GENERAL HRUAITUTE PROGRAMME:
General Superintendent Rev. R. Lalrinsanga, General Secretary Rev. Zohmingthanzama leh General Treasurer Rev. Lalmalsawma Sailo te chuan September ni 7-8 chhung khan Calvary Bible College (CBC) Golden Jubilee lawmna ah hun an hman pui a, Sept. ni 9-10 chhung khan Delhi ah Kohhran thil pawimawh tiin hun an hmang bawk.
General Missions Director Rev. Biaksangzuala chuan September ni 7-8 chhung a Calvary Bible College (CBC) ten Golden Jubilee lawmna ah hun hman puiin Sept. ni 9 – 12 chhung hian Arunachal Missions Field Conference a hman pui bawk ang.
General Sunday School OB pathum, Rev. R. Laichhingpuia, Director, Rev. R. Vanlalawia, Secretary leh Evan. F. Lalsangliana, Treasurer te chuan September ni 3 leh ni 4 khan S.E. Nagalan ah rawngbawlna neiin Seminar an neihpui nghal a, September ni 7-8 chhung khan Calvary Bible College (CBC) Golden Jubilee lawmna ah hun an hman pui bawk. General Sunday School Director Rev. R. Laichhingpuia hian Arunachal Field Conference hmanpuiin Sept. ni 12 hian Seminar a neih pui bawk ang.
———-
CALVARY BIBLE COLLEGE GOLDEN JUBILEE
( CBC hotute lam atangin Group ah hian Post an rawn siam dawn a…kan lo ngai chang dawn nia..)
———-
———-
BARAK DISTRICT
Sept. ni 2 Zirtawp ni khan Barak District Missions rorel angin Missions Field Magura Local ah “Financial leh Leadership” thupui a hmangin Seminar neih a ni.
Sept. ni 4 Pathianni khan Barak District Missions rorel angin Pastor L. Kapma Dist. Secretary leh Pastor Samuel Lalropara, Silchar Section Pastor chuan Karimganj Missions Field, Magura Local ah Seminar hlawtling takin an neihpui a, tin, Sis. Lalthuthlungmawi Darngawn rawngbawlna kal tlangin chhungkaw khat chu UPC North East India Kohhran ah lawm;luh an ni bawk. Rev. Lalthanmawia District Missions Director chuan chhungkaw pa ber chu sual ngaihdamna Baptisma chantirin, Pastor L. Kapma District Secretary chuan Nau hlan rawngbawlna a nei bawk.
———-
———-
NORTH MIZORAM DISTRICT
(District lam atangin Post an rawn siam dawn a…kan lo ngai chang dawn nia..)
———-
———-
AIZAWL EAST DISTRICT
Bial Sunday School Inkhawmpui hmang mek:
Aizawl East District chhunga Bial hrang hrangte chuan September 9, Zirtawp zan atang khan Bial Sunday School Inkhawmpui an hmang mek a, Pathianni zan hian a tiak ang. Bial Sunday School Inkhawmpui-ah hian Bial hrang hrang te chuan Inrinni hian mahni bial chhung inawpna leh Districta lut tur agenda te ngaihtuahin rorel Inkhawm an hmang hlawm a, Bial thenkhat chuan Tualchhung Kohhran hrang hrang hnen atangin Report an ngaithla bawk. Sunday School Inkhawmpui-ah hian Naupang lamin mal zai, thu leh thu inchhang, Recitation leh Group zai te a intihsiakna neiin Bial thenkhat-ah chuan Puitling lamin Lengkhawm zai leh Puitling Zirlaibu atangin Quiz intihsiakna an nei ve bawk a, Bial thenkhatah chuan intihsiakna awm lovin meet angin an hmang bawk a ni.
Tun dinhmunah Aizawl East District chhungah hian Bial 31 awm mekin Puitling leh Naupanga Sunday School hming ziak singkhat leh sangriat chuang an awm mek a ni. District Sunday School leh Kohhranpui hruaituten hetiang hian Inkhawmpui an hmanpui a ni: District S.S Director, Rev.Rohmingliana chuan E.Lungdar Bial-ah a hmanpui a, Secretary Evan.K.Lalmuansanga chuan Mualpui Bial hmanpuiin Treasurer Evan Hr.Lalrindika chuan Chhingchhip Bial a hmanpui bawk a ni.
———-
Literature meeting neih a ni:
September 6, Thawhtlehni khan District Superintendent room-ah Rev.R.Laltlankima, Chairman, District Literature Committee kaihhruaiin meeting neih a ni. He hunah hian Kum 2023-a Nilai zan thupui zir tur- Ringtute pawimawhna tih leh Rinna thu- Rev.VL.Hnemtluanga leh Rev.R.Laltlankima te ziak chu endik theih tura peih tawh niin meeting naah hian Rev.VL.Hnemtluanga ziak Ringtute pawimawhna tih chu endikna neih nghal a ni a, remchang hmasa berah Rev.R.Laltlankima ziak Rinna thu tih chu endikna neih leh ni se an ti. Literature board hminga lehkhabu tihchhuah tura an tih chu ziak tura ruat thenkhatin an ziak zo tawh a, la ziak zo lo ten kumin 2022 hian ziak zovin Kum 2023-ah chuan tihchhuah hman tum ni se an ti bawk a ni. Lierature meeting-ah hian memberte an telkim thei a ni.
———-
MRB Chanmari Branch ten District Office tlawh:
September 7, Nilaini khan MRB, Chanmari Branch chuan Customer connect month an hman mekah District Office tlawhin hun hlimawm tak an hmang. An puala hun tawi hman hi Rev.R.Laltlankima, Dist.Secy.chuan kaihruaiin Branch Manager Pi Sangzeli hnen atangin Customer connect month an hman mek thute leh UPC-AED bakah Kohhran ten MRB Chanmari an dawr thinna-ah lawmthu a sawi a ni. Rev.KVL.Hmangihkima, District Supdt.chuan thutawi sawiin MRB Chanmari branch ten AED Office-ah tlawhnaah lawmthu sawiin an tan tawngtaisakna a nei bawk a ni. He hun tawi hman hi Rev.VL.Hnemtluanga, Missions Director chuan malsawm tawngtaiin a titawp a ni. MRB Chanmari Branch te hian AED Office staff te tan chhun thingpui leh a hmeh an tum sak a ni.
———-
Pathian chawimawina:
Apostolic Revival Team, Speaker Evan. J.H Lalhminghlua te chuan Khawzawl Hermon veng-ah rawngbawlna neiin, August 9, Thawhlehni khan Khawzawl hmun an thleng. Kohhran mite tawngtaina a zarah leh Pathian malsawmna a zarah Speaker Pathianin malsawmin Thlarau thianghlim changthar engemaw zat an awm bakah sual ngaihdamna baptisma mi 11 ten an chang a ni. Inkhawm boruak a nuamin September 7, Nilaini khan Kohhran Chairman Upa. Lalnghinglova te chuan Pathian hnena lawmthu sawina/ Chawimawina an nei a ni.
———-
Mithar leh baptisma chang thar:
September 4, Pathianni khan Zemabawk North Bial, Zemabawk West Kohhranah mithar 4 Kohhranah sengluh an ni.
September 4, Pathianni zan inkhawm ban khan Khawzawl Lungvar Preaching Point-ah mi pathumin sual ngaihdamna baptisma an chang thar a, an zinga pakhat hi mithar a ni. Khawzawl Lungvarah hian Evan H Lalhlimpuia, District Evangelist chuan rawngbawlna a nei mek a, chawimawina te awm in Crusade an nei mek a Pathian malsawmna tam tak an dawng bawk a ni.
September 4, Pathianni khan N.Vanlaiphai Bial, Khawlailung Dinthar ah Member 3 chu Kohhranah sengluh an ni. Khawlailung Dinthar ah hian Sis JH Lalhmangaihi leh a Team Servant of Christ ten rawngbawlna an nei a ni. Chawhma inkhawm banah mi 4 in Isua hmingin Baptisma an chang bawk.
September 4, Pathianni khan Dist.Superintendent, Rev.KVL.Hmangaihkima chuan Thuampui Vengthar-ah baptisma rawngbawlna neiin mi 4 in sual ngaihdamna baptisma an chang a, an zinga pakhat hi mithar, hmanni deuha Kohhrana sengluh tak kha a ni. Thuampui Vengtharah hian Evan.H.Malsawmthanga’n rawngbawlna a nei mek a ni.
———-
Serchhip rawngbawlna report:
September 4, Pathianni khan Evan HK. Lalhmangaiha leh a team te rawngbawlna atangin mithar 1 Kohhranah sengluh a ni, sual ngaihdamna baptisma chang nghalin amah nen hian mi 5 in baptisma Bialtu Pastor B.Lalengzauva kutah an chang a, chawhnu inkhawm ah mithar lawm luhna hi a nei a ni.
Evan HK.Lalhmangaiha leh a team te hian August 3, Nilai zan atang khan Serchhip hmunah hian rawngbawlna an nei tan a, Naupang pual lang camp te, Pathian thu zir hona te neiin Kohhrana mi thahnemngaite kaltlangin Pathian chawimawina Serchhip Biak Inpui-ah neih a ni bawk. Evan HK.Lalhmangaiha leh a Team te rawngbawl chhung hian Thlarau thianghlim dawng thar engemaw zat awmin mithar 3 Kohhranah sengluh an ni a, sual ngaihdamna baptisma chang an awm bawk a ni. Kohhran chhung zingah saltangte chhan chhuak turin nasa taka beihpui thlak niin Kohhran ten hlim takin hun an hmang a ni.
———-
Zohmun Bial LAD ten Quarters ah thilpek hlan:
September 4, Pathianni khan Zohmun Bial LAD te chuan Pastor Quarters tan hengte hi an hlan
1. Thutthleng sei
2. Couson
3.Blanket – 5
Kumin bikah hian Bial LAD hian Dinning Chair leh Inverter leina tur Rs.10,000 an lo pe tawh bawk a ni. Pathianni vek khan Sis. L. P.Lalramengmawii chuan Parda Set. 4 a hlan bawk a ni.
September 3, Inrinni vek khan Sakawrdai Chhim Vengah Bro.Hranghmingthanga ten Pathian hnenah chawimawina neiin Kohhran hoten hlim leh nuam takin hun an hmang. Inrinni zan atanga Pathianni thleng khan hun hman chhunzawm a ni. Sakawrdai Chhim Vengah hian Evan.K.Vanlaldika’n rawngbawlna a nei a, a rawngbawlna Kohhran hoten an hlutin malsawmna an dawng hle a ni.
———-
Hnahlan bial-a rawngbawlna:
August 31 atanga September 4 thleng khan Hnahlan Dârnam Biak In ah, Evan. F. Malsawmdawngliana Speaker-a hmangin Revival Crusade hlawhtling taka hman a ni. Crusade-ah hian Sis Vanlalhmangaihtharzeli Parte chuan zaia rawngbawlna a nei thin a ni. Speaker Pathianin a hmang a, Biak In-a leng lo khawpin inkhawm pawh an tha thin a ni. Crusade neih chhung hian Thlarau thianghlim dawng thar pawh engemaw zat an awm a ni.
———-
Chhingchhip bial-a rawngbawlna
August 31 atanga September 4 thleng khan Chhingchhip bial Chhiahtlang Hmarveng Kohhranah Crusade neih a ni a, Bro. H.Lalrinfela speaker-ah hman a ni. Speaker rawngbawlna Lalpan mal a sawmin a ropui thin hle. September 4, Pathianni khan Bro. H. Lalrinfela rawngbawlna kaltlang mi 14 (kohhran member ni sa) in Lalpa Isua hmingin bialtu Pastor HP Ramfangzauva kutah baptisma an chang. Chhiahtlang Hmarveng Kohhranah hian Chhandamna Camping September 12 atanga 17 chhung nei tura tih a ni a, Speaker-ah Bro. H. Lalrinfela hman a ni ang.
———-
Music School:
District PYD hnuaia Music & Sound Committee buatsaihin kumin October leh November thla hian Tonic Solfa, Guiter leh Keyboard zirna a hawng leh dawn a, zir duhte chuan a hnuaia tarlante hi hriattur a ni:
1. Dilna form hi 30. September, 2022 thleng theh luh theih a ni.
2. 4th.October, 2022 ah Class tan a ni ang.
3. Class tan ni hian admission tih nghal tur a ni ang.
4. Thawhtan – Zirtawp zing dar 6:30 – 7:30 ah class neih thin tur a ni.
5. Music class hi 4th.October – 30th.November.2022 thleng neih a ni ang.
6. Fee hi admission tih ruala pek nghal vek tur a ni, hetiangin ;
1) Admission fee : Rs. 50
2) Monthly fee : Rs. 250
Total fee : Rs. 300
7. Sponsor i nih chuan sponsor-tute lehkha thil tel ni se.
8. Dilna form hi Evan. K. Lalbiaknunga, Aizawl East District Office, Ramhlun South-ah lakchhuah leh thehluh tur a ni.
9. Form hi a soft copy download-a mahnia print pawh pawm a ni e.
10. Hriatfiah duh nei chuan Bro.Nelson KVL.Chhandama – Ph: 9615541686 hnenah zawhfiah theih a ni ang.
———-
———-
LUNGLEI DISTRICT
SHORT FILM SIAM INTIHSIAKNA RESULT PUANG :
Thianghlimna Committee, Lunglei District UPC-in Short Film siam intihsiakna a buatsaih result chu September ni 4 Pathianni chawhnu khan District UPC Conference Hall-ah puan a ni.
He hun hi District Thianghlimna Committee Chairman, Rev.C.Lalhriatpuia chuan a kaihruai a, District Treasurer Rev.PC. Lalfakawma chuan thu sawiin, Evan. V. Lalduhawma chuan Result a puang a, lawmman dawngtute hengte hi an ni.
1-na : ‘KEIMAH VANGIN’ – Rahsiveng Local PYD Media Cell
2-na : ‘TLEMTE PAWH A PAWI’ – Farm veng Local PYD Group -1
3-na : ‘I TAN KA HLAN’ – Pukpui Local PYD
District Thianghlimna Committee Treasurer Sist.Lalramlawmi Sailo B.w kaihhruainain lawmman sem chhunzawm a ni a, Pakhatna hian Rs.7000 an dawng a, 2-na hian Rs.5000 dawngin, 2-na hian Rs.3000 an dawng bawk. Tin, intihsiakna atana Film thehlutte hnenah Consolation Prize Rs.1000 theuh pek a ni.
Hemi hnu hian Upa C.Lalhmangaiha chuan lawmthu sawina neiin Evan. F. Lalhmangaiha chuan tawngtainain hun tawp a khar a ni.
Heng Film chi hrang hrangte hi Pennet Lunglei Youtube channel-ah a remchan dan angin dah tum a ni.
———-
C.E.C. SCHOOL TEN TEACHERS’ DAY AN HMANG :
India ram pumah Teachers’ Day vawi 60-na lawm a nih angin, Kohhranin School kan neih, Christian Education Centre-ah pawh Zirtirtute Ni hi School mualah hlung taka hman a ni. He hun hi District Secretary Rev C. Lalrintluanga chuan a hmanpui.
Teachers’ Day Programme hi Vice Principal, C. Lalrosanga’n a kaihhruai a, District Secretary Rev C. Lalrintluanga leh Principal P. Samson Vanlalfela’n thusawina an nei a, School hla “God Blessed CEC” tih sa hovin, Zirtirtute chawimawina hun hman a ni a, Student ten thilpek hlanna, School aiawh leh mimalin an nei bawk.
Class hrang hrang atangin item hrang hrang neiin, Zirtirtu Ni puala buatsaih Cake pahnih chu Principal leh Vice Principal ten an zai hnuah zavaia ei turin sem a ni. Zai leh Special Item hrang hrang entir a ni a, Cl-XI leh Cl-XII pass chhuak ta engemawzat ten an hmanpui bawk a ni. CEC School-te hian an theih tawkah Teachers’ Day hi an hmang hlung thei hle a, zirtirtute chawimawi nana an hman mai bakah naupang talent haichhuah nan hmangin, he ni hi School naupang ten an ngaihhlut leh hriatreng a ni fo thin a ni.
Tun dinhmunah hian C.E.C. School-ah hian Student 207 vel an awm mek a ni.
———-
GOSPEL MEETING :
Lunglei District UPC School enkawl Christian Education Centre (CEC) chuan September ni 7-9 chhung khan Gospel Meeting an hmang.
He Gospel Meeting hi hlawm hnihah then a ni a, a te leh a lian ah inthen in a lian lam ah hian Speaker atan Pastor Lalrinmawia, Thenhlum bialtu Pastor chu hman a ni a, a te lam Speaker atan hian Sir IZ Hmingthankhuma, Madam Lalengkimi leh Madam Lalhmunsiami Chawngthu te hman an ni.
———-
THISEN PE :
Lunglei District P.Y.D. Conference-in Blood Donation neih nise a tih bawhzuiin Haulawng bial PYD-te chuan September ni 5 Thawhtanni khan Lunglei Civil Hospital tan thisen unit 80 an pe.
Haulawng Lamthuamthum Local UPC Biak Inah thisen hi pek a ni a, Mipa 69 leh Hmeichhia 11 ten an pe a, avaiin Unit 80 pek a ni. Blood bank-a thawktuten Haulawngah hian an kal chilh a ni.
Kumin hian bial 10 ten thisen hi an pe tawh a, an thisen pek tlingkhawm hi Unit 424 a ni.
———-
CAMPING BUATSAIH :
September ni 6-10 chhung khan Thingsai Local-te chuan Salvation Camping an buatsaih a, Speaker atan Rev. R. Sangthanga an hmang a, hlim tak leh hlawk takin Camping hi an nei a ni.
———-
MI THAR :
September ni 4 Pathianni khan Lungsen N Local-a lawi turin bialtu Pastor PC. Zion Rammawia chuan mi thar 3 (Puitling 1 leh Naupang 2) a lawm lut.
September ni 4 Pathianni vek khan Tlabung bial chhunga Chawnpui Local leh Zodin Local-ah te mi thar pakhat ve ve lawm luh a ni.
———-
———-
LAWNGTLAI WEST DISTRICT
Rev.F.Lalbiakthuama, District Superintendent.
Lawngtlai North bial Mission Dept.Work camp neih mek chu a hmunah a en pui a nga Dist.Mission Conference neihna hmun tur Mampui Local te inbuatsaihna a thlir pui a nga ruahmanna te a en fel pui dawn bawk a ni.
Rev.Lalsawmliana Sailo, District secretary
Chandmary kohhranah rawngbawlna a nei ang.
Pastor S.Vanlallunghnema, District Treasurer
Hqtrs Local ah hun a hmang ang.
———-
NGENGPUIKAI KOHHRAN TAN THILPEK PE
Dt:31.Augst.2022
Lawngtlai North bial Mission Dept. bul tumin Ngengpuikai home mision field biakin sak work camp neih mek a ni a chuta biakin a tar tur leh Misionary quartera tar tur chu Bro.Vanlalnelzuala(Pu Nelpuia) chuan cheng tam tak senga a siam chu a present a ni.
A thil present hi Sign Board Missionary Quarter leh Pulpit hnunga tar tur a ni.
He mi rual hian work campa kal te hi Arsa Kg 15 a pe tel bawk a ni.
He hun hmang hian Rev.F.Lalbiakthuama District Supdt te,Evan George Lalawmpuia District PYD Secretary,Dist.Missions Secretary ni bawk leh Evan Lalhmangaihzama Hmawngbu home misionary,PCES Principal i/c te kalin Dist.Mission Secretary Evan George Lalawmpuia chu riak nghalin biakin sak hna hi a thawk nghal a ni.
———-
HNATLANG RUNPUI:
DT:03.Sept.2022 (Saturday)
Mizoram Cleanliness Committee 2022, Lawngtlai District leh District PYD-NEI Lawngtlai leh Kohhran hrang hrang Ṭhalaite nen, Lawngtlai khawpui chhunga Veng hrang hrangah Khawlai tihfai ‘Hnatlang Runpui’ neih a nia. Lawngtlai Town chhunga Local hrang hrang PYD memberte an thawk chhuah ṭha in, an thawkrim tlang hlawm hle a ni. He hnatlang runpui ah hian zel thel lo leh taima taka an thawh avangin,District PYD te chuan lawmawm an tiin lawmthu an sawi tak meuh meuh a ni e.
———-
BAPTISTMA CHANG
Sept ni 4 Pathianni khan Diltlang bialtu,Pator R.Vanlalhriatpuia chuan khawmawi kohhranah Lalpa Isua hmingin member pali(4) baptistma a chan tir a ni. Bialtu Pastor hi Bro.Vanzairempuia fanai in a tawiawm bawk a ni.
Tin,he mini vek hian,Evan Pc Vanlalpeka chuan Ngengpuikai ah Naute pakhat(1) ahlan bawk a ni.
zan lamah Ngengpuikai kohhranah rawngbawlna bialtu Pastor hian a nei ang.
———-
MISSIONARY RETREAT HLAWHTLING TAKA NEIH A NI
Sept ni 6 2022
Lawngtlai West District Mission Department rorelna in a lo pass angin Missionary Retreat Headquarters Local Biakin ah hlawhtling taka neih a ni.
Resource person te atangin paper present tha tak² neiin thu tak² ngaihthlak a ni bawk.
Hunserh hi Pastor.S.Vanlallunghnema, District Treasurer in hmangin a hnuaia mite hnen atang hian Paper present ngaihthlak an ni.
RESOURCE PERSONS
1. Rev.F.Lalbiakthuama Dist. Missions Director Topic : Evangelism.
2. Evan.George Lalawmpuia Dist. Missions Secretary
Topic : Public Speaking & Etiquette.
3. Rev.Lalsawmliana Sailo Dist. Missions Treasurer
Topic : Administration & Financial.
Tawpna tawngtai hi Rev.TV Mawngchina Dist.SS Director in a hmang bawk.
Tin,Missionary Retreat senso zawng² hi Upa C.Chhanzova Hqtrs Local Chairman te chhungin an tuma an chungah lawmthu an sawi takzet² a ni.
Tin,hemi bakah Missionary lokal zawng² te thilpek an hlan vek bawk a ni.
———-
THILPEK PE
Date 06.Sept.2022
Lawngtlai North bial Missions Dept.rorel work camp neih thawhhnihna ah mi tlawmngai te atangin thilpek an pe zela Ngengpuikai Home missions field biakin pawh sak mek niin a hnuai a mi te hian work campa thawk te leh Ngengpuikai kohhrana LAD te tan Puan lukhum an pe a ni.
Thilpek petu te:
1.Rbt.Laldiliana bazar Buhfai 1Bag
2.Bro.JH.Sangkima.AOC.Puan lukhum leina tur.
Facebook