Pennet News Service : August 12 – 19

Aug 12, Pathianni khan Dimapur Field chhunga Balipathar Biak in sak thar chu hawn a ni.

Biak In hi a dung ft 33 leh avang ft 15 a zauva sak a ni a. A sak nan hian Rs. 2,30,000/- sengin North Mizoram District Pastor rualten Work Camp-a an sak a ni a, May 5 ah saktan niin May thla chhung veka sakzawh a ni. Aug ni 12, Pathianni khan N. Mizoram District Suptd Rev. Laltluanga chuan Pathian hnenah hlanin a hawng a, field chhunga members thahnem tak an kalkhawm.

Biak in hawn hnu hian Biak in chhungah inkhawmna hun hmangin Rev. Laltluanga vekin Pathian thuchah a sawi a, District Treasurer Rev. K. Lalduhsanga’n Biak in sak bul tan atanga sak zawh a nih thleng Technical report a pe.

Tin, Biak In hawn ni hian mi 6 in Rev. Laltluanga kutah Lalpa Isua hmingin sual ngaidamnan baptisma an chang a, Baptisma chang zinga mi 4 te hi mi thar niin Kohhranah senghluh nghal an ni. Tlai lamah kohhranhoten ruahmanna an siam angin; Biak in thar lawmna ruai tui tak an theh bawk.

August 10, Zirtawpni khan Tripura District, Darchawi Khua aUnited Pentecostal Church of North East India Biak In, pawl chhuak lam ten min chuhna chungchanga Court Judgment tihchhuah a ni.

Civil Senior Judge Court, Kailasahar,Unakoti District, Tripura chuan UPC-NEI chu a neitu a nih angin he thu buaiah hian thiam a chan tir a. United Pentecostal church of North East India Kohhran biak in neitu nihna a hlan. Tripura kohhran hote an lawm hle.

General Superintendent Rev. Lalmalsawma sailo chuan Aug ni 17, Zirtawpni khan Audrine Scism Children Home leh Susanne Downs Boarding School(SDBS) te tlawhin hun a hmang a, SDBS in School Bus a lei thar hlanna a nei a, Home leh School a thawktute nena inkawm hona hun a neihpui nghal a ni.

General Secretary Rev. R. Lalrinsanga chuan Aug ni 17 atanga ni 20 chhung hian Sakawrdaiah rawngbawlna a nei dawn a, Administration, Leadership, Financial tih thupuiah hmangin Inrinni, Pathianni chawhnu leh Thawhtanniah te seminar neihpuiin Resources person-ah a tang dawn a ni.

General Treasurer Rev. Zohmingthanzama leh General Missions hruaitute General Director Rev. R. Lalhawia leh Treasurer Evan Pc Lalrokima te chuan Aug ni 15, Nilaini khan Aizawl chhuahsanin Manigong an pan a, Manigong-a General Missions enkawl Pentecostal English School tlawhin an mamawh hrang hrang enpuiin hun an hmang dawn a, ruahman dan chuan Aug ni 23, ninganiah Aizawl an let ang.

General Sunday School Director Rev. R. Laichhingpuia chuan Aug ni 19, Pathianni chawhnu hian ITI kohhranpui buatsaih seminarah resources person-ah tangin rawngbawlna a nei.

August 10 zirtawpni khan Lunglei District Board vawi 193-na chu District UPC Conference Hall-Chanmari ah neih a ni a, He board hian Pastor thar atan Evan.T.Zahmingliana, S/o T.Lianzuala, Luangmual, tuna Thiltlang Home Missionary-a awm mek chu an la thar a, Sertlangpui bialah a awm ang. Evan.T.Zahmingliana hian Ni 15 Aug.2018-ah Joining report a pe ang a, August thla ral hmain pem lut tura tih a ni.

District Board vawi 193-na hian Evan.R.Lalthlamuana, S/o Ngaihchhunga Sekhum, CBC student chu a Bible zirnaah District-in recommend nise a ti a, kum 2018 atana Crusade fund Rs.50,000 dah chu District Missions Department hruaitute nen a theih anga chakin hma lak nise a ti bawk.

Aug.18 Nilaini khan Lunglei District Board vawi 193-na in bialtu Pastor atana a lak thar Evan.T.Zahmingliana chuan District Superintendent Rev.R.Lalrosanga hnenah Joining Report a pe a, District Secretary Rev.C.Vanlalena leh District Treasurer Rev.C.Lalrintluanga ten lo dawng sawngin; District hruaitute hian fuihna thu sawiin, tawngtaisakna an neih sak bawk.

Pastor T.Zahmingliana lak luhna hi Aug.19 Pathianni hian District Secretary Rev.C.Vanlalena chuan Sertlangpui biak in ah a nei dawn a ni.

Rev.C.Vanlalena hi Sertlangpui bialtu Pastor atana ruat lailawk anih angin bialtu Pastor charge pawh Pastor T.Zahmingliana hnenah hian a hlan nghal ang.

Aug.19 Pathianni hian District Missions Director Rev.VL. Hmuaka chu District Missions Field Chengpui tlawhin rawngbawlna a nei dawn a, Chengpui Missions Field-ah hian Evan.F.Lalsanglura chu Home Missionary-in a awm mek a ni.

Aug.19 Pathianni hian Lunglei District PYD Conference-in  Leadership Seminar neih nise tia a lo rel bawhzuiin Lungsen bial PYD te chuan  Rangte N ah Seminar an buatsaih dawn a, District PYD Secretary Evan.K.Lalnunpuia leh Fin.Secretary H.Lalhmingmawia ten he hun hi an hmanpui ang.

Luangmual Local PYD Silver Jubilee, September ni 5-a lo thleng tur lawmna programme bultan nan Aug.12 Pathianni khan a hawnna inkhawm an buatsaih.

Jubilee lawmna Programme bultanna hi Upa R.Lalhmachhuana chuan hawngin, hlim takin bul an tan. Jubilee hi ni 25 chhung a lawmna hun an hmang dawn a, hemi tih hlawlhtlinnan hian  Aug ni 13 thawhtan ni khan Jubilee pualin chaw nghei tawngtaina an nei a. Aug.16, Ninga zan atang khan Putlungasih Home Missionary Evan.Simona Hmar Speaker ah hmangin Revival Crusade an buatsaih bawk a, Aug.19 Pathianni zan thleng he Crusade hi an hmang ang.

Aug.20 thawhtanni ah Luangmual Local PYD te hian TNT Hrangchalkawn-ah Silver Jubilee pualin tanpuina an hlan bawk ang.

Lunglei District PCD-in bial tinin zirtirtu Seminar neih nise tia a lo rel bawhzuiin Aug.19 Pathianni hian Hnahthial bial PCD te chuan Tuipui D Local-ah Seminar an buatsaih dawn a, Resource Person atan bialtu Pastor Rochungnunga Renthlei chu hman a ni ang.

District Superintendent : Rev. Laltluanga leh District Treasurer Rev. K. Lalduhsanga te chuan Aug. ni 12, Pathianni  khan, Dimapur Mission Field-ah rawngbawlna an nei a, Rev. Laltluanga hian North Nizoram  District ten Balipathar Kohhran tana Biak in an sak zawh thar chu Lalpa Isua hmingin a hawng a ni.

District Secretary Rev. Chhiarpuia chuan Rammut programme hmangin Kolasib Venglai Rengtekawn Kohhranah a fehchhuak.

NMD SS Director Rev. K. Malsawmtluanga chuan Aug ni 12, Pathianni khan Dinthar Biak Inah Sunday School zirtirtu seminar a neih pui;

 Aug ni 19 Pathianni hian Sunday School kumpuan ‘Kan fate i chhanhim ang u’ tih bawhzuiin Pathianni zingah Selesih kohhranah rawngbawlna a nei ang a, Pathianni Chawhnuah Durtlang Ramtharah hun hmangin Zan lamah Dinthar Bial  Tuikual N ah hun a hmang leh ang.

District Missions Director Rev. C. Lalthantluanga chuan Missionary Support leh Faith Promise an thawhte lakkhawm hna thawk rengin District huam chhung hmun hrang hrangah hun a hmang kual a, District board in Pastor te rammutna hmun tur a ruahman sak angin Aug ni 12, Pathianni khan Damparengpui Bial Dampa Zodin khuaah a Rammu a ni.

Aug ni 9 Ningani khan North Mizoram District Missions Executive meeting, North Mizoram District Office-ah neih a ni a, Dist. Mission Director Rev. C. Lalthantluanga’n meeting a kaihruai a, District hruaitu 3 ten an telpui.

Missions Executive hian kumin (2018) District Missions Conference Oct. ni 26-28 chhunga neih tur thlir lawkin, Programme tlangpui an duang a ni.

1) Rev.K.Lalduhsanga District Treasurer:  Dapchhuah leh Pukzing

2) Pastor B.Vanlalruata leh Pastor Lalramthanga Kawlni : Sailam

3) Rev.C.Lalthantluanga Dist.Mission Dir. Damparengpui

4) Rev.K.Malsawmtluanga Dist. S.S Dir. : Kawrthahah

5) Pastor C.Lalthlengliana leh Pastor K.Malsawmkima : Chuhvel

6) Pastor Lalpianthanga: Sihthiang

7) Rev.C.Laltlanchhuaha chu Darlung

8) Pastor PC.Laltlankima : Bawngthah

9) Rev.C.Lalramthanga : W. Phaileng Electric veng

10) Pastor Lalhmuakliana: Lungdai

11) Rev.HF.Malsawma: Darlak

12) Rev.C.Lalmuanpuia: Zawlnuam Vengpui

13) Rev.H.Zabiaka: Kanhmun

14) Rev.C.Lianchama: Buhchang/Phaisen

15) Rev.Lalchuailova: Sairang

16) Rev.C.Lalhmunliana: Kelsih leh Hualngohmun

17) Rev. R. Lalnithanga leh Rev.PC.Lalfela: Phainuam Buarchep

18) Pastor Jakob Lalremsanga: Dampui

19) Pastor H.Lalrinpuia: Rulpuihlim

20) Pastor Lalruatkima Fanai: Thiak khua

21) Rev.C.Lalrammuana: Nisapui

22) Rev.K.Vanlaldika: Meidum

23) Rev.Lalramzauva Sailo: N. Chaltlang

24) Pastor R.Thanglura: Khamrang

25) Rev.R.Lalhmangaiha: Samlukhai

26) Rev.Lalremtluanga: Chawilung

27) Pastor K.Ainawna: Pangbalkawn

N. Mizoram District in rammut programme a hman mekah Pastor.K.Malsawmkima Zawlnuam bialtu leh Pastor C.Lalthlengliana Rengdil bialtu  te chuan  District Board ruahman angin Bairabi Bial Chuhvel leh Kananthar ah rammut programme an hmang a, Aug. ni 12 Pathianni khan an rawngbawlna kaltlangin mithar -4 kohhranah sengluh an ni a, heng mithar te hi Sist Vanlalpeki Kananthar a rawngbawla awm mekin  Lalpa Isua hmingin Kohhranah a senglut.

Pastor C.Lalthlengliana kutah  Mi -4 in sual ngaihdamna baptisma an chang a, Pastor K.Malsawmkima’n nau – 3 a hlan bawk.

Kanantharah hian sist.Vanlalpeki’n kum 2017 Dec 6 atangin  rawngbawlna a nei tan a, Lalpa’n a rawngbawlna mal a sawm hle a, tunah hian member – 82 an awm mek a ni. Kananthara rawngbawlnaah hian Evan H.Zoramsanga Chuhvel evangelist leh bro.Vanroenga ten Pastor pahnih rammu hi an tawiawm a ni.

August 11, Inrinni khan Chhingchhip Bial, Hualtu Biak In chu Rev Rosanga Kawlni, District Superintendent chuan Pathian hnenah hlanin a hawnng.

Biakin hawnna hun hi biakin tualah neih niin Chhingchhip Bialtu Pastor, Rev R.Laltlankima chuan a kaihruai a, Rev Rosanga Kawlni, District Superintendent chuan UPC-North East India Biakin pakhat ni turin Pathian hnenah hlanin a hawng.

Biakin thar lawmna hun Biakin chhungah hman chhunzawm niin  Rev R.Laltlankima, Bialtu Pastor chuan inkhawm a kaihruai a, Bro Lalhlimpuia, Chhiahtlang Vengpui hnen atangin fak hla ngaihthlak niin Upa VH Khuma, Church Board Chairman, Hualtu hnen atangin thusawi tawi ngaihthlak a nih bakah Evan H.Lalngaihzuala, Chhingchhip Bial Secretary hnen atangin Technical report ngaihthlak a ni bawk. Technical Report Evan H Lalngaihzuala,  Bial Secretary hnen atangin ngaihthlak a ni a. Report atanga a landanin Biak In hi a dung ft. 36 leh a vang ft. 18 a ni a, a ban leh a scating chin chu cement concrete a ni.

Biak in tundin a nih theihnan hian tualchhung kohhrante bakah Bial chhunga Local hrang hrangten Biak In sakna tur budget an thawh khawm a, Work Camp te pawh an lo nei tawh a. Aizawl East District Board chuan Rs 1.40,000 a pe bawk.

Biak in thar hawnna inkhawmah hian Rev Rosanga Kawlni, District Superintendent chuan thuchah a sawi a, T.Upa Vanlalpeka, Aizawl Dinthar hnen atangin thusawi tawi ngaihthlak a nih bakah Sis F.Lalhriatchhungi hnen atangin fak hla ngaihthlak a ni bawk. Tlai lamah Biakin thar lawmna ruai tlaiah hlim takin an kilho bawk.

August ni 11, Inrinni zan atang khan Revival Inkhawma hun hman chhunzawm niin Pastor K.Vanlalhlimpuia, Ngopa bialtu Pastor hnen atangin thusawi ngaihthlak a nih bakah Bial PYD aiawhin thusawi ngaihthlak a ni bawk a, Sis F.Lalhriatchhungi leh Bro M.S Dawngliana te hnen atangin fak hla ngaihthlak a ni bawk.

Pathianni chawhma khan Rev R.Laltlankima, Bialtu Pastor chuan inkhawm kaihruaiin Rev Rosanga Kawlni, District Superintendent hnen atangin thusawi ngaihthlak a ni a, Bial Missions aiawhin thusawi ngaihthlak a ni bawk. Pathianni Chawhnu Evan H.Lalngaihzuala chuan inkhawm kaihruaiin Rev R.Laltlankima, Bialtu Pastor hnena atangin thuchah ngaihthlak a ni a,Bial Sunday School aiawh ten thutawi an sawi bawk. Pathianni zan khan Bial LAD aiawh bakah Rev Rosanga Kawlni  hnen atangin thusawi ngaihthlak leh a ni bawk.

Rev Rosanga Kawlni, District Superintendent chuan Pathianni hian Suangpuilawn Bial-ah rawngbawlna neiin hun a hmang ang.

Rev Biaksangzuala, District Secretary chuan Arunachal Missions Field hnuaia Menchukha-ah Seminar nei turin August 14, Thawhlehni  khan Aizawl a chhuahsan a,  August 18, Inrinni khan Seminar hi neih niin Pathianni thleng khan rawngbawlna a nei chhunzawm. District Secretary hian August 23, Ningani-ah Aizawl let ang.

Rev Darchhawna, Missions Director chuan August 15 atanga 22 chhung hian Zokhawthar hmunah Rammut programme hmangin rawngbawlna a nei.

Aizawl East Distric, Bawngkawn Kohhran buatsaih July ni 19 a?anga tan Revival Crusade chu Aug ni 12, Pathianni zan khan a tiak ta.

He Crusade ah hian Speaker ah Evan H Lalhlimpui chu hman a ni a, Speaker hi Team member pa 6 in an ?awiawm a ni.

Crusade chhung hian NPSS pual in Lang Camp buatsaih a ni a, PYD pual in Bible Study Camp buatsaih a ni bawk.

Crusade chhung hian Mi 15 in Lalpa Isua hmingin sual ngaihdamna Baptisma, Speaker

Evan H Lalhlimpuia kut ah an chang a, mi 13 in Thlarau thianghlim an dawng thar a, Mi 20 chuang in Thlarau siamthar na an chang bawk.

Crusade chhung hian Pathian hnena lawmthusawi Chawimawin Vawi li (4) ngawt mai neih a ni bawk. Bawngkawn kohhran te an hlim hle a, Speaker Evan H Lalhlimpuia leh a Team te rawngbawlna leh inpekna Lalpa’n Malasawm hle a ni.

Aug ni 18 leh 19 chhung hian Chhimtuipui District hruaitute leh District PYD Choir te chuan Bualpui NG Bial Vawmbuk local ah Pentecostal drive neiin hun an hmang.

Aug ni 18, Inrinni zan khan Evan.K.Rinthara District PYD President chuan inkhawm a kaihruai a, Helen Lalkrawsparmawiin zaia rawngbawlna neiin Dist PYD Secretary T.Upa.H.Lalduhsangan thusawi rawngbawlna a nei a, inkhawm banah inkhawm hona hun an hmang bawk.

Aug ni 19, Pathianni zingah Upa.B.Sangtlunga Dist PYD Vice President chuan inkhawm kaihruaiin Dist PYD President Evan.K.Rintharan thuchah a sawi a, chawhnu lamah T.Upa.H.Lalduhsangan inkhawm a kaihruai a, Sis. Ramdinmawii Chawngthu Dist Treasurer in PYD Financial Campaign neiin District PYD Choir ten zaia rawngbawlna an nei bawk.

Zan lamah T. Upa Lalduhsanga’n inkhawm kaihruaiin Upa.B.Sangtlunga Dist PYD Vice President chuan thuchah a sawi thung a ni.

Aug ni 14, Thawhlehni khan Chhimtuipui District chhung Amobyu Vaithie(Zero) Home mission field Biak In sakna tur atan Upa.K.Sikho, Phura local te chhungkua chuan  Rs.10000(sing khat) Thawktu Evan.Robert.B.Lalnunsiama T hnenah ahlan a, kohrhan hote an lawm hle.

Aug ni 15, Nilaini khan Chhimtuipui District Kohhranpui Inkaihhruaina Dan Amendments Committee chu District Committee room ah an thu khawm.

He Committee ah hian  Evan.V.John Chairman niin Upa.H.Ramhluna Secretary a ni a, Member te hi :-

1) Dist Superintendent

2) Dist Secretary

3) Dist Treasurer

4) Dist Mission Director

5) Rev.C.Satinkapa pensioner

6) Upa.TT.Nomung te an ni.

Sabualtlang Kohhran te chuan Aug  ni 11-12 chhung khan Hmawngbu home mission field an tawh a, member an kal thain malsawmna an dawng hle. He tlawhtawnah hian Sabualtlang Kohhran hruaitute chuan hun an inhman chhawk a, Kohhran hoten an rawngbawlna an hlawkpui hle.

Aug ni 16, Ningani atang khan  Rev.Thanchunga Sailo Dist.Superintendent chu Sentetfiangah rammuin a fehchhuak.

District Secretary Rev.Joseph.L.Thlauhthang chu Cheural ah Aug ni 16, Ningani atang khan rammu in a fehchhuak.