54th UPC-NEI GENERAL CONFERENCE
United Pentecostal Church of North East India inkhawmpui lian General Conference vawi 54-na chu 24 November 2022 (Thurs) zan khan Zemabawk Vengpui Biak Inah hman tan a ni a. Rev. K. Darsailova chu Regional Director Representative niin, “Sound Doctrine” (Titus 2:1) chu Conference theme atan hman a ni.
25 November 2022 hian Departmental Business Meeting (Rorel Inkhawm) hetiang hian neih a ni:
General Missions Department – Zemabawk Vengpui Biak In;
General Sunday School Department – Zemabawk Vengpui Sunday School Hall;
General L.A.D – Zemabawk Biak In
26 November 2022 zingah General Official Election Zemabawk Vengpui Biak Inah neih a ni ang a. Chawhma Dar 10:30 atangin General Kohhranpui Rorel inkawm chu Zemabawk Vengpui Biak Inah vek hian neih chhunzawm a ni ang.
Inkhawmpui hmang tur hian State hrang hrang atangin palai tam tak an lo kal khawm a. Conference hi 27 November 2022 zanah a tiak ang.
————
24 November 2022 (Thurs) zan inkhawm hi Rev. R. Lalrinsanga, General Superintendent chuan a kaihruai a. Rev. Ellic Hnehzova Fanai, Former General Secretary chuan Pathian hnena hlanin Isua hmingin inkhawmpui hawnna a nei.
Rev. KVL Hmangaihkima, District Superintendent (AED) chuan inkhawm palai lo kalte chibai bukin lawmna thu a sawi a. Pentecostal Choir (AED) te’n zai rawngbawlna an nei bawk. Palai lo kal inhmelhriattirna te neih niin, General Missions Department Golden Jubilee Souvenir “Mahanaim” tih leh Kolkata Missions Field Silver Jubilee Souvenir “Caritas” tihte chu tlangzarh an ni. Pathian thu chah ropui tak Rev. C. Vanlalena, District Superintendent (LLD) hnen atangin ngaihthlak a ni a, Rev. P. Chunga, Former General Superintendent-in inkhawm hi a tin a ni.
———-
———-
AIZAWL EAST DISTRICT
District S.S Board neih a ni:
November 22, Thawhlehni khan District Committee room-ah District Sunday School Board neih a ni a. Rev Rohmingliana, Director chuan kaihruaiin General S.S Director leh District Kohhranpui hruaituten an telpui bawk a ni. He hunah hian Bial atang Official atanga agenda lutte an ngaihtuah a, an thu passed langsar zualte:
1. Bial Sunday School Board-ah hian Naupang S.S Secretary leh Treasurer te telh ve tawh nise tih General-ah thlen tura tih a ni.
2. District Sunday School hmalakna-in kum 2023 ah naupang tan Bible Spelling Bee intihsiakna buatsaih ni se tih a ni.
3. Kum 2023 chhungin City Sunday School Meet buatsaih ni se, khawpui pawn lam pawh a thei apiang tel theih turin ruahmanna siam ni se tih a ni.
4. Kum 2023 District SS budget atan Rs. 13,41,000/- (Nuai sawmpathum singli leh sangkhat) chu pawm a ni.
———-
Tailoring Centre Board thutkhawm neih a ni:
Nov.22, Thawhlehni khan District LAD hnuaia Tailoring Centre Board chu a vawikhatna atan District Hqrs. Biak Inah thutkhawm neih a ni. Sis.Zionparmawii B/W chuan kaihruaiin District Kohhranpui Treasurer in a telpui a ni. He hunah hian District LAD Conf.in a passed tak angin Tailoring Centre chungchanga hmalak dan tur hrang hrang an ngaihtuah a, a hmunah District Building hlui dil ni se, puan thui khawl neih dan tur ngaihtuah niin sponsorship zawn ni se tih a ni bawk. He hunah hian Board member an kalkim thawkhat a ni.
———-
Tlawng lui thenfai hna thawk:
District PYD hnuaia Environment Protection Committee buatsaihin November 19, Inrinni khan Aizawl khawpui tui tlan lakna hmun Tlawng lui hnar-a bawlhhlawh awmte thenfai hna thawh a ni. He hunah hian Aizawl khawpui chhunga Bial hrang hrang atangin PYD member mi sawmli chuang an kal thei a ni. District PYD Environment protection committee te hian Environment humhalhna kawngah theihtawp chhuahin General PYD Conference Khawzawl hmuna hman zawh takah pawh khan Environment humhalh a nih theih nan Poster an tar bawk a ni.
———-
Preaching point hawng:
November 23, Nilai zan khan Keifang Bial, Chehrep hmunah Preaching point hawn thar a ni. Preaching point hawnna hi Rev R.Laltlankima, District Secretary chuan neiin Bialtu Pastor J.Lalhmingsanga’n Kohhran form na a nei nghal a ni. Keifang Chehrep hmunah hian District Missions Department chuan rawngbawlna nei turin Evan Philip VL.Hmuchhuaka a dah a, a rawngbawlna kaltlangin mithar engemaw zat Kohhranah sengluh an ni tawh a ni. Chehrep hmunah hian tunah hian member sawmhnih chuang awmin mithar sengluh tur beisei an la awm bawk a ni. Preaching point hawn thar pual hian mi engemaw zatin thilpek Chehrep Preaching point tan hian an pe a ni.
———-
Mithar leh baptisma chang thar:
November 20, Pathianni khan Keifang hmunah mithar pakhatin Bialtu Pastor J.Lalhmingsanga kutah sual ngaihdamna baptisma a chang.
Rabung bial Murlen hmunah November 18 atanga 20 chhung khan Crusade neih a ni a, Bialtu Pastor HMS Dawngkima chu Speaker-ah hman a ni. Crusade denchhen hian November 21, Thawhtanni khan Bro Lalzuithanga te chhungkua chuan Pathian chawimawina an nei a, mithar pakhat Kohhranah sengluh a ni bawk.
November 20, Pathianni khan Champhai Bethel Bial, Zion Kohhranah chhungkaw 2, member 9 te chuan Bialtu Pastor, Rev E.Vanlalpeka Zote chuan Kohhranah sengluhna a nei a, nau hlan rawngbawlna a nei bawk.
November 20, Pathianni vek khan Zemabawk North Bial, Bethel Kohhranah Evan Lalbiakmuana rawngbawlna kaltlangin mithar 2 Kohhranah sengluh a ni bawk.
November 19, Inrinni khan Thuampui Bial, Muanna Veng leh Thuampui Kohhranah mi 2 in sual ngaihdamna baptisma an chang a, Pathianni zanah Muanna Vengah Bro H.Vanlalhruaia rawngbawlna kaltlangin Kohhran dang atangin mi pakhatin sual ngaihdamna baptisma a chang bawk.
November 20, Pathianni khan Thingsulthliah Bial, Tlungvel Kohhranah mithar 1 in sual ngaihdamna baptisma Bialtu Pastor V.Lalnienga kutah a chang a, nau 2 hlanna a nei nghal bawk.
———-
District Board:
December 2, Zirtawpni hian District Committee room-ah District PYD chuan kumtawp board an nei dawn. He hun hi Rev C.Lalmalsawma, President chuan kaihruaiin Bial atang leh Official atanga agenda lutte an ngaihtuah anga, Kum 2023 Budget pawh District Kohhranpui Board-a pass turin an ngaihtuah bawk ang.
———-
Phuaibuang Kohhran ten Golden Jubilee hmang:
November 18 atanga 20 chhung khan Khawlian Bial, Phuaibuang Kohhran te chuan an Kohhran Kum 50 na, Golden Jubilee hlim takin an hmang. November 18, Zirtawp zan atang khan Programme hman nghal niin November 19, Inrinni khan Biak in tualah Bialtu Pastor Rev H.Lalropuia chuan Jubilee lungphun hawnna leh Pathian hnenah hlanna a nei a, Jubilee dar vuakna neih chhunzawm nghal a ni. Biak In chhungah a lawmna neih chhunzawm niin Kohhran Secretary hnen atangin Phuaibuang Kohhran lo din chhoh dan report ngaihthlak a ni a, Evan R.Vanchhunga hnen atangin Thusawi ngaihthlak a ni a, tlai lamah Kohhran ten Jubilee ruai hlim takin an theh a ni. Zan inkhawmah Evan R.Vanchhunga hnen atang bawkin thusawi ngaihthlak a ni a, Pathianni chawhmaah Bialtu Pastor Rev H.Lalropuia’n thusawina a nei ve thung a ni. Jubilee programme hman chhung hian Sis. F.Lalhriatchhungi’n zaia rawngbawlna a nei thin a ni.
———-
Thianghlimna Campaign:
Aizawl East District Thianghlimna Committee te hmalakna in Bial hrang hrangah Thianghlimna Campaign neih chhoh mek zel a ni. November 20, Pathianni hmang khan Aizawl khawpui chhung Bial hrang hrangah Thianghlimna Campaign hi Bial Thianghlimna Committee hruaitute an nei hlawm a, District Thianghlimna Committee hruaitute pawhin Zohmun Bial-ah Campaign hi neiin District LAD hruaituten Serchhip Bial-ah Campaign an nei bawk a ni. Kum 2023 hi Kohhran in siamthar kum a nih avangin District Thianghlimna Committee chuan tunah hian chak takin hma ala mek a, December 5, Thawhtan hian Vanapa Hall-ah No Tobacco Week hawnna ropui taka nei turin ruahmanna an siam mek bawk a ni
———-
———-
NORTH MIZORAM DISTRICT
DISTRICT HRUAITUTE PROGRAMME:
District hruaitu Pathum Superintendent, Secretary leh Treasurer te chuan Naktuk Nov ni 24 Ningani hian General Executive Board Gen Office-ah an thukhawm ang a, Naktuk zan (24th Nov) zan atang hian Gen. Conference Zemabawka neih turah Nov ni 27 zan thleng hun an hmang ang.
Nov. ni 28th Thawhtanni atangin Gen Executive Board an thutkhawm leh bawk ang.
———-
District News:
MAMIT BIAL CHHUNGA DARLAK BIAK IN THAR HAWN A NI:
Dt 20th November 2022 (Pathianni) khan Mamit Bial chhunga Darlak Biak In thar chu Rev. K.Lalduhsanga, Secretary, North Mizoram District chuan a hawng a ni.
Hawnna programme hi Pastor Vanlalruata, Mamit Bialtu Pastor in kaihruaiin Rev. K.Lalduhsanga chuan ribbon chep chat in Biak In thar hi a hawng a, Biakin chhunga inkhawm hi Upa Lalchunglura chuan kaihruaiin Bialtu Pastor Vanlalruata hnen atangin report hrang hrang ngaihthlak a nih hnu ah Rev. K.Lalduhsanga hnen atangin Pathian thuchah ropui tak ngaihthlak a ni bawk. Inkhawm banah Biak In thar hawnna ruaitheh a ni bawk.
Biak In thar hawnna programme pual hian Inrinni zan atanga hun hman a ni a, Inrinni zan hian Sist. K.Lalhmachhuani B/W, President, Dist. LAD hnen atangin Pathian thuchah ngaihthlak a ni a, Pathianni zanah hian Evan Lalchhuanmawia Sailo, Director, Missions Department, Hqrs. Bial hnen atangin Pathian thuchah ropui tak ngaihthlak a ni bawk. Sist. Malsawmdawngliani, High School Veng Local, Mamit chuan zaia rawngbawlna nei thin in Mamit Bial chhung atangin kohhran member thahnem takin he programme hi an hman pui bawk a ni.
Darlak Biak In hi kum 2016 atanga sak tan niin Kum 2020 khan sak zawh a ni a, a sak na tur atan hian mi inphal te hnen atangin sum leh tha tam tak sen a ni bawk.
———-
DISABLE SUNDAY CHUNGCHANGA DAN RUAHMAN DISTRICT BOARD-A PHARH TUR REL:
Nimin Nov ni 22 thawhlehni chawhma dar 11:00Am khan Disable Sunday kohhranin a hman thin chungchanga ruahmanna kalpui dan tur District Board thuneihna a pek anga lo ruahman tura a tihte chuan Dist. Supdt. Rev. Chhiafpuia kaihhruaiin Dist. Supdt room-ah meeting an nei a, ruahmanna an neih te hi Dist. Board neih huna pharh leh tur a ni .
———-
PYD RESOLUTION COMT THUKHAWM:
Nimin Nov ni 22 thawhlehni khan NMD PYD Resolution Committee chu District PYD & LAD Room-ah thukhawmin Evan. Jeno Vanlalruata’n meeting a kaihruai a, Dec ni 2 (2022) Zirtawpnia Dist. PYD ten Conference rorel Hqrs Kohhran Biak in, Tuikhuahtlanga neih turah Agenda zirhona an nei.
Rengdil Bial Mualthuam Biak in sak mek a chung chih zawh a ni: Rengdil Bial Mualthuam West Biak in RCC-a sak mek chu Nov ni 22 thawhlehni zing atangin in chhun hlan a ni a, chawhnu dar 3:30Pm-ah inchung chih zawh nghal a ni.
———-
THINGSULTHLIAH LOCAL NPSS TEN NORTH MIZORAM DISTRICT OFFICE TLAWH:
Nimin Nov ni 22nd, Nov. 2022 chawhnu dar 2:20Pm khan AED Thingsulthliah Local NPSS ten N.Mizoram District Office tlawhin; District Office hruaitute leh Staff ten an lo dawngsawng.
Thingsulthliah NPSS te hi Junior atanga Doctrinal Dept. fehchhuakin Naupang 25 leh Zirtirtu 7 an vaiin mi 32 Bus hire in an rawn fehchhuak a, fehchhuahin a tum ber chu thangthar Pentecost naupangte Aizawl hmuna kohhran hmun pawimawh te hmuhtir a, kohhran inrelbawl dan pawimawh te hriattir a ni.
NMD hian Thingsul NPSS te hi lo lawmin Prog. tawi an lo buatsaih sak a, Dist. Secy Rev. K. Lalduhsanga’n hun kaihruaiin Dist. Hruaitute leh Staff te hmelhriattirna neiin; Rev. C. Lalthantluanga, Dist. Secy chuan Thingsul NPSS te tan hian tawngtaisakna a lo nei bawk.
Lawmna inkhawm hman zawhah NMD Office lamte lo inbuatsaihna thingpui leh a hmeh tui tak ei leh in neih ho a ni a, NPSS te hi AED Office lam pan turin an inmangtha ta a ni.
———-
AILAWNG RAWNGBAWLNA KAL ZELAH MITHAR NEIH ANI:
Ailawnng Chhandamna Camping Report (Dated Ailawng: 21/11/2022) Kar kalta Thawhlehni Nov. ni 15 atanga Evan C. Lalruatsanga leh a team te Ailawnga Chhandamna Camping neihah thlarau boruak tha tak neiin; Nov ni 18 Zirtawp zan khan Baptist Nula Sist. Nuntharmawii chuan Pathian thuthlung hmuin Sual ngaihdamna Baptisma Evan. C. Lalruatsanga kutah a chang a. He mithar hi Bialtu Pastor Rev. Lalchuailova’n Nimin Nov ni 20 Pathianni zing khan a lawmlut.
Ailawng Kohhranpui nuatsaih Chhandamna Campingah hian Campers 31 mi 11 in sual ngaihdamna Baptisma an chang.
Tin, he rawngbawlna kalzelah hian Naktuk Nov. ni 22 (Thawhlehni) hian Sist. Thansiami te chhungin Pathian chawimawina an nei dawn a ni.
———-
Silsury Rawngbawlna Report:
Nov 21 thawhtanni zing dar 6am ah Pu Simol kanti, Marpara leh W. Phaileng Bialtu Pastor K. Ainawna te chuan Bialin a beisei angin Silsury an kal.
Silsury tlawh tur hian Pu Tridip Chakma hian beiseiin a ni hian rawngbawltute lo thlengin Silsury kal chhan te pawh sawi nghal a ni a. Pu Tridip Chakma hnena tanga thu dawn danin, Pentecost Kohhrana hruai luh nghal theih tur In sarih vel n awm tawh thu an saiw bawk. Biak in hmun hma tur te pawh lo ruahmanin en nghal a ni. Kohhran member beiseiawm deuh te hi Buddhist leh Presbyterian te an ni, Kohhrana in lawmluh na leh Baptisma rawngbawlna leh thil dang pawimawh te chu Bial hruaitu te leh Bialtu Pastor te ruahman turin an dah.
Pu Tridip Chakma hi khawtlangah pawh min te zah kai niin; tunah hian Silsury West YCA President ni lai mek a ni bawk.
———-
Tlangnuam Local Missions Dept te work camp turin fehchhuak:
Tlangnuam Local Missions Department bul tumin Nov ni 21 thawhtanni zing dar 7:00Am khan District Home Missions Field, Vitor Kalagang hmunah Workcamp turin an fehchhuak. Fehchhuak te hi member 9 niin; Mipa 7 leh Hmeichhia 2 te an ni a. An fehchhuah tuk hian Bialtu Pastor Lalruatkima Fanai in tawngtaina in Work camp kal turte hi a thlah a, Kohhran Mipui engemawzat in an vai liam a ni.
Tlangnuam Local MSD te hian Vitor hmunah hian Missionary Qtrs Ceiling siam te, Bathroom leh varandah siam tul awm te an khawih vek a ni.
———-
Sihthiang kohhran tlawh:
Nov ni 20 khan Rengdil kohhran te chuan Sihthiang MF tlawhin kohhran te an lawm hle. Sihthiang tlawhtu Rengdil kohhrante leh Sihthiang Field member te hian Pathian chibaibukna neiin Rengdil Bialtu Pastor Rev. C. Laltlanchhuana’n Pathian thuchah sawiin rawngbawlna a nei a, Hetih rual hian Mithar pa 3 Hindu leh Presbyterian atangin Pentecost kohhranah Bialtu Pastor hian lawmluhna a neih bakah Nau pa1 hlanna Pathian hnenah hlan a ni. Bialtu Pastor kut vekah hian member pa 4 in sual ngaihdamna Baptisma an chang a ni.
———-
Mualthuam west Biak in chung chih zo:
District Missions hmalaknaa Mualthuam West Biak in sak kal mek chu Nov ni 21 khan Aizawl atangin Dist. Missions Director leh T.Upa H. THantluanga te chuan chhunzawm turin a hmun an pan a, chawhnu dar 12:30 bawrah Mualthuam W thlengin dar 1:30 pm atangin hna thawh tanin inchhun siam hna an thawh nghal a ni. Inchhun siamah hian Head mistiri atan bro. Lalnunhlima Rawpuichhip hman niin, Bro. Phillip Lalhmangaihzuala (Puia) Dinthar leh Mualthuam field enkawltu Lalsawmliana te nen hna hi ngawrh takin an thawk.
Nov ni 22-ah inchhun hlang felin tukthuan eikhamah inching (Dynaroof) chih nghalin Rengdil Bialtu Pastor Rev. C. Laltlanchhuaha, Kawrthah rawngbawltu Evan. PC Lalramchhuanmawia te hovin inchung hi an chih a, hemi tlai hian an zo fel nghal a ni.
Dist. Missions Director te Nov ni 23-ah Aizawl panin an lo haw leh a ni.
———-
Bawngva Biak ln hmun tur lei fel a ni ta:
Nov ni 22 thawhlehni khan District Missions Dep’t chuan Bawngva PP Biak ln sakna turin Pu Hruaia of Bawngva ln hmun leh a ln dinglai chu lei a ni ta.
———-
MITHAR NEIH A NI:
Nov. ni 20 khan NMD Mission Field hrang hrangah hetiang hian mithar neih report dawn a ni.
1. Kanaan thar( Bairabi bial) Sist. F. Lalsiamliani awmnaah mi thar 4
2. Sihthiang (Rengdil Bial) Evan. F. Lalbiaknia awmnaah 3
3. Kolalian (Rengdil Bial) Evan. Hrangchhankhuma awmnaah 1
Mithar neih zawng zawng zat hi 8 an ni.
———-
THUTHLUNG AVANGA IN CHHUAHSAN IN SAK THAR HAWNG:
Nov ni 20 zan khan Pathian thuthlung avanga mahni in chhuahsan Sis. Zothanpari of Serkhan In thar chu Pathian hnenah hlanna hun Sihphir Bialtu Pastor Rev. B. Vanlalruata leh a rawngbawlpuite’n an nei.
Sailam Preaching Point hawn inkhawm neih a ni: Nov ni 20 Pathianni khan Sailam khuaah Preaching point hawnna programe hman a ni. Sailam Preaching Point tan hian Inverter Rs 5000 man rawngbawltu leisak nghal a nib awk.
Maubawk Bial PYD buatsaih Crusade neih a ni: Maubawk bial PYD buatsaih Revival Cruasade chu Nov ni 16 Nilai zan atangin Bungkawn kohhranah neih a ni a. Nov ni 20 Pathian ni khan T.Upa Zodinpuia bial PYD President te chhungin Pathian chawimawi nan ₹ 70,000 kohhran ah an pe a,Pathian chawimawina ruai kil ho nghal a ni.
———-
———-
———–
———–
LAWNGTLAI WEST DISTRICT
Dist.Mission Conference hmang zo:
Date 18-20.Nov2022 a hmanga Lawngtlai West Dist Mission khawmpui tluang taka hman zawh niin thlenkim zan atangin thlarau lam ha nen bul tan niin Speaker te atangin “Boralte zawnga chhandam”tih thupui hmanga sermon nung tak² ngaihthlak a ni bawk.
Tin,Home Missionary te atangin report ngaihthlak a ni bawka zaithiam ten Pathian faka rawngbawlna an nei bawk.
Inrinni chhunah rorel neih niin rorel tlangpui te.
1.District Conf. hun leh hmun tur chungchang:
Ngun taka sawiho a nih hnuah District Missions Conference hun atan hian November 10-12, 2022 ah
nise tha tih tlan a ni. A hmun atan chuan Lawngtlai North Bial nise remtih tlan a ni bawk. Speaker leh Thupui
tur chungchang chu District Missions Board-ah dah a ni.
2.Financial Campaign neih leh nise:
Nguntaka ngaihtuah leh sawiho a nih hnuah Financial Campaign hi neih leh ngei nise tha tih tlan a ni a, A hun leh ruahmanna te lo siam turin District Missions Board kutah dah a ni.
3.District Missionary Support zawn leh nise :
He thu hi ngun taka sawi ho a nih hnuah Missionary support hi zawn leh ngei nise tha tih tlan a ni a. Tul leh pawimawh dangte chu Board kutah dah a ni.
4.Ram lak beihpui thlak leh nise :
He thu hi ngun taka sawi ho a nih hnuah Ram lak beihpui hi thlak leh ngei nise tha tih a ni a. Tul leh pawimawh dangte chu Board ah dah a ni.
5.Christmas for Christ hi District Missions ah chhun luh zel nise :
He thu hi District Missions Conf Vawi 1-na, Rorel 5-na Lawngtlai Bazar Local a neih ah lo passed tawh anih angin, ngun taka sawiho leh a nih hnuah hman chhun zawm zel nise la, District Missions ah sum hin chhun luh zel nise tha tih tlan a ni bawk.
6.District Target tlak hmasa ber Local hnenah District hian lawmman pek ve ni rawhse :
He thu hi ngun taka sawiho a nih hnuah Local atanga District Target tlak hmasa ber hnenah lawmman pek ve ni rawhse tih chu tha tih tlan a ni. A lawmman tur chu District Board kut-ah dah a ni.
7.District Evangelist (Tirhkoh Ramtlan) lak ve ni rawhse :
He thu hi ngun taka sawiho anih hnuah District Evangelist hi lak ngei nise tha tih tlan ani a. Tul leh pawimawh te chu District Missions Board kutah dah a ni.
8.Missionary Month August thla chhung hian, Local tinah Missions lam hawi a thuchah sawi thin nirawhse :
He thu hi ngun taka sawiho anih hnuah tha tih tlan a ni bawk.
———-
MISSIONARY FIELD TAN LONG CHAIR PE
Date 21.Nov.2022 ni ah Lawngtlai North Bial Mission Department chuan Ngengpuikai Home mission fielda Biak In a hman tur, Long chair Pali an lei sak a ni.
Bial, Director,Secretary leh District Treasurer Pastor S.Vanlallunghnema hova dah thlak ani.
A phurhna motor hi Rbt.HC.Lalpianglawma Khawmawi Local chuan a tum bawk.
———–
———–
LUNGLEI DISTRICT
L.A.D. BOARD VAWI 111-NA NEIH A NI :
November ni 18 Zirtawpni khan Ladies Auxilary Department (LAD) Lunglei District Board vawi 111-na chu District UPC Conference Hall-ah President Sist.Lalramlawmi Sailo B.w. kaihhruainain neih a ni a, District Superintendent Rev.C.Vanlalena chuan a telpui a, an rorel langsar zualte.
1. Lunglei District chhunga Home Missionary mi 8 te Christmas Present pek tur tia District Conference vawi 53-na in alo rel tawh chu a zat tur District Board kuta dah a nih angin ngaihtuah a ni a, Rs 10,000/- theuh pek tha tih a ni a, hemi puala sum la bang atang hian Belthei Biak in sak mek Rs. 25000/- a tanpui tel tha tih a ni bawk.
2. Nakum 2023 Conference hi Kohhranpuia beh hun a thlirlawkna an nei a.
3. Kum 2023 Budget atan Rs. 12,76,200 pawm a ni.
———–
MI THAR 20 SENG LUT :
November ni 20 Pathianni khan heng a hnuaia tarlan Lunglei District hmun hrang hrangah te hian Mi thar 20 kohhran dang atangin seng luh an ni.
1). District leh Tlabung bial hmalakna kal zelah Evan. F. Lalsanglura leh a thiante, Upa Lalrinmawia Mautlang, Upa Thangliana leh Upa Ukila Buknuam Local a miten, Dt. 15-20 Nov. chhunga Tlabung- Dinthar hmuna Rammut rawngbawlna an neih kaltlangin mi 16 te chu UPC members ni turin District Missions Director Rev.R.Vanlalenga’n lawm luhna a nei a, mi 7 in Isua Krista hmingin Baptisma an chang bawk. Dinthar hi UPC la din lohna hmun a ni a, heti hian kohhran ding chho tura beisei a ni a, tuamhlawm a, enkawl zui erawh chu an mamawh hle dawn a ni.
2). Lungsen bial Missions Department buatsaiha Phairuangkai a Crusade neih mek ah Mi thar 2 (Baptist Kohhran atangin) Pastor Pc Zion Rammawia’n lawm luhna a nei a, Speaker Evan Lalhriatmawia’n Baptisma chantirna a nei bawk.
Baptisma chang hi Mi 8 niin, mi thar 2 leh kan Kohhran sa 6 an ni.
3). Rev.H.Rothuama, Pukpui bialtu Pastor in Zobawk Local-a rawngbawlna a neih kal mekah Baptist kohhran atangin mi thar 1 kohhranah lawm luh a ni a, Baptisma a chang nghal bawk.
4). Thingsai Local-ah pawh mi thar 1 puitling Baptist kohhran atangin Bialtu Pastor Lallawmsanga’n Kohhranah a lawm lut.
———–
CHERHLUN BIAL PYD & LAD JOINT CONFERENCE VAWI 44-NA HMAN A NI
Ni 18-20. Nov. 2022 khan S. Chawngtui Local-ah Cherhlun bial Joint Conference vawi 44-na hi hman a ni a., Palai 100 vel an kal thei a ni.
Thlen kim zan atangin boruak a nuamin thlarau lam hlate nen Pathian fak a ni. Inrinni zanah Thlarau Thianghlim Baptisma rawngbawlna Bialtu Pastor-in a nei a., Thlarau Thianghlim dawng thar eng emaw zat an awm a ni. Thawhtanni-ah S. Chawngtui Local ten inkhawmpui palaite chelhin ruai nen hun hman leh a ni.
Rorel thu passed tlangpui te:
JOINT PYD & LAD
1. Kum 2023 Conference na hmun atan Khawhri Local ruat a ni.
2. Pastor Quarters sir fencing(RCC) siam chhunzawm nise.
LAD
1. Pastor Quarters-a hman tur parda lei nise.
2. Bial chhung LAD member dam lo tanpui ngai tanpui nise.
3. ASC Home kum tin atan ₹ 6,000/- sponsor thin nise.
4. Tu leh fate tana tawngtai thin nise., tawngtai kaihhruaina bu siam nise.
5. Lunglei District-a kohhran dinna hmasa ber Tarpho Local Biak In sak tanpuina atan ₹ 5,000/- pek nise.
6. Thianghlimna kawngah leh chhungkaw maicham chungchangah hmasawnna a awm theih nan nasa zawka hmalak nise.
PYD
1. 2023 Dist. PYD Conference kalna atan Rs. 10000 budget- ah dah nise.
2. Bial PYD member zirlai titha lawmpuina kan inpek thin hi la kalpui zel ni se.
3. Target tlak kim hmasa lawmman siam leh nise.
4. Pastor Quarters – a mutbu dahna tur drawer lei nise.
5. Bial huapa bial pawna feh chhuah ni se.
6. Kum 2023 Budget atan ₹ 44,000 siam a ni.
Facebook