UPCNEINEWSSERVICE FEB 21-28.20201
———-
GENERAL NEWS
HRUAITUTE PROGRAMME
General Superintendent Rev. R. Lalrinsanga chuan Kohhran thilpawimawh tiin February ni 24 – 26 khan ASC Home, Kolasib Khuangpuilam a tlawh a, Tin, February 28 Pathianni hian Serchhip Bial ten Leadership Seminar an neih tur ah Resource Person a tangin hun a hmanpui bawk ang.
General Treasurer, Rev. Lalmalsawma Sailo chuan Imphal District Superintendent Charge hlan turin February ni 23 khan Imphal a pan a, February ni 25 khan Aizawl a let leh a ni.
General Missions Director Rev. R .Lalhawia chuan Champhai a Bihar Missionary David Lalhmingliana Nupui neihna hun hmanpui tur leh PIM zawngin February ni 24 khan Aizawl a chhuah san a, Feb. ni 26 ah Aizawl a let leh ang.
———-
LITERATURE AND PUBLICATION BOARD MEETING:
UPC North East India hnuai a Literature and Publication Board Meeting chu February ni 23 Thawhlehni khan Gen. Hqrst. Committee Room, Mualpui ah neih a ni.
Meeting hi Chairman Rev. Zohmingthanzama’n kai hruaiin, General Superintendent Rev. R. Lalrinsangan a tel puia, UPC North East India Literature and Publication Board in a hmalak tawhna leh hmachhawp hrang hrangte thlirin he tiang hian ruahmanna siam a ni.
Kum 2020 Beihrual thupui bu “Chhung lam leh pawn lama Thianghlimna” Rev. K. Darsailova ziak chu Hripui vanga hman theih a nih loh avangin Kum 2021 Beihrual a h zir leh ni se tih a ni.
Kum 2022 Beihrual bu atan “Chhandamna lawng” tih nise, ziak turin Rev. R. Vanlalawia ruat a ni.
Kum 2023 Beihrual bu atan “Kohhran leh Ramthim rawng bawlna” tih nise tha tih a ni a, ziak turin Rev. K. Satinvela ruat a ni.
Chandel District a Anal hnamte hla bu (JOCHARA HLA) chu chhuah vat a nih theih nan hmalak ni se tha tih a ni.
Literature and Publication Board in lehkhabu chhuah tur a hmaalak mek THE NEW BIRTH, ONENESS PENTECOSTAL CHURCH HISTORY leh MINISTERIAL GUIDE BOOK te chu zo fel tur a hma lak ni se tih te a ni.
———-
GENERAL HEADQUARTERS OFFICE TLAWH
February ni 22 Thawhtanni khan Sumsuih Bial Upa mi 22 ten Bialtu Pastor Rev. HF. Malsawma hovin General Headquarters Office, Mualpui Salem veng an tlawh.
Sumsuih Bial Upa te hi General hotuten lo dawng sawngin an pual hian inkhawmna hun tawi buatsaih a ni a, General Hruaitute atang leh Sumsuih Bialtu Pastor hnen atangin thusawi ngaihthlak a ni. Sumsuih Bial Upa te hian General Headquarters tan Hmunphiah thahnem tak leh Kurtai an pek bakah thawktu te tan tawngtai na hun an hmang bawk.
Sumsuih Bial ah hian Kohhran 4 Lamchhip, thiak, chawilung leh sumsuih te awmmin, Sumsuih hi Bialtu Pastor thuthmun a ni a, member 850 vel an awm mek a ni.
———–
———–
LUNGLEI DISTRICT RAWNGBAWLNA:
BIAL CONFERENCE HMANG ZO:
Feb. NI 19-21 chhung khan Tawipui, Haulawng, Rahsiveng, Pangzawl, Theiriat leh Hnahthial bialten bial Conference an hmang a, Lunglei District chhunga bial 20-te chuan bial Conference an hmang zo ta a ni.
Hetiang hi bial parukte inkhawmpui hman dan leh rorel pawimawh zualte a ni.
1. Tawipui bial Conference vawi 63-na hi Tawipui N-II Local-ah hman a ni a, District Superintendent Rev.C.Vanlalena chuan a hmanpui. an rorel langsar zingah kum 2021 chhung hian Revival in khawmpui neihte, kum 2021 hi Ṭawipui bial hian kohhran Dan bu chhiar uar kumah puan nise an tih bakah Ṭawipui S biak in sak lai chu bial in chhunzawm zel nise an ti bawk. Tin, Ruihhlo ngaite tan rawngbawlna neih nise an tih bakah District Conference-a thlen tur thu pawimawh tak tak an ngaihtuah a, nakum bial inkhawmpuina hmun atan Thingfal Local an ruat bawk.
2. Zion Local Venghlun biak inah Rahsiveng bial inkhawmpui vawi 36-na hi hman a ni a, District Superintendent Represent-in Headquarters bialtu Pastor Rev.C.Hmingthanfala chuan a hmanpui, he Conference hian Pastor Quarters-ah tui Connection lak belhte, Pastor Quarters chung sak chhunzawm tura hmalak mek chak zawk a bawhzuite bakah District-a thlen tur thu pawimawh tak tak an ngaihtuah a ni.
3. Pangzawl bial Conference vawi 36-na pawh Bungtlang biak inah hman a ni a, District Superintendent Represent-in District Secretary Rev.PC.Lalfakawma chuan a hmanpui. An thurel langsar zingah 2021 chhungin rammut beihpui thlak leh nise, Bial chhung rawngbawltu chin, chhiatni/thatni inralna/lawmpuina atan Rs 2000/-emaw a hu tawk in hlan thin nise an tih bakah nakum bial inkhawmpuina hmun atan Khawngbawk Local an ruat bawk.
4. Theiriat Local biak inah Theiriat bial Conference vawi 31-na neih a ni a, District Superintendent Represent-in Pukpui bialtu Pastor Rev.PC.Nghakliana chuan a hmanpui. He Conference hian bial chhung Local Target tlak hmasa lawmman siam tha an ti a, Lungpuizawlah Crusade neih nise an tih bakah bial huap Seminar Cum Revival neih nise an ti bawk. (Pic.Theiriat bial Conf)
———-
LUNGLAWN LOCAL HAWN A NI TA:
February ni 20 inrinni khan Lunglawn Zaia veng Local atanga indang thar Lunglawn Local chu Luangmual bialtu Pastor Rev.Lalbiakdika Chawhte chuan a hawng.
Local thar hawn inkhawm hi Bro.H.Lalnunmawia in, Lunglawn Tlangnuam vengah neih a ni a, he hun hi Upa C.Fakzuala, Chairman Lunglawn Zaia veng Local chuan a kaihruai a, Luangmual bial Tresurer Upa R.Lalrumliana chuan bial aiawhin thilpek hlanna a neih bakah Lunglawn Zaia veng Local kohhranpui leh Department hrang hrangten kohhran indang thar hnenah hian thilpek an hlan bawk.
Local indang thar turah hian Member 100 chuang an in ziak lut tawh a, heng mite hi Lunglawn Local-a kohhranpui hruaitu turte an ni.
Chairman : Evan.B.Lalmalsawma
Secretary : Bro.LP.Biakdingliana
Treasurer:Bro.H.Lalnunmawia. (Pic.Local thar hawn)
———-
MEDIA KALTLANGA RAWNGBAWLNA HAWN A NI DAWN:
February ni 28 Pathianni zan hian District UPC Conference Hall-ah Pentecostal Children Department, Lunglei District-in Media kaltlanga rawngbawlna neih nise an tih chu a hawnna programme hman a ni dawn.
He hun hi Bro.V.Lalromawia District PCD Vice President chuan a kaihruai ang a, District Superintendent Rev.C.Vanlalena chuan hunserh hmangin, District PCD Adviser Rev.PC.Lalfakawma chuan Media kaltlanga rawngbawlna hi a hawng ang.
He Programme-ah hian PCD atangin Solo, Recitation, Musical Drama bakah Group zai ngaihnawm leh hmuhnawm tak tak hmuh tur a awm dawn bawk a ni. (Pic.Banner)
———-
4. C.E.C. SCHOOL TAN THILPEK HLAN:
February ni 24 nilaini khan Rahsiveng Bial LAD te chuan C.E.C. School Staff Room a phah tur Carpet 53 metres leh classroom a hman tur White Board pakhat an hlan. Rahsiveng bial LAD aiawh hian bial OB-te leh an Adviser bialtu Pastor Rev C Lalhriatpuia te’n CEC School hi thilpek an hlan a ni. (Pic.CEC School thilpek)
———-
———-
AIZAWL EAST DISTRICT RAWNGBAWLNA:
District PYD Conference:
February 19, Zirtawpni khan Aizawl East District PYD hnuaia Inkhawmpui lian ber, District Conference vawi 27-na, rorel inkhawm tluang taka neih a ni.
He hun hi Rev C.Lalmalsawma, District PYD President chuan kaihruaiin rorel palai kalkhawmte chibai bukna sawiin Covid-19 hrileng avanga rorel inkhawm chauha District PYD Conference neih theih a nih thu a sawi a ni. Inhmelhriattirna neih anih hnuah Rev HL Thakunga, Bazar Bialtu Pastor hnen atangin palai lawmna thu ngaihthlak a ni. Rev Biaksangzuala, District Superintendent kaihhruaiin member boral mi 21 te sunna hun hman a ni a, Conference rorel Pathian hnenah hlanna a nei nghal a ni. Rev H.Lalropuia, General PYD President hnen atangin General PYD hmalakna hrang hrang ngaihthlak a ni bawk. Secretary report leh Financial report ngaihthlak a ni bawk. District PYD Conference rorel-ah hian District PYD in rawngbawlna a kalpui mek, Daido hmuna rawngbawltu Sis.Sangkhumi B/W chuan rawngbawlna report pe in, tun dinhmunah member 12 an awm mek thu ngaihthlak a ni.
District PYD atang leh Sub-Committee atangin lawmman semna neih niin lawmman dawngtute:
District PYD; Budget pe tlak hmasa
Khawzawl bial, Upper Republic bial, Thingsulthliah bial, Khawbung bial, Champhai Bethel bial, Khawruhlian bial bakah Mualpui bial leh Rabung bial
Budget khum bial: Khawruhlian bial
Education Sub-Committee
Local PYD Education Sub-Committee hma la tha
1-na, Armed Veng South
2-na, District Hqrs.
3-na, Zemabawk Vengpui
Bial Education Sub-Committee hma la tha
1-na, Bawngkawn bial
2-na, Champhai bial
3-na, North Vanlaiphai bial
Media Committee
Media hmanga rawngbawlna support tha ber- Maite Local, Keifang bial
District PYD Conference rorelte:
1. Kum 2025 District PYD Conference chu N.Vanlaiphai bial-ah nghah a ni. Ruatsa angin Kum 2023-ah Thingsulthliah bial-ah hman a ni.
2. Kum 2022 General PYD Conference chu Aizawl East District thlen hun a nih angin Khawzawl Bial-ah nghah a ni a, thlengtu tanpuina atan PYD member tinah Rs 10 aia tlem lo khawn ni se tih a ni.
3. Kumpuan “Thuthlung puan uar” bawhzuina atan District Capital pawimawh zualah District PYD-in hma la se, bial tinin ramlak beihpui thlak ni se tih a ni bawk.
4. Aizawl East District PYD ten hmachhawpah Missions Field-ah Quarter emaw Biakin sak ni se tih a ni.
5. Kum 2021 chhungin PYD ten thisen tam zawk an pek theih nan hmalak tura tih a ni.
6. District chhunga thalai (thangtharte) talent phochhuahna platform siam ni se tih a ni bawk.
Conference rorel zawh hian District Board neih chhunzawm nghal niin an rorel tlangpuite:
1. Daido ram humhalh turin Khawlian bial hruaitute leh District PYD ten hma la se tih a ni.
2. Conference rorel in Kumpuan “Thuthlung puan uar” bawhzuina atan District Capital pawimawh zualah District PYD-in hma la se, bial tinin ramlak beihpui thlak ni se a tih, board kuta a dah chu District hruaituten District Level-ah hmalakna tur ruahmanna siam se, Bial level-ah chuan Bial hruaituten a remchan angin hma lo la se tih a ni.
3. District Conference in Kum 2021 chhungin PYD ten thisen tam zawk an pek theih nan hmalak tura a tih, Board kuta a dah chu Bial tinin anmahni remchan ang zelin hma lo la se, District PYD in Circular chhuahin hma la bawk se tih a ni.
4. District Conference in District chhunga thalai (thangtharte) talent phochhuahna platform siam ni se a tih Board kuta a dah angin hemi a hmalatu tur Committee din tha tih niin hruaitu atan heng mite hi ruat an ni.
Chairman: Bro Lawmsangkima, Dist. PYD Asst. Secretary
Secretary: Bro Johny Lalthafamkima, District Hqrs.
Treasurer: Sis Betty H Lawmsangpuii, Bazar Kohhran.
5. Sub-Committee hruaitu hetiang hian ruat an ni
Kumpuan Committee:
Chairman : Evan. H. Lalhlimpuia, Bethlehem Bial
Secretary : Bro. CS. Lalrothuama, Upper Republic Bial
Treasurer : Bro. HK. Lalneihsanga, Bawngkawn Bial
Education Committee
Chairman : Bro. JH. Biakdiktluanga, Upper Republic Bial
Secretary : Bro. Johny Lalthafamkima, Bazar Bial
Treasurer : Sis. Loicy Lalhmingchhuangi, Zemabawk Bial
Music and Sound Committee
Chairman : Upa. F. Lalthlangliana, Vice President, PYD AED
Vice Chairman : Bro. Zothansiama, Financial Secretary, PYD AED
Secretary : Bro. Nelson K.VL. Chhandama, Assistant Conductor
Treasurer : Sis. R. Laltlanthianghlimi, Zemabawk North Bial
Fund Raising
Chairman : Bro. Lalrammawia, Bazar Bial
Secretary : Bro. Johny Zonunmawia, Zemabawk Bial
Treasurer : Sis. Lalhunthari, Mualpui Bial
Environment Protection Committee
Chairman : Bro. R. Lalengmawia, Zemabawk North Bial
Secretary : Bro. Jerry Lalrinsanga, Bazar Bial
Treasurer : Sis. Hunlawmawmi Rokhum, Upper Republic
Sub Committee OB Charge inhlanna hun hi Dt. 28th February, 2021(Sunday), Dar 2:00 PM ah
District Committee ah neih nise tih a ni.
Conference report bu atanga a lan danin tunah hian District chhunga PYD member 7227, Mipa 4550 leh hmeichhia 2677 awm mekin PYD hi khaw 136-ah din a ni a, Kum 2020 chhung khan PYD member zuk leh hmuam nghei thar 179 awmin zuk leh hmuam nghei zawng zawng hi 2454 an awm mek a ni. Lehkha tara innei tuak 47 leh tarlo tuak 100 awmin Nupui pasal avanga Kohhrana lut mipa 6 leh hmeichhia 64 an awm a ni. Kum 2020 chhung khan PYD member boral mi21 awmin District chhungah Thlamuantu Copy 1508 subscriber an awm a, Licence kawl Local 34 leh General 36 awmin Theological Certificate nei mi 96 an awm mek a ni.
———-
OTS Graduation Day hmang:
February 21, Pathianni chawhnu dar 1 khan AED in Short term course Pathian thu zirna a neih, OTS Graduation Day, I.T.I Biakinah kum 2020 Session-a Graduate te pualin hman a ni.
Rev. Biaksangzuala, Chairman, TEB chuan kaihruaiin Rev C.Lalengliana’n hunserh a hmang a ni. Thusawi tawi Rev VL Dika Sailo leh Rev Ellic Hnehzova ten neiin result puanna Rev.H.Lalropuia, Secretary, TEB in a nei a ni. Graduate te Confer-na leh Certificate hlanna Rev. Biaksangzuala’n neiin Rev.R.Lalrinsanga, Gen.Superintendent hnen atangin fuihna thu ngaihthlak a ni. Zirlai aiawhin Bro.H.Lalawmpuia’n thusawina a neih bakah thilpek hlanna Rev.VL Hnemtluanga, Treasurer, TEB chuan a nei a, Pastor Laltlanhlua Hnamte bakah Upa Zalianchhunga te hnen atangin thusawi tawi ngaihthlak a ni bawk. OTS Graduation Prog.hi Rev Vanlalfela Ramtiam, District Secretary-in malsawm tawngtaiin hun a ti tawp a ni.
Kum 2020 session OTS-ah hian zirlai 7 ten an Graduate a ni.
Kum 2020 Session OTS-ah hian zirlai mi 28 awmin 1st Year-ah zirlai 12 an awm a, 2nd Year-ah 9 leh 3rd Year-ah 7 awmin mi 7 te hian kum 2020 Session hian Certificate in Theology (C.Th) an dawng a, chungte chu:
Pastor Laltlanhlua Hnamte, Suangpuilawn
Vanlalpeka, Kepran
K Lalchhawnzova, Khawhai
F Lalchhanliana, Serchhip Dinthar
Deny Lalthanmawia, Riangtlei
Lalnunpuia, Palsang
H Lalawmpuia, Ramhlun South
Oneness Theological Seminary hi Kum 1998 khan din tan niin,Certificate in Theology (C.Th) a pe chhuak a, UPC-N.E India-in Pathian thu zirna kan neih Calvary Bible College (CBC), Shillong-a in affiliate niin OTS atang hian zirlai thahnem takin lo Pass chhuak tawhin tunah hian rawngbawlin an chhuak mek a ni. O.T.S a lut turte hi Interview hmangin Theological Education Board kal tlanga lak thin an ni.
———-
Biakin sakna tur lungphum phum:
February 22, Thawhtanni khan Thuampui Vengthar leh Saichal biakin sakna tur lungphum phum a ni.
Thuampui Vengthar hi Rev.VL.Hnemtluanga, Dist. Trea. chuan phumin Bialtu Pastor Rev.KVL Hmangaihkima bakah bial hruaitute leh Kohhran memberte an tel thei a ni. Biakin hi a dung ft 30 leh a vang ft 24-a liana sak turin ruahman a ni.
Saichal biakin sakna tur lungphum hi Rev.Biaksangzuala, Dist. Supdt. chuan neiin Rev H.Lalropuia, Mualpui bialtu Pastor bakah Kohhran member leh Hliappui atangin Church Board memberte an tel a ni. Biakin hi a dung ft 54 leh a vang ft 24-a liana sak turin ruahman a ni.
Saichal biakin sakna tur atan hian Sis. Lalrindiki Sailo, Bethlehem chuan apa Sr.Upa Saiengliana Sailo (L) hriatreng nan Rs 200,000/- a pe a ni. Hei bakah hian hnatlang te ei leh in atan thil hrang hrang a thawn bawk a ni.
———-
Sumsuih bialin AED Office tlawh:
Feb.22, Thawhtanni khan NMD, Sumsuih bial te chuan AED Office an tlawh. An puala hun tawi hman Pastor K.Lalawmpuia, Office H.A chuan kaihruaiin Rev Vanlalfela Ramtiam, District Secretary-in thutawi sawiin- Sumsuih bialin AED Office an tlawhnaah lawmthu a sawi a, engtik hunah pawh lokal leh thin turin a chah a, inhmelhriattirna a nei bawk. Sumsuih bialtu Pastor thutawi sawi tura sawm niin Sumsuih bial Conf.in a passed anga kal an nih thu sawiin AED ten an lo dawnsawn danah lawmthu a sawi a, inhmelhriattirna a nei nghal bawk a ni. Sumsuih bial te hian thilpek an hlan chu Rev.VL Hnemtluanga, District Treasurer in alo dawng a ni. Rev VL Hnemtluanga hian thutawi sawina a nei bawk. Sumsuih bial atang hian Bial hruaitute bakah bial chhunga Upa te he hunah hian an kal a, AED tan tawngtaina hun hman a ni bawk.
———-
Rawngbawla chhuak tur thlah:
Rabung bial, Hliappui leh a chhehvela rawngbawl tura tih Evan. HMS Dawngkima chu a lawina Thingsulthliah Kohhran ten February 18, Ninga zan khan thlahna hun an hmang.
Evan. HMS Dawngkima hi District in a tirhna hmun Rabung Bial, Hliappui Area vawng turin a kal dawna, Kohhran ten thlahna hun tawi Biakinah hmangin, Bialtu Pastor. V Lalnienga chuan hriak thih a rawngbawl sakna neiin fuihna thu chah a sawi-a, Church Board ten a bik taka tawngtai sakna te neiin, Sis. Rebek Lalngaihsaki’n zai rawngbawlna a nei bawk.
February 19, Zirtawpni khan an awmna hmun tur Rabung Bial, Hliappui Area lam panin an chhungkua-in an chhuak a ni.
———-
Pathian chawimawina nei:
Zohmun Local-ah February 20 atanga 25 chhung khan Pathian chawimawina vawi 3 neih a ni a, Speaker-ah Bro Lalhlimawma S/o Pastor K Lalhmingmawia hman a ni.
February 20, Inrinni khan Sis Zawmdiki te chhungkua chuan Pathian chawimawina hi an nei a, February 22, Thawhtanni khan Upa Lalremchhunga te chhungkua chuan nei lehin February 25, Ningani khan Sis Darrokimi te chhungkua chuan Pathian chawimawina hi an nei leh a ni. Chawimawina kaltlang hian mi 6 in sual ngaihdamna baptisma an chang tawh a, thlarau thianghlim dawng thar mi engemaw zat an awm tawh bawk a ni.
———-
Mithar leh baptisma chang:
Thuampui bial, Thuampui Vengthar Kohhranah Feb. 21, Pathianni khan Evan K.Vanlaldika chuan mi 3 sual ngaihdamna baptisma a chantir, Evan K Vanlaldika hian Thuampui Vengtharah hian rawngbawlna a nei a ni.
Upper Republic bial, College Veng Kohhranah pawh Pathianni khan Bialtu Pastor, Rev C Lalengliana chuan mi 3 sual ngaihdamna baptisma a chantir bawk.
———-
Hruaitute Programme:
Rev Biaksangzuala, District Superintendent chuan General Account Auditor a nih angin February 24, Nilaini khan Pentecostal Book Store Auditna an nei a, Pathianni hian District Hqrs.-ah hun a hmang ang.
Rev VL Hnemtluanga, District Treasurer chuan Thawhlehni khan Riangtlei Kohhran te tlawha hun a hman hnuah Pathianni hmanga Darlawn Bial PYD ten inkhawmpui an hmanah telpui lehin rawngbawlna a nei leh a ni.
Rev R Lianzama, Missions Director chuan Pathianni hmang hian Khawlian Bial, Daido hmuna rawngbawlna en in hun a hmang a ni.
———-
———-
CHHIMTUIPUI DISTRICT
REVIVAL CRUSADE HMAN ANI:
February ni 19-22 hmang khan Chhimtuipui District PYD huaihawt in Tuipang Bial, Laki local ah Crusade neih a ni.
Speaker ah Dist Evangelist N. Thanghnuna hman niin, Thlarau boruak pawh a ṭha hle a, mi-3 laiin Thlarauthianghlim an dawng thar bawk a ni.
Crusade chhim hian Chhimtuipui Dist chhung a bial hrang hrang Siaha bial, South Lungpher Bial, Niawhtlang bial leh Tuipang bial aṭang te in PYD member engemaw zat thawk chhuakin, District puipa te pawhin hun bul aṭang a atawp thleng hman pui a ni.
Laki local hurch pual hian Mi ṭhahnem ngai engemaw zat ten Dist PYD kaltlanga thil pek (Bel, Dekchi, Ṭin, Ketle, chawhtawlh) an pek bak ah Laki Biak In sak nan cheng sing kua sangthum zanga leh sawmthum an thawh khawm bawk a ni.
———-
———-
LAWNGTLAI WEST DISTRICT:
Chawngte Bial Conference Vawi 1 Na:
February ni 26-28 chhung hian Chawngte Bial te chuan Bial Conference vawi 1 na an hmang dawn a, Speaker ah Rev R. Ramthatzawla, District superintendent niin District Official te leh Department OB te pawhin Chawngte Bial Conference hi an telpui dawn bawk a ni.
Chawngte bial hi bial thar niin tun tum Khawmpui pawh hi an vawikhat hmanna tur a ni a, hmalak na leh ruahmanna fel tak siamin Bial hmasawn tak ni tur a kalpui mek a ni.
———-
PCD Thuzirbu tlangzarh:
Lawngtlai West District, Pentecostal Children Department PCD thuzir bu tlangzarh inkhawm Lawngtlai Bazar Biakin ah neih a ni.
Tlangzarh Inkhawm hi Upa HC.Biakzela chuan kaihruaiin Rev. Lalsawmliana Sailo chuan Hunserh a hmang a
Upa B. Sangtlunga’n Lehkha bu tlangzarhna hun a hmang bawk. Lawngtlai West District PCD thuzirbu hi Evan. R. VL. Chhuana, District PYD Secretary ziah a ni.
———-
Hruaitute Programme:
Lawngtlai West District Supdt. Rev.R. Ramthatzawla chuan February ni 16 a tang khan District chhunga Bial hrang hrang te tlawh in a zin chhuak a, kohhran hmasawnna tur hrang hrangte sawiin Pathian thuthlung puang uar zual zel turin kohhran hote a chah a ni. Dist. Superintendent Bial fang hi Church board leh Bial hruaitu ten an tawiawm thin a ni.
Feb. ni 21. Pathianni khan Dist.Secretary/Treasurer Rev.Lalsawmliana Sailo chuan Lawngtlai South Bial chhung Bethel Local leh Mampui kohhran tlawh in Nauhlanna leh Baptisma rawngbawlna a nei a, he mi ni hian Mi panga(5) in sual ngaihdam nan Isua hmingin Baptisma hi an chang a ni.
Bungtlang south Bial Mission Dept. Rorel bawhzuiin February ni 18-21 chhung khan Dist. Mission Director Rev.F.Lalbiakthuama hovin Bungtlang bial mission hruaitu te chuan Darnam tlangah Rammut Program an hmang a, Director hian a cham chhungin Sual ngaihdamna Baptistma chan tirna leh Mithar lawm luhna a nei nghal a ni.
———-
———-
NORTH MIZORAM DISTRICT RAWNGBAWLNA:
HRUAITUTE PROGRAMME
Dist. Missions Director:
North Mizoram District Missions Director Rev. C. Lalthantluanga chuan Feb ni 18 Ningani khan District Missions Dept. in ruahmanna a siam angin; Marpara Missions Field tlawhin Biak in leh Quarters hmun thar tur a en.
———-
District Conference:
North Mizoram District chuan kar thar March ni 5-7 zirtawpni atanga Pathianni hmang hian District Conference vawi 71-na an hmang dawn.
District Conference hi Hqrs. Kohhran Biak in, Tuikhuahtlangah nghah niin; hrileng avanga sorkarin a phalchin palai kal tur pawh ruahmanna siam fel a ni a, Conference palai atan Bialtin atangin Bial hruaitu bakah; Bial aiawhin Upa 1 leh Licence nei 1 te an ruahman a ni.
District Conference hi March ni 5 zirtawpniah Confe. Hawn programme hmangin hemi ni hian District LAD ten nilengin rorel inkhawm an nei ang a, A tuk zirtawpni March ni 6-ah Kohhranpuiin rorel inkhawm neiin; lawman sem tul ang ang te sem a nib awk ang. March ni 7 Pathianni-ah Inkhawm tum hnih Sermon inkhawm neih a ni ang, Pathianni chawhma inkhawmah Rev. laltluanga Dist. Supdt. In Pathian thuchah sawiin chawhnu inkhawmah Rev. R. Lalrinsanga NEI-UPC, General Supdt. In thuchah a sawi thung ang. (Confe Banner)
———-
Literature & Publication Committee:
Feb ni 17 Nilaini chawhma dar 11 khan North Mizoram District Literature & Publication Board chu District Committee room-ah thukhawmin Rev. Chhiarpuia Dist. Secretary kaihhruaiin meeting an nei a, Meeting-ah hian Kum 2022 Nilai Thupui ziaktu tur leh thupui neih tur te an thlang chhuak a, hei bakah hian Literature lama North Mizoram District dinhmun leh a hmasawn zelna tur chungchanga titihona Programme buatsaih an tum bawk. (Lit. & Pub Committee)
———-
North Mizoram District PYD ten Diamond Jubilee hmang dawn:
UPC-NEI, North Mizoram District PYD te chuan District an din atanga kum 60 an tlinna Diamond Jubilee an hmang dawn.
North Mizoram District PYD hi kum 1961 March ni 4 din niin; kar thar March ni 4 Ningani atang hian Rising Day hman Programme bul tannin, December Ni 5 District PYD Conference-ah Dimond Jubilee lawmna Programme khar a ni ang.
North Mizoram District PYD te hian Diamond Jubilee lawmna tur hian Organising Committee siamin; heng mite hian an hruai
Chairman: Evan. C. Lalruatsanga, Dist. PYD Treasurer
Secretary: Upa Robert Lalnunmawia Hmar, Ramhlun
Treasurer: Upa. R. Lawmsanga, Dawrpui Vengthar, Organising hruaitute bakah hian Committee member 15 an awm bawk a ni.
Organing Committee hnuaiah hian Committee peng pawimawh tak tak 1) Souvenir Committee 2) Media & Information 3) Monument & Memento 4) Fund Rising Committee … te ruatin heng hote pawh hian an tihtur ang theuh Dimon Jubilee atan hian an zo khat tawh bawk.
Jubilee lawmna pualin Organing Committee remruat angin Thupui “Nang malsawmna ni ang che” tih hman niin; Jubilee lawmna puala intihsiakna hrang hrang 1) Logo insiamsiak te 2) Hla inphuahsiak te 3) Article inziahsiak te neih tur a nih bakah Jubilee Concert te huahawt tum a ni bawk. (NMD Diamond Jubilee)
———-
Missions Campaign thawhhnihna neiin fehchhuak:
North Mizoram District Missions Dept. chuan Missions Campaign thawhhnihna Feb ni 20 leh 21 hmang khan an nei. Campaign thawhhnihnaah hian a thawhkhatnaa an kalna bak Thingtlang leh Khawpui veng hrang hrang te an tuam.
Missions Campaign thawh 2-naah hian heng Bial hrang hrang- Maubawk, Hunthar, Dinthar, Sialsuk, Tlangnuam, Chawlhhmun, Durtlang, Chaltlang, Sihphir, Phainuam, Bukpui, kanghmun, Headquarters leh Sumsuih Bialte Tlawhin, Campaigner 54 te fehchhuakin Kohhran 54-ah Missions Campaign hi an nei a ni.
Campaigner te rawngbawlna Pathianin mal a sawm a, Missionary chawmtu leh Support tu pawh thahnem tak hmuh a ni. (Missions Campaign)
———-
Bial Conference hman, Bial hrang hrang Report tawi:
North Mizoram District Pastor Bial 30 te chuan Feb ni 13-14 Inrinni leh Pathianni hmang khan Bial Conference neiin; District Hruaitu ten heng bialte hi an hmanpui:-
1) District Supdt. Rev. Laltluanga’n Bukpui Bial
2) Dist. Secretary Rev. Chhiarpuia’n West Phaileng Bial
3) Dist. Treasurer Rev. K. Lalduhsanga’n Phainuam Bial hmanpuiin
4) Dist Missions Director Rev. C. Lalthantluanga’n Damparengpui Bial a hmanpui thung a ni.
Bial hrang hrang confe. Hmang te hian kumin chhunga rawngbawlna kawnga an hmalak dan tur bakah Bial, kohhran, District leh General thlenga hmasawnna tur thil te an ngaihtuah a, Bial thenkhatte’n Conference rorel chauh neia hmang an awm laiin; Bial tam zawk te chuan Inrinni leh Pathianni nen hmangin; mimal leh Zaipawltena fak hla remin; Sermon inkhawm nena hmang te pawh an awm bawk a ni:-
Chanchin kan hriat theih chin Bialte’n Confe. An hman report lo ngai thla ila:-
Aibawk Bial:
Aibawk Bialte’n Bial Confe vawi 42-na , Aibawk Kohhranah hmangin Bial Confe. Rorel pawimawh zingah- Kum 2022 inkhawmpui chu Falkawn kohhranah an nghat a, Pastor Quarter hnuaiah mikhual Room siam te, Bial huapa rawngbawltu Seminar neih te, Misionary chawmte bakah, Kelsih kohhran Sunday School Hall Bial huapa sak an rel.
CHALTLANG BIAL: Chaltlang Bialte’n Bial Confe Bawngkawn Kohhran Biak Inah neiin; Conf Vawi 49 -na a ni. An rorel pawimawh zingah- Kum 2022 Chaltlang Bial Confe Chaltlang Kohhran Biak inah annghat a, Kum 2022 Chaltlang Bial Confe lo thleng tur hi Bial Golden Jubilee Confe a ni dawn bawk a ni. Confe rorel pawimawh zingah- Kohhran serh leh sang khawih chungchang bial chhunga Church Board Member te tan workshop neih te, Chaltlang Bial Golden Jubilee 2022 hriatrengna pual a Mission field a Biak In/Quarters/SS Hall sak te bakah Bial library nei tura Bial huapa hmalak tih te an rel.
HEADQUARTERS BIAL:
Headquarters Bial Kohhran 5 te chuan Mission Vengthlang Biak In Bial Confe vawi-54 na neiin; an rorel pawimawh zualte- Kum 2022-ah Headquarters-ah Bial Confe vawi 55 neih tur a ni. Kum 2021 chhungin Orphanage Home tana luanchhuah te leh Gen. & District Home Missionary chawm ten an rel a ni.
KAWNPUI BIAL:
Kawnpui Bialte’n Conf Vawi 70-na Bualpui ‘N’ Venglai biak inah neiin; an rorel pawimawh zual zingah; kum 2022 confe Kawnpui Chhimveng Biak inah an nghat a, main speaker neih an rel, hei bakah hian Bial chhung local inkantawn neih leh khuang vuak training buatsaih te rel a ni bawk.
LENGPUI BIAL:
Lengpui bial ten conf. Vawi 45 na Rawpuichhip Biak In hmangin; Kum 2022-ah Lengte-ah Confe an nei ang, Home Missionary pakhat chawm passed in, Kohhran Comt. Leh bial hruaituten Aizawla Kohhran hmun pawimawh tlawh te an rel bakah Account & Administration training neih te an passed bawk.
RENGDIL BIAL:
Rengdil Bialte chuan Conference vawi -49 na Sihthiang Kohhranah hmangin, rorel palai mi -68 zet an pungkhawm. Bial rorel pawimawh zual te:-
1. Kum 2022 bial conference, Rengdil local-ah nghah a ni. 2. Kum 2022 Rengdil bial conference chu golden jubilee leh bial golden jubilee inkawp a nih dawn avangin; lawm tur a ni. 3. Financial campaign neih 4. Bial hminga New Eden kohhran tlawh. 6. Sihthiang evangelist Quarter sak thatna tur budget dah te bakah local tinah Church board chin tan serh leh sang chungchang a trainning neihpui nise tih te an rel.
Kanghmunah mithar:
Pathianni kal ta February ni 14 zan inkhawmah Kanghmun Bialtu Pastor Rev. H. Zabiaka chuan UPC-NEI Kohhrana lawi turin mithar duh awm tak tak pahnih lawmluhna a nei. Heng mi thar te hi Sual ngaihdamna Baptisma Bialtu Pastor hian a chanter nghal bawk a ni. (Kanghmun Mithar)
Lengpui Bial News:
Lengpui Bial chhung Dapchhuah Preaching Point- ah January – March 2021 chhung atan Tirhkoh rawih mek niin; Dapchhuah PP Kohhrante pawhin tisa leh thlarauvah hmasawnna nasa tak an nei chho zel. Rawngbawltu rawngbawlna kaltlangin Lalpan mithar a pe zel bawk.
Rengdil Bial News:
Rengdil Bialte’n bial conference an hman chhungin UPC-NEI kohhrana lawi turin mithar chhungkaw khat, mithar -3 awmna te chu bialtu Pastor C.Lalthlenglianan lawmluhna hun Lalpa Isua hmingin a hmang a, Nau -1 hlan nghal a ni.
Feb ni 14 Pathianni tlai khan Bial department hrang hrangte’n OB Meeting neiin; Leadership trainning neih nghal a ni a, resource person ah bialtu Pastor C.Lalthlengliana chu hman a ni.
Rengdil Bial confe-ah hian kum hmasa Bial conference neihin sacrament rawngbawlna buatsaih nise a lo tih angin , bial conference-ah hian bialtu Pastor.C.Lalthlenglianan sacrament a buatsaiha, Sakrament rawngbawlna Lalpan mal a sawm a, mi tam takin siamtharna changin hlim takin hun an hmang a ni.
Zawlnuam Bial:
Zawlnuam Bialte’n Bial Confe. Vawi 5-na neiin; Kum 2022-ah Bial Confe Luimawi Preaching Point-ah nei leh turin an passed a, Bial Chhung Kohhran tin te intlawh tawn Programme neih bakah Bial 5 Joint Revival hman turah member te a tam thei ang berk al turin an inbuatsaih.
Lengpui Bial News:
Feb ni 14 Pathianni kalta khan Lengpui Bial, Rawpuichhip kohhran UPC-North East India- a lawi turin pawl dang atangin mithar lawmluh a ni.
Feb Ni 17 Nilaini khan Lengpui Bialtu Pastor Rev. Lalchuailova chuan Lengpui Biak in sak tur Lungphum Lalpa Isua hmingin a phum a, kohhran hote an Biak in sak turah an phurin an inlungrual tlang hle. (Lungphum phum)
———-
TUMPANGLUI HOME MISSIONS FIELD BIAKIN SAK LUNGPHUM PHUM A NI:
Feb. ni 1,1 Nilaithawhtanni khan N.Mizoram District Missions department ruahmanna siam angin, Rengdil Bialtu Pastor C.Lalthlengliana chuan Tumpanglui Home Missions field biakIn sak Lung phum Lalpa Isua hmingin a phum, bialtu Pastor hi Upa vanlalsiama , Bro.Lallawmpuia ,Bro.Zonunsanga ten an tawiawm.
District missions department tirhin Upa B.Vanlalauva leh Evan C.Hmingchungnunga te Tumpanglui Home missions Field ah hian riak lutin, Rengdil bial hruaitute nen a sak dan tur ruahman tlan nghal a ni a, Biak in sak tur hi a dung 36 ft. leh avang 22 ft. a zaua sak tum a niin; Biak In hi RCC building a sak tum a ni , Feb ni 11 Nilaithawhtanni atangin Biak in sak hna hi tan nghal a ni.
Tumpanglui Home Missions field ah hian Missionary Sist. H.Khawlliani awm mekin; A rawngbawlna Lalpan mal a sawm hle, tun dinhmunah Kohhran member -120 awm mekin; Biak in sak hna thawh pawh an phur hle a ni. (Tumpanglui)
———-
Zomuantlang Missions Field SS Hall Work camp-in sa zo: UPC NEI :
N Mizoram District Missions Field Zomuantlang SS hall chu Bawngkawn Missions Department, Chaltlang Bial ten mawi tak leh nalh taka sa zovin; bawngkawn Local Missions Dept. te inpekna leh thawhrimnaah North Mizoram District Missions Dept. chuan lawmthu a sawi.
Zomuantlang Kohhran Sunday School Hall hi, Bawngkawn Missions Department te hian an rawngbawlpui Upa R Lalhmangaihzuala (L) hriat reng nan an sak a ni e. (Zomuan SS Hall)
———-
Home Missions lama fehchhuah:
North Mizoram District Missions Dept enkawlna hnuaia Home Missions Field 12 te chuan tisa leh thlarauah malsawmna nasa tak dawngin, Missionary leh an thawhpui Bial leh kohhrante kaltlanga Lalpa hnathawh lo langin ram thar leh mi thar tam tak a pe mek zel.
District Missions Dept chuan Kohhran mipuite thahnem ngaihna avanga Missionary chawmna leh Suppport sum tlingkhawm sumte hmangin Home Missions Field 12 a neih mekah Biak in a sa chho mek zel a, Biak in sak mek leh a sak chhoh zel tur te pawh RCC-a sak ruahman a ni.
Tun dinhmunah Biak in sak mekna Vawngawnzo MF, Tumpanglui MF leh West Phulpui MF te niin; Biak in sak tura hmalak mek leh sum sanctioned fel tawh Damdiai MF leh Persang MF te hmachhawp dah mek a ni.
Hei bakah hian Zomuantlang MF Sunday Hall pawh Bawngkawn Local Missions Dept ten work camp-a sa zovin; West Phulpui Missions Field, Dilzawl Missions Field leh S. Chhimluang Missions Field te pawh SS Hall sak tura ruahmanna kalpui mek te an ni hlawm a ni.
Tin, heng Bajirung Missions Field, Vawngawnzo Missions Field leh Marpara Missions Field-ah te hian Missionary quarters sak tura bul tan mek a ni bawk.
———-
TLANGSANG BIAL, DARCHAWI, (TRIPURA) KOHHRAN, RAWNG BAWLNA REPORT:
Feb ni 16 (Thawhlehni) khan, Tlangsang bial, North Mizoram Dist. Bialtu Pastor K. Ainawna leh a rawng bawlpui member pariatte chuan ṭawngṭai rawngbawlna neiin; tawngtaina kaltlanga damna chang nghal mi pali an awm a. Zan inkhawm service-ah thlarau thianghlim siamtharna chang pathum leh damna chang pahnih an awm belh bawk.
He rawngbawlna hi South Tripura atanga chhimtu leh pantu an awm belh zel a, he rawng bawlna hian Feb ni 21 (Pathianni) thleng a awh tura ruahman a ni.
———-
DAMPARENGPUI BIALAH WORK CAMP NEI:
Feb ni 16 thawhlehni atanga khan, Damparengpui Bial Tuirum Biak In sa turin Thenzawl Bial Missions te chuan Tuirum khua an pan. Thenzawl Bial atang hian member 12 thawkchhuakin Damparengpui Bial hruaitute an lawm hle a, Kohhranhote pawhin phur takin work camp-a fehchhuak te hi an lo dawngsawng a ni.
Facebook