Rualbanlo Sunday :
July 7, Pathianni hi North East India UPC kohhranin a hman thin ni pawimawh Rualbanlo pual Pathianni (Disable sunday) a ni a, he ni pual hian General headquarters atangin Tualchhung kohhran tina chhiar chhuah tur Rualbanlo Sunday thuchah thawnchhuah vek a ni.
India hmarchhak huamchhunga Pentecost Kohhran ten he hun hi a hlu thei ang berin hmang tur leh, rawngbawlna kawnga rualban lote an inhman ve theih dan tur te, anmahni fuih chakna lam te, enkawl leh kaihhruai an mamawh lam thute, midangte ang bawka dikna leh chanvo an neih dan chungchang inzirtir uar ni se tiin General Suptd Rev. Lalmalsawma sailo, chuan kohhran hote a ngen a ni.
NEI UPC Kohhran hian Rualbanlo Sunday hi kum 2012 General Conference in hman tura a ruahman angin kum 2012 atang khan hman tan a ni a, kum tin July Pathianni hmasa berah hman thin a ni. Rualbanlo sunday zan tualchhung tin thawhlawm hi District kal tlanga General Headquarters-ah kim taka theh luh vek tur a ni.
Kumin 2019 June ni 10 Thawhtan ni khan General Hqrs Office, Mualpui Salem veng Aizawlah UPC, NEI Disable Committee chu Chairman Rev. Lalmalsawma Sailo, Gen. Superintendent kaihhruainain neih a ni a, Meeting-ah hian NEI UPC huam chhunga Rualbanlote hamthatna tur hrang hrangte relin tanpuina dil mi 26 hnen ah Cheng sangnga theuh pek nise a ti a. Heng tanpuina te hi semchhuah nghal a ni.
——
General Hruaitute Programme :
General Suptd Rev. Lalmalsawma Sailo chuan July ni 7, Pathiannia Aizawl East District Pathian thu zirna OTS Graduation Day ah hun a hmang dawn a, Degree confer na neiin fuihna thuchah a sawi ang.
General Sunday School hruaitu 3, General Director Rev. R. Laichhingpuia, Secretary Rev. R. Vanlalawia leh Treasurer Evan F. Lalsangliana te chuan July ni 1 atanga ni 5 chhung Dimapur Missions Field tlawhin field chhunga Sunday School Department hmasawnna tur atan seminar an neihpui a, Field chhung Local 6 ah hetiangin seminar an buatsaih :
General Sunday School Director Rev. R. Laichhingpuia – Dimapur leh Khatkhati ah
General Sunday School Secretary Rev. R. Vanlalawia – Diphu leh Silonijan ah
General Sunday School Treasurer Evan F. Lalsangliana – Athibung leh Chumukedima ah
——-
District PYD Board :
June 28 zirtawpni chawhma dar 10 atang khan Lunglei District PYD Board vawi 92-na chu Venglai UPC biak inah President Evan.V.Lalduhawma kaihhruainain neih a ni a, District Superintendent Rev.C.Vanlalena leh Secretary Rev.PC.Lalfakawma te pawhin he board hi an telpui. An rorel langsar zualte:
1.Kumpuan Chairman nilai Evan.K.Lalnunpuia chu Pastor atana lak anih avangin a aiawh tur atan Evan.Lalringzuala Pachuau, Dist.PYD Treasurer nilai chu ruat a ni.
2. Social work day October ni 2 chu hetiang hian hman nise tha tih a ni.
– Local tinin he Social work day hi hman nise
-Town area ten a huhovin hmang se tha tih a ni a, Social work day Organising Committee hruaitu atan, Chairman-ah Upa C.Malsawmkima, Secretary-ah Rbt.H.Lalhmingmawia, Treasurer-ah Evan.Lalringzuala Pachuau te ruat an ni.
– Town area nilo veng chhunga Local pakhat aia tam awmna te chuan a huhoin hmang se tha tih a ni bawk.
3. District PYD hnuaia Sub.Committee Auditors atan Evan.Laldinpuia Sailo leh Evan.Lalringzuala Pachuau te ruat an ni.
4. District PYD-in Thiltlang biakin a sak turah Rs.300000 (Nuai thum) ruahman a ni.
5. General PYD in October thla a Lunglei Rahsiveng biak in a Live Crusade-a buatsaih tur thlirlawkna neih a ni bawk.
——-
Graduation Day :
Lunglei District UPC in thla khat awh Pathian thu zirna a neih Pentecostal Bible School (PBS) chuan July 7 Pathianni hian Graduation day an hmang dawn.
Kumin hian zirlai 24 (1st Year, 2nd Year leh 3rd Year-ah 8 theuh) awmin Subject 7 an zir a, Rev.C.Vanlalena, Rev.C.Lalrintluanga,Rev. PC.Lalfakawma leh Pastor K.Vanlalhruaia ten zirtirna an pe thin a ni.
Kumin 2019-a Pentecostal Bible School atanga Graduate tur te:
1.K.Lalduhsaki, Pukpui
2. Ramnunmawia Aineh, Rangte N
3. Rosangliana, Tleu
4. C.Lalhriatzuala, Venghlun
5. C.Lalhriatpuia, Sekhum
6. Lalhluzuala Renthlei, Darzo
7. Lalnunthara Jongte, Thualthu
8. Hminghlumawia, Rangte S
———–
Thianghlimna Committee din :
Lunglei District Thianghlimna Committee-in mahni bial chhungah theuh Thianghlimna Committee din tura a ngen angin Pukpui bial Zawlpui bial leh Haulawng bial te chuan Thianghlimna Committee an din a, chak taka hmalak an tum a ni.
Pukpui bial hian June 23 kha bial Board neiin Thianghlimna Comt.hi an din a, Chairman-ah Evan.C.Lallawmsiama, Secretary-ah Upa C.Rodinga te an ruat a ni.
Zawlpui bial hian June 28-ah bial Board hi neiin Thianghlimna Comt.hi an din a, Chairman-ah Sectional Pastor, Secretary-ah Upa V.Lalnuntluanga, Treasurer-ah Upa T.Lalhmachhuana te an ruat bawk. Tin, Zawlpui bial Board hian bial huapin Belthei biak in sa turin Work Camp Dt.8-10.July.2019 chhungin neih nise an ti bawk.
Haulawng bial chuan July 2 khan Thianghlimna Committee hi dinin Chairman atan: Evan. R.Lalhmingthanga, Secy.-ah Simona. Hmar, Treasurer-ah. Bro.R.Lalhmingthanga te an ni
—–
Financial Campaign :
June 29-30 chhung khan Sertlangpui bial kohhranpui hruaitute chuan Thuampui Local-ah Financial Campaign an nei a, hemi rual hian bialtu Pastor T.Zahmingliana chuan PYD te Solfa Training neihpuiin Keyboard a zirtir bawk.
———
Mi thar :
N. Mizoram District, Kolasib project veng,Venglai bial Biak In ah June ni 30, Pathianni zan khan Bro Lalnunsiama te chhungkua member 4 Pentecost Kohhrana lawi turin Upa Tlangthanzaua a seng lut.
——–
Revival Crusade :
N. Mizoram District Bukpui Bial Headquarters Bukpui ah Bukpui LAD hmalak na in June ni 27-30 chhung khan Revival crusade buatsaihin Speaker a tan Evan Zoramthara an ruai.
Crusade neih chhungin mi 2 in sual ngaihdamna Baptisma changin Bialtu Pastor H Lalrinpuia’n Baptisma rawngbawlna hi a nei thung.
Speaker leh a tawiawmtute rawngbawlna Lalpa’n mal a sawm a, Kohhran hoten chelhin July ni 1, Thawhtanni an cham a, Pathian hnathawh ropui tak thleng chhunzawmin Kohhran Committee chuan July ni 2 atanga ni 7 chhunga rawngbawl turin an ruai chhawnzawm leh a, July ni 6, Inrinni hian Pathian hnena lawmthusawi chawimawina neiin Kohhran hoten hlim takin hun an hmang. Kohhran thalai zingah Thlarau thianghlim dawng thar leh siam tharna chang engemawzat an awm a ni.
——-
Lawmthusawi chawimawina :
July ni 3, Nilaini khan Thiak Kohhrana lawi Bro. Lalruatkima te chhungkua chuan Pathian hnena lawmthusawi chawimawi na an nei a, speker atan Evan. Lalramhluna an ruai. He rawngbawlna atang hian thlarau baptisma chang thar thahnem tak an awm a, inkhawm ngailo, ruih hlo bawiha tang ten Pathian thlarau thianghlim an chang a, Kohhran hote an hlim hle a ni.
——-
Seminar :
June ni 29, Inrinni khan Hunthar bial LAD ten Hunthar biakinah Seminar an buatsaih a, Resource persor atan N. Mizoram District Missions Director Rev C.Lalthantluanga an hmang.
Seminar ah hian thupui hrang hrang 1. Buhfaitham pawimawhna.
2. Kohhrana LAD te mawhphurhna.
3. Sum enkawl dan tur- Kohhran ah.
4. Sum enkawl dan tur- Chhungkua ah tih te an hmang a, kalkhawm ten an hlawkpui hle a ni.
July ni 3-7 chhung hian North Mizoram District Headquarters Kohhran chuan Damna Crusade an buatsaih a, Speaker a tan Pastor K. Ainawna ruaiin Bro. Lalthansanga Ralte, Sis. Laltleipuii
leh Sis. Lalngilneii ten zaia rawngbawlna an nei thin bawk.
——
Mi thar seng lut :
June ni 30, Pathianni khan Sangau Bethel Local, Chhimtuipui Dist ah Pastor K.Kawngkharmawia Bialtu Pastor chuan mi thar 2 Pentecost Kohhrana lawi turin a senglut.
June ni 30, Pathianni vek khan Chhimtuipui District Hqrs Local, ah Rev.Dr.T.Tumsanga’n chhungkaw khat member 5 Kohhranah a senglut bawk.
Chhimtuipui Dist Hqrs local, New Siaha Kohhran hian Rev.Lalhmingthanga ruaiin tihdam rawngbawlna an buatsaih a, June ni 29, Inrinni khan Pathian hnena lawmthusawi chawimawina hun an hmang a ni.
——
Niawhtlang Bial :
Chhimtuipui District, Niawhtlang Bial chhung Kohhran Local hrang hrang te Building lamah tan an la nasa hle.
1. Bial Hqrs, Niawhtlang Local ten Biakin Pulpit hnunglam Ft 12 in an extend a, a chhuat pawh cement pluster that vek a ni.
2.Ainak Local chuan Sunday School Hall an sa mek.
3.Siata Bethlehem Local chuan Biak in sa mekin; Biakin Avang Ft 32,Adung Ft 64 a liana rel in; A ban, Bhim, Liang leh Gallery Slap te chhun zawh tawh a ni.
4. Niawhtlang III (Km 10) Local ten Biakin Pulpit hnung lam Ft-9 a,extend in hma an la mek bawk.
5.Siata I Local chuan Biakin sa mekin luah theih turin an peihfel tep tawh bawk.
July 6, Inrinni hian Siata Bethlehem Local ah Niawhtlang Bial Sunday School Board neih a ni a, Bial Sunday School Meet atan a tul leh pawimawh te an ngaihtuah a ni.
July ni 7, Pathianni hian Bial Conference rorel bawhzuiin Siata I Local ah Seminar an buatsaih dawn a, Pastor V. Lalhlimpuia Bialtu Pastor in Leadership tihThupui hmang in zirtirna a nei ang a, Evan. HC.Hmingtinthanga Bial Secretary in Account vawndan tih thupui hmang in zirtirna a pe thung ang.
—–
No Tobacco to PYD :
Chhimtuipui Dist PYD chuan avawikhatna atan June ni 30, Pathianni khan “No tobacco to PYD Day” an hmang.
Chhimtuipui Dist PYD Conference vawi 42-na rorel bawhzuinana hmalak a ni a, Dist PYD hian “No tobacco to PYD” tih chu kalpuiin, Oct 1-6 chhung hian “No tobacco week” an hmang leh ang.
No tobacco to PYD Day ah hian District chhunga local hrang hrang leh Bial hrang hrang hrang ten ?ha antih anga hun hmangin, PYD member zuk leh hmuam tilo tura inzirtirna hun an hmang a. Local tamzawk chuan chawhnu lamah hun hmangin, an hlawkpui tlang hle.
Chhimtuipui Dist PYD hian Dist Tobacco Society, Siaha chapter te thawhpuiin hmalakna tur hrang hrang an siam zel dawn a ni.
—–
PCD Day :
Chhimtuipui Dist Pentecostal Children Department (PCD) chuan June ni 30, Pathianni khan Day hlim takin an hmang.
PCD day hi bial leh local ten urhsun taka hmangin, intihlimna leh infuihtharnan an hmang tlangpui a. Siaha bial chhung Meisatla local leh council veng local techuan joint a hmangin intihhlimna chihrang hrang nen meisatla localah hun an hmang. Day lawmnana tlai lama ruai thseh local engemawzat an awm bawk.
District PCD Hruaitute :
President: T.Upa.N.Lalchhuanmawia
Vice Pre: Bro. S.Vanlalvena
Secretry: Bro. L.Khaiu
Asst secy: Bro. Nawlchunga Chinjah
Treasurer: Sis. C.Zonunmawii
FinSecy:Sis. K Vanlalchhardiki BW
——-
Graduation Day :
July 7, Pathianni chawhnu hian Aizawl East District hnuaia Pathian thu zirna, Oneness Theological Seminary (OTS) chuan Kum 2019 Session-a zir chhuak te pualin Graduation Day Zemabawk Vengpui Biakinah an hmang dawn.
He hun hi Rev Biaksangzuala, Chairman Theological Education Board chuan kaihruaiin Secretary, Evan C.Laltanpuia’n result puanna leh report pekna neiin Rev Lalmalsawma Sailo, General Superintendent chuan Kum 2019-a OTS zirchhuak te hnenah Degree Confer-na leh Certificate hlanna a nei ang.
General Superintenfent Rev Lalmalsawma Sailo leh District Superintendent Rev Rosanga Kawlni, ten fuihna thuchah an sawi dawn a, Zirtirtu aiawh leh zirlai te aiawh thusawi awmin Rev Vanlalfela Ramtiam, District Treasurer in thilpek hlanna a nei thung dawn a ni.
Kuminah hian OTS-ah 1st Year 10, 2nd Year 10 bakah 3rs Year 7 awmin 3rd Year zirlai mi 7 pass chhuak te hnenah Certificate in Theology (CTh) hlan an ni dawn a ni.
——-
District PYD Board :
July 5, Zirtawpni khan District Committee room-ah Aizawl East District PYD hnuaia rorelna sang, kum chanve District Board tluang taka neih a ni.
He hun hi Rev R.Laltlankima, President chuan kaihruaiin Bial atang leh Official atanga agenda lut engemaw zat an ngaihtuah a, he thu buatsaih lai hian an thu passed kan hre hman lova, karleh lamah tihchhuah tum a ni ang. District PYD Board-ah hian Bial 30 atangin rorel palai an kal tha in District PYD kal zelna tur atana thu pawimawh tak tak ngaihtuah a ni.
——
Thingphun hnatlang :
Aizawl East District PYD hnuaia Environment Protection Committee te buatsaihin June 29, Inrinni khan Thingphun hnatlang an nei.
Thing hi Tanhril-a Evan H.Lalrinliana, Upper Republic Kohhrana lawi te ramah phun niin Aizawl khawpui chhunga Bial hrang hrang atangin member 30 vel an kal thei a ni. He hunah hian Evan C.Lalchhuanga, District PYD Vice President chuan a telpui bawk a, thing tiak engemaw zat an phun a ni. District PYD Environment Protection Committee te hian hma chak taka la chho mek zelin Environment humhalhna lam hawi Slogan inphuahsiak buatsaih mek in July thla ral hma in hruaitute hnenah thehluh tura tih niin Plastic atanga thil siam chhuah that lohna lam hawi Video Clip siam turin hma an lak mek bawk bakah October 8 hian Seminar/ awarness campaign nei turin ruahmanna an siam mek bawk a ni.
—–
Bible Study :
June 26, Ninga zan khan Bethlehem Vengthlang PYD te buatsaihin Bible Study hlawhtling taka neih a ni a, Resource person-ah Rev KVL Hmangaihkima, District Revival Committee Chairman leh Thuampui Bialtu Pastor ni bawk an ruai.
He hun hi Bro R.Zoramchhana, PYD President chuan kaihruaiin thupui thlan bik awm lovin member te atanga zawhna awm ang ang chu Resource person hian a chhan thin bakah thuchah tha tak ngaihthlak a ni bawk. Bethlehem Vengthlang PYD ten Bible Study an hman rual hian PYD member zinga BA pas thar mi 2, Sis Lianthangpuii leh Sis Lalnunmawii te chawimawina hun an hmang nghal a, heng chawimawna hi Bethlehem Bial PYD Vice President, Evan H.Lalhlimpuia chuan a hlan thung a ni. Bible Study hun an hmanah hian PYD member bakah Kohhran Upa leh Kohhran member engemaw zatin an telpui bawk a, he huna kalte hian hlawkthlak an ti hle a ni.
—–
Meet cum Rally :
June 29 leh 30 chhung khan Khawzawl Bial PYD te chuan meet cum rally an buatsaih.
June 29, Inrinni nileng khan Outdoor Item chi hrang hrang hmangin local tinte intihhlimna neih a ni a, Inrinni zan atanga Pathianni zan thleng khan Revival-a hun hman chhunzawm a ni a, hetah hian Bro C.Malsawmkima, Bial PYD Secretary, T.Upa JH Lalhriatzuala, Bial PYD President leh Rev C.Lalmalsawma, Bialtu Pastor leh General PYD Treasurer ni bawk te hnen atangin thuchah ngaihthlak thin a ni. Pathiani chawhnu leh zan inkhawm banah khan Fellowship-a hun hman ni bawkin Pathianni chawhnu khan Dr.Lalnunpuii Resource person-a hmangin HIV/AIDS chungchang zirhona hlawhtling takin an nei bawk a ni.
Thuampui Bial Sunday School Department buatsaihin June 30, Pathianni vek khan Thuampui Biakin-ah Sunday School Rally hlawhtling takin an nei a, hetah hian Item chi hrang hrang hrang hmangin intihhlimna neih a ni a, Bial Thianghlimna Sub-Committee ten Thianghlimna Campaign an nei bawk a ni.
—–
Half Year Meet :
Champhai Bethel Bial PYD te chuan June 22 leh 23 chhung khan Melbuk-ah Half Year meet hlawhtling takin an hmang.
June 22, Inrinni nileng khan Item chi hrang hrang hmangin inthhlimna Melbuk Field leh Hall-ah an nei a, PYD Kumpuan Intodelh lam hawi te, Education lam hawi bakah HIV/AIDS lam hawi leh Krista tana sengkhawm tih hmangin infuihtharna neih neiin he hunah hian Bial chhung atangin PYD member engemaw zat an kal a, hlawk takin hun an hmang a ni.
—–
Fehchhuak :
Bethlehem Bial PYD OB te chuan Kumin PYD Inkkhawmpui rorel in alo passed tawh angin June 24, Thawhtan zan khan Bethlehem Vengthlang PYD te tlawhin an fehchhuak.
He hunah hian Bethlehem Bial PYD President Bro H.Laldanmawia chuan thuchah sawina neiin Programme hlimawm taka hman a ni a, PYD member inkhawm pawh an tha hle a ni. Bethlehem Bial PYD OB ten fehchhuah programme an hmanah hian OB te an telkim thei a ni.
——
Chawimawina :
July 6, Inrinni hian Darlawn Bial, Ratu Vengpui Kohhran te chuan Pathian hnena lawmthusawi chawimawina neiin Kohhran ten hlim takin hun an hmang.
He hunah hian Speaker-ah Evan Vanlalramnghahmawia chu hman a ni. Evan Vanlalramnghahmawia leh a Team te hian Rantu Vengpuiah hian rawngbawlna nei mekin June 29, Inrinni khan Thuthlung Camp hlawhtling takin neih alo ni tawh a, June 30, Pathianni khan mi 5 in sual ngaihdamna baptisma changin mi 5 in thlarau thianghlim an dawng thar bawk a ni.
July 6, Inrinni vek hian Upa Roreltluanga te chhungkua, Champhai Bial, N.Khawbung Kohhran te chuan Pathian chawimawina hi an nei bawk a, hlim takin Kohhran hoten hun an hmang a ni. Speaker-ah Bro H.Lalrinfela chu hman niin Pentecost Day atang khan Revival Crusade Bro H.Lalrinfela, Speaker-a hmang hian neih chhoh mek zel a ni a, June 30, Pathianni zan khan mi 3 in Bialtu Pastor, Rev VL Hnemtluanga kutah sual ngaihdamna baptisma changin mithar 2 Kohhranah sengluh an ni bawk.
—–
Revival Crusade :
July 3, Nilai zan atang khan Zemabawk Vengpui Missions Department te hmalakna in Revival Crusade neih mek a ni.
He hunah hian Speaker-ah Evan H.Lalhlimpuia, District Revival Speaker ruaiin Team member engemaw zat ten an tawiawm. He Crusade hi ruahmanna ang chuan Pathianni zan thleng awh tura tih a ni.
——
Rualbanlo Sunday :
July 7, Pathianni hi North East India Kohhran ni pawimawh, Rualbanlo Sunday anih angin Aizawl east District chhunga Tualchhung Kohhran hrang hrangte chuan urhsun takin an hmang hlawm dawn a, General atanga thuchah siam chu chhiarchhuahna an nei bawk ang.
He hunah hian Tualchhung Kohhran thenkhat chuan General atanga Rualbanlo te puala tanpuina a pek chhuah semchhuahna hun an nei dawn a. A hnuaia tarlan te hi Aizawl East District chhunga Bial hrang hrangten rualbanlo tanpuina an dawn te niin heng sum te hi District Office atangin Bial hrang hrangah hian semchhuah a ni vek tawh a ni.
1. Kawlkulh Bial- 1
2. Khawzawl Bial – 1
3. Serchhip Dinthar bial- 1
4. Bawngkawn Bial – 2
5. Serchhip Bial – 5
6. Upper Republic Bial – 1
7. Khawhai Bial – 2
8. Suangpuilawn Bial – 1
9. Mualpui Bial – 3
10. Hnahlan Bial – 5
——-
Half Year Meet :
Zemabawk Bial PYD te chuan Half year meet hlim takin an hmang.
June 28 Zirtawp zan khan zemabawk YMA Hall ah indoor games chi hrang hrang hmang a inelna neiin Meet hi Bial PYD President Evan. Albert Chanchinmawian hawn na a nei a, June 29 inrinni ah zemabawk playground-ah nilengin hun hman chhun zawm leh a ni bawk. Sunday nileng leh zan hmang in Tuirial kohhranah revival programe hun hman a ni a, Speakerah Evan PC. Lalrokima, General missions treasurer chu hman a niin hlimtak in hun an hmang a ni.
——–
Bial Sports kharna:
June ni 28, Zirtawp zan khan Mualpui Bial PYD chuan ITI YMA Hall ah Indoor Sports, Zo zan hmangin Bial Sport kharna an nei.
Bial Sports thawh khatna hi march ni 21, PYD Day khan Muallungthu field ah an lo nei tawh a, tug of war, football, Deathball, volleyball hmangin inelna neiin hlim takin hun an lo hmang tawh a. Indoor sports, zo zanah hian Sarlam kai, kalchhet kal, inkawibah, chheihlam, Zawnga leihlawn leh Hlado chham hmang tein inelna an buatsaih leh a ni.
Sports kharna programme ah hian Bial chhung PYD member an kal tha hle a, Sports Sub Comtt Treasurer Bro. R. Lalhmachhuana’n programme kaihruaiin Sis. Merolyn Lalrinkimi’n hunserh hmangin District PYD Vice President Evan. C. Lalchhunga’n thu tawi a sawi bawk.
Bial Sports ah hian a pumpuiah ITI PYD pakhatna an ni a; gold-7 silver-4, bronze-3 an la a. Mualpui PYD 2na niin; gold-7, silver-4 leh bronze-2 an la a. Salem PYD 3na niin, anni hian
silver-6 leh bronze 7 an la a ni. Zo zan bika Best Costume ah Bro. Lalremsanga leh Sis. Lalbiakdiki te thlan an ni bawk.
(PIC: Mualpui PYD)
——–
Aizawl East District Hruaitute Programme:
District Superintendent Rev Rosanga Kawlni, District Secretary Rev Biaksangzuala, leh Rev Vanlalfela Ramtiam, District Treasurer te chuan July 7, Pathianni-a Zemabawk Vengpui Biakin-a OTS Graduation Day hmanah an tel ang a, Rev Rosanga Kawlni, District Superintendent hian Pathianni chawhma-ah Bawngkawn Bial, Ramhlun Sport Complex Preaching Point Biakin sak thar hawnna a nei bawk ang.
Facebook