LITERATURE & PUBLICATION BOARD:
October ni 20 Ninga ni khan UPC North East India Literature & Publication Board chu General Headquarters Committee room, Mualpui Salem veng, Aizawl ah thu khawm in The New Birth Mizo tawnga Translation chu Edit na an nei a ni.
———-
———-
AIZAWL CITY PYD BUATSAIHIN THISEN PEK A NI:
October ni 22 Inrinni hian Aizawl City PYD buatsaihin Aizawl Civil Hospital-ah Damlo mamawh te tan a thlawnin thisen pek a ni.
City PYD hian kum 2022 a tan Blood Donation Calendar siamin tum 3 Thisen hi an pe tawh a, July 2 khan Pastor Bial 4 ten thisen unit 69 lo pe tawhin August 6 khan Bial 4 atangin Unit 79 an pe a, September ni 17 khan Pastor Bial 4 a tangin Thisen Unit 37 an pe leh bawk a ni. Tuntum hi a vawi 4 na niin, Bazar Bial, Bawngkawn Bial, North Mizoram District Headquarters Bial leh Dinthar Bial ten Thisen hi an pe a ni.
———-
———-
AIZAWL EAST DISTRICT
Family Guidance & Counselling Centre bakah Archive room hawnna neih a ni:
October.18, Thawhlehni khan District Office building hlui-ah Family Guidance & Counselling Centre bakah Archive room hawnna neih a ni. Hawnna hi Rev.KVL.Hmangaihkima, District Superintendent chuan neiin Archive Room-ah inkhawm tawi hman a ni. Rev.R.Laltlankima, District Secretary chuan kaihruaiin a hlanna tawngtai rualna neih a ni a, Rev.H.Lalropuia, District Treasurer chuan Technical report pe in Family Guidance & Counselling Centre bakah Archive room siam a nih dan tlangpui a pe a ni.
He hunah hian A duh apiang tana thusawi hun hawn niin hetah hian thusawitute hian Family Guidance & Counselling Centre bakah Archive room hawn a nih theihnaah lawmthu sawiin hmasawnna ropui tak a nih thu an sawi hlawm a ni. He inkhawm tawi hi Rev.VL.Hnemtluanga, Missions Director in tawngtaiin a titawp a ni.
He hunah hian Aizawl khawpui chhunga Bialtu Pastor bakah Bial Secretary leh Treasurer te sawm niin Office staff te an tel bawk. Family Guidance & Counselling Centre bakah Archive room hi District Office building hlui-ah dah niin Family Guidance & Counselling Centre a thu tur hi a tul angin ruahmanna siam a ni anga, Archive Committee pawh din fel tawh niin a tul angjn hma an la mek reng a ni.
———-
District Missions Conference hmang dawn:
October 28 atanga 30 chhung hian Zemabawk Bial, Zemabawk Vengpui Biak In-ah District Missions Conference Vawi 29-na hman a ni dawn. Kumin Conference-ah hian thupui hranpa nei lovin mi hrang hrang; Evan Philip VL.Hmuchhuaka, District Missions Evangelist, Evan R.Vanchhunga, Bazar Bial Missions Director, Rev Dr.C.Sihmo, Director, Chhimtuipui District bakah Rev VL.Hnentluanga, District Missions Director leh Rev KVL.Hmangaihkima, District Superintendent ten thusawi rawngbawlna an nei thin dawn a ni. October 29, Inrinni chawhma dar 10:30-ah Zemabawk Vengpui Biak In-ah rorel inkhawm neih tur niin Secretary leh Treasurer report ngaihthlak a ni bawk ang. District Missions Conference hi Rev R.Lalhawia chuan hlanna a nei dawn a ni.
———-
Crusade nei:
Thuampui bial chuan a vawi thumna atan October 12 atanga 16. 2022 chhung khan Muanna Veng Biak In ah Crusade an nei a, Speaker atan District Secretary, Rev R. Laltlankima, Bialtu Pastor incharge ni bawk chu an hmang. Bial chhung kohhran hoten an hlawkpui hle a ni. Crusade chhung hian Sis Santei, Bawngkawn ami chuan zaia rawngbawlna a nei thin bawk a ni.
Oct.14, Zirtawp zan atanga Bawngkawn Bial PYD Revival Crusade, Ramhlun Vengthar Biak Ina hman chu Thlarau Thianghlim awmpuina hnuaia October 16, Pathianni zan khan a tiak. Thupui hranpa nei lovin Bialtu Pastor, Rev.Vanlalfela Ramtiam, Evan F.Malsawmdawngliana leh Evan.K.Lalbiaknunga ten thusawi rawngbawlna an nei thin a ni. Pathianni chawhnu-ah khan Pathian thu zirhona hun neiin hlawhtling takin hun an hmang bawk a ni. Inkhawm apiangin malzai ngaihthlak thin niin Bial Zaipawl leh Ramhlun Vengthar Zaipawl ten fak hla an sa bawk a ni.
———-
Mithar leh baptisma chang thar:
October 16, Pathianni khan Bro Joseph Lalremruata rawngbawlna Kawlkulh Khuanglak Kohhran ah Mi 7 in sual ngaihdamna baptisma an chang. Evan JH Lalhminghlua, District Revival team te rawngbawlna Kawlkulh Venglai kohhranah mi 5 in sual ngaihdamna baptisma Evan JH Lalhminghlua kut ah changin, thlarau thianghlim baptisma mi 17 in an dawng thar bawk.
October 16, Pathianni vek khan Khawruhlian Bial Kepran Kohhran ah Baptisma khur hawn a ni a, mi 2 in Baptisma an chang. Baptisma chang te Kohhran member ni sa te an ni. Kepran-ah hian Evan Hlimmawia’n rawngbawlna a nei mek a, Baptisma rawngbawlna pawh hi a nei bawk a ni.
October 16, Pathianni chawhma inkhawmah khan Darlawn Kohhranah nau pahnih, Bialtu Pastor Robert Lalrinsanga chuan a hlan a, member 5 Kohhranah sengluhna a nei bawk. District Revival Speaker Rev. H.Vanlalchhana’n baptisma mi 2 a chantir nghal a ni
Keifang Bial, Keifang hmunah October 16, Pathianni khan Sis. Vanlalpari rawngbawlna kaltlangin member 2 Kohhranah Bialtu Pastor J.Lalhmingsanga’n sengluhna a nei a, mi 3 in sual ngaihdamna Baptisma an chang bawk a ni.
Keifang Bial tho, Chehrep venga Kohhran din tura hma lakna kal zelah, October 15, Inrinni zan khan Evan Philip VL Hmuchhuaka rawngbawlna kaltlangin Chhungkaw khat member 5 chu Bialtu Pastor J. Lalhmingsanga chuan a sengluhna a lo nei tawh bawk a ni.
October 16, Pathianni khan Mualpui Bial, Mualpui Kohhran ah Member 7 senguh an ni. Member thar te hi Chhungkaw hnih niin Chhungkaw khat hi Kohhran dang niin Chhungkaw khat hi UPC a lo awm thin, Kohhran bel lova hunrei tak lo awm tawh te an ni. Kohhrana sengluhna hi Bialtu Rev C Mawizuala’n a nei a ni. Pathianni vek khan Evan C.Lalremruata kutah mi 1, Kohhran dang atangin sual ngaihdamna baptisma a chang bawk a ni.
———-
Itakhola Quarters/ Church Building hawnna neih a ni:
October 16, Pathianni khan, Assam Missions Field, Itakhola hmuna Pastor Quarters, Upper Republic Bial Missions Dept hmalaknaa sak chu Field Director Rev. Lalmuanpuia kaihhruaina hnuaiah Evan Lalnunzira, Upper Republic Bial Missions Director chuan a hawng. He Quarters hi a hmun Rs 150,000/ in, Upper Republic Kohhran lei sak a ni a, Rs 387,000/ senga sak a ni. Itakhola kohhran-ah hian Pastor Hrangliankhuma hoin members 20 tunah hian an awm mek a ni.
———-
Education Camp nei:
District PYD Education Committee te chuan October 15, Inrinni khan ASC Home tlawhin Education Camp an nei. Introduction leh Report Committee Secretary Bro. Vanlalrinchhanan a pe a. Program tan nghal niin, session 4 ah te then a ni. Session hmasa berah Bro Lalrinzuala’n hun hmangin, Manners and Etiquettes lam zirtirna a pe a. Session hnihna ah Sex Education thupui thlan hmangin uluk takin Bro. Vanlalrinchhana (Secretary) leh Sis. ElizabethLalramtanmawii ten zirtirna an pe leh a ni. Chhun Thingpui in hona neih a nih hnuah Session Thumna atan Career Guidance lam hawi leh niin, Bro. Oliver Lalthlengliana leh Bro. Er. Lalramhluna ten zirtirna an pe leh bawk a ni.Session tawp ber atan Bro. Johny Lalthafamkima (Committee Chairman) chuan Mental Health lam zirtirna a nei ve leh a. Hun tawp kharna leh fuihna thuchah sawina Bro. Lianbikthanga’n a nei a ni.
———-
Jubilee hlim takin hmang:
Chhiahtlang Vengpui Kohhran, Chhingchhip Bial te chuan 13-16 October, 2022 hmang khan Kohhran kum 60-na Diamond Jubilee leh PYD leh LAD-te Kum 50-na, Golden Jubilee hlim takin an lawm.
Chhiahtlang Vengpui Kohhran hi February 10, 1962 khan din niin, Kohhran dintute/Hruaitu hmasa berte chu:-
Chairman – Upa Tinchhawna (L)
Secretary – Upa Siamliana (L)
Treasurer – Upa Zahuata (L) te an ni a, PYD leh LAD-te hi 1971-ah a lo ding bawk a ni.
He Jubilee hmang tur hian Vengpui Kohhrana lo lawi tawh zawng zawngte sawm niin Bial chhung atang leh Bial pawn lam atanga tawiawmtu kal an tha hle a ni. Aizawl East District Superintendent Rev KVL Hmangaihkima, District PYD President Rev C Lalmalsawma, LAD President Sis Zionparmawii B/W bakah Zaithiam Sis Dr PC Lalthansangi te chu he hun hmanpui tur hian sawm niin anni bakah hian Kum 2013 hnu lama Chhingchhip Bial kaltlanga Chhiahtlang Vengpui lo awp tawhtu Pastor-te sawmin an hmanpui bawk a ni.
Jubilee program khuhhawnnan Evan H Darrotluanga’n Jubilee Meichher chhi engin October 14, Zirtawpni-ah Bialtu Pastor HP Ramfangzauva kaihhruaiin Diamond Jubilee puala hun hman a ni a, Jubilee dar vuak a nih hnuah District Superintendent Rev K VL Hmangaihkima’n Diamond Jubilee lung hawnna a nei a ni. Hemi ni hian Rev Biaksangzuala Gen. Missions Director-in Jubilee Souvenir tlangzarhna a nei bawk. October 14, Inrinniah Evan H Lalngaihzuala, Jubilee Chairman kaihhruaiin PYD leh LAD Golden Jubilee puala hun hman a ni a, Jubilee dar vuak a nih hnuah District superintendent Rev K VL Hmangaihkima’n Golden Jubilee lung hawnna a nei leh a ni.
Chhiahtlang Vengpui Kohhran Jubilee Lawmnaah hian ni 2 chhung ruai theh niin Jubilee Programme Lalpan mal a sawm hle a, a tir zan atanga a tiak zan thlengin Thlarau lam hla nena hun hman niin Sis Dr PC Lalthansangi hnen atangin zai rawngbawlna ngaihthlak thin a ni a, Jubilee hmangtu ten an hlutin a zai Lalpan mal a sawm hle a ni. Hun hman chhung hian Rev K VL Hmangaihkima, District Superintendent ; Rev C Lalmalsawma, District PYD President; Rev Biaksangzuala , Gen. Missions Director; Rev Rosanga Kawlni, Zemabawk N Bialtu Pastor; Pastor HP Ramfangzauva, Bialtu Pastor leh Sis Zionparmawii B/W, District LAD President te hnen atangin Pathian thuchah nung leh ropui tak tak ngaihthlak thin a ni bawk.
Jubilee lawmna neih chhung hian Kohhranpui Hruaitute chawimawina te, Kohhrana kum 60 chin chunglam chawimawina te bakah PYD leh LAD Hruaitute chawimawina Momento hlan niin Jubilee hmanpuitu Official zawng zawngte hnenah ngaihhruina – Jubilee Lawm Puan bân (awrhtir) an ni bawk.
———-
Hruaitute Programme:
Rev KVL.Hmangaihkima, District Superintendent chuan Darlawn hmunah Jubilee hmanpuiin hun a hmang mek a, rawngbawlna neiin ruahmanna ang chuan Thawhtanni-ah Aizawl a let leh ang.
Rev R.Laltlankima, District Secretary chuan Kohhran thil tul hrang hrang tiin Champhai hmunah a cham mek a, Inrinni-a Upa Zawma te chhungkua in Pathian chawimawina an neihah telpuiin Pathianni hian Champhai-ah rawngbawlna a nei ang.
Rev H.Lalropuia, District Treasurer chuan General PYD President a nih angin November Pathianni vawi hnihna hmanga General PYD Conference Khawzawl hmuna hman tur enpuiin Nilaini leh Ningani khan Khawzawlah hun a hmang a ni.
Rev VL.Hnemtluanga, District Missions Director chuan Nilai zan atang khan Zemabawk Vengpui Biak In-a Revival Crusade hman mekah Speaker-ah tangin rawngbawlna a nei a ni a, Pathianni zan thleng hun hman a ni ang.
District Sunday School Hruaitute: Rev Rohmingliana, Director, Evan K.Lalmuansanga, Secretary leh Evan Hr.Lalrindika, Treasurer te chuan Pathianni hmang hian Champhai Bethel Bial chhungah Thianghlimna Campaign neiin rawngbawlna an nei ang.
———-
———-
NORTH MIZORAM DISTRICT
NORTH MIZORAM DISTRICT MISSIONS DEPARTMENT CONFERENCE HMANG TUR A SAWMNA:
October 28-30 2022 hmang hian N.Mizoram District Mission Department Conference vawi 42na chu Maubawk Biak In ah neih a ni dawn a. Pathian Thlarau Thianghlim awmpuina nen he khawmpui hi hlawk tak a hman a nih theih nan Kohhran mipui ten tawngtaina ah hrereng tur leh he inkhawmpui ah hian lokal theuh turin, Maubawk bial leh District Missions Department te chuan a sawm tak meuh meuh a ni.
———-
BAIRABI BIAL PYD TEN SOCIAL WORK DAY DENCHHEN IN THISEN PE.
Kum 2021 PYD Conference thurel bawhzui in Bairabi Bial PYD te chuan Social Work Day Denchhen in October ni 15.2022 (Inrinni) khan Bairabi North Kohhran Naupang Sunday School Hall ah Bial huap Thisen pekna neih a ni. Bialtu Pastor in Thisen pek hma in tawngtaina a nei a, Members 45 bawr vel kal khawm atangin Thisen pe thei hi members 33 an nia, Mipa 24 leh Hmeichhia 9 an ni.
———-
AIBAWK BIAL PYD BLOOD DONATION CAMP:
Aibawk Bial PYD te chuan Dt. 15th October, 2022 (Sat) khan Bial huapin State Referral Hospital, Falkawnah a mamawh a piang hman atan thisen Unit 20 an pe.
Programme hi Dar 10:30 am ah tan a ni a, Bial Missions Department Director, T. Upa MS Dawngliana’n hunserh a hmang. Bial chhunga local hrang hrang atangin mi 40 vel kalkhawm a ni a, thisen petu te hi mipa 16 leh hmeichhia 4 an ni. Bialtu Pastor, Pastor PC Lalrokima’n telpuiin thisen a pe ve nghal bawk.
———-
AIBAWK BIAL PYD ZAIPAWL UNIFORM TLANGZARHNA HUN HMAN A NI:
Aibawk Bial PYD Music Committee (BMC) bultumin Dt. 18th October, 2022 (Tue) zan khan Sateek Kohhran Biak Inah Bial PYD Zaipawl uniform tlangzarhna hun hman a ni.
Zaipawl Uniform tlangzarh inkhawm hi BMC Chairman, T. Upa Lalbuatsaiha’n a kaihruai a, Bial PYD President, T. Upa Lalramnghaka’n tlangzarhna hun hmangin fuihna thu tawi sawina hun a hmang nghal. Heng bakah hian Bro. Lalhmantluanga (Bial PYD Treasurer) leh T. Upa H.P. Rodingliana (BMC Secy) hnen atangin thuchah tawi tha tak ngaihthlak a ni bawk. Programme hman zawh hian thingpui ruai tu tak kilho a ni.
———-
WEST PHAILENG BIAL, N. MIZORAM DISTRICT
October ni 16.2022(Pathianni) khan Pukzing Vengthar ah chhungkaw khat member 6 chu UPC North East India Kohhran ah lawmluh niin, nau 9 hlan an ni a, puitling 7 in Isua hmingin baptisma an chang bawk. Heng rawngbawlna hi Pastor K. Ainawna bialtu in a nei a ni, rawngbawltu hi Upa Lalduhsanga, West Phulpui in a tawiawm a ni.
Pukzing Vengthar hi UPC NEI kohhran lo din tawhna leh kan rem leh tawhna a ni a. Tunah hian chhungkaw thum awm tawhin, member 16 an awm ve leh ta a ni.
———-
———-
LUNGLEI DISTRICT
JOINT CONFERENCE :
October ni 14-16 chhung khan Sertlangpui bial PYD & LAD Joint Conference vawi 45-na chu thuampui Local-ah neih a ni a, Speaker atan Putlungasih Home Missionary Evan. T. Biaklala chu hman a ni. An rorel langsar zualte :
P.Y.D. :
1. 2023 atan Bible ralchhan buatsaih leh tha tih a ni a, thuzir atan Exodus nise.
2. Bial Meet buatsaih nise tha tih a ni.
3. November thla chawhnu lamah bial huapin Blood donation neih nise tha tih a ni.
4. Balance awm sa atangin Pastor Quarters Fencing hna thawh nise.
5. Bial chhung Local hrang hrangte intlawhtawn nise tha tih a ni bawk.
L.A.D. :
1. ASC Home Sponsor Rs.7000 pek.
2. Pastor Quarters-a Long chair, Cushion leh a Case lei nan Rs.10000 dah.
3. Bial hruaitu chawl lova kum 10 thawkte Citation pek thin.
4. Bial LAD hminga Bank Account hawn.
5. District LAD Conference kal nan bialin budget 10000 dah.
6. Bial chhung Local hang hrang intlawh tawn nise
———-
BIAL HUAP RAWNGBAWLTU RETREAT NEIH A NI:
Cherhlun Bialte chuan October ni 15-16 chhung khan Khawhri-ah Bial huap rawngbawltu Retreat an nei a, Resource Person atan Rev. Lalmalsawma Sailo, Treasurer, UPC (NEI) chu hman a ni.
Bial chhung upa leh rawngbawltu 45 awm atangin mi 30 kalin hun hlimawm leh hlawkthlak tak hman a ni. General Treasurer hian Bial hruaitute nen Thawhtanni-ah Cherhlun Bial chhung Local hrang hrangte tlawhin zanah Cherhlun Local-ah hun a hmang bawk.
———-
PATHIAN CHAWIMAWINA NEI :
October ni 14-16 chhung khan Tlabung bial Mission Department inkhawmpui neih niin, hlim takin hun an hmang a, mi thahnemngai ten sum thawh khawmin October ni 17 Thawhtanni khan Bial huapin Pathian chawimawina neih chhunzawm a ni a, Speaker Rev H.Ro\huama leh a naute rawngbawlna Lalpan mal a sawm hle a ni.
———-
DAMNA CRUSADE REPORT :
Headquarters Local bul tuma September ni 19 atanga Evan.Dr. Lalsawivela Speaker-a hmanga Damna Crusade neih chu chhunzawm zel a ni a, ni 19 Sept. – 17 Oct.2022 (Ni 25) chhunga tihdam rawngbawlna dinhmun hetiang hi a ni.
– Damlo hming ziak zat 2263
– Damlo khawih zat 1135
– Dam zat 964
– Dam beisei zat 150
– Dam lo zat 21
– Dam Percentage 84.93
– Baptisma chang zat 10
———-
RAHSIVENG BIAL PCD RALLY:
October ni 16 Pathianni khan Rahsiveng Bial PCD Rally chu Hauruang Local-ah hlim taka hman a ni a, Rally hmang hian mi 313 an kal.
Rally hi chawhma leh chawhnu leh zan lamah hman a ni a, bialtu Pastor Rev.C. Lalhriatpuian thuchah a sawi bakah Bial kohhranpui Thianghlimna Committee atangin zuk leh hmuam that lohna Campaign neih a ni a, District PCD Secretary Bro. Jacob Ramengmawia hnen atangin thuchah ngaihthlak a ni bawk.
———-
———-
LAWNGTLAI WEST DISTRICT
SUNDAY SCHOOL KHAWMPUI HMANG
October ni 14-16.2022 hmang khan Lawngtlai North bial Sunday School Department chuan bial khawmpui(Conf.) Vawi 29 na chu Lawngtlai Council veng Local church ah an hmang.
Pastor S.Vanlallunghnema Bialtu Pastor chuan conference hawnna neiin Pathianni zing inkhawmah intihsiakna neih a ni a, Action Recitation, Solo, Group zai (Senior leh Doctrinal leh Puitling) Bible Quiz(Senior leh Doctrinal) hmanga in el a ni.
———-
MITHAR LAWMLUT
October ni 16 Pathianni zing khan Darnamtlang home mission field ah Evan Lalrindika Field worker chuan mithar chhungkaw hnih(2)Member pasarih(7)awmna chu UPC NEI Kohhran ah a lawm lut a ni.
October ni 16 Pathianni khan sabualtlang local-ah,Pastor K Lalzawmsanga’n mithar pahnih(2) lawmlutin,naute pakhat(1)a hlan nghal bawk.
———-
BIAL HUAPA CRUSADE NEI
October ni 12-16. 2022 chhung khan Lawngtlai South Bial LAD chuan Chandmary biakin ah Crusade an nei a, speaker atan Evan.T.Vanlalruata(Valte) chu an hmang a ni.
Crusade hi chhimtu an tha in hlawk thlak an tiin hle a, Zaihthiam tak tak te leh College veng LAD zaipawl atangin Pathian fakna hla ngaihthlak thin a ni bawk.
———-
BIAL MISSION BOARD NEI
October ni 16.2022 Pathianni khan Diltlang Bial mission Board, Diltlang Biakin ah neih a ni a, District Mission director Rev F.Lalbiakthuama’n tel puiin board member te an kal Kim hle.
District Mission conference kal dan tur te leh Rorel Agenda tur leh District PYD in ngengpuikaia Crusade an neih tura lo buatsaih dan tur te an sawi ho bawk a ni.
———-
October ni 21-23.2022 chhung hian District PYD chuan Ngengpuikai Home mission field ah Crusade neih a ni neih a ni a, Speaker pathum(3) neiin,
1.Rev.F.Lalbiakthuama Dist.Supdt
2.Rev.Lalsawmliana Sailo Dist.Secretary
3.Pastor S.Vanlallunghnema Dist.Treasurer
Hengte atang hian Pathian thuchah ngaihthlak an ni ang.
Thupui atan Zirtirna dik.tita 2:1 a ni dawn a ni.
Facebook