GENERAL HRUAITUTE PROGRAMME:
General Superintendent Rev. R. Lalrinsanga chuan May ni 12 atanga 14 chhung hian Hnathial Bial ah rawngbawlna neiin hun a hmang a, May ni 13 inrinni ah Hruaitu mawhphurna tih leh Accountancy thupui a hmangin seminar a neih pui ang.
General Treasurer Rev. Lalmalsawma Sailo chuan May ni 13 Pathian ni chawhma hian Mualpui Kohhran ah thusawi rawngbawlna a nei a nga, chawhnuah North Mizoram District Headquarters Biak In, Tuikhuahtlang ah Evan. Lalchhuanmawia Sailo Lehkhabu ziah release na a nei ang.
General Missions Director, Rev. R. Laichhingpuia chuan May ni 13 Pathian ni hian ITI Kohhran ah thusawi rawngbawlna a nei ang.
General Sunday School Director, Rev. Biaksangzuala chuan Lawngtlai West District, Sabualtlang ah Sunday School Seminar a nei ang.
———-
LAD DAY
May ni 10, Nilaini kha UPC North East India Kohhran ni pawimawh LAD Day leh Nute ni Mothers Day a ni a, Kha mi ni khan Bial leh Tualchhung hrang hrang LAD ten Programme siam in hun an hmang a ni.
LAD hi UPC North East India in dan hnua Executive Board hmasa ber; kum 1969 March ni 20-21 chhunga Shillong Peak Hotel-a neihin a din a ni a, Kum 1988 atang khan LAD Day hi hman tan a ni. Hruaitu hmasa ber turin President atan Audrine Scism leh Secretary /Treasurer atan Thangziki, Hmarkholien chu an ruat.
Kum 2022 LAD General Conference Report atanga a lan danin North East India huamchhungah LAD member 19713 an awm mek a, Bial 120 ah LAD hi din niin, an member atanga Rawngbawlna Licence- Bible Women (BW) kawl mi 123 an awm mek a ni.
———-
JOSHUA GENERATION CAMP 2023
JOSHUA GENERATION CAMP, 2023 chenai hmun a neih ah UPC North East India PYD-te sawm an nih ang a rawngbawlna nei tur in General Choir -te an kal a, General PYD Secretary Evan Dr. R. Vanlalpeka leh General PYD Treasurer, Evan. C. Lalruatsanga ten an ho a ni.
JOSHUA GENERATION CAMP, 2023 hi Mahabalipuram, Scripture Union chenai hmunah neih niin. Camp hian April ni 30 a tanga May ni 2 thleng a awh a ni. Kumin JG Camp Thupui hi FOCUS tih niin, hlawm hrang hranga then hran leh a ni a, chung hmang chuan Mithiam tak tak ten Sermon tha tak tak an sawi thin a ni.
Johus Generation Camp, 2023-ah hian India Unit chhung hmun hrang hrang a thalai te bakah ram pawn- United State leh South Korea atang e a lo tel an awm bawk a, mi 200 chuang zet an pungkhawm a ni. Camp-ah hian intihsiakna thianghlim hrang hrang: Mobile Phone hmanga thlalak, Slogan ziah leh Sermon ngaihthlak atanga note siam te hmanga in elna neih a ni a. General Choir team te pawh an che tha thawkhat hle a- Lawmman hi Sermon note siamah Pakhatna leh Slogan ziahah Pahnihna te an la a. Tin, Sis. Lallawmzuali Fanai chu hmeichhe zinga fel leh hawihhawm ber a thlan a ni bawk a ni.
General Choir te hian zai rawngbawlna an neih bakah beisei leh ngen an nih angin Mizo hnam lam te an entir a, lawm an hlawh hle a. Yahweh, Beramno leh Hallelujah chorus te sain hun an hmang bawk a. Pathian awmpuina an dawngin an rawngbawlna lo hmutu Ashvin Dhyriam, Indian Christian Media Association dintu zinga mi leh Good News Group a Managing Director ni mek chuan, General Choir ten a rawngbawlna zau zawk an neih theih nan tiin Music Video Pahnih (2) Shooting a tih sak a ni. GoodNews group hi India sorkar hriatpuina Satellite TV Channel 4 ngawt nei an ni.
Music Video Shooting bakah hian US lama thalai leh Camp a tel ve midangte nen Thawma Thinhna Tlang leh an Phumna hmun te tlawhin hun nuam leh hlimawm tak an hmang a. Ni 4-ah Chennai chhuahsanin Mizoram ni 6 ah an lo thleng leh a ni.
———-
Calvary Bible College Shillong, 49th Graduation Day:
May ni 7, 2023 (Pathianni) khan Calvary Bible College 49th Graduation Day chu CBC Campus, Shillong ah hman a ni.
Graduate te hi:
B.Th (3 Years- Regular)
1. A. Denis – NMD
2. Fatindra Tripura -Tripura
3. H. Lalramsanga – CTP
4. S. Hminghlumawia – LLD
5. K. Lalchhantluanga – LLD
6. Lalchhanhima – NMD
7. Lalthlamuanawma – LLD
8. Laltlandika – NMD
9. P. Vanlalhmachhuana – LLD
10. PC Laldingliana – LLD
11. PC Lalhmingthanga – LLD
12. Sochinglien Touthang – Imphal
13. C. Zodinpuia – LLD
14. Satkholen – Imphal
B.Th (2 Years- Condensed)
15. Rev. R. Lalramhluna – LLD
COPS
16. VL. Nghakliana – CTP
———-
———-
CHHIMTUIPUI DISTRICT:
TAILORING TRAINING BOARD THUKHAWM
May ni 4 Ninga ni khan Chhimtuipui District LAD Tailoring Training Center Organising board ṭhutkhawm vawikhatna District committee room ah neih a ni a, Meeting ah hian hmalak na tur hrang hrang relin Organising member te ruatthara an nei bawk. Board member kal khawm te hian Tailoring Training center bul ṭanna atan sum enge maw zat an thawh khawm bawk a ni.
———-
CRUSADE NEI:
May ni 4 atanga ni 7 chhung khan Cheural Local ah South Lungpher Bial PYD buatsaih in Crusade neih a ni a, Speaker atan Evan.N.Thanghnuna hman a ni.
———-
EVANGELICAL TOUR:
Chhimtuipui District Official meeting chuan May ni 13 inrinni a tanga May ni 21, 2023 chhung hian Evangelical Tour nei turin a rel a, he tiang hian rawngbawlna neih a ni ang.
1. Sangau I Local ah Evan. Ls Lalhmingmuana, Evan. P. Lalrintluanga leh Evan. C. Vanlalhmudika
2. Archhuang Local ah Evan.E.Khaching leh Evan. Jona Lalrintluanga
3. Vawmbuk Local ah Evan. Lc Khailawng, Evan. T. Lalhmingthanga leh Evan. H. Lalhruaitluanga
4. Lungtian Local ah Evan. G. Lalnunzira leh Evan. Ls Lalthafamkima
Evangelical Tour hi Local hrang hrangah a tul anga nei zel tur a ni ang.
———-
———-
LAWNGTLAI WEST DISTRICT:
BIAKIN LUNGPHUM PHUM
May ni 6 Inrinni khan Darnamtlang Home mission field biak in chu sak tan niin Rev. F Lalbiakthuama District Supdt chuan Biakin lungphum a phum a. District Supdt hi District Evangelist,Evan. Lalduhkima, Rbt.Lalhmingsanga leh Pastor K.Lalzawmsanga Bungtlang bialtu ten an tawi awm bawk a ni.
———-
LAD DAY HMANG
May ni 10 Nilai ni khan khawmawi Local leh Ngengpuikai Local te chuan LAD Day Join in an hmang a.
Khawmawi Local chairman. upa. Hc. Roparsanga leh upa. J. Lalthanga ten hun hman puiin hun hlimawm tak an hmang a ni.
———-
DAY HMANG
May ni 10 Nilai ni khan Lawngtlai north bial LAD chuan bial huapin Bazar localah LAD day an hmang a, mi 70 vel kalin bialtu pastor S.Vanlallunghnema’n a hmanpui, tlaiah day pualin ruai theh ani, hemi ni hian Conf.rorelna in a lo pass angin sabualtlang school atan Rs.5000/- chu hlanna an bawk ani.
———-
DAY PUALIN DAMDAWIIN PATHUMAH BENCH PE
May ni 10 Nilai ni khan Lawngtlai West District Ladies Auxeliary Department(LAD)chuan an day den chhenin Lawngtlai khawpui chhunga Hospital Lairam Christian Hospital(LCMC),Christian Hospital leh District Hospital Lawngah te a tul apianga an hman atan bench an hlan a ni.
Civil ah pali(4) LCMC ah Pathum(3)Christianah pathum(3) an hlan a ni.
———-
———-
LUNGLEI DISTRICT:
BIAL P.C.D. RALLY NEI :
Headquarters bial P.C.D. te chuan May 5-6, 2023 khan Ramthar Local ah Rally hlawhtling tak an nei.
Bial P.C.D. Rally hi bialtu Pastor Rev. C. Hmingthanfalan Pathian hnenah tawngtaiin a hawng a, District P.C.D. OB atangin Rbt. C. Lalramluahpuia President, Rbt. V. Lalromawia Vice President leh Sist. Elizabeth Zothansangi Fin. Secretary ten an hman pui bawk. He Rally hi Rbt. Pc Ramngaihzuala, bial P.C.D. President leh Bro. C. Lalremruata Vice President ten an kai hruai a, bial Secretary Bro. LH Dawngzuala hnen atangin report ngaihthlak a ni bawk.
Local P.C.D. intihsiakna atan Worship Dance, Solo (Mipa Hmeichhia), Elocution leh Lengkhawm zai te hman a ni a, naupang ten nuam an ti hle.
May 6, 2023 Inrinni ah items hrang hrang hmangin intihhlimna neih a ni bawk. Rally ah hian lawmman tha tak tak siam a ni.
Headquarters bial ah hian Ramthar AOC, Ramthar, Farm Veng, Headquarters leh Electric Veng Local te awm in P.C.D. member 370 an awm mek a ni.
———-
LUNGSEN BIAL P.C.D. RALLY :
May ni 13 Inrinni atang khan Lungsen bial P.C.D. Rally vawi 11-na chu Rangte S Local UPC Biak Inah neih tan a ni a, Speaker atan bialtu Pastor PC. Zion Rammawia chu hman a ni a, District P.C.D. hruaituten an hmanpui bawk.
He Rally hi May ni 14 Pathianni zan tlengin hun an hmang ang.
———-
TLEU LOCAL BIAKIN HAWN A NI.
May ni 6 Inrinni khan Bunghmun bial Tleu Local Biak in chu bialtu Pastor Lalengzauva’n a hawng.
Tleu Local biakin zau zâwng hi a dung 53 ft. a ni a, a vang hi 22 ft a ni bawk. Members 124 an awm mek a ni.
He hun hi District Treasurer Rev.PC.Lalfakawma, Headquarters bialtu Pastor Rev. C.Hmingthanfala, Rev.CS Pachhunga bakah bial chhung Local hrang hrang member te an tel a, bial pawn Thenhlum bial atang pawhin mi thahnem takin an hmanpui a, tlai lamah Biak in thar lawmna ruai kilho a ni a, May ni 7 Pathianni zan thlengin hun hman a ni.
———-
———-
NORTH MIZORAM DISTRICT
DISTRICT HRUAITUTE PROGRAMME:
NMD Supdt. Rev. Chhiarpuia chuan kar kal ta May ni 5 Zirtawpni khan NEI UPC Bible zirna Calvary Bible College Graduation Day hmannaah Programme a neih angin CBC Graduation Day a hmanpui a, a tuk May ni 8 thawhtanni khan CBC Faculty te pualin Ministerial Ethics chungchang thupuiah neiin seminar an nei bawk
Dist. Secretary Rev. K. Lalduhsanga chuan May ni 14 Pathianni hian Tlangnuam Bial Saikhamakawnah kohhranhote tlawhin a inkhawmpui anga, thuhril rawngbawlna a nei ang.
MISSIONS DIRECTOR chuan Kar kalta atanga Field fan leh workcamp-a hna an thawh chu chhunzawm zelin May ni 8 thawhtanniah Marpara atangin Mualthuam an pan phei a, Nilainiah Bawngva tlawh lehin Zirtawpniah Damdiai Biak in sak mek an enpui leh ang.
Dist. SS Director Pastor Lalruatkima Fanai chuan May ni 13 Inrinni hian Bukpui Bial chhunga SS hna thawktute pualin Seminar a nei ang a, Seminar hi N.Hlimen kohhran Biak inah nilengin hun an hmang ang. Seminar-ah hian Thawktute pawimawhna leh Teaching technigue & Methode bakah thawktute pawimawhna leh SS pawimawhna tih thupuite zir ho a ni ang.
———-
LAD DAY HLIM TAKIN HMANG:
UPC North East India huapa hman thin LAD Day May ni 10-a hman thin chu North Mizoram District LAD te chuan Nilaini kalta May ni 10 nileng khan rawngbawlna kawnga intuaithar nan te, midangte tana luanchhuahna leh intihhlimna atan nilengin hun an hmang.
LAD Day hi Bial huapa hmang an awm rualin Local tam zawkte chuan mahni Local-ah an hmang a, District hruaitute zingah Sist. Kroschhuanawmi Dist. LAD Secretary chuan Vairengte BIal LAD te hun a hmanpui bawk a ni.
———-
NORTH MIZORAM DISTRICT LADIES AUXILLIARY TAILORING CENTRE (LATC) FRESHER SOCIAL CUM FAREWELL HMAN A NI:
May ni 2 thawhlehni chawhnu Dar 1:30 khan North Mizoram District LAD te hmalaknaa buatsaih Ladies Aux. Tailoring Centre-a Zirlai Naupangte 2nd Batch te thlahna leh 3rd Batch Zirlai thar tur lakluhna North Mizoram District Office Conference Hall-ah inkhawm neiin; he hunah hian District Puipa 3, District LAD hruaitu 3 bakah Tailoring Board members te, Office Staff te leh Zirlai Nu leh pa thahnem tak an tel.
Inkhawm hi UPC-NEI, North Mizoram District Office Conference Hall-ah neiin; Sist.K.Lalhmachhuani B/W-in Programme kaihruaiin Sist.Lalchhuankungi B/W Dist. LAD Treasurer-in hunserh a hmang a, Sist. Chhungkungi hian Pathian thu a chhiar bakah ama tawn hriat atangin taimakna leh chhelna nen Zirlaite chu theihtawp chhuah zel turin a fuih a, puan thui kawnga tanpui an ngaih hunah District LAD hruaitute engtiklai pawha an inhawn reng thu a sawi bawk. He mi hnu hian Sist. Kros chhuanawmi B/W Dist. LAD Secretary chuan zirlai zirchhuak te result puanna neiin; Ani pawh hian retheihnain a rahbeh zawh lo tur khawpa taimakna, tumruhna leh chhelna te nei turin zirlaite a fuih bawk a, hetiang hian zirlaite result a puang bawk: –
1. Norene Hmingthantluangi D/o R. Lalthangliana, Sekhum (1st Pos.)
2. Lalnunhlui D/o Malsawmkima, W.Phaileng (2nd Pos)
3. Ramfangzauvi D/o K. Lalneihtlinga , Rabung (2nd Pos)
4. Lalrinmawii D/o Lalchhandama, Tlangpui (2nd Pos)
5. John Lalchhanchhuana D/o Lalnunthara, Lungleng (3rd pos)
6. Lalchhuanliani W/o Lalbiakdika, Mission Vengthlang (3rd pos)
7. Ruthi Lalhruaitluangi D/o PC Lalawmpuia, Rmhlun VT
8. Elizabeth R. Ramdinsangi D/o Rokamlova, Hlimen
North Mizoram District Supdt. Rev. Chhiarpuia chuan zirchhuak te Fuihna thu a sawiin NMD LAD buatsaiha Puanthui zirna Ladies Tailoring Centre kalpui a nih dan te, sum tlemte hmanga District LAD Hruaitute leh Tailoring Board ten zirna an kalpui dan te fakawm a tih thu te a sawiin, Zirlaite leh zirtirtute inkarah thawhhona tha tak a awm piah lamah Zirlaiten tihtakzetna nena an zirlai an beih danah fakawm a tih thu te a sawi a, tun hun mai nil ova, nakin hun zel thlenga an zirna chhun zawm tur leh Kohhran tana chhenfakawm tak ni zel turin zirlaite kalchhuakte a fuih a ni.
Rev. K. Lalduhsanga’n District Secretary in Kum 2023-2024 Batch tur Zirlai thar mi 11 din tirin, Ladies Auxilliary Tailoring Centre (LATC)-a zirlai taima leh fel tak tak ni turin Lal Pa Isua hmingin lawmluhna a nei a, tawngtaiin Pathiannah a hlan bawk a ni.
Hemi hnu hian LATC-a zirtirtu Sist. Vanlalhmuaki thusawi tura sawmi’n a ni hian Puanthui an zirdan phung tlangpui te, District-pui hruaitu, District LAD, Tailoring Board leh District Office staff te chungah zirna kalpui anih laia an mamawh an thlen apiang lawm taka an lo tihsak zel avanga lawmthu sawiin; Zirlai naupang chu puan thui zir mai ni lova, Pathian thu nena hlim taka hun an hman thin thu te a sawi a, Hei bakah hian LATC chu Kohhran insawhnghehna tha a nih thu a sawi bawk.
Rev. C. Lalthantluanga Dist, Treasurer chu thusawi tura sawm bawkin, hemi ni tlai la la a, Arunachal rama Field Confe hmanpui tura chhuak tur a nih avanga, function a awm tluan theih loh tur thu sawiin thupha a chawi a, NMD LAD te an huaisenna leh thawhrimnaah fakin hmalam pan zel turin duhsakna a hlan bawk a ni.
Zirlaite aiawhin Sist. Lalchhuanliani, Mission Vengthlang chuan thusawi bawkin District LAD Hruaitute an mimal nun theuha harsatna nasa tak lo paltlang tawh an nihna leh Kohhrana mite dawmkanna tura Puanthui zirna an buatsaih chu thil inhmeh tak a nia a hriat thu te, Zirtirtu tha tak Zaidam leh Pathian tih mi an neih avanga lawmthu te sawiin, North Mizoram District LAD buatsaih Ladies Auxilliary Tailoring Centre chu vul zel tura a duhsak thu te a sawi bawk.
Ladies Aux. Tailoring Centre 2nd batch chhuak tate thlahna leh 3rd Batch lut tur te lawmluhna inkhawm chu Rev. Chhiarpuia Dist. Supdt. Chuan malsawmnain a tin ta a ni.
———-
NORTH MIZORAM DISTRICT TE THIANGHLIMNA CAMPAIGN BEIHPUI THLAKIN FEHCHHUAK DAWN
UPC (NEI) North Mizoram District chuan May ni 6 leh ni 7 Inrinni zan leh Pathainni hmang khan North Mizoram District Thianghlimna committee ruahman angin Thianghlimna campaign runpui neih a ruahman a, hetiang hian fehchhuak tura ruatte an fehchhuak:
1. Bukpui – Sis. K. Lalhmachhuani B/w
2. N. Hlimen – Evan. C. Lalremthanga
3. N. Chaltlang – Evan. Zamliana
4. N. Chaltlang Vengthlang – Evan. Zamliana
5. Lungmuat – Evan. K. Laldawla
6. Bilkhawthlir Dawr Veng – Evan. Pahnuna
7. Bilkhawthlir Kanan – Upa Lalrinmawia (Inrinni Zan leh Sunday Zing)
8. Kual mawi – Evan. Thangropuia (Sunday Chhun leh Zan)
9. Bilkhawthlir Jubilee – Evan. Thangropuia (Inrinna zan leh Sunday zing)
10. Kharzawl – Upa Lalrinmawia (Sunday chhun leh zan)
12. Buhchangphai – Rev. RC Puia (Inrinni zan leh Sunday zing)
13. Phaisen – Rev. RC Puia (Sunday chhun leh zan)
14. Mamit Hqrs – Evan. C. Lalramngaihzuala (Inrinni zan leh Sunday zing)
15. Mamit H/S Veng – Evan. C. Lalramngaihzuala (Sunday chhun leh zan)
22. Chawlhhmun – Rev. P. Chunga (Sunday zing leh zan)
23. Ainawn Veng – Rev. K. Darsailova (Sunday zing leh zan)
24. Zonuam – Rev. PC Rosanga (Sunday zing leh zan)
25. Sakawrtuichhun – Rev. Sanghleia (Sunday zing leh zan)
27. Central Jail Veng – Sis. Lalchangliani Sailo B/W (Sunday zing leh zan)
28. Phainuam Hqrs – Evan. H. Lalthanzara
29. Phainuam Bethel – Evan. Lalthanzara
30. Upper Phainuam – Evan. H. Lalthanzara
31. Saiphai – Evan. Zoremmawia Hlondo
32. Saipum – Evan. David Zothansanga (Inrinni zan leh Sunday zing)
33. Saipum North – Evan. Zothansanga (Sunday chhun leh zan)
34. Lengpui – Evan. J. Vanlalruata
35. Rawpuichhip – Rev. HL Dawngliana
37. Lengte – Sis. Chhuankungi B/w
38. Dapchhuah – Sis. Krawschhuanawmi B/w
———-
LADIES AUXILLIARY TAILORING CENTRE (LATC) TAN PUANTHUI KHAWL PE:
May ni 4 khan NMD LAD hmalaknaa puanthui zirna Ladies Auxilliary Tailoring Centre (LATC) a hman turin Upa Vanlalrawna te chhung Bilkhawthlir chuan, A nu Sist. Rosiami hriatreng nan Puanthui khawl leina tur Rs. 10000 NMD District LAD President Sist. K. Lalhmachhuanii B/w kutah sum fai an hlan.
District LAD hruaitute chu thilpek an dawnah an lawm hle a, tun dinhmunah LATC-ah hian Puan thui khawl 10 nei mekin kum 2023 Batch-ah Naupang 11 an nei thung a, hetiang khawl inkima naupangte’n zirna an nei thei tur hi LATC hmasawnna na a ni.
———-
UPC-NMD LITERATURE & PUBLICATION BOARD THUKHAWM ROREL PAWIMAWH ZUAL TE:
May ni 4 Ningani chawhma dar 10:30 khan NMD Literature & Publication Board Committee chu Dist. Secretary Rev. K. Lalduhsanga kaihhruaiin meeting an nei a, an rorel pawimawh zualte:-
1. Kum 2024-a Nilai Thupui zir tur chungchangah hetiang hian ruahmanna an siam a ni – Thupui zir tur thupui hlawm 9 heng:- 1) Rawngbawlna hlen 2) Kohhran Hruaitute mawhphurhna 3) Kohhran humhimna 4) Bible rintlakzia 5) Thlarau thilpek leh Thlarau rah khaikhinna 6) Bible-a mi hmingtha te 7) Isua lo kal lehna 8) Serh leh sang pawimawhna 9) Kohhran leh IT-ah then then a ni a- Thupui ziaktu atan 1) Rev. C. Lalhmunliana 2) Pastor PC Lalrokima 3) Upa HJ Ronghinglova, Chaltlang 4) Rev. K. Lalthazuala, CBC Shillong 5) Evan. K. Vanramngaia, Bawngkawn 6) Rev. Chhiarpuia, NMD Supdt 7) Upa Lalremliana, Kol Venglai 8) Evan. Lalchhuanmawia Sailo, Hqrs. 9) Upa David Lalsawmtluanga, Hqrs. te ruat an ni bawk.
2. District Board in Rinna thu te (Articles of Faith) hrilhfiahna Bu buatsaih tura ruahmanna a siam leh L & Pb kuta a dah chu Pastor Lalruatkima Fanai leh Evan. Lalchhuanmawia Sailo te kutah an chan tur ruahman sakin an hmalak tura dah a ni.
3. “Pathian thutak hriatna” tih lehkhabu Evan. Lalchhuanmawia Sailo ziak chu chhutnawn leh tha tiin Copy 1500 chhut leh nise tih a ni.
4. Inkhawm kaihhruaina Bu L&Pb in a buatsaih mek Pastor Lalruatkima Fanai ziak chu edit zawhah a rang lama chhuah nise tha tih a ni.
———-
———-
AIZAWL EAST DISTRICT:
District Missions Executive meeting neih a ni:
May 4, Ningani khan Rev VL. Hnemtluanga, Missions Director kaihhruaiin District Missions Executive meeting Director Office-ah neih a ni. He hunah hian thu pawimawh tak tak ngaihtuah niin an thu passed langsar zualte:
1. Missions Evangelist thenkhat hetiang hian an post tihdanglam niin May. 14, Pathianni ral hma in an awmna hmun thleng vek se an ti. Missions Evangelist an awmna hmun sawnte:
1. Evan Lalhmingmawia. Leithum atangin Ngentiang ah
2. Evan Philip VL Hmuchhuaka. Chehrep atangin Hliappuiah
3. Evan Vanlalchhawrzela. Dinthar atangin Chehrepah
4. Evan Lallawmzuala. Muthi atangin Hmuntha ah
5. Evan Vanalruata. Hmuntha atangin Khuangthingah.
2. District chung khawpui lian deuhah District Misions Department hmalakna
in CRUSADE neih nise tia District Conference in alo passed tawh chu arang lama neih
nise tha an ti a, District Missions Department OB ten lo zir chiangin, Executive leh
hmasa berah ngaihtuah that leh nise an ti a ni.
———-
LAD Day hlim taka hman a ni:
May 10, Nilaini kha LAD Day a nih angin Aizawl East District chhunga Bial leh Tualchhung Kohhran hrang hrangte chuan hlim takin an hmang hlawm a, Bial huapa hmang leh Tualchhung Kohhran anga hmang an amw bawk a ni. LAD Day-ah hian Bial leh Tualchhung thenkhat chuan awmni khamin ruai nen an hmang a, Chawhma lamah Seminar leh infuihtharna te neiin chawhnu lamah intihhlimna hun an hmang hlawm a ni.
———-
Aizawl East District Day:
May 8, Thawhtanni kha Aizawl East District dinchampha vawi 29-na niin Kohhran chuan ni pawimawh-ah puangin he ni hian Aizawl East District Office chawlh-ah puan niin Office khar a ni. Aizawl East District hi N.E.India District pakhat ni turin May ni 8, 1994 khan Bethlehem Veng UPC Biak inah Rev. K.Satinvela, khatih laia Gen. Superintendent UPC-NEI chuan ropui takin a hawng a ni. Rev H.Vankhuma, General Secretary chuan Executive Board-in District hruaitu atana a ruatte puan chhuahna nei nghal in District hruaitu thar te chu :
District Superintendent :Rev. R.Lalrinsanga
District Secretary : Rev. R.Hrangvunga
District Treasurer : Rev. C.Vala te an ni.
District Conference hmasa ber chu Zemabawk Playground-ah Feb 23-26, 1995 khan neih a ni a, thupuiah ‘Chanchin Tha puan darh’ tih hman a ni.
Tun dinhmuna Aizawl East District hruaitute:
Superintendent: Rev KVL.Hmangaihkima
Secretary: Rev R.Laltlankima
Treasurer: Rev H.Lalropuia
Missions Director: Rev VL.Hnemtluanga
Sunday School Director: Rev R. Malsawma
PYD President: Rev C.Lalmalsawma
LAD President: Sis Zionparmawii B/W te an ni.
Aizawl East District hian a din tirh atangin Pathian hnen ata malsawmna nasa tak a dawng a, tunah hian District chhunga Pastor Bial 31 awm mekin Kum 2023 District Conference report bu atanga a lan danin Kohhran member 27,214 awm mekin Kohhran chhungkua 5951 awmin Kohhran hi khaw 174-ah a ding mek a, tunah hian Preaching Point 19 a awm mek bawk a ni. Aizawl East District hi a dintirh chuan Office mumal pawh nei lovin hmun hrang hrangah mi In luahin an awm kual thin a, tunah chuan Kohhran mipuite leh Pathian malsawmna avangin Ramhlun South, Aizawl-ah Office tha tak neiin tunah hian Building sak hna pawh chak taka thawh mek zel a ni bawk. Kum 2019 khan Aizawl East District hian a kum 25-na, Silver Jubilee chu ropui takin District Building chungah a lo lawm tawh a ni.
District Rising Day pual hian Rev KVL. Hmangaihkima, District Superintendent chuan Kohhran mipuite hnenah thuchah siamin Kohhran chhungkaw tinte thawhrimna avangin Kohhran chuan Pathian malsawmna nasa tak a dawn thu te sawiin Kohhran mipuite hnenah lawmthu a sawi a, Kum 2022 chhung khan District chuan hmun hrang hrangah luangchhuakin hemi luanchhuahna atan hian Cheng nuai za sawmli pahnih chuang hman a nih thute, Superintendent Relief fund atangin Kohhran chhungkaw chhawmdawl ngaite hnenah cheng nuai thum chuang hman a nih thute sawiin hmun hrang hranga rawngbawltute kaltlangin Kumin January atanga April thla thleng khan mithar zahnih chuang sengluh an nih tawh thute a sawi bawk a ni. District Superintendent hian Kohhran mipuite chu Thianghlimna kawnga chak taka hma la tur leh Lalpa tana rinawm taka awma, a rawngbawlna zel turin a sawm nghal a ni.
———-
Sunday School Seminar nei:
Mualpui Bial Sunday School Department buatsaihin May 5, Zirtawpni khan Mualpui Biak In-ah Bial huap Seminar hlawhtloing taka neih a ni. He hun hi Upa PC Biakmawia, Director, Bial Sunday School chuan kaihruaiin Chawhma lamah Bible Dispensation chungchang zir niin Resource Person-ah Rev. R Laltlankima, District Secretary chu hman a ni a, Chawhnu lamah Zirtirtu mawhphurhna leh Zirtirna pek dan tih Upa. R Vanlalawmpuia, Salem Veng hnen atangin an ngaihthla leh bawk a ni. Mualpui Bial Sunday School Department buatsaih Seminar-ah hian Bial chhung atangin Zirtirtu an kal thain hlawkthlak an ti hle a ni.
———-
Lang camp hlawhtling takin nei:
Khawzawl Bial Sunday School Department buatsaihin May 6 leh 7 khan Vengthar Biakin-ah Bial huapin Naupang Sunday School pualin lang camp hlawhtling taka neih a ni. Evan K. Lalmuansanga, District Sunday School Secretary chu Speaker-ah hman niin Bial chhung atangin Naupang an kal tha hle a, Pathian thlarau thianghlim awmpuina hnuaiah hlim takin hun an hmang a ni. Lang camp-ah hian mi 130 vel an kal thei a ni.
———-
Pathian thu zir hona, meet & Revival hmang:
May 5 atanga 7 chhung khan Thingsulthliah Bial PYD te chuan CTI PLayground leh Biak In-ah Pathian thu zir hona, meet & Revival hlawhtling takin an hmang. He hunah hian Bialtu Pastor, Rev C.Lalengliana chu Speaker leh Resource person-ah hman niin hlim takin hun an hmang a ni. Pathianni chawhnu khan Peniel neih a ni a, thlarau thianghlim dawng thar pawh mi engemawzat an awm a ni.
———-
Mithar leh Baptisma chang thar:
May 5, Zirtpaw zan khan Thingsulthliah Bial CTI hmunah Bialtu Pastor, Rev C.Lalengliana chuan mithar pakhat Kohhranah sengluhna a nei.
Serchhip Biakinpui Kohhranah Bialtu Pastor C. Lalchhuanga kutah Kohhran dang atangin mi 2 in sual ngaihdamna baptisma an chang bawk a ni.
May 6 leh 7 khan Evan MH Laldingngheta te chhungkua, Maite chuan Pathian Chawimawina an nei a, Speaker ah Bialtu Pastor J Lalhmingsanga chu hman a ni. He chawimawina chhim hian Champhai Zote atangin, District Missions Evangelist Bro. Lalvenhima’n mi 2 hruaithla in an pahnih hian Kohhranah sengluhna neih nghal an ni.
Facebook