GENERAL NEWS
HRUAITUTE PROGRAMME:
General Superintendent Rev. R. Lalrinsanga chuan June ni 18 inrinni hian Mamit Bial ah “Rawngbawltu Mawhphurna” tih thupui a hmangin rawngbawlna a nei a ni.
General Secretary Rev. Zohmingthanzama chuan June ni 18 inrinni hian Darlawn Zone chhunga Bial hrang hrang a Licence Holder te pualin Seminar a neih pui a, Pathian ni ah Revival Crusade in hun an hman chhun zawm ang.Darlawn Zone ah hian Pastor Bial nga, Darlawn Bial, Suangpuilawn Bial, Khawruhlian Bial, Zohmun Bial leh Sakawrdai Bial te an awm a ni.
General Treasurer Rev. Lalmalsawma Sailo chuan Inrinni leh Pathian ni hmang hian Serchhip Kohhranah Seminar neih puiin rawngbawlna a nei ang.
———-
GENERAL HRUAITUTE FEH CHHUAK
June ni 6 – 10 hmang khan India ram chhung a Unit Pathum UPC North East india Unit, Inadia Unit leh Andrapradesh Unit te intawh khawm na, All India Summit leh General Council of UPC in India chu New Delhi ah nieh a ni a, North East india atangin General hruaitu Pathum te an tel thei a ni.
He intawh khawmna ah hian Thupui pawimawh tak tak zir ho a nih bakah India ram a Unit hrang hrang te thawh hona tur leh Chanchin tha theh darhna kawng a hmalak dan tur te, India thenawm ram a chak zawk a rawngbawlna kalpui dan tur te sawi ho a ni.
Tin, kan General hruaitute zin chhuak hian June ni 11 inrinni khan New Delhi-a Kishangarh hmunah Biak In leh Pastor Quarter tur Building Flat pahnih an lei bawk.
All India Summit leh Kohhran Building lei chung chang Report chu Chanchin thar zawh ah hian tih chhuah a ni ang.
———-
GENERAL SUNDAY SCHOOL EDITTING BOARD:
June ni 16 Ninga ni khan General Sunday School Editting Board chuan General Headquarters Committee room ah Editing neih chhun zawmin kum 2023 a UPC North East India Sunday school Puitling zir tur Chanchintha Johana Lehkhabu hrilhfiahna, Rev. Lalmalsawma Sailo ziah chu Edit na an nei a ni.
———-
GENERAL PYD IN THISEN PE THA LAWMMAN A DAWNG:
June 14, Thawhlehni khan MSACS & AVBD buatsaihin Aijal Club-ah World Blood Donor Day hman a ni a, Voluntary a thisen petute zingah PYD-North East India chuan April 2021 atanga March 2022 chhung khan thisen unit 459 pe in Religious Group-ah lawmman pathumna a dawng a ni.
———-
AIZAWL EAST DISTRICT
Seminar nei:
Aizawl East District Board in District chhunga Licence holder te tan Seminar neih ni se a tih angin June 18, Inrinni hian District chhunga hmun hrang hrangah Seminar neih a ni a, thupui-ah “Thuthlunga intuaitharna” tih hman a ni. Seminar neih hi zone hrang hrangah then niin Aizawl khawpui pawn lam tan June 19, Pathianni-ah Revival Programme hman chhunzawm tur niin resource person-a hman te Speaker-ah hman nghal tur an ni dawn a ni.
Zone then dan leh resource personte:
1. Aizawl Zone: Zemabawk, Zemabawk North, Thuampui, Bawngkawn, Bazar, Bethlehem, Mualpui leh Upper Republic Bial te niin Mualpui Biak Inah neih a ni. Resource person-ah Rev.H.Lalropuia, District Treasurer hman a ni.
2. Serchhip Zone: Serchhip, Serchhip Dinthar, Chhingchhip, E.Lungdar leh N.Vanlaiphai bialte niin Serchhip Biakinpui-ah neih a ni. Resource person-ah Rev.Lalmalsawma Sailo, General Treasurer hman a ni.
3. Champhai Zone: Kahrawt, Bethel, Hnahlan, Khawbung bial te niin Champhai Kahrawt-ah neih a ni. Resource person-ah Rev KVL.Hmangaihkima, District Superintendent hman a ni.
4. Saitual Zone: Saitual, Keifang, Khawlian, Thingsulthliah Bial te niin Keifang Biakinah neih a ni. Resource person-ah Rev.VL.Hnemtluanga, District Missions Director hman a ni.
5. Darlawn Zone: Darlawn, Sakawrdai, Suangpuilawn, Khawruhlian leh Zohmun Bialte niin Darlawn hmunah neih a ni. Resource person-ah Rev Zohmingthanzama, General Secretary hman a ni.
6. Khawzawl Zone: Khawzawl, Khawhai, Rabung, Ngopa leh Kawlkulh Bialte niin Khawzawl Vengthar Biakinah neih a ni. Resource person-ah Rev.R.Laltlankima hman a ni.
Heng zone then hrang hrangah hian Licence holder te an kal tha thawkhat hle a ni.
———-
Thisen pe tam chawimawina dawng:
June 14, Thawhlehni kha World Blood Donor Day a ni a, hemi denchhen hian hmun hrang hrangah Mizoram Sawrkar chuan a thlawna thisen pe tam te hnenah chawimawina hlanin Serchhip Bial PYD te leh Champhai Bethel Bial PYD te chuan AVBD Serchhip leh Champhai te hnen atangin chawimawina an dawng. Serchhip Bial PYD te hian July 2019 leh March 2022 chhung khan Serchhip Blood Bank-ah thisen Unit 108 pe in, Religious Group-ah pathumna an ni a, Serchhip Bial PYD President, T.Upa Lalramnghaka Kawlni chuan chawimawina hi a dawng a ni.
Champhai Bethel Bial PYD te pawhin AVBD Champhai hnen atangin Kum 2021-2022 chhunga Kohhran thalai pawl zinga thisen pe tam ber pathumna an nih bakah Blood Donation Camp vawi 2 an buatsaih avangin chawimawina an dawng bawk a ni. Champhai Bethel te hian Thisen hi unit 45 an pe a ni.
———-
Seminar:
June 12, Pathianni chawhnu khan General Hqrs. Committee room-ah Bial chhunga Church Board member te tan Seminar hlawhtling takin an nei. Seminar hi Bialtu Pastor, Rev.C.Mawizuala chuan kaihruaiin thupui hlawm hnih hmangin Seminar hi neih a ni.
1. Kohhrana serh leh sang chung chang (Upa te tel ve theihna chin) – Resource person Upa C Zahnuna.
2. Pathian biak inkhawm kaihhruaina- Resource person Upa R Vanlalawmpuia te an ni.
He hunah hian Mualpui Bial chhung Church Board Member chin mi 30 chuang kalkhawmin hlawkthlak an ti hle a ni.
———-
Zirlai passed tharte lawmpuina hun hmang:
Thingsulthliah Bial PYD Education Sub.Committee hmalakna in June 12, Pathianni khan Thingsulthliah Biak inah Kumin HSLC leh HSSLC result chhuak a passed te pualin lawmpuina hun hman a ni. He hunah hian Resources person-ah Bro. Nelson Vanlalneiha Chhakchhuak, Zuangtui chu hman niin ani hnen atang hian Zirlaite hnenah thuchah bakah an kal leh zelna tur atana fuihna tha tak tak ngaihthlak a ni a, kalkhawm ten hlawkthlak an ti hle a ni.
———-
District LAD ten Darchawi Biak In sak tanpuina hlan:
Aizawl East District LAD te chuan Darchawi Local, Tripura District chu tlawhin June 12, Pathianni thleng khan rawngbawlna an nei. District LAD te hi District Superintendent Rev. KVL Hmangaihkima leh District Treasurer, Rev. H. Lalropuia ten telpuiin Darchawi Biakin sak mek tanpui nan Rs 100,000/- (Nuai khat) LAD te hian an hlan a, an rawngbawlna te Pathianin mal a sawm hle a, thlarau boruak pawh a tha hle a ni. Darchawi kohhran hian kum 2012 atang khan harsatna tawkin hun rei tak chhung Biakin sak chhunzawm theih lova awm chu sak chhunzawm a theih dawn tak avangin District LAD te hian Biakin sak tanpuina tur hi an hlan ta a ni. Darchawi kohhran hruaitute leh Tripura District hruaitute chuan Aizawl East District LAD te chungah lawmthu an sawi a ni. Darchawi hmunah hian District LAD hruaitute hi an kalkim thei a ni.
———-
Khawilai thenfai hnatlang nei:
Zemabawk North bial PYD te chuan June 11, Inrinni khan khawmpui rorel bawhzuiin bial huapin khawtlang thenfai hna an thawk. Zemabawk kawnveng atanga tanin Falkland area, World Bank road lam leh Chite lamte thenfai a ni a, plastic bur ruak, sarang leh a kaihnawih te chhar fai a ni. He hunah hian mi 38 thawkchhuakin District PYD Asst. Secretary Evan Lawmsangkima pawhin a telpui bawk a ni.
———-
Crusade:
June 8, Nilai zan atanga Pathianni zan thleng khan Bazar Bial, Armed Veng Kohhranah Rev R.Laltlankima, Speaker-a hmangin Revival Crusade hlawhtling taka neih a ni a, Kohhran ten hlim takin hun an hmang. Revival Crusade denchhen hian June 11, Inrinni chhun lamah rawngbawltute pualin Seminar neih a ni bawk a, Resource person-ah Rev.R.Laltlankima an hmang bawk a ni. Revival boruak kal zelah June 12, Pathianni chhun khan mi 5 in sual ngaihdamna baptisma an chang a, Pathianni zanah mi 2 ten sual ngaihdamna baptisma an chang leh bawk a ni.
———-
Biak In sakna lungphum phum:
June 8, Nilaini khan Zohmun Bial, N.Tinghmun Kohhran Biak In sak thatna tur chu Rev.KVL.Hmangaihkima, District Superintendent chuan a phum. He hunah hian Bialtu Pastor bakah Kohhran hruaitu mi engemaw zat an tel thei a ni. N.Tinghmun Biak In hi Kum 20 chuang a upa a ni tawh a, thlipui in vawi 2 lai alo ti chhe tawh bawk, siamthat leh thin niin tunah hian sa tha turin an in buatsaih mek a ni.
———-
Pathian chawimawina:
Saitual Bial, N.Lungpherah Kohhranah June 11, Inrinni khan Sr.Upa.Chawngthanga te chhungkua chuan Pathian chawimawina an nei a, hlim takin Kohhran ten hun an hmang. June 10, Zirtawp zan atang khan chawimawina Programme hi hman niin Speakerah Evan.Lalchhuanmawia Zote hman a ni. Pathian chawimawina boruak-ah hian mi pakhat in sual ngaihdamna baptisma a chang a ni.
Kawlkulh Bial, Kawlkulh Vengthar Kohhranah District Revival Speaker Rev. H Vanlalchhana leh a team te chuan June 2 atang khan rawngbawlna an nei a, Kohhran hote an hlim hle a ni. June 13, Thawhtanni khan Bro PC Zoramliana te chhungkua chuan Pathian chawimawina an nei a, mimal thilpek engemaw zat dawn a ni bawk. Bial chhung leh bial pawn atangin chawimawina hmang turin kal khawm a ni. Chawimawitute hriakthihna Bialtu Pastor R. Lalfamkima chuan neiin thlarau lam hla nen hlim takin hun hman a ni. Siamtharna chang engemaw zat awmin, inkhawm banah mi pahnih in sual ngaihdamna baptisma, Speaker Rev. H. Vanlalchhana kutah an chang nghal bawk a ni. Kawlkulh Vengthar Kohhranah hian June 14, Thawhlehni khan Bro. JH Zoramthanga te chhungkaw kaltlangin Pathian chawimawina hi neih chhunzawm leh a ni a, Kohhran ten hlim takin hun an hmang a ni. Chawimawitute chhungkua hriakthihna Speaker Rev. H. Vanlalchhana chuan a nei bawk a ni.
June 12, Pathianni khan Sis. K. Lalramnghaki d/o Sr. Upa K.Hrangchuanga te chhungkua, Bawngkawn kohhran te chuan Pathian chawimawina neiin Kohhran ten hlim takin hun an hmang. He chawimawina inkhawm hi Rev. Vanlalfela Ramtiam, Bialtu Pastor chuan kaihhruai hna a thawk a ni. Evan. H. Lalrinawma Speaker atan hman niin Sis. F. Lalhriatchhungi’n zaia rawngbawlna a nei bawk. Rawngbawltute Pathianin a hmang a, tisa ruai leh Thlarau lam ruai ropui taka theh niin Kohhran hote an hlim hle a ni. Thlarau Thianghlim Baptisma chang thar mi 7 an awm a ni. Bialtu Pastor-in nau hlan rawngbawlna neiin chawimawitute chhungkua hriak thih rawngbawlna a nei bawk.
———-
Mithar leh baptisma chang thar:
June 11, Inrinni khan Ngopa bial-a Evan Lalamena rawngbawlna kaltlangin mithar 1 chuan sual ngaihdamna baptisma Evan Lalamena kutah a chang.
June 11, Inrinni zan vek khan Bawngkawn bial, Ramhlun Vegthar Kohhranah Evan F.Malsawmdawngliana kutah mi 3, Kohhran nisa 2 leh mithar 1 ten sual ngaihdamna baptisma an chang bawk.
June 12, Pathianni chawhnu inkhawm ban khan Evan H Lalhlimpuia, District Evangelist rawngbawlna naah Khawzawl Venglai Kohhrana lawi turin mithar pathumin sual ngaihdamna baptisma an chang a, Kohhranah sengluh nghal an ni. Evan H Lalhlimpuia hi District in Ramlak beihpui thlak nana Khawzawl hmuna rawngbawlna nei tur an dah mek a ni.
June 12, Pathianni khan Saitual Bial, N.Lungpher Kohhranah mipa pakhat Kohhranah sengluh niin Kohhran Member nisa Pasal neih avanga pemlut pakhat lawmluh tel a ni bawk.
Evan HK Lalhmangaiha leh a team te chuan June 10 atanga 13 chhung khan Zemabawk bial, Tuirialah rawngbawlna an nei a, chhungkaw khat mithar 3 Kohhranah sengluh an ni.
Zemabawk North bial, Zemabawk West Kohhranah pawh mithar pakhat Kohhranah sengluh a ni bawk.
June 12, Pathianni khan Rabung bial, Rabung Vengchhak Kohhrana lawi turin Upa R.Lianhnuna, Church Board Chairman chuan mithar 12 Kohhranah sengluh a nei.
June 12, Pathianni vek khan Khawbung bial, Khawbung hmuna Evan H. Lalremhlua rawngbawlna atangin mi 3 in sual ngaih damna Baptisma an chang. Baptisma changte hi kar hmasa Inrinni zana mi thar sengluhte kha an ni. Mithar Pahnih niin member nisa pakhat a ni.
———-
———-
NORTH MIZORAM DISTRICT
HRUAITUTE PROGRAMME
SUPERINTENDENT: Dist. Supdt. Rev. Chhiarpuia chuan June ni 18 Inrinni hian kol Rengtekawn bialah seminar neihpuiin; a tuk June ni 19 Pathianni ah Sihphir Bial tlawh chhovin rawngbawlna a nei ang.
SECRETARY: Dist. Secy Rev. K. Lalduhsanga chuan Maubawk Bial Thianghlimna Committee ten ruahmanna an siam angin. June ni 19 Pathianni chhun leh zan hian Maubawk Biak inah rawngbawlna a nei ang.
TREASURER: Dist. Trea. Rev. C. Lalthantluanga chuan Tun Pathian lo awm tur June ni 19 chu NMD in Pathian thu zirna a kalpui mek PSM, NMD Camping Centre Sakawrtuichhun a neihah riaklutin Naupang zirtirna a pein a inkhawmpui ang.
MISSIONS DIRECTOR & Treasurer: District Missions Director Rev. C. Lalramthanga leh DIst. Missions Treasurer Evan. MS Dawngliana te chuan Dist. Missions OB ruahman angin June ni 16 khan Kol Rengtekawn Bial, Bukvannei kohhran tlawhin Tirhkoh Quarters hmun tur an an lei ang.
———-
CHALTLANG BIAL GOLDEN JUBILEE HMAN TLUANG TAKIN A TIAK :
Chaltlang Bial UPC, North Mizoram District, NEI. Kum 50-na Golden Jubilee chu ni June ni 6 (Pathianni) atanga hmang tanin ni JUne ni 12 Pathianni zan thleng khan karkhat chhung Bial Headquarters Biak In, Chaltlangah hlim leh tluang taka hman a ni.
Jubilee hi June 6 Pathianni Chawhnuah Jubilee hawnna neih a ni a, Bialtu Pastor Rev. P. Vanlalfela’n hawngin Sis Hrangdailovi, W/o. Rev K. Lianzama bialtu Pastor hmasa berin Jubilee mei a det a, Rev P.Chunga, Former Gen Supt. hnen atangin Pathian thuchah ngaihthlak a ni.
June ni 6 – 9 chhûng hian zânah Bial Department hrang hrang PYD, LAD, Missions Department leh Sunday School Department ten an pual hun hmangin hruaitu lo nitawh te chawimawina citation/Memento te hlanna neih thin a ni.
Jubilee lawmna pui ber hi Jubilee June ni 11 Inrinniah neih a ni a, Rev Chhiarpuia, Superintendent, NMD in Jubilee lungphun hâwnna neiin Jubilee dar vuak chhunzawm a ni. Biak in chhung lamah Rev Chhiarpuia hnen atangin Pathian thuchah ngaihthlâk a ni bawk, bial Secretary hnen atangin bial chanchin tawi ngaihthlak anih bakah bial hruaitu lo ni tawh mi 34 te hnenah chawimawina citation hlan a ni a, chaltlang Bial atanga Pastor chhuak mi 6 te hnenah chawimawina Memento hlan a ni bawk.
Jubilee chhung (Department pual te nên) hian District puipa te, Rev Chhiarpuia, Supt, Rev K. Lalduhsanga, Secy, Rev C. Lalthantluanga, Treasurer, Rev C. Lalramthanga, Director, MSD, Pastor Lalruatkima Fanai, Director, SSD te bakah Rev C. Lianchama, Rev P Chunga leh Rev P. Vanlalfela, bialtu Pastor te hnên atangin Pathian thu ropui tak tak ngaihthlak thin a ni a, zaithiam tak tak malzai leh zaipawl ten inkhawm apiangin rawngbawlna an neih thin bawk.
Jubilee lawmna hun hman chhung hian bial chhûng Kohhran hrang hrangten inkhawm kharin Chaltlang biak inah inkhawm thin a ni a, thlarau lam hla te nên hun hlimawm leh nuam tak hman thin a ni. Pathianni chawhnu inkhawm bânah baptisma khur hâwn niin Rev P. Vanlalfela kutah mi 6 ten sual ngaihdamna baptisma an chang bawk a ni. Jubilee hun chhûng zawng hian harsatna awm lovin Pathian Chaltlang Bialte a hruai a, Chaltlang Bial hruaitute leh Jubilee Orgn Hruaitute’n Jubilee ngaihlua lawmpuitute zawng zawng chungah lawmthu an sawi a ni.
———-
Camping Centre-a Pathian thu zir mek te tan chawhmeh pe :
Sihphir Bial PYD te chuan, NMD in Pentecostal School of Ministry kalpui a, Camping Centre-a Pathian thu zir mek Naupangte pualin June NI 15 Nilaini khan chawhmeh tharlam tha tak tak a pe a, Sihphir Bial PYD te chungchanga PSM Managing Board te an lawm hle. Shiphir Bial PYD hruaitute hi Bialtu Pastor Rev. B. Vanlalruata’n a ho a, PSM lamah Dist Faculty Rev. C. Lalrammuana’n a lo dawngsawng a ni.
———-
DISTRICR PYD PRESIDENT FEHCHHUAK:
June ni 12 Pathianni khan NMD PYD Execu meeting in ruahmana a siam anga, NMD chhung Bial hrang hrang tlawh programme kal mek a, District P.Y.D President chuan Reiek Bial te tlawhin, Reiek Bialte hian Reiek kohhranah Bial huapin an lo dawngsawng a ni. Dist. PYD President hian INkhawm Chawhma, chawhnu leh zan hun hmangin rawngbawlna a nei a, Pathianni zanah member Thlarau Thianghlim dawng lo tan dil sakin Thlarau boruak duhawm tak a thleng a, Thlarau Thianghlim dawng thar te an awm a ni. Dist. PYD President hi Reiek Bialte hian Kum 2022 atanga Target an neih an lo pe tlak vek a, Dist. PYD Hruaitute an lawm hle.
———-
Hqrs. Bial SS hmalaknain Local tinah Seminar kalpui:
NMD Hqrs. Bial SS Confe bawhzuiin June ni 12 Pathianni khan Bial chhung Local 5-ah Seminar neih a ni. Seminar-ah hian SS thiltum tihhlawhtlinna tur kawnga thupui pawimawh tak tak zir hovin, Pathian thu hriatna kawngah Zirlaite hmasawnna tur Paper zir ho a ni a, Kohhrante’n an hlawkpui hle. Resource Person Bialin a ruat te hetiang hian an fehchhuak 1) Rev. HL Dawngliana – Headquarters Kohhranah 2) Evan. Lalchhuanmawia Sailo- Mission Vengthlangah 3) Upa JK Das – Khartla south 4)Sist Lalsangpuii – Nursery 5) Evan.K.Rotluanga- Tuikual south-ah te an fehchhuak a ni.
———-
Hqrs. Bial PYD ten Halfyear meet hmang dawn:
NMD Hqrs Bial PYD te chuan June ni 17-19 chhung hian Hqrs. Kohhran Biak in, Tuikhuahtlangah Bial PYD Kumchanve intawhkhawm an hmang dawn.
He intawhkhawm hi kum dangah chuan Variety programme-a hman thin niin; kuminah hian Revival Programme-a hun hman an tum a, inkhawm BIal PYD President Bro. Vanlalvena’n kaihruaiin, Speaker atan Evan. Lalchhuanmawia Sailo hman a ni dawn a ni.
———-
W. PHAILENG BIAL ELECTRIC VENG PREACHING POINT AH SEMINAR NEI:
June ni 12 Pathianni khan West Phaileng Bial Electric veng Preaching Point-ah Electric Veng Kohhran PP kohhran ruahman angin Seminar neih a ni; Seminar-ah hian Bialtu Pastor K. Ainawna chu resources person niin Kohhran inrelbawlna leh Sum leh Pai chungchang thupuia neiin; Paper an zir ho va, kohhranhote’n an hlawkpui hle.
———-
AIBAWK BIAL LAD-IN SEMINAR BUATSAIH:
June ni 11 Inrinni dar 10:30 a.m – 1:00pm khan Aibawk Bial LAD buatsaihin – Nu Mawhphurhna leh Hruaitu Mawhphurhna tih thupui hmangin Seminar neih a ni. He Seminar-ah hian ruahman angin Kohhran pahnih Sateek LAD leh Aibawk LAD te neiin; Sateek Biak inah seminar hi aneih a ni a, Resource Person atang Aibawk Bialtu Pastor PC Lalrokima chu hman a ni.
Ruahman angin Seminar hi Aibawk Bial chhungah neih chhunzawm zel tur a ni a, June ni 25 Pathianni hian Muallungthu Biak inah Kohhran 4 ten seminar hi an neih leh dawn a ni.
———-
HOME MISSIONS FIELD-CHANCHINTHAR:
1.Tun Pathianni kal ta June ni 12 khan NMD Home Missions Field K. Sarali-ah rawngbawltute rawngbawlna kaltlangin mithar pakhat lawmluh niin; Sual ngaihdamna Baptisma chantir a ni a, Nau pakhat hlan a nib awk. (K. Sarali)
2.June ni 9 Ningani khan Bajirung Mission Field-ah Mithar Chhungkaw 1 Member 5 awmna lawmluh a ni.
3.Inrinni kal ta June ni 11 khan Sihthiang Home Missions Field te chuan kum chanve sum audit neiin; kohhranpui leh Department peng te sum enkawl dan endikin hun an hmang.
———-
———-
LUNGLEI DISTRICT
LUNGLEI DISTRICT P.Y.D. IN LAWMMAWN PAKHATNA DAWNG:
June ni 10 Zirtawpni chawhma dar 11:00 khan Mizoram Polytechnic, Lunglei Campus-ah Green Mizoram Day 2022 hman a ni. He programme-ah hian lawmman chi hrang hrang sem niin, Pentecostal Youth Department, Lunglei District chuan BEST PLANTING AGENCY (NGO’s, Etc…) ah lawmman pakhatna a dawng. Nikum 2021 pawh khan he lawmman hi Pentecostal Youth Department, Lunglei District hian a lo dawng tawh bawk. Lawmman hian Rs.3000 a keng tel a ni.
Lawmman hi Pentecostal Youth Department, Lunglei District aiawhin Rbt. C. Lalrosanga, Assistant Secretary District PYD chuan a dawng a ni.
———-
BOYS WARDEN CUM TEACHER LA THAR:
Vawiin June ni 14 Thawhlehni khan C.E.C. School Board chu District U.P.C. Conference Hall-ah an thukhawm a, Boys Warden Cum Teacher atan Bro. K. Lalrammawia S/o K.Chhawnkima, Mualthuam N chu an la thar.
Warden Cum Teacher thar hian June ni 16 Ningani atangin a hna hi a zawm nghal ang.
———-
SETHLUN BIAK IN CHEI |HAT HNA THAWH CHHUNZAWM ZEL A NI:
P.Y.D. Lunglei District hmalakna a Sethlun biak in chei \hat mek chu hmalak chhunzawm mek a ni a, June ni 11 Inrinni khan Pukpui Local P.Y.D. te chuan biak in chei \hat hna hi hnatlangin an thawk a, mi 40 chuang an hnatlang.
Pukpui Local P.Y.D. te hian biak in chhung, a chung leh a pawn rawng an hnawih a, a bang Plaster ngai ang te an Plaster nghal bawk.
Sethlun biak in chei \hat hna hi tlawmngaiin bial leh Local P.Y.D. hrang hrangin an thawk tawh a, Sethlun Local pawhin an hun remchang apiangah hnatlangin an thawk a, tunah hian a chei \hat hna hi thawh zawh thawkhat a ni tawh a ni.
———-
CRUSADE:
June ni 17 Zirtawp zan a\ang khan Zohnuai Local-te chuan District Secretary Rev. C. Lalrintluanga Speaker-ah hmangin Crusade an buatsaih a, June 19 Pathianni zan thleng hun an hmang ang.
———-
SEMINAR:
June ni 19 Pathianni chawhnu hian Headquarters Local P.Y.D.-te chuan District Secretary Rev. C. Lalrintluanga Resource Person-ah hmangin Seminar an buatsaih dawn a, Seminar thupui ah hian ‘THLALER BIAKBUK’ a ni ang.
———-
MI THAR :
June ni 12 Pathianni khan Evan.T.Lalzawmsanga, Lungrang Dinthar Part time Evangelist, Chawngte bial in a chhawr lai chuan Upper Lungrang Local-ah Member thar 9 kohhran ah a lawmlut. Member thar te hi chhungkaw hnih a\anga lawm luh a ni.
June ni 12 Pathianni vek khan Zehtet Home Missionary Evan. C. Lalrinzuala chuan Zehtet Local a lawi turin Salvation Army a\angin puitling mipa 1 Isua hmingin kohhran ah a lawm lut.
———-
———-
LAWNGTLAI WEST DISTRICT
District Hruaitute Programme:
District Superintendent, Rev.F.Lalbiakthuama chuan a lawina kohhranah hun a hmang ang.
District secretary, Rev.Lalsawmliana Sailo chuan Headquarters Local church ah Missionary support zawnna neiin hun a hmang ang.
District Treasurer, Pastor S.Vanlallunghnema chuan Chandmary Local church ah Financial Cumpaign neiin hun a hmang ang.
———-
IN TLAWHTAWNNA NEI
Lawngtlai West District Mission Department rorel bawhzuiin June ni 11 leh 12 hmang khan Diltlang South bial te chuan Lawngtlai south Bial an tlawh.
Lawngtlai south Bial te hian College veng local ah lo thlengin, he in tlawhtawnah hian District Superintendent Rev.F.Lalbiakthuama, District secretary Rev.Lalsawmliana sailo, District Treasurer Rev.S.Vanlallunghnema, District Mission Secretary Evan .George.Lalawmpuia ten an telpui a ni.
———-
PCES TAN SUM HLAN
Lawngtlai West District, Sabualtlang a Kohhran enkawl Peniel Comprehensive English School (PCES) Electrict wiring-na tur in Bro. Johan Sabualtlang VC Vice president chuan cheng Sangli (4000) a pe a, Principal Incharge Evan Lalhmangaihzama chuan lawmthu a sawi a ni.
———-
LAWMTHU SAWINA THUZIAK HLAN
June ni 14 Thawhleh ni kha World Blood Donor Day a nih angin, a lawmna hun leh Blood Donation Camp neih a ni a, he hunah hian Association for Voluntary Blood Donation, Lawngtlai District te chuan Lawngtlai District PYD te hnen ah Lawmthu Sawina thuziak an hlan an ni.
———-
———-
CHHIMTUIPUI DISTRICT
BIAL THAR SIAHA WEST BIAL TEN BIAL BOARD COMMITTEE NEI:
June ni 12 Pathianni khan Siaha West Bial te chuan Bialtu Pastor Quarters ah Bial Board Committee an nei a, Rorel tlangpui :
1. Bial Kohhranpui leh Bial Department hrang hrang Budget thlirhona neih a ni.
2. Pastor Quarters sakna tur District ah dilna siam nise. A bul tan nan Bial chhung Local hrang hrang ah Bial hruaitu ten Qtrs sakna tur zawng bawk se.
3. Sum awm sa atangin Inverter lei nise.
4. Pastor Quarters tui connection tur Bial hruaitu ten a hma lam in lo buaipui se.
5. Amobyu Vaihthie (Zero Point) Biak In sak hnatlang Ni 17.6.2022 (Friday) hian neih nise.
6. Rawngbawltu Seminar neih nise. Paper present turin District Superintendent leh District Secretary hman nise. A hun chu favang hun awl remchang ah Bial hruaitu ten lo ruat fel mai se.
7. Bial LAD leh Bial PYD OB tih len phalsak an ni.
8. 2023 Bial Conference chu Headquarters Local New Siaha hman nise. Department ten a hrang a hmang lovin Bial Conference ah bet vek se.
9. District Board in member target min pek chu kan tlin ngei theih nan Local tin ten a remchan dan ang angin member thar lak luh beihpui thlak nise.
———-
BIAL MISSIONS BOARD THUKHAWM:
Bial thar Siaha West Bial Missions Department chuan June ni 11 inrinni khan Bial board an nei a. Thurel tlangpui :
1. Bial Missions Department chuan 2022 chhung ngei hian Missions Campaign neih nise,hemi rual hian Missionary support zawn nghal nise,a hun leh tuldang chu Bial hruaitute kut ah dah ani.Tin, District chhunga Tirhkoh (Home Missionary) ten thlarau bo tam zawk an seng luh theih nan Local tinah an puala tawngtaina neih thin nise.
2. Bial Missions Department bultum in bial huap a Crusade neih nise,a hmun atan Amobyu Vaihthie(Zero Point) chu tha tih tlan a ruat nghal a ni.A hun leh tul chu Bial hruaitute kut a dah ani.
———-
BIAK IN ATAN LUAH LUT:
Sangau Bethel Local te chuan June ni 13 Thawhtanni khan an Biak In sak mek chhawnghnihna Sunday School hall tura ruahman chu Inkhawmna atan an luah lut a. He hun hi ruai nen hlim takin Kohhran ten an hmang a ni.
———-
LEADERSHIP TRAINING NEI:
June ni 12 Pathian ni chawhnu khan Tuipang bial LAD rorel bawhzuiin Tuipang ‘L’ Local LAD ten Leadership training an nei. Resources person atan Pastor Robert B Lalnunsiama T Bialtu pastor hman niin, Nu ho mawhphurhna kohhran ah tih hmangin zirtirna a neih ani.
———-
PASTOR QUARTER’S AH COMMITTEE ROOM LEH GUEST ROOM SIAM:
Bualpui ‘Ng’ bial Pastor Quarter’s hnuai chu sak mek niin,a chhung hi room thum a thenin, Committee room leh Guest room atan ruahman ani.
———-
GENERAL MISSIONS FIELD AH BIAK IN SAKNA TUR SUM PE:
District Missions Department leh District LAD tang kawp chuan Assam Mission Field Kachugoun hmun a Biak In sakna tur Rs.150000 (Nuaikhat singnga) chu General Missions hruaitute hnenah an pe. Kachugoun ah hian Pastor R.VL Dinthara te chhungkua in rawng an bawl mek a ni.
———-
TIRHKOH QUARTERS AH INVERTER, GAS LEH DINNIG TABLE DAH:
Chhimtuipui District LAD te chuan Tialdawnglung Kohhran tan Inverter lei sakin Home Missionary Evan.T.Lalhmingthanga hnen ah an hlan. A bial neitu Bualpui ‘Ng’ Bial Mission Department te pawn Tirhkoh Quarter’s a phah tur Carpet roll khat leisak in,Bial LAD te pawn Dinning Table, chair leh Gas te pawh an dah a ni.
———-
DISTRICT LAD OB MEETING NEIH A NI:
June ni 15 Nilaini khan District Superintendent Quarters ah District LAD OB meeting neih a ni a, An rorel te:
1. District LAD Conference hun tur hetiang hian ruahmanna siam a ni.
2024 – Tuipang Bial
2026 – Niawhtlang Bial
2028 – Siaha West Bial
2. 2022 General LAD Conference neih hun ah agenda neih ngei nise. Agenda tur pawh siam fel nghal a ni.
3. 2022 District LAD kumpuan Thianghlimna a taka a hlawhtlin ngei theih nan Anti Tabacco Squad te nen tang kawpin Bial tin ah Thianghlimna beihpui thlak nise.
Facebook