UPCNEINEWSSERVICE MAR 21-28.2021
———-
General Sunday School Department Kumpuan hawnna a nei dawn.
March ni 28, 2021 Pathian ni chawhnu Dar 1:30 ah North Mizoram District Headquarters Biak In, Tuikhuah tlangah kum 2021 atanga 2023 chhunga General Sunday School Department Kumpuan thupui “Kan fate I chhanhim ang u” tih chu hawnna inkhawm buatsaih a ni dawn a, Hemi huna tel tur hian Aizawl City Area chhunga Bial Sunday School hruaitu (OB) zawng zawng, Bial Pastor zawng zawng, Local church tin aiawh mi 2 teuh leh UPC District Official zawng zawng te sawm an ni.
Inkhawm Program hetiang hian hman a ni ang:
Chairman : Rev R Laichhingpuia Gen. Sunday school Director.
Hun serh : Evan. H Lalrinngheta. N. Mizoram District S.S Secretary.
Report : Rev. R. Vanlalawia Gen. Sunday school Secretary.
Kumpuan hawn: Rev. R. Lalrinsanga, Gen. Superintendent.
Special Items: Hqrs. Bial Sunday school Dept. N. Mizoram district.
Thu sawitawi: 1) Rev Zohmingthanzama Gen Secretary.
2) Rev. C. Lianchama, N. Mizoram district. Bialtu Pastor
3) Evan. Hr. Lalrindika, Aizawl East Dist. Sunday school Treasurer
Vote of thanks :Evan. F. Lalsangliana, Gen. Sunday school Treasurer.
Benediction: Rev. C. Lalengliana, Upper Republic Bial Pastor
———-
General Missions Field sum Audit:
March ni 22 – 24 chhung khan Guwahati ah UPC North East India General Missions Department hnuaia Fild hrang hrangte sum Audit na neih a ni a, Auditors atan General Office, Aizawl, Mizoram atangin Rev. VL. Tluanga Sinate General Missions Secretary leh Pastor PC lalrokima te kalin sum Audit na hi an nei a ni.
———-
General Choir Induction:
March ni 29 Thawhtan zan hian UPC North East India Zaipawl, General Choir 2021-2022 batch te Induction Service Chaltlang UPC Biak In ah neih a ni dawn.
He Inkhawm hi General PYD President Rev. H lalropuia’n kai hruaiin, General Superintendent Rev. R. Lalrinsanga chuan General Choir member tharte lakluhna leh Pathian hnena hlanna hun a nei ang.
———-
General Hruaitute Programme:
General Superintendent Rev. R. lalrinsanga chuan March ni 28 Pathianni a General Sunday school Kumpuan hawnna Programme Tuikhuahtlan Biak In, Aizawl a neihtur ah tel puiin, Kumpuan hawnna hi a nei ang.
General Treasurer Rev. Lalmalsawma Sailo chuan March ni 26 atanga ni 28 chhung a Lawngtlai West District Conference vawi 3-na, Diltlang South a neih ah Speakerah tangin rawngbawlna a nei ang.
General Missions Director Rev. R. Lalhawia chuan March ni 28 a Aizawl East District, Rabung Bial LAD ten Golden Jubilee Conference an neih tur chu hman puiin Thusawi rawngbawlna a nei ang.
General LAD President Sis. Lalchangliani Sailo B/W leh General LAD Secretary Sis. Lalramthangi B/W te chuan Aizawl East District Keifang Bial LAD Conference, March ni 26-28 chhunga Maite Khua a neih tur ah telpuin, General LAD President hian thusawi rawngbawlna a nei nghal ang.
General LAD Treasurer Sis. F. Rohlupuii B/W chuan Rabung Bial LAD ten Golden Jubilee Conference an neih tur ah a telpui bawk ang.
———-
———-
CHHIMTUIPUI DISTRICT
CHHIMTUIPUI conference vawi 45 na:
March ni 18-21 chhung khan Chhimtuipui District Conference vawi 45-na, Siaha College Veng Biak In ahneih a ni.
Chhimtuipui District conference hi General superintendent aiawhin General Sunday School Director, Rev. R Laichhingpuia chuan hman puiin, Lunglei Dist. Superintendent Rev. Vanlalena chuan a ṭawiawm bawk. Khawmpui chhung hian “Dak ulang lo te khi en rawh U” tih thupuia hmangin Niawhtlang Bialtu Pastor V. Lalhlimpuia, Tuipang setional Pastor MH. Robin Lalthanmawia, Bualpui NG Pastor Rev. Lalhnehchunga, Lunglei Dist. Superintendent Rev. Vanlalena leh Rev. R. Laichhingpuia ten thusawina annei ṭhin a ni.
March ni 18 Zirtawpni ah District Mission Department, Sunday school Department, LAD leh PYD ten conference rorelna neiin March ni 19 Inrinni khan District Kohhranpui rorel Inkhawm neih a ni bawk.
Conference chhung hian licence nei thar mi-6 te hnen ah rawngbawlna licence hlan an ni a, licence dil thar te hian interview neiin written test an hmachhawn vek a, Tin, Apostolic Bible School a zirtur mithar engemaw zatin interview an hmachhawn bawk ani.
Conference Rorel tlangpuite: District PYD
1. Chhimtuipui Dist. PYD Conference vawi 45 na chu kum 2021 chhungin Tuipang L Local, Tuipang Bial ah neih nise.
2. No tobacco to PYD kalpui chhun zawm zel nise:
3. Evangelism tour neih leh nise.
4. Dist PYD huapin PYD week Dt.27 september -02 October 2021 chhung hian hman nise.
5. Kohhran data lakkhawm a mumal taka dah anih theih nan Kohhranpui ah thlen nise.
6. Dist Kohhranpui Conference hun chu PYD Day nen a in sutbuai lohna turin Kohhranpui ah thlen nise.
7. CTP Dist PYD Golden Jubilee Fund kalpui mek chu 2022 budget aṭang tihpun nise.
Chhimtuipui District PYD Conference rorel inkhawm ah hian Kum 10 chawllova PYD hruaitu hna thawkte hnenah chawimawina thuziak hlan niin, No tobacco to PYD puala hmalakna pakhat Vaihlo ṭhatlohna article inziah siak leh Covid 19/Corona Virus dona video clip insiam siak lawmman latu te hnenah lawmman hlan nghal an ni.
District Sunday School rorel pawimawh zual te:
1. Chhimtuipui Dist. Sunday School Conference vawi 45-na chu Kohhranpui Conference Vawi-46 rual a neih leh tur ani ang.
2. Dist. chhungah Pre-Beginner din nise.Kum 2022 aṭang a kalpui nise.
3. Dist chhung Local thlan bik ah Sunday school campaign neih nise.
4. Bial leh Local sunday school hmala ṭha thlan chhuah nise. Lawmman hlan nise.
5. Pre-Beginner leh Beginner in kar kum bithliah nise.
6. Junior, Intermidiate leh senior Sunday school zirlai bu ah Bung 1 tal “Kohhran chan chin” dah anih theih nan General Sunday School ah thlen nise.
———-
IN KANG TAWRHPUINA HLAN:
March ni 23 Thawhlehni khan In kang tuar Bro Vanlalpeka Chhimtuipui District, Ephatha local-a lawite chhawmdawl nan Chhimtuipui District Kohhranpui, District PYD leh District Missions Department atangte Siaha Council Veng local, Siaha College Veng local leh Siahatla Local Church a tangte in Tanpuina hlan an ni. Bro Vanlalpeka te chhungkua hian bungrua chuh hman lovin, an In hi a kang ral vek a ni.
———-
BIAK IN LEH PASTOR QUARTERS SAK ṬANPUINA Rs.900000/-(nuai kua) HLAN
Chhimtuipui Dist Kohhranpui chuan Dist. chhung a, Pastor Quarters leh Biak In sa mek te hnen ah ṭanpuina hetiang hian ahlan:
1. South Lungpher Pastor Quarter’s sak nan Rs.5,00,000/-
2. Niawhtlang local Biak In sak nan Rs.2,00,000/-
3. Bualpui NG Biak In sak nan Rs.1,00,000/-
4. Vawmbuk Biak In sak nan Rs.1,00,000/-
———-
———-
LUNGLEI DISTRICT
PCD ZIRTIRTU SEMINAR NEI DAWN :
March ni 27 inrinni hian District UPC Conference Hall-ah Pentecostal Children Department Lunglei District buatsaihin Town area-a PCD zirtirtute pualin Seminar buatsaih a ni dawn a, Resource Person atan Pu HP Lalremtluanga leh District Superintendent Rev.C.Vanlalena te hman an ni ang.
He zirtirtu Seminar hi 1st Session leh 2nd Session-ah te then a ni ang a, 1st Session hi District PCD President Rbt.C.Lalramluahpuia chuan a kaihruai anga, District Treasurer Rev.C.Lalrintluanga chuan hunserh hmangin, Sist.CV.Lalrammuani, Venglai Local chuan zaiin rawngbawlna a nei ang a,Pu HP Lalremtluanga Lecturer DIET chuan Trainers Training tih thupui hmangin zirtirna a pe ang.
2nd Session hi Bro.Jacob Ramengmawia, District PCD Secretary chuan a kaihruai ang a, Sist.B.Vanlalropeki chuan zaiin rawngbawlna a nei ang a, District Superintendent Rev.C.Vanlalena chuan zirtirtute leh Thlarau rawngbawlna tih thupui hmangin zirtirna a pe bawk ang.
He Seminar-ah hian PCD hruaitu hlun (kum 10 chawl lova thawk tawhte) chawimawina thuziak hlan a ni dawn bawk a ni.
———-
2. SEMINAR :
March ni 27 inrinni hian Tawipui N-II Local-ah Upa leh rawngbawltute leh an nupuite pualin Seminar buatsaih a ni dawn a, he hun ah hian Resource Person atan District Secretary Rev.PC.Lalfakawma chu hman a ni ang.
———-
3. ZEHTET FIELD AH MISSIONS DIRECTOR IN RAWNGBAWLNA A NEI, MI THAR A LAWMLUT
Lunglei District Missions Director Rev.R.Vanlalenga chuan March ni 20 leh ni 21 khan Lunglei District Missions Department hnuaia Zehtet Missions Field a Local hrang hrang Buknuam, Zehtet leh Mautlang Local te tlawhin hun a hmang a, mi thar 18 Kohhranah a lawmlut bawk.
———-
4. MI THAR:
March ni 21 Pathianni hian Theiriat bial chhunga awm Dawn Local-ah Member thar pali (Puitling 3 leh naupang 1) bialtu Pastor Rev.K.Lalchhuansanga chuan a lawm lut a, nau pahnih a hlan bawk.
———-
5. THISEN PE:
March ni 19 zirtawpni khan Tawipui Bial PYD-te chuan Lunglei District PYD Conference rorel bawhzui in Tawipui N-II Local UPC Sunday School Hall-ah a mamawh apiangte hman turin Civil Hospital, Lunglei tan Thisen Unit 35 an pe.
Thisen pek hma hian Tawipui N-II Local Sunday School Hall-ah hunserh tawi hman hmasak a ni a, he hun hi Rbt.Lalhmunsanga Tawipui bial PYD President chuan a kaihruai a, Dr.Hruaizeli Ralte, Blood Bank Officer hnen atangin thusawi ngaihthlak niin Rev.H.Rothuama Tawipui bialtu Pastor chuan tawngtaina neiin hunserh a hmang.
Tawipui bial PYD thisen petu te hi mipa 32 hmeichhia 3 (Total 35) an ni a, Tawipui N-II, Mualcheng S, Thualthu leh Thingfal Local atang ten thisen hi an pe a ni.
———-
———-
AIZAWL EAST DISTRICT
Bial LAD Inkhawmpui:
Aizawl East District chhunga bial hrang hrangte chuan Bial LAD Inkhawmpui an hmang mek a, Pathianni zan hian a tiak ang. Bial LAD Inkhawmpui hi Bial thenkhat chuan rorel inkhawm chauha an hman laiin bial engemaw zat chuan Sawrkar in a phal angin Inrinni zan atang hian inkhawm pangngaiin hun an hmang bawk. Bial LAD Inkhawmpui-ah hian Inrinni nileng khan Bial chhung in awpna leh District LAD-a lut tur ngaihtuahin rorel Inkhawm neih a ni a, Bial thenkhat chuan Speaker leh Thupui hranpa nei an awm laiin Bial thenkhat erawh chuan Thupui hranpa nei lovin Bial hruaitute bakah Bialtu Pastor ten thusawina an nei thin a ni, Bial LAD Inkhawmpui hi District LAD Hruaitute chuan hmun hrang hrangah hetiang hian an hmanpui a ni:
President, Sis Zionparmawii B/Wchuan Sakawrdai bial a hmanpui a.
V.President, Sis F.Lalawmpuii B/W chuan Khawzawl bial hmanpuiin
Secretary Sis Rodingliani B/W, chuan Serchhip bial-ah hmangin
Asst.Secretary, Sis R.Lalramsiami B/W chuan Bazar bial leh Mualpui bial a hmanpui a,
Treasurer Sis Lalramliani Sailo, chuan Zemabawk bial ah hmangin
Fin.Secretary, Sis Laldinpuii’n Bazar bial leh Mualpui bial a hmanpui bawk.
Aizawl East District chhungah hian tun dinhmunah Bial 30 awm mekin LAD Member hi sangnga chuang an awm mek a, LAD hi khaw157-ah a ding a ni. Kum 2020 khan LAD Day thawhlawm District in a chan atangin Kohhran paruk-ah Biakin sak tanpuina pe in HIV darh zel tur venna atan hma la in hmalakna tur Guideline siam mek a ni. Kum 2020 khan Covid-19 hrileng do nan Chief Minister Relief fund-ah cheng singnga an pek bakah Cancer vei Treatment la mek mi 24 te hnenah cheng sangsarih theuh in tanpuina an hlan bawk a ni.
———-
Good Friday:
March 2, Zirtawpni hi Lal Isua kan tana a tawrhna champha Good Friday a nih angin Aizawl East District chhunga Tualchhung Kohhran hrang hrangte chuan urhsun takin an hmang ang. Good Friday-ah hian Tualchhung Kohhran thenkhat chuan Lalpa Zanriah Sacrament an kil anga, a lungngaih zan, April 1, Ninga zana kil tur an awm bawk a ni. Kuminah hian Covid-19 hrileng ziaawm deuh mah sela, Sawrkar lamin inkhuahkhrihna ala siam angin kum dang angin Tualchhung Kohhran te hian an hmang thei hlawm dawn lo a ni.
———-
Zaipawl Induction leh kumpuan hawnna nei:
March 23, Thawhleh zan khan Bawngkawn Kohhran Hall-ah Bawngkawn Bial PYD buatsaihin Bial zaipawl member lakluhna, induction leh General PYD Kumpuan hawnna neih a ni. He hun hi Bro.Lalrawngbawla, Bial PYD Asst. Secretary chuan kaihruaiin zaipawl member lakluhna, Induction hi Bialtu Pastor, Rev C Mawizuala chuan neiin Pathian hnenah hlanna a nei nghal a ni. Kumpuan hawnna hi Bro. Lalchhuansanga, Bial PYD President chuan a nei bawk a ni.
———-
Seminar:
March 21, Pathianni chawhnu khan Khawhai Bial, Riangtlei hmunah bial huap Seminar hlawhtling taka neih a ni. He hunah hian Resource person-ah Rev Vanlalfela Ramtiam, District Secretary chu hman niin Thupui-ah Leadership & Church Administration leh Financial & Accounting tih hman a ni. He hun hi Bialtu Pastor E.Vanlalpeka Zote chuan kaihruaiin Evan Rohmingliana, Bial Secretary in hunserh a hmang thung a ni. Seminar neih kar lakah Sis Laldingpuii hnen atangin Pathian fak hla ngaihthlak a ni bawk. Khawhai bial Seminar-ah hian bial chhung atangin mi 40 chuang an kal thei a, hlawkthlak an ti hle a ni.
Darlawn Bial te pawhin Darlawn hmunah Seminar hlawhtling takin March 20, Inrinni khan an hmang a, Resource person-ah Rev Biaksangzuala, District Superintendent leh Upa C. Lalfakawma, MCS, BDO Darlawn te hman a ni. Thupui-ah Rawngbawl mawhphurhna tih hman niin bial chhung atangin mi 50 vel an kal thei a, hlawkthlak an ti hle a ni.
March 21, Pathianni chawhnu khan Thuampui Bial te chuan Muanna Biak In ah bial huap seminar inruat thar kum apianga an neih thin chu hlawhtling takin an nei bawk Bial department OB, Local Church Board member te leh Local department OB mi 61 kalkhawm a hun hman a ni . Thupui pahnih; Leadership – Rev Darchhawna leh Administration – Rev KVL Hmangaihkima te paper buatsaih zirho a ni a, hlawhthlak an ti hle a ni.
Bawngkawn bial Sunday School Department buatsaihin March 21, Pathianni chawhnu khan Peniel S.S Hall-ah Bial huap Zirtirtu Training hlawhtling taka hman a ni bawk. Evan K.Vanramngaia, Bial S.S Director chuan kaihruaiin Resource person-ah Rev K.Darsailova chu hman a ni a, Thupui-ah Zirtirtute mawhphurhna leh zirtirna pek dan tha tih chu hman a ni. He hunah hian bial chhung atangin Puitling leh Naupang S.S zirtirtu mi 40 chuang kalkhawmin hlawkthlak an ti hle a ni.
———-
PYD Day:
March 21, Pathianni khan North East India PYD Day a nih angin Aizawl East District chhunga Bial leh Tualchhung engemaw zat chuan urhsun takin an hmang hlawm a, bial huapa hmang an awm laiin Tualchhung-a hmang an awm bawk a ni. PYD Day hi awmni khama hmang awm bawk mahse zan hun chauha hmang an awm bawk a ni. PYD Day hi Pathianni a nih avangin a hun hma leh a hnu lama hmang an awm bawk a ni. Bial leh Tualchhung ten PYD Day an hmanah hian Day thuchah, General PYD atanga buatsaih chu chhiarchhuahna an nei hlawm bawk a ni. Bial leh Tualchhung anga hmang kan hriattheih te hman dan tlangpui lo tarlang ila:
Zohmun bial te chuan March 21, Pathianni khan Bial chhung khaw hrang hrang ah buaina awm lovin hlim taka hman a ni. Day hman dan tur hi Bial Board chuan KUMPUAN lam hawia hman nise ti a a
rel avangin helam hawi hian hman a ni. Headquarters Local Zohmun ah chuan Pathianni chawhnu lam atangin hman a ni. Bial Kumpuan Sub Committee ten hun changin, Bro Lallianmawian inkhawm kaihruaiin, Sis Vanlalzarin hunserh a hmang a, Bro.Amen Lallawmzuala’n Pathian fakna hla a sa a,
Thusawina hun Bro Peter Lalvohbika’n, Thuthlung chungchang leh Thuthlung zirtirna pek a tul thu leh, Media hmanga Thuthlung puan a tangkaina leh tan lak a tul thu a sawi bawk a ni.
Zan lamah Bro Peter Lalvohbika, Chairman,Kumpuan Sub Committee chuan inkhawm kaihruaiin, Sis C.Lalrinpuiin hunserh a hmanga, Sis.Vanlalzari leh Sis.Laldinfelin ten Pathian fakna hla an sa a, Tual Upa Lallawmsanga Bial PYD President chuan Thuhrilna hun ahmang a, Thuthlung pawimawhna, thuthlunga awmloh pawizia leh ramlakna pawh thuthlung a nih thu uar tak leh duhthawh takin a sawi.
Mauchar local pawn Day hlim takin an hmang a, Upa.Lallawmthanga’n Thuthlung hmangin thuchah a sawi a, an ni hian Thingpui leh chhang ruaiin hun an hmang a ni.
N.Tinghmunah pawh Day hi hlim taka hman a ni a, chawhnu inkhawmah intihhlimna hun hmangin items chi hrang hrang an hmang a, zan inkhawmah Thuthlung puan uar tih hmangin Evan Lalrawnliana’n thusawina hun a hmang a ni.
Bawngkawn Bial te chuan PYD Day pual hian March 22, Thawhtanni khan a thlawnin a mamawh apiangte tan Aizawl Civil Hospital-ah thisen an pe. Thisen hi unit 30, mipa 21 leh hmeichhia 9 ten an pe thei a ni. Bawngkawn Kohhran te chuan March 21, Pathianni zan khan Kohhran Hall-ah item chi hrang hrang hmangin PYD Day hi an hmang bawk a ni.
Mualpui Bial te chuan March 21, Pathianni chawhnu khan PYD Day hlim takin Mualpui Biakinah an hmang a, Rev H Lalropuia, Bialtu Pastor leh General PYD President ni bawk hnen atangin thuchah ngaihthlak a ni. Mualpui Bial te hian Zuk leh hmuam, ruihhlo that loh dan zirhona an nei nghal a, Resource person-ah Dr C. Lalremruati, District Consultant leh Rebecca Lalruatfeli Hnamte, Psychologist te an hmang a ni.
Khawruhlian Bial te chuan Leadership Training neiin Bialtu Pastor Hmingchungnunga Ralte leh Evan Vanlalpeka, Bial PYD President te hnen atangin thusawi an ngaithla a ni.
Champhai Bial te chuan PYD Day pual hian Champhai Civil Hospital-ah Poor fund atan Rs 7500/- an hman a ni. He hunah hian Bial hruaitute kalin Bialtu Pastor F.Malsawmtluanga’n hlanna a nei a ni.
Thingsulthliah bial te chuan March 20, Inrinni khan PYD Day hi CTI hmunah an hmang a, Chawhma lamah CTI Play ground-ah Outdoor Games in hun an hmang a, infiamna tan a nih hmain Upa Vanlalchhawna Bial PYD Vice-President in tawngtaina a hmanga, member kal khawmte hmeichhia leh mipa 4-ah inthenin Futsal leh Volleyball hmangin infiamna hlimawm takin an hmang a ni. Chawhnu lamah Biakinah Fellowship hlimawm takin an hmang thung a, he hunah hian Extempore speach, Quiz leh Recitation tein an hmang a, hun kar lakah mi 7 ten solo an nei bawk. Bialtu Pastor aiawhin Evan. LTh Tluangan hun a hmanpui a, thusawina leh kumpuan hawnna a nei bawk. Education Sub committee ten article inziah siak an buatsaih lawmman semna an ni bawk. PYD Day hmannaah hian Bial chhung PYD member 90 an kal thei a ni.
Hnahlan Bial PYD te pawhin March 20, Inrinni khan N.Diltlang hmunah PYD day an hmang. He hunah hian Evan Vanlalmuanpuia chuan hunserh hman a kaihruai a, Pastor R.Lalfamkima chuan hunseh hmangin Bial Secretary, Upa Ngursailova Sailo chuan Day thuchah sawina a nei bawk. Sist.Vanlalhmangaihtharzeli chuan zaia Pathian fakna hun a hmang bawk a, nilengin infiamna chi hrang hrang hmangin intihhlimna hun an hmang a ni. He hunah hian Bial chhung atangin PYD member 135 vel an kal thei a ni.
Sakawrdai Bial PYD te pawhin March 20, Inrinni khan Vaitin hmunah PYD Day hi an hmang a, item chi hrang hrang hmangin intihhlimna hun an hmang a ni.
March 20, Inrinni khan Serchhip Dinthar Bial PYD te chuan PYD Day denchhena Vantlang zunin an siam hawnna leh Blood Bank ah amamawh te hman turin thisen an pe. Serchhip Dinthar Bial PYD te hian Kum 2020 bial PYD Conf. rorel bawhzuiin Sailiam dai Thenzawl kawng a tawngtaina hmun a zunin an siam chu hawnna an nei a, Evan FH Zarzoliana Bial PYD President chuan a kaihruai a, Rev C.Laldintluanga, Bialtu Pastor chuan he Zunin hi Pathian hnena tawngtaia hlanin hawnna a nei a ni. Pastor chuan Dist. PYD rorel leh Bial PYD Conf. rorel bawhzui a hetiang zunin tha hawn theih a ni ta chu lawmawm a tih thu leh in pekna nasa zawk nena Pathian rawngbawl zel a tul thu te, zin mi te leh helai hmuna chawl apiangten dimdawi tak leh uluk taka enkawl pui tura sawmin a chah bawk a ni. He hun hman zawh anih hnu hian Serchhip Hospital a hman turin thuthleng hlanna neiin Hospital aiawh in Dr Lalruatliana Pachuau in alo dawng a ni. Serchhip Dinthar bial PYD te hian Serchhip blood bank a dah turin thisen an pe bawk a, hemi hma hian inkhawm tawi hman niin Bial PYD Secy. Bro Hmingthangsanga chuan thutawi sawina a nei. Thisen hi Unit 27, Mipa 22 leh Hmeichhia 5 ten PYD day denchhen hian an pe a ni. Serchhip Dinthar Bial PYD hi kum 2001 khan Serchhip bial atanga indang in, bial chhungah hian kohhran 7 an awm a, tunah hian Bial chhung ah PYD member 252 an awm mek a ni.
Zemabawk Bial te chuan March 20, Inrinni khan Aizawl Civil Hospital-ah PYD Day pualin a mamawh apiangte hman atan a thlawnin thisen an pe. Thisen hi Unit 23 pe in, mipa 21 leh hmeichhia 2 ten an pe thei a ni. Zemabawk Vengpui PYD te chuan March 21, Pathianni zan khan S.S Hall-ah an hmang bawk a, he hunah hian Day thuchah chhiarchhuahna leh fuihna thu Bro J.Lallawmchhunga hnen atangin ngaihthlak a ni a, Item chi hrang hrang hmangin intihhlimna hun an hmang nghal a ni.
N.Vanlaiphai bial te chuan PYD Day pualin March 20, Inrinni khan infiamna chi hranhg hrang hmangin intihhlimna an nei a, Inrinni zan atanga Pathianni zan thlengin Speaker-ah Bialtu Pastor B.Lalhmingliana hmangin Crusade an nei. Pathianni tlaiah khan tawngtai Bethel an nei bawk a ni.
Zemabawk North bial te chuan Bial Headquarters-ah Bial huapin an hmang a, hetah hian Account Training leh Financial Management Training programme an hmang tel nghal a ni.
Champhai Bethel Bial te chuan Melbuk hmunah Bial huapin March 21, Pathianni khan an hmang a, chawhma lamah inkhawm programe an hman bakah chawhnu lamah fellowship in hun an hmang a, Kumpuan puala thusawina neih nghal a ni.
Ngopa bial te chuan Bial huapa hmang lovin mahni Local theuhah Chawnghei Tawngtai an nei a ni.
Kawlkulh bial te chuan PYD Day hi bial huapa hmang lovin Kawlkulh Venglai PYD te chuan intihhlimna leh sum tuak nan Tuichangah Blanket su in an hmang a, Kawlkulh Vengthar PYD te chuan Zirtpawn zan atang khan Kohhran Hall-ah indoor Programme in an bawk.
Khawlian Bial Chiahpui PYD te chuan Member inhmang lo deuh te hnuh hnaih nan leh infuihthar nan March 21, Pathianni khan an hmang a ni.
March 20, Inrinni khan Keifang bial, Maite Local PYD te chuan hlawhtling takin an hmang a, Chawhma lamah Outdoor Programme hrang hrang hmang a in el na neih a ni a, Chawhnu lamah Indoor Programme hman leh niin Group in el nan Debate, Bible Quiz, Thupui in sawi siak neih a ni a.
Serchhip Bial te chuan PYD Day kha bial huapin Sialhau hmunah Work Camp in an hmang a, he hunah hian Bial chhung atangin PYD member 38 vel an kal thei a, March 20, Inrinni khan Sialhau hmunah Kohhran Rest house Inchung rawng hnawih, celling siam, step siam rem, inhnuai bang rawng hnawih te thawh niin zanah Bialtu Pastor, Rev B.Lalengzauva chuan thuthlung puanchhuahna a nei bawk. Pathianni chawhma khan Day puala inkhawmna neiin Bial PYD President T. Upa Lalramnghaka Kawlni. in thu a sawi. Kumpuan hawnna Rev. B. Lalengzauva’n a neih bakah inkhawm banah Rest house hawnna leh hlanna Bialtu Pastor hian a nei nghal a ni.
Bazar Bial, District Hqrs. PYD te chuan March 21, Pathianni khan PYD Day hi LiFCoDe Boys Home (Kum Tling Lo Addict Center), Zemabawk Lungbial hmunah an hmang a ni.
Bethlehem Bial te chuan March 24, Nilaini khan PYD Day pual hian Aizawl Civil Hospital-a a mamawh apiang te tan a thlawnin Bial huapin Thisen pek runpui Bethlehem S.S Hall-ah an nei. Thisen pek a nih hma hian inkhawm tawi hman niin Evan H.Lalhlimpuia, Bial PYD President chuan a kaihruai a, Bialtu Pastor Rev Rohmingliana chuan fuihna thu sawiin hunserh a hmang nghal a ni. District PYD Vice President, Upa F.Lalthlangliana bakah Blood Bank atanga kal te atangin thusawi tawi ngaihthlak a ni bawk. Bethlehem Bial te hian Thisen hi unit 40 pe in, mipa 31 leh hmeichhia 9 ten an pe thei a ni.
Upper Republic Bial, Upper Republic PYD te chuan March 21, Pathianni chawhnu khan S.S Hall-ah an hmang a, Evan R.Vanlalpeka, District PYD Secretary chuan hmanpuii PYD Day Cake zaina an nei bawk a ni.
———-
Mithar leh baptisma chang thar:
March 21, Pathianni khan Zemabawk Bial a Evan HK Lalhmangaiha rawngbawlna kal zelak Kananthar Vengah mithar 1 Rev VL Hnemtluanga, District Treasurer chuan Kohhranah sengluhna a nei.
Khawruhlian bial, Hliappui leh a chhehvela rawngbawlna nei mek, Evan HMS Dawngkima rawngbawlna kal zelah Khanpui hmunah March 22, Thawhtanni khan mi 5 in sual ngaihdamna baptisma an chang.
March 21, Pathianni vek khan Khawzawl Bial, Hmuncheng Kohhranah mi 4 Kohhranah sengluh an ni bawk.
———-
Hruaitute Programme:
Rev Biaksangzuala, District Superintendent chuan Bial LAD Inkhawmpui hman mekah Rabung Bial-ah hmangin rawngbawlna a nei ang.
Good Friday leh Easter Sunday hi District Hqrs. Kohhranah hun a hmang ang.
Rev VL Hnemtluanga, District Treasurer chuan Bial LAD Inkhawmpui hman mekah Keifang bial-ah hmangin rawngbawlna a nei ang.
Good Friday Programme hi Bazar bial leh Bawngkawn Bial-ah a hmang ang.
Rev R.Lianzama, Missions Director chuan March 31, Nilaini hian District Missions Support zawngin Khawhai bial, Riangtlei-ah hun a hmang anga, April 2, Good Friday hi Bialte Kohhranah hmangin April 4, Easter Sunday hi Khawhai Kohhranah a hmang thung ang.
———-
———-
NORTH MIZORAM DISTRICT
Hruaitute Programmes:
North Mizoram District Supdt. Rev. Laltluanga chuan tun Inrinni March ni 27 hmang hian Sialsuk Bial, Lungsei Biak in a hawng ang. Rev. Laltluanga hian March ni 28 Pathianni thleng hun a hmanpui dawn a ni.
District Secretary Rev. Chhiarpuia chuan March Ni 27 Inrinni hian Tlangsang Bial Hqrs., Tlangsang kohhran Biak in sak thar a hawng ang a, March ni 30 zanah Tlangsang Biala awm tur Pastor C. Zoramthara chu, Tlangsang Biala awm turin lawmluhna a nei nghal ang.
Dist. Treasurer Rev. K. Lalduhsanga chuan Gen. Hruaitute tawiawmin Central Dist. Conference Shillong Jienking-ah hun a hman zawh hnuin dam dakin Aizawl a lo thleng leh.
Dist. Missions Direcrtor: March ni 20 leh 21 Dist. Missions Director Rev. C. Lalthantluanga chuan March ni 23-25 thawhlehni atanga ningani chhung khan District Home Missions Dept. Dilzawl Field bakah Tumpanglui Field te tlawhin, Missions Department hmalaknaa Biak in, Quarters leh Sunday School Hall sak te a hmunah a enpui.
———-
Building Committee nei:
March ni 24 Nilaini khan District Building Committee chu NMD Office Supdt. Chamber-ah thukhawmin, Meeting Rev. Laltluanga Dist. Supdt. Chuan a kaihruai a, NMD huam chhung-a Pastor quarters sak mek leh sak hmabak turte an thlir ho bakah Dist. Board in Biak in sakna tur Sanctioned a a ruahman pek chhuah dan tur te an sawi ho bawk.
———-
Pastor Bial 30 ten tluang takin Bial Conference an hmang:
North Mizoram district Pastor Bial 30 te chuan kar kalta march ni 20 leh 21, Inrinni leh Pathianni hmang khan Bial tinah LAD khawmpui a rualin an hmang.
Bial LAD Confe hi LAD Exe Comt ruahman angin; District LAD hruaitute’n Kanghmun Bial leh Bairabi Bial te an hmanpui a, District LAD President Sist. K. lalhmachhuani B/W chuan Kanghmun Bial hmanpuiin; District LAD Secretary Sist. Laldawngliani leh Dist. LAD Treasurer Sist. Lalchhuankungi te chuan bairabi Bial LAD an hmanpui thung a ni.
Bial hrang hrang atanga LAD Confe hman dan report kan dawn chin tarlang ila
Aibawk Bial: Aibawk Bialte’n LAD Confe vawi 42-na Sateek Kohhran Biak Inah hmangin; Conf Speaker-ah Bialtu Pastor, Pastor PC Lalrokima hman a ni. Kum 2022-ah Bial LAD Conf Aibawk kohhranah nghah niin; Home Missionary 1 chawm passed in chhungkaw maicham leh thianghlimna campaign beihpui thlak an rel bakah Bial chhung mi harsa zualte pualin Poor Fund siam an rel bawk.
Bairabi Bial:
Bairabi bial L.A.D ten Bial LAD conf vawi 42 na Saikhawthlir kohhran biak in ah hmangin, Speaker atan Sist Laldawngliani Dist LAD Secy. leh Sist Lalchhuankungi B/w Dist LAD treasurer te hman a ni. Bairabi Bial te hian an rorelah Bialtu Pastor quarter thar tur thuam nan cheng 40000 sum dahin; ASC home pual a sponsorship leh support tualchhung tin zawn leh bial L.A.D hmingin Kananthar preaching point chhawmdawl an rel.
Headquarters Bial:
Hqrs bial L.A.D ten Bial LAD conf vawi 52 na Tuikual S kohhran biak in ah hmangin, Speaker atan Rev. C. Lianchama, Hqrs. Bialtu Pastor hman a ni. March ni 20 Inrinniah Conf rorel neiin; Kum 2022-ah Nursery kohhranah khawmpui nghatin; Fahrah chawma Kol ASC Home tanpui te, Missions Field hmun chhawmdawl te leh Bible chhiar chhuak tura hmalakna te an rel.
Tlangnuam Bial:
Tlangnuam Bialte’n LAD Conference vawi 23 na N. Lungleng biak inah hmangin; Inkhawmpui rorel pawimawh zingah TNT Zuangtuiah Buhfai 5 qntls pek te, Urban Hospital Hlimenah Plastic chair 10 pek te an rel a ni.
Kanghmun Bial:
Kanghmun bialte’n Bial LAD Conference vawi 26 na Darlung khuaah hmangin, Dist. LAD President Sist. K.Lalhmachhuani B/W chu Speaker ah hman a ni. Sist. K. Lalhmachhuani hi a pasal Evan. F. Lalngaihawma, Sist Ramtharzuali (Thartei) bakah leh Sist. Makimi Chaltlang ten an tawiawm bawk. Conf chhung hian Thlarau lam revival duhawm tak neiin, Confe chhung hian mithar 2 Pentecost kohhranah lawmluh an ni bawk.
Lengpui Bial:
Conf Vawi 45 na Lengpui Bial LAD ten Lengte kohhran Biak inah hmangin; Kum 2022-ah Lengpui Bial LAD Conf Lengpui kohhrana nei turin an passed. LAD day chu bial huapa Dapchhuah Preaching Point-a hman a, Mual inkhawm neih te, Dilzawl MF field theih anga chawmdawlna pek leh Home Missionary pakhat chawm te an rel a ni.
Maubawk bial:
Maubawk Bial LAD te chuan, Maubawk kohhran Biak inah Bial LAD Conf vawi – 12 na neiin; Confe rorel pawimawh te: Kum 2022 inkhawmpui lehna tur Bungkawn. Kum 2021 chhung Kartin thawhleh zan apianga chawnghei ṭawngṭai Fate pual, Ruihhlo ngaite pual leh Hrileng a reh theih nan tea neih bakah Home Missionary 2 chawm te an rel.
Rengdil Bial:
Rengdil Bial LAD te chuan Hriphaw Biak inah Bial LAD Confe. an hmang a, Conf speaker atan Bialtu Pastor, Pastor C. Lalthlengliana hman a ni. Rengdil Bial LAD Confe hman chhung hian Mithar 1 in Lalpa Isua hmingin sual ngaihdamna Baptisma a chang.
Confe-ah thlarau boruak duhawm tak lo thlengin Bro. Zidingliana te chhungkuain Pathian chawimawina March ni 22 Thawhtanni khan neiin, Pastor C. Lalthlengliana hian rawngbawlna a nei chhunzawm bawk a ni.
———-
Sunday School Hall sak sak:
March ni 22 Thawhtanni khan, Chaltlang Bial bawngkawn Kohhrante chuan Sihphir Bial chhunga awm Serkhan Kohhran Sunday School zirnain tur Assam Type tha tak an sak sak.
Bawngkawn Kohhran atang hian hnatlanga fehchhuak mi 24 zet awmin, Chaltlang Bialtu Pastor Rev. C. Lalramthanga, North Mizoram District Sunday School Director nib awk chuan a rawn ho a ni. Bawngkawn Kohhrante hian Serkhan kohhran te tan hian Sum leh pai bakah tha tam takin an tanpui a, Sihphir Bial hruaitute chuan Bawngkawn kohhran leh an Bialtu Rev. C. lalramthanga chungah lawmthu an sawi.
Sihphir Bial hi rev. C. Lalrammuana Former Dist. Supdt. Chuan a enkawl mek a ni.
———-
Bairabi Bialte’n an Bial chhung Kananthara Rawngbawltu lakluhna leh kal chhuak tur thlahna inkhawm an nei:
Bairabi Bialte chuan an Bial chhunga District in rawngbawla a dah Kananthar-a awm Missionary Evan Ramnunsanga Royte chu March ni 21 Pathianni zan khan Kananthar chhuahsana hmun danga a awm dawn avangin a thlahna inkhawm an nei. Evan. Ramnunsanga hi Bial kohhranpui, bial LAD, Saikhawthlir PYD, Bairabi bethel PYD bakah mimal engemawzat ten thlahna thil pek an hlan.
Hemirual hian Kananthar-a Missionary hnathawka awm tur thar Evan Vanlalpeka lawmluhna neih nghal a ni bawk.
———-
Kang tuarte tanpuina pe:
March ni 13 Inrinni zingkara Maubawk a kâng mei tuarte, ṭanpuina, Pentecost unau hmun hrang hrang awmte’n Maubawk Kohhran kaltlanga an pek chu March ni 22 thawhtanni zingkar khan Kangmeituar chhungkuate hnenah Maubawk church board comtt chuan a sem. Tanpuina semchhuah inkhawm tawi hi Bialtu Pastor Rev. R. Lalhmangaiha’n neiin tanpui thilpek dawn khawm chu a sem nghal bawk.
Tanpuina sem dan hetiang hi a ni.
In kang Inneitu ₹ 16000 ṭheuh.
Mi inluahtu hnenah ₹ 13500 ṭheuh.
Inkangin a nghawng mi pakhat hnenah ₹ 5000. A vaiin ₹ 252,000. Sem ral a ni. Maubawk Local Church Board hian kangmei tuar chhungkaw tana theihtawp chhuaha thilpek tanpuina petute chungah lawmthu a sawi a ni.
———-
PGHSS Zirtirtu leh Zirlai naupang ten an naupang kang tuar tanpuina pe:
PGHSS zirtirtute leh Zirlai naupangte chuan hmangaih taka kan sum thawhkhawm Rs 10,000/- chu Lalhmangaiha enkawltu (A nu leh pa an boral tawh a ni) a Patea te nupa(Evan R Manliana te nupa) kutah kan hlan e. Rev R Lalhmangaiha, Maubawk Bialtu Pastor in min ho thei a, kan lawm hle a ni. Lalhmangaiha hi PGHSS ah Class X Zirlai niin April 1, 2021 atanga HSLC Exam hmachhawn tur a ni. An in leh lo kang meiin atih kan kan chawmdawl ve na a ni e.
———-
PYD DAY HMANG:
Pathianni kal ta March ni 21 chu North East India huapa Pentecost Thalaite’n PYD DAY atana an hman thin ni pawimawh tak niin; North Mizoram District pawhin District hruaitute remruat angin Local tintem ammahni remchan angin hun an hmang.
PYD Day-ah hian Gen. PYD atanga Day thuchah buatsaih chhiarchhuahnate neiin; PYD ten infuihtharnate an nei bawk.
PYD Day hi N.Lungleng Kohhrante’n Bial LAD Conf an dawn avangin, PYD te chuan a hma Ni March ni 20 Inrinniah PYD Day pualin Vantlang Step siam rawng hnawih tharin vantlang tana luanchhuahna hun atan an hmang bawk.
———-
District PYD ten Kumpuan hawng dawn:
North Mizoram District te chuan, Kumpuan Committee te hmalaknain March ni 28 Pathianni chawhnu hian, Kumpuan hawnna inkhawm an nei dawn.
Kumpuan hawn inkhawm hi Chawlhmun Biak inah neiin; Inkhawm hi Evan. R. Lalchhanchhuaha, Dist. Kumpuan Committee Chairman-in a kaihruai ang a, Bro. Lalneihkima, Dist. Kumpuan Secyretary in Report pein, mal zai leh Zaipawl zai te ngaihthlak a ni bawk ang
Facebook