UPCNEINEWSSERVICE_MAR 28 – APR_4.2021
———-
General Hruaitute Good Friday & Easter Sunday Programme:
General Superintendent Rev. R. Lalrinsanga chuan April ni 2 Good Friday ni hian Sumsuih Bial, Sumsuih Kohhranah rawngbawlna a nei.
General Secretary Rev. Zohmingthanzama chuan April ni 2 Good Friday ni hian Sumsuih Bial, Thiak Kohhran Sacrament buatsaihin rawngbawlna a nei.
General Treasurer Rev. Lalmalsawma Sailo chuan April ni 1 zan khan Lengpui kohhranah Sacrament rawngbawlna neiin, Good Friday ni ah Lamchhip Kohhran ah Sacrament rawngbawlna hi a nei leh a, April ni 4 Easter sunday hian Zemabawk North Bial ah hun hmanpuiin rawngbawlna a nei bawk ang.
General Missions Director Rev. R. Lalhawia chuan Good Friday ni ah a lawina kohhran Salemveng ah hun hmangin Sacrament rawngbawlna a nei.General Missions Director hian April ni 6 hian UPC North East India a Missions Field hrang hrang te Field Conference hmanpui tur in a zin chhuak ang.
General Sunday School Director Rev. R. Laichhingpuia chuan Good Friday leh Easter Sunday chu a lawina Mualpui Kohhran ah a hmang ang.
General Sunday School Secretary Rev. R. Vanlalawia chuan Good Friday ni hian North Mizoram District, Headquarters Biak In, Tuikhuahtlang ah Thu sawi rawngbawlna a nei bawk.
Rev. JH. Zahluna chuan Good Friday ni hian Hermon Venghlui Kohhran ah Sacrament rawngbawlna neiin, zanah Bethlehem Kohhranah Thusawi rawngbawlna a nei a, April ni 4 Easter Sunday hian Khatla South Kohhran hun a hmanpui bawk ang.
———-
———-
CHHIMTUIPUI DISTRICT:
HRUAITUTE PROGRAMME
1.DISTRICT SUPERINTENDENT-REV.JOSEPH L.THLAUHTHANG
Good Friday a lawina Kohhran Hqrs Local ah a hmang anga Easter Sunday tukah thuchah sawiin rawngbawlna a nei ang.
2.DISTRICT SECRETARY – REV W.L THANGHRE
Lalpa zanriah rawngbawlna Hqrs Local ah a nei anga Good Friday tukah thuchah sawiin rawngbawlna a nei bawk ang. Easter Sunday chu a lawina Local Hqrs ah a hmang ang.
3. DISTRICT TREASURER – REV.KHOLY HLYCHHO
Siahatla Local ah Lalpa zanriah rawngbawlna a nei anga Good Friday leh Easter Sunday chu a lawina Hqrs Local ah a hmang ang.
4. DISTRICT DIRECTOR – REV.DR.C.SIHMO
College Veng Local ah Lalpa zanriah a buatsaih anga Easter Sunday chu Hqrs Local ah a hmang ang.
———-
CHHIMTUIPUI DIST. CONFERENCE VAWI 45-NA:
March ni 20, 2021 khan Chhimtuipui Dist Conference vawi 45 na rorel pawimawh tak neih niin, rorel palai hi mi 93 an ni. General Supeintendent aiawh Rev. R.Laichhingpuia Gen. SS Director chuan hovin, Rev. Vanlalena Lunglei Dist Superintendent chuan a tawiawm bawk a ni. Rorel ni hian Chawl lova kum 25 Rawngbawltu chin mi-5 hnenah chawimawina hlan an ni. Conference rorel tlangpuite:
1. Kum 2022 Dist Conference chu rotation a hman tur niin, Dist Board in an ruahman ang.
2. Ram lek beihpui thlak tur ani ang. Dist Board in ruahmanna an siam ang.
3. Dist Board ruahmanna siam atan District Complex master plan siam tur ani.
4. Dist chhung Bial leh local tin ten Kohhran in ram aneih theih nan hma lak nise.
5. Myanmar ram a harsatna thleng mek ah mipui ten zalenna an hmuh theih nan ṭawngṭai sak nise.
6. Bial khawmpui arual a neih ṭhin chu tih danglam nise.
———-
DIST BOARD THUREL
Dt.22.03.2021 khan Dist Committe room ah Dist Board neih niin, Board ah hian ABS (Apostolic Boble School) a zirtur mi 3 lak an no a, Licence dil thar mi-5 te chu recomend rem tih a ni bawk. Thurel te:
1. Ram lak beihpui thlak bawhzuina atan Thiahra/Phalhrang hmun ah leh Vahia/Vahai hmun ah te ram lak beihpui hi thlak nise. Ṭul dang bawhzui ngai chu official kutah dah ani.
2. District pumpui ah Dt.03.04.2021(Inrinni) zan hian Myanmar mipui te pyalin ṭawngṭaina neih nise.
3. Bial khawmpui chu thawh hnih a neih nise.
• A thawh khatna hi February 1st Werk hmang a neih tur niin;Sangau Bial, South Lungpher Bial leh Niawhtlang Bial ten annei ang.
• A thawh hnihna hi February 2nd week hmang a neih tur niin; Siaha Bial, Tuipang Bial leh Bualpui NG bial ten khawmpui an hmang ve thung ang.
4. Pastoral retreat hman nise, General official te nen inbiak rawn hnu ah ah ahun hi ruat nise.
5. Dist compkex master plan siam chu official te kutah dah niin, mithiam leh architect te ruaiin ruahmanna siam nise.
6. 45th Dist PYD Conference chu 1st week of November 2021 ah hman nise.
7. Proforma ang khat hmangin member data lakkhawm nise, 2021 chhung in Bialtu Pastor ten la khawm se.
8. Kohhran motor (bolero) MZ 03-4129 chu Official te kaltlangin tihral nise.
9. Pastor Quarter’s sakna atan Rs.500000/-(nuai nga) pek ṭhin chu Rs.1000000/-(nuai sawm) a tih san niin, kumnkhat/1st installment ah Rs.500000/-(Nuai nga) nise. 2nd installment ah nuai nga pek nise.
10. Hetiang hian tanpuina pek ani:-
• South Lungpher Bial Pastor Quarters sak ṭanpuina – Rs.500000/-
• Niawhtlang Biak In sak ṭanpuina – Rs.200000/-
• Bualpui NG Biak In sak ṭanpuiba – Rs.100000/-
• Vawmbuk Biak In sak ṭanpuina – Rs.100000/-
———-
DIST PYD EXECUTIVE MEETING NEIH ANI.
Dt.29.03.2021@11:00am khan Dist Committe room ah Meeting pawimawh tak neih niin, infuih tharna hun leh sharing hun hman nghal a ni.
Thurel pawimawh zual:-
1. Chhimtuipui Dist chhung Local church tin te leh Bial tin te pian dan/chan chin lehkha bu buatsaih nise. Hetiang hian a hmun a kalin hruaitu ten an bawhzui ang.
1. Evan K Rinthara&T Upa H Lalduhsanga : Sangau Bial leh South Lungpher Bial
2. Evan Robert B Lalnunsiama T leh Evan LS Lalhmingmuana : Bualpui NG Bial leh Niawhtlang Bial
3. T Upa N Lalchhuanmawia leh C Lianhmingthanga; Siaha Bial leh Tuipang Bial
August 2021 hmain local leh bial chanchin hi lak khawm a, material awm ang ang pawh Church Board leh pastor te kal tlanga lak khawm nise.
He lehkha bu hi Dist Publication Board kal tlang a tihchhuah tum niin, Former Suoerintendent Rev Dr T Tumsanga hriat rengna pual a buatsaih tum ani.
———-
CRUSADE NEI:
Dist Evangelist N Thanghnuna chuan Dt.27.03 aṭang khan Sangau Bethel local ah crusade anei. Sist VT Hmangaihsangi leh aṭhian ten Dist Evangelist hi an ṭawiawm ani.
———-
CRUSADE NEI DAWN
Dt.08-11.04.2021 hmang khian Home Mission Field Tuipui V/Varṭekkai ah South Lungpher Bial PYD chuan crusade abuatsaih ang.He crusade ah hian Rbt RL Hmingthanzuala Chairman Dist Kumpuan Committe chu speaker ah hman ani ang.
———-
TANPUINA HLAN
Dt.25.03.2021 a kang mei tuar avang a In leh lo, bungrua zawng zawng chan tu Bro.Vanlalpeka Non Mizo Kohhran member te chhungkua chu Dist Kohhranpui, Department hrang hrang te leh Dist. chhung Bial leh Local ten ṭanpuina an hlan.
———-
JOINT FELLOWSHIP HMANG
Dt.29.03.2021@7:00pm khan Siaha Council Veng Biak In ah Siah Bial chhung local hrang hrang techuan joint fellowship an hmang. He hun hi Dist PYD Vice President Evan Robert B Lalnunsiama T leh T Upa N Lalchhuanmawia Dist PYD Treasurer ten hman pui in, Dist Hospital a thawktu ten TB lak invenna awareness an neih pui bawk ani.
———-
———-
LAWNGTLAI WEST DISTRICT
District Puipa te Programme:
Rev.R Ramthatzawla,District Superintendent:
Good friday ni hi a lawina kohhranah hun a hmang anga Dt.02.04.2021 ah mampui kohhran chawimawina a telpui bawk ang.
Rev.Lalsawmliana Sailo, Secretary&Treasurer:
A lawina Kohhran Chandmary Local Church ah Good friday a hmang a nga Lalpa zanriah Sacrament rawngbawlna a nei ang.
Rev.F.Lalbiakthuama,Mission Director:
Mampui Local Church ah rawngbawlna a nei a nga Lalpa zanriah Sacrament rawngbawlna a nei nghal ang.
Mampui Local Church chuan Pathian chawimawina neiin Speaker atan Evan R.Vanchhunga Aizawl chu an hmang a tlailam ah Pathian chawimawina ruai kilho nghal a ni.
———-
Lawngtlai West District Conference:
Dt.26-28.March.2021 a hmangin Lawngtlai West District Chuan,District Conference Diltlang South Local Church ah neih a ni.
Conference ah hian Departmental,Mission Department,Sunday School leh Kohhranpui ten rorelna an nei a ni.
DISTRICT CONFERNCE ROREL
1. Kum 2022 District Confrence chu rotation angin Vathuampui Bial ah neih
tur a ni.
1). Confernce Fund Rs. 2,000/- kan hman lai chu Rs.3,000/- ni tawh se tih chu tha tih tlan a ni. hei hi kum2022 atanga hman tan tur a ni ang.
2). Conference thlengtu te tanpuina chungchang: Rs.60,000/- ni thawh se tih rem tih tlan a ni.
2. Kum 25 chawl lova UPC Kohhrana rawng lo bawl tawh te chu chawimawina Citation pek ngei nise tha tih tlan a ni.
3. District Day Dt.19th May,2021 hi kum2020 ruai nen ropui taka hman nise tiin kan lo rel tawh a, Covid 19 avang kan hman theih loh avangin kumin 2021 ah chuan ruai nen a hman ngei nise tih chu rem tih tlan a ni a, Fund raising Board te pawh in an hmalakna lo chhunzawm zel se tha tih tlan a ni bawk.
4. District in Sabualtlanga School a hawn thar tan thawhlawh thawh ni se tih chu tha tih tlan a ni a, a hun atan Dt.27th Mar.2021 Inrin ni zan inkhawm ni se tih chu tha kan ti tlang a ni.
5. Lawngtlai District Hqrs; Site Office / Complex tur hi KMMTTP kawngpui anah ngei zawn ni se Tha tih tlan a ni a, Hma lakna tur leh tul dang chu District Board ah dah a ni.
6. District Office sak hun atan District chhunga chhungkaw tinin kum khat atan
Rs.100/- tal thawh nise tih chu rem kan ti tlang a ni. Hmalak dan tur chu District Board kutah dah a ni.
DISTRICT SUNDAY SCHOOL RORELTE:
1. District Confernce fund hi kan hman lai Rs.1,000/- la ni zel se tih chu tha tih tlan a ni.
2. District hotu ten Bial tin ah seminar neih nise, District OB te hian Bial tin hi kum khatah vawikhat tlawh chhuak se tih chu tha tih a ni a, tul leh pawimawh chu OB kutah dah a ni.
3. Zirlai bu leh attendant bu hi Local tinin an mamawh zat tur District-ah hriattir thin ni se tih chu tha tih tlan a ni. Attendent bu hi kan District tan siam ve ni se tih chu tha tih tlan a ni. Tul leh bawhzui ngai chu District Board kutah dah a ni.
4. Kum kalta ah Covid 19 avanga hma lak a remchan loh avangin kumin ah chuan
Sunday School kai hriatpuina hi siam ngei nise tha tih tlan a ni.
5. District Sunday School target hi a hlawma Bial ah pek ni tawh se, Bial in Local tin ah an dinhmun a zira sem ni tawh se tih chu kan kal dan ngai kal rih mai tha tih tlan a ni.
DISTRICT MISSION CONFERENCE RORELTE:
1. District Confrence 2022 chu Lawngtlai South Bial ah nise tih a ni a, a hun
chu Board ah dah a ni. Speker neih nise tha tih a ni a, thupui tur nen Board ah dah ni se tha tih a ni.
2. Financial campaign neih ngei nise tha tih tlan a ni a, tul leh pawimawh dang chu District Board ah dah a ni.
3. Missionary Support zawn ngei nise tha tih tlan a ni a, tul leh pawimawh dang chu District Board ah dah a ni.
4. District huap Crusade hi neih ngei nise tha tih tlan a ni a, tul leh pawimawh dang chu District Board ah dah a ni.
5. Kumtina Home Missionary retreat neih ngei tha kan ti tlang a, tul dang lo buaipui chu District Board kutah dah a ni.
6. Mission Depatment Flag siam ngei tha kan ti tlang a, tul dang lo buaipui chu
District OB kutah dah a ni.
DISTRICT BOARD ROREL TLANGPUI TE:
1. Certificate leh form hrang hrang siam nise tih chu tha tih tlan a ni a, District Secretary in hma lo la se tih chu tha tih tlan a ni.
2. Pastor incharge- pahnih lak thar an ni a,
Evan. T. Ngurchhuana Chawngte Bial Home Missionary
Evan RVL. Hriatpuia Thingkah Home Missionary
Dt.1st April,2021 ah Joining report pe se tih chu tha tih tlan a ni a, an post tur pawh hetiang hian siam rem a ni.
1). Pastor T. Ngurchhuana – Chawngte Bial
2). Pastor R. Vanlalhriatpuia – Diltlang Bial
3). Pastor S. Vanlallunghnema – Lawngtlai North Bial
Charge in hlan hun atan Dt.7th April,2021 nise tih chu tha tih tlan a ni a, April thla chhunga an awmna hmun thleng vek tura tih niin, Pastor te hi April tha chhungah an awmna tur Bial Headquarters ah induction service neihpui nise tih chu rem kan ti tlang bawk. Induction Programme chu Official te kutah dah a ni.
Tin, Lawngtlai North Bial kum khat vel zet min lo enkawl sak tu Kan pensioner Rev. TV. Mawngchina chungah lawmthu kan sawi a, a inpek na leh a hnathawh te kan ngaihlu in ropui kan ti a, a chungah leh an chhungkaw chungah lawmthu kan sawi a ni.
3. Pastor full pension a chhuak te chu District huapa thlahna hun hman ngei tha tih a ni a, bawhzui ngai a awm chuan District official kutah dah a ni.
4. Lawngtlai District Hqrs; Site Office / Complex tur hi KMMTTP kawngpui anah
ngei zawn ni se tih chu Building Board te nena inbe rawn in la ngaihtuah ho leh ni se tih chu rem tih tlan a ni.
5. District Office Building sak hun atan District chhunga chhungkaw tinin kum khat atan Rs.100/- theuh kumin atangin thawh ni se tih chu Circular siam ni se, Bialtu Pastor te hma lakna in District chhunga chhungkaw tin ah lak khawm ni se tih chu tha tih tlan a ni.
6. Sabualtlang School chungchang. :-
1). School hming tur atan PENIEL COMPREHENSIVE ENGLISH SCHOOL ni
se tha tih tlan a ni.
2). School Building te Sabualtlang Local in an lo sa tawh a, Principal Quarters cum Office sak nan Rs. singhnih pek ni se, a chung khuhna tur rangva pawh tum sak ni se tih chu tha tih tlan a ni.
3). School hawn hun atan Dt. 4th May,2021 (Tuesday) ni se ti a OB meeting in a lo rel chu tha tih tlan a ni a, District Superintendent in hawng se tih a ni a, an mamawh tul leh pawimawh zual te chu mi tlawnmngai te hnenah Donation te zawn ni se tha tih a ni. Tul leh pawimawh dang hmalakna chu Official te kutah dah a ni.
4). School form rawng tur chu Kamis var leh puan pawl (Sky Blue) kekawrtlawn atan leh pawnfen atan ni se, pheikhawk dum leh mawza (Socks) A dumpawl (Dark Blue) ni se tih a ni.
7. Ngengpuikai ram lei thu leh Lunghauka Biakin siamthatna sum chungchanga Official ten Ngengpuikai ram leina tura Rs.1,00,000/- an lo pek leh Lunghauka Biak in siamthatna tura Rs.20,000/- an lo pek chu tha tih tlan a ni.
8. Kum 2021-2022 chhunga Lawngtlai West District Department hrang hrang hruaitu tura ruat te chu heng mi te hi an ni.
1. Missions Department .
Director : Rev. F. Lalbiakthuama (Full time)
Secretary : Evan.V.Biakkunga Chandmary
Treasurer : Rev. Lalsawmliana Sailo Dist. Secy.
2 Sunday School Department .
Director : Rev.TV.Mawngchina AOC
Secretary : Evan. C. Lalhmingliana Council veng
Treasurer : Rev. F. Lalbiakthuama (Director Miss.)
3. P.Y.D
President : Pastor S. Vanlallunghnema Diltlang
Vice President : Upa H. Lalhmachhuana College Veng
Secretary : Evan. George Lalawmpuia Concil Veng
Asst.Secretary : Upa Rothangzauva Bazar Local
Treasurer : Evan. Lalhmangaihzama College Veng
4. L.A.D
President : Sist.J.Lalnuntluangi B/W Chandmary
Vice President : Sist. Thangchungnungi B/W Hqrt.
Secretary : Sist. R.Laldini AOC Local
Asst. Secretary : Sist. Lalsiamthari Bazar Local
Treasurer : Sist. Lalrindiki Chandmary
Heng ruat thar te hian Dt.7th April,2021 ah District Superintendent Office ah charge in hlan tur a ni ang.
5. Auditor atan heng mi te hi ruat an ni.
1) Evan. C. Lalhmingliana Council veng
2) Upa S. Lalmalsawmsanga Chandmary
Conference hi Rev.Lalmalsawma Sailo Gen.Treasurer leh Chhimtuipui Dist.atangin Re-Present, Rev. Kholy Hlychho, Treasurer leh Rev. WL Thanghre, Secretary te chuan hmanpuiin, an ni hnen atangin thuchah ngaihthlak a ni bawk.
Conference chhung hian Dist.LAD bul tumin Leadership trainning neih nghal a ni a, Resource person atan Rev.Lalsawmliana Sailo niin topic,Leadership tih hmangin paper present a nei a ni.
———-
———-
LUNGLEI DISTRICT
1.GOOD FRIDAY LEH EASTER SUNDAY-A HRUAITUTE PROGRAMME:
i) District Superintendent Rev.C.Vanlalena chuan April ni 1 ninga zan hian Farm veng Local biak inah Sacrament buatsaihin rawngbawlna a nei ang. April ni 4 hian Farm veng Local-ah vek hian Easter Sunday thuchah puan chhuahna a nei leh ang.
ii) District Secretary Rev.PC.Lalfakawma chuan April ni 2 Good Friday hian Eklavya Model Residential School, Pukpui Kawmzawl-ah hun hmangin thusawi rawngbawlna a nei ang.
iii) District Treasurer Rev.C.Lalrintluanga chuan April ni 2 Good Friday leh April ni 4 Easter Sunday hi Thenhlum Local-ah hun a hmang ang a, Sist. Dr.PC.Lalthansangi chuan tawiawmin zaiin rawngbawlna a nei ang.
iv) District Missions Director Rev.R.Vanlalenga chuan April ni 4 Easter Sunday hian Headquarters Local-ah thusawi rawngbawlna a nei ang.
———-
2.THIANGHLIMNA COMMITTEE AN THUKHAWM :
March ni 29 thawhtanni khan Lunglei District Thianghlimna Committee-te chu Chairman Rev.C.Lalhriatpuia kaihhruainain District UPC Conference Hall-ah an thukhawm a, an rorel pawimawh zualte:
1.Kumin 2021 hi Lunglei District chuan ‘Zuk leh hmuam do’ kumah a puan angin, hetiang hian bawhzui nise tha tih a ni.
– April ni 18 Pathianniah kumpuan hawnna Headquarters biak inah neih nise.
– Pennet channel atangin kumpuan thupui sawi thin nise,
– Pennet ah Kumpuan thupui hmangin Talkshow neih nise.
-Lunglei District chhung Rawngbawltu chin Zuk leh hmuam ngheite hnena lawmthu sawina leh la ngheilote hnenah nghei tura ngenna siam nise.
– Short Dramma kumpuan thupui hmangin neih nise.
2. Bial hmalakna: – Survey report form, District atanga siam hmangin Bial thianghlimna Committee-in a siam anga, Dist. Thianghlimna Committee Secretary hnenah report a pe thin ang.
– Bialchhungah Campaign/Seminar nei tur a beisei an ni a,heng bak tuldang hmalakna chu bialin a duh angin a siam thei ang.
3.Tualchhung hmalakna:Biak in Compound ah zuk leh hmuam khap a nih thu sign board Local Church tinin lo siam se.
———-
3.LUNGLEI DISTRICT PYD CONFERENCE VAWI 53-NA HMAN DAN TUR RUAHMAN FEL A NI :
March ni 27 inrinni khan Lunglei District PYD O.B. Meeting chu Upa C.Zonghinga In, Venglai Lunglei ah neih a ni a, Lunglei District PYD Conference vawi 53-na Dt.23-25.4.2021 chhunga Hnahthial hmuna neih dan turah hetiang hian ruahmanna siam fel a ni.
1. April ni 23,2021 (zirtawpni) hi palai thlenkim ni a ni ang a, zanah Programme a awm lovang.
2. April ni 24, 2021 (Inrinni) dar 10:30 am ah Venglai UPC Biak in, Hnahthial ah rorel inkhawm neih a ni ang.
3. April ni 24, 2021 (Inrinni zan) April ni 25 (Pathianni) chawhma leh zan lamah inkhawm a awm ang.
4. Conference thupui atan, ‘Pathian beisei rawh’ Sam 42:11 chu hman a ni ang.
5. April ni 25, 2021 (Pathianni chawhnu) ah Pathian thu zirho a ni ang.
6. Inkhawmnaah malzai leh zaipawl zai tura ruahmanna siam a ni.
7. Conference Speaker atan District Superintendent Rev.C.Vanlalena, District Secretary Rev.PC.Lalfakawma leh District Treasurer Rev.C.Lalrintluanga te hman an ni ang.
8. April ni 25, 2021 (Pathianni chawhma) inkhawmah Khawtlang nun siam thatna lam lehkhabu tlangzarh a ni ang a, hruaitu hlun chawimawina leh Target tlak hmasa lawmman sem a ni ang.
———-
4. MI THAR :
i) March ni 24 nilaini hian Putlungasih Missions field-ah mi thar pakhat Evan. T. Biaklala Home Missionary chuan Baptisma chantirin Kohhranah a lawmlut.
ii) March ni 28 Pathianni khan Thenhlum bialtu Pastor PC.Zionrammawia chuan Thenhlum Local-ah mi thar pali (Puitling 2 leh Naupang 2) a lawmlut.
———-
5. SUNDAY SCHOOL SEMINAR HLAWHTLING TAK A NEIH A NI
Lunglawn Zaia Veng Local Sunday School Department chuan Luangmual Bial Sunday School Department Conference rorel in alo pass tawh, Local tin ten mahni remchan ang a Sunday School seminar neih nise a tih chu, March ni 28 Pathianni khan District Sunday School Director Evan F. Lalhmangaiha leh District Sunday School Secretary Evan PC. Zosangliana te, Resource Person a hmangin Seminar an nei.
SEMINAR hi 1st SESSION leh 2nd SESSION ah then niin, chawhma 1st Session-ah hian Director Evan F.Lalhmangaiha’n Sunday school pawimawhna tih thupui hmangin kal khawmte zirtirna a pe a, 2nd Session-ah District Sunday School Secretary Evan PC. Zosangliana’n Kan fate i chhanhim ang u tih thupui hmangin zirtirna tha tak a pe ve leh a, kalkhawmte an hlawk hle.
———-
6. LITERATURE BOARD AN THUKHAWM:
March ni 31 nilaini khan Lunglei District Literature Committee-te chu District Superintendent Room-ah Chairman Rev.Ralkapkunga Khiangte kaihhruainain an thukhawm a, an rorel tlangpuite:
– Local chanchin ziakna lehkhabu, chhuah tura ruahmanna kal mek bawhzui dan tur sawi niin, Local tinte thehluh hun atan June thla ral hma nise tha tih a ni a, Local chanchin ziaktute ziahlan tur thu pawimawh tak tak rel tel a ni bawk.
– Kumin chhungin Literature Workshop buatsaih nise tha tih a ni.
———-
———-
NORTH MIZORAM DISTRICT
Pastor Induction neih chungchanga Hruaitute Programme:
District Supdt: Dist. Supdt. Rev. Laltluanga chuan Bilkhawthlir Bial vawngtu tur Pastor Jakob Lalremsanga chu March ni 31 Nilaini zan khan Bilkhawthlir Bial Hqrs. Biak inah Induction service a neih pui ang.
District Secretary: Dist. Secretary Rev. Chhiarpuia chuan Tlangsang Bial vawng tura District Board hnuhnung berin a lak thar, Pastor C. Zoramthara chu March ni 30 thawhlehni khan, Tlangsang Kohhran Biak inah lawmluhna Induction service a neihpui ang.
District Treasurer: Dist. Treasurer Rev. K. Lalduhsanga chuan Vairengte Bial vawng tura District Board in a ruahman Pastor Lalpianthanga chu March ni 31 Nilaini khan, Vairengte Hqrs. Biak inah Lal Isua hmingin lawmluhna a nei.
District Missions Director: Dist. Missions Director Rev. C. Lalthantluanga chuan West Phaileng Bial vawng tura District Board-in ruahmanna a siam angin, Pastor K. Ainawna chu March ni 31 Nilaini zan khan lawmluhna inkhawm a nei a ni.
———-
District PYD ten Kumpuan hawng:
PYD ten Kumpuan hawnna nei Vawiin Pathianni March ni 28 chawhnu dar 1:30 PM khan, North Mizoram District PYD hnuaia Kumpuan Committee te chuan Gen PYD Kumpuan ‘Thuthlung Puan uar’ tih chu Chawlhhmun Biak inah an hawng.
Kumpuan hawnna inkhawm hi NM District PYD Kumpuan Chairman Evan. R.Vanlalchhanchhuaha’n kaihruaiin; kumpuan hawnnaah hian General leh District hruaitute bakah District PYD hnuaia Committee peng pawimawh te leh Bial PYD OB te, Local Kumpuan OB te leh Bial OB te an kal tha hle.
Inkhawm Prog hlanna Evan. R.Lalthlamuana Former Dist. PYD Treas, Chawlhhmun neiin; Evan. R. Lalṭhakima. Chaltlang Bial PYD kumpuan Chairman-in hun hmasa a hmang a, hemi hnu hian Evan. J. Vanlalruata, Gen. PYD Kumpuan Chairman leh North Mizoram Dist. PYD President ni bawk chuan “Thuthlung Puan Uar” tia PYD ten Kumpuana an lo neih chu Pathian thuchah ropui tak sawi chungin Lal Isua hmingin a hawng ta a ni.
Dist. Kumpuan hmalakna hrang hrang Dist. kumpuan Secretary Bro. Lalneihkima Nursery hnen atangin kumpuan report ngaihthlak niin; Dist. PYD Kumpuan Committee hmalak na hrang hrang leh hmachhawp neih te report a pe a bawk.
Kumpuan hawn inkhawmah hian Sis. Lalhmingmawii Zonuam leh Sis. Lalfakzuali’n ten Pathian fak hla mawi tak sain rawngbawlna an nei bawk.
———-
Sihphir Biala, Lungdai kohhran Biak in hawn a ni:
March ni 28 Pathianni khan, Sihphir Biala awm Lungdai Kohhran Biak in chu Sihphir Bialtu Pastor Rev. C. Lalrammuana’n Lal Isua hmingin a hawng. Biak in hawnnaah hian Lungdai kohhran te bakah Bial chhunga rawngbawltu pawimawh mi thahnem tak an pungkhawm a, Inkhawm Pathian thlarauvin a awmpui a, hlim takin hun an hmang a ni.
———-
Awmhmun sawn thar tur Pastor-te thlah a ni:
Bilkhawthlir Bialte chuan March ni 28 Pathianni chawhnu inkhawm ah Kum 5- zet Bilkhawthlir Bial vawngtu an Pastor Lalpianthanga term hmang zova chhuah tur chu, thlahna hun an hmang.
Pastor thlahna hun hi Bial Headquarter (Dawrveng) Biak Inah hmangin; Pastor thlahnan hian Bial kohhranpui leh Department leh mimal ten duhsakna thilpekte an hlan hlawm a ni.
———-
Apostolic Revival Team te rawngbawlna (22nd – 28th march):
North East India; Compassion Centre Project ( ASC Home & Susanne Downs Boarding School) hmunah North Mizoram District Speaker te zinga mi Evan T.Vanlalruata chuan rawngbawlna neiin; a rawngbawlna kaltlangin mi 10-in Sual ngaihdamna Baptisma an chang a, he zinga 2 hi mithar an ni.
———-
Tlangsang Biak in hawn a ni:
Tlangsang Bial, Tlangsang Kohhran Biak in chu March ni 27 Inrinni chawhma dar 11:30 khan North Mizoram District Secretary Rev. Chhiarpuia’n Lal Isua hmingin a hawng.
Tlangsang biak In hawn Prog hi hun hnih Biak in chhung leh pawn Programme-a kalpui a ni a, Biak In kawt prog. Bialtu Pastor K.Ainawna’n kaihruaiin NMD Secretary Rev.Chhiarpuia chuan Pathian thu te chhiarin, Lalpa Biak buk Lal Isua hmingin a hawng a, Rev. Chhiarpuia hian “He Tlangsang Biak In hi mihringin kan hawng satliah a ni mai lova, Lalpan a hawng a ni’ a ti.
Tlangsang Biak in chu Pathian ropuina tur leh Kohhran ten damna leh Thuthlung puanna, zirtirna dik sawi chhuahna hmun ani tur a ni a ti bawk.
Report-in a tarlan danin, Tlangsang Biak In hi Kum 2017 Sept ni 9-ah Pastor K.Ainawna’n Biak in sak lungphum a phum a, Biak In hi a dung 60 fts leh a vang 30 fts niin; a san zawng a liang thlengin 18 fts a ni bawk. Biak In sak nan hian tha 2000 vel sengin, kum 3 chhung sak a ni. Mimal ṭhahnemngai te thilpek tamtak dawn a ni a, Dist.-in ₹ 250,000/- an pek leh mimal leh kohhran te thawh khawm aṭangin, biak in sak nan hian cheng nuai 16 chuang sen a ni.
Tlangsang Biak In hawn prog hmang tur hian Aizawl leh Darchawi leh bial chung leh pawn hmun hrang hrang a ṭangin kohhranho thahnem tak an pungkhawm a, an zingah hian rawngbawltu pawimawh Rev Sanghleia Sailo Pensioner, Rev.B.Vanlalruata Kol Venglai Bialtu leh zai rawngbawltu Sist Laldinthari (Dindini) ten an ho bawk.
———-
Kolasib Project Vengah Pentecost mithar neih a ni:
North Mizoram District Revival team zinga Apostolic Revival Team Speaker leh a hote chuan Kolasib Project kohhranah rawngbawlin; an rawngbawlna kaltlangin Lalpan mithar 4 a pe.
Heng mithar te hi march ni 13 zirtawpni zan khan Pentecost kohhranah lawmluh niin; Nupa tuakte Evan. T. Vanlalruat’an Sual ngaihdamna Baptisma a chanter a, an fate pahnih Bialtu Pastor Rev. B. Vanlalruata’n Pathian hnenah hlanin rawngbawlna a neihsak bawk.
UPC-NEI-a lawmluh chhungkaw khat member 4 te hi Presbyterian kohhran atanga lo lut te an ni.
———-
———-
AIZAWL EAST DISTRICT
District Conference hmang dawn:
Aizawl East District hnuaia inkhawmpui lian ber District Conference vawi 27-na chu April 9 atanga 11 chhung hian hman a ni dawn. He Inkhawmpui hi Mualpui Bial ten Mualpui Biakin-ah an thleng dawn a, inbuatsaihna pawh chak taka kalpui niin tunah hian inkhawmpui thleng tur hian an inpeih thawkhat tawh a ni. Kuminah hian District LAD in a hrana Conference an neih loh kum a nih avangin District Conference-ah an bet tel dawn a, April 9, Zirtawpni Chawhma Dar 10-ah District Sunday School nen a hranin rorel inkhawm an nei ang. Ruahmanna ang chuan District LAD hian Salem Veng Biakin-ah rorelna an nei anga, District Sunday School hian Mualpui Biakinah rorelna an nei thung ang. Kohhranpui hian April 10, Inrinni-ah District Conference rorel Mualpui Biakinah an nei bawk ang.
Covid-19 hrileng in min la chenchilh reng avangin kumin inkhawmpui hi kum dang angin hman theih a ni dawn lova, Conference rorel Department bakah Kohhranpui-ah hian rorel palai bik ruat niin heng ruat bikte hian Conference rorel an nei ang. Kumin District Conference hi ruahmanna ang chuan Pathianni chhun chauh inkhawm awm tura tih a ni bawk a, hetah hian mitthi sunna, Pastor thar nemnghehna bakah Upa leh Licence holder kum 25 chawllo te hnenah chawimawina hlan an ni anga, lawmman chi hrang hrang sem a ni bawk ang.
Aizawl East District Conference hi kum dangah chuan March Pathianni vawihnihna hmangin neih thin a ni a, kumin Conference pawh hi N.Vanlaiphai Bial thlen tur ni mahse, hrileng mek avangin March thlaa Conference neih thin chu April Pathianni vawihnihna hmangin Mualpui Bial-ah sawn a ni bawk.
———-
District Missions Executive meeting neih a ni:
March 25, Ningani khan Director room-ah District Missions Executive meeting, Rev R.Lianzama, Director kaihhruaiin neih a ni a, an thurel langsang zualte:
1. District Missions Evangelist awmna hmun hetiang hian siam a ni
1. Sis Lalthanpari B/W- Champhai Zote
2. Bro F Vanlalruata – Champhai Dinthar
3. Bro Ramhuapliana – Dulte
4. Bro Joseph VL Hmangaihzuala – Muthi
5. Evan Vanlalrosiama – Lungchhuan
6. Evan H Lalremhlua – Sialhawk
7. Evan Tc Kapzathanga – Daido
8. Evan H Lalrinfela – Leithum
9. Sis Sangkhumi B/W – Ramhlun Sport Complex
2. Evangelist pali (4) lak thar tura tih niin April 4, Pathianni thleng dilna thehluh hun hawn a ni a, April 10 zing dar 7-ah Mualpui S.S Hall-ah interview ni se tih a ni.
3. May 1 atanga 31 chhungin Lungchhuan hmunah Crusade neih tura tih a ni a, Speaker atan Rev VL Hnemtluanga, Rev R Lianzama, Rev KVL Hmangaihkima leh Evan R.Vanchhunga te ni se tih a ni.
4. General Missions Budget Rs 39,50,000/- chu pek tlak ni se tih a ni bawk.
———-
Seminar:
March 30, Thawhlehni khan Hnahlan bial PYD OB leh Local PYD OB te chuan Hnahlan hmunah Seminar hlawhtling takin an hmang. He hunah hian Thupui-ah Leadership leh Account hman niin Resource Person atan Hnahlan Bialtu Pastor R Lalfamkima leh Champhai Bialtu Pastor F. Malsawmtluanga te hman an ni a, hlawk thlak an ti hle a ni. Inrinni zanah Revival in hun hman a ni a, Pastor F. Malsawmtluanga hnen atangin Pathian thu tha tak ngaihthlak a ni a an hlim tlang hle.
March 29, Thawhtanni pawh khan Serchhip Dinthar Bial chhunga Upa leh Church Board memberte pualin Seminar hlawhtling taka neih a ni bawk.
———-
Chawimawina:
Hnahlan Bial LAD Inkhawmpui kal zelah March 29, Thawhtanni khan Bro Sianlanga te chhungkua chuan Pathian chawimawina an nei. Bial LAD Inkhawmpui Speaker-a an hman Evan H Lalhlimpuia chu Speaker-ah an hmang chhunzawm nghal a ni.
———-
Kang tuar tanpuina hlan:
Serchhip Dinthar bial chhunga March 29, Thawhtan zana kang mei chhuak avanga In leh lo chân Kohhran chhungkaw 3 te hnenah March 30, Thawhleh zan khan Rev Biaksangzuala, District Superintendent chuan tanpuina a hlan. Chhungkaw 3 bakah hian Dinthar Veng VC hnenah a tula hman atan tanpuina sum hlan a ni bawk a, tanpuina hi VCP in alo dawng a ni. District Superintendent hi Kohhran hruaituten an tawiawm a ni.
———-
Hruaitute Programme:
Rev Biaksangzuala, District Superintendent chuan April 4, Easter Sunday hian District Hqrs. Kohhranah a hmang ang.
Rev VL. Hnemtluanga, District Treasurer chuan April 1, Ninga zan khan District Hqrs. Kohhranah Sacrament rawngbawlna a nei.
Rev R.Lianzama, Missions Director chuan March 31, Nilaini khan District Missions Support zawngin Khawhai bial, Riangtlei-ah hun a hmang a, April 2, Good Friday hi Biate Kohhranah hmangin April 4, Easter Sunday hi Khawhai Kohhranah a hmang thung ang.
Facebook