ORPHANAGE SUNDAY
Nov 6, Pathianni hi UPC North East India Kohhran ni pawimawh Orphanage Sunday a ni a, India hmarchhak pum huapa hman a ni ang.
November Pathianni hmasa ber hi kum tin Orphanage Sunday atana a hman thin a ni a, hemi nia thawhlawm lakkhawmte hi Kohhran enkawl fahrah chawmna in Audrine Scism Children Home, Kolasib-pual a ni ang. Tin, hemi nia chhiarchhuah tur Orphanage Sunday thuchah pawh Tualchhung Kohhran tinah thawnchhuah vek a ni bawk.
Audrine Scism Children Home hi Kum 1985 December 30 khan Executive Board chuan din nise tia pass-in kum 1992 january 15, khan Khuangpuilam Kolasib ah din a ni a. Rev. Stanley Scism an building sak bultanna tur lungphum a phum a ni.
UPC-NEI Kohhran rorelna sang Executive Board chuan Home naupang ten awlsam leh tha zawka zirna kawng an zawh theihnan tiin kum 2002, May 2 khan Home complex chhungah School din a ni a, a hming atan Susane Downs Boarding School tih a ni. Tichuan Home leh School hi Project khatah chhun finin Compassion Center Project tih a ni.
Hetianga hmalak chhoh tak a nih vang hian kohhran rorelna sang Executive Board April 16, 2004 a neih chuan; November Pathianni hmasa berah Orphanage Sunday hman thin nise tiin a ruahman a, kumtin hman thin a ni ta a ni.
Kumin Orphanage Sunday hian ASC Home thawktu leh Naupang te chuan Home chapel ah an mahni puala programme siamin an hmang dawn a ni.
Tunah hian naupang 34 (mipa 11, hmeichhia 23) enkawl mek an ni a, a naupang ber chu thla 9 mi a ni. Heng naupang te hi – nu leh pa nei tawh lote, an nu leh pa ruihhlovin a tihbuai avanga an enkawl theih lohte an ni a, hmangaih taka Kohhran hoten kan enkawl an mamawh tak meuh a ni. Tin, tunah hian naupang enkawltu, thawktu mi 13 an awm mek bawk a ni.
———-
GENERAL PYD CONFERENCE VAWI 44-NA
UPC North East India Thalai pawl Pentecostal Youth Department PYD General Conference vawi 44na chu November ni 10 – 13 chhung hian neih a ni dawn.
Kum 2022 hi General PYD Conference a hranpa a neih kum niin Aizawl East District ten an thleng dawn a, Khawzawl Zuchhip Field-ah Pandal lian tak sa in inbuatsaihna kalpui mek a ni. India Unit, Chennai atangin Pastor Ruben Hobday te bakah NEI UPC administration hnuaia General Missions Field leh Delhi Church atangte in palai tam thei ang ber lo kal an tum bawk a
General PYD Conference vawi 44 na hlim tak leh hlawhtling tak a hman a nih theih nan North East India PYD member zawng zawng bakah Kohhran mipui te a tam thei ang ber kal turin Lalpa Isua hmingin General PYD chuan a sawm a ni.
———-
Hruaitute Programme:
Khawvel pum huapa United Pentecostal Church, National Church Leader-te intawhkhawmna lian ber, kum 5 dana neih ṭhin Global Council chu Nov 15 – 17, 2022 hmang hian UPC Intl Hqrs St. Louis, Missouri, USA-ah hman a ni dawn a; hemi hmang tur hian UPC North East India atangin Rev. Zohmingthanzama, Gen. Secy leh Rev. Lalmalsawma Sailo Gen. Treasurer-te chu an kal dawn a ni.
Ruahman ang chuan Nov 9 Nilaini-ah Aizawl an chhuahsan ang a, Nov 21, 2022 monday-ah Aizawl an lo let leh ang.
Global Council-ah hian khawvel pumpuia chanchin ṭha famkim hrilh darh a, hrilh kim dan tur leh thil ppwimawh hrang hrangte an rel ang.
General Missions Director Rev. Biaksangzuala chuan November ni 6 Pathianni chawhma hian Chawlhhmun Kohhran ah Thusawi rawngbawlna a nei ang a, Pathianni zan ah Maubawk Kohhran ah rawngbawlna a nei bawk ang.
General Sunday School Director Rev. R. Laichhingpuia chuan November ni 6 Pathianni chawhma hian Dinthar Bial Sunday School Department ten Seminar an buatsaihah resource person ah tang in hun a hmang anga, Pathianni zan ah thusawi rawngbawlna a nei bawk ang.
———-
GENERAL MISSIONS GOLDEN JUBILEE ORGANISING COMMITTEE:
November ni 3 Ningani khan General Missions Golden Jubilee Organising committee chu General Missions Director Rev. Biaksangzuala kaihhruaiin General Headquarters Committee room, Mualpui salem veng-ah neih a ni.
Kummin 2022 hi UPC North East India General Missions Department Golden Jubilee kum niin he mi tan hian inbuatsaihna hrang hrang kalpui mek zel a ni a, General Missions Golden Jubilee Organising committee chuan November ni 26, 2022 inrinni zan chu Jubilee Night a tan ruahmanin, Jubilee lawmnan book Mark leh pen te sem tur in a tih bakah Jubilee hriatreng nan Memorial Stone siam ni se a ti a, General Missions hruaitu lo ni tawh te chawimawina hlanna leh General Missions hnuai a Field hrang hrangte Documentary Film thlir ho na hun neih a ni bawk dawn a ni.
November ni 24 zan ah General Missions Golden Jubilee souvenir tlangzarhna neih a ni bawk ang.
———-
GENERAL PYD EXECUTIVE COMMITTEE:
November ni 4 Zirtawp ni khan General PYD Executive committee chu General Headquarters Committee room, Mualpui salem veng-ah neih a ni.
Meeting hi General PYD President Rev. H. Lalropuian kaihruaiin November ni 10-13, 2022 chhunga General PYD Conference vawi 44 na, Khawzawl zuchhip hmuna neih tur a inruahmanna hrang hrang an sawi ho bakah, Conference Agenda tur te thlir ho na an nei bawk a ni.
———-
———-
LAWNGTLAI WEST DISTRICT
Lawngtlai West District Superintendent, Rev.F.Lalbiakthuama leh District secretary, Rev.Lalsawmliana Sailo te chuan Lawngtlai South bial ten Sunday School Khawmpui an neih tur chu an hmanpui ang.
———-
Child Protection Awarness
Oct. ni 27 2022 khan Lawngtlai District Child Protection te chuan Peniel Comprehensive English School-ah awaness campaign hlawhtling tak an neih.
He Awaness campaign-ah hian Protection Officer leh Outreach Worker ten hun hmangin naupangte venhimna kawnga an dikna leh chanvo hriat tur pawimawh tak tak zirtir na an pek bakah pawikhawihna kawng a hrem theih an nih dan (Juvenile Act) te hrilhhriat a zirtir an ni bawk.
Heng bakah hian Peniel Comprehensive English School in kum 2023 a sponsorship a hmu thei na tur leh Naupang hriselna lama harsatna tawk, rualban lo ten chhawmdawlna (special treatment) sorkar atanga an hmu thei nan ruahmanna an siam bawk a ni.
———-
CHAWNGTE P LAD TEN PASTOR QUARTER TAN THILPEK AN PE
Oct. ni 28 khan Chawngte “P” Local LAD te chuan Pastor Quater ah Khum 4×6 tha tak leh Centre table pakhat, site table pakhat leh Blangket pakhat an dah a ni.
———-
MITHAR LAWMLUT
Oct. ni 28 2022(friday) khan Ngengpuikai Home mission field ah Evan PC.Vanlalpeka chuan mithar pakhat(1)chu Lalpa Isua hmingin UPC North East India Kohhran ah a lawmlut.
Oct. ni 30.2022 Pathianni khan Darnamtlang Home Mission field ah Mithar chhungkaw 2 member 9 chu Evan HC.Lalrindika Field worker chuan a lawm lut a, he mi rual hian Sual ngaihdamna Baptisma chang member sawm paruk(16) an awm bawk a ni.
———-
23rd JOINT LAD & PYD CONFERENCE NEI MEK A NI.
Lawngtlai North Bial LAD & PYD chuan Oct ni 28 – 30 . 2022 chhung khan Lawngtlai AOC biakin ah Conference an nei.
Inkhawmpui tan zan atang hian Pathian Thlarau thianghlim Malsawmna dawngin hlim tak a hun hman nghal a ni a, Bialtu Pastor leh Dist. Treasurer ni bawk Pastor S. Vanlallunghnema’n thusawi rawngbawlna a nei bawk. LAD leh PYD intihsiakna te neih niin, hlim taka hun hman a ni.
October ni 29 (Inrinni) ah Rorelna neih a ni a. 1st session-ah LAD leh PYD ten a hrang ve² in rorelna an nei a, 2nd session-ah Joint-a rorelna neih a ni. Pathian ni zingah Rev.F.Lalbiakthuama Dist.Supdt chuan Pathian thu chah sawina a nei bawk a ni.
Rorel tlangpui te:
PYD
1. PYD Rorel tlangpuite:-
1. Pastor Quarters pualin kum khatah bial huapin vawi 2 tal fehchhuah ni rawh se.
2. Bial chhunga Local-tin ten Bible chhiar chhuahna neih ni rawh se.
3. Bial huapa Bible Quiz compertition neih ni rawh se.
4. Bial huapa tawngtai bethel neih ni rawh se.
5. Local tin i tlawhtawnna neih ni rawh se.
6. Lawngtlai North Bial & South Bial PYD Joint fellowship neih ni rawh se.
7. Bual huapa chawnghei tawngtai neih ni rawh se.
8. Bial Sports neih ni rawh se.
Joint rorel te
1. Bial huapa Crusade neih ni rawh se
2. Pastor Quarters a dah tur Solar lei ni rawh se.
3. LAD & PYD Joint in kum khatah vawi 2 tal fehchhuah ni rawh se.
4. Nakum Joint LAD & PYD conference na hmun tur rotation a nih angin Lawngtlai Council Veng Local ah a ni ang.
LAD
Rorel tlangpui
1.LAD Day may 10 2023 lo awm tur chu Bial huap a.A huho a hman rem tih tlan ani.
2.Section Building Fund ah cheng 30000 dah leh tha tih tlan ani.
3.LAD may 10 2023 lo awm tur ah Sabualtlang School ah cheng 5000 pek ni rawh se
4.Bial LAD ten a huhoin..bial sumtuakna kum khat ah vawithum(3) neih tha tih tlan ani
5.HQrs Local…Pastor Quarter ah Mutbu( Blanket single 2 leh Matrress 3*6)dah rem tih tlan ani
6.District leh Section Target tlak hmasa ber local hnenah lawmman pek ni se.
7.Bial Fehchhuah a kal tha ber mimal ah lawmman pek ni se.
8.Section conference a, Local secretary report form hi changtlung leh kimchang zawk a siam that ni se..A siam that dan tur chu Bial Board kut ah dah ani
8.Kum 2023 Section LAD conference ah hian Zaipawla intihsiakna neih leh ni se.Judges hi mi panga(5) ruat ni tawhse.
9.Bial hruaitu ten North Bial chhung Local tin ah Buhfaitham campaign neih ni se.
10.Bial fehchhuah kan neih hun sawn ni se..Thlatin 2nd sunday ah neih ni se.Kum 2023 January thla atangin hman tan ni rawh se.
11.Bial pawn tlawh ni se,A hmun atan Chawngte (p)bial ni se..A tlawh hun leh tlawh dan tur chu Bial board rel atan dah ani.
———-
Ceiling fun pe
Dt.21.Oct.2022 Friday khan Bro.Lalawmpuia(Opa) te chhungkua Lawngtlai College veng Local chuan Ngengpuikai Home Mission Field biakin a hman tur Ceiling fun tha tak mai pahnih(2) an pe a ni.
Puan Lukhum pe
Date 01.Nov.2022 hian Sist.Manghahi(Losi Tailor Chandmary)w/o Upa H.Lalhmachhuana te chhung chuan Darnamtlang home mission field kohhran LAD te tan Puan lukhum thahnem tak mai chu Evan HC.Lalrindika Field worker hnenah an hlan a ni.
———-
———-
LUNGLEI DISTRICT
ELECTRIC VENG BIAK IN HAWN A NI :
November ni 5, Inrinni hian Headquarters bial chhunga awm Electric veng Local Biak In chu Headquarters bialtu Pastor Rev.C.Hmingthanfala chuan a hawng dawn.
Biak In hawn inkhawm hi Upa R.Lalduhawma chuan a kaihruai ang a, Rbt.R.Lalsanglura, Secretary, Electric Veng Local leh Rbt.C.Lalramluahpuia, Secretary Building Board chuan Report pein, Lunglei District UPC Choir, Headquarters bial PYD leh Electric Local PYD ten zaiin rawngbawlna an nei ang.
Biak In hawn Programme hi November ni 4 Zirtawp zan atanga November ni 6 Pathianni zan thleng hman a ni ang a Speaker atan Rev.C.Vanlalena, District Superintendent, Rev.C.Lalrintluanga, District Secretary, Rev.Lalbiakdika Chawhte, Pastor Lallawmsanga leh Pastor T. Zahmingliana te an hmang ang.
Electric veng Local Biak In len zawng hi a chhung 36.6 x 62.7 a ni a, member 390 an lawi mek a, kum 2014 atang khan Biak In hi an sa tan a ni.
———-
MI THAR :
October ni 30 Pathianni khan Headquarters Local-ah Member thar 6 District Treasurer Rev. PC. Lalfakawma chuan a lawm lut a, October ni 31 Thawhtanni khan bialtu Pastor Rev.C.Hmingthanfala chuan mi thar pahnih Baptisma a chan tir bawk.
———-
BIAK IN LUAH LUT
October ni 29 Inrinni zan khan Chawngte Local chuan Biak In luahluh inkhawm neiin, hlanna hi bialtu Pastor Jerry Lalmuanawma’n a kaihhruai.
Chawngte Biak In hi a dung leh vang feet 60/30 niin, kum -2 chhung Biak In hi sak a ni.
Biak In sakna atan hian nuai -60 vel hman a ni a, mihring tha leh thil thlawn pek an dawnte nen chuan, nuai-70 vel seng ang an ni.
Biak In hi a chhawng niin, a hnuai lamah SS. Hall, Committee room leh choka dah niin, Biak In sir pang kawngpui an chu dawr kaw -6 luah theih in siam a ni bawk.
Chawngte ah hian kohhran member -180 an awm mek.
———-
BIAK IN HAWNG
October ni 30 Pathianni khan Assam Missions Field, Bongaigaon Section – a awm Hatisar Local Church biak in chu Rev. R. Vanlalenga Lunglei District Missions Director chuan a hawng.
Hatisar hi Bhutan Border a awm a ni a, nikum 2021 Sept. khan Assam Missions Field Director Rev. Lalmuanpuia rawngbawlna atangin Christian Revival Church ( CRC ) atangin an Pastor chhawr lai Sanjay Nursery hoin an lo lut a, Pastor Sanjay Nursery hi a Bike kawl lai pawh a Donate-tu ten UPC a a lo luh avangin an chhuhsak leh a ni. Biak In pawh phelsep chirhdiaka zut hian an tung ding a, an Biak In sakah hian an len loh avangin Biak In thar sak a ngai ta a ni.
Biak In hawnna Programme hi Field chhung Pastor-te leh Guwahaty Kohhranhote’n an tawiawm tha hle a ni.
Mi thar pahnihin Rev. Lalmuanpuia Assam Missions Field Director kutah Isua hmingin Baptisma an chang bawk a ni.
Biak in thar tur hmun hi Rs. 150000 in Lunglei District Missions Department-in a lei sak a, Bro Lalhmachhuana of Lungsen te chhungkua chuan Rs. 350000 sengin an sa a ni. Tin, Hatisar Biak In Pulpit hi Sist. R. Lalsangzuali of Bazar Local sum pek atanga siam a ni bawk a ni.
———-
BIAL MISSIONS CONFERENCE :
October ni 28-30 chhung khan Rahsiveng bial Missions Department Conference chu Vanhne Local-ah neih a ni a, Speaker atan District Missions Secretary Evan. V. Lalduhawma chu hman a ni a, an rorel langsar zualte:
1. Bial Missions Department-in Missionary Support pakhat a neih thin chu pahnih neih tawh nise Tha tih a ni.
2. Bial chhung Local tinah Missionary Awarness Campaign leh Buhfaitham Campaign neih nise.
3. 2023 atangin Crusade Fund dah tawh nise an tih bakah
4. Nakum 2023 bial Missions Conference chu Zion Local, Venghlun ah neih nise an ti bawk.
5. Tin, District-a lut tur thu ngaihtuah an nei bawk.
———-
JOINT CONFERENCE :
Zawlpui bial PYD & LAD Joint Conference vawi 6-na chu October ni 28-30 chhung khan Putlungasih Local Biak Inah neih a ni.
October ni 29 Inrinni khan rorel a ni a, Conference chhung hian District LAD leh PYD hruaituten Speaker niin thu an in sawi chhawk a. An rorel tlangpuite:
P.Y.D. :
1. Bible ralchhan buatsaih leh nise tha tih a ni a, LAD nen Joint-a buatsaih turin Joint Conference-ah passed a ni.
2. Bial pawn fehchhuah nise tha tih a ni.
3. Hoarding Board tar leh nise.
4. Missionary Quarters-ah Longchair pakhat dah nise.
5. Bial PYD Sub.Committee-ah EPC chu theihtawp a hma la turin din a ni bawk.
L.A.D. :
1. Pastor quarters-ah Dining table set dah ni se (Joint ah pu lut in Dining table set lei nan hian Rs 25000 (singhnih sangnga) ruahman a ni a, LAD budget a 6000 leh PYD a 4000 pawh kawp hnu ah a daih lohna chu appeal a tuak nghal a ni.)
2. Missionary quarters-ah khum dah ni se
3. Bial LAD revival neih
4. Local LAD intlawh kual bakah,
5. Bial pawn fehchhuah nise.
———-
———-
NORTH MIZORAM DISTRICT
DISTRICT HRUAITUTE PROGRAMME:
NMD hruaitu pathum Dist Supdt. Rev. Chhiarpuia, Dist. Secy Rev. K. Lalduhsanga leh Dist. Treasurer Rev. C. Lalthantluanga te chuan Pathianni kal ta Oct. ni 28-30 chhunga NMD Missions Confe vawi 42-na Maubawk Bialin a thlen chu an hmanpui.
NMD Supdt. Rev. Chhiarpuia chuan Oct. ni 2 Nilaini khan UPC -NEI Literature Committee, General Office Mualpuia neihah a tel.
District Treasurer Rev. C. Lalthlantluanga chuan Sihphir Bial LAD tena Revival Crusade an buatsaih zanlawn Local-a neih turah Speaker niin rawngbawlna a nei ang. He Crusade hian Nov ni 4 – 6 chhung a awh dawn a ni.
———-
NMD MISSIONS CONFERENCE VAWI- 42 NA MAUBAWK UPC BIAK INA HMAN CHU TLUANG TAKA HMAN ZAWH A NI:
NMD Missions Confe vawi 42-na kar kalta Oct. ni 28 atanga ni 30 chhung awh chu Pathian Thlarau THianghlim hriak thih hnuaia tluang taka zawh fel a ni.
Conference hi Maubawk Bial ten thlengin Maubawk UPC Biak inah nghah a ni. Confe hi Rev. P. Chunga Former Gen. Supdt. chuan hawngin; Conference chhung hian Rev. C. Lalramthanga NMD Missions Director, Evan. JH Malsawmdawngliana, District Missions Secretary leh Evan. MS Dawngliana District Missions Treasurer ten inkhawm an kaihruai a, Pathian thuchah sawitute
1. Zirtawp zanah : Evan. C. Lalrampana, Zomuantlang Missionary- Thupui I rawngbawlna kha hlen rawh (Mahni inhlannaah)
2. Inrinni zanah : Rev. C. Lalhmunliana, Bairabi Bialtu Pastor – Thupui I rawngbawlna kha hlen rawh (Kohhrana kan mawhphurhnaah)
3. Pathiann zingah : Rev. Biaksangzuala, Gen. Missions Director- Thupui I rawngbawlna kha hlen rawh (Thlarau bo veinaah)
4. Pathianni chhunah : Rev. C. Lalramthanga, NMD Missions Dept Director – Thupui I rawngbawlna kha hlen rawh (Thilpeka rawngbawlnaah)
5. Pathianni zanah : Rev. Chhiarpuia, NMD Supdt. – Thupui I rawngbawlna kha hlen rawh
Confe- rorel Oct. ni 29 Inrinni Dar 11:00Am -ah neiin; Secretary Report leh Financial Report ngaihthlak a ni a, Report buin a tarlan danin NMD Missions Dept dinhmun tlangpui hetiang hi an ni:-
1. Missions Field awm zat : 17
2. Casual worker awmna khaw zat : 12
3. Missionary thawktu zat : 29
4. 2021-a Field members : 1599
5. 2022-a Field members : 2650
6. Member Punna : 1051
Conference rorel passed pawimawh zual te..
1. Hetiang hian Conference thlenna tur ruahman niin passed a ni
a. 2023 Sumsuih Bial
b. 2024 Aibawk Bial
c. 2025 Kolasib Diakkawn Bial
d. 2026 Chawlhhmun Bial
e. 2027 Kanghmun Bial
2. Missions Dept- hian NEI-UPC huap Flag hi mumal zawka neih ni se. General Missions Dept-a kal zel turin.
3. Home Missions Revival Team din chhoh zel ni se.
4. Missionary Chawmna leh Support sum te hi Bial kaltlang a tih tawh thin nise.
5. Home Missions Field SS zir tur an mahni tawnga zirlai buatsaih ni se.
6. Home Missions Field-ah Kohhran member tina tar turin ‘Pentecostal Home’ siam ni se.
7. Gen lama agenda thehluh turin Gen. Missions Dept hian Field-a a thlawna sem tur calender buatsaih ni se tih te passed a ni.
———-
Daparizo Biak in sak lungphum phum turin fehchhuak:
Nov ni 3 Ningani khan NMD Missions Director Rev. C. Lalramthanga chu Gen Missions hruaitute’n ruahmanna an siam angin Arunachal Missions Field Daparizo Biak in sak lungphum phum turin a feh chhuak.
Daparizo Biak in hi Chaltlang Bial Missions Dept tena hun engemaw chen kal ta atanga sa tura an lo rel tawh niin; Chaltlang Bial MSD hmalakna a nih angin Chaltlang Bial MSD Director Evan. C. Hmingchungnunga leh Bial Missions Secy Evan R. Lalthangchhuana te chuan Director hi an tawiawm bawk a ni. Nov ni 6 Pathianniah Rev. C. Lalramthanga NMD Misions Director hian Biak in sak lungphum a phum anga, rawngbawlna an neih chhunzawm ang.
Fehchhuak te hian a tul angin Arunachal Field-a kohhrante remchang angin an tlawh bawk dawn a ni.
———-
Literature Committee nei:
Nov ni 3 Ningani chawhma dar 11:00 khan NMD Literature committee chu District committee room-ah thukhawmin kum 2023 Nilai Thupui bu zirtur edit zawh tawh chu thlir hona an nei a, hei bakah hian Lehkha bu an chhuah tawh leh hmabak awm te sawihona an nei bawk. Meeting hi District Secy. Rev. K. Lalduhsanga’n a kaihruai a ni.
———-
———-
AIZAWL EAST DISTRICT
District Missions Conference hlim taka hman zawh a ni:
Aizawl East District Missions Department hnuaia Inkhawmpui lianber District Conference Vawi 29-na chu October 28 atanga 30 chhung khan Zemabawk Bial, Zemabawk Vengpui Biak Inah hlim taka hman zawh a ni a, Kumin-ah hian thupui hranpa nei lovin mi hrang hrang te hnen atangin Pathian thuchah ngaihthlak thin a ni. Inkhawmpui tan zan khan Rev VL.Hnemtluanga, Missions Director chuan Inkhawm kaihruaiin Rev R.Lalhawia’n Inkhawmpui hlanna a nei a, Bialtu Pastor, Rev R.Malsawma hnen atangin palai lawmna thu ngaihthlak niin Evan Philip VL.Hmuchhuaka, District Missions Evangelist hnen atangin Pathian thuchah ngaihthlak a ni.
October 29, Inrinni nileng khan Zemabawk Vengpui Biak Inah Rev VL.Hnemtluanga, Director kaihruaiin palai mi zahnih chuangin rorel inkhawm neih a ni a, hetah hian bial atang leh Official atanga agenda lut engemaw zat awmin chung zinga an thu passed langsar zualte:
1. Kum 2024 Inkhawmpui chu E.Lungdar bial-ah nghah a ni a, ruat sa angin Kum 2023-ah Sakawrdai Bial-ah Inkhawmpui neih leh a ni ang.
2. Sikkim khawpui Gangtok-ah General-in kohhran dinthar leh turin hmalak ni se tih a ni.
3. District Missions hmalaknain khawpui lian deuh leh Dist. Capital-ah rusum thlak nise ti a lo passed tawh chu chak zawk a hmalak nise tih a ni.
4. District Missions Department-in kum khat atan a District Missions Evangelist a lak bakah hian tul leh pawimawh bikah chuan District Missions Executive Board-in lakbelh theih tura tih a ni.
5. District chhungah Bial fahrah deuhte chawikang tura hmalak nise tih niin
6. Zokhawthar leh a chhehvel khuate hi Pastor Bial a hawn theih turin District Missions Department-in hmala se tih a ni
Rorel inkhawm neih zawh hian District Board neih chhunzawm nghal niin hetah pawh hian agenda lut engemaw zat a awm a, chung zingah an thu passed thenkhatte:
1. Kum 2023 January atang chuan District Missions Evangelist te House Rent tihpun rem tih a ni. 2. Kum 2023 atan Advertisement chhuahin Missions Evangelist lak leh tura tih a ni.
3. District Missions inkaihhruaina Dan Bu Office Bearer ten an lo duan chu thlir ho a ni a, Kohhranpui approved atan pawm a ni.
District Board-ah hian Evan C.Lalchhuanga, Treasurer chuan Kum 2023 Budget Estimate pharhin siam that ngaite siamthat a nih hnuah District Kohhranpui Board pawmpui turin Kum 2023 Budget atan Rs 135,45,000 chu an pawm a ni.
Inrinni zan inkhawm hi Evan C.Lalremruata, District Missions Secretary chuan Evan R.Vanchhunga, Bazar Bial Missions Director hnen atangin thuchah ngaihthlak a ni.
Pathianni chawhma Inkhawm Rev VL.Hnemtluanga, Director chuan kaihruaiin Rev Dr.C.Sihmo, Director, Chhimtuipui District Missions Department hnen atangin thuchah ngaihthlak a ni a, Upa F.Lalzawmliana, Kahrawt Bila Missions Department Director kaihhruaiin Doctrine sawirualna neih niin Evan C.Lalchhuanga, Treasurer kaihhruaiin Kum 2022 Budget pe tlakte leh khum bialte hnenah lawmman semna neih a ni.
Pathianni chawhnu-ah Evan C.Lalchhuanga Treasurer chuan inkhawm kaihruaiin Rev VL.Hnemtluanga, Director hnen atangin thuchah ngaihthlak a ni.
Pathianni zan inkhawm Rev VL.Hnemtluanga, Director chuan kaihruaiin Rev KVL.Hmangaihkima, District Superintendent chuan thuchah sawina a nei a ni.
Aizawl East District Missions Department Conference-ah hian inkhawm apiangin mal zai bakah Aizawl khawpui chhunga Bial hrang hranga zaipawl leh Pentecostal Choir ten fak hla an sa thin a, Pathian thlarau thianghlim awmpuina hnuaiah hlim takin hun hman a ni. Conference neih chhung hian Khanpui, Champhai Zote leh Champhai Dinthar Biak In sakna pualin thawhlawm khawn a ni bawk.
———-
Mithar leh Baptisma chang thar:
October 26, Nilai zan khan Keifang Chehrep Veng Kohhran thar din tura hmalakna kal zelah Evan Philip VL Hmuchhuaka rawngbawlna kaltlangin mithar 2 sengluh an ni. Evan Philip-a hian sengluhna a nei a ni.
October 31, Thawhtan zan khan Zemabawk North Bial, Zemabawk West Kohhranah chhungkaw khat, member 4 te chu Kohhranah sengluh an ni.
November 1, Thawhleh zan khan Serchhip Chanmari Kohhrana Bro.H.Lalrinfela rawngbawlna kaltlangin mithar 2 Kohhranah sengluh an ni. Serchhip Chanmari Kohhranah hian chawimawina vawi 6 awm tawhin a vawi 7 na atan November 2, Nilaini khan Evan Lalthankima Ralte te chhungkua chuan Pathian chawimawina an nei a, Kohhran ten hlim takin hun an hmang a ni. Chanmari Kohhranah hian Bro.H.Lalrinfela hian rawngbawlna a nei a ni.
———-
General PYD Conference:
November 10 atanga 13 chhunga General PYD Conference hman tur atan a thlengtu Aizawl East District- Khawzawl Bial te chu nasa takin an inbuatsaih mek a, inbuatsaihna in a vawrtawp a thleng chho mek zek a ni. Pandal hi Zuchhip Field-ah sak niin a sak hna hi Bial chhunga Tualchhung Kohhran hrang hrang ten an in thawh chhawk thin a ni. Pandal hi a dung ft 120 leh a vang ft 80-a liana sak niin Khawzawl Bial te nasa takin an inbuatsaih mek zel a, an inbuatsaihna enpui hian November 2, Nilaini khan District PYD hruaitute chuan Khawzawl hi an kal a, ruahmanna hrang hrang an neihpui a ni. General PYD Conference thleng tur hian Khawzawl khaw chhunga Tualchhung leh Kohhran chhungkaw tinte pawh nasa takin an inbuatsaih a, mikhualte thlen dan tur hetiang hian Organising Committee te chuan an ruahman a ni.
Aizawl East District – Zuchhip Vengah
North Mizoram District – Dinthar Vengah
Lunglei District – Zaingen Vengah
Chhimtuipui leh Lawngtlai West District – Kawnzar-ah
Barak, Central, Chandel, Churachandpur bakah Imphal, Tripura leh SE Nagaland te chu Vengthar-ah an thleng dawn a ni. Heng bakah hian Official te thlenna tur hmun hrang hrangah ruahmanna a ni bawk.
Kumin General PYD Conference-ah hian “I pianna ramah haw leh rawh” Genesis 31:13 thu hman tur niin mi hrang hrang ten thusawi rawngbawlna an nei thin dawn a ni. Kumin General PYD Conference-ah hian India Unit atangin Pastor Ruben Hobday chuan Conference hi a rawn hmanpui dawn bawk a ni.
———-
General PYD Conference atan tawngtaina nei dawn:
Aizawl East District PYD chuan General PYD Conference an thlen tur atan District chhungah November 7, Thawhtan tlai hian Tualchhung PYD te chu Thupui tarlan hmangin chawnghei tawngtai nei turin ngenna a siam. Chawnghei tawngtai nei thei lo te pawhin PYD inkhawm-ah tawngtai thupuia hmang vek turin ngenna a siam bawk a ni.
Tawngtai thupui :
1. Conference chhung zawnga Pathian venhimna leh awmpuina kan dawn theih nan.
2. Tisa leh thlarau lamah PYD member zawng zawng ten Pathian thlarau thianghlim malsawmna thar kan dawn theih nan.
3. Hun hmang tura ruat zawng zawng te(Speakers, Zaipawl,Soloist,Hla hruaitute…etc) Pathian thlarau thianghlim awmpuina hnuaia hun an hman theih nan.
4. Conference hun chhunga kawng hrang hrang a mawhphurhna nei zawng zawng ten tha taka an chanvo an tihhlawhtlin theih nan.
5. Conference palai kal tur zawng zawng te tluang taka kan kal theih nan.
———-
District Evangelist te an awmna hmun siamrem a ni:
October 28, Zirtawpni-a District OB Meeting chuan District Evangelist te awmna hmun hetiang hian a siam rem a, Evangelist-te hian anmahni awmna tur hmun hi November 5 hian thleng vek tura beisei an ni. District Evangelist leh an awmna hmun turte:
1. Evan. Lalbiakmuana – Zemabawk North bial-ah
2. Evan. H.Lalremhlua – E.Lungdar bial-ah
3. Evan. Lalhlimmawia – Khawruhlian bial-ah
4. Evan. MH.Laldingngheta – Bethel bial-ah
5. Evan. Lalrokima – Hnahlan bial-ah
6. Bro. Ramdintluanga – Darlawn bial-ah
7. Evan. C.Lalzidinga – Khawbung bial-ah
8. Evan. V.Kamneihthanga – Serchhip Dinthar bial-ah
9. Sist. Vanlalpari – Keifang bial-ah
10. Evan. Lalamena – Thuampui bial-ah
11. Bro. Lalhruaizela – Khawhai bial-ah
12. Evan. C.Lalropuia – N.Vanlaiphai bial-ah
13. Evan. H.Lalhlimpuia – Khawzawl bial-ah
14. Evan. K.Vanlaldika – Chhingchhip bial-ah
15. Bro. Malsawmdawnga – Saitual bial-ah
———-
Hruaitute Programme:
Rev R.Laltlankima, District Secretary chuan Pangzawl Bial, Lunglei District ten Revival Crusade an hman mekah Speaker-ah tangin rawngbawlna a nei.
Rev H.Lalropuia, District Treasurer chuan Pathianni hmang hian a Bial hmui mek, Khawlian Bial fangin rawngbawlna a nei ang.
Rev VL.Hnemtluanga, District Missions Director chuan Lungpho leh a chhehvel leh Kawlkulh leh a chhehvel-a Kohhran thil tul hrang hrang tiin hun a hmang mek a, ruahmanna ang chuan Thawhtanni-ah Aizawl a let leh ang.
Facebook