UPCNEINEWSSERVICE SEPT 13-20.2020
———————
UPCI General Conference :
Sept ni 22- 25, chhunga neih tur UPC International General Conference vawi 75-na atana inbuatsaihna in a vawr tawp a thleng tawh a, kumin hian hri leng avangin online service-a kalpui turin ruahmanna an siam a ni. Conference hi upci.org/live, upcigc.com, and Facebook.com/upci.org ah te live a thlir theih tur a ni dawn a, an programme duan lawk tlangpui lo tarlang ila :
TUESDAY, September 22, 2020
6:30 PM ah live a pek chhuah tan a ni ang.
(World Network of Prayer service, worship by UPCI Music Ministry)
7:00 PM Global Missions Service – Speaker: Morgan Mwanza
WEDNESDAY, September 23, 2020
Chhun – General Conference Seminars and Presentations
6:30 PM ah live a pek chhuah tan a ni ang.
(World Network of Prayer service, worship by UPCI Music Ministry)
7:00 PM North American Missions Service – Speaker: Mark Drost
THURSDAY, September 24, 2020
Chhun – 1:00 PM Children’s Ministries Service – Speaker: Steve Cannon
1:00 PM General Conference Seminars and Presentations
6:30 PM ah live a pek chhuah tan a ni ang.
(World Network of Prayer service, worship by UPCI Music Ministry)
7:00 PM General Superintendent’s Message – David K. Bernard
FRIDAY, September 25, 2020
Noon 75th Anniversary Service
1:00 PM General Conference Seminars and Presentations
6:30 PM ah live a pek chhuah tan a ni ang.
(World Network of Prayer service, worship by UPCI Music Ministry)
7:00 PM Youth Ministries “Passing the Mantle” Service – Speakers: James Wilson and Scott Graham
————–
North Mizoram District :
Literature hmalakna kal zel:
North Mizoram District Literature Committee chuan-khawvel hmasawn zel leh boruak thar awm zelah kohhran chhung lam leh pawn lam atanga kohhran tana thil pawi thei inzirtirna awm theiah Kohhran hun tawn mil zela kohhran mamawh leh inzirtirna Booklet KAWNG ENTU tihchhuah thin a rel. He lehkhabu KAWNG ENTU tihchhuah tum mek hi Press lamah a chhut hna buaipui mek niin; copy 5000 siam a ni a, Sept thla chhunga tlangzarh hman beisei niin; kohhran member tana thil hriat manhla leh zirtirna tha tak tak thu a pai a ni.
Sialsuk Bial: Sept ni 13 Pathianni khan Sialsuk Bial SS Dept Confe chu Chamring kohhran Biak inah neiin Confe. Ah hian rorel inkhawm chiah neih a ni.
Rorel tlangpui:
1. Kum 2021-ah Sialsuk Bial SS Confe. Lungsei kohhrnah neih a ni ang
2. NPSS te Group khata insiamin Solfaa inelna buatsaih leh nise
3. SS Confe-ah Puitling inelna buatsaih tawh loh ni se
4. Syllabus uluk zawka siam leh ni se. Rorel inkhawmah hian Bial SS hruaitute, Bial Dept hruaitute leh local SS hruaitu pawimawh bakah zirtirtu an vaiin mi 30 bawrin rorel inkhawm an nei thei a ni. Rorel inkhawm zawhah Nauhlan rawngbawlna Bialtu Pastor Rev. K.Vanlaldika’n neiin, Sual ngaihdamna chang 1 awm an awm bawk a. Baptisma Rawngbawlna Bialtu Pastor hian a nei a ni.
Zawlnuam Bial:
Covid 19 hrileng vangin kum dang anga Department Conference neih theih anih loh a vang in, Zawlnuam bial board chuan S.S dept leh Missions dept te chu Conference Rorel inkhawm neih mai nise ti a a rel ang in, dt 12 sept 2020 inrinni khan Conf rorel neih ani.
Rorel pawimawh zingah, 1) 2021 Conf na atan Zawlpui ruat ania, 2) Kumin a Naupang intihsiakna tura thlansa chu Nakum 2021 atan rin leh nghal mai nise. tih te a ni.
Chawhnu lam dar 1- 3 pm-ah Missions dept Conf Rorelna neih leh nghal niin, Rorel pawimawh zingah Nakum 2021 Missions dept Conf na atan Kanhmun ruat a ni a, Bungṭhuamah Crusade neih tura passed ani bawk.
Zawlnuam Bial News:
Zawlnuam bial chhungah hian Dist puihnain Bungṭhuam leh Luimawiah Biak in sak mek a ni a, Luimawi Biak in chu peihfela hawn mai theih ani tawh a
Bilkhawthlir Bial:
Bilkhawthlir Bial Sunday School Conf. 2020 chu Sept. Ni 13 Pathianni khan Bilkhawthlir Dawrveng Kohhran Biak Inah neiin; ruahmanna siam tawh angin Rorel Inkhawmin inkhawm chauh neih a ni.
Rorel inkhawmah Rorel palai – 70 kalkhawmin zanriah kilho nghal a ni. Hun khirh tak karah bialchhung local tam zawkin Bial budget an tlak a, heng budget tling khawm atang hian District budget bial in kan tlak bawk a ni.
Khawmpui ah hian member boral te sunna hun leh baptisma rawngbawlna bialtu pastor, Lalpianthangan a nei a, mi pariat ( mipa -3 leh hmeichhia -5) laiin tui baptisma an chang a ni.
Conference rorel pawimawh zingah 1. kum 2021 ah Bilkhawthlir Kanaan kohhranah September chawlhni vawihnihna hmangin bial Sunday school conference hman leh nise 2) kuminah intihsiakna kan neih theih loh avangin hemi atana item ruahmanna te hi kumthar conference atan hman ni se3) Local wise in solo intihsiakna (sound track hmang ngeiin ) neih nise, hla thlan bik awm lovin, anmahni hla duh zawng sak mai nise tih te leh Doctrinal Department ten hla hmanga intihsiakna nei ve rawh se tih te rel a ni.
Rorel palai ten social distancing an vawng tha a, bial hruaitute kaihhruaina a felfai tha hle…
Bial department hrang hrang leh Tirhkoh te leh upaten conference hi an tawiawm tha hle bawk a ni.
Bairabi Bial:
Bairabi Bial te chuan Bial Sunde Sikul Conference Rorel, Bial Headquarter Bairabi North ah neiin tluang takin hun an hmang theih bawk.
Kolasib Diakkawn Bial:
Kolasib Diakkawn Bial te pawhin Bial SS Conference vawi 24-na Kolasib Vengthar Biak inah neiin; tluang takin rorel an nei thei bawk.
Tlangsang Bialah ram a kal zel:
Tlangsang Bial Sailut khua UPC Dintharnaah rawngbawltu hovin tluang takin inkhawm an nei chho zel thei. Bialtu Pastor K. Ainawna hnen atanga report Pennet in a dawn danin Sailut khua atanga Km thum leh a chanve bawra hla Sailut II an tih maiah thlarau thianghlim dawng tawh nula pathum te chuan Pastor K. Ainawna thu chah angin bible te chhiarin Ṭawngṭaihona te an nei a, chu chu Lalpa thlarau chuan pawlin, awm ngaihna reng an hre lo va, Lalpa ropuina pein an Halleluiah vak vak a, a ṭhen an ṭap bawk a. Pastor hian Phone kaltlanga ṭawngṭaina vawi hnih lai neih sakin a, a fuih bawk. Sailutah hian member thar beisei tur an awm mek zel a, hetihrual vek hian Sailut II lamah crusade a ṭul hle mai bawk a ni. Hripui karah pawh Lalpan a hmangaihte chu rawngbawltute hmangin a sengkhawm mek zel zawng a nih e
—————
Lunglei District :
Rahsiveng Local PYD ten thisen pe :
Vawiin September ni 11,2020(Zirtawpni) khan Pentecostal Youth Department, Rahsiveng, Lunglei chuan a mamawh apiang te hman turin Civil Hospital, Lunglei ah thisen an pe a. Thisen petute hi mipa 16 leh hmeichhia 5 avaiin 21 an ni. Thisen pek hmaa Inkhawmna huntawi nei hi Jacob Ramengmawia’n a kaihruai a, Upa C. Vanlalduha’n hunserh hmangin thisen pe turte leh Blood bank a thawkte tan a tawngtai sak.
District Tobacco Cell atangin Dr. Lalnunsiama Renthlei in vawiin hi Mizoram State Anti Tobacco Day vawi 7-na a nih thu leh chumi puala hun hman a nih dan sawiin an hmalakna report a pe a. Evan. Laldinpuia Sailo, Lunglei District PYD Secretary leh Rbt. Lalruatkima Hrahsel, Rahsiveng Bial PYD Secretary hnen atang Lunglei District PYD Conference rorel bawhzuia a thlawna thisen pek ruahman a nih dan leh Bial thenkhatin an lo pek tawh dan ngaihthlak a ni bawk.
Dr. Lucy Ramhmingliani, Blood Bank Officer chuan Rahsiveng Local PYD ten a mamawhte tana thisen an pe tur chu lawmawm a tih thu a sawi a. Thisen mamawhtu damlo te tan Voluntary blood donation a hlutzia sawiin thisen pek uar deuh deuh turin PYD member te a sawm a ni. Inkhawm tawi hi Evan. Lalrinmawia Rahsiveng Bial PYD President in tawngtaiin a khar a ni. Lunglei District chhunga Kohhran hrang hrang thalai pawl ten tunlaiin Voluntary Blood Donation an kalpui tha hle mai a, thisen lak kawngah hian Civil Hospital, Lunglei Blood Bank Officer leh thawktu dangte an thawkrimin an fakawm hle ani.
————
Chhimtuipui District :
District hruaitute programme :
Hripui avangin Inkharkhip lai a ni a. Inkhawm leh programme huaihawt remlo mahse, Dist Official; Rev Joseph L Thlauhthang, Rev WL Thanghre, Rev Kholy Hlychho leh Rev Dr C Sihmo Diat Mission Director te chuan Sept ni 16 – 21 chhung hian S. Lungpher Bial leh Sangau Bial an tlawh dawn a, hetiangin ruahmanna an siam :
Date 16.9.2020 (Wed) – South Lungpher Local
Date 17.9.2020 (Thur) – Lungtian Local
Date 18.9.2020 (Fri) – Cheural Local
Date 19.9.2020 (Sat) – Sangau I, II,& Bethel
Date 20.9.2020 (Sun) – Pangkhua & Sentetfiang
————-
Member thar :
1. Sept ni 13, Pathianni khan Sangau II local ah Rev K Kawngkharmawia kaltlangin sual ngaihdam nan Isua hmingin tui Baptisma mi 6 in an chang a,an zinga pakhat hi pawldang atanga chang niin kohhranah seng luh a ni.
2. Sept ni 14, Thawhtan ni khan Siaha Council Veng Kohhrana lawi turin chhungkaw khat Nupa tuak chu Pastor C.Lalchhuanthanga Siaha Bialtu Pastor in Isua hmingin Baptisma a chan tir a. Kohhran ah a seng lut nghal.
3. Sept ni 13, Pathianni khan Phura Kohhran, Tuipang bialah chhungkaw khat member 3 Kohhranah sengluh an ni a, heng mi thar te hi Vahai Field home missionary Evan.E. Khachinga’n Isua hmingin Kohhran ah a seng lut.
4. Sept ni 13, Pathianni vek khan Niawhtlang Kohhranah member thar 7 (pasarih) chhungkaw 2 Kohhranah seng luh an ni. Member seng luhna hi Pastor V.Lalhlimpuia’n a nei a,Upa,Rawngbawltu leh member eng emaw zatin an tawiawm a ni.
————
Chhimtuipui Dist LAD te chuan Sept ni 15, Thawhlehni khan Dist office staff Quarter ah khum 3/6 pali an dah.
District Suptd Rev. Joseph L. Thlauthang chuan Dist LAD, Bial LAD leh tualchhung tin LAD ten Kohhran hmasawnna tan tha nasa tak thawhin, Pastor quarter’s, Dist office leh staff quarters cheimawinan nasa takin an luang thin chu lawmawm an tih thu an sawi.
————-
Churachandpur District :
District hruaitute zin chhuak :
Sept.12, 2020 khan CCpur Dist. hruaitu te; District Suptd Rev. Paosei, Rev. Lalzawm Dist. Secy. Pastor B.Lalzamluaia Dist. Treasurer leh Dist. S.S. Evan. Lalzason Samuel bakah Office LDC Evan. Alex T.Lamminthang leh Driver Bro. S.Lalremruata te chuan, Thanlon Section Hq. tlawh in Thanlon ah an zin chhuak a, Sept.13,2020 Pathianni khan Section board an ṭhutpui bakah Pastor qtrs. sak ṭanpuina Rs. 100,000/- an hlan nghal bawk
——
Fehchhuak :
Tuibong Bial Missions Dept chuan Mondennom Local tlawhin an fehchhuak a, thlarau boruak a nuamin Kohhran hote an hlim hle. Programme hman chhungin Bialtu Pastor, Rev. L.Ṭhachuoilo an naute pakhat a hlan nghal bawk.
——-
Member thar :
Sept 15, Thawhlehni khan Pangzawl Sec. Hqtrs.ah member thar pakhatin Lal Isua hmingin Rev. K. Lalramdina kutah sual ngaihdamna Baptisma a chang.
———-
Aizawl East District
Bial Sunday School inkhawmpui:
Aizawl East District hnuaia Bial hrang hrangte chuan September 12, Inrinni leh 13, Pathianni khan Bial Sunday School Inkhawmpui rorel an hmang. Kuminah erawh hri leng mek avangin Bial Sunday School inkhawmpui hi kum danga hman thin angin hman theih a ni lo. Kum dangah chuan naupang lamin Pathian thu leh hla hmanga intihsiakna neiin puitling lamin quiz emaw lengkhawm hla hmangin intihsiakna hi an nei thin a, kuminah erawh heng zawng zawng hi kalpui lovin bial te hian rorel inkhawm chauh an nei hlawm a ni, he rorel inkhawmah hian sawrkarin dan a siamte an zawm hlawm a, Bial thenkhatah chuan rorel palai tur bikte pawh kum dang ang lovin an ruat a ni. Bial Sunday School Inkhawmpui rorelah hian Bial te hian Kum 2021-a an mahni bial theuh kalphung turte an ngaihtuah bakah District Sunday School-a kal turte an ngaihtuah hlawm bawk a ni. Aizawl khawpui chhungah erawh Mizoram Sawrkarin hri leng mek tih ziaawm nan Partial Lock Down a puan avangin Bial Sunday School Inkhawmpui hi an la hmang thei lova, Aizawl khawpui chhung bial te hian ruahmanna ang chuan September 12 leh 13 hian rorel inkhawm neih ni se an ti hlawm a, mahse Lock Down avangin inkhawmpui hi la nei thei lovin Bial tam zawk chuan September 19, Inrinni hian ruahmanna siam lehin Lock Down puan chhunzawm an nih leh tak avangin an thulh leh hlawm a, Bial Sunday School Inkhawmpui rorel hi remchang hmasa berah nei turin ruahmanna an siam hlawm a ni.
District Office:
Mizoram Sawrkar in Aizawl khawpui chhungah Partial Lock Down September 10 zan lai atanga September 20 zan lai thleng a puan avangin Aizawl East District Office pawh hemi chhung hian Office kal theih a ni lova, Office khar a ni. Office khar chhunga Office dawr duh harsatna nei an awm chuan District hruaituten hriatthiamna an ngen a ni. Mizoram Sawrkar atanga thuthar a awm leh a nih loh chuan Office hi September 21, Thawhtanni atangin a pangngai anga kalin Office hi dawr leh theih a ni tawh dawn a ni.
Tanpui:
Kahrawt Champhai Local LAD te chuan September 14, Thawhtanni khan an member pui Sis K Lalbani huan an thlawh sak a, thlai chi an thlak sak nghal bawk. Sis K Lalbani hi hmeithai, amah chauha awm a ni a, tlu sual palhin a silawng deuh a, ama huan pawh hi a khawih thei ta silova, heti hian a member- pui te hian an thawhsak ta a ni. Kahrawt LAD OB te hian sum thawh khawmin an kan tawh bawk a ni.
Mithar:
September 13, Pathianni khan Ngopa Bial, Selam Biakinpui-ah chhungkaw khat member 7 te chu Kohhran dang atangin sengluh an ni. Anni hi a hmain Evan ZC Munga kutah baptisma an lo chang tawh a ni
September 13, Pathianni vek khan Thuampui Bialtu Pastor, Rev KVL Hmangaihkima chuan, a bial chhung, Zuangtui Kohhran ah member 8 Kohhran dang atangin sengluhna a nei bawk a, an zing a mi 6 in sual ngaihdamna baptisma changin naute 2 hlan an ni bawk.
September 13, Pathianni vek hian Bethlehem Kohhranah Baptisma khur hawn niin Bialtu Pastor Rev. Rohmingliana, chuan rawngbawlna a nei a, mi 4-in sual ngaihdamna baptisma an chang a ni, an zinga pakhat hi mithar niin Kohhranah sengluh nghal a ni.
Facebook