GENERAL HRUAITUTE PROGRAMME:
General Superintendent Rev. R. Lalrinsanga chuan May ni 18 leh 19 khan North Mizoram District Pastor Seminar neih puiin Resource Person-ah a tang a, May ni 20 inrinni ah North Mizoram District Superintendent Rev. Chhiarpuia’n Pathian Chawimawina a neih ah Speaker ah tangin, May ni 21 Pathianni hian Mualpui Kohhran-ah rawngbawlna a nei bawk ang.
General Treasurer Rev. Lalmalsawma Sailo chuan May ni 20 Inrinni zan hian North Mizoram District Superintendent Rev. Chhiarpuia te chhungkaw Pathian Chawimawina ah Thusawi rawngbawlna a nei ang.
General Missions Director, Rev. R. Laichhingpuia, General Missions Secretary Rev. R. Vanlalawia leh General Missions Treasurer Evan. F. Lalsangliana te chuan May ni 18 khan Aizawl chhuah san in, Assam Missions Field leh North Bengal & Sikkim Missions Field ah Kohhran hmun hma enfel leh Biak In hawn Programme te an nei dawn a ni.
General Sunday School Director, Rev. Biaksangzuala chuan May ni 18 khan Aizawl chhuah san in, Chhimtuipui Sunday School Board a hman pui dawn a ni.
———-
———-
CHHIMTUIPUI DISTRICT:
RAWNGBAWLTU RETREAT NEI:
Kohhranpui rorel bawhzuiin Ni 15.5.2023 khan rawngbawltu retreat Archhuang Local ah neih a ni.” Rawngbawltu mawhphurhna ” Pastor V.Lalhlimpuia ziak chu chawhma lam ah Evan Khaching Aineh chuan zirtirna a nei a.Chawhnu lamah ” RAWNGBAWLTU ETHICS” Rev Robin Lalthanmawia ziak chu Evan Jona Lalrintluanga’n zirtirna a pe bawk a ni. He retreat ah hian Rawngbawltu te leh LAD te an kal tha hle a ni.
———-
May ni 7 Pathianni khan Niawhtlang III (km 10) Local ah chhungkaw 1 member 10 chu Pastor Larry Lalliandinga Bialtu Pastor chuan UPC North East kohhranah lawm luhna a nei.Nau hlanna a nei nghal bawk a ni.
———-
———-
NORTH MIZORAM DISTRICT
DISTRICT HRUAITUTE PROGRAMME:
District Superintendent: NMD Supdt. Rev. Chhiarpuia chuan kar kal ta May ni 14 Pathianni khan Chanmari West Kohhrante inkhawmpuiin Court thuchhuak anga MZ UPC tena an chhuahsan UPC NEI Biak in ngai luahluh dan tur leh ruahmanna te siamin an sawi ho.
District hruaitu 3 te hian May ni 15 thawhtanni khan North Mizoram District Missions Dept Executive committee hovin, May ni 16-ah Building Committee neih leh a ni a, May ni 17 Nilaini-ah Court thuchhuak anga UPC-NEI building Tuikhuahtlanga awm, Mz. UPC tena an luah an chhuahsan tak hmun hma tihfai hnatlang neih turah Biak in leh quarters hawn turah ruahmanna siam hnatlanga thawkchhuak hovin Pathian hnena lawmthu sawina inkhawm an neihpui.
May ni 18 & 19 Ningani leh Zirtawpni hian District Board in a lo ruahman tawh angin Pastor Seminar neihah telin, May ni 19 zirtawp zan atangin District Supdt. Rev. Chhiarpuia te chhungin North Mizoram District te Pathianin mal a sawm em avanga chawimawina Hqrs. Kohhran kaltlanga an pek programme chu May ni 20 Inrinni zan thleng District hruaitu pathum te hian an hmanpui ang a, Dist. Secretary Rev. K. Lalduhsanga’n Chawimawi ni inkhawm a kaihruai bawk ang.
May ni 21 Pathianniah District hruaitu 3 te hian Chanmari West kohhrante’n kohhran buai avanga hun rei tak chhung an luah tawh loh UPC-NEI Chanmari Biak in chu Court in a neitu dik an nihna a hailan taka vanga a luah luh leh Programme neihah telpuiin District Supdt. Rev Chhiarpuia’n thusawi rawngbawlna a nei ang.
MISSIONS DIRECTOR: May ni 17 Nilainia NMD-in NEI UPC building MZ UPC tena an chhuahsan tak Quarters leh thildang a tul anga tihfai leh chinfel hnatlangpui a kohah Durtlang Bial hnatlang nei tur te hovin hunserh inkhawm a hmanpui a, May ni 18&19-ah NMD Dist. Board rorel anga Pastor seminar neihah a tel.
———-
KOHHRAN HMUN HMA TIFAIIN NORTH MIZORAM DISTRICT CHUAN HNATLANG RUNPUI A NEI:
UPC-NEI, North Mizoram District ten kum 27 chuang, Mizoram UPC kohhran nena inkar buaina awm avanga an building leh Biak in thenkhat an luah tawh loh, Supreme Court-in NEI UPC te neitu dik tak an nih a nemngheh tak avangin, NEI-UPC, North Mizoram District te chuan May ni 17 Nialini khan hantlangpui neiin MZ UPC tena an chhuahsan building leh thil dangte chu luah turin an buatsaih.
Heng Biak in, Building leh Quarters, UPC-NEI ten an ta ngai an neih let leh tâk hi North Mizoram District area a mi niin, chung te chu: Tuikhuahtlang-a awm UPC NEI kohhran Building, Chaltlang Bial Pastor Quarters, Chanmari West Biak in, Kawnpui Pastor Quarters, Dinthar Pastor Quarters, Durtlang Pastor quarters leh Kawrthah Pastor Quarters te an ni.
Hnatlangpui kohah hian hnatlang neihna pui ber District Hqrs. Awmna Tuikhuahtlang chu District Supdt. Rev. Chhiarpuia’n hovin UPC-NEI, North Mizoram District ten an Biak in, Building leh quarters te UPC-NEI ta a nih ang ngeia luah leh theia Pathian malsawmna an dawnah Lawmthu sawina inkhawm neih hmasak a ni a, Inkhawm Rev. Chhiarpuia’n kaihruaiin Rev. Lalremtluanga Hqrs. Bialtu Pastor in hunserh hmangin Rev. Lalremtluanga chuan ‘Pentecost mite beitu leh tihchhiat duhtu awm thin mahse, Lalpan a mite an hun taka a chawikang thin’ a ti. Inkhawmah hian Tuikhuahtlang khawtlang hruaitu Local Council leh Branch YMA te pawhin thu sawiin, UPC-NEI te a ziding an nih anga an hmun ngai an luah let theih chungchangah lawmpuina thu sawiin; hun hlui sawichhuah nawn leh chakawm loh te theihnghilha hma lam hun atan inbuatsaih zel tura an duhsak thute an sawi.
Heng thusawi tura sawmte bakah hian rawngbawltu pawimawh thenkhatte hnen atangin thusawi ngaihnawm tak tak nghaih thlak a ni bawk.
District Supdt. Rev. Chhiarpuia’n thu sawi bawkin, Mizoram UPC te chu an unaute an nih thu leh rinna kawngah pawh thuthlung hmunkhat vuan an ni a, NEI UPC hian hmelma ena a en ngailoh thu a sawi a. NEI UPC ten an ta ngai luah tura an inbuatsaihnaah harsatna engmah siam lova, an unaute an lo inthiar fihlim chu puitling a tihthu sawiin an chungah lawmthu a sawi bawk.
NEI UPC ten an in leh lo kum 27 chuang zet harsatna avanga an luah tawh loh, luah theih turin May ni 17 Nilaini khan Aizawl khawchhung leh pawnah te hnatlang koh a ni a, Kohhranhote an thawkchhuak tha hle.
Hnatlangpui koh ni hian District hruaitute ruahman angin hetiang hian hruaitute’n hnatlang an ho bawk- Dist. Secertary Rev. K. Lalduhsanga’n Chaltlang Bial pastor quarters-a hnatlang te hovin; Ani kaihhruainain Lawmthu sawina Inkhawm Chaltlang Bial Pastor Quarters-ah neih a ni a; Chaltlang Bialtu Rev. P. Vanlalfela’n hunserhin, Pathianin kohhranhote thil ropui tak a tihsak chungchangah lawmthusawi tawngtaina a rualin an hmang bawk. a hmang a, Chaltlang Bial mipuite thahnem tak hnatlang tura thawkchhuakin hlim takin hun an hmang a ni.
NMD Treasurer Rev. C. Lalthantluanga’n Chanmari West Biak ina kohhran hnatlang te ho bawkin, ani kaihhruaina hnuaiah Pathian hnena lawmthusawi inkhawm neih hmasak a ni a, a ni bawk a. inkhawmah hian thusawi ngaihnawm leh ropui tak tak ngaihthlak a ni bawk.
NMD Missions Dist. Mission Director Rev. C. Lalramthanga’n Durtlang Bial pastor quarters-a hnatlang te a ho bawkin, Pastor quarters luah luh tur chhungah inkhawm tawi neiin Pathian hnenah lawmthusawina an nei a, Durtlang Bial chhunga kohhran mipuite an chhuak tha hle a, Sihphir Bial atangin Bialtu Pastor hovin engemaw zat an thawkchhuak bawk.
Kawnpui Pastor quarters luahluh turah Rev. C. Lalmuanpuia Kolasib Diakkawn Pastor chuan Pathian hnena lawmthu sawi inkhawm a kaihruai a, Kawnpui Bial vawngtu Rev. PC Laltlankima’n hunserh hmangin lawmthusawi tawngtai rual an nei bawk. Kawnpui Pastor quarters luahluh tur inbuatsaihna hnatlangah hian Kawnpui Bial chhung leh pawn atangin hnatlang thahnem tak an thawk chhuak bawk a ni.
Kawrthah quarters pawh luahluh thar tura buatsaih ni bawkin hnatlang leh tuldang te huaihawt tura ruat a nih angin Mamit Bialtu Pastor Vanlalruata kaihhruaina hnuaiah, Bial vawngtu Rev. C. Laltlanchhua’n hunserh hmangin Pathian lehkhabu thianghlim a chhiar a, Pathian hnena lawmthusawina tawngtai rual neih a nib awk, Kawrthah quarters luahluh tura inbuatsaih hnatlangah bial Bial chhung leh pawn atangin kohhran member thahnem tak an thawkchhuak bawk a ni.
North Mizoram District UPC ten an hmun ngai luah tura an inbuatsaihna hnatlangah hian Aizawl East District hruaitute chuan North Mizoram District an hlimna ni tawmpuiin lawmpuina chibai leh thilpekte pein an rawn hnatlanpui bawk a ni.
———-
BUILDING COMMITTEE NEI:
Thawhlehni kalta May ni 16 khan North Mizoram District Bulding committee chu Dist. Supdt. Rev. Chhiarpuia kaihhruaiin District Supdt. Office-ah meeting neih a ni. Meeting-ah hian North Mizoram District huam chhunga UPC-NEI building leh Biak in, Mizoram UPC tena an chhuahsan chungchang leh thil tul dang rel a ni a, Building hrang hrang chei thar tur chungchangah hetiangin ruahmanna siam a ni.
1. Headquarters Building chunga sak in tê chu thiah vek nise, a building cheithar ngai zawng zawng cheithat ni se. District hruaitute pathum ten hma lo la se tih a ni.
2. Dinthar Pastor Quarters siam ngaite lo enfel a, lo ruahman turin Rev. Laltluanga leh Upa F. Vanlalpeka te ruat niin; report dan azirin hotute nen hma lo la se.
3. Chanmari West Biak in hlui chu lo enfel turin Pastor Lalruatkima Fanai ruat a ni a, a report atangin hotute nen lo enzui se tih a ni.
4. Chaltlang Pastor Quarters chu District hruaitute’n a tul angin hmalak dan tur lo enpui nise tha tih a ni.
5. Ramhlum Biak in chungchanga hmalak dan tur Rev. C. Lalthantluanga ruat a ni
6. Durtlang Pastor Quarters chu lo enfel a, hma lo la turin Rev. C. Lalramthanga ruatin Dist. Hruaitute nen hma lo lak pui se tha tih a ni.
7. Kawnpui Pastor Quarters chu lo enfel turin Rev. PC Laltlankima ruat a ni a, a tul ang chu hotute nen hma lo la se tha tih a ni.
8. Kolasib Venglai Pastor Quarters lo enfel turin Rev. C. Lalmuanpuia ruat a ni a, a tul angin hotute nen hma lak nise tih a ni.
9. Kawrthah Pastor Quarters chu hma lo la a, lo enfel turin Pastor Vanlalruata chu ruat a ni a, hotute nen hmalak zel nise
———-
PATHIAN CHAWIMAWINA NEI:
North Mizoram District Supdt. Rev. Chhiarpuiate chhungkua chuan a lawina kohhran Hqrs., Local-ah Rs. 100000 pe in Pathian chawimawina a nei.
He Chawimawina hi North Mizoram District ten hunthim chhah tak tawka kum 27 chuang zet kohhrante awmin an harsatna tikiang tura Kohhranhote tawngtaina Lalpan a ngaithla a, buainain a nghawng nat ber NMD te Lalpan khaweng a hmuhtir taka vang leh an ta ngai Biak in Quarters te Lalpan NMD te a pek avangin Pathian chawimawina pe hi an ni.
Pathian chawimawina Programme hi May ni 18 Zirtawp zanah tanin, a tuk May ni 19 Inrinni nilenga hun hman a ni bawk ang. (Hqrs. Biak in)
———-
———-
AIZAWL EAST DISTRICT:
District Building Committee neih a ni:
May 16, Thawhlehni khan District Committee room-ah District Building Committee Rev KVL. Hmangaihkima, Chairman kaihhruaiin neih a ni. He hunah hian member an kal thain District in Building a neih hrang hranga hmalak dan turte an ngaihtuah a ni. An thu passed langsar zualte:
1. Zokhawthar Biakin leh Tirhkoh Quarters-a hmalak kal mekah Kumin 2023 hian Budget-ah Rs 300,000 dah a ni a, Biakin leh Quarters sak nan a beitham deuh avangin Biakin sak chhunzawm nan hman ni se tih a ni a, Quarters sakna tur erawh chu District Missions Department hnenah sa tura ngenna thlen ni se tih tlan a ni a, Quarters sakna tur hmun hma leh a sak dan tur chu a tul angin hruaitu ten hma lo la se tih a ni bawk.
2. District Board-in Ramhlun Sports Complex Preaching Point Biakin hmun Building
Committee ten lo enpui se a tih angin May 21, Pathianni hian enho ni se tih a ni.
3. District Building thar sak tura ruahmanna awm chu a building ruangam leh sak dan tur drawing ruahmanin, plan fel tak neih lawk phawt ni se; a sak phalna AMC lam permit pawh a tul angin bawhzui phawt ni se tih a ni.
———-
Revival Crusade hlawhtling takin nei:
May 5 atanga 7 chhung khan Khawruhlian Bial PYD buatsaihin Khanpui hmunah Revival Crusade hlawhtling taka hman a ni. He hunah hian Evan HK. Lalhmangaiha, District Fulltime Evangelist chu Speaker-ah hman a ni. He hunah hian Bial chhung atangin PYD member engemaw zat kalin Pathian Thlarau thianghlim awmpuina hnuaiah hlim takin hun an hmang a, tisa leh thlarauah hlawk takin hun an hmang a ni.
Evan HK Lalhmangaiha leh a Team te hian Hnahlan hmunah Camping May 16-20 chhung khan an nei bawk a, Followup Programme hmang mekin hlim takin hun an hmang a ni. Camp-ah hian mi 80 chuang an lut a ni.
———-
Mithar leh Baptisma chang thar:
May 13, Inrinni zan khan Thingsulthliah Bial Seling Kohhrana lawi turin chhungkaw khat, member 4 chu Bialtu Pastor Rev C Lalengliana’n Kohhranah sengluhna a nei.
May 14, Pathianni khan Champhai Bethel Bial, Zote-ah mithar 1 Kohhranah sengluhna nei a ni bawk. Zote-ah hian Bro Lalvenhima’n rawngbawlna a nei mek a ni.
May 14, Pathianni vek khan Champhai Tlangsam ah mithar 2 Kohhranah sengluh an ni bawk. Tlangsam hmunah hian Evan H Malsawmthanga’n rawngbawlna a nei a ni.
———-
Hruaitute Programme:
District Kohhranpui hruaitute chuan Aizawl khawpui chhung Bial an fan kal mek chu chhunzawm zelin May 20 leh 21 hian Bawngkawn Bial-ah hun an hmang anga, May 20, Inrinni zan hian Bawngkawn Kohhranah hun hmangin Rev. KVL. Hmangaihkima, District Superintendent chuan thusawina a nei ang. May 21, Pathianni chawhmaah Peniel Kohhranah hun hmang lehin Rev R. Laltlankima, District Secretary chuan thusawina neiin Pathianni zanah Ramhlun Vengthar Kohhranah Rev H. Lalropuia, District Treasurer chuan thusawina a nei leh dawn a ni.
District Kohhranpui hruaitute hian Aizawl khawpui chhung Bial fan hi an kalpui mek zel a, Bial engemaw zat tlawh tawhin tun hunah Bawngkawn Bial-ah hun an hmang leh a ni.
Rev VL. Hnemtluanga, District Missions Director chuan General Missions Field-ah hun hmang mekin Paklangso Biakin hawn bakah Tatto Quarters sak chungchang te, Menchuka Biak in sak leh project kal lai mek enpuiin hun a hmang mek a, ruahmanna ang chuan May 31, Nilaini-ah Aizawl a let leh ang.
———-
District hruaitute Pentecost Day programme:
Rev KVL. Hmangaihkima, District Superintendent chuan Bawngkawn Bial, Peniel Kohhranah Evan H. Lalsiamliana te chhungkua in Pathian chawimawina an neih turah Speaker-ah tangin rawngbawlna a nei ang. Chawimawina leh Pentecost Day programme hi May 26, Zirtawp zan atanga hman tan tur a ni ang.
Rev R. Laltlankima, District Secretary chuan Pentecost Day hian Upper Republic Kohhranah Speaker-ah tangin rawngbawlna a nei ang.
Rev H. Lalropuia, District Treasurer chuan Pentecost Day Programme-ah District Hqrs. Kohhranah Speaker-ah tangin rawngbawlna a nei ang.
Facebook