SOCIAL WORK DAY:
Oct 2, hi North East India UPC Kohhran thalai pawl Pentecostal Youth Department (PYD) Social Work Day a ni a, India hmarchhak pum huapa hman thin a ni.
Kumin 2022 Social Work Day October ni 2 hi Pathianni anih avangin General PYD Executive Committee Rorel Res. No 2 na Date 17th August 2022 in a passed angin October ni 3 Thawhtanni ah Social Work Day hi sawn a ni a, he mi ni hian UPC NEI kalphung angin Kohhran Office zawng zawng leh a kaihnawih Zirna In zawng zawng pawh khar a ni ang.
Pentecost Kohhran thlai pawl rorelna sang; General PYD Conference rorelna chuan Kum 1999 khan Social Work Day neih nise tiin a pass a, Kum 2000 atang khan hman tan nghal niin kum tin Oct ni 2-hi India hmarchhak pum huapin Vantlang tana hna tha thawhna ni atana hman chhoh a lo ni ta a ni.
Social work day ah hian thinsen pek, Damdawiina damlo tana ei tur sem, Vantlang hmun pawimawh Community hall, Damdawi in leh sub center tih fai, Vantlang inthiarna tur siam leh tihfai, khawlai thenfai leh tuiluankawr tihfai bakah thingphun hnatlang te neih thin a ni.
———-
GENERAL HRUAITUTE PROGRAMME
General Superintendent, Rev. R. Lalrinsanga chuan September ni 30 – October ni 2 chhung hian Barak District Revival Meeting, Barak District Headquarters, Hmarkhawlian a neih ah Speaker ah a tang ang.
General Treasurer Rev. Lalmalsawma Sailo chuan September ni 30 – October ni 2 chhung a Reiek Bial Missions Department ten Conference an neih chu hmanpuiin rawngbawlna a nei ang. General Treasurer hi Guwahati Field Director Rev. Lalmuanpuia’n a tawiawm ang.
General Missions Director Rev. Biaksangzuala chuan September ni 30 – October ni 2 chhung a Lengpui Bial ten Bial Missions Department Conference an hman ah telpuiin rawngbawlna a nei ang.
———-
GENERAL LAD OB MEETING:
September ni 27 Thawhleh ni khan General LAD OB te chuan meeting pawimawh tak an nei a, General Official Rev. R. Lalrinsanga leh Rev. Zohmingthanzama ten an tel pui bawk.
He meeting hi General LAD President Sis. Lalchangliani Sailo B/W chuan kai hruaiin UPC North East India enkawl
———-
LITERATURE & PUBLICATION BOARD:
September ni 28 Nilai ni khan UPC North East India Literature & Publication Board chu General Headquarters Committee room, Mualpui Salem veng, Aizawl ah thu khawm in The New Birth Mizo tawnga Translation chu Edit na an nei a ni.
———-
———-
NORTH MIZORAM DISTRICT:
DISTRICT HRUAITUTE LEH DIST MISSION DEPTT HRUAITUTE PROGRAMME:
NMD huam chhung Bial 31 te chuan Bial Missions Conference Sept ni 30 atanga Oct. ni 2 chhung awh turah hetiang hian BIal thenkhat confe an hmanpui ang
1. District Supdt Rev. Chhiarpuia’n Kawnpui Bial hmanpuiin Confe Speaker a ni ang a,
2. Dist. Secretary rev. K. Lalduhsanga’n Bilkhawthlir Bial Conference hmanpuiin Speaker niin rawngbawlna a nei ang
3. Dist. Treasurer Rev. C. Lalthantluanga chuan Speaker niin Bairabi Bial Missions confe a hmanpui bawk ang.
4. Rev. C. Lalramthanga Dist. Missions Director-in Bukpui Bial hmanpuiin Speaker a ni anga
5. Evan. JH Malsawmdawngliana DIst. Missions Secretary in Rengtekawn Bial hmanpuiin rawngbawlna a nei bawk ang.
6. Evan. MS Dawngliana, DIst. Mission Treasure in, Rengdil Bial hmanpuiin Confe Speaker a ni bawk ang.
7. District hruaitu Pathuam Rev. Chhiarpuia Dist. Supdt, Rev. K. Lalduhsanga, Dist. Secy leh Rev. C. Lalthantluanga, Dist. Trea te chuan Sept ni 27 Thawhlehni khan harsatna avanga Biak in leh quarters khat Sept ni 27-a Supreme court in NEI UPC a pek leh tak NMD huam chhunga awm thenkhat te tlawhin a cheibawl dan tur ruahmanna an siam. (Pic Hmun hma en)
———-
District LAD HRUAITUTE:
NMD LAD Hruaitu pathum te chu sawm an nih angin Sept ni 30 – Oct. ni 2 chhunga AED LAD ten Conference an hmanna tur hmun Zohmunah kalin Confe an chhimin. Confe ah hian NMD LAD President Sist. K. Lalhmachhuani chuan Pathianni chawhnuah Thuhrilh rawngbawlna a nei dawn a ni.
———-
RAWNGBAWLNA REPORT
RENGDIL KOHHRANAH CRUSADE HLIM TAKA HMAN A NI:
Sept ni 20-25 hmang khan Rengdil Kohhran buatsaih Crusade hlawhtling tak hman a ni. He Crusade-ah hian Rev.C.Lalthantluanga, NMD Treasurer chu Speaker atan hman niin; a ni hnen atang hian thuhrilh rawngbawlna ngaihnawm leh thlarau lam nun chawm thu tha tak tak ngaihthlak thin niin Speaker rawngbawlna kal tlang hian Thlarau Thianghlim dawng thar leh siam tharna chang eng emawzat an awm a ni.
Crusade neih chhung hian Sis.Lalnuntluangi chuan zai rawngbawlna a nei reng bawk a, Rengdil Local PYD leh PMD Zaipawl te pawhin zaia rawngbawlna an nei thin bawk.
Crusade chhung hian Bial chhung Local hrang atangin chhimtu an nei tha thin hle bawk a ni. (Rengdil Crusade)
———-
Missionary Day hmang:
Kar kalta Pathianni Sept Ni 25 chu NEI UPC ten Missionary Day atana an hman thin angin; NMD Bial 31 chhunga kohhran hrang hrangte chuan khun khan taka hmangin, hemi ni hian Missions lam hawia Programme siamin Dist. Leh General Missions Field-a thawktute dinhmun te tarlan a nih bakah an rawngbawlna report te ngaithlain hun hman a ni.
Missionary Day hian District Missions hruaitute pawh fehchhuakin Dist. Missions Director Rev. C. Lalramthanga chuan Work Camp-a Biak in a sak mekna hmun Rengdil Bial Mualthuam West-ah hun a hmang a, Dist. Missions Secretary Evan. JH Malsawmdawngliana’n a lawina kohhran TLangnual Kohhran leh Chawlhhmun Kohhranah te thusawiin rawngbawlna a neih bakah Dist. Missions Treasurer Evan. MS Dawngliana’n Hunthar Bial Lungverh kohhrante hun hmanpuiin rawngbawlna a nei bawk.
Missionary Day hian District Missions lam atangin Day Ip kohhran mi inphalte’n Missionary te puala an fehchhuahna tur kaltlangin sum leh paiin an luanchhuah bakah Missionary Day thawhlawm General Missions lama kal tur fehchhuahna hun remchang an ruahman bawk a ni.(Missionary Day)
———-
District LAD President:
NMD LAD President Sist. K. Lalhmachhuani B/w chuan Sept ni 23 Zirtawpni khan Sialsuk Bial LAD te buatsaih Seminar-ah Resource person niin zirtirna a pe a. Seminar-ah hian : LAD te mawphurhna tih Thupui chu thupui hrang hrang 1) Fanau enkawlnaah 2) Zirnaah 3) Khawtlangah 4) Sum leh pai enkawlnaah 5) Thianghlimnaah leh 6) Kohhranah thenin Seminar hlawk takin an nei a, Bial chhung LAD te pawh an kal tha hle.
Dist. LAD President hian Sept ni 27 thawhlehni khan NMD LAD ten Confe an nghahna hmun Bilkhawthlir-ah kalin Bilkhawthlir Bial ten Confe thleng tura an inbuatsaihna a hmunah a enpui bawk a ni. (Sialsuk Bial)
———-
PHAINUAM BIAL PYD REVIVAL :
Phainuam Bial PYD te chuan Sept ni 23-25 hmang khan Meet cum revival Phainuam Bial Hqrs. Kohhranah hmangin, Pentecostal Apologetics team ten rawngbawlna neiin; Team Speaker Evan. H. Zoramsanga chuan rawngbawlna a nei a ni.
He Meet cum revival hmang hian Phainuam Bial chhunga Pentecost kohhran hrang hrang Saipum, Saipum ‘N’, Saiphai, Upper Phainuam, Bethel leh Headquarters kohhran te chu Phainuam Hqrs.-ah fuankhawmin mi 62 lai mikhual riaklut an awm a ni.
Meet hi Sept ni 23 Zirtawp zan atanga tanin rawngbawlna neih tan niin; Sept ni 24 Inrinniah Thalaite infiamna hrang hrang hmangin intihhlimna an neih bak chu Thlarau lam rawngbawlna a hun kalpui a ni.
Revival Meet-ah hian thalai tam takin Pathian thlarauva siamtharna an chang a, Phainuam Bial PYD tena Meet an buatsaih hi a hlawhtling hle a ni. (Phainaum BIal PYD)
———-
ACTIVITIES REPORT
District Missions Director:
Rev. C. Lalramthanga, Dist. Missions Director chuan September thla tir atanga Mualthuam West Kohhran ding tharte inkhawmna tura Biak in sak bul tan tawh chu, Sept ni 20 atang khan chhunzawm lehin Biak in Bial in ruhrel tur an din chhuak tawh a, Sept ni 28 khan Aizawl an lo thleng. (Mualthuam west)
———-
THIL PEK PE REPORT
Chaltlang Bial LAD Hunthar Bial Missions Dept te fehchhuah:
Sept ni 5th thawhtannnia kangmei tuar Bro. Bindurai, TUipuibari Centre te chhung chhawmdawl nan Chaltlang Bial LAD te chuan Mutbu, Bungbel, Buhfai bakah tangkafaite hmangin Dist Mission kaltlangin tanpuina an pe a, chhiat tawk chhungte pawh an lawm hle.
Hetihrual hian Hunthar Bial Missions Dept te pawhin Bindurai te chhung hi Rs. 10000 tanpuina Dist. kaltlangin an pe bawk. (Thilpek Pic)
———-
RAWNGBAWLNA LEH MITHAR:
West Phulpui Missions Field-ah Mithar Pa 3 Lawmlut :
Pathainni kal ta Sept ni 18 khan W.Phulpui Missions Field ah mithar pathum puitling mipa vek lawmluh an ni a, mithar Lawmluh te hian Missionary Evan.H.Lalnunzira kutah Sual ngaihdamna Baptisma an chang nghal bawk. (West Phulpui mithar)
RENGTEKAWN AH MI THAR CHHUNGKAW KHAT LAWMLUH AN NI: Kar kal ta Ningani Sept ni 15 Zan khan Rev. C. Lalthlengliana, Bialtu Pastor chuan Rengtekawnah mithar chhungkaw khat (member 3) chu Lal Isua hmingin UPC NEI kohhranah a lawm lut. (Rengtekawn Mithar)
———-
KOHHRANPUI LEH DEPARTMENT ACTIVITIES:
HUNTHAR BIAL BOARD HMANPUI:
Inrinni kal ta Sept ni 17 khan NMD District hruaitu pathum, Rev. Chhiarpuia Dist. Supt., Rev.K.Lalduhsanga Dist. Secy leh Rev. C.Lalthantluanga Dist. Trea te chuan Hunthar Bial Board Phunchawnga neih chu an hmanpui.
Hunthar Bial Board Meeting-ah hian Edenthar BSUP leh Rangvamualah te a theih anga ranga Biak In sak a nih theih nan ruahmanna an siam a ni. (Hunthar Bial Board hmanpui)
———-
DISTRICT IN RELIEF FUND PE:
North Mizoram District chuan Ningani kal ta Sept ni 15 khan Sist. Zothanpari, Serkhan khhua, Thuthlung hmu a, Pentecost kohhran a lo lut chu District Relief fund atangin tanpui an hlan a, hemi rual hian District Mission Director.Rev. C. Lalramthanga te chhungkua pawhin sum thahnem takin an tanpui bawk.
Sist Pari hi Pathian Thuthlung hmuh avanga Pentecost kohhrana lut niin; Pathian thuthlung avangin hun harsa tak a tawng chho mek a ni. Sist Pari hian
Unaunu Pari hian thinlung tak in, kohhran hoten an ngaihtuahna ah lawmthu a sawi tak meuh meuh a,a tan tawngtaipui zel tur in kan han sawm tak meuh meuh che u ani
———-
Chhandamna Camping thawhkhatna zawh a ni:
North Mizoram District PYD te hmalaknaa thlakhat chhung awh Chhandamna Camping NMD Camping Centre-a neih chu Sept ni 18 khan a thawhkhatna zovin; A tuk Sept ni 19 thawhtanni tlaiah a thawhhnihna tur an lut leh nghal.
North Mizoram District PYD chhandamna camping thawhkhatna neih zawh tak chanchin tlangpui:
Camp rei zawng Ni 13 niin; Campers register zawng zawng mi 131 a ni a, Campers zingah hian ruih hl oleh a kaihhnawihin a tihbuai mi 100 bawr an awm. Camp thawhkhatna Speaker atan hian Evan. C.Lalruatsanga hman niin; Counsellor-ah 1. Zion Lalramngaia, Bawngkawn, 2.Vanlaltanpuia, Chawlhhmun, 3.Lalnunpuia, Mission Vengthlang, 4. Lalsangpuia, Edenthar, niin Camper zingah hian mipa 111 awmin hmeichhia 20 an awm bawk. Campers A tawp thleng zat hi mi : 99
Camp rah chhuah duhawm thenkhat te:
1. Baptisma chang zat : 38
2. Thlarau Thianghlim dawng thar : 22
3. Hriak thih rawngbawlna neih zat : 31
4. Siamtharna chang zat : 55
5. Kohhran dang baptisma chang zat : 3 (Camping Video & Picture)
———-
District LAD Resolution Board thukhawm:
Sept ni 20 khan NMD District LAD ten Oct. ni Pathianni vawi 2-a District LAD Confe vawi 54-na neih turah Conference Agenda tur thlirlawkna neiin resolution committee an thukhawm. Reso Committee Dist. LAD President Sist. K. Lalhmachhuani B/W in kaihruaiin, Committee hian Conference atan Agenda 15 an chhawp chhuak dawn a ni. (LAD Reso Board)
Thawhlehniah Bilkhawthlir-ah lawmman dah pahin hmun hma vel a enfiah puia. (LAD Reso committee)
———-
CHALTLANG BIAL LAD TE KANG MEI TUARTE TAN AN FEHCHHUAK :
Thawhtanni kal ta Sept ni 19 chhun dar 12 khan Chaltlang Bial LAD te chuan Kangmei avanga in leh lo chhan ta Bro. Bindurai of Tuipuibari Centre (Damparengpui Bial) te chhung chhawmdawl nan Mutbu, Bungbel, Buhfai thahnem tak bakah tangka fai Rs. 3000 District Mission Office-ah an hlan.
Thilpek hi Chaltlang Bial LAD President Sist. Vanlalveni leh Bial Secretary Sist. Lalchhuanthangi (Machhuani) ten motora rawn phurin NMD Office an thlen a, District Missions Director REv. C. Lalramthanga leh Treasurer Evan. MS Dawngliana ten lawm takin Chaltlang Bial LAD te thilpek hi lawm takin an lo dawng a ni.
North Mizoram District Director Rev. C. Lalramthanga chuan District leh Bro. Bindurai te aiawhin Lal Isua hmingin Chaltlang Bial LAD te chungah lawmthu a sawi.
Chaltlang Bial LAD tena kangmei tuarte tanpuina tur thilpek an pek te hi Sept ni 20th thawhlehni khan Dist. Missions Director Rev. C. Lalramthanga chuan Field tlawh leh workcamp pahin a phur chhuak nghal a ni. (Chaltlang Bial LAD)
———-
BAJERUNG MISSION FIELD MISSIONARY QUARTERS HAWNG:
Bajirung, Zawlnuam Bial Missionary Quarters chu Sept ni 18 Pathianni khan District Missions Secretary Evan JH Malsawmdawngliana’n an a hawng.
Bajirung Missions Field hi Kum 2018 March ni 13 khan a hun laia District Missions Director Rev K Lalduhsanga’n, District Missions Field ni turin a hawng a, Bajirungah hian Kohhran member 170 vel awmin Missions Field Qtrs hi kum 2021 khan Missionary Esther Lalrawngbawl hunah bul tan niin, Missionary Evan RS Lalnunmawia kaihhruaina hnuaiah Quarters hi peih a ni ta a ni..
Field hawnna ah hian Zawlnuam Bialtu Pastor Lalduhsaka Saza leh Bial hruaitu leh Missions hruaitute bakah, kohhran Mipui engemaw zat pungkhawmin Quarters thar hi Bialtu Pastor kaihhruaina in Pathian hnenah hlan a ni.
Missions Quarters hawn programme hi Aizawl lam atangin Evan Rengthuama, Tlangnuam Bial Missions Secretary leh T Upa H Thantluanga, Dinthar ten District Missions Secretary hi an tawiawm a. Field ah hian Dinthar Local Upa Lalhualhima te Pafa 3 leh Sister Laltlanthangi, BW, Maubawk ten program hi an hmanpui bawk a ni. (Bajerung Quarters hawn)
———-
THENZAWL BIAL BUATSAIHIN CAMPING NEI MEK:
Thenzawl Bial te chuan Bial kohhran hmalaknain Sept ni 20 thawhleh zan atang khan Thenzawl Field veng Biak inah Gospel Camping an nei, he Camping-ah hian Campers mi 76 lutin Maranatha Revival Team speaker Evan. Isak Lalhmingliana leh a thawhpuite rawngbawltu atan hman a ni. (Thenzawl Camping)
———-
———-
AIZAWL EAST DISTRICT
District LAD Conference hman mek a ni:
Aizawl East District LAD Inkhawmpui lian vawi 29-na chu September 30, Zirtawp zan atang khan Zohmun Bial, Zohmun Local-ah hman mek a ni a, Pathianni zan hian a tiak ang.
Inkhawmpui-ah hian Thupui-ah “I dinthar leh ang u” I Samuela 11:14 thu hman niin Thupui thensawm hmangin mi hrang hrang hnen atangin thusawi ngaihthlak a ni ang. He inkhawmpui hi Rev H.Lalropuia, District Treasurer chuan Pathian hnenah hlanin Bialtu Pastor Vanlalnghaka hnen atangin palai lawmna thu ngaihthlak a ni. Conference tan zan hian Rev.R.Laltlankima, District Secretary hnen atangin Thlarau Thianghlim siamthar lehna-ah tih hmangin thusawi ngaihthlak a ni. Inrinni nileng khan Sis Zionparmawii, B/W, District LAD President kaihhruaiin rorel inkhawm neih a ni a, hetah hian Bial atang leh Official atanga agenda lut engemaw zat ngaihtuah a ni. District LAD Conference-ah hian Sis.Zionparmawii B/W, District LAD President, Sis. Ronguri B/W Former President, Sis. Lalhmachhuani B/W President Dist LAD N.Mizoram leh Rev KVL Hmagaihkima, District Superintendent ten thusawi rawngbawlna an nei dawn bawk a ni. Pathianni chawhma inkhawmah Rev.VL.Hnemtluanga, District Missions Director kaihhruaiin member boral sunna neih a ni dawn bawk a ni.
Aizawl East District LAD inkhawmpuiah hian inkhawm apiangin mal zai bakah Bial hrang hrang LAD, General Choir leh Pentecostal Choir te atangin zaipawl zai ngaihthlak thin a ni bawk.
———-
Bial Missions inkhawmpui hlawhtling taka hman a ni.
September 23 atanga 25 chhung khan Aizawl East District hnuaia Bial hrang hrangte chuan Bial Missions Inkhawmpui hlim takin an hmang. He Inkhawmpui hi Bial thenkhat chuan September 24, Inrinni rorel inkhawm atang khan hmang tanin Inrinni zan atang khan Revival Inkhawm in hun an hmang hlawm a ni. Inrinni nileng khan Bial chhung inawpna leh District-a lut tur ngaihtuahin rorel inkhawm neih a ni a, hetah hian Bial Secretary leh Treasurer hnen atangin report ngaihthlak a nih bakah Bial thenkhat-ah chuan Tualchhung report ngaihthlak a ni bawk. Bial Missions Inkhawmpui hmanah hian Bial thenkhat chuan Speaker leh thupui hranpa neiin hun an hmang a, Bial thenkhatah chuan Bialtu Pastor leh Bial hruaituten thusawi rawngbawlna an nei thin thung a ni.
District Missions Department leh District Kohhranpui hruaituten hetiang hian hmun hrang hrangah Bial Missions Inkhawmpui hi an hmanpui a ni: Rev VL.Hnemtluanga, District Missions Director chuan Khawzawl Bial-ah a hmanpui a, District Missions Secretary Evan C.Lalremruata chuan Mualpui Bial-ah hmanpuiin District Missions Treasurer Evan C.Lalchhuanga chuan Thuampui Bial a hmanpui bawk a ni. District Secretary leh Treasurer te hian Pathianni zan khan Bawngkawn bial an hmanpui bawk a ni. District Kohhranpui hruaitute : Rev KVL.Hmangaihkima, Superintendent chuan Khawruhlian Bial-ah Speaker-ah a tang a, Rev R.Laltlankima, District Secretary chu a bial hmui mek Thuampui Bial-ah Speaker-ah tang bawkin Rev H.Lalropuia, District Treasurer pawhin a bial hmui Khawlian Bial-ah a hmang bawk a ni.
Aizawl East District chhungah hian tunah hian Bial 31 awm mekin District Missions Department hian tun dinhmunah District Missions Evangelist engemaw zat hmun hrang hranga rawngbawl turin a ruai mek a, heng rawngbawltu te rawngbawlna atang hian tunah hian member thar engemaw zat chu kohhranah lsengluh an ni tawh a ni. Aizawl East District Missions Department te hian kumin October 28 atanga 30 chhung hian Zemabawk Bial-ah District Conference an hmang dawn a, tunah hian a thlengtu tur Zemabawk Bial te pawh nasa takin an inbuatsaih chho mek a, he Conference hmang tur hian Kohhran member zawng zawngte kal vek turin min sawm a ni.
———-
PYD Manual tlangzarhna hun hmang:
September 28, Nilaini khan District Committee room-ah District PYD in Manual a siamthar chu tlangzarhna hun hman a ni. He hun hi District Committee room-ah neih niin Rev.C.Lalmalsawma, President chuan kaihruaiin Evan R.Vanlalpeka, District PYD Secretary hnen atangin report tlangpui ngaihthlak a ni. District PYD Manual tlangzarhna leh thutawi sawina, Rev.KVL.Hmangaihkima, District Superintendent chuan a nei bawk a ni. He hunah hian Aizawl khawpui chhunga District PYD Board member awmte telin hlim takin hun an hmang a ni.
Aizawl East District PYD hian Kohhranpui Danpui kalh lovin District ten inkaihhruaina an siam thei ang a tih angin District PYD inkaihhruaina hi a siam a, Kum 2022 khan First Edition tichhuakin, Kum 2016 khan Second Edition an tichhuak leh a, tunah hian Third Edition- Revised & Re-arranged a tihchhuak leh ta a ni. District PYD Manual hi Rs 50 in hralh tur a ni dawn a ni.
———-
Preaching Point thar hawng:
September 26, Thawhtan zan khan Champhai Bethel bial, Champhai Zotlang-ah Preaching Point thar hawn a ni. Rev.R.Laltlankima, District Secretary chuan hawnna hi neiin hlim takin hun an hmang a ni. Tunah hian member 50 chuang an awm mek a ni.
———-
Mithar leh baptisma chang thar:
September 24, Inrinni zan atang khan Keifang bial, Keifang Local ah Revival Crusade neih a ni a, Speaker ah Evan Philip VL Hmuchhuaka hman a ni. September 25, Pathianni khan mi 6 in sual ngaihdamna Baptisma an chang. Crusade chhung hian Sis.Vanlalpari rawngbawlna atangin mithar 1 Kohhranah sengluh a ni a, Evan Philip VL.Hmuchhuaka’n sengluhna a nei a ni.
———-
Chhingchhip rawngbawlna report:
Chhingchhip Bial Headquarters-ah Beerlahairoi Team, Evan HK Lalhmangaiha ten rawngbawlna an nei a, Kohhranah harhna a thleng mek a, naupang leh Puitling zingah Thlarau hnathawh a thleng mek a ni. September 23, Zirtawpni khan mi thahnemngaite thawhkhawm hmangin Pathian chawimawina neih a ni a, mi 15 vel in Thlarau Baptisma an chang thar a ni. September 25, Pathianni khan Baptisma khur hawn a ni a, mi 14 in Isua hmingin Baptisma an chang a ni. Baptisma rawngbawlna hi Bialtu Pastor HP Ramfangzauva’n a nei a ni.
———-
———-
LUNGLEI DISTRICT
P.C.D HRUAITU HLUI INTAWH KHAWMNA HUN BUATSAIH:
September ni 24 Inrinni khan Pentecostal Children Department (PCD) Lunglei District hmalaknain District UPC Conference Hall-ah P.C.D. hruaitu hluite intawh khawmna neih a ni a, District PCD President Rbt.C.Lalramluahpuia chuan he hun hi a kaihruai.
He intawh khawmna ah hian PCD hruaitu hlui mi engemawzat an kal khawm a, District PCD kal zel dan tur atana an vei zawng thu pawimawh tak takte an sawi khawm a, heng an sawi khawm zingah hian P.C.D.-te an lo than len huna kohhran tana tangkai an nih theihna turte, Thlarau Thianghlim an dawn ngei theih nana hmalak dan tur bakah, tunlai mil zela zirtirtuten zirtirna pek thiam theih nana Training buatsaihte, rilru hrisel an neih theihna tura hmalakte a tel a ni.
Heng sawi khawmna hrang hrang hi District PCD hruaitute chuan a theih ang angin bawhzui an tum a ni.
———-
LUNG PHUN HAWNNA NEI :
September ni 26 Thawhtanni kha chhim lama UPC dinna hmasa ber Tarpho Local chuan an Local kum 70 (Platinum Jubilee) tlin lawmna hun an hmang.
He hun ah hian Thingsai bialtu Pastor Lallawmsanga chuan Jubilee lung phun hawnna neiin Local hruaitute hnen atangin thusawi leh Report ngaihthlak a ni a, kohhran hoten Pathian hnenah lawmthu sawi tawngtai rualna an nei bawk. (Pic.2 Lung phun hawnna)
———-
CRUSADE :
September ni 28 Nilai zan atang khan Lungpuizawl Local-te chuan Crusade an buatsaih a, Speaker atan District Treasurer Rev.PC.Lalfakawma chu an hmang a, October ni 2 Pathianni zan thlengin hun an hmang ang.
Thuampui Local ah Evan. F. Lalsanglura leh a thiante, Upa R.Lalremruata, C.Lalramhlunmawia leh Malsawmkimi te chuan Dt.21.9.2022 (wed) zan atang khan Revival Crusade neiin rawng an bawl a, hlim takin hun an hmang a, Thlarau Baptisma dawng thar 15 vel an awm a ni. Tisa, Thlarau ah Kohhran hote an hlawk hlea, Dt.27.9.2022 Thawhlehni khan Pathian chawimawina ruai an buatsaih a, hlim takin hun an hmang.
September ni 21 (Wed) zan a\ang khan Venghlun Local-te chuan Revival Crusade an buatsaih a, Speaker atan Lungsen bialtu Pastor PC. Zion Rammawia chu an hmang a, October ni 1 Inrinni ah Pathian chawimawina ruai buatsaihin hun an hman chhunzawm ang.
———-
MI THAR :
Cherhlun Local-ah bialtu Pastor K Lalnunpuia chuan September ni 25 Pathianni inkhawmnaah Seventh Day Adventist atangin member 4 (Puitling 2 leh naupang 2) lawm luhna a nei.
———-
CAMPING :
Dawn Local-te chuan September ni 27 (Tue) zan atang khan Camping an buatsaih tan a, Speaker atan Luangmual bialtu Pastor Rev.Lalbiakdika Chawhte chu hman a ni a, October ni 1 Inrinni thleng he Camping hi an buatsaih ang.
———-
———-
CHHIMTUIPUI DISTRICT
DISTRICT HUAP CRUSADE NEI DAWN:
Chhimtuipui District board rorel amgin October ni Ni 5-9. 2022 chhung hian District huap crusade S.Lungpher Local ah neih ani dawn a, Speaker atan Rev K.VL.Hmangaihkima District Superintendent Aizawl East District chu hman ani ang. He hun ah hian Sis.Dr.Pc.Lalthansangi leh zaithiam dang ten zai rawngbawlna an nei thin ang.
———-
MISSIONARY DAY HMANG:
September ni 21 khan Niawhtlang Local te chuan Crusade neiin Speaker atan Evan.N.Thanghnuna District Evangelist chu hman a ni. Missionary Day pawh hmang chhunzawmin Thlarau malsawmna nen hun an hmang a ni.
2. Niawhtlang lll(km 10)Local te pawn Missionary day hmangin Evan.L.Lalthafamkima chu speaker atan hman niin,kohhran ten thlarau malsawmna nen hun an hmang ani.
4. Siata Local te pawn Missionary day hi Ruai nen hmangin,kohhran hoten tisa leh thlarauah an hlawkpui hle.
5.Siata Bethlehem te pawn Missionary Day hi hmangin,bial hruaitu ten hun an hmanpui a. Hlim takin hun hman a ni.
September ni 24-25 chhung khan Siahatla Local te chuan Missionary Day pualin Pathian chawimawina hun an hmang. Upa K. Sikho te chhungin vawk thawhin, Upa H Dopianga leh Rbt. B.Khitha ten buhfai an thawh ve bawk a. Kohhran hoten Thalrau malsawmna nen hun an hmang a ni.
———-
MI THAR LAWM LUT :
Siata Bethlehem Local ah Ni 26.9.2022 Missionary Day khan Bialtu Pastor Rev.Lalhnehchunga chuan Kohhran dang atangin chhungkaw khat member 6 Kohhran ah a lawm lut. Hemi Ni tho hian mi 13 in Baptisma an chang bawk.
———-
BLOOD DONATION CAMP NEI:
Chhimtuipui District PYD Conference rorel bawhzui nan September Ni 24, 2022 (Inrinni) khan Siaha West bial PYD te chuan a mamawhtute tan District Headquarters Sunday school hall ah thisen unit 21 an pe. Thisen pe te hi mipa 18 leh Hmeichhia 3 an ni.He hun hi AVBD siaha ten hmanpui in AVBD atangin thisen pe tha Chawimawina thu ziak an hlan bawk a ni.
———-
DISTRICT MISSIONS BOARD:
September Ni 26.2022 (Thawhtanni) khan District Committee Room ah District Missions Board Committee neih a ni. Board hi Rev.Dr.C.Sihmo District Director in a kaihruai a. Rorelna tluang takin an nei. Rorel zingah District Missions Conference awm tura Speaker turte ruatin Conference atan thil tul pawimawh dangte pawh ruahmanna siam a ni. Tin, District Missions Department inkaihruaina chu District Kohhranpui Board approve tura hlan nise tihte leh thildang pawimawh tak tak ngaihtuah a ni bawk.
———-
PYD WEEK HMANG MEK:
Chhimtuipui District PYD te chuan 26 September atanga 2 October chhung hian PYD WEEK an hmang ang. Ni 26 khan bial leh local ten week hawnna hi neiin, PYD week hi vantlang tana thil tha tih nan hman thin a ni.
———-
———-
LAWNGTLAI WEST DISTRICT
District Hruaitute Programme:
District Superintendent, Rev.F.Lalbiakthuama chuan District LAD & District PYD Executive Committee a telpui ang a,Pathianni ah Chandmary Local ah hun a hmang ang.
District secretary Rev.Lalsawmliana Sailo chuan Chandmary kohhran ah Nauhlan rawngbawlna a nei ang.
District Treasurer, Pastor S.Vanlallunghnema chuan Hqtrs ah hun a hmang ang.
———-
SCHOOL DIN PHALNA PE
Lai Autonomous District Council, Chief Executive Member Pu V. Zirsanga kaihruaina hnuaiah
LADC Executive Committee chuan September 15, 2022 khan meeting neiin, He Executive Meeting-a thurel zinga Dân anga Middle School din phalna dil School pasarih(7)zingah Paniel Comprehensive School, Sabualtlang din dilna chu an dil angin Permission pek an ni.
———-
MISSIONARY SUPPORT ZAWNG
Date 16-18.Sept.2022
Rev Lalsawmliana District Secretary chu Bungtlang south bialah missionary suport zawngin Evan Duhkima leh Evan Laineihtluanga ten an tawiawm a ni.
Dt17.Sept.2022 (inrinni) Darnamtlang home mission field local a tlawha,
Tlai dar4:00 pm ah Ngengpuitlang panin a kal leha Ngengpuitlang local ten chawhlui an lo buatsaihsak a
Tlai dar5:00 pm ah Bungtlang lamah kal lehin ,zan inkhawmah Evan Lalduhkima kaltlangin Pathian thuchah ngaihthlak a ni.
Pathianni(sunday)zing inkhawm ah Rev.Lalsawmliana sailo hnen atangin Pathian thuchah ngaihthlak a ni a,misionary suport Cheng singkhat sangriat zanga (Rs.18500/-) lai hmuh a ni,tlai ah Upa Lutthanga ten Arpui tuilai nen chawhlui an buatsaih sak bawk a ni.
zanlam inkhawm ah Evan K.Laineihtluanga kal tlangin Pathianthu ngaihthlak a ni bawk.
Tisa leh thlarau malsawmna tak nen hun hlimawm tak a hmang a ni.
———-
BAPTISTMA CHANTIR
Date.20.Sept.2022
Lawngtlai Council veng Local ah Bialtu Pastor,S.Vanlallunghnema chuan member pathuam(3) Sual ngaihdamna Baptistma a chantir a ni.
Heng zinga member pahnih te hi lawm luh tawh baptistma la chang lo te an ni bawk.
———-
EMERGENCY BOARD THUKHAWM
Date.23.09.2022
Vawiin hian Constitution Editing Board leh District Emergency Board neih a ni a, thu hmanhmawh thlak leh pawimawh tak tak te rel a ni.
———-
HOME MISSIONARY PUALA FEHCHHUAH NEI
Date 23.Sept.2022
Vawiin,Zirtawpni hian Lawngtlai Chandmary Biakin ah Lawngtlai town LAD te chuan home missionary pualin fehchhuah neih a ni a member 40 lai mai fehchhuakin Cheng singkhat sanghnih za (Rs.12100) lai hmuh ani.
Tiang hian fehchhuahna hun an hmang a ni.
Chairman : Sist.A.sangkhawlhluni
Thusawitu : Rbt.C.zathangi
Thawhlawm hlantu leh
Tifeltu. : Sist.Gospelthangi
Lawmthu sawina : Sist.B.Sangremi B/w District vice president
Tawpna hla thlangtu : Rbt .C.thankami
Tawpna :Lal tawngtaina sawi rual
———-
BIAL PCD MEET HMANG
Date 24.Sept.2022
Lawngtlai South Bial Pentecostal Children Department(PCD) chuan Mampui hmunah Meet vawi 7na chu ropui takin an hmang.
Bialtu Pastor,Rev.Lalsawmliana Sailo chuan meet hawnna neiin mampui playground ah in tih hlimna hrang² te neiin zan lamah Pathian biakin khawmna neih a ni. Pathianni chawhnu ah intihsiakna chi hrang² buatsaih leh a ni a,
Pathian ni zanah inkhawmna leh Lawmman semna neih a ni bawk.
Bialtu Pastor leh District PCD OB ten a bul atanga a tawp thlengin an tawiawm bawk a ni.
———-
LAWNGTLAI WEST DISTRICT CHHUNGAH URHSUN TAKA MISSIONARY DAY HMAN A NI.
Date.25.Sept.2022
Sept.25.2022 Missionary day chu Lawngtlai west district chhungah Local hrang² ten urhsun taka hman niinthingpui leh sawhchiar nen an hmang deuh vek ani.
Local thenkhat te chuan friday zan atangin programme siamin Pathian biakin khawmna an nei a ni.
Lawngtlai Council veng pawn Pastor S.Vanlallunghnema District Treasurer,Bialtu Pastor ni bawk chu Speaker ah hmangin zirtawp zan atangin inkhawm hi an buatsaiha
Tin,Missionary day ni hian Day thuchah Rev.Biaksangzuala Gen.Mission Director thuziak chu chhiar chhuaha ngaihthlak a ni bawk.
Evan George Lalawmpuia District Mission Secretary pawh Hmunnuam home mission field hmanpui in kohhran chhungkua an lawmin chawhlui te an lo buatsaih sak bawk a ni.
Kohhrana rawngbawltu enge mawzatin Mission Secretary hi an tawiawm bawk a ni.
———-
RALNA NEI
Dt.26.Sept..2022
Thawhtanni(Monday) khan Chhimtuipui District nena hmunkhata kan awm ho laia kan Sr. Pastor Rev. K. Lalbiaktluanga Siahatla Dt.8.8.2022 a boral ta chu, Lawngtlai West District aiawh in kan Official pathum ten ralna hun an hmang a, Siaha Bialtu Pastor pahnih leh chhungkhat laina ten an lo tawiawm a, District Missions Board neih lai a nih avangin Chhimtuipui District Official te an tel hman ta lo a ni.
Ralna thil pek Citation bakah sumfaiin cheng sangthum an hlan bawk a ni.
DEVOTION HUN(Hunserh) HMANG*
Date.28.Sept.2022
TENTATIVE PROGRAMME FOR LAUNCH OF NASHA MUKT BHARAT BHIYIAN hmanna ah Rev.Lalsawmliana Sailo District Secretary chuan Devotion hmangin mi pawimawh tak² Addl.DC,Depeuty Commissioner,Dr.K.Beichhua te leh Pu.V.zirsanga CEM LADC.kal khawmin Rev.Lalsawmliana Sailo chuan fuihna thu a sawi bawk.
———-
DISTRICT OFFICE HMAN TUR FRIDGE PE
Date 28.Sept.2022
Lawngtlai South Bial LAD te chuan Dist Office a hman tur Fridge thar tha tak mai chu an Donate leh ta, Tin nikum 2021 Kum Khan Steel Almirah Lian an Donate tawh bawk a ni.
He thilpek hi Rev.F.Lalbiakthuama Dist.Supdt leh Pastor S.Vanlallunghnema ten thilpek hi an lo dawng a ni.
Lawngtlai South LAD te Lalpa’n Malsawm na in vur zel rawh se
Facebook