GENERAL NEWS
HRUAITUTE PROGRAMME
General Superintendent, Rev. R. Lalrinsanga chuan July ni 27-29 chhung khan Kohhran thil pawimawh tiin Delhi ah a kal a, July ni 31 Pathian ni hian Chaltlang Bial-in Golden Jubilee Souvenir an siam chu tlangzarhna a nei ang.
———-
*KOHHRAN SUM AUDIT*
July ni 26 thawhleh ni atanga ni 28 chhung khan General Hqrs. Office, Mualpui Salem veng, Aizawl ah Kohhran sum kum chanve Audit a ni.
General Hqrs. Account hrang hrang bakah General Administration hnuaia Department, Field leh Committee peng hrang hrang te sum Audit a ni a, Auditors te hi Rev. Biaksangzuala, Rev. C. Lalthantluanga, Rev. PC. Lalfakawma leh Rev. WL Thanghre te an ni.
———-
GENERAL SUNDAY SCHOOL EDITING BOARD
July ni 22, 2022 zirtawp ni khan General Sunday School Editting Board chuan General Headquarters Committee room ah thukhawm in, kum 2023 a UPC North East India Sunday school Puitling zir tur Chanchintha Johana Lehkhabu hrilhfiahna, Rev. Lalmalsawma Sailo ziah chu Edit chhun zawmin zawh fel a ni a, a bu a siam tur a ruahmanna kalpui mek a ni.
———-
CHURACHANDPUR DISTRICT
Churachandpur Dist. Superintendent, Rev. Paosei chuan July ni-30 inrin zan hian KHENGJANG kohhran ah rawngbawlna a nei a. July Ni- 31, Pathianni zing inkhawm ah Vengnom, Singngat kohhran ah rawngbawlna nei leh in Pathianni zan ah Hmar veng Kohhran ah rawngbawlna a bawk ang.
Churachandpur Dist. Rev. Lalzawm chuan July ni- 30, Inrin zan hian S.MOLHOI Kohhran ah rawngbawlna a nei a. Ni- 30 Pathianni zing ah MONGNELPHAI Kohhran ah inkhawmin, Pathianni zan hian TUINOM Kohhran ah rawngbawlna a nei ang.
Churachandpur Dist. Treasurer REV. B. LALZAMLUAIA chuan July Ni- 31 Pathianni zing hian LAMKA Kohhran ah S.S. zirlai a khaikhawm ang a, zan ah KHENGJANG kohhran ah rawngbawlna a nei ang.
———-
———-
NORTH MIZORAM DISTRICT
HRUAITUTE PROGRAMME:
District Supdt. Rev. Chhiarpuia chuan July ni 27 Nilaini khan Kohhran tul pawimawh tiin Delhi-ah a zin a, July ni 29 zirtawpni ah Aizawl panin a lo hawng leh ang. Dist. Supdt. hian July ni 31 Pathian chhun leh zan hun Lungleng N-ah hmangin rawngbawlna a nei ang.
North Mizoram District Treasurer Rev. C. Lalthantluanga chuan July ni 26,27 leh 28 chhung khan UPC North East India, General Administration hnuaia kohhran sum hrang hrang-te Audit hna a thawk a ni..
North Mizoram District Missions Director chuan July ni 27 Nilaini khan NMD Building Committee hmalaknain W.Phaileng Quarters sak mek leh an hmabak te a hmunah enfiah turin a fehchhuak.
———-
MISSIONS DEPT EXE COMMITTEE PAWIMAWH NEI:
North Mizoram District Missions Dept chuan Executive committee July ni 26 Thawhlehni chawhma-ah neiin Meeting Rev. C. Lalramthanga Dist. Missions Director in a kaihruai a, Meeting-ah hian kumin 2022-a Dist. Mission Dept Conference Maubawk Bial in a thlen tur chungchang te sawiin hmalakna tur hrang hrang an thlir ho. Hei bakah hian August ni 12 Zirtawpnia District Missions Board neih turah Agenda turte an ruahman bawk.
Hemi ni vek chawhnu dar 2:00Pm-ah Dist. Missions OB Meeting neih nghal niin; Dist Mission Confe prog duan lawk a ni a, Kumin hian Confe thupuiah ‘I rawngbawlna kha hlen rawh’ tih hman tur niin; thupui then hrang 4-ah then a ni bawk. Dist. Mission Confe vawi – 42-na maubawk Biak ina hman turah hian Dist Supdt. Rev. Chhiarpuia, Gen. Missions Director Rev. Biaksangzuala, Bairabi Bial Pastor Rev. C.Lalhmunliana leh Damdiai Missionary Evan. C. Lalrampana ten Pathian thuchah an sawi dawn a ni.
OB Meeting hian District Confe report-a chuang tur Mission Field leh Casual Worker te rawngbawlna Statistic leh Financial lam reng reng chu October ni 7 thleng report thehluh turin a ti bawk. Inkhawm hun bi tur hetiang hian siam a ni bawk – Zing lam inkhawm Dar 9:30Am -ah Dar riin Dar 10:00Am-ah tan a ni ang, chawhnu Dar 1:00Pm-ah dar riin, Dar 1:30PM-ah tan a ni ang. Zanah Dar 6:30Pm-ah Dar riin dar 7:00Pm-ah tan a ni dawn a ni. Confe rorelni-ah Dar 11:00Am-ah tan a ni bawk dawn a ni.
———-
DISTRICT BUILDING COMMITTEE NEI:
July ni 26 thawhlehni chawhnu khan NMD Building Committee thukhawmin Meeting Rev. Chhiarpuia Dist. Supdt. in a kaihruai a, NMD huam chhunga Pastor Quarters sak chungchang sawiin West Phaileng Pastor Quarters sak mek leh hmabak neih te a hmuna enfiah relin; Rev. Laltluanga, Rev. C. Lalramthanga, UPa F. Vanlalpeka ten a hmuna enfiah se tih a ni.
Hei bakah hian Hunthar Bial Bial Pastor sak mek pawh hmalak tawh leh hmabak neih te a hmunah enfiah tha an tib awk a, Rev. K. Lalduhsanga Dist. Secy leh Evan. R. Lalthlamuana ten lo en se an ti bawk. Building committee hian NMD huam chhunga Bial Pastor Quarters sak hna kal lai te a theih anga bawhzuia sak zawh thuai a nih theih nan hma an lak mek a ni.
Building Committee rorel angin July ni 27 khan West Phaileng Pastor Quarters leh Hunthar Bial Quarters te hi endik tura ruat ten a hmunah enfiah hna an thawk nghal a ni.
———-
LADIES TAILORING CENTRE PUANTHUI ZIR TUR INTERVIEW NEIH A NI:
July ni 26 thawhlehni chawhnu dar 2:00Pm khan NMD LAD ten eizawnna tlaka a thlawna Puanthui inzirtirna an kalpui mek Ladies Tailoring Centre-ah 2nd batch zir tur interview an nei. Interview Board hi Dist. LAD President Sist. K. Lalhmachhuani’n kaihruaiin puan thui zirna seat awm zawng zawng hnawhkhatin heng mi te hi uluk taka interview an paltlang hnuah lak a ni:
1. Laldinmawii..D/O Lalchhandama. Headquarters. Aizawl
2.Noreen Hmingthantluangi. D/O R.Lalhmachhuani, Chanmari, Aizawl
3.Ramfangzauvi D/O. K.Lalneihringa. Dawrpui Vengthar
4.John Lalchhanchhuaha S/O Hmingthanfala. Bawngkawn Aizawl
5.Lalchhuanliani
D/O Lalrinthanga, Mission Vengthlang
6.Lalnunhlui D/O Malsawmkima, W.Phaileng
7.Kalpona D/O Amar Singh (L). Marpara
8.Ruthi Lalhruaitluangi D/O PC.Lalawmpuia, Ramhlun Vengthar
9.Elizabeth Ramdinsangi. D/O Rokamlova, Hlimen
Heng zirlaite bakah hian NMD Ladies Tailoring Board hian Pastor nupui puan thui zir duh te chu an remchan angin zir theih dan tur ruahmanna an siam sak bawk. Ladies Auxiliary Tailoring Centre a 2nd Batch zirtur te hi August ni 1 (Mon) atangin class an kal tan dawn a ni.
———-
NORTH MIZORAM DISTRICT PYD PRESIDENT IN KAWRTHAH TLAWH:
Pathianni kal ta July ni 24 khan North Mizoram District PYD ten hun engemaw chen atanga tawh rawngbawltu ruaia rawngbawlna a neihna hmun Kawrthah Preaching point chu NMD PYD President, Evan Jeno Vanlalruata chuan tlawhin Evangelist Quarters sak mek te leh an hmalakna te a hmunah a enpui.
DIst. PYD President hian Kawrthahah hian thuhril rawngbawlna nei nghalin Pathian thuchah nung tak “Tui leh thlarauva pianna” sawiin kohhranhoten a rawngbawlna an hlut hle. DIst. PYD President hi Rengdil kohhran aṭangin Bial PYD hruaitute leh member engemaw zatin an ṭawiawm bawk a ni.
———-
DISTRICT MISSIONS HRUAITUTE LEH MAUBAWK BIALTE THUKHAWM:
NMD Missions Dept Confe Organising Committee te leh Dist. Missions Dept hruaitute chuan kumin 2022 District Missions Dept Confe Maubawka neih tur chungchangah Join Meeting Maubawk Pastor Quarters-ah an nei.
He Meeting-ah hian Confe neihna tur hmun hma te Jt. Meeting hian thlirin a tul dan anga hmalak chhunzawm zel turin thu an dah.
Meeting-ah hian Maubawk Bial aiawhin Bial hruaitute leh Organisng committee an kim bakah Dist. Aiawhin Dist Missions Director Rev. C. Lalramthanga leh Dist. Missions Secy Evan. JH Malsawmdawngliana te an kal a ni
———-
PATHIAN CHAWIMAWINA LEH MITHAR:
July ni 24 Pathianni khan NMD Chaltlang Bial Bawngkawn Kohhran rawngbawlna kal mek a Pathian Chawimawina țum 12 na ah Mi Thar pakhat (1) in Sual Ngaihdamna Baptisma Bialtu Pastor Rev. P. Vanlalfela kutah a chang.
NMD District Treasurer Rev. C.Lalthantluanga chuan July ni 23 leh 24 Inrinni leh Pathianni hmang khan Tlangnuam Bial, Samtlang Kohhrana Pathian Chawimawina Prog neihah Rawngbawlna a nei.
Samtlang Kohhran ah hian tun hnai ah Pathian Chawimawina țum Li 4 neih tawh niin; tun tum chawimawina hi Upa Lalchamliana te chhung kaltlanga Pathian chawimawina neih a ni. District Treasurer Rev. C. Lalthantluanga rawngbawlna hi Tlangnuam Bialtu Pastor Lalruatkima Fanai, NMD PYD President Evan. J. Vanlalruata leh rawngbawltu pawimawh dang ten an tawiawm a ni.
———-
———-
AIZAWL EAST DISTRICT
District Missions Board:
Aizawl East District Missions Department kum chanve Board chu tluang takin July 22, Zirtawpni khan District Committee room-ah neih a ni. Rev.VL.Hnemtluanga, Missions Director chuan a kaihruai a ni.
He hun hi District Kohhranpui hruaitute bakah General Missions Director, Rev.Biaksangzuala ten an telpui bawk a ni. District Missions Board-ah hian Bial atangin board member an tel kim thawkhat a, thu ngaihtuah tur engemaw zat lutin Rih Special Area tanpuina pek chungchang ngaihtuah niin District Missions OB te leh Rih Special Area hruaitute lo inbia sela, District Board leh hunah ngaihtuah that leh ni se tih a ni. Buhfaitham hmun thuma thena hmun khat District Kohhranpuia lut thin chu District Missions kutah lut ve tawh se tih niin District Kohhranpui Board-ah thlen a ni ang.
Aizawl East District Missions Department Board-ah hian report hrang hrang ngaihthlak niin kumin kum chanve chhungin mithar engemaw zat Kohhranah sengluh an ni tawh thu ngaihthlak a ni.
———-
Live Crusade nei dawn:
Aizawl East District Media Cell, Pennet buatsaihin August 1 atanga 5 chhung hian District Hqrs. Biak In-ah Chhandamna Live Crusade neih a ni dawn. He Live Crusade nei tur hian inbuatsaihna chak taka kalpui chhoh mek niin Speaker-ah Rev.KVL.Hmangaihkima, District Superintendent chu hman a ni dawn a ni. Live Crusade-ah hian Sis.Lalhriatchhungi, Sis. Lalhmangaihzuali leh Sis Lalthansangi bakah Evan H.Lalrinmawia ten zaia rawngbawlna an nei thin ang. Live Crusade hi LPS 5-ah leh Zonet Bawhbel bakah PennetAED Youtube channel leh Zorimawi Youtube channel-ah Live a pekchhuah a ni anga a hmunah a duh tan chhim theih a ni dawn bawk a ni.
———-
Mithar leh baptisma chang thar:
July 20, Nilai zan inkhawmah khan Sis.Vanlalpari rawngbawlna kaltlangin Keifang Kohhranah mithar 3 Kohhranah sengluh an ni. Sengluhna hi Bialtu Pastor J.Lalhmingsanga chuan a nei a ni.
July 24, Pathianni chawhma inkhawmah khan Kawlkulh Venglai Kohhranah mithar 5 Rev.H.Lalropuia, District Treasurer chuan a nei bawk a, nau hlan rawngbawlna Bialtu Pastor R.Lalfamkima chuan a nei bawk.
July 24, Pathianni vek khan Serchhip Dinthar Bial, Keitum Kohhranah Bialtu Pastor, Rev.C.Laldintluanga chuan bial fan programme hmangin nau pakhat a hlan a, mi 6 in sual ngaihdamna baptisma an chang thar a ni. Heng zinga 4 leh nau hlan thar hi mithar an ni. Dinthar Kohhranah pawh Evan V.Kamneihthanga rawngbawlna kaltlangin mi 2 kohhranah sengluh an ni a, 1 in sual ngaihdamna baptisma a chang bawk a ni.
Bawngkawn Bial Ramhlun Sport Complex ah July 22, Zirtawp zan khan Bawngkawn Bial PYD Kumpuan hmalakna in Cruade neih a ni a, Speaker ah Bialtu Pastor, Rev Vanlalfela Ramtiam hman a ni. Crusade ah hian Mike Service neih niin Bial Kumpuan hmalakna hi Lalpa’n malsawm hle a, Mihtar 3 sengluh an ni.
———-
Thilpek hlan:
Sis. Lianzovi of Bazar Kohhran a mi chuan a Pasal, Rev R.Pahlira leh a fanu R.Laldinpuii te hriatrengna turin Bazar Sunday School hall a hman tur, Ceiling Fan 12 lai mai an pe a, an chungah Bazar kohhran te an lawm hle a ni.
Mualpui Bial Missions Department te pawhin Serchhip Dinthar Bial, Sailiam Kohhran Naupang Sunday School Hall sak tanpuina turin Rs.50,000(Singnga) an hlan.
Mualpui Bial Missions Department hruaitu te a hmunah kalin tanpuina hi an hlan a, Dinthar Bialtu Pastor, Rev C Laldintluanga leh Kohhran hruaituten tukthuan lo buatsaihin, an lo dawngsawng a ni. Mualpui Bial Missions Dept. chungah Sailiam Kohhran te an lawm hle a ni.
———-
Biak in sain work camp nei:
Ngopa Bial te chuan an Bial chhung Teikhang Biak In sain Work camp an nei a, he work camp nei tur hian khualkhua atanga riak lut member 18 an awm bakah lehlangin hnatlang kal enge maw zat an awm bawk a ni. Teikhang Kohhran hi Member 22 vel ni mekin District atanga Biakin sak tanpuina an dawn atanga sak a ni. Biakin hi a dung varanda telin 40Ft, avang 15ft a zaua sak mek a ni.
———-
TIH DAM RAWNGBAWLNA:
UPC North East India, Bethlehem Kohhran ah Evan. Dr. Lalsawivela kal tlangin “Tihdam rawngbawlna” neih mek zel a ni.
He rawngbawlna hi June ni 14, 2022 a tang khan chawllova la kalpui chhun zawm zel a niin, Damna duh a pantu anpung zela, Mizoram chhung leh Rampawn atang te in Damlo ten an pan mek zela ni. Pathian hnathawh ropui tak lang chho zelin Thlarau malsawmna dawng dawng tam tak an awm tawh bakah Taksa Damlohna nei Beng ngawng, Tawngtheilo, Cancer leh Stroke te Nerve thalo leh Spinal code tha lo ect… ten Lal Isua tih Damna an chang mek zel a ni.
Tihdam rawngbawlna chhim tur te tan zing Dar 8-9 chhung in registration tih tur a ni a, Dar 10:30am atangin Sermon Inkhawmna neih thin niin inkhawm ban hnuah damlo khawih thin an ni.
Damna duh a piang ten he rawngbawlna hi lo chhim zel turin Bethlehem Kohhran chuan Lal Isua hmingin a sawm a ni.
———-
Hruaitute Programme:
District Superintendent Rev. KVL.Hmangaihkima chuan Khawbung bial Pastor Quarters sak mek enpui leh Khuangleng Biak In bakah New Champhai Biak in hawnna nei turin July 28, Ningani khan Aizawl a chhuahsan a, ruahmanna ang chuan August 1, Thawhtanni-ah Aizawl a let leh ang. New Champhai Biak In hi July 30, Inrinni hian hawnna a nei dawn a ni.
District Secretary Rev.R.Laltlankima chuan N.Vanlaiphai Bial, Lungchhuan Biak in hmun en fel turin July 26 khan a kal a, July 30, Inrinni hian dam takin Aizawl a rawn let leh a ni.
District Treasurer Rev.H.Lalropuia chuan Kohhran thil tul pawimawh hrang hrang Kawlkulh Bial, Khawzawl Bial leh Hnahlan Bial-ah a tih zawh hnuin July 29, Zirtawpni khan dam takin Aizawl a rawn let leh a ni.
District Missions Director Rev.VL.Hnemtluanga chu July 30, Inrinni-a Rabung Bial ten Seminar an hmanah resource person-ah tangin Pathianni thleng Rabung hmunah hian rawngbawlna a nei ang.
———-
———-
LUNGLEI DISTRICT
MISSIONS BOARD :
July ni 27 Nilaini khan Lunglei District Missions Board chu District UPC Conference Hall-ah Director Rev.R.Vanlalenga kaihhruainain neih a ni a, thu pawimawh tak tak an ngaihtuah a, Board Members an kal tha hle. An rorel tlangpuite:
– Chengpui leh Putlungasih Missions Field-a Quarters Maintenance ah Rs.20000 ve ve pek tha tih a ni.
– Zehtet biak in ram tur lei belh nise tha tih a ni.
– District Conference dawltu puihna ennawn a ni a, Rs.80000 pawm a ni.
– Buknuam, Chawngte bial leh Rawpui, Pangzawl bial ah te Crusade fund Rs.10000 ve ve pek tha tih a ni bawk.
———-
PUAN |HUI ZIR TUR LA FEL:
July ni 26 Thawhlehni khan Pentecostal Social Ministry, UPC Lunglei District chu District UPC Conference Hall-ah an thukhawm a, puan thui zir tur mi 7 an thlang fel a, zirtirtu atan Sist.C.Lalhmunsangi, Electric veng Local, Lunglei chu an ruat bawk. Puan thui zir tur atana thlan te:
1. Laltleipuii, D/o C.Lalruatkima, Sekhum
2. R.Lalruatfeli, D/o R.Rozuala, Mualthuam N Elec.
3. Malsawmsangi, D/o C.Remruatkima, Theiriat
4.C.Lalzawmpuii, D/o C.Lalhmingliana, Zotuitlang
5. Linda Lalnunzami, Sailo D/o Lalthuthlunga Sailo, Thenhlum
6. Julie Lalhmingliani, D/o V.Lianzuala, S.Phaileng
7. Remnalaldampuii, D/o H.Laldinthara, Chhipphir
Panel list :
1. Laltluangpuii D/o K.Neihthanga, Ramthar AOC
2. Jennifer Roluahpuii D/o Rev. Lianhranga, Luangmual
Puan thui zirna Course khat rei zawng hi thla 6 a ni a, August ni 2 Thawhlehni hian puan thui zirna hi tan a ni ang. Puan thui zirna Class hi Dar 10:00Am – 2:00 Pm chhung neih thin a ni ang a, kohhran office chawlh ah chuan an chawl ve ang.
Zir tura lakte hi thlatin Stipend Rs 500 pek an ni dawn bawk a ni.
Tin, hlawhtling taka zirchhuakte chuan an hman tur puan thui khawl, an zir chhuah atanga thla hnih chhunga an lei a nih chuan kut khawl man chanve hi Pentecostal Social Ministry hian a tum sak dawn bawk a ni.
He puan thui zirna hi August ni 1 Thawhtanni hian District UPC Conference Hall-ah District Superintendent Rev.C.Vanlalena chuan a hawng ang.
———-
LEHKHABU TLANGZARH DAWN:
Ladies Auxiliary Department, Lunglei District-in lehkhabu an buatsaih ‘KAWNG DIK KAILAWN’ chu July ni 31 Pathianni chawhnu hian District UPC Conference Hall-ah tlangzarh a ni dawn.
Lehkhabu tlangzarh inkhawm hi Sist.Lalramlawmi Sailo B/W President, District LAD chuan a kaihruai ang a, Evan.C.Lalremchhunga chuan lehkhabu Preview-na neiin, Sist.Lalbiaksangi, Pukpui Local chuan zaiin rawngbawlna a nei ang. He Lehkhabu hi District Superintendent Rev.C.Vanlalena chuan a tlangzarh ang.
———-
ENVIRONMENT PROTECTION COMMITTEE AN |HUKHAWM:
July ni 24 Pathianni chawhnu dar 2 khan Lunglei District PYD hnuaia Environment Protection Committee chu District UPC Conference Hall-ah chairman Rbt.K.Lalrintluanga kaihhruainain an \hukhawm a, an rorel langsar zualte:
1. Environment humhalh anih theih nan Awarness hetiang hian neih nise
– Video tawi leh Picture thehdarh tur siam nise
– Hoarding Board siam
– Banner (Flex Print) siam nise, khawpui chhung lun laiah tar nise.
– Pentecostal Network (Pennet) kaltlangin thusawi tur ruahman nise.
2. Environment humhalh anih theih nan Discussion buatsaih nise.
3. Tuihna humhalh anih theih nan Changel phun beihpui thlak nise. A phunna tur hmun hi zir chian a ni ang.
4. Lunglei District PYD hmalakna a thingphunte enkawl chhunzawm anih dan Special Report siamin TV leh Youtube lamah te pek chhuah nise.
5. Environment Protection Committee hmalakna a Slogan leh Article inziahsiaka lawmman 1-na a\anga 3-na dawngtute thuziak theh darh dan tur ruahmanna siam a ni a, Slogan lawmman dawngtute thuziak hi khawpui chhung hmun remchangah tar chhuah tur a siam nise, Article lawmman dawngtute thuziak hi Thlamuantu ah chhuah nise \ha tih a ni.
———-
RAWNGBAWLTU THUZIR BU ZIR |AN:
Chawngte bial chuan bial rorel angin Bial chhung rawngbawltu thuzir bu an zir tan dawn ta.
He thuzir buah hian, rawngbawlna awmzia te, Committee kalphung te, Thianghlimna lamte, khawtlang rawngbawlna te, pulpit nungchang te, kohhran dan leh dun thenkhatte, sermon buatsaih dan te leh rawngbawltute tan tangkai turte zir in, a bu hi a thlawnin bialin a sem mek a ni.
Rawngbawltu pulpit lawn kai ten tih luihna awm lovin an zir dawn a. Zawhna siam niin a bu en chunga chhan tura siam a ni. A hranin mark pek a ni dawn lova, heng thuzir zawhna chhang thehlut te hi 2023 bial inkhawmpui ah chawimawina/ lawmman siam sak an ni dawn a ni.
———-
———-
LAWNGTLAI WEST DISTRICT
HRUAITUTE PROGRAMME
Rev.F.Lalbiakthuama
District Superintendent.
1.Dt 28.july.2022 ah Pu Lalrammawia Lungphun naah SUNNA hun a hmang anga
2.Dt 29.july.2022 ah Bro Peter,Lalrinawma Chinzah leh Nula,Jeny Lalzirthangi te INNEIHNA a Vawntir bawk ang.
3.Dt 31.july.2022 Pathianni hi Hqtrs Local a tlawh ang.
Rev.Lalsawmliana Sailo.
District secretary
Dt.31.July.2022 Pathianni ah Saizawh East ah Nauhlan rawngbawlna neiin hun a hmang ang.
———-
MITHAR LAWMLUT
July ni 24 2022 Pathianni khan Evan.Lalrindika Darnamtlang Home misionary chuan mithar chhungkaw khat(1) member panga(5)awmna chu Baptistma chantir na a nei a, heng Baptistma chang thar te hi July ni 7 a Kohhran a lawmluh te kha an ni.
July ni 24-25 khan Sabualtlang Local Church ah Pastor K. Lalzawmsanga bungtlang South bialtu chuan mithar pathum(3) lawmluhna neih niin, mi pali(4)in sual ngaihdamna baptistma an chang a, hemi rual hian naute panga(5) hlan na a nei bawk a ni.
———-
BIAKIN SAK MEK LEH A HMUN ENPUI
July ni 26 2022 khan Rev.F.Lalbiakthuama District Supdt. leh Pastor S.Vanlallunghnema District treasurer te chuan Diltlang pastor quater sak mek leh Ngengpuikai biakin sakna tur chu a hmunah kal in a en pui a, Hruaitu-te feh chhuak hi kohhran upa leh rawngbawltu ten an tawiawm bawk a ni.
———-
ADVERTISEMENT
United Pentecostal Church, Lawngtlai West District Board vawi 11-na rorel no. 7-na in a lo passed tawh angina, a hnuai a tarlan ang hian kum hnih atan zirtirtu hna a la thar dawn a, dilna hi blank paper ah ziakin District Superintendent Address in, Lawngtlai West District Office Lawngtlai – 1 ah, August thla ral hma in thehluh tur a ni ang.
HNA LAK TUR : Peniel Comprehensive English School, Sabualtlang hmuna Mamthematics zirtirtu tur.
HNA DILTU TE TAN HRIAT TUR
1. Qualification chu B.Com./ B.Sc chin.
2. Hlawh hi thlakhat atan Rs.10,000/- (Singkhat) fix a ni anga, sawma pakhat cut tur a ni ang.
3. Zuk leh hmuam ti tan dil loh tur a ni.
4. Interview hun tur chu in hriattir leh tur a ni.
5. Certificte neih ang ang thehluh tur a ni ang.
6. Dilna lehkha ah phone no. ziah tel tur a ni.
(Rev.Lalsawmliana Sailo)
Secretary
Lawngtlai West District
———-
———-
CHHIMTUIPUI DISTRICT
DISTRICT OFFICIAL TE LEH SUNDAY SCHOOL HRUAITU TEN SANGAU BIAL TLAWH:
District Superintendent Rev.Joseph L.Thlauhthang, District Treasurer Rev.Kholy Hlychho, Upa F.Lalroṭhuama, District Sunday School Secretary ten Sangau Bial Local hrang hrang tlawh kualin rawngbawlna an nei.
District Superintendent Rev.Joseph L.Thlauhthang chuan Sentetfiang Local Biak In sakna tur hmunte, Bethel Local Biak In sakte leh Pangkhua Home Mission Field te a tlawh bawk a ni.
District Sunday School hmalaknain July ni 24 2022 chawhnu Dar 1:00 khan Sunday School Campaign neih a ni bawk a, Sangau Bial Kohhran te District Official te chungah an lawm hle a ni .
———-
LEHKHABU TLANGZARH:
Sangau-I Local PYD te chuan Kumpuan “Thuthlung Puan uar” bawhzui nan Thuthlung Hlabu an buatsaih a. He an lehkhabu buatsaih hi Rev.Kholy Hlychho (District Treasurer) chuan chawhma inkhawmna ah atlangzarh a ni. He lehkhabu chhungah hian thuthlung hla hrang hrang te awmin Bu 1-hi ₹.100 in a lei theih reng a ni.
———-
SALVATION CAMPING HLAWHTLING TAKIN NEI:
South Lungpher Local te chuan July ni 19-23 2022 chhung khan Evan.N.Thanghnuna Speaker a hmangin Salvation camping hlawhtling takin an nei.
He camping-ah hian Mi 45 lutin Thlarau thianghlim baptisma mi engemaw zat in an dawng thar a, Mi 10 in sual ngaihdamna baptisma an chang bawk.
Thlarau lam malsawmna tam tak thlengin July ni 25 thawhtan ni khan Kohhran in Pathian chawimawina an buatsaih a. July ni 26 thawhleh zan atang khan camping chhawng hnihna an chhun zawm leh in. Campers Mi 70 lai an lut a ni.
———-
BLOOD DONATION CAMP NEI :
Chhimtuipui District PYD Conference vawi 45na rorel bawhzuiin July ni 22 2022 zirtawp ni khan Bualpui NG’ Bial PYD te chuan YLA Recreation hall bualpui Ng ah thisen unit 15, mipa 14 leh Hmeichhia 1 ten an pe a, AVBD Siaha hruaitute leh medical lam a blood bank thawktu mi pasarih ten a hmunah an kal chilh a ni.
He hun hi Sectional Pastor Rev.MH Robin Lalthanmawia leh bial kohhranpui secretary ten an telpui a. District PYD Secretary, Treasurer leh Dist PYD Financial secretary te pawhin an telpui bawk. Chhimtuipui district hian Blood donation calendar siam in July 2022-January 2023 chhung hian district chhung bial hrang hrang an bial theuh ah blood donation camp huaihawt tura ruahman a ni.
———-
DISTRICT PCC OB KAWM ZAUH.:
Chhimtuipui District PCD OB in OB kawm zauh an duhna leh proposal an siamte chu Kohhranpui District board chuanpawm sakin, heng mite hi ruat an ni :
1. Vice President – Rbt.FC Ismaela, College Vaih Local
2. Asst. Secretary – J Malsawmsanga, Siahatla Local
3.Fin. Secretary- M.Lalzawmpuii, College Vaih Local te an ni.
———-
HNATLANG THAWK:
Bethel Local PYD te chuan nimin July ni 24 (Saturday) khan Slab chhun hnatlang an thawk. He hnatlangah hian PMD te pawh in telpuiin Mi 60 chuang an thawkchhuak a, LAD te pawhin eirawng te an bawlsak a ni. Sangau khawchhung a Slab chhunah hian Bethel local PYD te hian mi duhsakna nasa tak dawngin rin rawl ber an ni bawk a ni.
———-
KUM CHANVE BOARD NEI:
July ni 23 2022 zitrawpni khan Tuipang ‘V’ Biak In ah Tuipang bial ten kum chanve bial board tluang takin an nei,bial board ah hian Local tin kum chanve report leh bial department tin report ngaihthlak a ni. kum chanve chhungin Local tin sawmapakhat leh buhfaitham tlingkhawm chu kum 2021 kum chanve aiin hmasawnna hmuh niin,bial Department tin ahhmasawnna hmuh a ni a, alawmawm hle.
Board rorel tlangpui-:
1. Kum 2023 ah Bial golden jubilee lawmna nei turin rel ani.Golden jubilee hriatrengna lungphun phun tura tih ani bawk.Jubilee hi kum 2023 bial Conference a lawm tura tih ani.
2. Bial chhungah nasa takin ramlak beihpui thlak nise tih ani.New Laty leh phura hmun ah crusade nei turin ruahmanna siam ani bawk.Tin tul leh remchan dan angin Local tin ah ramlak beihpui thlak nise tih ani bawk.
3. Bialtu pastor Quaters ah Inverter Bettary dah turin rel ani bawk.
4. Bial conference in kumpuan thupui atan Thuthlung puan uar kum tih alo rel chu a hawnna neih nise tih ani a,Kumpuan bawhzui nan bial chhung Local tinah a tam thei ang ber Thuthlung lam hawi sermon sawi nise tih ani.
5. Bial chhung Local tin ah District Evangelist Tour siamsak nise tih ani.
———-
KOHHRANPUI BOARD NEI:
July Ni 24 .2022(Inrinni) khan Sangau Bial Kohhranpui kum chanve Board neih a ni. He Kum chanve Board hi Rev.Joseph L.Thlauhthang District Superintendent in a telpui a. Bial board member te pawh an lawm hle a, kum hmasa aiin department hrang hrang leh Kohhranpuiin hmasawnna a nei vek a ni. Rorelna tluang taka neih anih hnuin Zanriah kilho nghal a ni.
Facebook