UPCNEINEWSSERVICE APRIL11-18.2021
———–
———–
General Hruaitute Programme:
General Superintendent Rev. R. Lalrinsanga chuan April ni 12 – 15 chhung a Aizawl East District Board, District Committee Room, Ramhlun South a neih chu a tel pui.
UPC North East India General Executive hriatpuinain April ni 14 Nilai ni khan General Treasurer Rev. Lalmalsawma Sailo chu General Headquarters Complex a Quarterah a in sawn lut a, April ni 18 Pathianni hian North Mizoram District Headquarters, kohhran Tuikhuahtlang ten General Treasurer Rev. Lalmalsawma Sailo te chhungkua thlahna hun an hmang ang.
———-
———-
LAWNGTLAI WEST DISTRICT
Dist. Superintendent, Rev.R.Ramthatzawla chuan Lawngtlai College veng kohhranah rawngbawlna a nei ang.
Dist.Secretary&Treasurer, Rev.Lalsawmliana Sailo chuan Chandmary kohhranah nauhlan rawngbawlna a nei ang.
Dist.Mission Director, Rev.F.Lalbiakthuama chuan Hmawngbu ah rawngbawlna a nei ang.
———-
WORK CAMP NEI
April ni 9-11 chhung khan Lawngtlai North Bial PYD te chuan Chawngte Bial a Sawizaw ‘W’ Biak In sa in work camp an nei.
Sawizaw ‘W’ Biak In sak hnatlang ah hian bialtu Pastor T Ngurchhuana chuan telpui thin in, Work camp neih chhung hian mi in phal tak tak te hnen atangin Biak in sakna tur sum enge maw zat dawn a ni bawk.
Thilpek pe tu te:
1.Rbt. Laldiliana, bazar local, North bial PYD President..Rs,15000/-
2.Rbt. Maldina te nupa, saizawh ‘w’ local Rs, 15000/-
3.Dr. Lalhmingsanga, chawngte ‘c’ Local, Rs, 3000/-
4.Chawngte C. Local LAD, Rs, 1000/-
5.Bro. Lalthankunga, AOC local PYD Secretary Rs, 1000/-
6.Bro. Lalawmpuia,(OPA) college veng local, lawngtlai, Rs, 1000/-
7.Sangkima, AOC local PYD President in biakin rawng a hnawisak bawk dawn a ni.
Thilpek petu zawng zawngte chung ah saizawh ‘W’ Kohhran chuan thinlung takin lawmthu an sawi a, Tin, Chawngte ‘C’ Local church ten sunday zing inkhawm nan an Biakin phal tak a hman tir thin avangin Chawngte ‘c’ local church Hruaitu te chungah poh lawmthu an sawi bawk a ni.
———-
Member thar lawm lut:
April ni 11 Pathianni khan Lawngtlai AOC Local Church ah, Chairman Upa.L.Lalnunzira chauan member 3 Kohhranah lawmlutin member pakht hi kohhran dang atang a lawmluh a ni.
———-
———-
LUNGLEI DISTRICT
LUNGLEI DISTRICT PYD CONFERENCE VAWI 53-NA CHU ROREL INKHAWMIN NEIH A NI DAWN:
April ni 11 Pathianni zan khan Lunglei District PYD Executive Board chu Upa C.Malsawmkima Quarters Chanmari-ah an thu khawm a, April ni 23-25 chhunga Lunglei District PYD Conference vawi 53-na Hnahthial hmuna neih tur chu Mizoram chhungah Covid-19 hri kai an pun zel avang leh Mizoram sawrkarin SOP thar a tihchhuah leh tak avangin programme lo duan tawh chu tidanglamin, hetiang hian Conference neih dan tur an ruahman a ni.
1. April ni 25 (Pathianni) chawhma dar 10:30 ah Venglai UPC Biak in, Hnahthial ah rorel inkhawm neih a ni ang a, hetah hian hruaitu hlun chawimawina, Target tlak hmasa lawmman sem leh Kumpuan Committee atangin lawmman sem hun siam a ni ang. Tlai lamah rorel palaite tan Conference Organising Committee-in chawhlui min buatsaih sak dawn a ni.
2. Rorel inkhawmah hian Conference thupui, ‘Pathian beisei rawh’ Sam 42:11 tih hmangin District kohhranpui hruaitu 3 te hnen atangin thusawi (Minute 10 theuh) ngaihthlak a ni ang.
3. Rorel palai tur a hnuai ami ang hian ruahman a ni.
– Local hruaitu (OB) atangin 1 theuh
– Bial hruaitu (OB) atangin mi 3 theuh
– District PYD OB leh District PYD Sub.Committee OB zawng zawng.
Heng bakah hian bialtu Pastor-te rorelna min telpui tura beisei leh ngen an ni.
4. Bial tinin Conference palai fee leh bial PYD Flag ken theuh tur a ni.
———-
KUMPUAN HAWNNA NEI DAWN :
April ni 18 Pathianni chawhnu dar 1:30 hian Headquarters Local biak inah Lunglei District UPC- kumpuan ‘Zuk leh hmuam do’ hawnna chu District Thianghlimna Committee buatsaihin neih a ni dawn.
He hun hi District Thianghlimna Committee Chairman Rev.C.Lalhriatpuia chuan a kaihruai ang a, Evan.T.Lalzawmsanga District Thianghlimna Committee Secretary chuan Report pe in, District Treasurer Rev.C.Lalrintluanga chuan kumpuan hawnna hi neiin thuchah a sawi bawk ang.
———-
P.C.D. CAMPAIGN :
April ni 11 Pathianni khan Lunglei District PCD hruaitute leh District PCD Board Member-te chu Thenhlum bial chhunga Local hrang hrangah Campaign-in an fehchhuak.
April ni 11 Pathianni chawhma inkhawmah Thenhlum Local-ah hian District PCD Treasurer Bro.PC.Vanlaltluanga chuan Campaign a nei a, Lungchem Local-ah Rbt. Ramngaihzuala Headquarters Bial PCD President in Campaign a nei bawk. Tin, Changpui Local-ah Bro.Jacob Ramengmawia, District PCD Secretary chuan Campaign hi a nei bawk.
April ni 11 Pathianni zanah Thenhlum Local-ah hian hun hman leh a ni a, hetah hian District PCD President Rbt.C.Lalramluahpuia chuan Campaign hi a nei leh a ni.
———-
———-
NORTH MIZORAM DISTRICT
District hruaitute programme:
North Mizoram District hruaitu pathum Supdt. Rev. Laltluanga, Secretary Rev. Chhiarpuia leh Treasurer Rev. K. Lalduhsanga te chuan April ni 14 Nilaini khan kohhran tul pawimawh tiin Kolasib-ah an zin.
Kolasib-ah hian Diakkawn Bial, Kol vengthara District-in, Kohhran tana hmun lo ram a lei leh Kolasib Tuitha veng Biak in hmun ram lei te an tehfel anga, hetihrual hian Kol Venglai Bial, Kol hmar venga Biak in hmun ram neih te an enfel bawk ang.
———-
Seminar nei:
Inrinni kalta April ni 10 khan Kolasib Diakkawn Bial buatsaihin Rawngbawltu Retreate leh Upa Seminar neih a ni.
Retreate Cum Seminar hi Thingdawl Venglai Biakinah neiin; Resource person-ah North Mizoram District Supdt. Rev.Laltluanga hman a ni a, ani hian paper tha tak buatsaihin kalkhawm ten an hlawkpui hle.
District Supdt. Hian April ni 11 Pathianni zingah Kolasib Vengthar kohhrante inkhawmpuiin; Pathianni chawhnuah Thingdawl Venglai kohhran a inkhawmpui bawk.
———-
Thilpek pe:
April ni 13, thawhlehni khan Sihthiang rawngbawltu awmna tur Quarters sakna hmanrua thingzai Cubic 107 lai chu Bro Nuntluanga’n a thlawhin a zai sak a, kohhranhote an lawm hkle. Sihthiang hi Rengdil Bial chhunga District in rawngbawlna beihpui a thlanna hmun pawimawh tak a ni. (Sihthiang)
Hetih lai hian Zawlnuama awm Bro. Remnghakliana (Pu Ate-a) pawhin New Eden Evangelist Quarter bang tur tile lei nan Rs. 11,000 chu April ni 13 vek khan, Rengdil Bialtu Pastor C. Lalthlengliana kutah hlanin (Pic. Tile man pe) Bro.Vanlalfaka Saza W.Phaileng pawhin New Eden Biak in chung khuhna tur Rangva lei nan Rs. 20,000 a pe bawk
———-
Sunday School Seminar buatsaih:
Maubawk Bial, Sunday Day School Dept. buatsaihin April ni 10 Inrinni khan Puitling leh Naupang Sunday School zirturtu pual seminar neih a ni.
Seminar hi Maubawk Biak in Sunday School Hall-ah neiin; Calvary Bible College Principal Rev. K. Malsawmtluanga chuan zirtirna pein paper a buatsaih a, Seminar chhimte’n an hlawkpui hle, tlai tlamah chawhlui an kilho nghal bawk.
———-
District Field Kananthar kohhranah mithar neih a ni:
April ni 11 Pathianni khan Bairabi Bial chhunga awm Kananthar Preaching Point ah Bialtu Pastor Lalhmuakliana Hnamte chuan NEI-UPC-a lawi turin mithar chhungkaw 1 members 5, Puitling 2 leh Naupang 3 chu Hindu sakhua atangin kohhranah a lawmlut a, Puitling 2 te hian Sual ngaihdamna Baptisma Lalpa Isua hmingin an chang nghal bawk. Baptisma rawngbawlna hi Bialtu Pastor hian neiin; Nau 3 hi Pathian hnenah hlanin; Pastor rawngbawlna hi Bial chhung atangin Upa H. Lalbiakmawia Secretary Bairabi Bial, T. Upa C. Lalchhandama President Bial PYD Bairabi, Bro. V. L. Malsawma President Bairabi Bethel Kohhran ten an tawiawm.
Bairabi Bial PYD President T. Upa C. Lalchhandama’n Kananthar Preaching Point Kohhran tan khuangpui pek a tiam a, kohhranhote an lawm hle.
Kananthar Preaching Point-ah hian District hmalaknain Evan. Vanlalpeka a awm mek a, Lalpan a rawngbawlna a thawhpui hle.
———-
Sialsuk Bial, Lungsei kohhranah mithar:
Pathianni kalta April ni 11 Pathianni khan Sialsuk Bial, Lungsei Kohhranah mithar duhawm tak Sist C.Nghingliani chu UPC-NEI- kohhrana lawi turin Bialtu Pastor hian a lawmlut. Lawmluhna inkhawm hi Lungsei Biak inah neih a ni.
———-
New Eden kohhranah mithar:
Rengdil Bial chhunga New Eden kohhranah District hmalaknaa rawngbawla awm mek, Bro. John Gabriela chuan a rawngbawlna kaltlangin Pathian thuthlung hmuub mithar 10 UPC-NEI ah a lawmlut.
Member thar lawmluh inkhawm hi April ni 11 Pathianni kalta khan New Eden khua UPC Biak inah neih a ni.
———-
Work camp-in fehchhuak:
Sihphir Bial Missions Department te chuan April ni 14 Nilaini zing dar 9 khan, Tumpanglui Missionary Quarters extend hna work camp-a thawk turin an feh chhuak. Workcamp nei tura thawkchhuah sihphir Bial member te hi Bialtu Pastor Rev. C. Lalrammuana’n hovin; tunkar chhung hian an hna hi an thawhzawh mai a beisei awm.
———-
Tlangnuam Bial LAD te luang chhuak:
Tlangnuam Bial LAD te chuan, Bial LAD Conference rorel bawhzuiin April n 10 Inrinni khan TNT te puala fehchhuakin Buhfai Bag 10 an pe.
He Thilpek hlannaah hian Tlangnuam Bial hruaitute an kim a, Bialtu Pastor Lalruatkima Fanaiin a ho bawk a ni.
———-
———-
AIZAWL EAST DISTRICT
District Conference:
Aizawl East District hnuaia inkhawmpui lian ber District Conference vawi 27-na, April 11, Pathianni khan a tiak. District Conference hi April 9, Zirtawpni khan Department rorel in bul tan a ni a, District LAD leh Sunday School Department ten rorelna hun an hmang a ni. District LAD hian Salem Veng Biakin-ah Sis Zionparmawii B/W, President kaihhruaiin rorelna an nei a, hetah hian Rev Biaksangzuala, District Superintendent bakah Gen.LAD Hruaituten an telpui a ni. District Sunday School Department hian Mualpui Biakinah Rev HL Thakunga, Director kaihhruaiin an nei ve bawk a, hetah hian Rev Vanlalfela Ramtiam, District Secretary, Rev.VL Hnemtluanga, District Treasurer bakah Gen.S.S Director, Rev R.Laichhingpuia ten an telpui bawk. Covid-19 hrileng mek avangin kum dang angin inkhawmpui hi neih theih a ni lova, Department rorel-ah hian bial tin atangin rorel palai bik ruat an ni a, Kohhranpui-ah pawh rorel palai tih tlem a ni bawk a ni.
District LAD leh Sunday School Department rorel-ah hian bial atang leh Official atangin thu ngaihtuah tur engemaw zat lutin LAD te hian Kum 2024 atanga hman tan theih turin chhungkaw maicham bu thar siam ni se an ti a, General LAD-ah thlen a ni ang. NEI General LAD huapin Child Adoption chungchang uar taka inzirtir thar leh tura tih niin Kum 2022 LAD Day thawhlawm, District leh General chan tur hi Shiilong Guest House sak nan hman ni se, General LAD-ah thlen ni se an ti. Bial LAD Conference hi Bial Kohhranpui Conference neih hmaa nei tawh tura rawtna awm chu District Kohhranpui Board-ah thlen tua tih niin Kum 2021 chhung Buhfaitham leh chhungkaw maicham-ah hmasawn a nih theih nan Bial tin ten Seminar neih tura tih a ni. District LAD Conference rorel hian Kumin May 9, Pathianni tlaiah District huapin chawnghei tawngtai neih ni se an ti a, thupui hlawm hrang hrang pawh an siam nghal a ni. District LAD te hian rorel zawh a nih hnuah Kum 2021 Budget pe tlak hmasa Bial 6 te hnenah lawmman an hlan nghal bawk a ni.
District Sunday School Department te hian Puitling Sunday School zirlaibu siam hi Bible hrilhfiahna bakah zirlaite tana tangkai tho tur zirlaibu te siam belh a, Bible-a mi nen a inchhawka zir ni se tih chu General S.S-ah thlen tura tih a ni a, Sunday School hall sak tanpuina tihpun tha tih niin District Board kuta dah a ni. Sunday School zirtirtu Kum 15 chawl lova tang tawhte chawimawna pek thin chu Kum 25 chin ni tawh se tih niin Kumpuan “Kan fate i chhanhim ang u” bawhzui dan tur ngaihtuah niin General lamin Guide line te a siam dawn avangin District Board-in chumi dung zui chuan la ngaihtuah mai ni se an ti. Conference rorel zawh hian District Board neih chhunzawm nghal niin hetah hian S.S hall sak tanpuina Rs 20,000/- a in pek thin chu Rs 30,000/- ni tawh se, kum khatah Local 10 pek thin ni se an ti a ni.
Report atanga a lan danin tunah hian District chhunga Bial 31 awm atangin LAD member hi sangnga leh sawmruk pakua an awm mek a, LAD hi khaw 157-ah dingin zuk leh hmuam nghei sangkhat zathum sawmsarih pariat an awm a, Bible women hi mi 21 an awm mek a ni. Chhungkaw maicham nei thei 836 awmin, a changa nei thin 3721 an awm a ni. District LAD te hian kum 2020 LAD Day thawhlawm, District-in a chan atangin Kohhran 6-ah Biakin sak tanpuina a hlan a, HIV darh zel tur laka inzirtirna atan Guideline siama hmalak mek a ni. Kum 2020 khan Cancer natna vei, Treatment la mek mi 24 te hnenah Rs 7000/- theuh in tanpuina a hlan bawk a ni.
District Sunday School report atanga a lan danin tunah hian District chhungah Puitling leh naupang hming ziak hi singhnih zathum sawmnga paruk an awm mek a ni. Kum 2020 khan Darlawn, Ratu, Khualen leh Aiduzawl Kohhran Sunday School Hall hawn niin Sunday School Hall sak tanpuina hi Kohhran 10-ah pek a ni bawk. Sunday School Department te hian rorelna an neih rual hian Sunday School zirtirtu chawl lova Kum 15 lo thawk tawhte hnenah chawimawina an hlan bakah budget pe tlak hmasa bial panga te hnenah lawmman an hlan bawk a ni.
April 10, Inrinni nileng khan Mualpui Biakinah Rev Biaksangzuala, District Superintendent kaihhruaiin Kohhranpui hian Conference rorel neih a ni a, Rev.R.Lalrinsanga, Gen.Superintendent.bakah Gen.hruaitute dang ten an telpui bawk. Conference rorel chuan Kum 2023 District Conference chu N.Vanlaiphai bialah nghatin ruatsa angin Kum 2022-ah Khawzawl bial-ah hman a ni ang. Kumin 2021 hi ramlak beihpui thlak kumah puan niin District chhunga T.Upa chin chunglamte tan Seminar neih tura tih a ni bawk. Senior Upa dinhmuna hlankai tawhte chu AED chhung hmun danga an pemin an awmna tharah Senior Upa tia koh chhunzawm zel tura tih a ni bawk.
Statistic report atanga a lan danin tunah hian AED chhungah hian bial 31 awmin, Kohhran hi khaw 185-ah din a ni a, member 26055 awm mekin Kohhran chhungkua 5694 an awm mek a ni. Sual ngaihdamna baptisma hi mi singkhat sangruk zariat leh sawm paruk te chang tawhin Thlarau thianghlim baptisma hi mi singkhat sanghnih zasarih leh pali ten an chang tawh a, preaching point 15 awmin zuk leh hmuam nghei tawh zawng zawng hi 7713 an awm mek a ni.
Covid-19 hrileng avangin Aizawl East District Conference-ah hian zan lam inkhawm awm lovin, April 11, Pathianni khan vawi khat chauh inkhawm neih a ni a, Chawhma Dar 11-ah Mualpui Biakin-ah inkhawm Rev Biaksangzuala, District Superintendent chuan a kaihruai a, hunserh Rev R.Lalrinsanga, General Superintendent chuan hmangin Rev.C.Lalengliana kaihhruaiin Doctrine sawirualna neih a ni. Mitthi sunna Rev HL Thakunga, Bazar Bialtu Pastor kaihhruaiin neih a ni bawk. Inkhawmah hian Rev Biaksangzuala, District Superintendent chuan Pastor 4- Pastor K.Vanlalhlimpuia, Pastor R.Lalfamkima, Pastor HP Ramfangzauva leh Pastor Hmingchungnunga Ralte te nemnghehna a nei a ni. He hunah hian Upa leh Licence holder Kum 25 chawl lo te hnenah chawimawna hlan niin lawmman chi hrang hrang sem a ni bawk a ni. District Thianghlima Committee ten zuk leh hmuam nghei thar tam bial pakhatna- Upper Republic bial, pahnihna- Zemabawk bial leh pathumna- Serchhip bial te hnenah lawmman an hlan bawk. Rev.R.Lianzama, Missions Director chuan malsawm tawngtaina neiin Kum 2021 AED Conf chu hripui leng karah a tiak ta a ni.
———-
District Board:
Aizawl East District hnuaia rorelna sang, District Board April 8, Ningani-a tan chu District Conference neih a nih hnuah April 12, Thawhtanni khan chhunzawm leh a ni a, April 15, Ningani khan tluang takin zawh a ni. District Board hi Rev Biaksangzuala, District Superintendent chuan kaihruaiin Rev R.Lalrinsanga, General Superintendent pawhin Board neih chhung zawng hian a telpui a ni. District Board-ah hian thu ngaihtuah tur engemaw zat lutin he thu buatsaih lai hian an thu pass kan hre hman lo va, karleh lamah tihchhuah tum a ni ang. District Board-ah hian Licence dilte interview niin written test neih a ni bawk. Board-ah hian Board memberte an telkim thei a ni.
———-
District Missions Evangelist la thar:
Aizawl East District Missions Department ten District chhung hmun hrang hranga rawngbawltu tur District Missions Evangelist pathum a la thar. District Missions Department te hian Evangelist lak thar tur hi Advertisement alo chhuah tawh a, April 10, Inrinni zingkar khan Interview kaltlangin rawngbawltu tur mi pathum te hi April leh May chhung thawk turin ala thar ta a ni. District Missions Evangelist lak thar leh an awmna hmun turte:
1. Evan Philip VL Hmuchhuaka- Thinglian
2. Evan Lalhmuakliana- Tualcheng
3. Evan TC Kapzathanga- Melbuk
———-
Hruaitute Programme:
Rev Biaksangzuala, District Superintendent chuan Pathianni hian District Hqrs. Kohhranah thusawi rawngbawlna a nei ang.
Rev VL Hnemtluanga, District Treasurer chuan April 16 atanga 18 chhung hian Senvawn-ah rawngbawlna a nei anga, April 19-23 chhungin Pherzawl hmunah Crusade nei lehin April 24 atanga 28 chhungin Damdiai hmunah rawngbawlna a nei leh ang. Ruahmanna ang chuan April 29-ah Aizawl a rawn let leh ang.
Facebook