————
Executive Board Emergency Meeting :
October ni 6, Thawhlehni khan UPC North East India Kohhran rorelna sang, Executive Board Emergency meeting, General Hqrs Office Committee room-ah neih a ni a, Board hian kum tina neih thin India hmarchhak UPC, General Conference chungchang ngaihtuahin ; General Conference hi kum thar 2021 January ni 28 leh ni 29 ah rorel inkhawma neih turin a pass.
UPC-North East India General Conference hi kum tin April Pathianni vawi hnihnaa neih thin a ni a, kumin hian hri pui len avangin November Pathian ni tawp bera neih turin Executive Board hnuhnung ber chuan alo sawn tawh a. Mizoram chhung chauh ni lo, India hmarchhak huap a nih avangin hri leng mek boruak thlir chungin kum thar lama neih mai nise tiin a ruahman ta a ni.
Executive Board hi General Superintendent Rev. Lalmalsawma Sailo chuan a kaihruai a, State pawn lama member te erawn chu tun tum Board hi an tel thei lo a ni.
————
Member thar :
Oct ni 7, Nilaini khan Andaman and Nicobar Island Missions Field-ah member thar chhungkaw 8, member 31 Pentecost Kohhrana lawi turin sengluh an ni a. Member thar te hi Pastor Malsawmdawngliana Field Incharge chuan Kohhranah a seng lut a ni.
———–
Sunday Online Service :
UPC North East India Kohhran media rawngbawlna kawnga hma la tu Pentecostal Network (PenNet) chuan facebook official page- United Pentecostal Church of North East India page -ah Online Sunday service a buatsaih kal mek a, kartin Pathianni zing dar 8 atangin he programme hi tan thin a ni a, Kohhran hote leh a duh apiang te he programme lo thlir turin kan in sawmin kan in hriattir a ni.
October ni 11, Pathianni hian Pastor Lalhmuakliana hnamte in hun a rawn hmang ang.
———-
District hrang hrang rawngbawlna chanchin :
Lunglei District :
October ni 2 hi UPC North East India Kohhran thalai pawl ten Social Work day atana an hman thin a ni a, Lunglei District-ah pawh PYD te hian Social Work day hi tangkai taka hmangin hmun hrang hrangah vantlang tana thil tha tih nan an hmang.
He Social Work Day-ah hian Town Area PYD Social Work Day organizing Committee hruaitute hmalaknain Bethel Centre, Vanhne-ah Buhfai bag 4, Chini bag 1 leh Dal bag 1 hlan a nih bakah September ni 29 thawhlehni khan Sazaikawn bula PYD te zunin siam chu chei thain rawng an hnawih thar a, a bul vel an samfai bawk.
Lunglei District chhunga Local hrang hrang PYD te chuan he Social Work Day ah hian vantlang hmunhma pawimawh zunin, tuikhur, kawngpui dung leh hmun pawimawh hrang hrangte chei that leh tihfai hna an thawk a, vantlang tana thingphun belh leh thingphun sa enkawl zui Local engemawzat an awm bakah midangte tanpuina pawisa fai pe an awm bawk. (Pic.Social work day)
———–
Lawmman dawng :
October ni 1 ningani khan YMA Sub.Headquarters Conference Hall, Venglai Lunglei ah National Voluntary Blood Donation Day hman a ni a, June 2019 leh September 2020 inkara thisen pe tam lawmman chi hrang hrang sem a ni.
Pentecostal Youth Department, Lunglei District chuan Church Base-a thisen pe tam lawmman pahnihna a dawng. PYD Lunglei District hian June 2019 leh September 2020 inkarah hian thisen Unit 385 a pe a ni. Lawmman hian Certificate leh thilpek hlu tak a keng tel.
———-
Member thar :
September ni 30 nilai zan khan Zehtet Home Missionary Rbt.C. Lalrinzuala chuan mi thar pali kohhanah a seng lut.
———–
Tanpuina :
Lunglei District Headquarters Local Missions Department te chuan Chhipphir bial chhunga awm Kanghmun S biak in sak tanpui nan October ni 6 thawhlehni khan cheng nuai khat an hlan.
Pawisa hi District Treasurer kaltangin Headquarters Local Missions Department hian Kanghmun S hnenah hian an hlan a ni.
—————–
Aizawl East District :
October 8, Ningani khan Aizawl East District LAD Conference vawi 27-na, rorel inkhawm chu tluang taka neih a ni a, Mualpui Bial ten Mualpui Local-ah lo thlengin Sis.Zionparmawii B/W, President, District LAD chuan a kaihruai.
District LAD Conference hi ruahmanna ang chuan October 9 atanga 11 chhungin Mualpui Bial-ah hian Revival inkhawma neih tura tih niin Covid-19 hri leng mek avangin Revival Inkhawm hi nei lovin rorel inkhawm chauh October 8, Ningani hian neih a ni ta a ni. District LAD Conference rorel inkhawm-ah hian hri leng avanga Mizoram sawrkarin inkaihhruaina a siam hrang hrangte zawm niin rorel palai pawh bial tin atangin mi 3 zel ruat an nih bakah Bialtu Pastor zawng zawng, District Department hrang hrang OB te leh General LAD leh North Mizoram District LAD hruaitute chu sawm an ni bawk. District LAD Conference rorel-ah hian Bial atang leh Official atangin agenda lut engemaw zat awmin he thu butasaih lai hian an thu pass te kan hre hman lova, karleh-ah tihchhuah tum a ni ang. An thu ngaihtuah langsar zualte:
1. Kumpuan Chhungkaw Maicham hmalak zel nan kum khata Pathianni vawi khat Chhungkaw Maicham puala dah ve rawtna te.
2. Hnam zia pholan a nih theih nan District Conference a hranga neih kumah Pathianni bik atan Puanchei, Ngotekherh etc. bih rawtna te.
3. Covid-19 hri leng mek dona atan Sawrkarah tanpuina pek rawtna te.
4. Fa neitam tura inzirtir thar leh rawtna te
5. Aizawl Civil Hospital bakah Champhai leh Serchhip District Hospital-ah poor fund dah ve rawtna te
6. HIV darh zau zel tur laka kan him tlan nan District LAD in nasa zawka hmalak rawtna te chu a langsar zualte an ni.
———–
Social Work day :
October 2, Social Work day khan Aizawl East District PYD hnuaia Tualchhung leh Bial te pawhin Covid-19 hrileng mek karah a theih ang angin vantlang tana thil tha tihna ni atan an hmang hlawm a, Bial anga hmang an awm laiin Tualchhung anga hmang an awm bawk.
Kum dangah chuan Social Work Day-ah hian vantlang tan thil tha tiin PYD memberte chuan hnatlangin hun an hmang thin a, vantlang zunin tihfai hna te, khawlai lun lai leh Bazar hmunte, Thlanmual leh thil tul ang ang thawk thinin kuminah erawh Covid-19 hri leng mek avangin Bial leh Tualchhung te hian duhthusamin hun an hmang thei hlawm lo a ni. Bial leh Tualchhung anga hmang kan hriattheihte hmandan tlangpui lo tarlang ila:
Bawngkawn Bial te chuan Bial anga hmangin Bial hruaituten ZMC, Falkawna damlo leh thawktute tan ei tur Artui Case hnih an hlan a ni. Thilpek hlante hi ZMC-a Nurse Duty te chuan lo dawngsawngin Bawngkawn Bial PYD ten Damlo te leh thawktute tana thilpek an pekah lawmthu an sawi ni. He hunah hian Bial hruaitute an telkim bakah District PYD Treasurer, Bro.K.Lalbiaknunga chuan a telpui bawk a ni.
Khawzawl Bial te chuan Bial anga hmangin Khawzawl District Hospital-a Poor fund-ah sum engemaw zat an hlan a ni. Poor fund atana sum an hlan hi District Hospital hruaituten an lo dawng a ni.
Zemabawk North Bial te chuan Bial chhunga Local Council 3-a LLTF te hnenah tanpuina sum fai an hlan a ni.
Hnahlan Bial te chuan bial huapa hmangin, chhun lamah item chi hrang hrang hmangin Hnahlan hmunah intihhlimna hun an hmang a ni. Heng bakah hian zingkarah Hnahlan khawchhung PYD te chuan khawchhung bawlhhlawh thenfai hna an thawk bawk a ni. He hunah hian Bial chhung atangin member 120 vel an kal thei a ni.
Keifang bial, Maite Local PYD te chuan side drain, hnawm bawm ami bawlhhlawh paih bakah khaw zauhna kawngpui siamthat hna an thawk a ni. He hunah hian member 60 vel an thawkchhuak thei a ni. Chawhnu lamah Sport item hmangin intihhlimna hun an hmang a ni.
N.Vanlaiphai Bial, Lungkawlh PYD te chuan zing karah khawlai dung tihfai hna an thawk a, member thahnem tak an thawkchhuak thei a ni.
Chhingchhip bial, Chhiahtlang Hmar Veng PYD te chuan zingkarah khaw daia awm, khual zinte tawngtaina hmun an tihfai bakah veng chhunga zun in awmte an ti fai a ni. Thentlang PYD te pawhin damdawiin leh kawng leimin thenfai hna an thawk bawk a ni.
Zemabawk bial PYD te chuan bial chhunga VLTF leh LLTF te hnenah tanpuina sum fai an hlan.
Rabung bial, Rabung PYD leh Rabung Vengchhak PYD te chuan zing karah Rabung PHC leh a chhehvel tihfai hna an thawk a ni. Murlen Local te pawhin khawchhung leimin thenfai bakah kawngba sam fai hna te, side drain tihfai hnate an thawk bawk a ni.
Khawhai bial, Khawhai Local te chuan Khawhai tlang bawlhhlawh awmte thenfai hna an thawk a ni. New Chalrang PYD te chuan khawchhung zunin tihfai hna an thawh bakah khawlai dung bawlhhlawhte an chharfai bawk. Riangtlei PYD te chuan Biak in leh a chhehvel tifaiin hun an hmang bawk a ni.
E.Lungdar Bial, E.Lungdar Local te chuan vantlang zunin tihfai hna an thawh bakah E.Lungdar khaw daia PYD ten Signboard an tar tihfai hna an thawk bawk. Sailulak Local te chuan khawchhung leimin thenfai hna an thawk a, member 70 vel an thawkchhuak thei a ni.
Zohmun bial, Zohmun Local te chuan Community Hall leh a chhehvel tihfai hna an thawk a ni. He hunah hian member 40 vel thawk chhuakin VC lamin ei leh in tur an tum sak a ni. Hna thawh hmain hun tawi hman a ni a, President T.Upa Lallawmsanga chuan kaihruaiin Bialtu Pastor Vanlalnghaka’n tawngtaina hun a hmang a ni. Bial PYD Secretary Evan Jeho Lalthantluanga hnen atangin PYD ten Social Work Day kan hman tawh dan ngaihthlak a ni bawk.
Kawlkulh bial, Kawlkulh Vengthar PYD te chuan biak in leh a vel tihfai hna thawkin Social Work Day hi an hmang a ni.
Saitual bial, N.Lungpher PYD te chuan khaw chhung Side Drain, kawng ba sam bakah tul ang ang thawkin Social Work Day hi an hmang a, khawtlang hruaituten an ei leh in tur an tum sak a, Member 30 chuang an thawkchhuak thei a ni.
———
Zirlai ti tha chawimawina :
Champhai Bial PYD Education Sub-Committee te buatsaihin October 4, Pathianni chawhma khan Champhai Venglai Biak inah Zirlai tithate chawimawina hun hman a ni.
He hun hi Bro.Vanlalhlimpuia Colney, Chairman Education Sub-Committee chuan kaihruaiin Pastor F.Malsawmtluanga, Bialtu Pastor chuan hunserh a hmang a ni. He hunah hian Upa Charles Romalsawma, Lecturer, Govt. GM Higher Secondary School, T.Upa Lalnunfela Chawngthu, MCS, SDO (Sadar) Champhai te hnen atangin fuihna thu tha tak tak ngaihthlak a nih bakah Bial PYD Hruaitute hnen atangin thusawi ngaihthlak a ni bawk. Champhai Bial PYD Education Sub-Committee ten zirlai titha an chawimawi te hi HSLC passed thar mi 9 bakah HSSLC passed thar mi 4 te niin lawmpuina Bro. Hmingsangliana, Secretary, Education Sub-Committee in a hmang bawk a ni.
————–
Seminar :
October 3, Inrinni khan Saitual Bial Kohhranpui hmalakna in Saitual Biak in-ah Bial huap Seminar hlawhtling taka neih a ni. He hunah hian Rev Zohmingthanzama, General Treasurer chu Resource person-ah hman niin bial chhung atangin kal an tha hle a ni. Tun dinhmunah Saitual bial-ah hian Local 4 awmin member zasarih chuang an awm mek a ni.
—————
Chhimtuipui District :
Social Work Day :
Chhimtuipui Dist PYD chuan Social Work Day Vawi-20 na chu Dist chhung bial tin ten vantlang tana thil ṭha tihna ni atan hlawk takin an hmang.
Vantlang hmun; Zun in, ṭawngṭaina hmun, khawchhung kawngpui dung, vantlang tuikhur te tifaiin Thingṭiak phunnate neiin, faina lam hawi poster leh pledge card tarnate neih a ni. Siaha bial PYD chuan Social work day pual hian Dist Hqrs local SS Hall ah blood donation camp an huaihawt a. Thisen unit 23 pein, mipa 21 leh hmeichhia 2 ten a mamawh apiangte hman turin thisen an pe thung.
————
Member thar :
Oct ni 4, Pathian ni khan Sentetfiang local, Sangau bial ah chhungkaw khat member 4 Kohhranah sengluh an ni a, an fa te pawh Pathian hnena hlan nghal an ni.
Member thar te hi Rev. K Kawngkharmawia Sangau bialtu Pastor chuan Kohhranah a seng lut.
———-
District hruaitute fehchhuak :
Chhimtuipui District hruaitute, Rev Joseph L Thlauhthang, Rev WL Thanghre, Rev Kholy Hlychho leh Rev Dr C Sihmo Diat Mission Director te chuan a thawh thumnan, Niawhtlang Bial chhung Local hrang hrangah rawngbawlna neiin an fehchhuak a, hetiangin rawngbawlna an nei ang.
Oct ni 7, Nilaini ah – Niawhtlang III (Km 10) Local
Oct ni 8, Ningani ah – Ainak Local
Oct ni 9, Zirtawpni ah – Siata I & Bethlehem Local
Oct ni 10 leh ni 11 Inrinni leh Pathianni ah – Niawhtlang Local
——————-
Lawngtlai West District :
Lawngtlai Wes District chhunga Bial hrang hrang te October ni 2, Social Work day hman dan report tlangpui :
College veng PYD chuan veng chhung thenfai hnatlang neiin khawlai dunga bawlhhlawh chharin veng chhung an fang kual.
Council veng PYD chuan Biak in leh a vel tihfaiin an hnatlang a, chanmary PYD pawhin Biak in hmun hma tihfai hna thawkin side drain thenfai hna an thawk bawk.
Lawngtlai Bazar PYD leh Lawngtlai AOC local PYD te pawhin Biak in leh a chhehvel tihfai hna an thawk a, tlai lamah chawhlui an kil ho nghal.
Chawngte P local PYD, Bungtlang PYD, Mampui local PYD te pawhin VLTF te nena ruahmanna an siam angin Biak in leh a chheh vel tihfai hna an thawk a, Diltlang PYD chuan an Tawngtaina hmun hma tih fai hna an thawk bawk.
——————–
North Mizoram District :
North Mizoram District Supdt. Rev. Laltluanga chuan Oct. ni 8 Ningani khan W. Phaileng-ah a zin. Dist. Supdt. Hian W. Phaileng Bial Pastor Qtrs sak tura ruahmanna kalpui mek a hmunah enin, quarers sak dan tur Architech plan bakah tul pawimawh te a enpui ang. Dist. Supdt hi hemi vek hian Aizawlah a lo kir leh a ni.
———
District LAD conference rorel inkhawm :
North Mizoram District LAD te chuan Oct ni 9 Zirtawpni khan District Conference vawi 52 Confe rorel an nei.
Conference rorel inkhawm District Hqrs. Kohhran Biak in, Tuikhuahtlangah neiin; Confe. Rorel hi Dist. LAD President Sist. K. Lalhmachhuani’n a kaihruai a, Confe hawnna leh thusawi tawi North Mizoram Dist.Supdt. Rev. Laltluanga’n a nei bawk. Confe. Rorelah hian NMD huam chhung Bial hrang hrang Pastor engemaw zat bakah Dist. Level Department hruaituten an ho thei bawk. Chanchin buatsaih lai hian rorel thuchhuak hriat a la ni hrih lo a ni.
———-
PSM Meeting :
Oc. Ni 7 Nilaini khan North Mizoram District enkawl hnuaia Pathian thu zirna Pentecostal School of Ministry (PSM) chuan committee an nei. PSM Committee hi Chairman Rev. Laltluanga’n kaihruaiin; Committee hmasain ruahmanna a lo siam tawh dungzuiin PSM chu Sakawrtuichhun Camping Centre-ah thlakhat chhung zirna neih niin se tiin a rel a, PSM registration day hman hun atan Nov ni 2 thawhtanni chawhnu dar 2pm a ruat bawk.
PSM-a lut tur zawng zawng te he hunah hian kim vek tur niin; kalna rem chang neilo te tan UPC North Mizoram District kawt atangin chhun 12 pm ah chhuah tur a ni dawn a ni.
Zirlai zir chhung hian Zirtirtute pawh a tul dan anga inriahchhawk nise an ti a, zirlai zawng zawng te pawh riahluh vek tur a ni dawn a ni. Graduation Day hi November 29-ah hman tur a ni dawn a ni
———-
District Missions :
North Mizoram District Missions Dept ten Conference vawi 40-na rorel inkhawm Oct. ni 23 Zirtawpnia an neih turah inbuatsaihna ngawrh takin an kalpui mek. Dist. Mission Confe. Neihna tur hi Confe. Hmasain a ruahman dan chuan Kolasib Diakkawn Venglai Bial tena an thlen tur niin; hrilengin harsatna min thlen avangin Confe. Pawh rorel inkhawm chauh neih tura ruahmanna siam a ni.
Dist. Confe. Rorel hi District Headquarters Kohhran Biak in, Tuikhuahtlanga neih tur niin; Confe. Rorel palai kal tur pawh Sorkar in a phal chin dung zuiin Bial aiawh intirh ni se an ti.
——–
Tanpuina :
Tlangsang Bial kohhran hrang hrangte thawhhona leh Volunteer Missionary te inpekna kaltlanga Tlangsang Bial chhunga kohhran dintharna hmun Khakchang, Vitor Kalagang, Lungthir leh Sailut kohhrante hman turin Bro. Ngurhlunsanga, Vanghmun chuan Bru Hlabu leina tur sum a pe. Hlabu leina tur sum hi Missionary Bro. C. Sangliana’n dawngin hun remchang hmasa berah Hlabu hi lei turin ruahmanna siam a ni. Kohhran dingthar te hian kohhran te mamawh e me em ngaihtuahsaktu Bro. Ngurhlunsang chungah lawmthu an sawi.
————
Bial Missions Conference :
North Mizoram District huam chhunga Bial 29 te chuan kar kalta Oct. ni ni 2 leh ni 3 hmang khan Bial Missions Conference an hmang. Hetihrual hian Tlangnuam Bial te an veng chhungah fimkhur ngai thilah lockdown lai a nih avangin Oct. ni 11 Pathianni hmang hian Conference an hmang thung a.
Bial 29 ten Ramthim khawmpui an hmanah hian hrileng avanga fimkhur thuhlaah Rorel inkhawm chauh neiin Conference hmang ten an hun hmang dan report tlangpui te tarlang ila.
Headquarteres Bial: North Mizoram District Hqrs. Bial te chuan Oct. ni 2 Zirtawpni khan Tuikual South kohhranah Conference vawi 37-na hmangin Bial Missions Director Evan. Lalchhuanmawia Sailovi’n Conference a kaihruai a, an rorel pawimawh zual te: 1) Kum 2021-ah Khatla S-ah Conference nghah a ni. 2) Geneneral Missions Field Kolkatta hmun Native workers an rawih Bro. Sujit Sing chu rawih chhunzawm zel an passed a, kum 2021 Bial Conference-ah khawmpui hmang tura sawm an passed bawk 3) kum 2021 chhungin Home Missions Field, a tulna hmun apiangah Workcamp neia fehchhuah ni se an ti b awk.
AIBAWK BIAL Missions Dept. te chuan Bial Confe VAWI 31 NA, Oct ni 3 Inrinni khan Falkawn UPC Biak inah hmangin; Bial Missions Director Upa MS Dawngliana’n khawmpui a kaihruai, Aibawk Bialte’n Confe rorel an neihah an rorel pawimawh zual te: 1) Kum 2021-ah Bial Missions Confe Sateek ah nghah ani. 2. Kum 2021 inkhawmpuiah Speaker atan General/Home Missionary chah chhuah nise. 3 .Kum 2021 ah Bial Missions hmingin Home Missionary pakhat chawm chhunzawm nise. 4. Kum 2021 chhungin mithar 5 aia tlemlo sengluh tum nise 6. Bhutan pual sum kenghet chak zawka hmalak nise tih te an rel.
Thenzawl Bial te chuan October ni 4 Pathianni khan Conference Vawi 30-na Rorel Inkhawm; Buangpui Biak Inah neiin an rorel pawimawh zualte tarlang ila: 1. Kum 2021 Bial Missions Conference vawi 32-na Vengthar Local-ah nghah a ni. 2 Local tin District Target intuakpui chu kum 2021 ah chhunzawm leh nise. 3. Kum 2021 ah Home Missionary pakhat chawm nise. 4. Kum 2021 chhungin Bial huapa Work Camp neih nise. 6. Rengdil bial Tuidam kohhran tan Pulpit siam sak nise. 7. Covid 19 hrileng a lo kian theih nan ni 11 October, 2021 (Pathianni) zingah bial chhunga chhungtin ten a puala tawngtai
Chaltlang Bial te chuan October ni 3 inrinni khan Chaltlang Bial Missions Department chuan Conference Vawi 31 – na Chaltlang Biak In ah tluang takin an hmang. Confe rorel pawimawh zual te 1. Kum 2021 Bial Missions Deptt Inkhawmpui chu Chanmari West -ah October Pathianni vawi 2-na hmanga neih tur a ni. 4. Kum 2021 atangin District leh General Missions Department a sum lut reng reng, Local leh Bial Missions Department kaltlang zel se” tih chu Dist Conference Agenda atan a thlen ni se an ti.
Maubawk Bial Missions Dept chuan Oct. ni 3 Inrinni kal ta khan Maubawk bial mission dept conf vawi 11na rorel inkhawm Lawipu biak inah an nei a, Confe rorel hi North Mizoram District Missions Director Rev.C.Lalthantluanga’n a ho bawk. Bial Missions Conf hi bialtu Rev. R. Lalhmangaiha’n hawngin, rorel inkhawmah hian Agenda 12 relin, rorel pass langsar zualte: 1.Dist home mission field ah missionary 2 chawm nise. 2.District chhung a mizo khua kohhran la din lohnaah kohhran din tura hmalak nise. 3.Kum 2021 missionary day ah chawnghei tawngtai missionary te tan neih nise tithe an rel a ni.
Reiek bial Missions conference vawi 32 na chu Oct ni 3 Inrinni khan Reiek kohhran biak inah neih niin, conference hi Bialtu Pastor Rev P Vanlalfel’n neiin, Agenda 9 pass a ni.
———-
Social Work Day :
North East India PYD te’n October ni 2 chu kumtin Social wokd day Vantlang tana thiltha tihna ni atana an hman thin angin, Rengdil PYD te chuan Rengdil khawtlang hmun pawimawh te tifaiin hnatlang an nei a, member thahnem tak an thhawkchhuak bawk. Hetihrual hian Rengdil Sub Centre-a hman turin Rengdil PYD te hian Drip khaina pathum (3) an pe.
REIEK BIAL PYD te chuan Bial huapa Social work Day hmangin Reiek leh Vaipuanpho lui inkar kawngpuia bawlhhlawh awm te thenfai hna an thawk. Social work day-ah hian Reiek Bial chhunga Kohhran hrang hrang Reiek, Ailawn leh Rulpuihlim atangin PYD member engemaw zat thawkchhuakin hlim takin nilengin hun an hmang a ni.
Mamti Bial PYD te pawhin Social Work Day Oct ni 2 chu Bial huapa hmangin Mamit Khawpui dunga bawlhhlawh chhar fai hna an thawk bakah Mask neilo pawn chhuak te hnenah a thlawnin maks an sem bawk. Hei bakah hian Mamit khawpui chhung Charkawn leh DC office tuala ATM ah te Vantlang mipuite hman a tan Hand sanitizer an dah bawk a ni.
Social Work Day hi Sihphir PYD te pawhin Sihphir Thlanmual panna kawng tifaiin hnatlang an nei a, Bial huapa thawhchhuahna atan kohhrante an kahrakik deuh avangin Sihphir local PYD te hian midang phungbawm sawm lovin, an mahniin hnatlang an nei a ni. Member chhuak pawh an thahnem thawkhat hle.
Aibawk bial PYD te chuan Aibawk Damdawiin (PHC) hmun hma samfaia tifaiin hun an hmang a. Dar 9:30am Damdawiin tualzawlah hunserh hman niin Tual Upa HP Rodingliana, Aibawk PYD President in a kaihruai a, bialtu Pastor PC Lalrokima’n Bible chhiara ṭawngṭaina hun hmangin damdawiin lam thuneitute aṭangin pi Mimi Zothankimi, MO in PYD te chungah lawmthu a sawi a, hemi hnu hian damdawiin tual leh a chhehvel an tifai a ni.
———-
Thilpek :
Oct. ni 4 Pathianni khan T.Upa PC Lalsawmliana te chhung chawlhhmun Pentecost kohhrana lawi te chuan Chawlhhmun Kohhran Biak ina dah turin Pulpit mawi leh zahawm tak kohhran tan an pe.
T. Upa. Pc. Lalsawmliana te chhung hian Pulpit hi an fapate pahnih Bro. Pc. Lalchhanchhuaha leh PC. Zothansanga ropuina rama kaitate hriatreng nan an pek niin; Pathianni kalta Oct. 4 chawhnu dar 2:00 pm khan Chawlhhmun Kohhran Church Board committee te leh Department OB ten Pulpit hlanna hun an hmang. Pulpit hlan inkhawmah hian Bialtu Pastor Rev Lalramthanga Kawlni chuan lawmthu sawiin; Chawlhhmun Kohhrante’n harsatna nasa tak paltlangin Lalpa kan auh thinna chuan dinhmun duhawm takah min hlangkai ta a ni a ti.
Facebook