Oct ni 10 atanga 13 chhung khan Ladies Auxiliary Department (LAD) General Conference vawi 41-na ASC Home, Kolasib Kuangpuilamah neih a ni a. Kumin hi LAD kum 50-na a nih avangin Golden Jubilee lawmna hun hman nghal a ni bawk.
General Conference hi Oct 10, Ninga zan khan tan niin, Rev. K. Satinvela, Former General Superintendent chuan Pathian hnenah hlanin a hawng a, Rev. Laltluanga’n palai lawmna thu tawi a sawi. Sis. Zionparmawii’n tanna hun a hmang a, Chhimtuipui Dist LAD zaipawl, Zemabawk vengpui, Bazar Bial LAD ten mawi takin fak hla an rem. In eng chu mi mit hmuhin eng rawh se “Chhungkuaah” tih thupuia hmangin Sis. Pc Lalromawii’n Pathian thuchah a sawi a, Rev. Vanlalfela Ramtiam chuan malsawm tawngtaiin inkhawm a tin a ni.
Oct ni 11, Zirtawpni khan Conference pandal-ah rorel inkhawm neih a ni a, Kumin 2019 hi LAD kum 50-na a nih avangin rorel tan hmain General Secretary Rev. R. Lalrinsanga’n Jubilee Souvenir tlangzarhin Pathian hnenah a hlan. Jubilee Souvenir hi Offset press-a chhut tirna man chanve Rs. 60/- a hralhchhuah nghal a ni.
General Suptd Rev. Lalmalsawma Sailo, a duhzawng sawi tura sawm a ni a, Palai kalte duhsakna chibai bukin; Kan eng, mi mit hmuha a enchhuah theihnan India hmarchhak LAD member ten Thianghlimna ataka kan nunpui a ngai a ni ati.
Rorel palai 1650 ten rorel dawhkan kilin; General LAD President Sis. Lalchangliani Sailo, Bible Woman chuan rorel a kaihruai. An thu pass langsar zual te :
1. Kum 2021 General LAD Conferene Thleng turin Aizawl East District ruat a ni a, Kum 2023 ah Churachandpur, Manipur.
2. Chhungkaw Maicham bu hi Kohhran chhungkaw tinin neih a nih theihnan hmalak nise.
3. LAD chanchinbu Pentecostal Lady chanchin bu lakman Rs. 80/- atangin Rs. 100/-ah tihpun a ni.
4. KUm 2020 chhungin Bible chhiarchhuaka inelna buatsaih nise.
5. Kum 2020 LAD Day ip atanga General LAD a sum lut te Shillong Guest House sak nana dah nise.
6. LAD Day thawhlawm, Ni chanve hlawh hi LAD Member ten an ngaihpawimawh zawk theihnana hma thar lak nise.
7. Bihar Missions Field Manahar hmuna Biak in sak nise.
8. Calvary Bible College tanpuinan awngphah chhah leisak.
9. District LAD Conference hrang hrang inchhimtawn nise.
10. General LAD Conference fund 2020 atangin 1000 ah tihsan a ni.
11. General LAD Membership fee kum 2020 atangin Rs. 10/-ni tawh se.
Zan inkhawm Sis. F. Rohlupuii B/w General LAD Trea chuan a kaihruai a, Sis. Nitei B/w in tanna hun hmangin ASC Home Naupangte, Pukpui Local LAD, Upper Republic Local, Lunglei Bazar Local LAD zaipawl ten zaia rawngbawlna an nei a. Lunglei District Treasurer Rev. C. Lalrintluanga hnen atangin “In eng chu mi mit hmuhin eng rawh se, “Khawtlangah” tih thupuia hmangin Pathian thuchah ngiahthlak a ni.
Oct 12, Inrinni chawhma dar 10:00ah Jubilee lawmna inkhawm tan a ni a, Conference pandal kawtah bul tan niin; Rev. R. Laichhingpuia’n hunserh a hmang.
Rev. Lalmalsawma Sailo General Superintendent chuan Jubilee Monument hawnna a nei a, Sis. Thangziki General LAD Secy/Trea hmasa berin Jubilee mei detna a neih chhunzawm. Jubilee lawmnan Parva leh baloon chhuahna neih a ni a, Rev. Lalmalsawma Sailo leh Sis. Lalchangliani Sailo ten Jubilee parva chhuahin Rev. R. Lalrinsanga, Rev. Zohmingthanzama, Sis. Shandya, India Unit LAD hruaitu, Sis. Lalramthangi, Sis. F. Rohlupuii ten baloon an chhuah bawk.
Sis. K. Lalrokimi kaihhruainain Golden Jubilee dar vuak a ni a, dar vaw tura ruat mi 50 ten Jubilee dar an vua a, pandal chhungah Jubilee lawmna programme hman chhunzawm a ni.
General LAD President Sis. Lalchangliani Sailo B/w chuan inkhawm kaihruaiin Joint Choir-General Choir, Pentecostal Choir leh North Mizoram PYD Choir ten Jubilee puala hla inphuahsiak lawmman pakhatna dawngtu hla phuah Golden Jubilee rangkachak tih mawi takin an rem a, Jubilee puala hla inphuahsiak lawmman semna neih chhunzawm a ni.
Lawmman dawngtute :
1. Laltlanthangi, maubawk “Golden Jubilee rangkachak”
2. Sis. C. Lalhmangaihi, Zotlang Lunglei
3. Sis. Vankhumi, Farm veng Lunglei
Jubilee chibai bukna thutawi General Missions Director Rev. R. Lalhawia, Former Gen. LAD Pre.
Sis. Ronguri, ten an sawi a, Zaipawl ASC Home Naupangte, Churachandpur Dist LAD, Kolasib Bial LAD, Dinthar Bial LAD, Pukpui Local LAD, Chaltlang Bial LAD, Thingsulthliah Bial LAD te hnen atanga ngaihthlak leh niin; India Unit atanga palai rawn kalten puppet show hmun nawm tak an entir bawk. Aizawl East Dist Supt Rev. Rosanga kawlni a tawngtai a, chawhma hun kar a ni.
chawhnu hunah Rev. R. Lalrinmawia, Tripura District Secretary in tawngtaina a nei a, India Unit UPC, Chennai atanga palai rawn kal Sis. Shandya hnen atangin chibai bukna thutawi ngaihthlak a ni ve leh a, Former General LAD President Sis. Prof Lalhmasai, B/w leh Sis. Zaithangliani B/w hnen atangin hetiangin chibai bukna ngaihthlak a ni bawk. Zaipawl Bawngkawn Bial LAD, Zotlang Local LAD, Lawngtlai West Dist leh Rengdil Bial LAD atangin ngaihthlak niin Chhimtuipui District Supt Rev. Thanchunga Sailo in malsawm tawngtaiin inkhawm a tin.
Jubilee lawmna ruai theh a ni a, mi 6000 chuangin Jubilee lawmna ruaipui hi an kil a ni.
Inrinni zanah Sis. Hnamtinsangi Darlong B/w chuan tanna hun hmangin; Bawngkawn Bial, Hun thar Bial, Lunglei Electrict Local leh N. Mizoram Dist Choir ten fak hla mawi takin an rem a, Arunachal Missions Field atanga palai rawn kalten worship dance hmuhnawm tak an entir bawk.
General PYD President Pastor H. Lalropuia hnen atangin In eng chu mi mit hmuhin eng rawh se “Kohhranah” tih thupuia hmangin thuchah ngaihthlak a ni.
Lawmman semna neih chhunzawm a ni a,lawmman dawngtute :
Pentecostal Lady man tlak hmasa te :
1. Delhi Kohhran
2. Lunglei District
3. N. Mizoram District
Pentecostal Lady La tam te :
1. Central District – 52.91%
2. Aizawl East District – 44.44%
3. N. Mizoram District – 36.19%
Lunglei District Supt Rev. C. Vanlalena’n malsawm tawngtaiin inkhawm a tin a ni.
Oct 13, Pathianni zing inkhawm Lalchangliani Sailo B/w chuan a kaihruai a, Sis. R. Lalthangpuii hnen atangin LAD Sam ngaihthlak a ni. Joint Choir, N. Mizoram Dist. Choir, Pentecostal Choir, Chhimtuipui Dist LAD leh Chaltlang Bial LAD te hnen atangin fak hla mawi tak tak ngaihthlak a ni a, General Missions Field, Manahar, Bihar State Biak in sakna turin appeal neih a ni a, General Missions Treasurer Evan. Pc Lalrokima’n appeal hi neiin cheng 5,51,000/- hmun a ni.
General Treasurer Rev. Zohmingthanzama hnen atangin In eng chu mi mit hmuhin eng rawh se “Chanchin tha hrilna kawngah” tih thupuia hmangin Pathian thuchah ngaihthlak a ni.
Pathianni chawhma inkhawman hian Lawmman sem a ni a, Buhfai tham tha lawmman dawngtute :
1. Sis. Vanlalruati, Aizawl East Dist
2. Sis. Laltlingzovi, Aizawl East Dist
3. Sis. F. Rohlupuii, N. Mizoram Dist
General LAD Target khum te :
Chandel District, N. Mizoram District, Tripura District, Imphal District,
Churachandpur Dist Supt Rev. Lalzawm Gangte in malsawm tawngtaiin inkhawm a tin.
Pathianni chawhnu inkhawm Sis. Lalramthangi B/w in a kaihruai a, Sis. Dengliani B/w chuan tanna hun hmangin, Aizawl East Dist Bazar Bial, N. Mizoram Dist Hqrs Bial LAD, Pentecostal Choir, Lunglei Electrict Local LAD, ten zaia rawngbawlna an nei.
Sis. Lalchangliani Sailo B/w hnen atangin In eng chu mi mit hmuhin eng rawh se “Thianghlimnaah” tih thupuia hmangin Pathian thu ngaihthlak a ni a, Lawngtlai West Dist Supt Rev. R. Ramthatzawla’n malsawm tawngtaiin inkhawm a tin a ni.
Pathianni zanah General LAD President Sis.Lalchangliani Sailo B/w chuan inkhawm a kaihruai a,
General PYD, Odomonos Choir, leh Chhimtuipui Dist LAD ten zaia rawnbawlna an nei.
General Supt Rev. Lalmalsawma Sailo hnen atangin In eng chu mi mit hmuhin eng rawh se tih thupuia hmangin Pathian thuchah ngaihthlak a ni a, Rev. P. Chunga Singson-in malsawm tawngtaiin inkhawm atin a ni.
Kumin General LAD Conference ah hian palai riaklut in report mi 3050 awmin; Bus – 47, Sumo – 44, Pickup – 21, Car – 35, Lpk – 1, 207 – 1, Two wheeler – 40, leh bolero -10 chuangin palai te hi an kalkhawm a, riak lut lova Conference chhimtute nen avaiin mi 6000 chuangin conference hi an hmang a ni.
UPC North East India huamchhung Dist 12 atangin palai an kal kim vek a, India unit atangin mi 6 leh Arunachal Missions Field atangin mi an rawn kal bawk.
(PIC: General LAD Conf)
———–
General LAD conference thlengtu ASC home chuan Conference vuakvet hun chhungin sum fai Rs. 4,43,400/- zet tanpuina a dawng a, heng bakah hian Tui pump khawl, Bookshelf, Thuamhnaw, Bufai bag, Sweet, biscuit, toothpaste, pencil, soap pack thahnem tak, celing fan, plastic rack, Dining chair te an dawng bawk.
Thilpek petute hi District hmingin Lunglei District LAD, Lawngtlai West District, South East Nagaland, Churachandpur, Imphal leh Central District ten an pe a, Bial hrang hrang 42, Tualchhung Kohhran leh bakah Mimal engemawzat hnen atanga lut a ni.
Compassion Center Project Director Rev. Jh Zahluna chuan home tana hmangaih thilthlawn pek petute zawng zawng chungah thinlung takin lawmthu a sawi a ni.
——–
General hruaitute Programme :
General Suptd Rev. Lalmalsawma Sailo chuan Oct 16, Nilaini khan Aizawl chhuahsanin Imphal District Board neihpui turin a zinchhuak.
General Secretary Rev. R. Lalrinsanga chuan Oct 14-19 chhung khan Delhi leh Kolkata ah Kohhran rawngbawlna tul hrang hrang buaipuiin hun a hmang.
General Missions Director Rev. R. Lalhawia chuan Oct 15, Thawhlehni khan Aizawl chhuahsanin Arunachal Missions field ah rawngbawlna a nei ang.
————
District hrang hrang rawngbawlna chanchin ngaihthlak chhunzawm ila :
Aizawl East District :
October 25 atanga 27 chhunga Thingsulthliah Bial ten Aizawl East District Missions Department inkhawmpui an thlenna tur atan engkim peih thawkhat a ni ta.
He inkhawmpui hi Thingsulthliah Playground-a pandal a dung ft 90 leh a vang ft 60- a liana sakah hman tur niin a thlengtu tur Thingsulthliah bial te nasa taka inbuatsaihin inkhawmpui thleng tur hian inpeih thawkhat a ni ta. Kumin hi Aizawl East District Missions Department a din atanga a Kum 25-na, Silver Jubilee a nih angin ropui taka lawm tum a ni a, Inkhawm apiangin Department hrang hrangte thutawi sawina hun pek niin thuchah sawi turin District Kohhranpui hruaitu bakah General Missions Director leh District Missions Department hruaina hna lo thawk tawhte ruat an ni. Heng mite hian thuchah sawina an nei ang:
Zirtawp zanah: Evan H.Kristiana leh Rev R.Lalthanzuala
Inrinni zanah: Rev Pc.Lalnghakliana leh Rev Darchhawna
Pathianni chawhma: Rev R.Lalhawia, General Missions Director
Pathianni Chawhnu: Rev HL Thakunga
Pathianni zan: Rev Rosanga Kawlni, District Superintendent
Aizawl East District Missions Inkhawmpui hi Rev H. Dingliana chuan hawnna neiin Rev Rohmingliana, Thingsulthliah Bialtu Pastor hnen atangin palai lawmna thu ngaihthlak a ni ang. October 26, Inrinni-ah rorel inkhawm Thingsulthliah Biakin-ah neih a ni anga, rorel lo tan vantlang inkhawm, pandal hmunah neih leh tur niin Home Missionary, Evan HK Lalhmangaiha hnen atangin thuchah ngaihthlak a ni anga, Sis Ganden Pujen, Manigong, Arunachal chuan Special Item a nei bawk ang.
———
October 9, Nilaini khan District Office-ah Aizawl East District Revival Committee thutkhawm neih a ni. Rev KVL Hmangaihkima, Chairman chuan kaihruaiin thu pawimawh tak tak ngaihtuah a ni a, heng hmunah te hian dilna an hmuh angin Revival Speaker-te rawngbawl tura tirhchhuah ni se an ti.
1. Zuangtui Kohhran: Evan HMS Dawngkima, Ebenezar Revival Team Speaker. Zuangtui Kohhran-ah hian October 12 atanga 20 chhung rawngbawl tura tih an ni.
2. Serchhip Bial PYD: Evan Lalbiakmuana, Philadelphia Team Speaker chu kal tura tih niin rawngbawl hun chhung tur leh tul dang chu Bial hruaitute nen inbe fel tura tih an ni.
3. ITI Kohhran: Evan H.Lalhlimpuia, Crusader for Christ Team Speaker chu kal tura tih a ni. ITI Kohhran te hian November 15 atanga 17 chhung hian lang camp an buatsaih dawn a ni.
4. Chhiahtlang Hmar Veng PYD: Evan Vanlalruatsaka, Apostolic Herald Team Speaker chu kal tura tih niin November 1 atanga 10 chhung rawngbawlna nei tura tih a ni.
5. Kawlkulh Bial PYD: Evan K Vanlaldika, Krista aia Palai Team Speaker chu kal tur tih a ni. Kawlkulh bial te hian November 16 atanga 24 chhung hian Crusade leh Thu leh hla kutpui an hmang dawn a ni.
Revival Speaker leh Team te hi an rawngbawlna hmunah hian Pathianni vawi hnih tal hmang tura beisei an ni.
———–
October 18, Zirtawp zan khan Aizawl East District PYD hnuaia Kumpuan Committee te chuan ITI YMA Hall-ah Kumpuan Night hlawhtling takin an hmang.
He hunah hian Evan C.Lalremruata, OB Incharge chuan thu tawi sawina nein; Kumpuan Slogan Clip tlangzarhna, Rev R.Laltlankima, District PYD President chuan a nei a, Kumpuan “Intodelh” puala seminar buatsaihah Sis Betty H. Lawmsangpuii resources person atan an hmang.
Kumpuan Nite-ah hian Bial hrang hrang ten Kumpuan puala Short Film an siam result puanna leh lawmman semna hun hman a ni a, result kimchang erawh karleh news ah tihchhuah a ni ang.
Dist Kumpuan Committe hian Oct 20, Pathianni hmang hian Kawlkulh bial tlawhin hun an hmang dawn a ni.
———–
Thuampui Bial, Muanna Veng-a June 26 zan at Crusade neih chu October 13, Pathianni khan a tiak ta. Crusade neih chhung hian Pathian chawimawina vawi 15 awmin sual ngaihdamna baptisma mi 13 in an chang a, Thlarau Thianghlim baptisma chang thar mi engemawzat an awm bawk a ni.. June 26 tanga 30 khan Bial huapin Crusade he neih niin Muanna veng Kohhran te hian chhunzawm zelin ni 13 October hian a tiak ta a ni. Crusade chhung hian Kudam tualah mual inkhawm neih a ni a, October 12 zanah khawlaiah Thuthlung puangin Kohhran mite mi 60 chuang laiin kawng an zawh a ni. He Crusade-ah hian Evan K.Vanlaldika chu Speaker-ah hman a ni.
————-
Bazar Bial Missions Department leh District Missions Department tangkawp ten Dimapur Missions Field hnuaia Diphu Biakin sak la zawh loh chu sak zawh puiin Work Camp hlawhtling takin an nei. He hunah hian Bazar Bial Missions Department atangin mi 8 kalin October 13, Pathianni khan Diphu bial chhungah rawngbawlna an nei kual bawk a, October 14, Thawhtanni khan Aizawl panin Diphu hi an chhuahsan a ni.
———–
Aizawl East District PYD Conference 2019 in District chhungah School din ni se tia alo passed tawh District Education Sub-Committee te zirchiang tura a tih chu an zir chianna District PYD-ah thehlut tawhin heng an zirchianna hi District PYD School Establishment Committee te chuan ennawnna October 19, Inrinni khan Rev R.Laltlankima, Chairman kaihhruaiin District Office-ah an nei. Member-ah hian District PYD hruaitute bakah District Kohhranpui hruaitute leh Aizawl East District chhunga School enkawlna lama tawn hriat nei tawhte ruat an ni.
———–
Serchhip Dinthar Bial Sunday School Department buatsaihin October 19, Inrinni nileng khan bial huapin Zirtirtu Seminar neih a ni. He hunah hian Evan Hr.Lalrindika, District Sunday School Secretary chu Resource person-ah hman niin ani hnen atang hian Zirtirtute mawhphurhna hrang hrangte bakah zirtir dan hrang hrangte ngaihthlak niin he huna kalte hian hlawkthlak an ti hle a ni. Evan Hr.Lalrindika hian Pathianni hian Serchhip Dinthar bial chhungah rawngbawlna a nei chhunzawm a ni.
———
District Hruaitute Programme:
Rev Rosanga Kawlni, District Superintendent chuan Inrinni hian District PYD School Establishment Committee a tel hnuin Pathianni chawhma-ah Dist.Hqrs. Kohhranah Sunday School zirtirna a nei anga zanah Mualpui bial-ah hun a hmang ang.
Rev Vanlalfela Ramtiam, District Treasurer pawh Inrinni-a District PYD School Establishment Committee a tel hnuin Pathianni hian a lawina District Hqrs. Kohhranah hun a hmang ang. Rev Vanlalfela Ramtiam te hian District Quarters luah lut tawhin October 9, Nilai zan khan District Hqrs. Kohhran ten an member ni turin an lawmlut a ni.
Rev Biaksangzuala, District Secretary chuan Kalay District, Myanmar Missions Department Inkhawmpui a tum hnihna, Tuingo hmuna hman mekah Speaker-ah tangin rawngbawlna a nei mek a ni.
———–
ADVERTISEMENT
Aizawl East District chuan Dak runner pakhat a la dawn a, dilna hi palin paper-ah ziakin District Superintendent Address-in UPC Office, Ramhlun South, Aizawl-ah November 2019 ral hmaa thehluh tur a ni. Diltu taan hriatturte:
1. UPC- Aizawl East District member a ni tur a ni.
2. Bialtu Pastor emaw Church Board Committee recommendna lehkha neih tur.
3. Zuk leh hmuam nghei lo tan dil theih a ni lo.
4. Diltu chu Kum 21-35 inkar a ni tur a ni.
5. Diltu chu mipa a ni tur a ni.
6. Mizoram Sawrkar atanga Driving Licence nei a ni tur a ni.
7. Two wheeler bakah four wheeler khalh thiam chu duhthusam a ni.
8. November 2019 hnu lama dilna chu pawm a ni lovang.
9. Diltute chu December 12.2019-ah District board hmaah interview tur a ni.
10. Interview naah Driving Lidence leh Birth Certificate Original ken tur a ni.
————
Barak District chhunga Khangbor Local-ah chhungkaw khat member 4 te chu Kohhranah sengluh an ni. Heng mi tharte hi Local Chairman chuan sengluhna a nei a ni. October 22 khan T.Upa V.Lalhmunsanga te chhungkua chuan Pathian chawimawina an nei bawk a, hlim takin Kohhran ten hun an hmang a ni. Speaker-ah Bialtu Pastor leh District Secretary ni bawk Pastor L Kapma Chongloi chu an hmang a ni.
————-
Lunglei District
Oct.18-19 chhung khan Pentecostal Children Department (PCD) Lunglei District buatsaih PCD MEET chu neih a ni.
Oct.18 zirtawp zan khan Meet thawhkhatna hi District UPC Conference Hall-ah neih a ni a, Quiz Competition hmangin in elna neih a ni. He Quiz Competition-ah hian Local 10 chuangin intihsiakna an nei a ni. Tin, Oct.19 inrinni khan Lunglei Govt College Multipurpose Hall-ah Meet thawh hnihna hi neih leh a ni a, hetah hian Local hrang hrangin worship Dance Competition hmangin intihsiakna hi an nei leh bawk a ni.
——–
Oct.13 Pathianni khan Rawpui Local-ah mi thar 1 Church Board chairman Upa Laltharan a lawmlut a, kohhran aiawhin Upa Lalrokima Chawngthu in chibai bukna a nei.
Oct.13 Pathianni vek khan Laisawral Missions Field-ah Home Missionary Evan.Rohlupuia Thahlun chuan mi thar 6 kohhranah a lawmlut.
——–
Venglai Local-te chuan an Local kum 50 tlinna Golden Jubilee lawmna programme an hmang mek.
Golden Jubilee lawmna hi Oct.16 nilai zan atanga Oct.19 Pathianni zan thleng hian an hmang ang. Oct.16 nilai zan khan Jubilee hawnna leh Souvenir tlangzarhna inkhawm Pandal-ah hman a ni a, he hun hi Evan.C.Lalremchhunga chuan kaihruaiin Jubilee hawnna Sist.C.Lalkhawmi chuan a nei a, District Superintendent Rev.C.Vanlalena chuan Souvenir a tlangzarh.
Oct.17 nilaithawhtan zan khan Pandal-ah vek hian thin zan hman a ni a, he hun hi Rbt.K.Lalremruata chuan kaihruaiin, kaltate sunna leh hriatrengna hun hman anih bakah PYD,LAD leh PCD ten Special item hmuhnawm tak tak an entir a ni. Oct.18 zirtawpni chhun leh zan lamah te Variety Programme hman a ni a, he hunah hian Venglai kohhran chanchin thlir hona neih a nih bakah Special Item hmuhnawm tak tak thlir ho a ni.
Oct.19 inrinni khan Golden Jubilee lawmna pui ber neih a ni a, he hunah hian Jubilee lungphun hawnna District Superintendent Rev.C.Vanlalena chuan neiin, Baloon chhuah leh Jubilee dar vuakna neih chhunzawm a ni. Hemi hnu hian biak inah Jubilee inkhawmna neih chhunzawm a ni a, he hun hi Upa Vanmawia, Chairman Venglai Local chuan kaihhruaiin Upa Zoramdina Ralte, Secretary Venglai Local chuan report a pe a, Venglai Local PCD, PYD, LAD bakah Pukpui bial PYD, District PYD choir te bakah Vanlalpari Ralte te chuan zaiin rawngbawlna an nei a, Rev.C.Lalrintluanga, District UPC Treasurer chuan Jubilee thuchah puanchhuahna neiin tlai lamah Jubilee lawmna ruai kilho a ni.
Oct.19 inrinni zan lamah leh Oct.20 Pathianni ah te Jubilee hi Revival inkhawma chhunzawm a ni a, he revival inkhawmah hian Rev.PC.Lalfakawma District UPC Secretary leh Rev.C.Lalrintluanga District UPC Treasurer te chu Speaker-ah hman an ni ang.
————–
Oct.16 nilai zan atang khan College veng Local PYD te buatsaihin Crusade neih tan a ni a, Speaker atan Rev.K.Malsawmtluanga, Vairengte bial (North Mizoram District) chu hman a ni a, Oct.20 Pathianni zan thleng he Crusade hi hman a ni ang.
——-
Lawngtlai West District
Mission Director Rev.F.Lalbiakṭhuama chuan Oct 10-13. chhung khan Ram lak beihpui neiin a zin chhuak a, Oct 13, Pathianni khan Sabualtlang Kohhran biak inah Evangelist teacher te retread neihpui. Sabualtlanga hun a hmang chhung hian member 11 chhungkaw hnih Pentecost Kohhrana lawi turin Lalpa Isua krista hmingin a lawmlut a, mi pali in sual ngaihdamna Baptisma an chang a, naute pakhat a hlan a ni bawk.
———
Chhimtuipui District :
Oct ni 20, Pathianni hian Chhimtuipui District chuan a vawi-44 na atan District Day an hmang dawn a, He mi ni hian Day thuchah Dist secretary Rev Joseph L Thlauhthang ziah chu local tinah chhiarchhuah a ni ang.
——–
Dist Revival pastor C Lalchhuanthanga chuan Siata I localah Dt 18.10 atangin crusade anei ang.
———
Chhimtuipui Dist kohhran ten hun engemaw chen anlo sak tawh Golden Jubilee Hall a dung ft 120 leh avang ft 80 alian chu tunlai hian sak chhunzawm mek a ni.
Golden Jubilee Hall puala sum thawhtute chungah building board chuan lawmthu a sawi tak meuh a ni.
——
Oct ni 13, Pathianni khan Siaha Bial Mission Dept te chuan New Siaha ah Bial Board an nei a, an thurel tlangpui te :-
1. Siaha bial Mission dept te hian Gen. Mission field tlawh ni se.
2. District mission Conf. Nov 22-24 chhunga Niawhtlang a neih turah a tam thei ang ber kal ni se, kal na tur motor hi Bial Mission O. B ten an ngaihtuah ang.
3. November 2019 chhung hian Bial Fehchhuahpui chu Dist Hqrs local New Siaha ah neih leh ni se.
———
North Mizoram District :
N. Mizoram District in rawngbawlna kawnga beihpui a thlakna hmun N.Thinglian-ah rawngbawltu Evan Lalramthara rawngbawlna kaltlangin Pentecostl kohhrana mi thar seng luh a ni a, Sual ngaihdamna Baptisma rawngbawltu Evan. Lalramthara’n a chantir nghal a ni, hemi rualin mi pakhat dangin Baptisma hi a chang ve nghal bawk.
——
Oct. ni 9-13 chhung khan N.lungleng pyd buatsaihin, N.lungleng kohhranah Revival Crusade hlawhtling taka neih a ni.
He Crusade-ah hian Apostolic Revival Team te ruaiin; Speaker Evan. T. Vanlalruata chu Speaker-ah hman a ni a, rawngbawlna neih chhungin Pathiang Thlarau thianghlim hnathawh ropui tak thlengin PYD member mi 5 ten Pathian thlarau thianghlim an dawng thar.
——-
Thla kalta September thla laihawl atanga Pentecost Revival Team ten Lengpui Bial Rawpuichhip-a rawngbawlna neih kal zel ah October ni 13 Pathianni khan Pawl dang tangin chhungkaw khat mi thar member 7 ten Pentecost kohhran zawmin kohhranah an senglut.
———
Durtlang Mual Veng Local te chuan Zomuantlang missionary quarters thar tur Work Camp in an sak sak dawn a, Oct ni 12 Inrinni khan member 19 thawkchhuakin sumo-2, bolero 1 leh car 2 in member te hi an fehchhuak a. Member thawkchhuak te chungah hruaitute an lawm hle a ni.
——–
N. Mizoram District Suptd Rev.Laltluanga chuan Oct ni 20, Pathianni hian Kawnpui bial chhunga Home Missions Field Rasdali biak in, N.Mizoram District Missions bul tuma Kawnpui Bial Missions Department ten an sak, a dung 30nft. A vang 15 ft chu UPC NEI biak in pakhat ni turin Lal Isua hmingin a hawng ang.
———-
Oct ni 9, Thawhlehni khan Durtlang Mualveng Biak Inah Rev. Lalramzauva Sailo thlahna hun hman a ni.
Rev.Lalramzauava Sailo hi Oct.1995 khan North Mizoram Dist.ah Pastor tura lakniin Kanghmun bial vawng tura ruat a ni a, Kanghmuna an awm lai hian Vanduai thlak takin 30th May 1998 khan a nupui Lalthlengliani chuan chatuan ram a pan san a, a pension thleng hian nupui dang nei lo in, afa te enkawlin a khawsa a, fapa pakhat leh fanu 3 a nei a ni.
Kum 2014 atan khan Dist. Sunday School Direct. atan ruat a ni a, Director hna hi kum li(4) chhung a chelh a, a pension ni thleng hian UPC NEI. executive board member niin, executive borad members te pawhin thlahna an lo nei tawh a ni.
Bialtu Pastor a nih chhung hian Kanghmun Bial, Chaltlang Bial, Kol.venglai Bial, Reiek bial Thenzawl bial leh Durtlang bial te a lo enkawl tawh a. Dt. 23/3/2017 khan Durtlang bialah lutin tunah a pension hun a lo thleng ta a ni.
Rev.Lalramzauva sailo Pension thlahna inkhawm hi Rev.Laltluanga Dist.Suptt.chuan a kaihruaia, Rev.C.Lalthantluanga Missions Director chuan Prog. hlanna tawngtai hun a hmang a. Rev. K.Lalduhsanga Dist.Trea. chuan Dist. aiawhin thlahna thil pek hlanin Rev. Chhiarpuia Dist.Secy. chuan Rev.Lalramzauva Sailo thlahna thu leh a chanchin sawina hun a hmang thung.
Dist.Department hrang hrang ten thil pek an hlan bak ah Bial, Tualchhung leh mi mal atang tein Thilpek hlanna neih a ni.
Rev.Lalramzauva sailo chuan thusawiin, hun harsa leh hlim awm tawn chang awm mahse hetianga Pension thleng theia veng tu Pathian hnenah lawmthu sawiin, a thawhpui Dist.Board, Bial leh tualchhung kohhrante hnenah lawmthu a sawi a ni.
Durtlang Bial aiawhin Upa K.Hranglawta chuan thu a sawi a, Upa K.Hranglawta chuan Rev.Lalramzauva chu thawhpui nuam leh mi thil uluk leh thil ti mai mai lo mi a nih thu te sawiin, Durtlang bial ten kan ui em em a, kan ui rualin heti anga mawi taka Pension thleng thei hi kan chhuang hle a ni a ti.
Pastor te aiawhin Rev.C.Lianchama Hqrs. bial vawng tu chuan thu tawi sawiin Rev.C.Lalrammuana Sihphir bial vawngtu chuan malsawm tawngtaiin inkhawm a tin a ni.
Facebook