UPCNEINEWSSERVICE NO 14-24.2019
———
Member thar 123 senglut :
November ni 17, Pathianni khan UPC North East India huamchhunga District leh Missions Field hrang hrang atanga report kan dawn chinah member thar 123 zet mai Kohhranah sengluh an ni.
Member thar sengluhna hmun te :
1. Betguri, North Bengal Sikkim Field-ah chhungkaw 12, member 70 North Mizoram Dist Missions Director Rev. C. Lalthantluanga’n Kohhranah a seng lut.
2. Nepalpara, Assam Field ah mi 3 in bialtu Pastor H. Israela kutah sual ngaihdamna Baptisma changin Kohhranah sengluh an ni.
3. Kolalian, North Mizoram Dist. Home Missions Field ah Sis. Khawlliani b/w chuan member 6 Kohhranah a senglut.
4. Damdiai, North Mizoram Dist. Home Missions Field-ah mi 7 chu Pastor Vanlalruata’n a senglut.
5. Rasdali, North Mizoram Dist. Home Missions Field-ah mi thar 10, Evan. Hrangchhankhuma’n a seng lut.
6. Mamit Luangpawl-ah Mithar 1 sengluh niin Evan. Vanlalzemawian baptisma a chan tir.
7. Zamuang, Rengdil bialah mithar 6 te Evan. F. Lalchhanhiman Kohhranah a seng lut.
8. K. Sarali, North Mizoram Dist. ah Mithar 1 Pastor C. Lalthlenglianan a seng lut.
9. Shillong kohhranah mi thar 6 Rev. L. John Gangte chuan Kohhranah a seng lu.
10. Tuipuibari Centre, North Mizoram Dist ah Evan. Lalthianghlima rawngbawlna aṭangin mithar 8 sengluh an ni.
11. Damparengpui leh dampa tlangnuamah mithar 1 ve sengluh an ni.
12. Hapjan Dimapur field ah mithar 3 Kohhranah sengluh an ni bawk.
————-
General PYD Board :
November ni 23, Inrinni khan General PYD chuan shillong-ah General PYD Board an nei a, kum 2020 chhunga PYD hmalakna tur hrang hrang leh 2020 General PYD Budget tur an thlir ho. Rorel thuchhuak kimchang karleh lamah tarlan a ni ang.
———-
Christmas for Missions Field :
1. Upa VL Mawia Churachandpur – Rs 1000
2. Sis. Lalramchhani, Moreh – Rs 2,000
3. Sis. Lalnunmawii, Tuikual S – Rs 1,000
4. Sis. Lalzawmliani, Chanmari West – Rs 3,000
5. Mualpui bial PYD – Rs 5,000
Christmas for missions field hmangin kumin krismas-a luangchhuak duh apiangte tán hun a inhawng reng e. Zawtfiah duh tan:
9774041543
General Missions Treasurer
Rev. R. Lalhawia
Gen. Missions Director
———–
General Sunday School :
Kumin 2019 General Conference rorel no 3-naah Kumpuan, “Kan fate i chhanhim ang u” tih bawhzuina atan Recitation a sawi chi Chham hla leh Hla pangngai inphuahsiakna buatsaih ni se a tih chungchanga hriattur pawimawh te :
i) Hla inphuah siak: Solo leh Zaipawl pawha sak rem tur chi, chang thum aia tawi lo ni se, Tonic solfa (Computer a type ngei) nen a thehluh tur a ni. Tonic solfa a rem loh erawh chuan Voice record thehluh tur a ni ang.
Lawmman: Lawmman pakhatna atanga pathumna pek ni se, Pakhatna- Rs 3000/- Pahnihna – Rs 2000, Pathumna – Rs 1000. Tin, Citation pek tel vek ni se tih ani.
ii) Chham hla (Poem): Chham hla tawi lutuk lo, a sei lam bituk awm lovin inphuahsiak ni se, a thluk siam a ngai lo va, Recitation a sawi tur chiin ni se.
Lawmman: Lawmman pakhatna atanga pathumna pek ni se, Pakhatna- Rs 2000/- Pahnihna – Rs 1500, Pathumna – Rs 1000. Citation pek tel vek ni se kan ti.
iii) Nov ni 30, 2019 ral hmain General Sunday School hruaitute hnenah thehluh tur a ni.
——–
General hruaitute Programme :
General Superintendent Rev. Lalmalsawma sailo chuan Nov 19-21 chhung khan Tripura District ah rawngbawlna a nei a, Kathangha Kohhran Biak in hawnna neiin hun a hmang. Nov. 23 atnaga 25 chhung hian Shillong-khawpui chhunga Kohhran hrang hrangah hun hmangin, General PYD Board neih chu a telpui bawk.
General Missions Director Rev. R. Lalhawia chuan Aizawl College veng Kohhranin Golden Jubilee lawmna Nov 19, Thawhleh zan atanga an neih kalmekah telpuiin hun a hmang.
General Sunday School Director Rev. R. Laichhingpuia chuan Aizawl East Dist ten city SS meet an buatsaihah telpuiin rawngbawlna a nei ang.
——–
District hrang hrang rawngbawlna chanchin :
Lunglei District :
Nov.24 Pathianni hi ruahman lawk angin Lunglei District PCD hnuaia Local hrang hrangin Exam an neih ni tur a ni a, Exam Question hi District PCD atanga buatsaih niin, Answer Paper hi bialin emaw Local-in emaw a endik ang. Lunglei District hnuaiah hian Local PCD dinna 80 chuang a awm a, Exam Question hi District PCD zirlaibu atanga buatsaih a ni. (Pic.PCD Logo)
——–
Seminar :
Nov.24 Pathianni hian Haulawng Lamthuamthum Local-ah rawngbawltute pualin Seminar neih a ni dawn a, Resource Person atan District Secretary Rev.PC.Lalfakawma chu hman a ni ang.
———-
Camping :
Nov.19 thawhlehni atang khan Thenhlum Local-ah Camping neih a ni a, Speaker atan District Treasurer Rev.C.Lalrintluanga an ruai. Nov.24 Pathianni thleng hun hman a ni ang.
Nov.19 thawhlehni atang vek khan Ramthar Local-ah Camping neih tan a ni a, Speaker atan Luangmual bialtu Pastor Rev.Lalbiakdika Chawhte chu hman a ni a, Nov.24 Pathianni thleng hun an hmang ang.
——-
Sports Meet :
Nov.15-17 chhung khan Rahsiveng bial PYD leh Luangmual bial PYD te chuan Sport Meet Cum Crusade hlim takin an hmang.
Rahsiveng bial PYD-te hian Runtung-ah bial Sport Meet Cum Crusade hi an hmang a, Speaker atan District Superintendent Rev.C. Vanlalena an hmanga Nov.16 inrinniah Sport hmanga intihhlimna neiin, Nov.17 Pathianni chawhnuah Praise and Worship neiin hlim takin hun an hmang.
Luangmual bial PYD te pawhin Sethlun-ah he bial PYD Sport Meet Cum Crusade hi an hmang a, Nov.16 inrinniah infiamna chi hrang hrang hmangin intihhlimna an nei a, Nov.17 Pathianni chawhnuah bial PYD Project (Laptop) pualin sumtuak fehchhuahna an nei a, Speaker atan bialtu Pastor Rev.Lalbiakdika Chawhte an hmang.
——-
Crusade :
1. Nov.13 nilaini atang khan S.Vanlaiphai bial Darzo Local-ah Rammut Crusade tan a ni a, Speaker atan Thiltlang Home Missionary Evan.K. Lalhlupuia chu hman a ni a, Nov.24 Pathianni thleng he Crusade hi hman a ni ang.
Pangzawl bial kohhranpuiten rammut thawh hnihna Rawpui Local a an neih chu Nov.17 Pathianni zan khan khar a ni ta a, Nov.17 Pathianni chhun khan Baptisma khur hawn niin mi 11 ten sual ngaihdamna baptisma an chang a ni.
2. Nov 15-18 chhung khan Thingsai bial Kohhranpui hmalaknain Tarpho Local-ah Crusade neih a ni a, Nov. 18 thawhtanni khan kohhranin chawimawina neiin ruai theh a ni a, hlim takin hun an hmang. He Crusade-ah hian Speaker atan bialtu Pastor H.Lallawmsanga chu hman a ni a,mi 11 (sawmpakhat) in baptisma an chang a ni.
3. Nov.22 zirtawp zan atang khan Hnahthial Electric Local-te chuan Crusade an buatsaih a, Speaker atan Chawngte bialtu Pastor Rev.B.Kamliana chu hman a ni a, Nov.24 Pathianni zan thleng hman a ni ang.
4. Zawlpui bial Missions Department leh District Missions Department hmalaknain Nov.9-17 chhung khan Tuisenchhuah Local-ah Crusade neih a ni a, Nov.10 Pathianni khan bialtu Pastor Muanpuia Colney chuan Member thar 2 a lawmlut a, Nov.17 Pathianni khan mi pasarih in Putlungasih Home Missionary Evan.PC. Lalremruata kutah Baptisma an chang bawk.
——–
Campaign :
Nov.17 Pathianni khan Haulawng bial Thianghlimna Committee-te chuan Thianghlimna Campaign Zotuitlang Local-ah an nei.
Nov.17 Pathianni vek khan Chhipphir Bial Thianghlimna Committee hruaitute chuan bialtu Pastor LH. Lalchhandama hoin Kanghmun Local leh Ramlaitui Local-ah Thianghlimna Campaign – a thawh thumna leh kumin atan a tawpna turin an nei bawk.
———
Jubilee leh Biak in hawnna :
Theiriat bial chhunga awm Zobawk Local-te chuan Nov.23 inrinni hian Golden Jubilee leh Biak In hawnna an nei dawn.
He hun ah hian Nov.20 nilai zan atangin Programme hman tan a ni dawn a, hemi zan hian Jubilee meidet na neih a ni ang a,hemi zawh hian Jubilee pual inneih thatna hun hman a ni bawk ang. Inneih thatna hun hi Zobawk Local atanga Pastor nita Rev.PC.Nghakliana, Rev.R.Lalsangzuala leh bialtu Pastor Rev.K.Lalchhuansanga ten an nei dawn a ni
Nov.22 zirtawp zanah Ur lawk zan hman a ni a,he zan hi 69 night tiin a hming vuah a ni.
Nov.23 Inrinniah Biak In hawnna hi District Superintendent Rev.C.Vanlalena chuan a nei ang a, District PYD Choir-te chuan zaia rawngbawlna neiin Inkhawm ban Golden Jubilee lung hawnna bialtu Pastor Rev.K.Lalchhuansanga chuan a nei bawk ang.
Golden Jubilee dar vawi 50 vuak niin, Baloon thlawkthei chi te chhuah a ni bawk ang. Hemi zawh ah hian Jubilee Cake zaina te neiin thingpui in hona neih a ni ang a, tlai lamah Jubilee ruai kilho a ni ang.
He Jubilee hi Nov.24 Pathianni zan thlengin Follow up prog. In hman chhunzawm a ni ang.
———
Member thar :
Nov.18 (Mon.) zan khan District Missions Field, Putlungasih Local-ah mi thar pali kohhranah sengluh an ni.
————-
Lawngtlai West District Joint Conference :
Nov ni 15-17 chhunga Lawngtlai West District Joint conference, Department hrang hrang rorel langsar zualte :
District Kohhranpui :
Kum 5 lo awm tur chhunga District Conference na hmun tur hetiangin duan lawk a ni :
1) 2020 – Lawngtlai South Bial(Chandmary)
2) 2021 – Diltlang Bial
3) 2022 – Vaṭhuampui Bial
4) 2023 – Bungtlang south Bial
5) 2024 – Lawngtlai North Bial
(b)Conference fund atan ₹ 2000/- ruahman a ni.
2.District office sakna turin Local tin ah target siam nise.
3.August thla hi ram mut thla leh missionary month ah puan nise.
4.District Day vawi-1 na kum 2020,May 19 hi District huapa hman nise,District day hi kum tin local tin in mahni remchan dana hman zel an ti bawk.
5.District Constitution buatsaih nise.
6.Chawngte ‘P’ Hqrs a hmanga bial thar chu hawng ngei nise thil tul leh pawimawh chu District Board kutah a ni.
——
District LAD rorel langsar zual te :
1) Kum 2020 District LAD Conference na hmun leh a hun tur chu District board kut ah dah a ni.
(a)Conference fund.₹.1500/-
(b)Conference ṭanpuina.₹.30000/-
2.Home missionary pakhat rawih nise kum khat atan ₹.11,0000/- dah a ni.
3.Lalpa robawm atan ₹.8000/- dah a ni.
4.District LAD President Relief fund siam nise tha tih a ni a, District chhunga Pastor Bial 5 ah hetiangin sem nghal a ni.
1)Lawngtlai North Bial – ₹.4000/-
2)Vaṭhuampui Bial – ₹.1000/-
3)Diltlang Bial – ₹.1000/-
4)Lawngtlai South Bial – ₹.3000/-
5)Bungtlang South Bial – ₹.1000/-
5.District in enkawlna member pakhat ah ₹.20/- a khawn nise.
6.Kum 2020 hi District LAD ten ṭawngṭai uar kumah puan nise.
7.Buhfaiṭham ṭham tam pakhatna aṭanga pathumna thleng lawmman siam ni ve se.
8.District Office ah Xerox machine dah turin Project ah neih nise.
9.District chhunga LAD Bial hrang hrangte hi Dist.LAD OB ten tlawhchhuah ve nise.
———-
Missions Department rorel langsar zual te :
1. District Mission conference a hranga neih nise, Conference fund atan ₹.2000/-
2. District chhunga Missionary sponsore duh tan thlatin cheng zang pea sponsore theih a ni.
3. August thla hi rammut thla leh missionary month ah hman nise,Sunday hnuhnung ber zing thawhlawm hi Dist.Mission Dept.pual ah dah nise.
4.Thlai thar kut hi August chawlhni vawithumna ah hman ni se.
5.Christmas for Christ hi District Dept.pualah kalpui zel ni se.
6.Chotaquisuri-2 ah Envangelist teacher dah ni se.
7.kum 2020 ah Finacial campaign leh Missionary support ni rawh se.
—–
PYD rorel langsar zual te :
1.Kum 2020 District PYD conference a hrana neih a nih theih nan District board ah thlen nise.
Conference fund : ₹.1000/-
Conference ṭanpuina : ₹.30000/-
2.District PYD In Missionary ra wih ni se.
3.District PYD In Sound System Project siam nise ṭul dang chu Dist.board kutah dah a ni.
4.District PYD hmalakna in Crusade neih ni rawhse.
5.District PYD In Zaipawl neih theih nan District board chuan hma la mai se tih a ni.
———
District hruaitute Programme :
District Suptd Rev.R.Ramthatzawla chuan Nov ni 24, Pathianni hian a lawina local Hqrs ah rawng bawlna a nei ang.
Pastor Lalsawmliana Sailo.District,Secretary chuan Lawngtlai south PYD meet a hmanpui a, Pathianni hian Chandmary Biakin ah rawngbawlna a nei ang.
District Mission Disrector Rev.F.Lalbiakṭhuama chuan Chhimtuipui Dist Mission Conference Niawhtlanga neih a telpui.
———
Aizawl East District rawngbawlna chanchin :
City Sunday School Meet :
Aizawl East District Sunday School Inkhawmpui 2019-in alo rel tawh angin November 24, Pathianni Chawhma leh Chawhnu hmang hian Bazar bial, Electrict Veng YMA Hall-ah Aizawl East District chhunga Aizawl khawpui Bial te tan City huap Sunday School meet a buatsaih dawn.
He hunah hian Chawhma Inkhawm Evan Hr.Lalrindika, District Secretary chuan kaihruaiin Rev Vanlalfela Ramtiam, District Treasurer in hunserh a hmang anga, Rev Rosanga Kawlni, District Superintendent hnen atangin thusawi tawi ngaihthlak a ni bawk ang. Chawhnu inkhawm, Upa Rodailova Zote, District Treasurer in a kaihruai ve thung anga, Rev R.Lianzama, Missions Director in hunserh hmangin Rev R.Laichhingpuia, Gen.S.S Director hnen atangin thusawi tawi ngaihthlak a ni thung ang. He hunah hian Bial hrang hranga Naupang te hnen atangin Item hmuhnawm tak tak: Solo, Zaipawl, Worship Dance, Musical Drama, Group Recitation bakah Musical Skit te ngaihthlak a thlirho a ni dawn a ni.
——
District Sunday School Board :
November 22, Zirtawpni khan Aizawl East District Sunday School Board meeting neih a ni.
District Sunday School Director, Rev C.Mawizuala chu damlohna avanga a tel theih loh avangin District S.S Board hi Rev Rosanga Kawlni, District Superintendent chuan a kaihruai. District Committee room-a neih District Sunday School Board-ah hian Bial atang leh Official atanga agenda lut engemaw zat ngaihtuah niin Kum 2020 District Sunday School Budget pharh a ni bawk. karleh lamah chanchin kimchang tarlan a ni ang.
——
Fehchhuak :
1. November 17, Pathianni hmang khan Aizawl East District PYD OB te chuan Keifang bial tlawhin fehchhuah programme hlim takin an hmang.
Keifang bial te hian Bial Hqrs. Keifang Kohhranah lo thlengin Inrinni zan atang khan Programme hman nghal a ni. Inrinni zan khan Bro R.Vanlalpeka, Treasurer chuan thusawina neiin Pathianni chawhma-ah Evan F.Malsawmtluanga, Secretary, Chawhnu-ah Evan C.Lalchhuanga, Vice President leh zan-ah Evan C.Lalremruata, Asst.Secretary te hnen atangin thusawi ngaihthlak a ni. He hun hmang tur hian Keifang bial chhunga PYD member te pawhin Keifang hi panin hlim takin hun an hmang a ni.
2. Bawngkawn bial PYD te chuan November 17, Pathianni khan Reiek Bial PYD te tlawhin hlim takin hun an hmang.
Reiek Bial te hian Bial Hqrs. Reiek Kohhranah an lo dawngsawng a ni. He hunah hian inkhawm kaihhruai hna Reiek Bial PYD Hruaituten thawkin thuchah Bawngkawn bial atangin ngaihthlak thin a ni a, Pathianni chawhma khan Bro Malsawmdawngliana Fanai, Ramhlun Vengthar PYD Vice President chuan thuchah sawiin Chawhnu-ah Bro K.Lalbiaknunga, Vice President, Peniel PYD leh District PYD Fin.Secretary chuan thuchah sawi lehin zan-ah T.Upa Hmingchungnunga, President, Bawngkawn bial PYD hnen atangin thuchah ngaihthlak leh a ni bawk. He hunah hian Bawngkawn bial chhunga Tualchhung hrang hrang PYD zaipawl ten fak hla sain Pathian awmpuina hnuaiah hlim takin hun an hmang a ni.
——-
Seminar :
Khawbung bial Kohhranpui buatsaihin November 16, Inrinni khan bial chhunga Upa te pualin Seminar hlawhtling taka neih a ni.
District Missions Director Rev R.Lianzama, chu resource person-ah hman niin Kohhran Upa leh rawngbawltute tana tangkai tur tak tak thu ngaihthlak a ni. He hunah hian Bial chhung atangin Kohhran Upa engemawzat telin hlawktakin hun an hmang a ni. Rev R.Lianzama hian Pathianni hmang khan Khawbung bial-ah hian rawngbawlna nei chhunzawmin Evan Lalramzauva, District Missions Secretary chuan a telpui bakah rawngbawlna a nei ve bawk a ni.
———
Lungphum phum :
November 17, Pathianni khan Rev Rosanga Kawlni, District Superintendent chuan Saitual Bial, Tualbung Biakin sak thatna tur lungphum a phum.
He hunah hian Bialtu Pastor Rev Pc.Lalnghakliana bakah Kohhran member engemaw zat telin hun hlim taka hman a ni. Tualbung Biakin hi vawi thum an sak thatna tur ni tawhin Rev Rosanga Kawlni hian Tualbung hmunah hian Pathianni zan thleng khan rawngbawlna a nei chhunzawm nghal a ni.
——–
Revival Crusade :
Aizawl East District PYD Kum chanve Board-in District chhungah Revival a thlen theih nan Kum 2019 chhung hian Bial ten hmalak ni rawh se a tih bawhzuina atan Bial PYD te chuan revival crusade an hmang chho mek a, Serchhip Bial PYD te pawhin Chanmari Kohhranah November 9 atanga 17 chhung khan Revival Crusade hi an hmang a, Speaker-ah Evan Lalbiakmuana an hmang a ni.
Chhiahtlang Hmar Veng PYD te pawhin November 1 atanga 13 chhung khan Revival Crusade hi an hmang bawk a, Speaker-ah Evan Vanlalruatsaka an hmang a ni.
Thuampui Bial PYD te pawhin November 13 atanga 17 chhung khan Thuampui Biakin-ah Revival Crusade hi hlim takin an hmang a, Evan HMS Dawngkima chu Speaker-ah hmangin Pathianni khan Hangi Lunglen tlang-ah tawngtai hona hlawhtling takin an nei a ni.
Kawlkulh Bial PYD te pawhin November 16, Inrinni zan atang khan Revival Crusade cum Thu leh hla kutpui an hmang mek a, ruahmanna ang chuan November 24, Pathianni zan thleng an hmang ang. He Crusade-ah hian Evan K.Vanlaldika chu Speaker-ah hman niin Bial chhunga Kohhran hrang hrangah an inkhawm kual thin a ni. November 23, Inrinni hian Vengthar Biakin-ah thu leh hla kutpui hmangin hetah hian mi hrang hrang hnen atangin thusawi ngaihthlak a nih bakah Group Singing bakah Drama hmangin bial chhunga PYD te intihsiakna an nei bawk a ni. Kawlkulh bial ten Thu leh hla kutpui an hman hi Pentecostal Choir te pawhin November 23, Inrinni zan atang khan telpuiin zaia rawngbawlna an nei a ni.
ITI PYD te pawhin November 13 atanga 17 chhung khan Revival Crusade hlim takin an hmang bawk a, Speaker-ah Evan H.Lalhlimpuia an hmang a ni.
——-
Golden Jubilee lawm :
1. Upper Republic Bial, College Veng Kohhran te chuan an Kohhran Kum 50 tlin, Golden Jubilee an hmang mek a, November 23, Inrinni hian a lawmnapui ber an hmang a ni.
He hunah hian Jubilee lungphun hawnna Rev Rosanga Kawlni, District Superintendent chuan neiin ruat bik ten Jubilee dar an vaw bawk a ni. College Veng Kohhran dintute leh Kohhran thlengtute hnenah chawimawina hlan niin Inrinni zan hian Jubilee meidetna an nei bawk a ni. He hunah hian mi hrang hrangte hnen atangin thuchah ngaihthlak niin tlai-ah Jubilee ruai hlim takin an kilho a ni. He Jubilee lawmna hi ruahmanna ang chuan Pathianni zan thleng an hmang dawn a ni.
2. Suangpuilawn bial, Suangpuilawn Kohhran te pawhin an Kohhran Kum 50-na, Golden Jubilee chu November 23, Inrinni hian an hmang bawk a, Jubilee hawnna Rev Biaksangzuala, District Secretary chuan neiin ruatbik ten Jubilee dar vuakna an nei bawka tlai-ah Jubilee ruai an kilho a ni. Pathianni zan thleng hun hman tur niin Bialtu Pastor lo ni tawhte hnen atangin thuchah an ngaithla thin dawn a ni.
———
Kumpuan nite :
Upper Republic Bial PYD Kumpuan Sub-Committee te chuan kumpuan night Thawhhnihna leh District Kumpuan buatsaih Short Film intihsiaka pakhatna lawmna November 18, Thawhtan zan khan an nei.
He hun hi Session hnih-ah then niin Bial Kumpuan Chairman Bro. Lalzarmawia’n kaihruaiin Bro Pc.Zohmingliana hnen atangin report ngaihthlak a nih bakah T.Upa R.Lalrintluanga, Bial PYD President leh Bro Vanlalhruaia, District PYD Kumpuan Chairman hnen atangin thusawi tawi ngaihthlak a ni. He hunah hian Bial zaipawl bakah mimal hnen atangin fak hla ngaihthlak a ni bawk.
2nd Session-ah hian Upper Republic PYD atangin Kumpuan bawhzui thate kawmna INTODELH video clip enhona neih niin Film Director Bro.Zorema Pachuau leh Film Script Writter Evan.K. Lalmuansanga te hnen atangin Film lo chhuahdan leh buaipui dante ngaihthlak a nih bakah Projector hmangin Short Film enhona neih nghal a ni. Kumin chhunga bial Kumpuanin intihsiakna a buatsaih hrang hrang te lawmman semna hetiang hian an nei bawk.
1.Kumpuan Slogan inphuah siak
2. Kumpuan SAM inziah siak
3. Tualchhung hma la thate
4. Short Film buatsaihtute
Heng bakah hian District PYD Kumpuan OB te leh Committee members kalte hnenah thilpek hlan ni bawkin Sports Sub-Comittee ten lawmman an sem bawk a ni.
Kumpuan Nite thawhkhatna hi August 12, Thawhtan zan khan Seminar hmangin neih alo ni tawha, Resource Person ah Upa.K.Lalhmunsanga an lo hmang tawh a ni.
———
District Hruaitute Programme:
Rev Rosanga Kawlni, District Superintendent chuan Inrinni khan Upper Republic Bial, College Veng Kohhran ten an Kohhran Golden Jubilee lawmna-ah telpuiin Jubilee lungphun hawnna a nei a, Inrinni zan khan ITI Kohhranah rawngbawlna nei lehin Pathianni hian City S.S meet-ah telinPathianni zan hian College Veng Kohhranah rawngbawlna a nei leh ang.
Rev Biaksangzuala, District Secretary chuan November 20, Thawhleha Tripura District Khathangha Biakin hawnna-ah telpuiin Thusawina hun a hmang a, November 23, Inrinni leh Pathianni-a Suangpuilawn Kohhran ten an Kohhran Kum 50-na, Golden Jubilee an hmanah telpuiin Jubilee hawnna Inrinni khan a nei a, Pathianni zanah thusawi rawngbawlna a nei bawk ang.
Rev Vanlalfela Ramtiam, District Treasurer leh Rev R.Lianzama, Missions Director te chuan November 24, Pathianni-a Aizawl City Sunday School meet, Electric Veng YMA Hall-a neih an hmanpui anga, Pathianni chawhma-ah Rev Vanlalfela Ramtiam hian hunserh hmangin Chawhnu-ah Rev R.Lianzama hian hunserh a hmang bawk ang.
Facebook