UPCNEINEWSSERVICE JAN 17-24.20201
———-
General Conference vawi 52na :
January ni 27 atanga ni 31 chhung hian UPC North East India General Conference vawi 52-na, Mualpui Salem veng Aizawlah neih a ni dawn.
General Conference vawi 52 na hun pangai hi April ni 16 – 19, 2020 khan niin, Lunglei a neih tur a ruahman a ni a, amaherawh chu Hripui leng vangin a hun leh a hmun sawn niin January 27 atanga ni 31 2021 chhung hian neih tura ruahman a ni ta a, tum dang anga Programme siam a rem loh avangin Rorel Inkhawm leh Ordination Service- te neih a ni ang.
Programme duan lawk :
January 28, 2021 Ninga nia rorel inkhawm neih dan tur :
General Sunday School : General Hqrs. Committee Room
General Missions : Mualpui UPC Biak In
General LAD : Aizawl East Dist. Hqrs. Biak In
General PYD : North Mizoram Dist. Hqrs. Biak In
January 29, 2021 Zirtawpniah General Kohhranpui rorel Inkhawm
– B.D zirna programme hawnna neih a ni ang.
– General hruaitu thlanna neih a ni ang.
January 30, 2021 Inrinniah Executive Board meeting
January 31, 2021 Pathianniah – Ordination Service, Mualpui Biak in
———-
General PYD luangchhuak :
January 21, 2021 Ninga ni khan UPC NEI General PYD chuan Missionary Support (PIM) General Missions Department hnenah an hlan.
General PYD hian General Missions Department hnuaiah Missionary 10 chawm mek in, an chawmna sum hi General PYD Treasurer Rev. Lalmalsawma chuan Gen. Missions Director Rev. R. Lalhawia hnenah a hlan a ni.
Tin, Calvary Bible College (CBC), Khum te athar a thlak vek turin General PYD hian hma ala mek a, Khum 46 siamna tur District hrang hrang atanga sum lo lut tawh Rs. 1,50,500 chu General Treasurer, Rev. Zohmingthanzama hnenah hlan nghal in, Media Cell 2020 Budget Rs 50,000 chu Media Treasurer hnen ah an hlan nghal bawk.
———-
Lunglei District :
January ni 19 atanga ni 22 chhung khan Lunglei District kohhranpui, CEC School, Offset press, Department leh Sub. Committee peng hrang hrangte sum kum tawp Audit District Office-ah neih a ni. Audit hi tluang taka neih a niin, Kohhranpui, CEC School leh Offset Press account-te Evan.F. Lalhmangaiha, Evan. Laldinpuia Sailo, Upa C. Lalhmangaiha ten an Audit a, Department leh Sub committee-te Rev. PC. Lalfakawma leh Pastor K.Vanlalhruaia ten an Audit bawk.
————
Biak in sak lungphum :
January ni 18 thawhtanni khan Pangzawl Khuanghlum Local-te chuan an biak in sak that tur lungphum an phum a, District Secretary Rev. PC. Lalfakawma chuan Biak in lung phum hi a phum a ni. (Pic.Biak in lungphum)
————–
Churachandpur District :
Churachandpur District Board chu January ni 13 leh 14 khan Budget Session leh thu pawimawh ngaihtuah in an thukhawm a, Kum 2021 budget atan Rs. 1,96,89,400/- an passed a ni.
An thurel pawimawh thenkhat te :-
(A) District chhunga Bial tin conference hun leh hmun bakah, a hmanpuitu tur te hetiang hian ruahman a ni:
1. Thangting Section chuan Jan. 29 – 31 , 2021 ah Songpi kholui ah Conference neiin Pastor B. Lalzamluaia, Dist. Treasurer in a hman pui ang.
2. Thanlon Section chuan Feb. 5 – 7, 2021 ah Leijangphai ah Conference neiin Rev. Lalzawm, Dist. Secretary in a hmanpui ang.
3. Tuibong Section chuan Feb. 5 -7, 2021 ah Mongnelphai ah Conference neiin Rev. Paosei, Dist. Suptd. chuan a hman pui ang.
4. Parbung Section chuan Feb. 11-14, 2021 ah Senvon ah Conference neiin Rev. Lalzawm, Dist. Secretary in a hmanpui ang.
5. Lentlang Section te pawhin Feb. 12-14, 2021 ah Hmarveng ah Conference nei ve leh in Pastor B. Lalzamluaia, Dist. Treasurer chuan a hmanpui ang.
6. Pangzawl Section ten Feb. 12-14, 2021 ah Thingkangphai ah Conference nei in Rev. Paosei, Dist. Suptd. Chuan a hmanpui ang.
(B) Churachandpur District Pastor lakthar Evan. Lalzason Samuel, S/o T. Kaplien, Tuibong Local chuan February ni 3 2021 ah Lentlang bial ah joining report pe in Lentlang Section Headquarters Biak in Hmarveng ah induction neih nghal a ni ang.
(C) Kum 2020 -21 chhunga Churachanpur District Sunday School Director atana ruat Evan. Lalzason Samuel chu Sectional Pastor a lak a nih avangin, a aiah Evan. Haumuan, Saipum Local chu ruat a ni.
———-
District hruaitute Prog :
Churachandpur Dist. Suptd. Rev. Paosei chu Henglep Local a Upa Henthang te chhungkua in Pathian hnena lawmthusawi, chawimawina a hun hman turin Jan. 18, 2021 khan a zin chhuak a, bialtu Pastor Chinminthang-a te nupa leh Evan. Dousuanthang-a ten an tawiawm a ni.
Jan. ni 20, Nilai zan khan Lentlang bial, Hmunṭha Local ah Dist. Suptd. Rev. Paosei, Bialtu Pastor incharge ni bawk chuan Mithar 2 Lalpa Isua hmingin Kohhranah a lawmlut.
———-
LAWNGTLAI WEST DISTRICT :
District Superintendent Rev. R. Ramthatzawla chuan January 17 2021 khan Bungtlang Bial chhunga Tuidangchhuah Biak in hawnna a nei a, Rev. F. Lalbiakthuama District Missions Director chuan a tawiawm a ni. District Superintendent leh District Missions Director te hian Lawngtlai North Bial khawmpui neih mekah telin rawngbawlna an nei bawk.
Rev. Lalsawmliana Sailo District Secy/ Treasurer chuan Jan. 17, Pathianni khan Ngengpuikai Kohhran ding thar te tlawhin Baptisma rawngbawlna a nei a, mi 11 in Lalpa Isua hmingin sual ngaihdamna Baptisma an chang bawk.
Ngengpuikai Kohhran hi Jan 19.2021 khan form thar niin, Rev. R. Ramthatzawla Dist Suptd Rev. Lalsawmliana Sailo Dist Secy & Trea leh Rev. F.Lalbiakthuama ten hun an hmang a ni.
———–
AIZAWL EAST DISTRICT :
District board :
Ni hnih awh Aizawl East District hnuaia rorelna sang, District Board Budget Session chu tluang takin January 20, Nilaini khan zawh a ni.
District Board hi January 19, Thawhlehni khan District Committee room-ah neih tan niin Rev Biaksangzuala, District Superintendent chuan a kaihruai a ni. He hunah hian
Bial atang leh Official atanga agenda lutte an ngaihtuah bakah Kum 2021 chhunga District Kohhranpui
Budget bakah Department hrang hrang Budget Estimate te thlir hona neiin pass a ni. Aizawl East
District Board hi Rev Lalmalsawma Sailo, General Superintendent chuan telpuiin Bial atangin palai an
telkim thawkhat a ni.
———-
Silver Jubilee :
January.15, Zirtawpni khan Upper Republic Bial te chuan an Bial Kum 25-na, Silver Jubilee hlim takin an lawm.
Jubilee lawmna dar vuakna, Biakin chung zawlah Evan K.Lalmuansanga, Bial Secretary
kaihhrauiin neih hmasak a ni a, Evan K.Lalmuansanga chuan he Jubilee lo thleng hian Bial chhungah
inhmangaihna thar lo thlen sela, hun kal tawhte chu theihnghilhin Kohhranin a phuar lai mekte pawh
phelh nghal an ni thu a sawi a, Jubilee chu hlim taka hmang turin leh hripui leng avanga duhthusam hman a nih theih loh thu a sawi bawk.
Jubilee lawmna inkhawm Rev C.Lalengliana, Bialtu Pastor kaihhruaiin Biakinah neih chhunzawm a ni a, Rev Lalrema’n tawngtaina a hmang a ni. He hunah hian Tualchhung Kohhran hrang hrang aiawh ten thusawiin Rev Biaksangzuala, District Superintendent chuan Souvenir tlangzarhna leh thutawi sawina a hmang bawk. Rev Biaksangzuala chuan kan thil tih ropui leh kan lo tihve thinte sawi lovin Pathian thil tih ropuite sawi zawk turin leh Isua Krista thu sawi nawn a, Lalpa tana rinawm taka awm zel turin kalkhawmte a chah a ni. Bial Secretary Evan K.Lalmuansanga chuan report tawi pe bawkin Bial hruaitu
lo ni tawhte hnenah thilpek hlan an ni bawk. Rev.Rotluanga, Bialtu Pastor hmasaber hnen atangin
thuchah ngaihthlak a ni.
Upper Republic bial hi Kum 1996 khan Bial thar atan hawn niin Kohran pali- Republic Kohhran, Salem Kohhran, College Veng leh ITI Kohhrante an awm a ni. Bial siamthar a nih hnuah Pathian malsawmna dawngin Kum 2003 khan Mualpuiah Kohhran thar alo piang a, tichuan Kohhran panga an lo ni ta a ni. Kum 2013 khan Republic Vengthlang Kohhran lo piang lehin Kohhran paruk zet an lo ni ta a ni. Kum 2015 khan Dist.Conf.chuan Mualpui bial chu siamtharin tunah hian Upper Republic, College Veng leh Republic Vengthlang te Upper Republic bialah hian an awm mek a ni.
Bialtu Pastor lo ni tawhte lo tarlang ila:
1. Rev Rotluanga
2. Rev Rohmingliana
3. Rev HL Thakunga
4. Rev Lalrema
5. Rev H Vanlalchhana
6. Rev Rosanga Kawlni te niin tunah hian Rev C.Lalengliana chuan he Bial hi a vawng mek a ni.
Ropui takin, kokim zawka hman duh mahse hrileng avangin duhthusamin an hmang thei lova, sawmbik
mi tlemte ten Jubillee hi an lawm a ni.
———-
District Missions :
January 18, Thawhtanni khan Director room-ah District Missions Executive meeting neih a ni. Rev R.Lianzama, Director chuan kaihruaiin thu pawimawh tak tak ngaihtuah a ni a, an thu passed langsar
zualte:
1. District Missions Evangelist diltu engemaw zat zingah heng mite hi lak an ni a, an awmna hmun tur tihfel nghal a ni.
1. Sis Lalthanpari B/W Champhai Zote
2. Bro F Vanlalruata Champhai Dinthar
3. Bro Ramhuapliana Dulte
4. Bro Joseph VL Hmangaihzuala Muthi
5. Evan Vanlalrosiama Lungchhuan
6. Evan Lalremhlua Hnamte Sialhawk
7. Evan Tc Kapzathanga Hliappui Chhim Veng
8. Evan H Lalrinfela Leithum
9. Sis Sangkhumi B/W Daido
Heng Missions Evangelist te tirhchhuahna leh briefing neih hun atan February 2, Thawhlehni Chawhma Dar 11 ruat niin a hmunah District Committee room ni se tih a ni a, Programme pawh duan fel nghal a ni.
2. District Missions Board neih hun atan June 18, 2021 Zirtawpni ruat a ni.
3. Tukrajatesuar Biakin District Missions in a sak chu la zawh loh deuh a nih avangin Rs 40,000/- pek leh ni se tih a ni.
District Missions Executive meeting hi Rev Biaksangzuala, District Superintendent chuan a telpui a ni.
———-
Bial PYD Inkhawmpui :
January 29 atanga 31 chhung hian Aizawl East District chhunga Bial hrang hrangte chuan Bial PYD Inkhawmpui an hmang dawn. Hri leng avangin kum danga hman thin angin Revival Inkhawma hman
theih a nih dawn loh avangin Bial tam zawk chuan rorel inkhawm chauhin an hmang hlawm dawn a,
January 31, Pathianni-a hmang tur an awm laiin January 30, Inrinni-a rorel inkhawm nei tur an awm
bawk a ni.
Kum dangah chuan Bial PYD Inkhawmpui hi Revival Inkhawma hman thin niin kuminah erawh hrileng a
reh loh avangin Bial te hian Revival Inkhawm nei lovin rorel inkhawm chauh an hmang hlawm dawn a ni.
District PYD Conference, February 19 atanga 21 chhunga Sakawrdai Bial-a neih tura ruahman pawh hrileng ala reh mai loh avangin Kum 2020 District PYD kumtawp board khan Revival Inkhawma hmang lovin rorel inkhawm chauh neih ni mai se alo ti tawh bawk a ni. District PYD Conference rorel hi Bazar Bial-ah February 19, Zirtawpni hian neih tur a ni.
———-
Baptisma rawngbawlna :
January 17, Pathianni khan Peniel Local, Bawngkawn South-ah Baptisma rawngbawlna leh member ni sa, Kohhrana lawi thar tur lawmluhna neih a ni.
Baptisma rawngbawlna hi Bialtu Pastor, Rev.C.Mawizuala chuan S.S Hall-ah neiin Peniel Local-a lawi
mi 11 ten Bialtu Pastor kutah hian sual ngaihdamna baptisma an chang a ni. Baptisma channa neih hma
hian Counselling neih hmasak phawt a ni.
Member lawmluhna hi Biakinah neih chhunzawm nghal niin Bialtu Pastor, Rev.C. Mawizuala chuan a kaihruai a, lawmluhna a nei nghal a ni. Thusawi tawi Rev.VL.Hnemtluanga, District Treasurer chuan a nei bawk. Lawmluhte hi chhungkaw 2, member 8 an ni. He hunah hian Church Board member bakah Department hruaitute an tel a ni.
———-
District PYD OB meeting :
January 19, Thawhleh zan khan Evan R.Vanchhunga te In-ah District PYD OB meeting Rev. C.Lalmalsawma Sailo, President kaihhruaiin neih a ni a, an rorel tlangpui te:
1. Zokhawthar Building sak chhunzawm chungchang ngaihtuah niin January 21, Ningani hian
Zokhawthar kal ni se tih a ni. Rorel ang hian District PYD Hruaitute hi Zokhawtharah hian kalin January
23, Inrinni khan dam takin Aizawl an rawn thleng leh a ni.
2. Suangpuilawn bial, Zohmun Bial, Ngopa bial leh Hnahlan Bial bakah Khawhai bial-ah fehchhuah ni se
tih a ni a, kum chanve hmain heng bial te hi tlawh tha tih a ni. Heng bakah hian khawpui chhung Bial
PYD Inkhawmpui rorel pawh a remchan angin OB ten hmanpui ni se tih a ni bawk.
———–
Thilpek pe :
Aizawl East District PYD te chuan Calvary Bible College CBC, Principal office dawhkan tur an leisak a. Thilpek petu Aizawl East District PYD te chungah CBC Principal leh Staff te’n Lal Isua hmingin lawmthu an sawi mawlh mawlh a ni.
———-
District Building Comtt :
January 14, Ningani khan Aizawl East District Building Committee chu District Committee-ah tluang taka neih a ni.
He hun hi Rev Biaksangzuala, Chairman District Building Committee chuan kaihruaiin
Kum 2021-a Building sak mek chhunzawm zel dan turte bakah hmalak chhoh zel dan tur te an
ngaihtuah a ni. Building Committee-ah hian District Board chuan Aizawl khawpui chhunga Bialtu Pastor
te bakah Bro Hmingthantluanga, Zemabawk te Committee member-ah alo ruat tawh a ni.
————-
NORTH MIZORAM DISTRICT :
North Mizoram District Board chuan Jan ni 15 Zirtawpni khan kum 2021 chhunga sum thawhchhuahlehhman dan tur ruahmanna Budget Estimate an siam.
District Board hi Rev. Laltluanga Dist. Supdt. in kaihruaiin,
———
Graduation Day :
Jan ni 16 chawhmadar 10:30AM khan, North Mizoram District hnuaia Bible zirna Pentecostal School of Ministry kum 2020 session Graduation Day chutluang taka hman a ni.
UPC-NEI Theological College Shillong CBC hnuaia affiliation ti, North East India District hranghrangahPathianthuzirna hi kumtin June thlaaneih thin a ni a, North Mizoram District hnuaia Bible zirna PSM zirnachuanhrilengavangaharsatn
PSM Graduation Day Service hi District Headquarters Biak in, Tuikhuahtlangahneihniin; District Treasurer Rev. K. Lalduhsanga’ninkhawm a kaihruai a, Programmehlantawngtaina PSM zirtirtu Rev. C. Lalrammuana’nneiin;, Dist Secretary Rev. Chhiarpuia’n Result puanna a neibawk a ni.
Kum 2020 PSM zirlaiah Graduate 17 awmin; A Plus -ah mi 12 passed in A Minus-ah zirlai 5 an passed bawk. Zirlai Graduate te hi PSM principal leh Dist. Supdt. Ni bawk Rev. Laltluanga’n Degree hlanin a nemnghet a,
Gen. Supdt. Rev. Lalmalsawma Sailo chuan Zirlaite lawman semin thuchah sawiin Pu Sawmtea chuan ‘Khawvel hi Sodom leh Gomorra sualna Pathian thinurna a tawngbua ang khan hurherhna leh awm thatduh lohna in khawvel min suam mek a, Ringtute hi Khawvel awm dan mil zeal awm tur kan ni l ova, tunlai thangthar bengtla lo te lakah kan filhlim zel a tul a ni tiin ’ PSM Graduatte chu Pathian thu an zirchhan ang taka Pathian thusawi theih hun remchang zawng hram hram zel turin a fuih bawk. Hei bakah hian Thusawi, Zirtirtu aiawhin Rev. C. Lalthantluanga Dist. Missions Director leh Zirlaite aiawhin Evan. Malsawmkima ten an sawibawk. Graduation Day Programme hman chhung hian Sist. Lalfakzuali, Tlangnuam Local chuan fakhla tha leh mawi tak tak hmangin kal khawmte a awireng bawk a ni.
Kum 2020 Graduation Day Proramme hman chu Rev. C. Lalmuanpuia’ntawngtainain a tin a ni. (PSM Graduation Day)
UPC-NEi, North Mizoram District Department enkawl Home Mission Field pahnihKolalian Missions Field leh Tumpanglui Missions Field-ah Jan ni 18 thawhtan zan khan Missionary Induction service neih a ni.
——–
Field thuthar :
Tumpanglui Missions Field-ah hian Sist. H. Khawlliani Bible Women awmin Ani hi District Missions Treasurer Evan. MS Dawngliana’n Induction a nei a, Dist. Missions treasurer hian Missionary awm thar leh Kohhran hote fuihna thu sawiin; Missionary rawngbawlna chu hmangaihna arawng bawl niin; Lal Isua min tlanna thisen chuan Kohhran tam tak a pian chhuah pui angin; kohhran tha tak nei a thlarau boseng khawm hnathawk zel tur chuan ral raiha inpekna a ngai a ni. Tiin fuihna thuchah a sawi. Tumpanglui Missionary lawmluh inkhawm hi Field Quarters-ah neiin; Aizawl atangin Sist. Lalhlimpuii Hmar leh Sist. Lalramchuani ten an tawiawm bawk.
District missions department in ruahmanna a siam angin , Jan ni18 Thawhtan zan vek khan Pastor C.Lalthlengliana Rengdil bialtu Pastor chuan Kolalian Home missions field missionary thar tur Evan Hrangchhankhuma Induction service Lalpa Isua hming in a neih sak, bial chhung atangin Upa Rohnuna Bial missions director, T.Upa R.Lalropuia Rengdil local missions director, T. Upa K.Lalthanzauva bial missions Asstt. secretary leh T.UpaLalrema Hriphaw local Missions director ten Bialtu Pastor C.Lalthhlengliana hi an tawiawm a, Kolalian Home missions field kohhran member engemawzat an inkhawmbawk, Kolalian Home missions field ah hian member -60 an awm mek a ni.
———
North Mizoram District Missions Department chuan kum danga a lo tih thin angin; Kum 2021 chhung atana Kohhran member te zinga Missionary chawm duh te leh Support pe duhte zawngin Campaign thawh khatna January ni 24 Pathianni khan fehchhuah thawh khatna an nei a, heng Thingtlang lam bial 15 – Rengdil, Zawlnuam, Kolasib Venglai, Kolasib Diakkawn, Thenzawl, Lengpui, Tlangsang, Mamit, Aibawk, Sumsuih Bairabi, Kawnpui, Sialsuk, Bilkhawthlir leh Reiek Bialte an tuam a ni.
——-
Rawngbawlna report :
Maubawk bial, Bial Mission dept hmalakna a kum 2018-2020 chhung kohhran la din lohna Lengpui bial , Dapchhuah tirhkoh dah arawng an lo bawlna chu Kum 2021 atanga chawlhsan a nih tawh dawn avangin kum kalta Dec ni 19 2020 khan inthlahna hun Dapchhuah biak inah an nei.
Dapchhuaha Rawngbawltu thlahna hun hmang hian Maubawk bial atangin mi 8 bialtu pastor hovin ankal a, Bialneitu Lengpui bial lam atangin bialtu pastor Rev. Lalchuailova hovin mi engemawzat Dapchhuah ah hian an lo pung khawm bawk.
Inthlahna inkhawm hi Upa Vanlalenga Maubawk bial Missions director chuana kaihruai a. Maubawk bialtu Pastor Rev.R.Lalhmangaiha’n thuchah sawiin, Maubawk bial ten Dapchhuah kohhran ding thar tan thilpeng hrang hrang- Wallclock, plastic chawhtawlh, Dar, Citation leh Sumfai Rs.13,000. an hlan a ni.
Dapchhuah kohhran ding thar tan hian Dec ni 29 2020 khan Maubawk local PMF te chuan Khuangpui an present bakah PMF Secretary Bro Muankimate chhungin carpet leinan ₹ 5000 sumfai kohhranho te an hlan bawk.
Maubawk Bial Missions Dept. hmalaknaa Dapchhuah arawngbawlna neih hian rah duhawm tak neiin; tunah hian kohhran members 51 awm mekin, a Bialneitu Lengpui bial ten preaching point-ah puangin an enkaw mek a ni.
——
Tlangsang Bial chhunga kohhran din tura hmalak mekna hmun, Vitor Kalagang-ah Bru Revival Team Evan. Lalthianghlima leh a rawng bawlpuite’n Crusade an nei mek.
Crusade hi karkalta Jan ni 12 zan atanga tan nin kohhran hote’n an hluthle a, Crusade puala sum senso phuhruk nan heng mite hian thawh lawm an pe Dist. Missions Director Rev C. LalthantluangaRs.500/-, Dist. PYD President Evan. Jeno VanlalruataRs.1000/- leh Tlangnuam Bialtu Pastor Lalruatkima Fanai in Rs.500/- .
Vitor kalagang kohhrante hi Pathianin a awmpuihle a, Kum thar ni 1 atang khan chatlak awm ovin inkhawm an la nei thei rengbawk a ni.
——
Tlangsang Bial Kohhranpui buatsaihin Jan ni 19 Thawhtan tlai atang khan Tlangsang Community complex-ah chhandamna camping neih a ni a, Campers 30 awmin, Speaker ah bialtu Pastor K. Ainawna hman a ni, Camp neih chhung hian Councellor atan bial chhung missionary Bro C. Lalbiakzuala, Bro Lalthapuia, Sis Vanlalpekileh Sis F. Lalsiamlianite hman an ni bawk. Chhandamna Camping neih hian Jan ni 23 Inrinni thleng awhin tukthuan eikhamah an chhuak ang. Inrinni zan atanga a tuk Pathianni zan thleng Tlangsang biak in ah follow up programme hman zui ani bawk dawn a ni.
——
January ni 19 thawhleh zan khan Rasdali Home Missions Field ah BBC aṭangin chhungkaw khat member 7 awmna chu Rajtali Missionary Evan. E. Lalrawngbawlzela chuan an chenna in ah Pentecost member ni turin NEI-UPC ah a lawmlut. Rajtali Missions Field-ah Kummin January thla chhungin member thar 55 lawmluhna a ni.
——
Jan ni17Pathianni Zan khan Kolalian Missions Field-ah Pathian thuthlung ropui tak hmu in NEI-UPC kohhrana lawi turin mithar chhung khat neih a ni. Heng ring thar te hi Hindu sakhua atanga lo lut an ni.
Damdiai Missions Field-ah Jan ni17Pathianni zan khan Missionary Evan. Lalrampana chuan mithar 3 a lawmlut. Heng mithar 3 chhiartel hian kum 2021 kum bul hman chhungin mi thar 48 ten NEI-UPC kohhran an zawm
Damdiai Home Missions field member te hian kum bul atanga tan lain target hrang hrang tuak na tura suam tuakin Mau chih hnatlangte an neih bakah Blanket te an zuar bawk.
Jan ni 17 Pathianni khan Damparengpui Bial Tuipuibari Hmar vengah Persang Mission field Missionary Evan Isaak Lalrohlua chuan Mithar chhungkaw khat NEI-UPC Kohhrana lawi turin chhungkaw khat a lawmlut.
January ni17 Pathianni ah vek khan Evan. R. Lalrinchhana rawngbawlna kal tlangin chhungkaw khat member 4 chu UPC-NEI kohhrana lawi turin rawngbawla awm mek Evan. R. Lalrinchhana chuan a lawmlut.
Mithar Lawmluhna Program hi Biak in ah hman niin, UpaT. Chalthanga, Church Board Chairman chuan thusawiin ṭawngṭaina in hun a khar a ni.
—–
Jan Ni 17 Pathianni zan khan Koalsib Venglai Bial Pangbal kawnah Evan. T. Vanlalruata rawngbawlna kal zelah Bialtu Pastor, Kol Venglai Bialtu pastor Rev. B. Vanlalruata chuan member thar 6 a UPC-NEI kohhranah a lawmlut
Pathiannikal ta Jan ni 18 khan Zawlnuam Bial,Zawlpui kohhran ah mi thar 1 neiin; NEI-UPC Kohhranah Zawlpuia rawngbawla awm Evan. Lalrinzuala chuan Lal Isua hmingin a lawmlut.
Chaltlang Bial, Ramhlun Kohhran alawi Upa J. Lalthuama te chhung chuan Jan. ni 18 thawhtan zan khan Tlangbial chhunga kohhran din mekna hmun Sailut I biak in hmun atan Rs.15000/- leh Lungthir Crusade puala tan Rs.1500/- avaiin Rs.16500/- a pe. Biak in hmunleinatura a hmahruaitu Upa J. Lalthuama Ramhlunte chungah Kohhran hote an lawmhle.
———-
Chhimtuipui District :
PCD te luangchhuak :
Dt.17.01.2020 khan Niawhtlang Bial P.C.D techuan rorel bawhzuiin, Bial PCD OB te chuan Chhuarlung Damdawiinah Bench anhlan a ani.
Audit :
Jan ni 20 atanga ni 22 chhung hian ni thum awh tur District Annual audit chu District Committee Room ah neih tan a ni ang.
Auditors Rev.Lalhnehchunga, Upa John VT Hniehu, leh Upa PS Lalthanhlira ten District Kohhranpui leh Department hrang hrang account an audit dawn a ni.
Inbuatsaih :
Ni 5-7.2.2021 hmang hian District chhung Bial hrang hrang ah Bial khawmpui neih a ni dawn a. Khawmpui hmang tur hian Bial hrang hrang hruaitute leh Kohhran te an inbuatsaih mek a ni.
Member thar :
2020 Christmas leh 2021 kum thar vuakvet ah khan Niawhtlang Bial chhung Ainak/Iana local techuan malsawm na nasa tak dawngin, Pathian chawimawina leh lawmthu sawina vawi-5 chuang neiin. Hunpui chhung hian Evan L Ralsanga chuan Isua hmingin Sual ngaihdamna Tui Baptisma mi 24 a chan tir, mi-8 ten Thlarauthianghlim an dawng thar bawk ani.
Chhimtuipui District hian hunpui chhungin malsawmna tam tak dawngin, local ṭhen khat ah chuan hunpui lawmna hi an la hmang chhun zawm ani.
Lawmthusawi chawimawina :
Hunpui programme kal zelah Siata I local church leh Bethlehem local Siata ah malsawmna athleng nasa hle a. Dt.16.01.2021 Khan Lalchawimawia Siata local ten ten Pathian chawimawina ruai nen neiin, Dt.17.01.2021 khan avawi-6 na atan P hrebi VCP Siata ten Siata I ah Pathian chawimawina annei veleh a, Dt.23.01.2021 khian avawi-7 na atan P Chhung (Rintluanga Pa) Siata Bethlehem te chhungkua chuan avawi-7 na atan Pathian chawimawina annei veleh ang. Ruai atan hian Sial hman ani ang.
Siata I leh Bethlehem local tehian Pathian chawimawi inkhawm hi a hovin an hmang ṭhin ani.
Facebook