—
——–
UPC-North East India Kohhran nu pawl, Ladies Auxiliary Department (LAD) General Conference vawi 41-na ASC Home, Kolasib Kuangpuilamah neih mek a ni.
General Conference hi Oct 10, Ninga zan khan tan niin, Rev. K. Satinvela, Former General Superintendent chuan Pathian hnenah hlanin a hawng a, North Mizoram District LAD President Sis. Pc. Lalromawii’n Pathian thuchah a sawi. Tan zan hian UPC North East India District hnuaia District 12 atangin palai an kalkim a, report lut chhinah bus 42, sumo 31, Car 35, Lpk, 207 leh Two wheller engemawzatin palai mi 3000 chuang an thleng tawh a. Arunachal Missions Field atangin chhimtu mi 8 bakah India Unit Ladies Department hruaitu mi 4 te Chennai atanga rawn kalin he conference hi an rawn chhim bawk a ni.
————–
*Rorel inkhawm:*
Vawiin Oct ni 11, Zirtawpni khan Conference pandal-ah rorel inkhawm neih a ni a, Kumin 2019 hi LAD kum 50-na a nih avangin rorel tan hmain General Secretary Rev. R. Lalrinsanga’n Jubilee Souvenir tlangzarhin Pathian hnenah a hlan. Jubilee Souvenir hi Offset press-a chhut tirna man chanve Rs. 60/- a hralhchhuah nghal a ni.
_General Suptd Rev. Lalmalsawma Sailo, a duhzawng sawi tura sawm a ni a, Palai kalte duhsakna chibai bukin; Kan eng, mi mit hmuha a enchhuah theihnan India hmarchhak LAD member ten Thianghlimna ataka kan nunpui a ngai a ni ati._
Rorel palai 1650 ten rorel dawhkan kilin; General LAD President Sis. Lalchangliani Sailo, Bible Woman chuan rorel a kaihruai. An thu pass langsar zual te :
1. Kum 2021 General LAD Conferene Thleng turin Aizawl East District ruat a ni a, Kum 2023 ah Churachandpur, Manipur.
2. Chhungkaw Maicham bu hi Kohhran chhungkaw tinin neih a nih theihnan hmalak nise.
3. LAD chanchinbu Pentecostal Lady chanchin bu lakman Rs. 80/- atangin Rs. 100/-ah tihpun a ni.
4. KUm 2020 chhungin Bible chhiarchhuaka inelna buatsaih nise.
5. Kum 2020 LAD Day ip atanga General LAD a sum lut te Shillong Guest House sak nana dah nise.
6. LAD Day thawhlawm, Ni chanve hlawh hi LAD Member ten an ngaihpawimawh zawk theihnana hma thar lak nise.
7. Bihar Missions Field Manahar hmuna Biak in sak nise.
8. Calvary Bible College tanpuinan awngphah chhah leisak.
9. District LAD Conference hrang hrang inchhimtawn nise.
10. General LAD Conference fund 2020 atangin 1000 ah tihsan a ni.
11. General LAD Membership fee kum 2020 atangin Rs. 10/-ni tawh se.
Oct ni 12, Inrinni hian nilengin Golden Jubilee lawmna hun an hmang a, tlai lamah jubilee ruai buatsaih a ni. Conference chhunga Speaker te :
Ninga zan : Sis. PC Lalromawii
Zirtawp zan : Rev. C. Lalrintluanga
Inrinni zan : Pastor H. Lalropuia
Pathianni Chawhma : Rev. Zohmingthanzama
Pathianni Chawhnu : Sis. Lalchangliani Sailo
Pathianni zan : Rev. Lalmalsawma Sailo
———
Lunglei District News :
1.GENERAL P.Y.D. LIVE CRUSADE HLIM TAKIN HMAN A NI:
Oct.3 nilaithawhtan zan atanga Oct.6 Pathianni zan thleng khan Pentecostal Youth Department, North East India kum 50-na (Golden Jubilee) puala buatsaih Live Crusade chu Rahsiveng U.P.C. Biak inah hlim takin hman a ni.
He Live Crusade-ah hian Speaker atan Thuampui bialtu Pastor Rev.K.VL.Hmangaihkima chu hman a ni a, a hnen atang hian Pathian thu pawimawh leh ropui tak tak ngaihthlak a ni.
Tin, Oct.6 Pathianni ah Golden Jubilee Souvenir chu Lunglei District Superintendent Rev.C.Vanlalena chuan a tlangzarh bawk.
Live Crusade neih chhung hian General PYD Choir, Lunglei District PYD choir, Pentecostal Choir (Aizawl East District) bakah North East India PYD-a malzai thiam tak takte an zai bawk a ni. (Pic. Live Crusade)
2.MISSIONARY TRAINING :
October 5 inrinni khan Lunglei District Missions Department hnuaia, Home Missionary-te leh bialin a rawih Missionary-te pualin Missionary Training District Conference Hall-ah buatsaih a ni.
He Missionary Training hi 1st Session leh 2nd Session-ah then a ni a, 1st Session-ah hian Rev.C.Vanlalena District Superintendent chuan ‘Missionary Ethics’ tih thupui hmangin zirtirna a pe a, 2nd Session-ah Dr.J.Lalnunmawia chuan ‘First-Aid chungchang’ tih thupui hmangin ziritirna a pe bawk.
He Missionary Training-ah hian Lunglei District Missions Department hnuaiah Home Missionary 7 te bakah bialin a chhawr mi 2 te an tel a ni. (Pic.Missionary Training)
3.CERTIFICATE HLANNA NEI:
October 1, thawhlehni khan Lunglei District UPC Press hnuaia thla ruk training zo mi pahnih te hnenah Certificate hlanna inkhawm tawi Lunglei District UPC Office-ah neih a ni.
He inkhawm hi Press Board Secretary leh Manager nibawk Evan.R.Ropianga chuan a kaihruai a, District Secretary Rev.PC.Lalfakawma chuan Certificate hlanna a nei. Kumina Training chhuak te hi Printer-ah PC.Malsawmtluanga S/o Huapzauva, Pangzawl Ramrikawn leh Folder-ah F.Rochanpuii D/o F.Zothankhuma, Thingsai te an ni. Kumina Training chhuakte hi Press Board chuan thla ruk chhung a chhawr chhunzawm ang. (Pic.Certificate hlanna)
4.MI THAR :
1.Oct.5 inrinni zan khan Cherhlun Local-ah mi thar 1 kohhranah lawmluh a ni a, bialtu Pastor K. Lalnunpuia chuan Isua hmingin baptisma a chantir nghal bawk. (Pic.Pastor K.Lalnunpuia)
2.Oct.2-6 chhung khan Buarpui Local-ah bialtu Pastor T.Zahmingliana Speaker-ah hmangin Crusade neih a ni a, Oct.6 Pathianniah mi thar 1 lawmluh a ni. (Pic.Pastor T.Zahmingliana
5.JOINT CONFERENCE HMANG
5.1. TAWIPUI BIAL : Oct.4-6 chhung khan Tawipui bial PYD leh LAD Joint Conference chu Mualcheng S Local biak inah neih a ni a, Speaker atan bialtu Pastor Rev.H.Rothuama chu hman a ni.
Oct.5 inrinniah rorelna neih a ni a, bial PYD te chuan Pastor Quarters hnuai wiring nise an ti a, bial huapa ruihhlo hman sual, dan leh hrai, kohhran inrelbawlna leh khua leh tui tha ni tura Awareness Campaign neih nise an tih bakah bial huapin Sport Meet neih nise an ti a, 2020 Joint Conference hmun atan Thualthu Local nise an ti bawk.
5.2. PANGZAWL BIAL : Pangzawl bial PYD&LAD Joint Conference chu Oct.4-6.chhung khan Bungtlang Local-ah hman a ni a, Speaker atan Evan. K. Lalrinthara President, Chhimtuipui District PYD chu hman a ni. Thupui atan ‘Zirtirna Dik’ Tita 2:1 chu hman a ni. Oct.5 inrinniah rorelna neih a ni a,rorel pawimawh zual te:
LAD-te chuan Bial chhung Local in tlawh tawn nise an tih bakah ASC Home naupangte Rs. 5000 a bialin sponsore leh nise an ti a, District LAD inkhawmpui lo awm turah motor hmanga kal nise an ti bawk.
PYD-te chuan Target tlak hmasa lawmman siam leh nise an ti a, kum 2020 chhungin Pangzawl PHC ah Poor Fund pek leh nise an ti bawk.Tin, kum 2020 a Conference neih lehna tur atan Lungmawi Local a ni ang.
————-
Aizawl East District News
District Missions Inkhawmpui:
Aizawl East District Missions Department Inkhawmpui October 25 atanga 27 chhunga Thingsulthliah hmuna neih tur atan inbuatsaihna chak taka kalchhohpui mek zel a ni. He Inkhawmpui thlengtu tur Thingsulthliah Bialte pawh nasa taka inbuatsaih mek zelin hnatlang an nei chho reng a ni. Inkhawmpui hi Thingsulthliah playground-a pandal a dung ft 90 leh a vang ft 60- a liana sakah hman tur niin Kohhran mipui bakah Thingsulthliah khawtlang te pawhin hnatlangin an pui reng a ni. Kumin Aizawl East District Missions inkhawmpui turah hian tarlan tawh angin Thupui hranpa nei lovin mi hrang hrang: Rev Pc.Lalnghakliana, Rev Darchhawna, Rev K.Hrangvunga, Rev R.Lalthanzuala bakah Rev HL Thakunga, Rev R.Lalhawia leh Rev Rosanga Kawlni te hnen atangin thuchah ngaihthlak thin a ni anga kum danga tih tawh thin angin rorel lo tan vantlang inkhawm neih leh tur niin hetah hian Evan HK Lalhmangaiha hnen atangin thuchah ngaihthlak a ni dawn a ni. Mikhualte hi Counter panga 2-ah lo hmuah tur niin Counter No-1 hi Pi Helen Thanchungnungi In kawt, Camp Area-ah siam niin Counter No-2 hi Pu Sangluaia (L) Inkawt, Playground pengah siam a ni bawk. He Inkhawmpui hmang tur hian tlang tin leh mual tina Kohhran member a tam thei ang ber kal turin Organising Committee leh District Missions hruaitute chuan min sawm a ni.
Music zirna:
Aizawl East District PYD hnuaia Music & Sound Committee te hmalaknaa Music Class buatsaih chu kalchhohpui mek zel a ni. Kuminah hian Tonic Solfa bakah Instrument- Keyboard leh Guiter te zir tel niin kum dangah chuan thla khat chauh zir thin a ni a, kuminah erawh thla hnih zir tura tih a nih angin September thla khan Tonic Solfa an zirzo tawh a, October thla hian Instrument an zir chho leh dawn a, October 8, Thawhlehni khan Tonic Solfa exam hi an nei a ni. Music Class-ah hian Bial hrang hrang atangin PYD member engemaw zat chuan zirin District dang atang pawhin zir an awm bawk a ni. He Music School hi kumdangah pawh chhunzawm zel tura ruahman a ni
2020 Nilaizan thupui editing zawh a ni.
Kum 2020 chhunga Aizawl East District ten Nilai zan thupui an zir tur chu Editing hna September 19, Ningani khan zawhfel a ni. Tarlan tawh angin Kum 2020-ah hian Aizawl East District te hian Rev VL Hnemtluanga ziah chu zirhona an nei dawn a ni. Nilai zan thupui-ah hian Bung 42 dah niin thupui hlawm hrang hrangah then a ni a, Chanchintha chungchang, Thlarau thianghlim nei rawh u tihte, Baptisma chungchang, Thlemna chi thum, Unau in hmangaihna, Titiautu tenawm, Tawngtai chungchang, Chawlhni chungchang, Mihirng ti bawlhhlawhtu, Isua thiltih ropui chi hrang hrangte, Ni hnuhnunga mite bakah mi thianghlim lawr, Harmagedon indona rapthlak chungchangte, Kum sang rorel, Van thar leh lei thar bakah Environment hunhalh a nih theihna tur atan thu pawimawh tak takte chu zirho tura a langsar zualte an ni.
Sound Training:
October 5, Inrinni nileng khan Thuampui PYD te buatsaihin Sound Training neih a ni. He hunah hian mi Thuampui PYD mi 14 telin hlawktakin hun an hmang a ni. Sound Training-ah hian Bro Laltanpuia Khiangte, Zemabawk chu Trianers-ah hman niin he huna telte hian hlawkthlak an ti hle a ni.
Environment Protection:
October 8, Thawhleh zan khan District PYD hnuaia Environment Protection Committee te hmalakna in Bawngkawn Sunday School Hall-ah Environment Protection Awarness hlawhtling taka neih a ni. He hun hi T.Upa R.Vanlalropeka, Chairman chuan kaihruaiin Sis Lalhunlawmlawmi, Committee member chuan tanna hun hmangin Bro. Lalnunhlima, Secretary hnen atangin Environment Protection Committee te hmalakna hrang hrangte ngaihthlak a nih bakah inhmelhriattirna a nei bawk. Evan K.Lalmuansanga, Upper Republic, Association for Environment Protection (ASEP) President ni bawk chu Resource person-ah hman niin ani hnen atang hian Pathian thilsiam nungchate humhalh a pawimawh thute, Pathian thuawihna pawimawh tak a nih thute bakah ramngaw leh nungcha humhalh a pawimawhna hrang hrangte ngaihthlak niin ram ti kang lo tura tan lak a pawimawhna te, thing phun belh zel a tul thute bakah midangte zirtir kawnga nasa taka tan lak a tul thute ngaihthlak a ni a, Pentecost thalaite chu midangte entawn tlak nun nei turin leh Environment humhalna kawnga theihtawp chhuah turin a chah a ni. Bro R.Vanlalzamliana kaihhruaiin kalkhawmte hian ramngaw leh nungcha humhalhna kawngah tan la zel turin intiamna an nei bawk a ni. Bro.Lalengmawia, Treasurer chuan lawmthu sawina neiin Slogan inphuahsiak result puanna a nei nghal a, Evan C.Lalremruata, District PYD Asst.Secretary chuan tawngtaiin hun a titawp a ni. He hunah hian Pentecostal Choir bakah Bawngkawn Bial zaipawlte chuan fak hla sa in Aizawl khawpui chhunga Bial hrang hrang atangin PYD member engemaw zat an kalkhawm a ni. Slogan inphuahsiaka lawmman dawngtute leh an Slogan phuah:
Pakhatna: Bro.Lalfakzuala, Bawngkawn Bial- Thlarau nunna Isua, Tisa nunn ramngaw leh nungcha
Pahnihna: Bro H.Lalthangpuia, Upper Republic Bial- Vawiinah thingphun la, naktukah khawvel chhanhim rawh
Pathumna: Bro K.Lalrintluanga, Chhingchhip Bial- Hriselna thuruk chu ramngaw neih that hi a ni.
Chawimawina:
October 5, Inrinni khan Zohmun Kohhrana lawi Upa Zaneihchhunga te chhungkua chuan Pathian chawimawina neiin Kohhran ten hlim takin hun an hmang. He hunah hian Speaker-ah Bro.H Lalfakzuala of Khanpui chu hman niin mithar 4 Kohhranah sengluh an nih bakah nau pahnih hlan an ni bawk.
Crusade:
District Missions Department in ruahmanna alo siam tawh angin Khawbung Bial, Khawbung hmunah Revival Crusade hman mek a ni. He Crusade-ah hian Speaker-ah Evan R.Vanchhunga, District Fulltime Evangelist chu hman niin ruahmanna ang chuan Crusade hian October leh November thla thleng neih tura tih a ni.
Seminar:
October 5, Inrinni hian Hnahlan Bial, Hnahlan Darnam Biakin-ah Hnahlan bial chhunga rawngbawltute pualin Thianghlimna Seminar neih a ni. He hunah hian Rev C.Lalengliana, District Thianghlimna Committee Chairman chu Resource person-ah hman niin bial chhung atangin member engemaw zat an tel thei a ni. Resource person hnen atang hian Thianghlim a tulna hrang hrangte, Chhungril lam thianghlim a tul thute bakah zuk leh hmuam chungchanga Thianghlimna leh COTPA Act 2003 chungchuang te zirhona neih niin sawihona hun tha tak neih a ni a, kalkhawm ten hlawkthlak an ti hle a ni. Rev C.Lalengliana hi Soloist Sis Maremi, Sesawng chuan tawiawmin zaia rawngbawlna a nei thin a ni. Inrinni zan atanga Pathianni zan thleng khan Hnahlan-ah hian Rev C.Lalengliana hian rawngbawlna a nei chhunzawm a ni.
Inkhawmpui hmanpui:
Aizawl East District LAD Hruaitute chuan sawm an nih angin October 3 atanga 6 chhung khan North Bengal Sikkim Missions Field hnuaia Joint PYD & LAD Inkhawmpui Madhu T.E hmuna hman chu an hmanpui. He hunah hian Sis Lalramsiami B/W, Asst. Secretary chuan October 3, Ninga zan leh Pathianni zan khan thuchah sawina neiin October 4, Zirtawp zanah Sis H.Lallianzaui, Fin.Secretary hnen atangin thuchah ngaihthlak a ni bawk. Bro C.Lalpianthanga, Driver chuan Inirnni zan khan thuchah sawina nei bawkin Sis Zionparmawii B/ W, Vice President hnen atangin Pathianni chawhma khan thuchah ngaihthlak a ni bawk. North Bengal Sikkim Missions Field Joint PYD & LAD Inkhamwpui-ah hian Zirtawpni nileng khan Bible Quiz, Solo Competition bakah Football hmangin intihhlimna hun an hmang a ni. Inkhawmpui neih chhung October 6, Pathianni khan mi 10 in sual ngaihdamna baptisma an chang bawk a ni. Aizawl East District LAD Hruaitute hi October 8, Thawhlehni khan dam takin Aizawl an rawn thleng leh a ni.
Kumpuan pual hun hmang dawn:
October 18, Zirtawp zan hian Aizawl East District PYD hnuaia Kumpuan Sub-Committee te chuan ITI YMA Hall-ah kumpuan pual hun an hmang dawn. He hunah hian Bial hrang hrang atanga Kumpuan Short Film inelna an buatsaih result puanna neih a ni dawn bawk a ni. He hun hmang tur hian Aizawl khawpui chhunga bial hrang hranga PYD member a tam thei ang ber kal turin min sawm a ni.
Hruaitute Programme:
Aizawl East District hruaitute Rev Rosanga Kawlni, District Superintendent, Rev Biaksangzuala, District Secretary leh Rev Vanlalfela Ramtiam, District Treasurer te chuan General LAD Conference, Kolasib Khuangpuilam hmuna hman mek chu telpuiin Rev Vanlalfela Ramtiam hian Ninga zanah Benediction hun a hmang bawk a ni.
———–
Chhimtuipui District
CHHUNGKUA NI HMANG
District Conference rorel bawhzuina in Dt.06.10.2019 (Pathianni) khan Chhungkua Ni hlim taka hman ani.
Dist chhung local church tinten urhsun taka hmangin, hemi ni puala thu chah sawitu leh kaihruaitu ruatbik ten hun an hmang.Tualchhung Kohhran thenkhatah chuan chhuangkua bika thutna siam ah chhungkua tinte thu hrangin, kohhran statistician ten kohhran report anpe bawk ani.
DISTRICT HRUAITUTE PROGRAMME
:-
1. District superintendent Rev Thanchunga Sailo chuan College Veng localah speaker niin Chhungkua ni ahmanpui.
2. Dist Secretary Rev Joseph L Thlauhthang chuan Dist Hqrs localah chhungkua Ni ahmanpui.
3. District Treasurer Rev WL Thanghre chuan Dist Hqrs localah chhungkua Ni hmangin, rawngbawltu lak tharna hun ahmang.
4. Dist Mission Director Rev Dr C Sihmo chu chhungkua Ni speaker niin Dist Hqrs local ah hun ahmang.
———
MISSION CONFERENCE NA HMUN TUR TLAWH
Rev Dr C Sihmo Dist MS Director leh Upa John VT Hniehu Dist MS secretary techuan Dt.05.10(Inrinni) khan 2019 Dist Mission Conference thlengtu tur Niawhtlang local tlawhin, conference an inbuatsaihnate enpuiin, ruahmanna ansiampui.
——-
RAWNGBAWLTU LA THAR
Dt.06.10(Pathianni) khan Dist Hqrs Local Church Board chuan rawngbawltu 3 an la thar. Heng lak tharte hi Bro.S Zoramsanga, Bro S Vanlalvena leh Bro Lalhmingdanga Tlau te niin, Rev WL Thanghre Dist treasurer chuan hriak thihna neiin tawngtai sakna anei bawk ani.
——–
DIST EVANGELIST TE RAWNGBAWLNA
1. Evan Robert B Lalnunsiama T chuan Dt.28-30.09 chhung khan Bualpui bial conference ah speaker niin rawngbawlna anei. Dt.06.10(zan) khan Dist Hqrs local New Siaha ah rawngbawlna anei bawk ani.
2. Evan N Thanghnuna chuan chuan Dt.25-30.09 khan Bungtlang myanmar ah crusade anei a, Dt.12-13.10 hian Tialdawngilung ah crusade anei leh ang.
## BIBLE CHHIARNA NEI
Sangau Bial LAD Conference rorel bawhzuina in Sangau II Local LAD chuan Dt.07.10(zan) atang khan bible chhiarchhuahna annei tan.
———–
CHHIMTUIPUI DISTRICT PYD (UPC NEI) TEN ZUK LEH HMUAM DONA PUALIN NO TOBACCO WEEK HMANG
Chhimtuipui District PYD techuan 42nd District PYD Conference rorel No tobacco to PYD bawhzuina pakhat atan Dt 01-06, November 2019 chhung khan No tobacco week an hmang.
Week hi Dt.01.10(tuesday) khan Local tinah ahawnna neih ani a. Dt 02.10.2019(wednesday) khan Chhimtuipui District chhung bial paruk khawchhung lunlai ah Vaihlo leh akaihhnawih thatlohna lam thuziak sign board tar ani. He sign board hi kohhran chhungkua miinphal ten an donated ani. Mizo, Mara leh Lai tawng a ziah ani.Tin, hemi ni vek hian Vaihlo leh akaihhnawih thatlohna lam poster tarna te neiin, pamphelt leh sign chi hrang hrang semna annei bawk ani.
Dt.04.10(friday) khan zuk leh hmuam/vaihlo leh akaihhnawih thatlohna lam au hla(slogan) inziahsiakna neih ani. Dt.05.10 zing khan Siaha Bial PYD huaihawtna hnuaiah Marathon for No tobacco to PYD neih niin Siaha Meisatla atang Siaha bazar(traffic point) thleng tlan ani a, mipa leh hmeichhia pakhatna atang pathumna tehnenah lawmman siamsak niin, naupang ber leh upa ber lawmman pek anni bawk. Dt.06.10(Sunday) khan local church tinah week kharna neih ani.
District PYD hian 30th June khan No tobacco Day hlawhtling takin anlo hmang tawh bawk ani.
Chhimtuipui District PYD ten zuk leh hmuan dona kawnga anhmalakna hrang hrangah hian sawrkar lam Siaha Dist Anti tobacco Squad/society Siaha tenen thawk tlangin, Awareness te neihpuiin poster, pamphelt leh No tobacco sign chi hrang hrang sem tur an pe bawk ani.
Facebook