Pennet News Service : August 19 – 26

Thla thar lo awm tur September thla hi Kohhran hoten kum tina kan tih thin angin Beihrual thla a lo ni leh ta a, kumin hian ‘Kohhran zirtirna leh Ni pawimawhte” tih Rev. R. Lalrinsanga ziak chu zir tura buatsaih a ni.

Thupui zir tur Bung 20 awmin Kohhranin Ni pawimawha a puan Kumthar ni, Lalpa ni, Sunday School Day, LAD Day, Rualbanlo Sunday, Orphanage Sunday, Tumkau ni, Good Friday, Pentecost ni, Missionary Day chungchang te bakah Kohhran zirtirna thupawimawh Thlarau thianghlim Baptisma, Nauhlan, Kesil, sawmapakhat, thianghlimna te bakah thupui dang pawimawh tak tak zirtur a awm dawn a, bung tinah sawi ho tur thu tha tak tak a awm leh dawn a ni. Zan khata zirtur kawp a zir puat puat lovin, uluk taka syllabus anga zir theuh turin Kohhran mipuite General Literature & Publication Board chuan min ngen a, a chhungthu a that anga hmasawnna ropui tak zir chhuah kan neih ngei theih nan mipuiten  tan  ila tlang ang u tiin min ngen a ni.

Aug ni 17, Zirtawpni khan General Superintendent Rev Lalmalsawma Sailo chuan Kolasib Khuangpuilam-a kohhran enkawl Susanne Downs Boarding School a tlawh a. School Bus pahnihna tura lei thar chu Pathian hnenah a hlan.

 School Bus hian Kolasib lam leh Thingdawl lam atanga lut naupang te a phurin a dah thin a ni.

Rev Lalmalsawma Sailo chuan helai hmun hi School bakah fahrah enkawlna (Audrene Scism Children Home) nen kalpui anih avangin  Compassion Centre anga kalpui a ni a. 2018 ah khan HSLC passed 80% an ni a, hma kan sawn zel a ti.

Kohhran enkawl Mission School hi sumdawnna atan kalpui anih ve lo a, zirtirna pawh hi exam tinzawna kalpui anih loh avangin sawrkar lamin an tehna pawh a sang hle a ti.

He School a thawktute pawh hi kohhran an service a ngai pawimawh a, pension atan an khawl ang zatin a do zel a. Zirtirtu lak thuah pawh kohhran induhsakna awm lo, a ti.

Susanne Downs Boarding School ah hian naupang 400 chuang an nei mek a. Class thenkhatah chuan seat capacity aia tam luh dilte an awm a, an khawngaih avanga lak sak te an nei nual bawk a ni.

Bus hlanna inkhawm hi Susanne Downs Boarding School Hall ah neih niin; Project Director Rev JH Zahlunan a kaihruai a, Headmaster Evan VL Zarzoliana Sailo in inlawmna thu a sawi. General Sunday School Director Rev. Laichhungpuia chuan hunserh hmangin; Sis Lalramthangi, Gen LAD Secretary leh Upa R. Lalhmangaihzuala ten thu tawi an sawi a, General Sunday School Director Rev R Vanlalawia’n malsawm tawngtainain he inkhawm hi a tin a ni.

Bus hlanna hi School kawtah neih a ni a, Rev. Lalmalsawma Sailo chuan Pathian hnenah hlanin lei a nih chhan ang taka tangkai taka hman a nih ngei theihnan malsawmna leh duhsakna a hlan a ni.

General Sunday School Director Rev. R. Laichhingpuia leh Secretary Rev. R. Vanlalawia te chuan Aug ni 24, Zirtawpni khan Aizawl chhuahsanin Phainuam an pan a, Phainuam bial Sunday School ten Kumpuan bawhzuinana bial huap Lang camp an buatsaihah Speaker-ah tangin rawngbawlna an nei.

General Treasurer Rev. Zohmingthanzama leh General Missions hruaitute General Director Rev. R. Lalhawia leh Treasurer Evan Pc Lalrokima te chuan Aug ni 15, Nilaini khan Aizawl chhuahsanin Arunachal Missions Field ah rawngbawlna an nei a, Manigong-a General Missions enkawl Pentecostal English School tlawhin an mamawh hrang hrang enpuiin hun an hman hnuah Aug ni 25, Inrinni khan dam takin Aizawl an thleng.

Aug.22, Nilaini kha Lunglei District Day vawi 53-na a ni a, he ni hi Lunglei District UPC chuan kohhran ni pawimawh ah puangin kohhran office pawh khar a ni.

 February ni 19, 1950-a Mizorama UPC kohhran din anih hnu khan Aug.ni 22, 1965-ah Mizoram chhim lamah chuan District hran din a ni a, a hming atan South Mizoram District tih niin, he hming hi 1979 thleng khan a pu zui a, 1980 atangin Lunglei District tia thlak a lo ni ta a ni.

South Mizoram District din ni hi Lunglei District din ni atan hman chhunzawm zel a ni a, tun kum hi Lunglei District a indan atanga kum 53- na a ni.

Tunah hian Lunglei District-ah hian kohhran member 18318 awm mekin, Local 111 a awm bawk a, heng local 111 te hi bial 20-ah then a ni.

Tuna Lunglei District hruaitute

Superintendent : Rev.R.Lalrosanga

Secretary : Rev.C.Vanlalena

Treasurer : Rev.C.Lalrintluanga

Dist. Supdt. Rev. Laltlaunga chuan Aug. ni 23 Ningani khan District LAD Conference vawi 50-na thlenna tur hmun Thenzawl tlawhin District LAD hruaitute leh Conference Organising committee te nen Conference thlen tur chungchangah thil pawimawh te an sawi ho.

District Treasurer Rev. K. Lalduhsanga chuan District Board ruahman anga Rammut Programme hmang turin Aug ni 24 Zirtawpni hian Lengpui Bial chhunga awm Dapchhuah ah rawngbawlin a fehchhuak.

District Mission Director Rev. C. Lalthantluanga chuan Aug. ni 21 Thawhlehni khan Home Mission Field tlawhin a zin chhuak a, Aug. Ni 21 Thawhlehniah Bajirung Field tlawhin a tuk Ni 22 Nilai khan Kolalian Field a tlawh leh a, Aug Ni 23 Ninganiah Damdiai Mission Field tlawhin Ni 24 Zirtawpniah Vawngawnzo Missions Field a tlawh bawk.

District Sunday school Director Rev. K. Malsawmtluanga chuan District Board ruahman angin Aug. ni 21 thawhlehni khan Rengdil Bial chhunga awm Kawrthah a pan a, hetah hian a tul chen chen rawngbawlna a nei dawn a ni.

District SS Secretary Evan. H. Lalrinngheta chuan SS Kumpuan “Kan fate i chhanhim ang u” tih bawhzui nan Aug. ni 19 Pathianni zan khan Durtlang Bial, Muanna veng kohhranah rawngbawlna a nei.

 Evan. H. Lalrinngheta hian tun Pathianni Aug. ni 26 hian Hqrs. Bial, Khatla South Kohhranah SS Kumpuan programme hmangin rawngbawlna a nei ang.

1. Aug. ni 15 Nilaini atang khan Khatla South Kohhrante chuan Rammut thla denchhenin Crusade an buatsaih a, Crusade Speaker atan Rev. K Darsailova Former Gen. Supt.  an hmang.

Rammut Crusade hi Aug Ni 15 chhun atanga bul tanin nilengin Seminar “Kristian nun” tih thupuia hmangin neih a ni a. kohhran hote’n an hlawkpuii hle.

Aug. ni 15 Nilai Zan atangin Sermon inkhawm tan niin; kohhranhote pawh an hlim hle a, Aug ni 19 Pathian zan thleng he crusade hi a awh dawn a ni.

2. Aibawk Bial Kohhranpui leh Missions Dept tangkawp chuan Muallungthuah Crusade an buatsaih.

He Crusade hi  Aug. ni 18 inrinni zan atanga tan niin; tunah hian kalpui mek a ni a, zanin Aug. ni 26 Pathianni zan hian a tawp ang.

Crusade-ah hian Sist. Lalhmangaihzuali  B/w chu Speaker-ah hman a ni a, ani hian thuihhruai mi 7 a nei bawk. Crusade neih tawh chinah boruak duhawm tak tak neih chhoh mek zel niin; kohhran hote’n an hlawk pui a, kohhran ho zingah siam tharna chang mi thahnem tak an awm mek zel a ni.

3. Bilkhawthlir Bial Missions Department buatsaihin Aug. ni 18 inrinni leh a tuk Pathianni Aug.19 hmang in Bilkhawthlir bial Jubilee kohhranah Revival Crusade buatsaih a ni.

Crusade ah hian Unaupa  F.Lalnunhlua (valtea) khuangpuilam chu Speaker atan hman niin; Crusade rawngbawlna neih chhung hian kohhranhote’n siamtharna an chang nasa hle.  Aug ni 19 Pathianni chawhnu inkhawm banah lâwmna ruai upa malsawma te chhung leh unaupa Rinpuia te nupa in kohhran hote buatsaih sakin hlim takin chawhlui an kil ho bawk.

August ni 17, Zirtawpni khan Barak District, Noksatilla Church Board Committee chu Noksatilla Biakin ah an thu khawm a. Bial pawn tlawh a feh chhuah programme neih leh an bialtu (Silchar Bial) pastor Rev. Lalthanmawia pension thlahna a thilpek pek tur chungchangte an ngaihtuah.

1. Rev.Thanchunga Sailo Dist Superintendent chuan Aug ni 16, Ningani khan Sentetfiang local ah rammuin a fehchhuak a. Aug ni 16 atanga ni 19 chhung kha Sentetfiangah rammu in Aug ni 20 atanga ni 21 chhung khan Sangau ah hun ahmang thung a ni.

2. Rev.Joseph.L.Thlauhthang Dist Secretary chuan Aug ni 16-21 chhung khan Pangkhua ah a rammu a.Apostolic Bible zirlai engemaw zat in an tawiawm.

3. District Evangelist Robert.B.Lalnunsiama T chuan Aug ni 14, Thawhlehni atang khan Riasika-ah rammuin a fehchhuak a,

Evan.N.Thanghnuna pawh Lungtianah karhnih chuang rammu in open air service leh Biak In atang thuthlung puanna a nei bawk.

4. Sectional Pastor-te zingah Rev.Dr.C.Sihmo chuan a bial chhung Lawngtlai South Bial a Kohhran dinlohna hnunah rammu in thuthlung a puang a,

Pastor.Lalsawmliana Sailo pawh Lawngtlai North bial leh a bial chhungah rammut rawngbawlna a kalpui.

Pastor Robin MH.Lalthanmawia pawhin a bial chhung Vahai ah rammu in rawngbawlna a nei bawk.

Aug ni 18 leh ni 19 chhung khan Chhimtuipui District PYD tour chu Bualpui NG Bial, Vawmbuk local  ah neih a ni.

He tour ah hian PENTECOSTAL IDENTITY tih chu thupui atan hman a nia, mi 23 an fehchhuak. Hun hman chhungin District PYD Choir te bakah Bro.KC.Gospelmawia leh Bro.Vanrohlupuia ten zaia rawngbawlna an nei a, Evan.K.Rinthara, T.Upa.N.Lalchhuanmawia leh Upa.VT.Lungawia ten maicham rawngbawlna an nei a ni.

August ni 14, Thawhlehni khan Aizawl East District Missions Executive Board, Rev Darchhawna, Director kaihhruaiin neih a ni.

An rorel tlangpui te :

Hetiangin Home Missionary rawih laite an awmna hmun siamrem a ni :

1. Evan K.Vanlaldika, Khuanglenga awm mek chu Leithum Centre-a hmangin Bungzung hma tel tura tih a ni.

2. Evan H.Malsawmthanga, Thuampui Vengthara awm mek chu ram tulna avangin a awmna ngaiah la awm se tih a ni a, Zuangtui Vengthar nen a kawp dawn a ni.

3. Evan Joseph Lalremruata, Ramhlun Sport Complex a awm mek chu September leh October thla chhung awm leh tura tih a ni.

4. Evan H.Lalbiakzauva, Saichala awm mek pawh Rabung Mission Veng nen kawp leh tura tih a ni.

5. Evan Lalduhawmsanga chu Khawlekah awm tura tih niin Evan V.Kamneihthanga chu Teikhangah awm tura tih a ni.

6. Evan Lalbiakmuana chu Hualtu Centre-a hmangin Chhingchhip Bial chhungah a tulna hmun apianga rawngbawl tura tih a ni bawk.

Heng bakah hian District Missions Conference lo awm turah  Khawruhlian bial, Lailak Biakin sakna tur thawhlawm khawn sak tura tih niin Khawbung Biakin sakna tur pawh khawn sak turin alo rel tawh a ni.  District Missions Board hi District Kohhranpui hruaitute pawhin an telpui bawk a ni.

Rammut thla denchhenin Aizawl East District chhung hmun hrang hrangah Crusade buatsaih kalmek a ni.

1. Bawngkawn bial PYD hmalaknain August 23, Nilai zan atang khan Peniel Biakin, Bawngkawn Chhim Veng-ah Revival Crusade an buatsaih a, Speaker-ah Evan.Hmingchungnunga, District Revival Speaker chu Speaker-ah hman niin Kohhran hoten hlim takin hun an hmang a ni.

 Evan.Hmingchungnunga, Speaker a hmang hian Peniel Kohhran te chuan August 27 atanga September 2, Pathianni zan thleng hian Revival Crusade hi an hmang chhunzawm dawn a ni.

2. Thuampui bial Kohhranpui hmalakna in Zuangtuiah August 22, Nilai zan atang khan Revival Crusade tan a ni a, Speaker-ah bialtu Pastor, Rev KVL Hmangaihkima an hmang.

August 15 atanga 19 chhung khan Zohmun Bial, N.Tinghmun local-ah Crusade buatsaih a ni a, Speaker-ah Rev.KVL.Hmangaihkima hman  niin Upa Jimmy L.Renthlei leh Soloist Sis. Laldinpari ten an tawiawm.

He hunah hian Pathian thlarau thianghlim awmpuina hnuaiah hlim taka hun hman niin Kohhran ten an kham lo hle  a ni.  Crusade chhung hian Bial chhung atangin Zohmun, Upper Sakawrdai leh Pathianpa Lo Kawn atang tein zan tin chhimtu thahnem tak an awm thin a ni.

3. August 18 atanga 20 chhing khan Rammut Programme denchhenin N.Vanlaiphai Rawlkhang Local te chuan Revival Crusade an nei a,  Evan Larchhuakmawia, N.Vanlaiphai Leilet Local chu Speakerah an hmang.

1. August 19, Pathianni hmang khan Chhingchhip Bial, Chhiahtlang Vengpui Local PYD te chuan N.Vanlaiphai Bial Lungkawlh Local an tlawha, member 20 chuang an fehchhuak. August 18 Inrinni khan Lungkawlh Field ah intihhlimna a nei a, zan lamah inkhawm programme buatsaihin hlim takin hun an hmang.

Zemabawk bial PYD te chuan Aug ni 18 leh 19 chhung khan E. Lungdar bial PYD te tlawhin an fehchhuak.

2. Zemabawk bial atang hian bus 2 hmangin mi 87 an kal thei a, Solo, zaipawl leh Group te an zai a, bial hruaituten thusawi rawngbawlna an nei thin a ni. Bial PYD Fehchhuakte hian Zemabawk Bialtu Pastor Rev. R. Lianzama chuan a telpui a ni.

August 13, Thawhtanni khan Upa Rampanmawia, Aizawl East District Office staff thlahna hun District Committee room-ah hman a ni.

Upa Rampanmawia hi Kum 1997 khan Aizawl East District Office-ah Peon hna thawk turin lak a ni a, chumi hnu Kum 2000-ah Duftry hna thawk tura tih ni lehin tuna Pension-a a chhuah thleng hian Duftry hna hi rinawmin takin a thawk a, Kum 21 chhung service in Aizawl East District Board vawi 113-na, Kum 2018-a neih chuan August 2018 atangin LDC Pay la turin a ti ta a ni.

Upa Rampanmawia Pension a chhuak tur thlahna hun hi Upa Rodailova Zote, Staff Welfare Secretary chuan kaihruaiin Rev Biaksangzuala, District Secretary in hunserh a hmang a ni. He hunah hian District aiawhin Rev Rosanga Kawlni, District Superintendent, Staff Welfare aiawhin Evan Hr.Lalrindika leh Upa Rampanmawia bakah Staff thenkhatte hnen atangin thusawi ngaihthlak a ni.

Thilpek hlanna District aiawhin Rev Vanlalfela Ramtiam, District Treasurer chuan neiin Welfare aiawhin Sis Lalthuamluaii’n hlanin mimal hnen atang pawhin thilpek engemaw zat hlan a ni bawk a, tlaiah ruai hlim takin an kilho a ni.

Upa Rampanmawia hi tunah Ramhlun Venglai-ah an chhungkuain an awm.meka Bawngkawn Bial, Ramhlun Vengthar Kohhranah lawiin Ramhlun Vengthar Sunday School Director mawhphurhna a chelh bakah Bial Pastor Qrts.Committee-ah member a ni mek bawk a ni. Tunah hian Kum 60 mi niin Kohhrana Fulltime-a rinawm taka a thawhna chu Pension in alo chhuahsan ta a ni.

August 15, Nilaini khan India Independence Day a ni a, Kohhran Office chawlh a nih avangin August 13, Thawhtanni khan Upa Rampanmawia thlahna hun hi hman a ni ta a ni. He hunah hian chhungkhat laina bakah Aizawl khawpui chhunga Bialtu Pastor awm ang ang ten an hmanpui bawk a ni.

August 13, Thawhtan zan khan Aizawl East Dist PYD Kumpuan Committee te chuan Bethlehem Bial ah Campaign hlawhtling tak in an nei.

Bethlehem Bial te hian Bethlehem Local ah Dist Kumpuan Comt te hi an lo thleng a,Bro. Amos Ramengmawia,Comt Member chuan tanna hun hmangin Evan C.Laltanpuia Chairman,Dist PYD Kumpuan Comt chuan thusawina hun a hmang.

Dist PYD Kumpuan Comt te hian August 27 zanah Bawngkawn Bial,Thuampui Bial leh Zemabawk Bial ah te Campaign hi neih leh an tum a ni

Rev Biaksangzuala, District Secretary chuan August  18 khan Arunachal Missions Field hnuaia Menchukha-ah seminar a neih hnuin dam takin August 23 khan Aizawl a thleng a, Pathianni hian Dist.Hqrs.Kohhran-ah hun a hmang ang.

Rev Darchhawna, Missions Director chuan Inrinni khan Hliappui-ah Kohhran Upa te tan Serh leh sang chungchang-ah seminar neihpuiin Pathianni thleng rawngbawlna a nei chhunzawm ang.