GENERAL NEWS
HRUAITUTE PROGRAMME:
General Superintendent Rev. R. Lalrinsanga chuan May ni 7 leh ni 8 hmang hian Mamit Bial ah Leadership Trainning neihpuiin rawngbawlna a nei ang.
———-
LITERATURE ANG PUBLICATION BOARD
May ni 4 Nilaini khan UPC North East India Literature and Publication Board, General Headquarters Committee Room, ah thukhawm chuan Kum 2022 UPC North East India Beihrual thupui zirtur, “Chhandamna lawng” Rev. R. Vanlalawia ziah chu edit-zo in, A bu a siamtur a hmalak mek a ni.
———-
GENERAL HEADQUARTERS TLAWH:
May ni 5 Ningani khan Kawnpui Bial PYD Board Member-te chuan UPC North East India General Headquarters Office an tlawh.
Kawnpui Bial PYD Conference vawi 54-na in “Kohhran hmunhma pawimawh te tlawh nise” ti a alo rel tawh bawhzuiin Kawnpui Bial PYD Board member te chuan UPC North East India General Headquarters Office, Mualpui Salem veng chu tlawhin Office hmunhmate fan kualpui an nih hnuah General Secretary Rev. Zohmingthanzama kaihhruaina in Inkhawmna hun tawi Committee room ah hman a ni. Kawnpui Bial PYD te hian General Office tan Chibaibuk thilpek hlu tak an hlan bawk.
Kawmpui Bial chhungah hian Local 7 awmin Tualchhung tinah PYD an ding vek a awm a ni a, Tun din hmunah PYD Member 330 vel an awm mek bawk a ni.
———-
———-
———-
LAWNGTLAI WEST DISTRICT
Hruaitute programme:
District Superintendent Rev.F.Lalbiakthuama chuan A hnuai a tar lan ang hian Financial Campaign leh Missionary Suppost zawngin Ditlang S bial leh Chawngte bialah hun a hmang ang.
Dt.7.May.2022 ah Diltlang South
Dt.8.May.2022 ah Hmunnuam
Dt.11.May.2022 ah Khawmawi.
District secretary Rev.Lalsawmliana Sailo chuan Dt.9.May.2022 Pathianni ah Saizawh,Mission Field ah Nauhlanna hun a hmang ang.
———-
EMERGENCY DISTRICT BOARD NEI
Dt.4.5.2022 khan Emergency District Board neih a ni a, rorel tlangpui te:-
1. District Day May 19 ruai nena hman ni se ti a District Conference in a lo rel tawh chu, Headquarters Local ah hman ni se programme leh tul dang chu official kutah dah ni se, ruai chungchang leh sum leh pai chungchang chu Fund raising Board te nen la sawiho a, rel that leh tura dah a ni.
2 Pastor K. Lalzawmsanga leh Pastor B. Lalbiakchhunga te chu fix pay an thawh hun chhung May thla ah a lo zawh dawn tak a vangin June 2022 atang chuan regularise ni se tih chu tha tih tlan a ni a, an lo thawh tawh na zawng zawng chu an service ah chhiar tel tur a ni dawn a ni.
3. District Sunday School Secretary atan Evan. Lalduhkima chu ruat a ni. Dt.6.5.2022 ah District Superintendent hnen atangin charge a la ang.
———-
PENIEL COMPREHENSIVE ENGLISH SCHOOL AH TEACHING NEI
Dt.29.April.2022 Fiday ni ah Penniel Comprehensive English School, Sabualtlang ah Bungtlang bial atangin Mathematics class free teaching neih ani.
He ta teaching petu te hi..
1. Pastro K.Lalzawmsanga Bialtu Pastor
2. Rbt.Lalhriatpuia
3. Upa.B.Lalramtiama
niin an in pekna a ropuiin kohhran ten hma kan sawnin zirlai naupang ten nasa takin hma an sawn a ni.
———-
PCES TAN THILPEK AN PE
Dt.30.April.2022 khan Peniel Comprehensive English School Sabualtlang tan samagra te chuan,white board lian pahnih (2 Nos) an rawn pe a School tana mi thawh hlawk tak² te an awm thin hian kohhran rawngbawlna nasa in a pui bawk a ni.
Chu mai piah lamah,Teacher handbook tur pawh a thlen kim hunah an pek leh tur thu an dawng bawk a ni.
———-
UNIFORM HLANNA NEI.
Dt.02.May.2022 ni hian Rbt. Lalhminhhluta’n Peniel Comprehensive English School uniform var Sawmriat leh panga(85.No’s)a sponsored chu District Superintendent Rev. F. Lalbiakthuama chuan Sabualtlang Local Chairman Upa Puno Chondro kutah a hlan.
———-
DISTRICT MISSIONS DEPARTMENT : ROREL
District Missions Department O/B Meeting Date.2nd May,2022 a neih chuan District Missions Board Vawi 4-na in alo rel tawh Financial Campaign leh Missionary Support zawn dan tur chu hetiang hian ruahmanna a siam a. July 2022 thla ral hma a neih zawk vek theih nise, Tualchhung Kohhran leh a kal tura ten a hun tur chu inbe rawnin rem lo ruat maise tih a ni.
A. FINANCIAL CAMPAIGN: LOCAL A KAL TUR TE
1. Lawngtlai North Bial:
i) Thingkah – Evan.Z.Vannawlthanga
ii) AOC Veng – Rev.F.Lalbiakthuama
iii) Bazar Veng – Rev.Lalsawmliana Sailo
iv) Headquarters – Evan.K.Thangchunga
v) Council Veng – Evan.V.Biakkunga
2. Lawngtlai South Bial:
i) Chandmary – Pastor.S.Vanlallunghnema
ii) Bethel Veng – Evan.C.Lalhmingliana
iii) College Veng – Rev.TV.Mawngchina
iv) Mampui – Evan.George Lalawmpuia
v) Sihtlangpui – Evan.Lalduhkima
vi) Saizawh East – Evan.R.VL.Chhuana
3. Bungtlang South Bial:
i) Bungtlang South – Evan.Zonela
ii) Saikhawthlir – Pastor.K.Lalzawmsanga
iii) Sabualtlang – Pastor.R.VL.Hriatpuia
iv) Hmawngbu – Evan.J.Lalnunthara
v) Darnamtlang – Evan.Lengkhara
vi) Tuidangchhuah – Evan.Lalhmangaihzama
vii) Laitlang – Evan.Laineihtluanga
viii) Ngenpuitlang – Evan.HC.Lalrindika
4.Diltlang Bial leh Chawngte Bial hi Rev.F.Lalbiakṭhuama Dist.Supdt in a kawp dawn a ni.
i) Diltlang South
ii) Hmunnuam
iii) Khawmawi
iv) Ngengpuikai
5. Chawngte Bial:
i) Chawngte ‘P’
ii) Chawngte ‘C’
iii) Saizawh West
6. Vathuampui Bial ah hian Evan George Lalawmpuia chu kal tura ruat a ni.
i) Vathuampui
ii) Chikhurlui
iii) Mautlang
iv) Chamdur ‘P’ I
v) Chamdurtlang
vi) Vaseikai
vii) Damdep II
viii) Chhotaguisury II
ix) M.Kawnpui
B. MISSIONARY SUPPORT ZAWN DAN TUR:
Misiionary Support hi zawn ve nise a hnuaia hming tar lan te kaltlanga hian zawn nise an ti a ni.
1. Diltlang South Bial & Chawngte Bial – Rev.F.Lalbiakthuama
2. Lawngtlai North Bial & Bungtlang South Bial – Rev.Lalsawmliana Sailo
3. Lawngtlai South Bial & Vathuampui Bial – Evan.George Lalawmpuia
* Vaseikai Missionary Quarter tlawh turin May 12, 2022(Thu) hian District Missions Director, Secretary leh Treasurer te kal tura ruahman a ni a. Hetiang hian tour programme siam a ni.
Zing Dar 05:30 a.m – Lawngtlai to Vaseikai
Zing Dar 09:00 a.m – Zing chaw at Vaseikai
Zing Dar 10:00 a.m – 12:00 Noon – Meetting with Vaseikai Church Leader
Chhun Dar 12:30 p.m – Vaseikai to M.Kawnpui
Tlai Dar 01:00 p.m – 03:00 p.m – Meetting with M.Kawnpui Church Leader
Tlai Dar 03:30 p.m – M.Kawnpui to Bungtlang South
Tlai Dar 04:00 p.m – Tlai chaw at Bungtlang South
Tlai Dar 05:00 p.m – Bungtlang South to Lawngtlai
———-
———-
CHHIMTUIPUI DISTRICT
CHHIMTUIPUI DISTRICT PYD FOOTBALL TOURNAMENT
Chhimtuipui District PYD buatsaih Rev. Dr. T. Tumsanga memorial football tournament chu tluang taka zawh a ni.
Rev. Dr. T. Tumsanga memorial football tournament hi April ni 27 atanga May ni 3 chhung khan SDFA playground, Meisatla ah neih a ni a, Chhimtuipui District chhung Bial hrang hrang atangin team 21 ten he tournament hi an khel a ni. May ni 3 Thawhleh ni khan SDFA playground ah Final khel in, closing Programme hman a ni a, hun serh Rev Kholy hlychho, Dist Treasurer chuan a hmangin, he tournament ah hian Niawhtlang PYD te chu an champion a ni.
———-
BIAL THAR HAWNG DAWN
Chhimtuipui District Conference 46 rorelna leh Dist board in alo rel tawh angin Siaha bial, bial khat ni thin chu bial hnih ah then a ni a, bial thar hawn tak hi Siaha West Bial tih a ni. Rev. K Kawngkharmawia chu Siaha bialtu Pastor niin, Siaha West bialtu Pastor atan Pastor C Lalchhuanthanga chu ruat a ni.
Siaha West bial hawnna hi May 13-15. 2022 ah neih tur niin, Rev Joseph L Thlauhthang Dist Suprintrendent chuan Bial thar hawnna hi a nei ang.
Siaha bial ah hian members 1129 vel awm in Siaha West Bial thar ah hian members 1116 vel an awm ve bawk a ni.
———-
———-
LUNGLEI DISTRICT
CHHIPPHIR BIAL P.Y.D. TEN THISEN UNIT 69 AN PE :
April ni 28 Ningani khan Chhipphir bial P.Y.D. (NEI)-te chuan Lunglei Civil Hospital tan thisen unit 69 an pe.
Chhipphir bial P.Y.D. (NEI)-te hian Lunglei District P.Y.D. Conference-in Blood Donation neih nise tia a lo rel bawhzui nan Kanghmun ‘S’ Community Hall-ah thisen hi an pe a, hunserh tawi an hman naah bial P.Y.D. President Evan.Engzawna’n hun a kaihruai a, Upa R.Lalsangzuala, Secretary Chhipphir bial chuan hunserh hmangin PC. Lawmzuali, Councellor blood bank Civil Hospital Lunglei chuan thusawina a nei a, thisen pek zawh hian Evan.Lalrokhawma, Bualpui V Home Missionary chu a \awng\ai a ni.
Chhipphir bial P.Y.D. (NEI) thisen pek hi Lunglei Civil Hospital Blood Bank-a thawktu ten an kal chilh a, Thisen unit 69 petu te hi mipa 50 leh hmeichhia 19 an ni a, Chhipphir, Bualpui ‘V’, Mualthuam ‘N’ Electric, Sekhum leh Kanghmun ‘S’ Local a\angin thisen petute hi an kalkhawm a ni.
Chhipphir bial P.Y.D. (NEI) te hian nikum 2021 khan Civil Hospital Blood Bank tan hian Thisen Unit 51 an lo pe tawh bawk.
Thisen pe tur hian member 117 chuang an kalkhawm a ni.
Lunglei District P.Y.D. hian kumin chhung hian thisen Unit 166 an pe tawh a ni.
———-
RAWNGBAWLTUTE PUALIN SEMINAR NEI :
April ni 30 Inrinni khan District UPC Conference Hall-ah Headquarters bial chhunga rawngbawltute pualin Seminar buatsaih a ni a, Local hrang hrang a\angin rawngbawltu mi 60 chuang an kal khawm a ni.
He Seminar-ah hian Resource Person atan District Superintendent Rev.C.Vanlalena leh Secretary Rev.C.Lalrintluanga te hman an ni a, Rev.C.Vanlalena District Superintendent hian Ministerial Duties tih thupui hmangin zirtirna a pe a, Rev.C.Lalrintluanga District Secretary hian Public Speaking leh Leadership tih thupui hmangin zirtirna hi a pe bawk.
Seminar neih chhung hian Evan.Sangthuama Sailo leh Sist. C.Vanlalrawni B.w ten zaiin kal khawmte an awi a ni.
———-
HOME MISSIONARY QUARTERS-AH HNATLANG :
April ni 30 Inrinni khan Haulawng bial P.Y.D. O.B-te chuan Chengpui Home Missionary Quarters ah Ceiling siam hnatlang an thawk.
Haulawng bial P.Y.D. O.B te hi an vaiin hnatlang hian an thawk chhuak a, Chengpui Local chairman tel bawkin nilengin Quarters extend chin Ceiling an siam a ni.
Tin, Haulawng bial P.Y.D. Conference-in a rel angin Home Missionary Quarters-ah hian khum 4*6 pakhat an dah nghal bawk.
———-
THILTLANG BIAK IN HAWNG :
May ni 7 Inrinni khan Thiltlang biak in chu Hnahthial bialtu Pastor Rev.VL Hmuaka chuan a hawng.
Thiltlang biak in hi kum 2019-a Lunglei District P.Y.D. Conference vawi 51-na in sak nise ti a a lo rel a ni a, hei hi chak takin Hnahthial bialin a bawhzui a, tunah hian hawn theihin peih fel a lo ni ta a ni.
Biak in hawnna inkhawm hi Lunglei District P.Y.D. hruaitute pawhin an hmanpui a ni.
Thiltlang hi Lunglei District Missions Department Field pakhat a ni a, tunah hian Home Missionary in Evan.Lalhriatmawia chu a awm mek a ni.
(February ni 27 khan Thiltlang biak in hi hawn tum a lo ni tawh a, remchan lohna avangin hawn theih a ni ta lo a, May ni 7 Inrinni khan hawn a ni ta a ni.)
———-
CHAWIMAWINA HMANG :
Sist. Darhmingliani te chhungkua Sesawm Vengchhak Local-te chuan April ni 30 Inrinni khan Pathian chawimawina an nei a, kohhran hoten hlim takin hun an hmang a, May ni 2 Thawhtanni khan an chhungkua hian Pathian chawimawina hi an nei chhunzawm leh a ni.
May ni 7 Inrinni khan Luangmual Local-ah Evan.C.Lalnuntluanga te chhungkua chuan Pathian chawimawina an nei a, College veng Local-ah pawh Upa V.Lalsiama te chhungkua chuan Pathian chawimawina hun hi an buatsaih bawk.
———-
MI THAR :
May ni 1 Pathianni zing inkhawm khan Chawngte bialtu Pastor Jerry Lalmuanawma chuan mi thar -2 Lungrang S Local-ah lawmluhna a nei.
May ni 1 Pathianni khan Thingsai bialtu Pastor Lallawmsanga’n Tarpho Local-ah mi thar pakhat(1) puitling Kohhran ah a lawmlut.
Kumin chhungin Thingsai bialah Member thar pariat (8) Kohhran ah lawmluh an ni ta a ni.
———-
SETHLUN BIAK IN CHEI THAT HNA THAWH MEK A NI :
Lunglei District P.Y.D. Conference in Sethlun biak in chei that nise a lo tih chu chak takin hmalak chhunzawm mek a ni a, tunah hian a chung, Ceiling, a bang (a chhung leh a pawn) plaster, bakah biak in kawtah Veranda siam zawh tawh a ni.
Sethlun biak in hi District P.Y.D. hruaitute ruahman angin a chhung leh a pawn rawng hnawih tur a ni a, a chung rawng hnawihna tur hi District P.Y.D. President Evan.C.Lalremchhungan a tum dawn bawk a ni.
Sethlun ah hian kohhran Members an tam loh avangin hmun hrang hrang atangin hnatlang an thawhpui thin a, Thaizawl Local P.Y.D., Luangmual Local P.Y.D., Luangmual bial P.Y.D. bakah Rahsiveng Local P.Y.D. ten an hnatlanpui tawh a, May ni 14 Inrinni hian Pukpui Local P.Y.D. te chuan Sethlun biak inah a tul tul thawk turin hnatlan an tum bawk.
———-
———-
NORTH MIZORAM DISTRICT
HRUAITUTE PROGRAMME:
April ni 7 Inrinni hian NMD Supdt Rev. Chhiarpuia chuan Aibawk Bial Kelsih Biak in a hawng ang.
Dist Treasurer Rev. C. Lalthantluanga chuan April ni 8 Pathianni hian a lawina local Tlangnuam ah inkhawm hmanpuiin thuhrilh rawngbawlna a nei ang.
———-
PG MANAGING BOARD THUKHAWM:
May ni 4 Nilaini khan UPC NMD enkawl Pentecostal Gateway Higher secondary school Managing Board chu thukhawmin Meeing Rev. Chhiarpuia Dist. Supdt. in a kaihruai. Managing Board ah hian rorel pawimawh tak tak an neih zingah School Building sak that dan tur te, High School Section a Zirtirtu lak belh chungchang leh School hmasawnna tur hrang hrang an sawi ho. (PG HSS)
———-
NMD IN RAWNGBAWLTU A TIRHNA REPORT :
April ni 30 Inrinni khan N. Mizoram District UPC in kumin 2022 atanga rawng a bawlna hmun Megalaya, Khleihriat (jowai)-a Evan Lallianmawia Pachuau te chhungkua chu Rev Lalpeklien Sungte, District Superintendent, Central District UPC, Rev. K Malsawmtluanga, Principal, Calvary Bible College, Rev. K. Lalṭhazuala, Registrar, Calvary Bilble College, Shillong ten an tlawh a, Missionary chhungkaw tan ṭawngtaina te neih sakin rawngbawlna kawnga hmalak zel dan tur te an sawi ho.
———-
REVIVAL CRUSADE HMANG:
NMD Missions Director Rev. C. Lalramthanga chuan .. Dt. April ni 29 – May ni 2 thleng Revival Crusade an hmang a, Crusade neih chhung hian Rev. C. Lalramthanga chu Speaker niin; Pathianin an rawngbawlna hriak a thih a, May ni 2 Pathianni khan Pathian chawimawina hun hlimawm tak an hmang zui a ni (RAWPUICHHIP REVIVAL)
———-
BUALPUI N HMARVENG IN AIZAWL OFFICE HMUN PAWIMAWH AN TLAWH:
April ni 28 NIngani chawhnu 1:30pm khan Kawnpui bial Bualpui North Hmarveng a kohhran hruaitu rual mi 15 ten Aizawl-a Kohhran hmun pawimawh hrang hrangte tlawhin Office -ah Thilpek hlu tak takte an hlan a, NMD Office ah Hunserh tawi hmangin, Dist. Secretary Rev. K. Lalduhsanga’n hun a kaihruai a, Dist. Super Rev. Chhiarpuia’n thu a sawi bakah Bualpui N Hmarveng lam atangin Upa Vanlalliana’n thu sawiin kohhran Office leh hmun pawimawh an tlawh chhan a sawi a ni. (BUALPUI N HMARVENG)
———-
PG HSS IN NMD MISSIONS TAN THILPEK PE:
April ni 28 Ningani khan PG HSS Principal leh staff thenkhatte chuan NMD Missions worker te tan T. shirt engemaw zat an pe. Thilpek hlanna hi NMD Office Missions Director room ah neiin PG Principal Evan JH Malsawmdawnglianan Dist. Mission Director Rev C. Lalramthanga kutah a hlan a ni. (PG HSS IN NMD MISSIONS TAN THILPEK PE)
———-
RAWNGBAWLTU SEMINAR & ACCOUNT VAWN DAN TRAINING BUATSAIH
Aibawk bial kohhranpui hmalakna kal zelah vawiin May ni 1, Pathianni khan Kelsih kohhran-a Church board member leh Department hruaitute tan Seminar & Account vawn dan inzirtirna neih a ni a, resource person atan Pastor Pc. Lalrokima, bialtu pastor hman a ni. Chawhma inkhawmah Upa Lalhruaia, Aibawk bial Secretary-in rawngbawlna a nei hmasa a, chawhnu dar 1 aṭangin seminar leh account vawn dan inzirtir nan hun hman a ni. Seminar / Training topic aṭanga zawhna chháng dik tam te hnenah lawmman sem a ni bawk. (Aibawk Bial Seminar)
———-
PATHIAN CHAWIMAWINA NEI:
Chaltlang bial Bawngkawn local leh Chanmari west local ten 1st May 2022 Sunday khan Pathian chawimawina an nei. Bawngkawn ah hian Upa Lalzawnga church board chairman te chhungkua in chawimawina neiin; Chanmari west-ah Kohhran member te thawh khawm a ni thung a ni. Bawngkawn ah hian Speaker atan Evan. C Lalruatsanga Tirhkoh Ramtlan hman niin; Chanmari west ah hian Speaker ah Evan Remthanga hman a nit hung.
May ni 1 Pathianni vek khan Durtlang Mualveng kohhranah Rev. RC Puia te chhung chuan Pathian chawimawiin kohhranhote an hlim hle a ni. (PATHIAN CHAWIMAWINA NEI)
———-
BIAL HUAPIN KELSIH SUNDAY SCHOOL HALL SAK HNATLANG NEIH A NI :
April ni Inrinni khan Kelsih Sunday School Hall sa in Aibawk Bial pum huapin nileng hnatlang neih a ni a, Bial chhung atangin member 40 chuang hnatlangin Hall sak bakah, a hnuai laih zawl te, Biak in chhung thil pawimawh hrang hrangte khawihin hnatlang hi neih a ni. (KELSIH SUNDAY SCHOOL)
———-
THILPEK PE:
Bro. Lalmuanawma N. Lungleng te chhungkua chuan Lengpui Bial Dapchhuah khuaa District rawih mek Evan. Vanlalpeka hman atan Table Fan tha tak an pe.
———-
INVERTER PE:
Sr. Upa Ronghaka te chhungkua Dinthar chuan chhungkaw nu fam ta Sist. Sangzuali hriatrengna atan Birpara Sectional Pastor Quarter Pastor CHT Lalramnghaka luaha hman turin Inverter lei nan Rs. 25000 Dist. Mission kaltlangin hlan a ni. District Missions hruaitute Sr. Upa Ronghaka te chhung chungah an lawm hle a ni.
———-
RANGVA PE:
Bro. Zidingliana, Hriphaw-a awm chuan Zawlnujam Bial Luimawi kohhran SS Hall chunga hman turin rangva thahnem tak a leisak a, Luimawi kohhrante leh Zawlnuam Bial hruaitute an lawm hle.
———-
WORKCAMP HAWN PAHIN LUIMAWIAH SS HALL INCHUNG CHIH:
Vairengte Bial Missions Dept. te chuan NMD Missions Field pakhat Bajirung khuaah Missionary quarters sain Work Camp neiin; an tihtur chin an zawh hnuah Bajerung hi chhuahsanin an hawng kawnga NMD in rawng a bawlna hmun Luimawi -ah chawlin Luimawi kohhrante’n SS Hall an sak mekah workcamp chhunzawmin Hall chung an chih zawhpui leh nghal a ni. Vairengte Bial MSD workcamp member te chungah Luimawi Kohhran te an lawm hle. (Vairengte Bial MSD)
———-
MITHAR NEI:
May ni 1 Pathianni khan Rengtekawn Bial Pastor Rev. C. Lalthlengliana chuan Bial fan Progamme siamin Bukvannei P.P a tlawh a, Bukvannei khuaah hian Nauhlan rawngbawlna bakah Baptisma khur hawngin sual ngaihdamna Baptisma mi engemaw zatin an chang a, Mithar pakhat lawmluh a nib awk.
Bukvanneiah hian zan proggramme hman chhunzawmin Baptisma Khur tuakin appeal an nei a, Rs. 5800 an hmuchhuak bawk. Bukvannei Kohhran hian kum 2022 chhunga Bial target an neih pawh an tlak nghal vek bawk. (Bukvannei rawngbawlna)
———-
HOME MISSION FIELD RASDALI TLAWH A NI:
May 1 Pathianni chhun leh zan hmang khan Bairabi Bial member te chuan an Bial chhunga Missions Field awm Rasdali an tlawh. He Programme hi Bairabi Bial MSD buatsaiha fehchhuak an ni.
Field tlawh inkhawm Progamme hmangin Evan. Varhlunkima, Bial Treasurer chuan inkhawm kaihruaiin; Bairabi Biala tang hian member 60 lai an thawkchhuak a, Field Missionary Evan. Emanuel Lalrawngbawlzela chuan Field chanchin tlangpui leh Field dinhmun te report in Rajtali member te mi 170 bawr an nih thu a sawi. Field tlawh inkhawmah hian Programme changtlung tak ruahmanin Solo item Sist. Branda Lalremdiki leh Sist. Hualrokimi Bairabi N ten neiin; Rasdali Field atangin Bru lam nau mawi tak an entir bawk.
Zan lam inkhawm Upa H. Lalbiakmawia Bial Secretary in kaihruaiin, Thuhrilh rawngbawlna Missionary Evan. Emmanuel Lalrawngbawlzela’n a nei thung a ni. Bairabi Bialte hian thilpek hlu tak Rastali kohhran tan hian Dekchi lian pein, Upa C. Vanlalzawma te chhungkuain Rield tan hian Sana lian an pe bawk. Pathianni tlai hian chawihlui kilhona an nei bawk a ni. (RAJTALI TLAWH)
———-
TLANGNUAM BIAL LAD TEN CAMPING CENTRE AH WATER FILTER LEH SPEAKER HMAN TUR ALMIRAH AN HLAN:
Tlangnuam Bial LAD te chuan May 3 thawhlehni khan NMD Camping Centre Sakawrtuichhun-a hman atan Camping Speaker hman tur Almirah tha tak leh Water filter an pe. Heng Thilpek te hi District Treasurer Rev. C. Lalthantluanga’n lawm takin a lo dawng a ni. (TLANGNUAM BIAL LAD)
———-
DISTRICT PYD TE’N BIAL AN FANG:
District PYD hruaitute Bial fan programme chu chhunzawm zelin; May ni 2 thawhtan kalta khan District President Evan. Jeno Vanlalruata’n Hqrs. Bial PYD te a tlawh. Hqrs. Bial PYD te hian Khatla S Biak inah lo dawngsawngin inkhawm hun hlimawm tak neiin; District PYD President hian rawngbawlna a nei (PYD BIAL AN FANG)
———-
APOSTOLIC REVIVAL TEAM RAWNGBAWLNA:
April ni 30 Inrinni leh May ni 1 Pathianni hmang khan North Mizoram District – Apostolic Revival Team te chuan Central Jail vengah Lang Camp cum Revival Crusade an nei. Lang camp-ah hian Speaker Evan.T.Vanlalruata leh a team member 4 te bakah Zai thiam Sis.Lalfakzuali ten an tawiawm a ni. He rawngbawlnaah hian mi 11 in Evan.T.Vanlalruata kutah Lalpa Isua hmingin baptisma an chan bakah Thlarau Thianghlim baptisma chang thar leh siamtharna chang engemaw zat awmin Lalpa thlarau thianghlim awmpuina hnuaiah hlim takin hun an hmang a ni. (APOSTOLIC REVIVAL)
———-
———-
AIZAWL EAST DISTRICT
District LAD Board:
May 3, Thawhlehni khan District Committee room-ah Kum chanve District LAD Board tluang taka neih a ni. He hun hi Sis.Zionparmawii B/W, District LAD President chuan kaihruaiin Bial atanga leh Official atanga agenda lutte an ngaihtuah a ni. An thu passed langsar zualte:
1. Kumin 2022 October thlaa District LAD Conference hman turah Thupui hranpa neih ni se, Thupui-ah “I dinthar leh ang u” Nehemia 2:12 thu hman ni se tih niin Speaker atan mi hrang hrang ruat ni se tih a ni.
2. Tripura District Darchawi Biakin sak lai mek tanpui ve nise tih niin tanpuina pek zat tur leh tul dang chu Executive Board in lo ngaihtuah leh se tih a ni.
3. Susanne Downs Boarding School Kolasib-a dah turin tui dah khawlna Sintex- Litre 3000 pakhat leh Litre 2000 pakhat lei sak ni se tha tih a ni.
4. District chhungah Chawnghei tawngtai neih tura tih niin a hun leh tawngtai thupui chu Executive Board in la ngaihtuah se tih a ni.
District LAD Board hi District Kohhranpui hruaitute bakah Sis.Lalchangliani Sailo B/W, General LAD President te chuan telpuiin Bial atangin palai an telkim thawkhat a ni.
———-
Aizawl East District in Kum 28 a tling ta:
May 8, Pathianni hi Aizawl East District dinchampha vawi 28-na niin Kohhran chuan ni pawimawh-ah puangin he ni hian Aizawl East District Office chu kum dangah khar thin a ni. Aizawl East District hi N.E.India District pakhat ni turin May ni 8, 1994 khan Bethlehem Veng UPC Biak inah Rev. K.Satinvela, khatih laia Gen. Superintendent UPC-NEI chuan ropui takin a hawng a ni. Rev H.Vankhuma, General Secretary chuan Executive Board-in District hruaitu atana a ruatte puan chhuahna nei nghal in District hruaitu thar te chu :
District Superintendent :Rev. R.Lalrinsanga
District Secretary : Rev. R.Hrangvunga
District Treasurer : Rev. C.Vala te an ni.
District Conference hmasa ber chu Zemabawk Playground-ah Feb 23-26, 1995 khan neih a ni a, thupuiah ‘Chanchin Tha puan darh’ tih hman a ni.
Tun dinhmuna Aizawl East District hruaitute:
Superintendent: Rev KVL.Hmangaihkima
Secretary: Rev R.Laltlankima
Treasurer: Rev H.Lalropuia
Missions Director: Rev VL.Hnemtluanga
Sunday School Director: Rev Rohmingliana
PYD President: Rev C.Lalmalsawma
LAD President: Sis Zionparmawii B/W te an ni.
Aizawl East District hian a din tirh atangin Pathian hnen ata malsawmna nasa tak a dawng a, tunah hian District chhunga Pastor Bial 31 awm mekin Kum 2022 District Conference report bu atanga a lan danin Kohhran member 26,483 awm mekin Kohhran chhungkua 5706 awmin Kohhran hi khaw 188-ah a ding mek a, tunah hian Preaching Point 14 a awm mek bawk a ni. Aizawl East District hi a dintirh chuan Office mumal pawh nei lovin hmun hrang hrangah mi In luahin an awm kual thin a, tunah chuan Kohhran mipuite leh Pathian malsawmna avangin Ramhlun South, Aizawl-ah Office tha tak neiin tunah hian Building sak hna pawh chak taka thawh mek zel a ni bawk. Kum 2019 khan Aizawl East District hian a kum 25-na, Silver Jubilee chu ropui takin District Building chungah a lo lawm tawh a ni.
———-
Ramlak beihpui thlakna tur atan rawngbawlna 15 la thar:
April 28, Ningani khan Aizawl East District hnuaia thawk turin District Evangelist mi 15 lak an ni. Heng thawktu thar lakte hi ramlak beihpui thlak nan Kohhranpui hnuaia lak an ni. Heng District Evangelist te hi April 28, Ningani khan Interview kaltlanga lak an ni a, Interview hi District Committee Room ah neih niin diltu mi 22 zingah heng mi 15-te hi lak an ni ta a ni. An awmna hmun tur pawh District hruaitute chuan an siam fel nghal a ni.
Evan MH Laldingngheta – Maite – Zohmun Bial-ah
Evan H Lalremhlua – Leng – Khawbung Bialah
Evan Lalamena – Sakawrdai- Ngopa Bialah
Evan Lalhlimmawia – Vanbawng- East Lungdar Bialah
Evan C Lalzidinga – Champhai, Zion Veng- N.Vanlaiphai Bialah
Upa C Lalrokima – Ratu, Melkawn- Khawlian Bialah
Bro Vanlalhruaizela – Serchhip Dinthar- Darlawn Bialah
Bro Ramdintluanga – Serchhip, Chanmari- Zemabawk North Bialah
Sis. Vanlalpari – Keifang- Keifang Bialah
Evan V.Kamneihthanga – Selam- Hnahlan Bialah
Evan C Lalropuia – Mualpui, Aizawl- Serchhip Bialah
Evan K Vanlaldika – Zemabawk- Sakawrdai Bialah
Evan H Lalhlimpuia – Bethlehem Vengthlang- Khawzawl Bialah
Bro. Malsawmdawngliana – Thuampui- Kawlkulh Bialah
Evan Lalbiakmuana – Zemabawk- Zemabawk Bialah
Heng rawngbawltu laktharte hi April 29, Zirtawpni khan District Committee room-ah training/ briefing neihpui nghal niin RevR.Laltlankima, District Secretary chuan a kaihruai a, Rev.KVL.Hmangaihkima, District Superintendent leh Rev.VL.Hnemtluanga, District Missions Director te hnen atangin thusawi an ngaithla a ni. Heng rawngbawltu lak tharte hi a tulna hmun apianga rawngbawl tura tih niin May 6, Zirtawpni khan an awmna hmun an pan hlawm a ni.
———-
District PYD OB te fehchhuak:
May 2, Thawhtan zan khan AED PYD OB ten ruahmanna an lo siam tawh angin a hmasaber atan Mualpui bial PYD tlawhin fehchhuah programme an hmang. Mualpui bial te hian Salem Veng Biakinah an lo dawngsawng a ni. He hun hi T.Upa Johny Lalsangzuala, Mualpui Bial PYD President chuan kaihruaiin Rev.C.Lalmalsawma, District PYD President chuan thusawina a nei a ni. Mualpui bial PYD Secretary, District PYD Secretary leh District PYD Music&Sound Committee Secretary te hnen atangin report ngaihthlak a ni a, Zaia rawngbawlna Bro.Lalthankima leh Sis.Chingsanluni ten an nei bawk a ni.
AED PYD OB te hi insem darhin ruahmanna an siam ang chuan karleh Thawhtanni hian Upper Republic Bial, Zemabawk bial leh Zemabawk North Bial te tlawhin fehchhuah programme an hmang leh anga May 15, Pathianni hmang hian Hnahlan Bial leh Khawhai Bial tlawhin rawngbawlna an nei leh dawn a ni.
———-
Pentecostal Choir member lakluhna neih a ni:
April 28, Ninga zan khan District Hqrs. Biakinah Kum 2022-2024 chhunga Pentecostal Choir member turte lakluhna, induction Rev.C.Lalmalsawma, Chairman, Music & Sound Committee leh AED PYD President ni bawk kaihhruaiin neih a ni. Hunserh Upa F.Lalthlangliana, Vice President, District PYD chuan hmangin Bro Nelson KVL Chhandamna, Music & Sound Committee Secretary leh Choir Conductor ni bawk chuan member tharte chhiarchhuahna a nei a, member lakluhna Rev.KVL.Hmangaihkima, District Superintendent chuan neiin choir memberte hriak hnawih rawngbawlna a nei a, fuihna thu a sawi bawk a ni. General Choir bakah Sis.Lalthafamkimi leh Sis.Lalropari ten fak hla sa in Music & Sound Committee Secretary kaihhruaiin choir member chawl tur mi 6 te hnenah ngaihhruina hlan an ni a, Choir member chawl tur Bro.Lalchhanhima leh Sis.Laltlanthianghlimi ten thutawi sawina an nei bawk a ni.
Pentecostal Choir induction neihnaah hian District PYD hnuaia Sub-Committee OB te bakah Choir member chhungte an tel bawk a ni. Pentecostal Choir-ah hian Conductor telin member 24 awmin Soprano-ah 7, Contralto 5, Tenor 5 leh Bass-ah 6 an awm mek a ni.
———-
Joint Revival:
Aizawl East District chhunga Bial hrang hrangte inhlawmkhawm, Bial Joint Revival chu hman chhoh mek zel a ni. Aizawl khawpui chhung Bial 5 – Mualpui Bial, Upper Republic Bial, Bethlehem Bial, Bazar Bial leh Bawngkawn Bial Joint revival chu May 7, Inrinni zan atang khan Bethlehem Biakinah hman mek a ni a, Pathianni zanah a tiak ang. He Joint revival-ah hian Bial hrang hrang ten thusawi rawngbawlna an inneih chhawk a, Bial zaipawl leh mal zai Bial hrang hrang ten an nei bawk dawn a ni.
May 6, Zirtawpni zan atang khan E.Lungdar Bial, Khawhai Bial leh N.Vanlaiphai Bial te pawhin Bial 3Joint Revival, E.Lungdar Bial, Sailulak hmunah an hmang mek bawk a, Bial 3 chhunga Bialtu Pastor leh Tirhkoh ten thusawi rawngbawlna an nei thin dawn a ni.
———-
Tanpuina hlan:
April 30, Inrinni tlai lama nasa taka Rial tla chuan Phuaibuang khua a nuai nasa hle a, he thu hria hian Khawlian hmuna awm mek, Aizawl East District Treasurer, Rev.H.Lalropuia leh Khawlian bial hruaitute leh rawngbawltu engemaw zatin tukin May 1, Pathianni zingkarah khan Phuaibuang hi panin a theih ang angin District Superintendent Relief fund atangin tanpuina an hlan.
1. VCP Pu Lalthaliana hnenah tawrhpuina leh a tul apianga khawtlangin an hman turin Rs. 10,000/- an hlan a, tawngtaina in Pathian hnenah an hlan bawk a ni.
2. Kohhran chhungkaw In, rialin a tih chhiat chhungkaw 7 hnenah tanpuina hlan a ni bawk.
Phuaibuang khua hi in 500 vel khua niin In a tih chhiat hi in 281 vel a ni. UPC member In 7 an tel a, a chhezual tih theih zing ami an ni.
April 30, Inrinni tlaia Thlipui tlehin an In a tihchhiat, Hnahlan Saron veng Kohhrana lawi Bro. Lalpektluanga te chhungkua hnenah Rev.VL.Hnemtluanga, District Missions Director chuan District Superintendent Relief fund atangin tanpuina a hlan bawk.
———-
Bial PYD Inkhawmpui hmang:
April 29 – May 1, 2022 chhûng khân N.Vanlaiphai Bial PYD chuan Khawlailung Dinthar Biak Inah “N.Vanlaiphai Bial PYD Conference Vawi 57-na” tluang takin kan hmang zo. Speaker-ah Pastor B.Lalhmingliana, Bialtu Pastor hman a ni.
April 29, 2022 (Zirtawpni) chhûn dar 12:00-ah Conference Rorêl a ni a. Rorêlah hian agenda 8 ngaihtuah niin, pass vek a ni. Kum 2023 N.Vanlaiphai Bial PYD Conference chu ‘N.Vanlaiphai Hqrs. Biak Inah’ nghah a ni a, January 29 – 31, 2023 chhûngin Conference hi hman a ni ang
April 30, 2022 (Inrinni)-ah Seminar neih niin, Leadership & Administration tih thupui zirho a ni a, Resource Person-ah Pastor B.Lalhmingliana, Bialtu Pastor hman a ni.
Thlarau boruak nuam tak hnuaiah Conference hi hman a ni a, May 1, 2022 (Pathianni) zân khân Conference hi a tiak.
———-
Theological Education Board meeting neih a ni:
May 4.2022, Nilaini khan District Superintendent room-ah Theological Education Board meeting Rev.KVL.Hmangaihkima, Chairman kaihhruaiin neih a ni. He hunah hian Kumin 2022 chhunga Pathian thu zirna, Oneness Theological Seminary (OTS) kalpui dan tur chungchang ngaihtuah niin Kum 2022 Session hi June 1.2022 hian Class kal tan ni se tih a ni. Heng mite hi kumin Session atan zirtirtu atan lak an ni.
Rev.Rosanga Kawlni, Rev. Vanlalfela Ramtiam, Rev. C.Lalengliana, Rev.H.Lalropuia, Rev.C.Lalmalsawma
TEB meeting-ah hian member an telkim thawkhat a ni. Tun dinhmuna hruaitute
Chairman: Rev.KVL.Hmangaihkima
Secretary: Rev. C.Lalengliana
Treasurer: Rev.H.Lalropuia
———-
Raltlante hnenah tanpuina hlan:
May 30, Inrinni khan Champhai Bethel Bial te chuan Bialtu Pastor, Rev.E.Vanlalpeka Zote kaihhruaina hnuaiah an Bial chhunga Burma lam atanga raltlan chhungkaw engemawzat hnenah tanpuina an hlan. Heng tanpuina an hlante hi Zokhawthar, Melbuk leh Zokhawthar bul Uilui amite niin chhungkaw 43 hnenah Buhfai, Alu leh Sahbawn te an hlan a ni. Tanpuina hi Bial hruaituten a hmunah kalchilhin an hlan a ni.
———-
Mithar 49 sengluh niin leh Baptisma chang thar an awm bawk:
April 30, Inrinni zan khan Kawlkulh ah mithar pakhat Kohhranah sengluh a ni.
May 1, Pathianni Chawhma inkhawmah khan Zemabawk North Bial, Zemabawk West Kohhran a lawi turin Member 22 chu Bialtu Rev.Rosanga Kawlni chuan Kohhranah sengluhna a nei.
Zemabawk North Bial tho Zemabawk Kohhran a lawi turin Member 6 chu Upa Zelthuama’n Kohhranah sengluhna a nei bawk.
Zemabawk Bial, Airfield Kohhranah Evan H Lalngaihzuala rawngbawlna atangin mithar 10 chu Kohhran ah sengluh an ni bawk.
Thuampui bial Thuampui Kohhranah May 1, Pathianni vek khan Bialtu Pastor Rev. PC Lalnghakliana chuan mithar 1 sual ngaihdamna baptisma a chan tir.
May 1, Pathianni vek khan Bawngkawn Kohhrana lawi turin Member 4 chu Rev VL Tluanga Sinate chuan Kohhranah sengluhna a nei.
Bazar Bial Ramthar Kohhranah Bro. Lalthianghlima te chhungkua chuan April 30, Inrinni khan Chawimawina an nei a, May 1, Pathianni khan Kohhran dang atangin mi pakhatin sual ngaihdamna baptisma Bialtu Pastor, Rev.C.Lalmalsawma kutah a chang a ni.
May 3, Thawhlehni khan Darlawn Bial Darlawn Kohhranah Member thar pakhat sengluh a ni.
May 1, Pathianni khan Mualpui Bialtu Pastor Rev C Mawizuala chuan Bial fan program ITI Kohhran ah a hmang a. mi 15 in Baptisma an chang a ni.
May.1 Pathianni zan vek khan Champhai Bethel Bial, Melbuk kohhranah mithar chhungkaw 1, member 3 awmna chu Kohhranah sengluh an ni. Sengluhna hi Upa Vannunmawia, Local Chairman chuan a nei a ni.
Bawngkawn bial, Peniel Kohhranah pawh May 1, Pathianni zan inkhawm ban khan Bialtu Pastor, Rev.Vanlalfela Ramtiam kutah mi pakhat Kohhran mi ni sa, baptisma la chang ngailo chuan sual ngaihdamna baptisma a chang thar bawk.
Heti hian April 30, Inrinni leh May 1, Pathianni inkarah khan Aizawl East District chhungah mithar 49 Kohhranah sengluh an ni.
———-
Hruaitute programme:
Rev.KVL.Hmangaihkima, District Superintendent chuan May 7, Inrinni-a Serchhip Chanmari Kohhrana Upa Vanlaldailova te chhungkua in Pathian chawimawina an neih-ah Speaker ah tangin rawngbawlna a nei a, Pathianni zan thleng hun an hmang ang.
Facebook