Missionary Day :
Sept ni 25, Nilaini kha UPC North East India Kohhran ni pawimawh, Missionary Day a ni a, Missionary day atana hman tura pass a nih atanga a vawi 43na niin India hmarchhak pum huapa hman a ni.
Missionary Day hian kohhran office, Bible College, Bookstall, School leh Kohhran hmun pawimawh dangte khar a ni a, Tualchhung kohhran tam zawk chuan awmni khamin ruai nen he ni hi an hmang a. Kohhran thenkhat chuan zan lamah chauh an hmang thung. He ni denchhena Revival Programme buatsaiha hun hmang pawh awm nualin hmun thenkhatah chuan member thar nen he ni hi an hmang a ni.
He ni pawimawha chhiarchhuah tura ruahman Misionary Day thuchah pawh General hqrs atangin NEI UPC hmuamchhung Tualchhung Kohhran tinah thawnchhuah vek a ni.
North East India UPC Kohhran hian tun dinhmunah Mizoram chhung leh State pawnah nen avaiin Missionary 244 a ruai mek a, Missions Field pakhua heng : Assam, Dimapur, Upper Assam & East Arunachal, North Bengal & Sikkim, Bihar & Jharkhand, Odisha, Andaman and Nicobar Island, Arunachal Pradesh leh Bhutan field ah te hian rawngbawlna hna a thawk mek a ni.
General Missions hruaituten heng hmunahte hian an hmanpui :
General Director Rev. R. Lalhawia – Salem Kohhranah
General Secretary Rev. V.L Tluanga Sinate – Upper Republic Kohhranah
General Treasurer Evan Pc Lalrokima – Chaltlang Kohhranah
——-
UPCI General Conference :
Sept ni 24 atanga ni 27 chhung khan Khawvel pumhuap UPC Kohhran inkhawmpui lian General Conference, Indiana Convention Center ah tluang taka neih a ni a, UPC North East India atangin General Suptd Rev. Lalmalsawma Sailo chuan he conference hi a hmanpui.
Khawvel pum huap Pentecost Kohhran intawhkhawmna lian berah hian Rev. Wayne Huntley, Rev. Jack Cunningham, Rev. Rashidi Collins, Rev. Bruce Howel, Rev. David K. Bernard, Rev. David Brown, Victor Jackson te speaker atana hman an ni.
Sept 25, Nilaini khan khawvel pum huapa UPC Kohhran hruaitu atan heng mite hi an thlang thar :
General Superintendent – Rev. David K. Bernard
Assistant General Superintendent for the Western Zone – Rev. Stan Gleason
Assistant General Superintendent for the Eastern Zone – Rev. Paul Mooney
Global Missions Director – Rev. Bruce Howell
North American Missions Director – Rev. Scott Sistrunk
Children’s Ministries Director – Rev. Steve Cannon
Youth Ministries Director – Rev. Joshua Carson
Ladies Ministries President – Rev. Linda Gleason
Western Zone Executive Presbyter – Rev. Tim Gaddy
Regional Executive Presbyter of the Northwest Region – Rev. Travis Miller
Regional Executive Presbyter of the North Central Region – Rev. Steve Willeford
Regional Executive Presbyter of the South Central Region – Rev. Tim Sullivan
Regional Executive Presbyter of the Southeast Region – Rev. Daniel Davy
Minister’s Appeal Council – Rev. Terry Pugh
Minister’s Appeal Council – Rev. J.R. Blackshear
Minister’s Appeal Council – Rev. Robert Henson
General Conference ah hian UPC North East India kungpui pawimawh, General Superintendent hmasa ber Rev. Harry E. Scism a hnenah kum 2019 NEI UPC General Conference report bu leh Executive Board in a pocket money tur a thawn chu Rev. Lalmalsawma Sailo hian hlanin, Rev. Harry E. Scism chuan thinglung lawm taka dawngin a ngai hlu hle.
Executive Board in Global Missions Director nupui boralta Sis. Diane Howell ralna a thawn pawh Rev. Bruce Howell hnenah a hlan nghal a, he ralna hun tawi buatsaih hi Asia Reagional Director Rev. Lynden Shalm chuan kaihruaiin NEI UPC General Suptd Rev. Lalmalsawma Sailo hian UPC North East India Kohhranin Sis. Diane Howell an ui thu leh Rev. Bruce Howell pawh an tuarpui takzet a ni tih sawii ralna thilpek hi a hlan a ni.
Sis. Diane Howell-i hian kum 2018 April thlaa North East India UPC General Conference Aizawla neihah khan a pasal Rev. Bruce Howell rawn tawiawmin hlim takin hun a rawn hmang a. NEI UPC kohhran hote zinga Pathian fak nuam a tih thu leh Mizoram nuam a tih thu a sawi nasa hle nghe nghe a ni.
——–
General Hruaitute Programme :
General Suptd Rev. Lalmalsawma Sailo chuan Sept 24 atanga ni 27 chhunga neih UPCI Genreral Conference a hman hnuin Kohhran tul hrang hrangah International level-a hruaitu liante kawmin America-ah hun a hmang chhunzawm a, Oct 9, Nilainiah Mizoram thleng turin ruahmanna a siam.
General Missions Director Rev. R. Lalhawia chuan tun Pathianni hmanga Champhai Bial Missions Conference ah Speaker-ah tangin rawngbawlna a nei a. General Missions Treasurer Evan PC Lalrokima pawhin Bethlehem Bial Missions Conference ah Speaker-ah tangin rawngbawlna a nei bawk.
General Sunday School Director Rev. R. Laichhingpuia leh Secretary Rev. R. Vanlalawia te chuan Sept 27-29 chhung hian Siaha Bial Sunday School Seminar buatsaihah Resources Person-ah tangin rawngbawlna an nei.
———-
Lunglei District :
Sept.25 nilaini kha UPC NEI kohhran ni pawimawh Missionary day anih angin Lunglei District chhunga Local hrang hrangte chuan he ni hi hlim takin an hmang a, Local tam zawk chuan Missionary day kha awmni khamin hun an hmang a, zai khawmna neiin, tlai lamah ruai an theh bawk. Local thenkhat chuan Missionary day hi zan lamah an hmang a, thingpui ruai nen zaikhawmna neiin hlim takin hun an hmang a, Missionary Day thuchah Local hrang hrangah chhiar chhuahna neih a ni bawk.
Hetiang hi District hruaituten Missionary Day an hman dan a ni.
– Dist.Secretary Rev.PC.Lalfakawma chuan Thaizawl Local-ten Missionary Day Sept.24-25 chhunga a lawmna hun an buatsaihah Speaker-ah a tang.
– District Secretary Rev.C.Lalrintluanga chu Khawhri Local-ah Missionary Day hmangin Speaker-ah a tang.
– District Missions Director Rev.R.Vanlalenga chuan Missionary day khan Headquarters Local-ah thu sawiin, zan lamah Ramthar AOC Local-ah thusawi rawngbawlna a nei bawk.
——–
PCD Meet :
Sept.28-29 chhung hian Pukpui bial PCD-te chuan Pukpui Local-ah bial PCD Revival Meet an buatsaih dawn a, Speaker atan District Superintendent Rev.C.Vanlalena chu an hmang ang.
——
Seminar :
Sept.28 inrinni hian Chawngte Local-te chuan Seminar an buatsaih dawn a, Resource Person atan District Secretary Rev.PC.Lalfakawma chu hman a ni ang. Seminar thupui atan Accountancy leh Leadership tih chu hman a ni ang a, Sept.29 Pathianni chawhnu hian Thianghlimna Seminar neih chhunzawm leh a ni ang. (Pic.Rev.PC.Lalfakawma)
Sertlangpui bial LAD te chuan kumin chhungin Thianghlimna Seminar Local tinah neih nise an lo tih chu chak taka bawhzuiin Dengsur, Buarpui, Sertlangpui leh Thuampui Local-ah te Seminar hi an buatsaih tawh a, Seminar tawp berna ni turin Sept.22 Pathianni khan S.Lungdai Local-ah Thianghlimna Seminar hi an nei leh a, Resource Person atan bialtu Pastor T.Zahmingliana chu hman a ni. He Seminar hi Local Upa leh rawngbawltute bakah bial LAD hruaitu ten an tawiawm a ni.
——-
Bial Missions Conference :
Sept.27 zirtawp zan atang khan Haulawng bial Missions Conference chu Zotuitlang biak inah neih tan a ni a, Speaker atan Chengpui Home Missionary, Evan.Simona Hmar chu hman a ni.
Sept.28 inrinni khan rorelna neih a ni. Inkhawmpui chhung hian Lalngilneii leh bial PYD zaipawlte chuan zaiin rawngbawlna an nei ang. Inkhawmpui hi Sept.29 Pathianni zan thleng neih a ni ang.
——
Awareness Campaign :
Sept.22 Pathianni khan Haulawng bial PYD Education Sub.Committee buatsaihin Zotuitlang Local-ah Education Cum HIV/AIDS Awarness Campaign neih a ni a, member kal khawmte an hlawk tlang hle.
——-
Sport Cum Rally :
Sept.28-29 chhung hian Theiriat bial PCD-te chuan Sport Cum Rally Zobawk Vengthar Local-ah an hmang dawn.
Sept.28 inrinni nilengin Sport item hrang hrang hmangin intihhlimna neih a ni ang a, Sept.29 Pathianni hian item hrang hrang hmuhnawm tak tak entirin PCD ten hlim takin hun an hmang ang.
——
Fehchhuak :
Sept.21-22 chhung khan Mualthuam N Electric Local PYD-te chu Mualthuam Venglai Local-ah rawngbawlin an fehchhuak a, hlim takin hun an hmang. He hunah hian PYD-te hi rawngbawltu leh LAD ten an tawiawm a ni.
Sept.28-29 chhung hian Mualthuam N Electric Local Missions Department-te chu Mualcheng S Local-ah rawngbawlin an fehchhuak dawn a, Bro.Lalhmingzuala, Rbt.K.Pazawna leh Upa R.Ramliana ten thusawi rawngbawlna an nei ang.
——
Member thar :
Sept.22 Pathianni khan Zehtet Missions Field, Mautlang Local-ah mi thar 1 Home Missionary Rbt.Lalrinzuala chuan Kohhranah a seng lut.
——-
Crusade :
Sept.20-22 chhung khan Hnahthial bial Missions Dept.buatsaihin Leite Local-ah Crusade neih a ni a, Speaker atan Thiltlang Home Missionary, Evan.K.Lalhlupuia chu hman a ni a, thupui atan ‘I dinthar leh ang u’ tih chu hman a ni. Speaker hi bial Missions Department ten lawmman atan pawisa fai hlanin Speaker hian a lawmman dawn ni Thiltlang biak in sak nan a hlan a ni.
——
Rammu :
Pangzawl bial Missions Department buatsaih a Rammut Programme Bungtlang Local-a neih mekah Sept.21 inrinni khan Rev.C.Lalhmingthanga te chhungkua chuan Pathian chawimawina an nei a, hlim taka hun hmangin Sept.23 thawhtanni khan kohhranhoten chawimawina hi an buatsaih chhunzawm leh bawk .
—–
Chhimtuipui District rawngbawlna chanchin :
Sept ni 25, Nilaini khan Riasika Kohhran chuan an Kohhran kum 1 tlinna lawmna ruai nen hlim takin an hmang a, he hun ah hian Speaker atan Evan.N. Thanghnuna,Dist. Evangelist chu hman a ni.
Nau pahnih hlan niin mi pali in baptisma an chang bawk. Baptisma chang zinga pakhat hi mi thar niin Kohhranah sengluh nghal a ni.
——–
No Tobacco to PYD :
Chhimtuipui District PYD conference in a lo rel tawh angin “No tobacco to PYD” bawhzuina peng pawimawh atan Oct 1-6 chhung hian Dist chhung local tinte leh bial tinten No Tobacco Week an hmang dawn a,hetiangin ruahmanna an siam :
DAY-1(Tuesday) :- Bial leh local ten remchan dang angin week hawnna hi hman tur ani.
DAY-2 (Wednesday):- Dist atanga dawn zuk leh hmuam dona lam thuziak (Sign Board) khawchhung lunlaiah tar tur ani a, pamphlets leh poster sem nghal tur ani ang. Heni hi, social work day a ni.
DAY-3 (thursday) :-
Bial leh local ten kan remchan anga hman tur ani.
DAY-4 (friday) :- CTP PYD whatsaap group Chhimtuipui Dist PYD NEI ah online in zuk leh hmuam/Vaihlo leh akaihhnawih thatlohna lam slogan inziahsiak tur ani.
DAY-5 (saturday) :- Bial leh local atheithei ten zuk leh hmuam thatlohna lam hawi awareness programme neih tur ani.
DAY – 6 (Sunday):- Chawhnu lamah week kharna hi athei thei ten neih tur ani ang.
——-
District PYD Board :
Sept ni 26, Ningani khan Chhimtuipui District PYD kumtawp Board, neih a ni a, board hi District Comtt room ah neih a ni.
District PYD Board ah hian Dist PYD Conf programme chungchang, Dist PYD Choir chungchang, kum 2020 Dist PYD budget, Short term missionary chungchang, Evangelism tour bakah No tobacco week chungchang te an ngaihtuah a ni.
——
Evangelism Tour :
Sept ni 21-22 chhung hmang khan Niawhtlang bial leh Siaha bialah Dist PYD Evangelism tour hlawhtling taka neih a ni.
Niawhtlang bialah hian Dist PYD secretary T Upa H Lalduhsanga, Rbt.L.Dawngliana, Evan.Robert Lalawmpuia, Rbt.LS Lalhmingmuana, Rbt Jona Lalrintluanga leh Sist Lalchawiliani ten rawngbawlna an nei a, Sist Lalngilneihi’n zai rawngbawlna a nei bawk.
——–
Seminar :
Sept ni 27-29 chhung hian Siaha bial chuan Bial chhunga local tin S.S hruaitute leh puitling, naupang zirtirtu zawng zawng te tan seminar a buatsaih a, he hunah hian General Sunday School Director Rev. R. Laichhingpuia leh Secretary Rev. R. Vanlalawia te resources person atan an hmang a ni.
———
Lawngtlai West District :
Sept 27-29 chhung hian Lawngtlai south Section chuan PYD leh LAD Joint sectional Conference Lawngtlai College Veng Biakin ah an hmang .
Joint Conference ah hian Rev.Lalbiakdika Chawhte speaker atan an ruai a, Sis.Laldinpari’n zaia rawngbawlna a nei bawk.
——–
Missionary Day report :
September ni 25 chu North East India huapa United Pentecotal Church ten Missionary Day an hman hun a nih angin, North Mizoram District huam chhung Bial 30-a kohhran hrang hrang ten urhsun leh hlawk takin an hmang.
Missionary Day hi Sorkar chawlh a nih loh avangin kohhran tam zawkte chuan zanah programme siamin hun an hmang a, hetihrual hian kohhran thahnem takin Chhunah Programme te siamin ruai nena hmang pawh engemaw zat an awm bawk.
Missionary Day-ah hian General Headquarters lam atanga Missionsary Day thuchah chhiar chhuah a nih bakah Missions Field-a thawktute pualin thawhlawm khawn a ni bawk a, rawngbawltute’n Missions rawngbawlna hrang hranga infuihtharna te neih a ni, tun huna North Mizoram District huam chhunga Home Missionary te leh an thawhna hmun te tarlang ila-
1. Evan Vanlalawia – Marpara Missions Field
2. Evan Isak Lalrohlua – Persang Missions Field
3. Evan.Hrangchhankhuma – Rasdali Missions Field
4. Sist. F.Lalsiamliani – Zomuantlang Missions Field
5. Sist. Esther Lalrawngbawli BW – Bajirung Missions Field
6. Sist. Khawlliani BW – Kolalian Missions Field
7. Evan. Lalrampana – Damdiai Missions Field
8. Evan RS Lalnunmawia – Vawngawnzo Missions Field
9. Evan. H. Lalnunzira – Dilzawl Missions Field
10. Sist. K.Lalbiakzuali – West Phulpui Missions Field
———
Member thar :
Apostolic Revival Team ten Revival Crusade an neih kaltlangin mithar 1 Kohhranah sengluh a ni.
Lengpui Bial, Rawpuichhip kohhran buatsaihin Revival Crusade hlawhtling tak neih a ni a. Crusade hian ni 12 zet awhin, Sept. ni 11 Nilainiah bul an tan a, Thawhtanni kalta Sept ni 23 khan he rawngbawlna hi a tiak ta a ni.
Rawpuichhip kohhrante’n Pentecost Revival Team kaltlanga Revival Crusade an neih hi Pathianin mal a sawm hle a, sept ni 22 Pathianni khan mithar 1 lawmluh a nih bakah member chak lo leh thlarau lama sal tang mi tam tak nen, nun thar nei lehin Biak buk an pan a, thlarau lam siamtharna duhawm tak a thleng a ni.
He rawngbawlna kaltlang hian Pathian hnena lawmthu sawi leh chawimawina tum 4 awmin kohhrante pawh an hlim hle nghe nghe a ni.
Jehova Rapha Revival Team Evan. Lalduhsaka Saza leh a rawngbawlpui te chuan thawhtanni kalta Sept ni 23 atanga zanin Pathianni (Sept. 30) thleng awh hian, Headquartes Bial Mission Vengthlangah Revival Crusade an nei.
Mission Vengthalnga Revival Crusade neih hi Local Missions Department huaihawta neih niin; Local Church Board ten ruahmanna an siam thung a, Chanchin hriat theih chinah Sept ni 25 Missionary Day thleng khan Thlarau Thianghlim pawlna hnuaiah hun hmangin Revival Team te rawngbawlna kaltlangin, mi chak lo te, Biak in thleng pha tawh lo ten chakna an chhar a, Thlarau Thianghlim dawng thar te pawh an awm chho zel a ni.
——
Fehchhuak :
Sept ni 22, Pathianni khan Zawlnuam bial PYD te chuan Bairabi Bial PYD te an tlawh.
Zawlnuam Bial PYD te fehchhuak hi bairabi bial PYD te hian Bairabi North Kohhranah lo dawngsawngin; hun hlimawm tak an hmang hova, Zawlnuam Bial PYD te hi an Bialtu pastor K. Malsawmkima’n a ho bawk.
Bairabi Bial tlawhtu Zawlnuam Bial PYD te hi Kum 2017 July ni 25 Pathiannia NMD Superintendent Rev. Laltluanga hawn niin; kum 2 awrha Upa chauh a ni. Zawlnuam atang hian member 42 an thawkchhuak a, fehchhuah Programme an neih chu hlawkthlak an tiin; zawngchhang chi tak niin an ngai a ni. (Pic. Zawlnuam Bial fehchhuak)
——-
Member thar :
1. Sept ni 25 Missionary Day zan khan Dinthar kohhran te chuan chhungkaw khat, mithar 3 kohhranah an senglut.
Mithar seng luhna hi Dinthar Bialtu pastor Rev. C.Laltlanchhuaha’n neiin; Lal Isua hmingin a lawmlut a, mithar lawmluh zinga pahnih nu ber leh a fanu te chuan sual ngaihdamna Baptisma an chang nghal a ni. Kohhrana lawmluh mi thar te hi Sist. F. Rohlupuiii Bible Wormen chuan tawngtaisakna neiin; Church Board member ten lawmpuina leh duhsakna chibai an buk bawk.
Dinthar kohhran Biak inah Kumin chhungin mi 27 te chungah Baptisma rawngbawlna neih ni tawhin; Member thar pasarih (7) lawmluh a ni tawh bawk. Dinthar Kohhrante hian Missionary Day hi awmni khamin an hmang a ni.
2. Sept ni 22, Pathianni khan Rengdil Biala awm Kolalian Home Missions Field -ah Missionary Sist Khawlliani rawngbawlna kaltlangin mi thar 2 Kohhranah sengluh an ni a.
Sept ni 22 Pathianni vêk khan Tumpanglui khuaa Dist. Missions Department in Casual Worker atana a rawih Sist Lalhriatkimi rawngbawlna kaltlangin mithar chhungkaw 1, member 6 te chu Kohhranah sengluh an ni bawk.
3. Damparengpui biaptu Pastor leh tirhkoh leh upa te hmalakna kal zelah Damparengpui Bial, Tuipuibari Center-ah Sept ni 21 Inrinni zan khan pawl pakhat atangin member 49 te chuan United Pentecostal Church zawmin, Rev. Laltluanga North Mizoram Dist. Suptt. chuan Lal Isua hmingin Kohhranah a seng lut.
Mi thar sengluh puala inkhawm buatsaih hi Damparengpui Bialtu Pastor R.Thanglura’n a kaihruai a, Bro. Vanlalruata’n mithar lawmluhte inhmelhriattirna a nei a, Sister Ruthi Vanlalawmpuii Sidon chuan zaia rawngbawlna a nei bawk.
Dist. Supdt. Rev.Laltluanga chuan thusawiin, unau Pentecost kohhrana lut thar te tana hriat tur tul tak tak a sawi bakah, United Pentecostal Church te khawvel puma a inkhaipadiat dan te a sawi bawk a, Lal Isua hminga Sual ngaihdamna Baptisma chungchang te sawiin fuihna thu tha leh ropui tak a sawi a ni.
Mi thar lawmluhna Programme hi North Mizoram District Secretary Rev.Chhiarpuia’n malsawm tawngtaiin a tin a ni.
Sept. ni 22 Pathianni inkhawmah mi thar Pentecost kohhrana lo lutte atanga nau la hlan lo mi 14 te chu Rev.Laltluanga Dist. Suptt. chuan Isua Krista hnena hlanna hun kaihruaiin; Evan. Isak Lalrohlua, Evan. Lalhmachhuan, Rev.Chhiarpuia, Rev.Laltluanga leh Evan.Lalthianghlima Pastor Thanglura ten nauhlan rawngbawlna an nei a, mi 18 in sual ngaihdamna Baptisma an chang bawk.
Inkhawmah hian Rev. Chhiarpuia Dist.Secy. chuan Thusawiin ‘Lal Isua chu hmangaih chunga zui tur a nihzia te, sum leh pai leh engemaw hamthatna ringawt beiseia Lal Isua zuitute chu Lal Isua’n a mi ni tura a zawn lohzia te, Pathiana rinna nghat tlattute chu Pathianin an mamawh chu a pek mai thin thu te a sawi’ a ni.
Damparengpui bial Tuipuibari ah hian Sidon leh Persangah Kohhran neih a ni a, Sidon kohhran hi kohhran puitlinga hlan kai ni tawhin, Persang erawh District Missions Department enkawlna hnuaiah Missions field niin, Evan. Isak Lalrohlua’n a awm chilh mek a ni.
Mi thar lawmluhna Programme hmanga kal Dist. hruaitute hian mi thar lawmluh te inkhawmna tur Biak in saknan hmunhma Rs. 44000 man an lei sak nghal a, Biak in sak dan tur pawh ruahmanna an neihpui nghal bawk a ni.
—-
4. Sept ni 21, Inrinni zan khan Tlangsang kohhranah Sist. J. Lalmuankimi (Nutei) rawngbawlna atangin mi thar 3 neih a ni.
Mi thar zingah pahnih te hian Sual ngaihdamna Baptisma changin Tlangsang Bialtu Pastor K. Ainawna’n Baptisma rawngbawlna a nei a, Nau1 Lal Isua Krista hnenah a hlan bawk.
———-
Education Campaign :
AED District PYD Education Sub Committee-te chuan Ni 15 Sept, 2019 Pathian ni zan khan Hermon Kohhran, Bethlehem Bial ah Education Campaign kummin chhunga a vawi 6 nan an nei a, Bro. VL. Hriatchhunga, Upper Republic Bial chuan Tanna hun hmangin, Bro. Lalremtluanga, Zemabawk Bialin Thusawina hun a hmang a, fuihna thu tha tak tak ngaihthlak ni in member ten hlawkthlak an ti hle.
———–
Charity Ride :
Bazar Bial PYD te chuan Sept. Ni 21 inrinni khan ASC Home Kolasib Khuangpuilam tan Charity Ride an nei.
Bazar Bial PYD Conference 2019 in a lo rel tawh bawhzuiin Bazar Bial PYD te chuan Bial chhung mi thahnemngaite hnenah donation khawnin, September ni 21 inrinni khan ASC Home tan Thilpek hlanna hi an nei a, PYD member thahnem tak thawk chhuakin Bialtu Pastor Rev. H.L Thakunga’n a tawiawm bawk. Bazar Bial PYD te hian Home tan hian Sahbon leh Thuamhnaw engemawzat leh sumfai Rs. 35,320 an hlan a ni.
An thilpekte hi Bial PYD Treasurer Bro. R. Lalzamliana’n Home Suptd Evan. C. Vanlalruata hnenah hlanin Bial President Upa F. Lalthlangliana’n report a pe bawk.
Facebook