GENERAL HRUAITUTE PROGRAMME:
General Superintendent Rev. Zohmingthanzama chuan June ni 17-19, 2024 chhung khan Chhimtuipui District Board Siaha a neih chu a hmanpui.
General Missions Director Rev. C. Vanlalena chuan July ni 16, 2024 Thawhlehni khan Assam Missions Field Board a neihpui a, Assam Missions Field chhung hmasawnna tur hrang hrang an rel. Tin, hemi ni vek hian Field Headquarters, Guwahati ah mi thar pakhat chu Lalpa Isua hmingin Baptisma a chantir bawk. July ni 18-21 chhung hian Assam Missions Field chhunga Kohhran hrang hrang a tlawh kual ang.
General Sunday School Director Rev. Biaksangzuala chuan July 20 leh 21, 2024 hian Lawngtlai West District, Chandmary Local ah Sunday School Awareness & Thianghlimna Campaign program hmanpuiin Resource Person ah a tang a ni.
———-
CBC TAN THILPEK HLAN
July ni 12, 2024 Zirtawpni khan CBC Alumni Riders, Adelphos te leh Bethlehem Bial LAD, AED te chuan CBC Hostel a zirlaite tan eitur thahnem tak an hlan.
———-
GENERAL CHOIR 2024-2026 TERM INDUCTION SERVICE:
July ni 14, 2024 Pathianni zan khan UPC North East India General Choir (2024-2026) term member ruat thar te Induction Service neih a ni.
He Inkhawm hi Salem Kohhran Biak In, Aizawl East District ah neih a ni a, Evan. Dr. R. Vanlalpeka, General PYD Secretary leh Music & Choir Committee Chairman chuan kaihruaiin kum 2024 atanga 2026 chhunga General Choir member ruat thar te chu UPC North East India General Superintendent, Rev. Zohmingthanzama’n Lalpa Isua hminga hriak thihin Lakluhna a nei a ni.
He mi rual hian General Choir member kal chhuakte thlahna neih nghal niin Ngaihhruina Citation hlan an ni. General Secretary Rev. Lalmalsawma Sailo chuan General Choir (2023-2024) term ten Music Video an buatsaih Hla pali (4) chu tlangzarhna a nei bawk.
Hla Tlangzarhte:
1. KA ZUI ANG CHE (Phuahtu – C. Lalrinmawia, General Choir Member)
2. I HMANGAIH LO VEM NI (Phuahtu – Hriatpuia
3. SIAMTHAR LEH KA NGAI A NI (Phuahtu – H. Lalrinmawia Varte)
4. THLARAU THIANGHLIM NEI RAWH U (Phuahtu – Samuel Hmar, General Choir Member)
“Thlarau Thianghlim nei rawh u” thi hla hi UPC North East India General PYD Conference, Dt: 31st October – 3rd November, 2024 Hnahlan, Lunglei District a neih tur Theme Song tur a ni.
General Choir (2024-2026) Memberte:
Conductor : Bro. Lalrammawia, Dist. Headquarters Local, Bazar Bial, AED
Asst. Conductor: Bro. Lalmuanawma, Zonuam kohhran, chawlhhmun Bial, NMD
1. Sis. Vanlalruatfeli, Chanmari, (NMD)
2. Sis. Biaksangzuali, Zemabawk Vengpui, (AED)
3. Sis. C. Lalhriattluangi,Mission Vengthlang (NMD)
4. Sis. Lallawmzuali Fanai, Dinthar (NMD)
5. Sis. Lalbiakmawii, Tlangnuam (NMD)
6. Sis. Lalropari Renthlei, Dist. Headquarters (AED)
7. Sis. RK. Lalremruati, Salem (AED)
8. Sis. Angela Malsawmtluangi, NMD Hqrs.
9. Sis. Esther Lalmuanpuii, Ramhlun Vengthar (AED)
10. Sis. Malsawmdawngzuali, Dinthar (NMD)
11. Sis. Jenny Zomuansangi, Tlangnuam (NMD)
12. Sis. F. Lalmuanawmi, Thuampui (AED)
13. Sis. Ruthi Lalhriatrengi, Armed Veng (AED)
14. Bro. Aldrin Laldinsanga, Zemabawk Vengpui (AED)
15. Bro. Lalramchuana, Dinthar (NMD)
16. Bro. Johny Lalthafamkima, Dist. Hqrs. (AED)
17. Bro. B. Malsawmdawngliana, Nursery.
18. Bro. Obeda Lalawmawia, Bethlehem (AED)
19. Bro. Timothy Lalchhuansanga, Bethlehem (AED)
20. Bro. Samuel Hmar, Dinthar (NMD)
21. Bro. Lallawmzuala, Armed Veng (AED)
22. Bro. Lalthansanga, Chawlhhmun (NMD)
23. Bro. Lalruatkima Ralte, Hqrs. (NMD)
24. Bro. C. Lalruattluanga, Mualpui (AED)
25. Bro. Lalthankima, Mualpui (AED)
General Choir hi UPC North East India General PYD Music & Choir Committee enkawlna hnuai a awm a ni.
———-
REVEREND TITLE HLAN:
UPC-North East India, General Aministrative Committee chuan North Mizoram District Board in a recommend angin Pastor Jacob Lalremsanga chu kum 10 chhung Pastor rawngbawl hna rinawm taka a lo thawh tawh avangin July ni 19, 2024 Zirtawpni khan Reverend title a hlan a, tun hnuah chuan Rev. Jacob Lalremsanga tia lam leh ziah tawh tur a ni.
Rev. Jacob Lalremsanga, Lalpa’n a rawngbawl tura tichakin malsawm zel rawh se.
———-
———-
LUNGLEI DISTRICT
CEC SCHOOL BOARD IN ZIRTIRTU PATHUM AN LA THAR:
July ni 12 Zirtawpni khan District Superintendent Room-ah CEC School Board chu an Chairman Rev. C. Lalrintluanga kaihhruainain an thu khawm a, July ni 11 Ningani a CEC Zirtirtu tur Personal interview nei mi 46 te atangin a hnuaia tarlan te hi Zirtirtu atan an la a ni.
1. Mathematics Teacher (High School) : PC.Zothanzuala, S/o PC.Zoliansanga, Zotlang.
Panel List : Jonathan Ramdikpuia, S/o Lalthanpuia, Vanhne
2. Mathematics Teacher (Middle School) : LH.Biaknunnemi, D/o LH.Lalramnghaka, Rahsiveng.
Panel List : PC.Laldampuia, S/o PC.Biakhmingthanga, Pukpui
3. Language (English/Mizo) Teacher (High School / Higher Secondary School) : CV.Lalrammuani, D/o C.Pianglawma, Venglai.
Panel List : K.Lalenpuii, D/o K.Lalhmunmawia, Rahsiveng
Zirtirtu lak tharte hian August ni 1 ah Joining Report, Principal hnenah an pe ang a, Panel List hian July 2024 – June 2025 thleng a huam ang.
———-
THIANGHLIMNA CAMPAIGN :
July 14 Pathianni hmang khan Chhipphir Local-ah Thianghlimna Committee, Lunglei District hmalaknain Thianghlimna Campaign neih a ni a, hetah hian Evan. Saithangpuia leh Evan.H. Lalhmingmawia te an kal a, zaithiam Sist. B. Vanlalropekin zaiin rawngbawlna a nei bawk.
Thianghlimna Campaign hi June 9 Pathianni hmang khan Thingsai Local leh Sertlangpui Local-ah te neih a ni a, June ni 16 Pathianni hmang khan Thenhlum Local-ah neih a ni bawk.
Thianghlimna Campaign hi hlawhtling takin neih chhoh mek a ni a, Campaign neih tawhna hmunah hlawkpui mi engemawzat an awm thin avangin Thianghlimna Committee chuan hmasawnna hmuh ngei an in beisei a ni.
———-
REVIVAL CRUSADE NEI DAWN:
Revival Committee, Lunglei District-te buatsaih Town huap Revival Crusade chu July ni 25-28 chhung khan Headquarters Local UPC Biak Inah neih a ni dawn a, hetah hian Speaker atan Lunglei District-a Pastor hna thawk lai mi 7, Rev. C. Lalrintluanga District Superintendent, Sertlangpui bialtu Pastor Rev.R.Lalramhluna, Lungsen bialtu Pastor PC.Zionrammawia, Haulawng bialtu Pastor Lallawmsanga, Thingsai bialtu Pastor T.Zahmingliana, Chhipphir bialtu Pastor Lalengzauva leh S.Vanlaiphai bialtu Pastor K.Lalnunpuia te hman an ni ang. Tin, July ni 27 Inrinni chawhnu ah Ke sil rawngbawlna District Secretary Rev.PC.Lalfakawman a nei bawk ang.
———-
———-
AIZAWL EAST DISTRICT
Sunday School Kumpuan pual campaign hlawhtling taka neih a ni:
Aizawl East District Sunday School Department hmalakna in July 14, Pathianni khan Aizawl khawpui chhunga Bial hrang hranga Tualchhung Naupang Sunday School-ah Kumpuan pual campaign hlawhtling taka neih a ni.
Aizawl East District Sunday School Department extended meeting June 3-a neih chuan Kumpuan pual campaign neih dan tur hi ruahmanna a siam a, chutah chuan Aizawl East District chhunga Aizawl khawpui chhunga Bial hrang hrangte inkalthelh dan tur siamin chutiang chuan Sunday School Kumpuan pual campaign hi neih a ni. He huna Campaigner te hian Naupang Sunday School te chu Media hmansual theih a nih chungchangte bakah Social Media Thianghlim taka hman a tul thute bakah zuk leh hmuam leh Ruihhlo that lohna chungchangte an sawi hlawm a ni.
Bial inkalthelh te:
(1) Zemabawk Bial leh Bawngkawn Bial
(2) Thuampui Bial leh Zemabawk N Bial
(3) Bazar Bial leh Bethlehem Bial
(4) Upper Republic Bial leh Mualpui Bial
———-
District PYD OB te fehchhuak:
District PYD OB ten ruahmanna an siam angin July 15 Thawhtanni khan Bazar Bial tlawhin hlim takin hun an hmang a, Bazar Bial te hian Bial Hqrs., Bazar Kohhranah an lo thleng a ni. Inkhawm hi T. Upa R. Lalhmunsanga, Bial PYD President chuan a kaihruai a, Evan. F. Malsawmdawngliana, District PYD Treasurer chuan thusawi rawngbawlna a nei thung a ni. He hunah hian Bazar Bial PYD Secretary Bro. C. Malsawmdawngliana chuan inhmelhriattirna leh report pe in Pastor J. Lalhmingsanga, District PYD President hnen atangin thusawi tawi ngaihthlak a ni bawk a, Evan. Lalfelkima, District Secretary in inhmelhriattirna leh report a pe bawk. Bazar bial atang hian Bial zaipawl ten fak hla sa in, Sis. Noel Lalruatkimi, Bial PYD Fin. Secretary in hun hmasa a hmang bawk a ni.
District PYD te hian kumin chhung hian Aizawl khawpui chhung Bial hrang hrangte tlawhchhuak turin ruahmanna an siam a, May 20 khan Zemabawk Bial-ah hun hmang tawhin June 3, khan Zemabawk North Bial-ah hun an hmang leh July 24, khan Thuampui Bial tlawhin Bawngkawn Bial-ah July 8 khan an lo hmang tawh bawk a, Bethlehem Bial -ah August 5, August 19-ah Upper Republic Bial bakah Mualpui Bial -August 26 te ruahmanna an siam a ni.
———-
Live Crusade nei dawn:
Kumin District Conference in Aizawl East District chhunga District Capital tinah Crusade lian tham tak buatsaih ni se a tih angin July 24 atanga 28 chhung hian Serchhip District, Serchhip Dinthar Biakinah Live Crusade neih leh a ni dawn. Speaker-ah Rev. KVL. Hmangaihkima hman tur niin inkhawm hi Serchhip Bial leh Serchhip Dinthar Bial atangin kaihhruain hna an thawk anga, Sis. Laltleipuii leh Sis Lalneihpuii ten zaia rawngbawlna an nei dawn bawk a ni. He Live Crusade hi Serchhip-a Cable-ah te bakah Pennet AED Youtube channel-ah Live-a pekchhuah tura ruahmanna siam a ni.
Live Crusade hi June 12 atanga 16 chhung khan Champhai District, Bethel Bial Hqrs. Kohhranah hlawhtling taka neih alo ni tawh a ni.
———-
Mithar leh Baptisma chang thar:
July 14, Pathianni heng hmunah te hian mithar Kohhranah sengluh niin Baptisma chang thar an awm bawk.
Khawbung Bial, Buang kohhrana lawi turin mi 8 chhungkaw 2 chu sengluh niin naute 2 hlan an ni bawk. Buang khuaah hian Sis. Vanlalpari BW, District Missions Evangelist in rawngbawlna a nei mek a ni.
Keifang Kohhranah lawi turin mithar 3 chu Bialtu Pastor J. Lalhmingsanga chuan sengluhna nei bawkin Kohhrana sengluh tawh mi 2 in Evan K Laltlanmawia, Dist missions Evangelist kutah baptisma an chang bawk.
Zemabawk Bial, Lungbial Kohhranah Chhungkaw 4 atangin Member 9 chu Kohhranah sengluh an ni bawk. Bial PYD hmalakna in July thla chhung atan Apostolic Revival Team, Evan JH Lalhminghlua te chuan rawngbawlna an nei mek a ni.
Bro. H. Vanlalhruaia te rawngbawlna kaltlangin Darlawn Local ah Baptisma khur hawn a ni a, mi 7 in sual ngaihdamna Baptisma an chang a, Thlarau thianghlim Baptisma chang mi 4 an awm bawk a, chawimawina hi tum 2 a awm tawh bawk a ni.
Melbuk kohhran, Bethel Bial a lawi turin member 2 chhungkaw khat chu sengluh an ni bawk. Melbuk kohhranah hian Evan F.Lalzirliana, District Missions Dept Evangelist in rawng a bawl mek a ni.
Mualpui Bial, ITI kohhranah member 2 chu Kohhran Chairman Upa H Lalduhawman a sengluhna a nei bawk.
———-
Lehkhabu chhuak thar:
Pastor Hmingchungnunga Ralte lehkhabu ziak, “Thuthlung hlui rawngbawltu nge i nih Thuthlung thar rawngbawltu” tih Literature & Publication Board, AED in a published chu AED Book Stall, Ramhlun South-ah lei theih a ni ta e. Aman hi Rs 50 a ni. Literature & Publication Board, AED in a published tho Rev. KVL. Hmangaihkima lehkhabu ziak, “Rev. KVL. Hmangaihkima Kamchhuak” tih chu kumin District LAD Conference hman hunah tlangzarha tihchhuah tura hmalak mek a ni bawk.
———-
Hruaitute Programme:
Rev R. Laltlankima, District Superintendent chuan Pathianni hian Barak District-a awm thin, Zokhawthiang Kohhran te General Executive Board in Aizawl East District hnuaia awm tawh tura alo tih tawh chu Aizawl East District-ah lawmluhna neiin rawngbawlna a nei ang.
Rev. H. Lalropuia, District Secretary chuan July 15 – 16 chhung khan Serchhip Dinthar Bial, Sailiam Biak in bul ruahsur avanga lei min siam that dan tur a enpui bakah Bungtlang Bethel Kohhran tlawhin hun a hmang a, July 17, Nilaini khan Aizawl a let leh a ni.
Rev. VL. Hnemtluanga, District Treasurer chuan Kohhran thil tul pawimawh tiin Zirtawpni khan N. Vanlaiphai-ah a kal a, ruahmanna ang chuan Pathianni thleng hun a hmang ang. Rev. VL. Hnemtluanga hian July 17, Nilaini khan Ramthar PYD ten Pathian thu zirhona an buatsaihah resource person-ah tangin hun a hmang bawk a ni.
———-
———-
NORTH MIZORAM DISTRICT
DISTRICT KOHHRANPUI NEWS:
UPC, NORTH EAST INDIA, NORTH MIZORAM DISTRICT HRUAITUTE PROGRAMME (OFFICE)
Superintendent: District Superintendent Rev. K. Lalduhsanga chuan July ni 16 Thawhlehni khan Lengpui Bial Tuahzawl kohhran tlawhin Kohhranhote Biak in sak lai a enpui a, July ni 21 Pathian zan hian Chaltlang Bial Bawngkawn Kohhranah thuhril rawngbawlna a nei ang.
Secretary: District Secretary Rev. C. Lalthantluanga chuan kar kal ta Pathianni hmang khan Central District PYD ten kum 50 an tlin lawmnaah General PYD President a nih angin hun a hmanpui a, July ni 20 Inrinni leh a tuk Pathainni hmang hian Kolasib Venglai Bial Kohhranpui buatsaihin rawngbawltute seminar neihpuiin a fehchhuak leh ang.
Treasurer: District Treasurer Rev. C. Lalmuanpuia chuan July ni 13 & 14 hmang khan Tlangsang Kohhran kaltlanga Tlangsang Bialtu Pastor Thanglura te chhungin Pathian chawimawina an neihah Speaker-a ruat a nih angin rawngbawlna a nei a, July ni 15 thawhtanniah hawngin hawn kawngah District kohhranpuiin rawngbawltu a dahna khaw hrang hrang 1) Luimawi, 2) Bungthuam 3) Kawrthah 4) Tuidam 5) Darlak leh Mission Dept enkawl Bawngva khua te a rawn tlawh hawng a ni.
Missions Director: District Missions hruaitu pathum Director, Secretary leh Treasurer te chuan July ni 21 Pathianni hian Aibawkah kalin, Aibawk Bialte’n Kumina District Missions Conference an thlen turah Conference inbuatsaih dan tur ruahmanna a neihpui ang.
———-
DISTRICT NEWS LAWRKHAWM
DISTRICT MISSIONS DEPT EXECUTIVE COMMITTEE NEI:
North Mizoram District Missions Dept chuan July ni 10 Nilaini khan Executive Committee neiin District hruaitu pathum ten an ho thei a, meeting Rev. C. Lalramthanga, Director in Meeting a kaihruai. Meeting-ah hian North Mizoram District Missions Convention neih tur chungchang thlirin Field 31 te intawhkhawm dan tur ruahmanna te an siam bakah Programme te an ruahman bawk a ni.
———-
PREACHING POINT HAWNG:
July ni 14 Pathianni khan North Mizoram District Supdt. Rev.K.Lalduhsanga chuan Sihphir Bial, Zanlawn Bangla Veng chu Preaching Point atan hawngin Pathian hnenah a hlan.
Preaching Point hawnna inkhawmah hian Rev.B.Vanlalruata, Sihphir Bial Pastor-in a kaihruai a. Evan.R.Lalrinchhana mikhual lawmna thu sawiin, Sist.Lallawmkimi of Zanlawn chuan Pathian fakna hla mawi takin a sa bawk.
He inkhawm hi Siphhir Bial hruaitute leh Lungdai kohhran aṭangin unau engemaw zatin an hmanpui a, Bangla Veng Kohhranah hian tunah Evan.R.Lalrinchhana chu District tirhin a awm mêk a ni.
———-
TRAINERS TRAINING NEI:
UPC-NEI, General Sunday School leh National Tobacco Control Programme (NTCP) tangkawpin North Mizoram District Sunday School kaltlangin July ni 13 Inrinni khan “Zuk leh hmuam that lohna leh Sunday School pawimawhna” tih thupui hmangin Thenzawl Field Veng UPC Biak inah Trainers training neih a ni.
He hunah hian UPC-NEI, Gen. Sunday School, hruaitu Rev Jh. Zahluna, Gen. Sunday school Secretary leh Evan R.Lalbiakfela, Gen SS Treasurer bakah Dist SS hruaitu pahnih Evan Challiana, Dist SS Secy leh Evan. MS Dawngliana. Dist SS Treasurer ten an ho bawk.
Chawhma hun Evan. Challiana, North Mizoram Dist SS Secy in inkhawm a kaihruai a, Rev. C. Lalrammuana, Thenzawl Bialtu Pastor in hun nmasa hmangin tawngtaina a nei a, Gen. SS Secretary Rev. Jh Zahlunan Seminar thu kamkeu neiin, hruaitu leh chhimtute inhmelhriattirna a nei bawk. NTCP lam atangin Zuk leh hmuam that lohna chung chang Sis. K.Hmingthansangin zirtirin, Zuk leh hmuam that lohna hrang zirtirna a pek bakah Zuk leh hmuam tih loh hi khua leh tui tha nihna a ni’ a ti bawk.
chawhnu lam hun T.Upa PC Lalchhanhima, Thenzawl Bial SS Director in prog a kaihruai a, Evan MS Dawngliana, North Mizoram Dist SS Treasurer in tawngtaia hun a hlan bakah, North East India huap SS Meet neih turah Organising secretary a nih anga Meet-a tel tura sawmna a nei bawk. Evan R.Lalbiakfela, Gen SS Treasrer hnen atangin General atanga Dist leh Bial thlenga UPC NEI statistic tarlangin Presentation a nei a, Sunday School hmasawnna tur kawnga tan lakna tur hrang hrang sawihona hlawk tak neih a ni bawk.
———-
DISTRICT PYD:
1. North Mizoram District PYD hnuaia Education Committee hmalaknain July ni 15 thawhtan zan khan Aizawl khawpui chhung Local 13-ah campaigner intirin zirna lama PYD te hmasawnna tur hrang hrang chungchangah Education Campaign neih a ni. Education Committee hian hmachhawp hrang hrang tih tur la neiin chhung zingah chuan Education Campaign neih lehna atan Mamit leh Thenzawl an ruahman bakah, Study camp te pawh neih turin ruahmanna an siam bawk a ni.
2. North Mizoram District PYD Kumpuan Committee in ngenna a chhuah angin July ni 15 Thawhtan zan khan North Mizoram District huam chhung local hrang hrangah Thalaite Pathian Thuthlung hriatna kawnga hmasawn tur leh Thuthlunga rawngbawlna uar zawka an kalpui zel theih nan tawngtaina hun an nei.
———-
BIAL/LOCAL NEWS LAWRKHAWM
LADIES AUXLIARY TAILORING CENTRE TAN THILPEK PE:
July ni 18 Ningani khan Durtlang Bial LAD te chuan North Mizoram District LAD hnuaia a thlawna puanthui zirna Ladies Auxiliary Tailoring Centre (LATC) –a Zirlai naupangte’na an hman tur khawl la leh ei tur chi hrang hrang bakah Sum fai an hlan bawk.
Thilpek pek pe tur hian Durtlang Bial LAD hruaitute Sis. Laldinthari, Bial LAD President, Sist. Lalnunsiami, Secretary leh Sis. Lalremsangi Treasurer te kalin Durtlang Bial kohhranpui Treasurer Upa Lalbiakkima’n rawn ho bawk a, Upa Biaka hian LATC in mamawh-a hman atan Rs. 1000 a hlan tel bawk. Heng thilpek te hi LATC aiawhin Sist Doris Lalrinsanga, Dist.; LAD Secretary leh Instructress ten an lo dawng a, Dist. Lad Secy hian LAT’C Managing Board aiawhin lawmthu a lo sawi a ni.
———-
NORTH THINGLIAN HOME MISSIONS FIELD-AH MITHAR NEI:
KOLASIB RENGTEKAWN BIAL chhunga awm North Thinglian Home Missions Field-ah July ni 14 Pathianni khan Bial neitu Rev. C.Lalthlengliana chuan tlawhin Kohhranhote a inkhawmpui a. He inkhawmah hian Missionary Evan. Vanlalhlima rawngbawlna kaltlanga Pathian thuthlung hmua Pentecost Kohhrana lut Mi thar -7 te chu Lalpa Isua hmingin a lawm lut a, Nau -1 hlan nghal a ni. Bialtu Pastor hi Upa Benjamina, Bial Missions Treasurer leh Bro Lalropuia Rengtekawn Local Missions Treasurer in an ṭawiawm a ni.
North Thinglian Missions Field ah hian Kohhran In 29 awmin, Kohhran member 148 an awm mek a ni. Bialtu Pastor hian Evan. Vanlalhlima Missionary, N.Thinglian Field chu General Licence Certificate hlanna anei nghal bawk a ni.
———-
BIAL MISSIONS INKANTAWN KHARNA HMANG:
Pathianni kal ta July ni 14 zan khan Hqrs Bial Missions Dept ten Conference rorel bawhzuia Kohhran a huhova tlawh chhuah leh Budget intuakpui inkhawm an neih thin chu Headquarters Kohhran Biak inah a tawp kharna inkhawm hman a ni.
Bial Missions Inkantawn Inkhawm Upa RC Laldingluaia, Bial Missions Secretary-in kaihruaiin, Sis. HC Lalthakimi, Mission Vengthlang chuan hun hmasa a hmang a, Evan. Challiana, Bial Missions Director-in thuhrilhna a nei thung. He Inkhawmah hian Bial chhung Local hrang hrangte an kal tha hle.
Bial atanga ruahman angin kohhran an tlawh apiang te target tuakpui thinin hemi zan pawh hian target intuakpui neiin Rs. 17000/- chuang an hmu chhuak.
———-
ACCOUNT VAWN DAN TRAINING BUATSAIH:
Kolasib Venglai Bial 2024 Inkhawmpui rorel bawhzuiin July ni 13 Inrinni khan Kolasib Ṭumpui Biak Inah Local Church Board member, Local Dept. OB leh Bial Dept. OB te pualin Account vawn dan Training buatsaih a ni.
Seminar thupui leh a kaihhnawih thil dang Kolasib Venglai Bialtu Pastor Rev. R. Lalnithanga’n a sawi hawng a, Upa Lalremliana, Bial Treasurer-in sum vawn dan zirtirin, Bial Financial Rules a sawi fiah a, hei bakah hian sum vawn chung changa fimkhurna tur hrang hrang leh felfai zawka Account vawn dan turte, sum vawn kawnga mawhphurhna ṭha zawka hlen a nih theih dan turte a sawi bawk a. Bank Account a sum chet dan Cash Book-a ziah luh dante, Main Cash Book leh Ledger hmanga Account vawn inkungaih dante fiah taka zir a ni a. Chawhnu lamah Practical-a zirho a ni. Training ah hian mi 50 vel an tel a ni.
Pathian Chawimawina nei: Tlangsang Bialtu Pastor R.Thanglura chuan Inrinni kalta July ni 13 khan Tlangsang kohhran kaltlangin Pathian hnena lawmthu sawina leh Chawimawina a nei a. Chawimawina Programme hi July ni 13 Inrinni-ah tanin Speaker atan North Mizoram District Treasurer Rev. C. Lalmuanpuia sawm a nih angin a hmanpui a, Dist. Treaurer hian Pathian Ni zan thlengin rawngbawlna a nei. Chawimawina Programme hmang hian Tlangsang Bial chhunga Field enkawltute leh District kohhranpuiin Missionary a dah rawngbawltute pawhin an tawiawm tha hle.
———-
MITHAR NEIH NEWS:
Bawngva Mission Field mithar: July ni 7 Pathianni khan Bawngva Mission Field Missionary Evan. E. Rawngbawlzela rawngbawlna kaltlangin Mithar pakhat neih a ni a, Bawngva missionary hian Lal Isua hmingin Pentecost kohhranah a lawmlut nghal a ni.
Bawngva Missions Field ah hian tun dinhmunah member 74 awm mekin Pathianniah member inkhawm member 45 niin; Kohhran hote kan thawh hona atha a Kohhran hote kan hlim tlang hle bawk.
Darlak mithar: July ni 7 Pathianni vek khan Mamit Bial Darlak ah Member thar 2 Evan Lianthangvunga’n rawngbawlna kaltlanga neih a ni a, rawngbawltu hian Lal Isua hmingin lawmluhna a nei a ni, Nau Pakhat hlan a ni bawk.
LUNGPHUNAH MITHAR: July ni 7, Pathianni khan Kanghmun Bial Lungphunah Evangelist Lalsangpuia rawngbawl kaltlangin mi thar neih a ni. He mi thar hi Bialtu Pastor Rev. Lalhmuakliana Hnamtein lawmlutin Kanghmunah Baptisma a chang a ni.
DAPCHHUAH MITHAR: Lengpui Bial chhung Dapchhuah Kohhran ah July ni 10 Nilai zan khan Pathian Thuthlung hmuin Mithar 2 Evan H Vanlalhmudika’n Lalpa Isua hmingin a lawm lut.
RASDALI MITHAR: Pathianni kal ta July ni 14, 2024 khan Bairabi Bial chhunga Rasdali Missions Field hmunah mithar pakhat neih a ni. Mithar neih hi Evan Jonathan Lallawmzela’n lawmluhna leh nauhlan rawngbawlna a nei a, Rasdali M/F ah hian Sist F. Lalsiamliani B/W chu Missionary in a awm mek a ni.
Facebook