———-
Kohhran sum Audit:
February ni 9 atanga ni 12 chhung khan General Hqrs. Office, Mualpui Salem veng, Aizawl ah Kohhran sum Audit a ni.
General Hqrs. Account hrang hrang bakah General Administration hnuaia Department, Field leh Committee peng hrang hrang te sum Audit a ni a, Auditors te hi Rev. C. Lalrammuana, Rev. Biaksangzuala, Rev. C. lalrintluanga leh Rev. Joseph L. Thlauhthang te an ni.
———-
Sub Comtt charge in hlan :
February ni 9 Thawhlehni tlai khan General PYD hnuaia Sub Committee hrang hrangte charge inhlanna Aizawl East District Committee Room, Ramhlun South Aizawl ah neih a ni.
Charge inhlanna hi General PYD OB te kaihhruaina hnuaiah neih niin, Kum 2021 atanga 2022 chhung a UPC North East India, General PYD, Sub Committee hruaitu a tan a ruat tharte chu:
1) Kumpuan Committee
Chairman : Evan. Jeno Vanlalruata, North Mizoram District
Secretary : Bro. Lawmsangkima, Aizawl East District
Treasurer : Evan. C. Lalruatsanga, North Mizoram District
Ex – Officio : General PYD OB
2) Education Committee
Chairman : Evan. Laldinpuia Sailo, Lunglei District
Secretary : Rbt. R. Lalsanglura, Lunglei District
Treasurer : Evan Lalringzuala Pachuau, Lunglei District
Ex – Officio : General PYD OB
3) Music & Choir Committee
Chairman : General PYD President, Rev. H. Lalropuia
V Chairman : Upa F. Lalthlangliana, Aizawl East District
Secretary/Conductor : Bro. Hmangaihnalaltlingzova, North Mizoram District
Asst Conductor/Treasurer : Bro. Lalrammmawia.Aizawl East District
Ex – Officio : General PYD OB
4) English Service Committee
Chairman : General PYD Secretary, Evan. JH. Malsawmdawngliana
Secretary : Bro. Dr. R. Vanlalpeka, Aizawl East District
Treasurer : Sis. Betty H. Lawmsangpuii, Aizawl East District
Ex – Officio : General PYD OB
5) Thlamuantu (The Comforter)Committee
Chairman : General PYD Treasurer, Rev. C. Lalmalsawma
Secretary/Editor : Bro. K. Lalbiaknunga, Aizawl East District
Jt. Editor : Bro. Lalrammawia, Aizawl East District
Cir. Manager : Sis. Lalramhermawii, Aizawl East District
Ex – Officio : General PYD OB
6) Overseas Ministry W orking Committee
General PYD hruaituten an kengtlang ang.
Adviser/Ex- Officio : General Officials, UPC NEI Unit.
7) Environment Protection Committee
Chairman : General PYD Secretary, Evan. JH. Malsawmdawngliana
Secretary : Evan. K. Rotluanga, North Mizoram District
Treasurer : Evan. K. Lalmuansanga, Aizawl East District
Ex – Officio : General PYD OB te an ni.
———-
February ni 17 Nilaini hian UPC- North East India Administration hnuaia Department hrang hrang te Charge inhlanna hun General Hqrs. Office, Mualpui Salem veng, Aizawl ah neih a ni ang.
———-
February 18, Ningani hi UPC- North East India Kohhran Missionary hmasa ber Rev. Ellis Luther Scism a’n Mizoram a lo luh ni a ni a, he ni Executive Board rorel no. 1, date 9 – 12, 1999 chuan kohhran din niah pawmin office chawlhah a puang a; UPC General headquarters office, District office, kohhran zirna in, Book store, Bible Collge leh kohhran hmun pawimawh dangte khar vek a ni ang.
Rev. Ellis Luther Scism-hian Pathian hnen atangin, India rama Missionary tura kohna dawng in kum 1948 khan India ram a rawn lut a, Adoor, Kerela-ah Bible School- dinin bul a tan a. Mizorama mi hlim hote nena rawngbawlmek R.A Dover-i-te nen , inbe chhovin Dt.18.2.1950 (Inrinni)-ah khan Mizoram a rawn thleng a, hmun hrang hranga thlarau thianghlim hnathawh avanga tihduhdah leh nekchepna tuar te awm khawm nan UPC kohhran hi din a ni ta a ni.
He kohhrana Baptisma chang hmasa ber leh Pastor atana lak hmasa ber chu Pu Zakamlova a ni.
Kohhran din tirha member record hmasa ber kum 1950 ah member 3,000 niin tun dinhmunah, North East India huamchhungah hian member Nuai khat chuang an awm tawh a ni. Kum 2020 General Conference Report bua a lan danin N.E India UPC huamchhungah hian District 12 ah Kohhran member 1,10,165 an awm mek a. Tualchhung Kohhran 879 leh Preaching Point 151 a awm mek bawk.
North East India UPC hian India hmarchhak State hrang hrang bakah Odisha, Delhi, Kolkata, Andaman & Nicobar Island , Bhutan leh Bangladesh ramah Missionary tirin rawngbawlna hna a thawk mek a ni.
———-
NORTH MIZORAM DISTRICT:
North Mizoram District Pastor Bial 30 te chuan Feb ni 13-14 Inrinni leh Pathianni hmang hian Bial Conference an hmang.
Bial Conference hi District Hruaitu te chuan hetiang hian an hmanpui :-
1) District Supdt. Rev. Laltluanga’n Bukpui Bial
2) Dist. Secretary Rev. Chhiarpuia’n West Phaileng Bial
3) Dist. Treasurer Rev. K. Lalduhsanga’n Phainuam Bial a hmanpui anga
4) Dist Missions Director Rev. C. Lalthantluanga’n Damparengpui Bial a hmanpui dawn a ni.
———-
North Mizoram District Missions Director Rev. C. Lalthantluanga chuan Feb ni 10 Nilaini atanga ni 16 thawhlehni thleng North Mizoram District Missions Field fan programme siamin a zin chhuak.
District Missions Director hian Persang-ah Damparengpui Bial Confe a hman puiin, Bajerung Missions Field, Zomuantlang bakah Field remchang te a tlawh bawk ang.
———-
North Mizoram District hruaitu committee Feb ni 8 thawhtannia neih chuan kumin 2021 District Conference March ni 5 atanga ni 7 chhung Headquarters Kohhran Biak in, Tuikhuahtlanga neih tur thlirlawkin, Confe hman dan tur hetiang hian ruahmanna an siam:-
5th March-ah Confe hawnna neiin; District LAD ten rorel inkhawm an nei ang.
6th March -ah Kohhranpui rorel inkhawm neih a ni ang.
7th March-ah chawma inkhawm leh chawhnu inkhawm neih tur a ni ang.
District Confe rorel palai turin hetiang hian ruahmanna siam a ni bawk:-
1) Bial tin atangin Bial Kohhranpui hruaitu 3, License Holder 1 leh Kohhran Upa 1 an ni anga, Confe Palai turte hi Bial tinin Bial Board an neih huna ngaihtuah atan an ti.
2) District Confe. Agenda tur leh District Board Agenda tur te February 2021 thla ral hmain District Office-ah thehluh vek tur a ni b awk.
———-
North Mizoram District LAD te chuan Feb ni 9 thawhlehni chawhnu dar 2 khan North Mizoram District Office-ah Dist.LAD Executive meeting neiin; Dist. LAD President Sist. K. Lalhmachhuani’n a kaihruai a, Dist. Puipa pathum ten an ho bawk.
Meetin-ah hian Dist. LAD Conference nei dan tur chungchang sawiin District Kohhranpuiin March 5-7 a Confe a neih turah beh a, March ni 5 Zirtawp nilenga Confe rorel nei turin ruahmanna an siam.
———-
Chaltlang Bial, Bawngkawn kohhran te chuan District Home Missions Field, Zomuantlang ah SS Hall sa turin Feb 8 thawhtanni khan Zomuantlang Missions Field panin Aizawl an chhuahsan a, member 20 bawr an fehchhuak.
Bawngkawn Kohhrante’n Tlangsang Bial Zomuantlang Missions Field-a Sunday School Hall an sak tur hi, an Kohhran upa R. Lalhmangaihzuala ropuina rama kal ta hriatrengna puala sak an tum a ni a,Feb ni 8 thawhtanni zing khan Bawngkawn Biak in kawtah Chaltlang Bialtu Pastor Rev. C. Lalramthanga’n fehchhuak turte tawngtaiin thlahna a nei a ni.
Zomualtlang Missions Field kal nan hian upa Lalbuatsaiha chuan Bolero leh pickup thawhin, T. upa Lalrimawia leh Sist Thari ten Car an thawh bawk.
Workcamp-a fehchhuak te hian Zomuantlang Missions Field an thlen ni Feb ni 8 thawhlehni zan atangin Sunday School Hall sak hna an tan nghal a, zanah zanlai dar 12:00 te thlengin zingah dar 6-ah hna bul tan leh thinin; an thawhrimna azarah Feb ni 10 Nilaini thlenga chanchin PenNet in a dawn danin Hall tur chung hi an chih zo hman a ni.
Zomuantlang Missions Field SS Hall hi a dung ft 24-a sei niin; a vang ft 12 a ni a, Sundsay School hall tur bakah eirawng bawlna tur; ft 6 leh Varanda ft 4 sak belh a ni bawk.
Bawngkawng Local Missions Dept Workcamp-a fehchhuak te hian Feb ni 11 Ningani khan Zomuantlang hi an chhuahsan a ni.
———-
North Mizoram District Missions Department enkawl, Mamit Bial chhunga, Vawngawnzo Missions Field Biak in sak mek chu sak zawh thuai beisei a ni.
Vawngawnzo Missions Field Biak in sak mek chu July ni 28, kum 2019 khan mamit Bialtu Pastor Vanlalruata’n Biak in sak lungphum phumin, hemi hnu Aug ni 3-ah Kohhranhote’n ni 3 chhung ban khur laiin khur 10 an lai zova, Aug ni 12-ah Workcamp-a sak turin Chaltlang Bial Chanmari PYD te member 22 te chu Evan. C. Hmingchungnunga hova thawkin anni hian Biak in ban 10 an phun bakah ban 4 an chhung peih hman a, tie beam zawng zawng nen work camp-a hna an thawh chhung kum 2019 Aug ni 12-18 chhung khan an zo vek a ni.
Vawngawnzo Biak in sak hna hi kum 2020 chhung khan hrileng avangin hun rei tak chhung chhunawm hlei theih a nil ova, Dec ni 17 Ningani khan Evan. C. Hmingchungnunga chu chhuk thlain ani ho hian kohhranten hnatlanga sain Dec ni 23 thleng an sak chhunzawm leh a, Kumin 2021 Jan ni 4 atanga tun thleng hian Mamit Bial chhung kohhran hrang hrangte puihnain tun thleng hian sak mek zel a ni a, kohhran hoten an luah thei trep a ni.
———-
Feb ni 07 Pathianni khan North Mizoram District, Missions Dept. Secretary Evan JH Malsawmdawngliana chuan District Missions Field Rashdali (Zodin) leh S. Chhimluang ah Missionary thar District Missions in a dah te Induction a nei.
Feb ni 7 Pathianni Zing lamah Rashdali Missions Field-ah Inkhawm services neiin; Missionary thar Evan Emmanuel Lalrawngbawlzela chu lawmluh a ni. Missionary Evan. Emmanuel Lalrawngbawlzelate hi chhungkua hi member 5 an ni.
Rasdali hi Kawnpui Bialah awmin Kohhran member 180 vel an awm mek a ni, Missionary Induction program kal zelah hian Rashdali-ah hian mithar pahnihin Lalpa Isua hmingin Baptisma District Missions Secrey kutah an chang bawk a ni.
Rastali-ah Induction service zawh a nih hnuin S Chhimluang Missionary tura Sist Lalhriatkimi lakluhna District Missions Secretary hian a nei leh nghal a, S Chhimluang hi Kolasib Venglai Bialah awmin member 100 bawr vel an awm mek bawk a ni.
District Missions Secretary program hi Kawnpui Bialtu Pastor Rev PC Laltlankima’n a tawiawm a, Ani uapna hnuaiah Induction hi hman a ni. Dist. Missions Secretary hi Dist. Missions Driver T Upa H Thantluanga nupui Sister Lalhlimpuii(Mahlimi) Aizawl atangin a tawiawm bawk.
Sist Mahlimi te nupa hian Rasdali Biak In Pulpit hnung Parda zar tur an tum sak dawn a, kan lawm hle a ni. Anni nupa hian Rashdali Sunday School hmun tur an lo leisak tawh bawk a ni. (Induction nei)
———-
Rengdil Bialtu Pastor C. Lalthlengliana chuan Jan ni 28-29 hmanga a bial chhung K. Sarali local ah mi thar chhungkaw – 1 member 5 awmna Pentecost kohhranah a lawmlut.
Pastor hian nauhlan rawngbawlna nei nghalin Nau -6 Lal Isua hnenah hlain, Patling -1 in sual ngaihdamna baptisma Lalpa Isua hmingin a chang nghal a ni. bialtu Pastorhi rawngbawltu pawimawh tak tak ten an tawiawm bawk a ni. (K. Sarali mithar)
Februaty ni 9 khan Rengdil Bialtu Pastor C. Lalthlengliana vek hian Hriphaw kohhran tlawhin UPC NEI-a lawi turin mithar – 1 a lawmlut bawk. Mithar hian Sual ngaihdamna baptisma Lalpa Isua hmingin a chang nghal a , Nau -1 hlanin rawngbawlna a nei bawk.
———-
LUNGLEI DISTRICT
February ni 5-7 chhung khan Lunglei District chhunga bial panga, Luangmual, Bunghmun, Cherhlun, S. Vanlaiphai leh Lungsen bialte chuan Bial Conference an hmang.
i) Luangmual bial Conference vawi 22-na chu Lunglawn Zaia veng ah neih a ni a, bial kohhranpui chuan Financial Campaign neihte, Pastor Quarters Fencing siamte, Upa leh rawngbawltu Seminar neihte an rel a, nakum 2022 bial inkhawmpuina hmun atan Luangmual Local an ruat bawk.
Luangmual bial Conference hi District Superintendent Represent-in Pukpui bialtu Pastor Rev. PC. Nghakliana chuan a hmanpui a ni.
ii) S. Vanlaiphai bial Conference vawi 6-na chu Muallianpui biak inah neih a ni a, District Missions Director Rev.R.Vanlalenga chuan District Superintendent Represent-in a hmanpui. Bial kohhranpui rorelna chuan Pastor Quarters hnuai siam turin hmalak nise an tih bakah buhfaitham tha lawmman tihsante an rel a ni.
iii) Bunghmun bial Conference vawi 48-na hi Sesawm Vengthlang biak inah neih a ni a, District Superintendent Rev.C.Vanlalena chuan a hmanpui a, an rorel langsar zingah bial huapin Account vawn dan inzirtir nise an ti a, 2022 ah bial huapin revival inkhawmpui Tleu Local ah neih nise an tih bakah Manual by law bial huapin zirchianna leh in hrilh hriatna neih nise an ti a, District-a thlen tur thu pawimawh tak tak an rel bawk.
iv) Rangte S biak ina neih Lungsen bial Conference vawi 51-na hi District Secretary Rev.PC.Lalfakawma chuan a hmanpui a, bial kohhranpui rorelna chuan Financial Campaign neih bakah Pastor Quarters puala sum dahte Department hrang hrang inkhawmpuina hmun tur bialin ruahmansakte a tel a, nakum bial inkhawmpuina hmun atan Rangte N an ruat bawk.
v) Cherhlun bial Conference vawi 45-na chu Khawhri Local-ah hman a ni a, District Superintendent Represent-in District Treasurer Rev.C.Lalrintluanga chuan a hmanpui. An rorel langsar zingah bial kohhranpui chuan Quarters hnuai siam hmalak chhunzawm nise an ti a, bial chhung Local tinah rawngbawltute Retreat neih tha tih anih bakah Social Media Seminar neih an rel bawk. Tin, August thla chhung hian Local tinah ‘Thuthlung puan uar’ thla hman tha tih a nih bakah bial chhung Local-te intlawh tawn nise tha tih a ni.
———-
Feb.12-14 chhung hian heng bial paruk Pukpui, Chhipphir, Zawlpui, Headquarters, Thingsai leh Sertlangpui bialte chuan bial Conference an hmang ang.
Pukpui bialte hian Conference vawi 36-na hi Kikawn biak inah an hmang dawn a, District Superintendent Represent-in Rev.C.Lalhriatpuia Rahsiveng bialtu Pastor-in a hmanpui ang.
Chhipphir bial Conference vawi 36-na hi Mualthuam Electric Local ah neih a ni dawn a, District Superintendent Rev.C.Vanlalena chuan a hmanpui ang.
Zawlpui bial Conference vawi 7-na hi District Missions Director Rev.R.Vanlalenga chuan a hmanpui ang a, Inkhawmpui hi Zawlpui Local-ah neih a ni ang.
Headquarters bial Conference vawi 41-na hi Ramthar AOC Local-ah neih a ni ang a, District Treasurer Rev.C.Lalrintluanga chuan a hmanpui ang.
Thingsai bial inkhawmpui vawi 31-na hi Pukpui bialtu Pastor Rev.PC.Nghakliana chuan District Superintendent Represent-in a hmanpui ang a, Thingsai Local-ah neih a ni ang.
Sertlangpui bialte hian an bial inkhawmpui vawi 44-na hi Sertlangpui Local-ah an nei ang a, District Secretary Rev.PC.Lalfakawma chuan a hmanpui dawn a ni.
———-
AIZAWL EAST DISTRICT:
Covid-19 hri leng avanga hun rei tak chhung Kohhran te kan inkhawm theih tawh loh hnuah Mizoram Sawrkar in February thla atanga inkhawm a phal angin Aizawl East District chhunga Tualchhung Kohhran hrang hrangte chuan February 7, Pathianni khan Kumin 2021-a inkhawm hun hmasa ber an hmang. He hunah hian Tualchhung Kohhran tam zawk chuan Sunday School hming ziahna hun an hman bakah Sermon inkhawm an nei chhunzawm a, Sunday School zirlai zir nghal an awm bawk a ni.
Kumin hi Kohhran hrang hrangte insiamthat kum anih angin Bialtu Pastor te pawhin Tualchhung Kohhran hrang hrang form nan hun an hmang hlawm bawk a ni. Mizoram Sawrkarin SOP a duan angin Tualchhung Kohhran hrang hrangte hian heng SOP te hi a theih ang angin an zawm hlawm nia hriat a ni.
———-
Aizawl East District chhunga Bial hrang hrangah February 12 atanga 14 chhung hian ruahmanna ang chuan Bial Kohhranpui Inkhawmpui hman tur a ni a, hripui leng avangin kum danga hman thin angin hman theih a ni dawn lova, Bial engemaw zat chuan February 13, Inrinni hian rorelna hun hmangin Sawrkar thu angin Pathianni-ah inkhawm an nei anga, Bial thenkhat chuan February 14, Pathianni hian rorel inkhawm an nei thung ang. He hunah hian Kum 2021 chhunga Bial kalphung tur hrang hrang bakah District-a lut turte an ngaihtuah dawn a ni. Bial hrang hrang ten Bial Inkhawmpui an hman turah hian a theih ang angin sawrkarin SOP a siam zawm tum a ni bawk.
Bial Kohhranpui Inkhawmpui hi District hruaitute chuan hetiang hian hmun hrang hrangah an hmanpui a ni:
Rev Biaksangzuala, District Superintendent chuan Hnahlan bial-ah a hmanpui a
Rev Vanlalfela Ramtiam, District Secretary chuan Khawhai Bial a hmanpui a, Speaker-ah a tang a ni.
Rev VL Hnemtluanga, District Treasurer chuan Serchhip Bial-ah hmangin
Rev R.Lianzama, Missions Director chuan E.Lungdar bial a hmanpui bawk a ni. E.Lungdar Bial te hian Sailulak hmunah Bial Inkhawmpui hi an hmang a ni.
———-
Aizawl East District hnuaia Kohhranpui leh Department hrang hrangte sum chu February 9, Thawhlehni atang khan endikna, Audit neih a ni a, February 11, Ningani khan audit hi zawh fel a ni. Heng sum te hi District Board in alo ruat tawh angin Rev H.Lalropuia, Pastor Lalhmangaihawma Parte bakah Rev B.Lalengzauva leh Upa Joseph Lalhruaitluanga te chu endikna, Audit hna an thawk a, audit atanga a lan danin Kohhranpui leh Department te hian kum hmasa lam aiin sum leh paiah hmasawnna a hmu a ni.
———-
Khawhai Bial Riangtlei kohhranah January 30 atanga February 6, Inrinni thlenga Pastor J. Lalhmingsanga (Sentea) Rabung bialtu rawngbawlna kal zelah, a vawi 7 nan Pathian Chawimawina Riangtlei Kohhranah neih a ni. Thlarau baptisma chang thar te, hlimna thar chang engemawzat awm tawhin, kohhran member mi 5-in Isua hmingin baptisma an chang tawh a ni. Upa Hmarliana te chhung N.Vanlaiphai amite chhungkua kaltlangin January 30 khan Chawimawina neih hmasak a ni a, February 1, Thawhtan atanga February 6, Inrinni thlengin chawl lovin Pathian Chawimawina/Lawmthusawina hi neih a ni a, a lawmawm hle a ni. Speaker hi Rev.H. Dingliana leh Sis Maremi zaithiamten an tawiawm a ni. Heng bakah hian N.Vanlaiphai lam mi 10 chuangin an chamchilh tlat bawk a ni.
———-
Aizawl East District Board in alo passed tawh angin February 7, Pathianni khan Hliappui leh a chhehvel (Changzawl, Pawlrang) a rawngbawl turin Evan.HMS Dawngkima chu dah luh a ni a, lakluhna inkhawm neih nghal a ni. Rawngbawltu lakluhna hi Rev VL Hnemtluanga, District Treasurer chuan neiin hriak hnawih rawngbawlna a neih sak a ni.
———-
Aizawl East District PYD hnuaia inkhawmpui lian ber, District Conference vawi 27-na February 19 atanga 21 chhunga Sakawrdai bial-a hman tura tih chu hrileng avangin Kum 2020 November thlaa District PYD Board chuan Revival inkhawma hmang lovin February 19, Zirtawpni-ah rorel inkhawm chauh neih mai ni se, Bazar bial ten thlengin District Hqrs. Biakin-ah hman ni se alo ti tawh a, rorel palai pawh ruat nghalin Bialtu Pastor zawng zawng, District PYD hnuaia Sub-Committee OB te bakah bial tin atangin mi 3 theuh an lo ruat tawh a ni.
District PYD Conference rorel inkhawm thlengtu tur, Bazar Bial, District Hqrs. te pawhin inbuatsaihna kalpui chho mek zelin Rorel palai, Aizawl khawpui pawn atanga kal turte chu District Office, Ramhlun South-ah lo hmuakin, District Hqrs. PYD ten mikhual dawn sawn leh sem hna an lo thawk dawn a ni. Mikhual hmuah hun hi February 18, Ningani tura ruahman niin hemi hma ni-a kal tum an awm a nih chuan in report vek turin District Hqrs. PYD te hian ngenna an siam a ni. Hrileng laka kan him tlan nan Sulhnu Application hmang vek turin ngenna an siam bawk a ni.
———-
Bro. Ramropuia, Hnahlan Hqrs. a lawi. Accident avanga spinal cord chhia, zun ram pawh mahni a inthiar thei lo a awm chu a hmanraw neih ang ang leh an in chak hlui te nen an awm theihna tawk tur tal sak nise an tih chu Hnahlan Hqrs. Church Board committee chuan an mamawh tlem tal a phuhruk theih nan char char 10 tal a puih ve nise a ti a. Bialtu Pastor leh Upa ten buaipuiin Darnam Upa Zohera ta char char 10 an leisak a. Upa Vanlalringa, Hqrs. Kohhran Treasurer chuan char char tlawn khat a pe bawk a, Sis Zorampari’n chum tur tlawn khat a pe bawk. Bialtu Pastor-in thilpek hrang hrang a pe bawk a ni.
———-
February 7, Pathianni khan Evan. Malsawmthanga rawngbawlna kal zelah, Zemabawk West kohhranah mithar pakhat sengluh a ni a, sual ngaihdamna baptisma a chang nghal a ni.
Kawlkulh Bial, Dulte-a rawngbawlna nei mek, Bro.Ramhuapliana rawngbawlna kaltlangin February 7, Pathianni khan mithar 5 Kohhranah sengluh an ni bawk.
———-
Rev Biaksangzuala, District Superintendent chuan tunkar chho khan General Auditor a nih angin General Account hrang hrang Auditna an nei a, Bial Kohhranpui Inkhawmpui hman mekah Hnahlan bial-a hmanpui a ni.
Rev Vanlalfela Ramtiam, District Secretary chuan February 8 leh 10 khan Suangpuilawn bial-ah Kohhran duty-in hun a hmang a, Bial Inkhawmpui hman mekah Khawhai Bial-ah hmanpuiin Main Speaker-ah a tang a ni. Khawhai bial te hian Bial Conference Golden Jubilee an hmang mek a ni.
Rev VL Hnemtluanga, District Treasurer chuan February 7, Pathianni khan Hliappui hmuna rawngbawltu tur Evan HMS Dawngkima lakluhna a neih hnuah Bial inkhawmpui hman mekah Serchhip Bial-ah a hmanpui a ni.
Rev R.Lianzama, Missions Director chuan kar hmasa Pathianni hmang khan Kumin 2021 District Missions Conference thlenna tur, Champhai bial tlawhin hun a hmang a, Bial Inkhawmpui hman mekah E.Lungdar bial-ah a hmanpui a ni.
———-
LAWNGTLAI WEST DISTRICT
Lawngtlai South bial chuan Feb. ni 14 hmang hian, Lawngtlai College veng Biakin ah Bial conference neih a ni dawna Speaker atan Rev.R Ramthatzawla District Supdt. hman a ni ang.
Lawngtlai West Diatrict puipa te chuan Lawngtlai South Bial khawmpui hi an hmanpui vek dawn a ni.
———–
CHHIMTUIPUI DISTRICT
Chhimtuipui Dist. PYD ten “No tobacco to PYD” pual a Article inziah siak leh “Covid-19/Corona virus laka invenna” pual a video clip insiam siak an buatsaih chu, Feb. ni 11 khan Chhimtuipui Dist. Pennet Yotube ah resultpuanna an nei.
———-
Chhimtuipui Dist. chhunga bial hrang hrang ten Feb. ni 5 atanga ni 7 hmang khan Bial conference an nei.
1. Siaha Bial ten conference vawi 46 na Siahatla local ah hmangin Dist superintendent aiawh Evan. V. John Dist SS Director leh Bro. C. Lianhmingthanga Dist PYD Financial secretary ten khawmpui hi an hmanpui.
2. Niawhtlang Bial te chuan Niawhtlang III local ah khawmpui hi hmangin, Dist superintendent aiawh Rev. WL Thanghre leh Dist Evangelist N Thanghnuna leh Rbt LS Lalhmingmuana Dist PYD Asst secretry ten hun an hmanpui.
3. Sangau Bial te chuan Sangau I local conference neiin Rev. Kholy Hlychho, Dist. treasurer chu speaker a hman ani.
4. South Lungpher Bial te chuan Lungtian local ah Conference hmangin Rev. Dr. C. Sihmo, Dist. Mission Director chu speaker a hman ani.
5. Tuipang Bial te chuan Conference vawi-45 na hmangin Evan. Khaching Aineh Vahia Home missionary chu speaker ah an hmang a, Speaker rawngbawlna kal tlangin mi -19 in Isua hmingin tui baptisma an chang a, an zinga 7 hi mi thar an ni. Tuipang bial khawmpui hi Dist. superintendent Rev. Joseph L. Thlauhthang chuan a hman pui a ni.
6. Bualpui NG Bial khawmpui chu Archhuang local ah hman niin Evan Robert B. Lalnunsiama T, Dist. Home Missionary chu speaker ah hman ani.
———-
Dt.05.02 khan Niawhtlang III ah Church board hriatpuina in Niawhtlang III local PYD din a ni.
Facebook