MISSIONARY DAY:
September ni 25, 2022 Pathianni hi UPC North East India Kohhran ni pawimawh Missionary Day ni a, he mi ni hian Kohhran chuan Program-te siamin, urhsun taka hmang thin a ni a, thawhlawm leh thilpekte lakkhawm in Missions rawngbawlna a tana hman thin a ni.
Hemi ni pual hian UPC North East India hnuai a Media rawngbawlna, Pentecostal Network (PenNet) chuan Missionary Day Special Programme siam in September ni 24 inrinni zan Dar 6:00 pm ah te, September ni 25 Pathian ni zing Dar 8:00 am leh chhun Dar 1:00 pm ah te Zonet Rinna leh LPS 12 ah te tih chhuah a ni anga, PenNet Youtube Channel-ah tih chhuah a ni bawk ang.
North East India UPC Kohhran hian tun dinhmunah Mizoram chhung leh State pawnah nen Missionary 250 chuang a ruai mek a, Mizoram chhung hmun hrang hrang bakah state pawnah heng : Assam, Dimapur, Upper Assam & East Arunachal, North Bengal & Sikkim, Bihar & Jharkhand, Odisha, Andaman and Nicobar Island, Arunachal Pradesh, Bhutan field, Delhi Church leh Kolkata Missions Field ah te hian rawngbawlna hna a thawk mek a ni.
———-
GENERAL HRUAITUTE PROGRAMME
General Superintendent, Rev. R. Lalrinsanga chuan September ni 23 – 25 chhung a Hnahlan Bial ten Bial Missions Conference an neih ah tel puiin rawngbawlna a nei ang.
General Secretary Rev. Zohmingthanzama chuan September ni 25 UPC NEI Missionary Day ni hian Chawnpui kohhran ah rawngbawlna a nei ang.
General Treasurer Rev. Lalmalsawma Sailo chuan September ni 23 – 25 chhung a Darlawn Bial Missions Department ten Conference an neih chu hmanpuiin rawngbawlna a nei ang.
General Missions Director Rev. Biaksangzuala chuan September ni 23 – 25 chhung a Khawlian Bial ten Bial Missions Department Conference an hman ah telpuiin rawngbawlna a nei ang.
General Sunday School Director Rev. R. Laichhingpui chuan September ni 25 hian Mualpui Kohhran ah Missionary Day thuchah sawiin rawngbawlna a nei ang.
———-
GENERAL SUNDAY SCHOOL EXAMINATION BOARD:
General Sunday School Examination Board chuan September ni 22 Ningani khan General Headquarters Committee room, Mualpui Salem veng, Aizawl ah Meeting pawimawh tak an nei.
He Meeting-ah hian 2022 a UPC North East India Kohhran Sunday School Exam Question tur ruahman in, Kum min atang hian Naupang Sunday school tan pawh Objective type in question te hi siam a ni dawn a ni.
———-
———-
NORTH MIZORAM DISTRICT:
———-
SUPREME COURT IN UPC NEI TE THIAM A CHANTIR:
United Pentecostal Church of North East India leh Mizoram UPC te inkara kum 27 chhung zet thubuai awm chu Sept ni 7 khan India ram rorelna sang Supreme Court chuan a ching fel ta.
United Pentecostal Church of North East India leh Mizoram UPC te inkara thubuai, Gauhati High Court-in thuremna a tihchhuah chungchanga lungawi lova Mizoram UPC ten Supreme Court a Speacial Leave petition (SLP) an thehluh chu September 7, 2022 Nilaini khan Supreme Court chuan ngaihtuahin Mizoram UPC te chu thiam loh chantirin, an SLP thehluh chu a hnawl (dismissed) sak ta a. Supreme court chuan, “Mizoram UPC ten UPC NEI kohhrana an awmho laia an bungrua, kohhran an chhuahsan tawh hnua an chuh hi a dik lo va, kum 1995-ah UPC NEI kohhran hi an chhuahsan avangin kum 1995 leh a hma lama UPC kohhran bungruate hi UPC Mz te hian engmah chuh theihna (right) an nei lo,’ tia Gauhati High Court-in judgment order a siam chungchangah hian tih dik loh engmah a nei lo va, chuvangin SLP an dilna hi pawm (entertain) theih a ni lo va, hnawl (dismissed) a ni,” tiin High Court thuremna hi a tungding ta a ni.
Heti a lo nih takah chuan UPC kohhran an buai avanga Biakin leh bungraw chi hrang hrang Mizoram UPC lam kuta la awmte chu UPC NEI lam kuta an hlan vek a ngai dawn ta a ni.
Supreme Court order bawhzui hian UPC NEI North Mizoram District chuan an District chhunga bungrua chinfel dan tur ngaihtuahin September 13 khan meeting neiin kum 1995 leh a hma lama UPC- NEI Property zawng zawng an kuta hlan a nih theihna turin hmalakna an kalpui mek a. An hmun hma anmahni kuta la awm lote chu an kuta hlan tawh turin a luahtute pawh hriattirna an pe tawh a ni.
Hetih mek lai hian UPC NEI rorelna sang ber, Executive Board chuan UPC NEI chhuahsana pawl danga lo awm tawh zawwg zawngte leh Mizoram UPC te chu an hmun ngai, UPC NEI-ah kir leh vek turin an sawm a, December 2022 ral hmaa lokir leh te chu rawngbawlna kawnga an dinhmun pangngai anga lo kuangkuah thlenga ngaihhnathiamna kawng an ruahman sak a ni.
———-
DISTRICT HRUAITUTE PROGRAMME:
Dist. Superintendent : Pathianni kal ta Sept ni 18 khan NMD Dist.Supdt. Rev.Chhiarpuia chuan Chawlhhmun Kohhran Zan Inkhawm hmanpuiin rawngbawlna a nei. Kohhrante zingah Dist rawngbawlna hrang hrang report a pe a ni.
Dist. Superintendent & Secretary: North Mizoram District Supdt. Rev. Chhiarpuia leh Dist. Secretary Rev. K. Lalduhsanga te chuan kohhran tul pawimawh tiin vawiin Sept ni 19 thawhtanni khan Kolasib leh Vairengte an tlawh
District Treasurer: Rev. C. Lalthantluanga, Dist. Treasurer chuan Rengdil Local buatsaih Revival Crusade-ah rawngbawlna neiin Sept ni 20 Thawhlehni atanga Sept ni 25 Missionary Day thleng hun a hmanpui ang.
———-
District Missions Director: Rev. C. Lalramthanga, Dist. Missions Director chuan Sept ni 20 hian Rengdil Bial Mualthuamah Biak in workcamp-a an sak chhunzawmin a fehchhuak ang a, Tuipuibari Center-a Bro. Bindurai kangmei tuar, Chaltlang Bial LAD tena mutbu leh bungbel, eitur leh sum leh paia an chhawm dawlna a hlan ang. Hemi pah hian Bawngva khuaa kohhran din thar hmunah Biak in sak dan tur a enpui bawk ang.
District Misions Director hian September Ni 25 Missionary Day hi Chawlhhmun kohhrante a hmanpui dawn a ni.
District Missions Secretary: District Mission Secretary Evan JH Malsawmdawngliana hian Missionary Day lo awm tur Sept ni 25 hi Tlangnuam kohhranah hmangin rawngbawlna a nei ang
District Missions Treasurer: Evan. MS Dawngliana, Dist. Missions Treasurer chuan Missionary Day Hunthar Bial Lungverh Kohhran a hmanpui anga, Zan thleng rawngbawlna a nei ang.
———-
District LAD President: NMD LAD President Sist. K. Lalhmachhuani B/w chuan Sept ni 23 Zirtawpni hian Sialsuk Bial LAD te buatsaih Seminar-ah Resource person niin zirtirna a pe ang. Seminar-ah hian : LAD te mawphurhna : thupui tih chu pui zirho tur a ni ang. Thupui hi hengah te hian an thendarh a ni: – 1) Fanau enkawlnaah 2) Zirnaah 3) Khawtlangah 4) Sum leh pai enkawlnaah 5) Thianghlimnaah 6) Kohhranah
Dist. LAD President hian Sept ni 27 thawhlehni NMD LAD ten Confe an thlenna tur hmun Bilkhawthlir-ah kalin Bilkhawthlir Bial ten Confe an inbuatsaihna a enpui ang.
———-
RAWNGBAWLNA LEH MITHAR:
Serkhanah Mual inkhawm nei: Sihphir Bial PYD te rawngbawlna: Pathianni kal ta Sept ni 18 khan Sihphir Bial PYD te chuan an bial chhung Serkhanah inkhawm neihpuiin chawhnu inkhawm banah mual inkhawm neih a ni bawk. He hunah hian NMD puipate pahnih, Rev.K.Lalduhsanga leh Rev.C.Lalthantluanga ten an hmanpui bawk.
———-
West Phulpui Missions Field-ah Mithar Pa 3 Lawmlut :
Pathainni kal ta Sept ni 18 khan W.Phulpui Missions Field ah mithar pathum puitling mipa vek lawmluh an ni a, mithar Lawmluh te hian Missionary Evan.H.Lalnunzira kutah Sual ngaihdamna Baptisma an chang nghal bawk.
———-
RENGTEKAWN AH MI THAR CHHUNGKAW KHAT LAWMLUH AN NI:
Kar kal ta Ningani Sept ni 15 Zan khan Rev. C. Lalthlengliana, Bialtu Pastor chuan Rengtekawnah mithar chhungkaw khat (member 3) chu Lal Isua hmingin UPC NEI kohhranah a lawm lut.
———-
KOHHRANPUI LEH DEPARTMENT ACTIVITIES:
HUNTHAR BIAL BOARD HMANPUI:
Inrinni kal ta Sept ni 17 khan NMD District hruaitu pathum, Rev. Chhiarpuia Dist. Supt., Rev.K.Lalduhsanga Dist. Secy leh Rev. C.Lalthantluanga Dist. Trea te chuan Hunthar Bial Board Phunchawnga neih chu an hmanpui.
Hunthar Bial Board Meeting-ah hian Edenthar BSUP leh Rangvamualah te a theih anga ranga Biak In sak a nih theih nan ruahmanna an siam a ni. (Hunthar Bial Board hmanpui)
———-
DISTRICT IN RELIEF FUND PE:
North Mizoram District chuan Ningani kal ta Sept ni 15 khan Sist. Zothanpari, Serkhan khhua, Thuthlung hmu a, Pentecost kohhran a lo lut chu District Relief fund atangin tanpui an hlan a, hemi rual hian District Mission Director.Rev. C. Lalramthanga te chhungkua pawhin sum thahnem takin an tanpui bawk.
Sist Pari hi Pathian Thuthlung hmuh avanga Pentecost kohhrana lut niin; Pathian thuthlung avangin hun harsa tak a tawng chho mek a ni. Sist Pari hian
Unaunu Pari hian thinlung tak in, kohhran hoten an ngaihtuahna ah lawmthu a sawi tak meuh meuh a,a tan tawngtaipui zel tur in kan han sawm tak meuh meuh che u ani
———-
Chhandamna Camping thawhkhatna zawh a ni:
North Mizoram District PYD te hmalaknaa thlakhat chhung awh Chhandamna Camping NMD Camping Centre-a neih chu Sept ni 18 khan a thawhkhatna zovin; A tuk Sept ni 19 thawhtanni tlaiah a thawhhnihna tur an lut leh nghal.
North Mizoram District PYD chhandamna camping thawhkhatna neih zawh tak chanchin tlangpui:
Camp rei zawng Ni 13 niin; Campers register zawng zawng mi 131 a ni a, Campers zingah hian ruih hl oleh a kaihhnawihin a tihbuai mi 100 bawr an awm. Camp thawhkhatna Speaker atan hian Evan. C.Lalruatsanga hman niin; Counsellor-ah 1. Zion Lalramngaia, Bawngkawn, 2.Vanlaltanpuia, Chawlhhmun, 3.Lalnunpuia, Mission Vengthlang, 4. Lalsangpuia, Edenthar, niin Camper zingah hian mipa 111 awmin hmeichhia 20 an awm bawk. Campers A tawp thleng zat hi mi : 99
Camp rah chhuah duhawm thenkhat te:
1. Baptisma chang zat : 38
2. Thlarau Thianghlim dawng thar : 22
3. Hriak thih rawngbawlna neih zat : 31
4. Siamtharna chang zat : 55
5. Kohhran dang baptisma chang zat : 3
———-
District LAD Resolution Board thukhawm:
Sept ni 20 khan NMD District LAD ten Oct. ni Pathianni vawi 2-a District LAD Confe vawi 54-na neih turah Conference Agenda tur thlirlawkna neiin resolution committee an thukhawm. Reso Committee Dist. LAD President Sist. K. Lalhmachhuani B/W in kaihruaiin, Committee hian Conference atan Agenda 15 an chhawp chhuak dawn a ni.
———-
CHALTLANG BIAL LAD TE KANG MEI TUARTE TAN AN FEHCHHUAK :
Thawhtanni kal ta Sept ni 19 chhun dar 12 khan Chaltlang Bial LAD te chuan Kangmei avanga in leh lo chhan ta Bro. Bindurai of Tuipuibari Centre (Damparengpui Bial) te chhung chhawmdawl nan Mutbu, Bungbel, Buhfai thahnem tak bakah tangka fai Rs. 3000 District Mission Office-ah an hlan.
Thilpek hi Chaltlang Bial LAD President Sist. Vanlalveni leh Bial Secretary Sist. Lalchhuanthangi (Machhuani) ten motora rawn phurin NMD Office an thlen a, District Missions Director REv. C. Lalramthanga leh Treasurer Evan. MS Dawngliana ten lawm takin Chaltlang Bial LAD te thilpek hi lawm takin an lo dawng a ni.
North Mizoram District Director Rev. C. Lalramthanga chuan District leh Bro. Bindurai te aiawhin Lal Isua hmingin Chaltlang Bial LAD te chungah lawmthu a sawi.
Chaltlang Bial LAD tena kangmei tuarte tanpuina tur thilpek an pek te hi Sept ni 20th thawhlehni khan Dist. Missions Director Rev. C. Lalramthanga chuan Field tlawh leh workcamp pahin a phur chhuak nghal a ni.
———-
BAJERUNG MISSION FIELD MISSIONARY QUARTERS HAWNG:
Bajirung, Zawlnuam Bial Missionary Quarters chu Sept ni 18 Pathianni khan District Missions Secretary Evan JH Malsawmdawngliana’n an a hawng.
Bajirung Missions Field hi Kum 2018 March ni 13 khan a hun laia District Missions Director Rev K Lalduhsanga’n, District Missions Field ni turin a hawng a, Bajirungah hian Kohhran member 170 vel awmin Missions Field Qtrs hi kum 2021 khan Missionary Esther Lalrawngbawl hunah bul tan niin, Missionary Evan RS Lalnunmawia kaihhruaina hnuaiah Quarters hi peih a ni ta a ni..
Field hawnna ah hian Zawlnuam Bialtu Pastor Lalduhsaka Saza leh Bial hruaitu leh Missions hruaitute bakah, kohhran Mipui engemaw zat pungkhawmin Quarters thar hi Bialtu Pastor kaihhruaina in Pathian hnenah hlan a ni.
Missions Quarters hawn programme hi Aizawl lam atangin Evan Rengthuama, Tlangnuam Bial Missions Secretary leh T Upa H Thantluanga, Dinthar ten District Missions Secretary hi an tawiawm a. Field ah hian Dinthar Local Upa Lalhualhima te Pafa 3 leh Sister Laltlanthangi, BW, Maubawk ten program hi an hmanpui bawk a ni.
———-
THENZAWL BIAL BUATSAIHIN CAMPING NEI MEK:
Thenzawl Bial te chuan Bial kohhran hmalaknain Sept ni 20 thawhleh zan atang khan Thenzawl Field veng Biak inah Gospel Camping an nei, he Camping-ah hian Campers mi 76 lutin Maranatha Revival Team speaker Evan. Isak Lalhmingliana leh a thawhpuite rawngbawltu atan hman a ni.
———-
AIBAWK BIAL LAD REVIVAL TLUANG TAKA HMAN ZAWH A NI:
Aibawk Bial LAD ten kum tina an hman thin Revival Meet chu Sept ni 17th & 18th hmang khan Falkawn kohhran Biak inah tluang takin an hmang.
Revival hi Inrinni zan atanga Pathianni zan thleng hman a ni a, Speaker atan Evan. Isak Lalhmingliana (Maranatha Revival Team) hman a ni a, Bial chhung Kohhran member thahnem tak kalkhawmin, Pathian thlarau thianghlim awmpuina hnuaiah hun hlimawm tak an hmang
———-
———-
AIZAWL EAST DISTRICT
Bial Missions Inkhawmpui:
September 23 atanga 25 chhung hian Aizawl East District chhunga Bial hrang hrangte chuan Bial Missions Inkhawmpui an hmang dawn. He inkhawmpui-ah hian Inrinni-ah rorel inkhawm neih a ni anga, hetah hian Bial chhung inawpna leh District-a lut turte ngaihtuahna an nei ang. Bial Missions Inkhawmpui-ah hian Bial thenkhat chuan Thupui hranpa leh Speaker bik neiin hun an hmang anga, Bial thenkhatah chuan Speaker hranpa nei lovin Bial hruaitu leh Bialtu Pastor te hnen atangin thuchah an ngaithla thin dawn a ni. Bial Missions Inkhawmpui hi District Missions hruaitute chuan hetiang hian hmun hrang hrangah an hmanpui dawn a ni:
Director, Rev.VL.Hnemtluanga chuan Khazawl bial-ah a hmang a
Secretary, Evan C.Lalremruata chuan Mualpui Bial-ah hmangin
Treasurer, Evan C.Lalchhuanga’n Thuampui Bial-ah a hmang a ni.
Kohhranpui hruaitute
Rev. KVL.Hmangaihkima, District Superintendent chuan Khawruhlian Bial-ah hmangin rawngbawlna a nei anga,
Rev.R.Laltlankima, District Secretary chuan a Bial hmui mek Thuampui Bial-ah hmangin
Rev H.Lalropuia, District Treasurer pawhin a Bial hmui mek Khawlian Bial-ah a hmang a ni.
———-
District LAD Conference:
Aizawl East District LAD Conference chu Zohmun Bial, Zohmun-ah September 30 atanga October 2 chhung hian hman tur a ni a, a thlengtu tur Zohmun Bial te pawh an inpeih thawkhat tawh a ni. District LAD Conference-ah hian thupui-ah “I dinthar leh ang u” tih chu hman tur niin thupui hi hlawm hrang hranga thensawm lehin Speaker ten an sawi thin dawn a ni.
Programme tlangpui:
Conference hlantu: Rev.H.Lalropuia, District Treasurer
Speaker turte:
1. Rev.R.Laltlankima, District Secretary
2. Sis.Zionparmawii B/W, District LAD President
3. Sis. Ronguri B/W Former President
4. : Sis. Lalhmachhuani B/W President Dist LAD N.Mizoram
5. Rev KVL Hmagaihkima, District Superintendent.
Rorel inkhawm hi October 1, Inrinni-ah Chawhma Dar 10-ah tanin Zohmun Biak In-ah neih tura ruahman a ni.
Sunna: Pathianni chawhma-ah neih tur niin Rev VL.Hnemtluanga, District Missions Director kaihhruaiin neih a ni ang.
Recording Secretary atan Sis.Lalhmunsiami Khiangte B/W Zemabawk North leh Sis.H.Laltanpuii Upper Republic te chu ruat an ni.
———-
PYD OB te fehchhuak:
September 18, Pathianni khan District PYD OB te chuan Thingsulthliah bial tlawhin fehchhuah programme an hmang. He hunah hian Chawhma lamah Bial chhung Local hrang hrangah Thianghlimna Campaign an nei a, Chawhnu-ah Bial Hqrs.Thingsulthliah-ah inkhawmna hun hmangin Upa.F.Lalthlangliana, V.President chuan thusawina a hmang a ni. Chawhnu inkhawm ban hian Kum 2023 District PYD Inkhawmpui Thingsulthliah bial ten an thlen turah Organising Committee te nen meeting na an nei nghal bawk a ni.
———-
Kohhran In hlanna leh District Evangelist lawmna hun hmang:
September 17, Inrinni chawhnu khan Bethlehem Bial, Tuithiang Venga Kohhran In hlanna leh District Evangelist lawmna hun hman a ni. Bialtu Pastor, Rev.Rohmingliana chuan hawngin tawngtairuala hlanna neih a ni. Upa Dr.R.Lalfakzuala, Bial Treasurer chuan report pe in Evan.Lalramzauva, Bial Secretary in District Evangelist lawmna hun a hmang a ni. Bethlehem bial-a District in rawngbawl tura a dah Evan.Lalamena bakah a duh apiang ten thusawina hun an nei bawk a ni. He hun hi Rev.VL.Hnemtluanga, Dist.Missions Director chuan hmanpuiin Bial Dept.tin OB te leh Bethlehem Church Board member te an tel bawk a ni.
———-
Mithar leh baptisma chang thar:
September 18, Pathianni khan District Missions Dept. in Keifanga rawngbawl tura an dah Evan Philip VL Hmuchhuaka chu Dist. Missions Director, Rev VL Hnemtluanga chuan Induction Service a neihpui. He hun hman pah hian, Dist. Misions Director leh Sis. Vanlalpari rawngbawlna kal tlangin mithar pakhat Kohhranah sengluh a ni.
Dt 19th, Sept 2022(Mon) zan Beihrual inkhawm ah Keifang Kohhrana lawi turin Sist Vanlalpari rawngbawlna kal tlangin, Chhungkaw khat, Member 4 chu Bialtu Pastor J.Lalhmingsangan sengluhna a nei. Member tharte sengluh rual hian an fate leh a hma a anlo lawmluhte te atangin Nau 3 Isua hmingin hlanna a nei nghal a ni.
September 18, Pathianni vek khan Zemabawk North Bial, Zemabawk Kohhrana lawi turin Bialtu Pastor, Rev.Rosanga Kawlni chuan mithar 2 Kohhranah a sengluh a, Member thar sengluhna neih rual hian District dang atanga lo pem lut mi 3 Kohhranah lawmluhna a nei bawk.
Kawlkulh Bial Khuanglak Kohhranah Bro. Joseph Lalremruata leh a team te rawngbawlna atangin mi 2 in sual ngaihdamna baptisma Bialtu Pastor R. Lalfamkima kutah an chang. Kohhran mi nisa, Baptisma la chang lo te an ni.
September 18, Pathianni khan Bawngkawn Bial S.S Conf. kal zelah Ramhlun Vengthar Kohhran-ah Evan.F.Malsawmdangliana kutah Kohhran mi ni sa, mi 3 ten sual ngaihdamna baptisma an chang thar.
———-
Chhingchhip bial report:
Chhiahtlang Hmar Veng Kohhranah Dt.12 – 17/9/22 chhung khan Bro. H.Lalrinfela, Speaker-ah hmangin Camping neih a ni. Campers 43 niin mipa 29 leh hmeichhia 14 an ni. Camping hlawhtling taka neih a ni a, a tawp ni Dt. 17 (Inrinni) khan baptisma rawngbawlna neih a ni a. Bialtu Pastor HP Ramfangzauva kutah mi 12 in baptisma ang chang a, an zinga pakhat hi Kohhran dang a ni a, sengluhna neih nghal a ni. Thuthlung Chhantute Team rawngbawlna hi Lalpan mal a sawm nasa em em a, an rawnbawlna atang hian mi 26 zetin sual ngaihdamna baptisma an chang tawh a, mi 18 vel zetin Thlarau Thianghlim an dawng thar tawh bawk a ni. An rawngbawlna kal zelah hian Dt. 21/9/22 (Nilai) khan Hmar Veng kohhranah Lalpa chawimawina hun hman a ni a, Bro. H. Lalrinfela chu Speaker a ni.
Chhingchhip Mualpui Kohhran-ah pawh Dist. Revival Speaker, Rev. H. Vanlalchhana leh a team te rawngbawlna atangin, Dt. 20/9/22(Tues) zan inkhawm banah mi 6 in Lalpa Isua hmingin baptisma an chang a. Heng baptisma chang te hi mipa 2 leh hmeichhia 4 an ni a, Kohhran member ni sa vek an ni.
———-
———-
LUNGLEI DISTRICT
1. DAMNA CRUSADE NEIH MEK A NI :
Headquarters Local biak in, Chanmari Lunglei-ah Evan. Dr. Lalsawivela Speaker-ah hmangin Damna Crusade September ni 16 Zirtawp zan atang khan neih tan a ni.
Tihdam rawngbawlna hi September ni 19 Thawhtanni atang khan neih tan a ni a, Thawhtanni khan damlo mi 60 khawihin mi 49 ten damna an chang a, September ni 20 Thawhlehni khan mi 65 khawih lehin mi 56 ten damna an chang leh a, damna chang zingah hian Cancer 1, Bengngawng leh tawngthei lo mi 31 an tel a ni.
Evan. Dr. Lalsawivela kal tlang hian Pathianin mi tam tak a lo tidam tawh a, pantu pawh an thahnem hle, damna beiseia pantu hming ziak zawng zawng mi 430 an chuang tawh a, He Damna Crusade hi Pathianin rem a tih ang zela neih chhoh tum a ni.
———-
2.PANGZAWL BIAL AH P.C.D. CAMPAIGN :
September ni 17-18 chhung khan Pentecostal Children Department (PCD) Lunglei District hruaitute chuan Pangzawl bial chhung Local hrang hrangah Campaign neiin hun an hmang.
September ni 17 Inrinni zanah Rawpui leh Bungtlang Local-ah te Campaign hi an nei a, September ni 18 Pathianniah Khawngbawk Local, Ramrikawn Local-ah te Campaign nei chhunzawmin Pathianni zanah Khuanghlum Local-ah Campaign kharna hi neih a ni.
———-
3.CRUSADE :
– September ni 20 (Tue) zan atang khan Pukpui Local-te chuan Crusade an buatsaih a, Speaker atan bialtu Pastor Rev. H. Rothuama chu hman a ni. September ni 24 Inrinni khan Rbt. HP. Lalbiakthanga te chhungkua chuan Pathian chawimawina an nei a, hlim takin hun an hmang. He Crusade hi September ni 25 Pathianni zan thleng hman a ni ang.
– September ni 21 (Wed) zan atang khan College veng, Missions Department-te chuan Crusade an buatsaih a, Speaker atan District Secretary Rev. C. Lalrintluanga chu an hmang a, September ni 25 Pathianni zan thlengin hun an hmang ang.
– September ni 21 (Wed) zan atang khan Venghlun Local-te chuan Revival Crusade an buatsaih a, Speaker atan Lungsen bialtu Pastor PC. Zion Rammawia chu an hmang a, September ni 25 Pathianni zan thlengin hun an hmang ang.
– September ni 23 zirtawp zan atanga ni 25 Pathianni zan thleng hian Farm veng Local PYD-te chuan Crusade an buatsaih dawn a, Speaker atan Pastor Robert B.Lalnunsiama, Tuipang bialtu Pastor chu hman a ni ang.
———-
4. MI THAR :
– Sist. PC. Lalhmangaihzuali B/W Speaker-ah hmang a, Bualpui V Missions Field-a Revival Crusade neih kal zel ah Ni 17 Sep. 2022 Inrinni zan khan bialtu Pastor Rev. LH. Lalchhandama’n puitling, mipa 2 Isua hmingin Baptisma a chantir a. Mi 1 hi kohhran dang niin, September ni 18 Pathianni khan Bualpui ‘V’ Local a lawi turin Evan. R. Lalrokhawma Home Missionary-in a lawm lut.
– September ni 18 Pathianni zan inkhawmnaah mi thar 3 (Puitling 1 leh naupang 2) Cherhlun Local-ah bialtu Pastor K. Lalnunpuia chuan a lawm lut bawk.
– September ni 18 Pathianni zan khan Kikawn Local-a lawi turin mi thar 4 (Puitling 2, leh Naupang 2) chu bialtu Pastor Rev.H.Rothuama’n a lawm lut.
Kikawn Local-a lawm luh takte hi chhungkua niin, Hindu sakhua atanga lo lut an ni.
———-
5.WORK CAMP :
September ni 18 Thawhtanni khan Rahsiveng Local P.M.D. te chu Work Camp-a Zawlpui bial chhung a awm Bolia biak in sa turin an kal. He Work camp-ah hian member 9 an thawk chhuak a ni.
———-
———-
CHHIMTUIPUI DISTRICT
DISTRICT HUAP CRUSADE NEI DAWN:
Ni 5-9.October 2022 hian District board rorelna in alo rel tawh angin District huap crusade chu S.Lungpher Local ah neih ani dawn a,Speaker atan Rev K.VL.Hmangaihkima District Superintendent Aizawl East District chu hman ani ang.He hun ah hian Sis.Dr.Pc.Lalthansangi leh zaithiam dang ten zai rawngbawlna an nei thin ang.
———-
APOSTOLIC SOCIAL MINISTRY MAWHPHURTU TUR RUAT FEL:
Ni 7.9.2022 a District Official meeting chuan Apostolic Social Ministry hruaitu turte leh board member turte hetiang hian a ruat a.
Chairman : District Superintendent
Secretary : District Secretary
Treasurer : District Treasurer
Board member te:
1. District Missions Director
2. Siaha Bialtu Pastor
3. Siaha West Bialtu Pastor
4. Upa F.Lalrothuama
5. Rbt.L.Khai U
6. Rbt.S.Vabeima
———-
DISTRICT BUILDING BOARD COMMITTEE THUKHAWM
Ni 8.9.2022 (Nilaithawhtan) khan District Committee Room ah District Building Board Committee neih a ni. He Committee ah hian Golden Jubilee Building sakna a, sum hman tawh dan report pekna leh thlirhonate neiin tuna Golden Jubilee Building sak chhoh mek a, sum hman dan turte leh Building sak chhoh zelna a thil pawimawh hrang hrang sawihona neih a ni bawk. Tlai lamah Board member te, Pensioner te leh Office staff ten hlim takin chawhlui kilhona an nei nghal a. Tunah hian Golden Jubilee Building hi chhawng lina sa mekin Building hi 120×60 vel tura lian a,sak chhoh mek zel a ni.
———-
PASTOR QUARTERS THIAH HNATLANG THAWK:
Sangau Bial Pastor Quarters chu sak that anih dawn avangin Ni 12-13.9.2022 khan Quarters thiah hnatlang neih a ni. Bial chhung Local hrang hrang atangin Mi 60 vel thawk chhuakin hnatlang hi an thawk a, Quarters thar hi 45×34 lian a sa tura ruahman niin District atangin Quarters sakna tanpuina Rs.1000000 an hmu dawn a, tunah hian Rs.500000 an dawng tawh a ni. Quarters thiah hnatlang hi Bial hruaitu Pastor V.Lalhlimpuia Bialtu Pastor, Upa V.Lalremliana Bial Secretary leh Upa PB Lianawia ten an ho a, Kohhran te an phur hle a ni.
———-
SANGAU II LOCAL LAD TEN SANGAU BETHEL TLAWH:
Ni 10-11.9.2022 khan Sangau II LAD te chuan Sangau Bethel Local an tlawh. Rawngbawlna hlawhtling takin an nei. Item hrang hrang zaipawl, mal zai leh Pathian thuchah rawngbawlnate neiin in pawlhona hlim takin an nei a, Sangau Bethel Local te hian Sunday tlaiah chawhlui tuihnai tak an lo buatsaih sak a ni.
———-
CRUSADE INBUATSAIHNA LEH DISTRICT MISSIONS CONFERENCE INBUATSAIHNA NEI CHHO MEK:
District Crusade Ni 5-9.10.2022 a South Lungpher hmun a neih tur ah hlim tak leh hlawhtling taka hman anih theih nan a thlengtu tur S.Lungpher Local te chuan nasa takin inbuatsaihna an nei chho mek. Mikhual tam tak kal tura beiseiin tisa ruai pawh siam an tum a ni. Hetihlai hian District Missions Conference pawh S.Lungpher Local te hian November thla tawp lamah an thlen leh dawn avangin tun atangin Conference inbuatsaihna pawh an nei chho nghal bawk a ni.
———-
LAKI LOCAL CHURCH BIAK IN SA TURIN HMA LA :
Ni 12.9.22 khan Pastor Robert B.Lalnunsiama T,Bialtu Pastor ho in Laki local church ten Biak in sak dan tur measurement lakna an nei. Bialtu pastor hi Upa T.Zalawma,Bial Missions Director leh Upa H.Lawmawma ten an tawiawm a ni. Laki Local Biak in hi 26 Feet X 52 Feet in sak tura ruahmanna siam a ni a. Ni 16.9.22 (Friday) khan Biak In ban khur lai tan tura tih a ni. Biak In sakna tur atan hian District in Rs.Nuai 3 in tanpuina an pek avangin an lawm em em a. District in a pek mai bakah anmahni hian biak in daih tur Rawra an nei tawh a. Tin, sum lam pawh tlem zawng an in tuak ve tawh bawk a ni. Laki Kohhran hi tunah hian Kohhran In 16 (85 Members) an ni mek a ni.
———-
PASTOR QUARTERS SAK TANPUINA LEH BIAK IN SAK TANPUINA PE CHHUAK:
District Superintendent Room ah Pastor Quarters leh Biak In sak tanpuina pek chhuakna hun hmangin tawngtaina nen tanpuina hi pek chhuah a ni.
District Board in a rel ang a, tanpuina dawng tura tihte leh an dawn zat tur :
1. Sangau Bial Pastor Quarters : Rs.1000000.
2. Cheural Local : Rs.300000
3. Laki Local : Rs.300000
4. Meisatla Local : Rs.300000
5. Tuipang V Local : Rs.150000
6. Sentetfiang Local : Rs.150000
———-
DISTRICT PUMAH THLAI THAR KUT HMANG:
Ni 18.9.2022 Pathian Ni khan Chhimtuipui District Local hrang hrangah Thlai thar Kut hman a ni. Chhungkaw hrang hrang ten an thlai thar neihte Biak Inah kalpuiin chungte chu sumah chan tir anih hnuah Ramthim lamah kal tir a ni. Chhungkaw thenkhat huan leh lo siam lo, thlai thar nei lem lote pawh in thahnemngaihna avangin Bazarah thlaite leiin chung chu an thawh mai thin bawk.
Archhuang Local te chuan thlai thar kut programme hman chhoh zelah 19.9.2022 thawhtan khan Upa Lalfakzuala te chhung kal tlangin chawimawina nen hun an hmang bawk a ni.
———-
REVIVAL CRUSADE NEI DAWN:
Bualpui NG Local beirual kal chho zelah kohhranten hlawk taka hmangin,19-25.2022 thleng revival crusade in hun an hmang ang.Speaker atan Rev MH Robin Lalthanmawia Bialtu Pastor hman ani ang.
———-
HOME MISSIONS FIELD TAN LUANGCHHUAK:
Tuipui ‘V’ Local LAD te chuan New Laty tirhkoh Evan.P.Lalrintluanga mamawh em em Thleng dahna cheng tam tak man an hlan.
Facebook