Renthlei chuan puitling pahnih Baptisma a chantir a, pakhat hi mi thar a ni a, kohhranah lawmluh nghal a ni.
——
Bial PCD Sport Meet :
Sept. ni 15 inrinni khan Pukpui bial PCD-te chuan Thuamluaia Mualah bial PCD Sport Meet an buatsaih a, bialtu Pastor Rev.PC.Nghakliana chuan hunserh hmangin a telpui. He Sport Meet ah hian bial chhung Local hrang hrangten item hrang hrang hmangin intihhlimna an nei a ni.
—–
Rawngbawltu Ni hmang :
Sept.15 inrinni khan Dawn Local-ah rawngbawltute leh Department-a chanvo neitute pualin ‘Rawngbawltu Ni’ hmangin Seminar neih a ni.
He Seminar ah hian thupui atan ‘Rawngbawltute Thlarau Thianghlimah’ tih chu hman a ni a, resource person atan Rev. R. Vanlalenga bialtu Pastor chu hman a ni.
——
Barak District Board :
September ni 11 Thawhlehni khan Barak District UPC Office, Hmarkhawlien ah Barak District Emergency Board neih a ni.
Board hi District Superintendent Rev. H. Lalramlien chuan kai hruaiin, Rev. Lalmalsawma Sailo, Gen Suptd, chuan a tel pui bawk. An thurel tlangpuite chu :
1.Pentecostal Voice Agent siam tharna neih a ni a, hetiangin siam thar a ni:
Haflong Section: Evan.N.K.Hau Vaiphei;
Vangai Section: Bro.L. Hmunsang leh Bial dang zawng chu an Bialtu Pastor zel kha agent atan ruat an ni.
2.Jinam Valley a Crusade tura ruahmanna siam tawh chu remchan lohna avangin Saikulphai, Jiribam Bial-ah sawn a ni a, a hun erawhchu a pangngai October ni 2 atanga October ni 7 a ni ang.
3. Evan. Lalropuia Joute, Missionary, Karimganj Home Mission Field chu Silchar City ah sawn a ni.
4. District leh District Department hruaitu ?henkhat nihna siksawi a ni a. District Treasurer ni lai mek Evan. Hmangaithang chu District Secretary hna chelhkawp lailawk tura ruat a ni a. Tin, Evan. Thangsangvung, Kangrengdawr chu District Sunday School Secretary atan ruat a ni bawk. Evan. Lalropuia Joute chu District PYD President ah hlankai a ni a, District PYD Asst.Secy. ni lai mek Michael Lalramtiem chu District PYD Secretary ah hlankai a ni bawk a ni. Heng ruat tharte hian Ni 17.9.18 ah charge an la ang.
——
Bial Sunday School Conference Report :
Aizawl East District hnuaia Bial hrang hrang ten September 7, Zirtawp Zan atanga Bial Sunday School Inkhawmpui an hman chu September 9, Pathianni Zan khan Pathian Thlarau Thianghlim awmpuina hnuaiah hlim taka hman zawh a ni.
Inkhawmpui tan zan, Zirtawp Zan khan Bial thenkhatah chuan Tualchhung Kohhran hrang hrang ten report pe in Puitling lamin intihsiakna an nei tan a, Bial thenkhat erawh chuan Inrinni rorel inkhawm neihah Tualchhung report an pe thung a ni. September 8, Inrinni nileng khan mahni Bial inawpna leh District-a lut turte ngaihtuahin rorel inkhawm neih a ni a, he hunah hian Bial Sunday School Secretary leh Treasurer ten report an pe bawk a ni.
Sunday School Inkhawmpui-ah hian Naupang lamin mal zai, thu leh thu inchhang, Recitation, Lengkhawm zai leh Group zai te a intihsiakna neiin Bial thenkhat-ah chuan Puitling lamin Lengkhawm zai leh Puitling Zirlaibu atangin Quiz intihsiakna an nei ve bawk a ni. Bial thenkhat chuan intihsiakna nei lovin Fellowship anga hun hman a ni a, Naupang lam ten Item chi hrang hrang hmangin Pathian fakna an nei thin a ni.
Tun dinhmunah Aizawl East District chhungah hian Bial 30 awm mekin Puitling leh Naupanga Sunday School hming ziak singkhat leh sangriat dawn an awm mek a ni. District Sunday School hruaituten hetiang hian khawmpui an hmanpui a ni: District S.S Director Rev C.Maqwizuala leh Upa Rodailova Zote, Treasurer te chuan Zohmun Bial hmanpuiin Secretary Evan Hr.Lalrindika’n Bawngkawn Bial a hmanpui bawk a ni.
Bawngkawn bial te chuan Inkhawmpui vawi 24-na, Peniel Biakin, Bawngkawn Chhim Vengah an hmanga , Intihsiakna awm lovin Naupang ten Item hrang hrang hmangin Pathian fakna an nei thin a, Inkhawm apiangin Sunday School Kumpuan “Kan fate i chhanhim ang u” tih hlawhtlin nan Thupui hrang hrang hmangin Thusawi tawi ngaihthlak thin a ni bawk. Inrinni nileng khan rorel inkhawm neiin hetah hian Kum 2019 Bial Sunday School Inkhawmpui vawi 25-na, Silver Jubillee lawm dan tur an ngaihtuah bakah Naupang lang camp chungchangte, Joint Fellowship neihte an rel a ni.
E.Lungdar bial te chuan Bial Hqrs. E.Lungdar hmunah Bial Sunday School Inkhawmpui vawi 32-na hi an hmang a, Inkhawmpui-ah hian bial chhunga khaw awm Sailulak, Leng, N.Mualcheng leh E.Lungdar te atangin Solo, Recitation, Thu Inchhang leh Bible chang hmangin intihsiakna neih a ni a, Leng Local pakhatna niin Sailulak leh E.Lungdar Local ten an dawt a ni. Pathianni chawhnu inkhawm banah rorel inkhawm neiin Pathianni zan khan Bialtu Pastor K.Lalhmingmawia hnen atangin thuchah ngaihthlak a nih bakah lawmman semna an nei bawk. E.Lungdar bial te hian nakumah Leng Local-ah Bial Sunday School Inkhawmpui hi an hmang leh dawn a, Kuminah hian palai mi 200 vel an kal thei a ni.
Suangpuilawn bial te chuan N.Khawlek hmunah Bial Sunday School inkhawmpui hi hlawhtling takin an hmang a, Inrinni khan rorel inkhawm neiin Inrinni zanah puitling lamin Quiz hmangin intihsiakna an nei a, Pathianni chawhma leh zanah naupang lamin intihsiakna hi an nei ve bawk a ni.
Thingsulthliah bial te chuan Tlangnuam hmunah Bial Sunday School Inkhawmpui vawi 25-na hi September 8, Inrinni atang khan hmang tanin Bialtu Pastor Rev Rohmingliana’n hlanna a nei a, rorel inkhawm neih chhunzawm nghal a ni. Inrinni zan khan Puitling lamin Zirlaibu atangin Quiz inelna an nei nghal a, Pathianni-ah naupang lamin thu leh hla hmangin intihsiakna an nei ve bawk a ni. Thingsulthliah bial Sunday School Inkhawmpui-ah hian palai 300 chuang kalin Kum 2019-ah Thingsulthliah hmunah Inkhawmpui an hmang leh anga, Sunday School Kumpuan ‘Kan fate i chhanhim ang u” tih chu chak zawka hmalak ni se an tih bakah Pastor Qrts.-a vawn turin Archive Cell din te, Bial Sunday Schhol hmingin Thingsulthliah Damdawiinah Poor fund pek te an rel a ni.
Serchhip Bial te chuan New Serchhip hmunah bial Sunday School inkhawmpui vawi 39-na hi September 7 atanga 9 chhung khan hlim takin an hmang a, Inrinni khan rorel inkhawm New Serchhip biakin-ah neiin New Serchhip YMA Hall-ah Naupang pualin hun hman a ni bawk. Inkhawmpui tan zan khan Puitling lamin Quiz intihsiakna neiin Inrinni zan atang khan Naupang lamin thu leh hla hmangin intihsiakna an nei a Pathianni chawhnu-ah Fellowship neiin zan-ah result puanna an neih bakah Bialtu Pastor B.Lalengzauva hnen atangin thusawi ngaithlak a ni a, Bial PYD Education Sub-Committee ten zirlai titha chawimawina an nei bawk a ni.
Zohmun bial te pawhin Zohmun-ah Bial Sunday School Inkhawmpui hi September 8 leh 9 chhung khan hlim takin an hmang a, Bialtu Pastor B.Lalhmingliana chuan hawnna neiin Naupang lamin thu leh hla hmanga intihsiakna an neih bakah Puitling lamin Bible Quiz leh Lengkhawm zai hmangin intihsiakna an nei ve bawk a ni. Zohmun Bial-ah hian District Sunday School Director, Rev C.Mawizuala leh Treasurer Upa Rodailova Zote te chuan hmanpuiin District Sunday School Director hian Pathianni zan khan thuchah sawina a nei a ni.
——
District PYD OB fehchhuak :
Aizawl East District PYD OB Meeting in alo rel tawh ang in September 15 leh 16 hmang hian District PYD OB te chuan Serchhip Bial leh Serchhip Dinthar Bial-ah rawngbawlna neiin an fehchhuak.
Aizawl East District PYD OB fehchhuak te hi Serchhip bial te hian Bial Hqrs. Biakinpui-ah lo dawngsawngin Serchhip Dinthar bial te pawhin Bial Hqrs. Dinthar-ah an lo thleng a, Pathianni Chawhma leh chawhnu-ah Serchhip Dinthar bial-ah hian rawngbawlna an nei a Serchhip bial-ah hian Inrinni zan leh Pathianni zanah rawngbawlna an nei bawk a ni. Serchhip bial leh Serchhip Dinthar-a rawngbawlna an neihah hian District PYD OB te hian thusawi rawngbawlna an in neih chhawk thin a ni.
Aizawl East District PYD OB te hian July 14 leh 15 hmang khan Chhingchhip Bial-ah fehchhuah programme hmangin rawngbawlna an lo nei tawh a, remchang hmasaberah Sakawrdai bial-ah rawngbawlna nei turin ruahmanna an siam leh mek a ni.
——
Silver Jubilee lawm :
Khawzawl Bial, Khawzawl Venglai Kohhran te chuan an Kohhran Kum 25 tlin, Silver Jubilee chu September 12, Nilaini khan hlim takin an lawm.
He hun hi September 11, Thawhleh zan atang khan hmang tanin Evan F.Laldanmawia chuan inkhawm a kaihruai a, Rev R.Lalrinsanga, General Secretary chuan thuchah sawina a nei a ni. Kum 25 tlin, Silver Jubilee lawmna pui ber chu September 12, Nilaini chawhma Dar 10:30 khan hmangin Biakin pawnah hun hmasa hman a ni a, heta hian Jubilee lungphun hawnna Rev Rosanga Kawlni, District Superintendent chuan neiin ruat bik ten Jubilee dar vuakna an nei bawk a ni. Biakin chhungah Upa Ramthanga, Church Board Chairman kaihruaiin inkhawmna neih chhunzawm a ni a, Sis Rothangi W/o Rev Hranglawma (L) chuan tanna hun a hmang a, Bialtu Pastor C.Lalmalsawma chuan Souvenir tlangzarhna a nei bawk a ni. Evan F.Laldanmawia hnen atangin Kohhran chanchin ngaihthlak niin Naupang Sunday School leh Venglai LAD ten Special Item an nei a, Rev R.Lalrinsanga, General Secretary hnen atangin thuchah ngaihthlak niin tlaiah Jubilee lawmna ruai hlim takin Kohhran hoten an kilho a ni. Zan lamah hun hman chhunzawm niin Bialtu Pastor C.Lalmalsawma chuan inkhawm a kaihruai a, Rev Rosanga Kawlni, District Superintendent chuan thuchah sawina a nei thung a ni. Khawzawl Venglai Kohhran ten Silver Jubilee an lawmna-ah hian zaithiam hrang hrang Sis F.Lalngaihzuali, Sis F.Laldinmawii, Sis F.Lalhriatchhungi leh Sis B.Lalremruati te hnen atangin fakna hla ngaihthlak a ni bawk.
——
Seminar buatsaih :
Thuampui Local Church Board Committee in ruahmanna alo siam tawh angin September 11, Thawhlehni khan Church Board member te pualin Seminar hlawhtling takin Thuampui Biakiah neih a ni.
He hunah hian Resource Person-ah bialtu Pastor, Rev KVL Hmangaihkima chu hman niin Thupui hlawm hrang hrang: Inpumkhatna tha neih dan turte, Thlaraua khata awm a pawimawh thute, Hmangaihnaa rawngbawlna hna thawh a tul thute, Hruaitute awm dan tur te leh Hmasawn zelna atana pawimawh chi hrang hrangte an zirho a ni. Thuampui Local Church Board ten Seminar an neihah hian Thupui hrang hrang sawi hawngtu in a sawi hnuah sawihona hun tha tak neih a ni a, kalkhawmten hlawkthlak an tiin tlaiah hlim takin chawhlui an kilho a ni.
——-
Lawmthusawi chawimawina :
September 10, Thawhtanni khan Hnahlan Hqrs. Kohhrana lawi Bro.Laltlansaa te chhungkua chuan Pathian hnenah lawmthu sawi chawimawina neiin Kohhran hoten hlim takin hun an hmang.
He hunah hian Hnahlan Bialtu Pastor R.Lalfakima chuan chawimawi tute chhungkua hriakhnawih rawngbawlna neiin chhun lamah Evan Vanlalramnghahmawia hnen atangin thusawi ngaihthlak a ni a, zanah Evan Lalamena hnen atangin thusawi an ngaithlak bawk.
September 10, Thawhtanni vek khan Rabung bial, Khualen-ah Bro ST Vena te chhungkua chuan Pathian chawimawina neiin Kohhran hoten hlim takin hun an hmang a, Speaker-ah Evan H.Lalhlimpuia chu hman a ni. Evan H.Lalhlimpuia Speaker-a hmang hian Khualen hmunah hian Revival Crusade neih alo ni tawh a, Crusade neih chhung hian mi 7 in sual ngaihdamna baptisma an chang thar a, Pathian chawimawina chhungkaw 4 kaltlangin neih a ni bawk.
——
Mi thar :
September 9, Pathianni zan khan Suangpuilawn Bial, N.Khawlek hmuna Rev H.Vanlalchhana rawngbawlna kal zelah chhungkaw khat member 4 awmna chu Kohhranah sengluh an ni.
—-
Aizawl East District Hruaitute Programme:
Rev Rosanga Kawlni Aizawl East District Superintendent chuan Nilaini khan Khawzawl Venglai Kohhran Silver Jubilee lawmna a hmanpui hnuah September 15, Inrinni-a Upa Liansiama te chhungkua, Thingsul Tlangnuam ten Pathian chawimawina an neihah Speaker-ah tangin rawngbawlna a nei a, ruahmanna ang chuan Thawhtanni-ah Aizawl let leh tura beisei a ni.
Rev Darchhawna,Aizawl East District Missions Director chuan vawiin Pathianni khan Tahan hmuna rawngbawltute puala Seminar neih-ah Resource Person-ah tangin rawngbawlna a nei.
——
North Mizoram District hruaitute Programme :
District Superintendent Rev. Laltluanga chu Kawnpui Bialte’n ruahmanna an siam angin Upa Lalzarliana te chhungin Pathian Chawimawina an neihah Speaker niin rawngbawlna a nei anga, Septem. ni 15 Inrinni zan atanga Pathianni zan thleng rawngbawlna a nei ang.
North Mizoram District Treasurer Rev. K. Lalduhsanga chuan Sep. ni 15 Inrinni leh a tuk Pathianni hmang hian West Phaileng leh Kawnmawi ah Financial Campaign neiin hun a hmang ang.
District Missions Director Rev. C. Lalthantluanga chu Bairabi-ah Financial campaign nei turin Sep ni 15 leh 16 Inrinni leh Pathianni hian hun a hmang ang.
——–
Bial Sunday School Conference :
North Mizoram District huam chhunga bial 30-te chuan Sept. ni 7-9 zirtawp zan atanga Pathianni zan thleng khan Bial Sunday School Conference an hmang.
Naupang Sunday School Conference hi Bial thenkhat te chuan zirtawp zan Sep. ni 7 atanga tanin Puitling Sunday School lam ten intihsiakna an nei.
Sep ni 8 Inrinniah Conference rorel neiin; kum 2019 chhunga Bial Sunday School hmalakna tur te an rel a, District leh General thlenga lut tur Agenda nei pawh an awm bawk.
Sep ni 7 Inrinni zan atangin naupang sunday school lam ten intihsiakna tam zawk neiin; Chang, Thu inchhang, Recitation, Solo, Bible Quiz, Lengkhawm zai te bakah inelna dang, Pathian thutaka naupangte kaihruai thei inelna te pawh an hmang tel bawk.
He Conference-ah hian Puitling Department lam pawhin intihsiakna hrang hrang nei bawkin; hlawhtling takin hun an hmang hlawm. Bial Sunday School Conference hi District Sunday school Director Rev. K. Malsawmtluanga chuan Tlangnuam Bial hmanpuiin; District SS Secretary Evan. H. Lalrinngheta’n Maubawk Bial, Dinthar Bial, Hunthar Bial leh Chawlhmun te hmanpuiin remchang angin a inkhawm kual a ni.
(Pic: Bial SS Confe)
——
District Missions rawngbawlna :
Sep. ni 7 – 8 hmang khan North Mizoram District Mission Director chuan Tlangsang Bial chhunga kohhran hrang hrangte tlawhin, mipuite’n Mission rawngbawlna kawnga thawh tura Faith Promise an chhân te leh Missionary chawm duh te an zawng.
Dist. Mission Director hian Aug ni 8 Inrinni chhun khan Zomuantlang Biakin thar leh Quarters thar enin, Zomuantlang Biak in sak chu puitlin anih theihna tura tha leh sum thawhtute leh Missionary chawmtu, Hunthar bial Missions Board fak an phu a ni a ti. Zomuantlangah hian Hunthar bial rawihin Evan Lalduhsaka Saza awm mekin, tunah hian member 98 an awm mek a ni.
Dist. Mission Director hi Tlangsang bial Missions hruaituten tukthuan an lo kilpui bawk a, Zan lamah Behliangchhipah inkhawm lehin he kohhranah hian Member 21 an awm mek a, Behliangchhip atang hian kohhran member Missionary chawm tur 2 hming ziah a niin Vanghmunah 2 an awm bawk.Pathianni zingah Bial Headquarters Tlangsangah inkhawmin, Evan R.K Vanlalngaia Dist. Mission Secretary-in Pathian thuchah a sawi a, Pathianni zing inkhawmah hian Bial chhung kohhran hrang hrangte Tlangsangah fuankhawmin Pathian pawlhona duhawm tak kohhran hote’n an nei a ni. Tlangsang kohhran atang hian Missionary chawm tura hming ziak 10 hmuh a ni bawk.
Tin, District in rawngbawltu Evan C. Lalthlamuana ruaia rawngbawlna a neihna hmun Vanghmunah Pentecost chhungkaw hnih awm mekin helai hmuna inkhawmah Rev C. Lalthantluanga’n Pathian thuchah a sawi a, Evan C. Lalthlamuana hnen atangin Vanghmun rawngbawlna report ngaihnawm tak ngaihthlak a nih bakah District Mission Director Rev. C. Lalthantluanga hnen atang Pathian thuchah ngaihthlak a ni bawk.
Tlangsang Bial atang hian Missionary thlatina Chawmtu tur zat 14 hmuh niin Vanghmun ah 2, Behliangchhip ah 2, Tlangsang ah 10 te an ni.
——
New Eden khuaa rawngbawlna :
Chanchin tha la hrilh ngai lohna hmun New Eden khuaah Pentecost mi an pung zel:
North East India UPC ten Rammut thla tia a hming an vuah August thla kalta chhung khan Rengdil bial huam chhunga awm New Eden khuaah kohhran a ding thar a, Rawngbawltu awmna tur Quarter leh inkhawmna tur hnatlanga sak chu Rengdil Bialtu Pastor C. Lalthlengliana’n hawngin, District-in kohhran a form hma hun engemaw chhung atan (Ad hoc) Kohhran form nghal a ni bawk.
New Eden-ah hian Aug Ni 4 Inrinni khan Sist.J.Lalmuankimi leh a thiante 3 Rammua lutin, dona leh beihna nasa tak karah rawngbawlna ngawrh takin an kalpui a, UPC ten rawng an la bawl ngailohna hmun a nih avangin harsatna nasa tak tawkin, hnawhchhuahte hial an tawk a ni. Rawngbawltute thawhrimna Pathianin mal a sawm a, mithar thahnem tak nei chhovin; inkhawm hrang tham member chu kar lovah Pathianin a pe ta a ni.
New Edena rawngbawlna hian a ni têlin hma a sawn a, Kohhran member neihsa awm lohna khua a nih avangin Rawngbawltu awmna tur Quarter sak relin, ni 7 chhungin kohhran te leh rawngbawltuten hnatlang neiin rawngbawltu chenna tur leh Inkhawmna in tur chu sak peih a ni a, Aug. ni 26 Pathianni khan Bialtu Pastor C. Lalthlengliana’n a hawng nghal a ni. Quarter hawn inkhawmah hian Rengdil Bial Mission Director Upa Rohnuna bakah Tuidam kohhran atangin mi thahnem tak an tel a ni. Quarters hawnni hian Pastor C. Lalthlengliana kutah mi 19 in Tui baptisma an chang a, nau 14 hlan a nih bakah hun engmaw chhung (Ad hoc) atan Kohhran form nghal niin; Upa 3 leh Tual upa 2 ruat an ni.
Rawngbawltu quarter luah fel anih hnu hian mumal takin kohhran hote inkhawm chhovin; tunah hian New Eden-ah Kohhran member pawh 57 awm tawhin; he hmuna rawngbawlna bul tantu Sist. J. Lalmuankimi hi hrisellohna avangin a rawngbawlna kallai chawl hrihin tunah hian a ai awh turin Sis. Lalhriatkimi Kawnpui chu thlakhat chhung awmpui chhunzawm turin a senso tumin a rawih chhunzawm mek a ni.
New Edena rawngbawlna bul tumtute hi Sist.J.Lalmuankimi, Sis T.Lalremsiami, Sist. Lalnunpuii, Sist.Ramtharzuali (Thartei), Sist. Lalhriatkimi, Bro.Lalremtluanga leh Bro.Vanlalthanga te an ni.
New Eden kohhrante hi thilpek hlu tak tak mi inpete’n pein Zawlnuam BDO atangin tanpuina Rs 10000 bakah kohhran hrang hrang atanga bul tanna tur thilpek Rs 27000 lo lut tlingkhawm Rs 37000 te leh Chaltlang Bial atanga mi inpe tena thawmhnaw Bag 7 lai an pek te avangin kohhranhote pawh an lawm hle a ni. (Pic. New Eden)
——-
District Pennet Meeting :
North Mizoram District PenNet committee chu Sept, 12 Nilaini khan North Mizoram District Supdt. Chamber-ah Meeting an nei.
Meeting Rev. Laltluanga Dist. Supdt. in a kaihruai a, an thurel pawimawh zingah Print Media-a Pentecostal Herald Circular Manager tur atan Bro. B. Vanlalhruaia Dist. Office staff ruat a ni, hei bakah hian PenNet bungraw thenkhat tihral ngaite tirala thawmthat ngai te thuam that bakah Media hmanrua te tlo zawka a awm theih nan a dahna tur Dry Box lei rel a ni bawk.
Hei bakah hian North Mizoram District huam chhunga a tul huna Videography leh Photography hna thawk turin District Office driver i) Bro. R. Lalnuntluanga ii) Bro R. Lalthanpuia iii) Bro. Lalhmahruaia leh iv) Tual Upa H. Thantluanga te ruat an ni. Tin, Distict Conference leh hun pawimawh bikah PenNet Editor puitu atan Bro. Jony Lallawmkima Dinthar leh Tual Upa Robert H. Lalnunmawia te ruat an ni bawk.
——-
District Office ah thilpek hlan :
Chhimtuipui District LAD ten District Office a hman atan Wall fan pakua leh carpet thar an dah a, District official te leh office staff ten lo dawng sawngin LAD te chungah hruaitute an lawm hle.
—–
Chhimtuipui District hruaitute Programme :
District Superintendent Rev. Thanchunga Sailo chuan Lungtian ah Pathianni hmangin rawngbawlna a nei.
District Secretary Rev. Joseph L. Thlauhthang chuan Cheural Local ah Pathianni hmangin rawngbawlna a nei .
District Treasurer Rev. WL Thanghre chuan tun Pathianni hian S.Lungpher Local ah rawngbawlna a nei.
——–
Mi thar :
Sept. ni 2 khan Bro. Samuela chu Niawhtlang bialtu pastor Rev.F.lalbiakthuam an Kohhranah alawm lut a, Sept. 9 khan Bro.Nguntlunga te chhung members 3 chu bialtu pastor vek hian
Niawhtlang III (10-KM) UPC NEI ah alawm lut bawk ani.
South Lungpher Local PMD ten Home missionary thlakhat hlawh an tum sak.
Sept. ni 10 khan South Lungpher PMD ten Home Missionary thla khat lawmman tur Rs.9000 chu District Mission Account ah an chhung lut a, he thilpek hi Bialtu Pastor Pastor.L.Nghaklian chuan hlanna a nei a ni.
Sept. ni 8 zan khan Sist. Lalrinmawii, Chanmary Local, Lawngtlai South chuan Rev.Dr. C. Sihmo kut ah Isua hmingin baptisma achang.
Chanmary Localah hian Sihtlangpui Home Missionary Evan. C. Lengkhara’n rawngbawlna neiin, “Kraws hmelmate kawng” ti leh “Kraws kawng” ti thupui hmangin rawngbawlna a nei a, Kohhran te an hlimin malsawmna an dawng nasa hle a ni.
Facebook