UPC-NEI GENERAL CONFERENCE VAWI 54-NA
United Pentecostal Church of North East India inkhawmpui lian General Conference vawi 54-na chu November ni 24-26, 2022 chhung khan Zemabawk Vengpui Biak Inah neih a ni a. Rev. K. Darsailova chu Regional Director Representative niin, “Sound Doctrine” (Titus 2:1) chu Conference theme atan hman a ni.
He khawmpuiah hian UPC North East India hnuaia Department hrang hrang Missions Department, Sunday School Department leh LAD te chu bet in November ni 26, 2022 khan Departmental Business Meeting (Rorel Inkhawm) an nei bawk a ni:
General Missions Department:
General Missions Department chuan Zemabawk Vengpui Biak In rorel inkhawmneiin rorel palai mi 123 an kal a, an thu rel langsar zual te:
1. General Missions Department din tan ni February 25 Department Rising Day a hman ni se. UPC North East India General Holiday ah puan ni se tih chu passed a ni a, Executive Baord ah thlen niin a pawmpui a ni.
2. Sikkim khawpui Gangtok-ah kohhran din thar tur a chak tak a hmalak ni se tih te an passed a ni.
General Sunday School Department:
General Sunday School Department te chuan Zemabawk Vengpui Sunday School Hall-ah rorel inkhawm hi neiin Kummin hi General Sunday School Conference vawi 42-na a ni. An thu pass tlangpui te:
1. Beginner leh Primary zirlaibu hi naupangten an chhiar thiam awlsam nan Mizo alphabet (A AW B) hi dah ni se.
2. Kum puan thupui ‘Kan fate i chhanhim ang u’ tih bawhzuina atan National Tobacco Control program (NTCP) te nena thawh hova hma lak zel ni se.
3. Sunday school meet cum Quiz buatsaih: Childrens meet la neih lohna district ah neih zel a, Quiz a inelna buatsaih zel ni se.
4. Zirlaibu English leh Hindi-a lehlin kan neih sate hi a bua print chhuah ni se.
5. Zirlaibu hralh chhuah lamah leh mipui ten zirlaibu kan neih kim zawk theih nan thingtlang lamah a zawrh chhuahna kawng dap ni se.
6. Kum 2023 budget: Rs 50,07,000.00
7. Sub Committee: Editing board, Translation board leh Exam board member kum 2 chhung (2023-2024 ) atan ruat thar an ni.
General L.A.D:
General LAD Conference vawi 44-na niin Zemabawk Biak In ah rorel inkhawm hi neih a ni a, General LAD President Sis. Lalchangliani Sailo BW chuan rorel inkhawm hi kaihruaiin, mi 245 rorel palai an kal thei a ni. Rorel tlangpui te:
1. Kum 2023 North East India General LAD Conference neihna hmun tur chu
Churachanpur District, Salem, Manipur ah October, 2nd Sunday ah neih tur a ni.
2. Kum 2023 General LAD Kumpuan atan “Taihmakna” tih a ni.
3. ASC Home Chapel tihlen tur a ruahmanna siam a ni.
4. Upper Assam & East Arunachal Missions Field, Dakuakhana Biak In leh Assam Missions Field, Dinaspur Biak In sak tur a pass a ni bawk.
November ni 26, 2022 (Inrinni) zingah General Official Election Zemabawk Vengpui Biak Inah neih a ni a. Kum 2023 – 2024 chhunga UPC-North East India General hruaitu atan heng mite hi thlan an ni:
General Superintendent – Rev. R. Lalrinsanga
General Secretary – Rev. Zohmingthanzama
General Treasurer – Rev. Lalmalsawma Sailo
November ni 26, 2022 Chawhma Dar 10:30 atangin General Kohhranpui Rorel inkawm chu Zemabawk Vengpui Biak Inah vek hian neih chhunzawm a ni. Rorel tlangpuite:
1. Kum 2023 General Conference chu Lunglei District ah November Pathianni hnuhnung berah hman tur a ni.
2. General Gonference hman hun hi report leh thildang remchang tawk lo a awm avangin November a hman thin chu 2024 atangin April Pathianni hnuhnung berah hman tawh tur a ni.
3. Kum 5 dana Kohhran dan enfel tura lo rel tawh chu, tun atanga thu phuahrem ngai leh siamrem ngaite siam rema, Dan thlak thleng awmte zira enfel turin Commission din ni se tih a ni.
4. Khawvel sualna hrang hrang a bikin Mipat hmeichhiatna hman sualna te, Neih inang inkawp (same sex marriage) leh Mipa hmeichhiaa insiam, hmeichhia mipa insiam (Transgender) laka nun Thianghlim kan neih theih nan a hma lak ni se.
5. United Pentecostal Church Oneness Thurin pawmtu Zoram chhung leh India ram hmun hrang hranga awmte zawnchhuah a thawhhona kawng dap ni se tih te a ni.
November ni 27, 2022 (Pathianni) chawhma khan Ordination Service neih a ni a, Rev. R. Lalrinsanga, General Superintendent chuan kaihruaiin mi pasarih (7) ordain an ni.
1. Pastor Jehova Lalnunsanga – Chrachandpur District
2. Pastor K. Lalzawmsanga – Lawngtlai West District
3. Pastor B. Lalbiakchhunga – Lawngtlai West District
4. Pastor Cin Min Thang – Chrachandpur District
5. Pastor Laltlanmawia – North Mizoram District
6. Pastor K. Malsawmkima – North Mizoram District
7. Pastor Robert Lalrinsanga – Aizawl East District
November ni 24,28-29. 2022 chhung khan General Headquarters Committee Romm-ah UPC North East India Executive Board Meeting neih a ni a, Meeting hi Rev. R. Lalrinsanga, General Superintendent chuan a kaihruai, an thurel thenkhat te:
1. Executive Board hian mi 55 ten rawngbawlna License an dil angin a pe chhuak a ni.
2. Bible pumpui Commentary siam tur a hmalak ni se tih a ni.
3. Kumthar ni leh Sunday School Registration Day in rual emaw a inhnaih chan a lo awmin, Sunday School Registration Day chu January Pathianni vawi 2-na ah hman tur a ni ang. He tianga hman a nih tum chuan Pathian ni zing thawhlawm hi Sunday School Department in a chang anga, Zan thawhlawm chu 2nd Sunday Pual a ni ang.
4. General Missions Department din tan ni February ni 25 chu Rising Day a puan niin UPC North East India Holliday List ah telh a ni ang.
5. Compassion Center, Kolasib khuangpuilam Project Director tur chu Lunglei District atangin Deputation tir tur a beisei a ni.
Kum 2023 atanga 2024 chhung UPC North East India Department Hruaitu tur te ruat thar an ni bawk:
GENERAL MISSIONS DEPARTMENT HRUAITUTE:
1. Gen. Missions Director, Rev. R. Laichhingpuia
2. Gen. Missions Secretary, Rev. R. Vanlalawia
3. Gen. Missions Treasurer, Evan. F. Lalsangliana
GENERAL SUNDAY SCHOOL DEPARTMENT HRUAITUTE:
1. Gen. S.S Director, Rev. Biaksangzuala
2. Gen. S.S Secretary, Rev. JH. Zahluna
3. Gen. S.S Treasurer, Evan. R. Lalbiakfela
GENERAL PYD HRUAITUTE:
1. Gen. PYD President, Rev. C. Lalthantluanga
2. Gen. PYD Secretary, Evan. R. Vanlalpeka
3. Gen. PYD Treasurer, Evan. C. Lalruatsanga
GENERAL LAD HRUAITUTE:
1. Gen LAD President, Sis. Lalramthangi B/W
2. Gen LAD Secretary, Sis. Lalramlawmi B/W
3. Gen. LAD Treasurer, Sis. Krawschhuanawmi B/W te an ni.
———-
UPC NEI KUM 2023 PUITLING SUNDAY SCHOOL ZIRLAI TLANGZARH A NI
November ni 28, 2022 Thawhtanni khan General Sunday School Department buatsaih, kum 2023 a UPC North East India Sunday School Puitling zir tur “Chanchintha Johana Ziak hrilhfiahna,” Rev. Lalmalsawma Sailo ziah chu Tlangzarhna neih a ni.
General Headquarters Committee room ah hun hman niin, Rev. R. Laichhingpuia, General Sunday School Director chuan lehkhabu buatsaih a nih dante a sawi hnuah Rev. R. Lalrinsanga, General Superintendent chuan tlangzarhna a nei a ni.
Kum 2023 Puitling Sunday School zir tur “Chanchintha Johana Ziak hrilhfiahna,” bu hi phek 332 a chhah niin Thupui 43 ah then a ni a, Kohhran mipui bakah aduh leh mamawh tan Pentecostal Book Store, millennium centre leh District hrang hrang Office ah te Rs. 120 in a lei theih ang.
———-
CBC BUILDING FOUNDATION STONE LAYING PROGRAMME
November ni 28, 2022 Thawhtan zing 10:00 am khan Calvary BIble College (CBC) Building thar LUNGPHUM phumna chu CBC Site, Mualpui, Aizawl ah neih a ni.
He hun hi Rev. K. Malsawmtluanga, Principal CBC & Secretary TEB chuan kaihruaiin, Rev. Zohmingthanzama, General Secretary chuan tawngtaina hun (Opening Prayer) a hmang a, Sis. Lalfakzuali,Tlangnuam chuan Pathian fak hla a sa bawk. Rev. R. Lalrinsanga, General Superintendent & Chairman TEB chuan Calvary BIble College (CBC) Building thar LUNGPHUM phumna neiin Building sak dan tur sawifiahna a nei a, Rev. Lalmalsawma Sailo, General Treasurer chuan hun tawp tawngtaina a hmang bawk a ni.
He Programme hmang tur hian UPC North East India Executive Board Members te bakah Missions Field a thawktu then khatte, Pensioner Union leh Sawm bik mi thenkhat-te an kal khawm a ni.
———-
GENERAL HRUAITUTE PROGRAMME:
General Superintendent, Rev. R. Lalrinsanga chuan Andaman Missions Field tlawhin December ni 4 Pathianni hian Port Blair, Prothrapur Kohhran-ah hun a hmang anga, Kar thar lo awm tur hian Havelock island a Kohhran ding thar te tlawh chhuahna a nei bawk ang. General Superintendent hi Rev. Biaksangliana, Kolkatta Field Director chuan a tawiawm ang.
General Secretary Rev. Zohmingthanzama chuan December ni 4 Pathianni zan hian North Mizoram District Headquarters, Tuikhuahtlang ah thusawi rawngbawlna a nei ang.
General Treasurer Rev. Lalmalsawma Sailo chuan December ni 4 Pathianni hian Bazar Kohhran ah rawngbawlna a nei ang.
General Missions Director Rev. Biaksangzuala chuan December ni 1 a Lunglei District Missions Board neih a hman pui.
———-
———-
AIZAWL EAST DISTRICT
District PYD Board:
December 2, Zirtawpni nileng khan District Committee room-ah Kumtawp District PYD Board neih a ni. He hun hi Rev C.Lalmalsawma, President chuan kaihruaiin District Kohhranpui hruaitute pawhin an telpui a ni. Aizawl East District PYD Board-ah hian Bial atang leh Official atanga agenda lutte an ngaihtuah a, he thu buatsaih lai hian an thu pass kan hre hman lo a ni. District PYD Board-ah hian Kum 2023 District PYD Budget chu Kohhranpui pawmpui turin an pawm bawk ang.
———-
District Kohhranpui Board:
December 6 atanga 8 chhung hian District Committee room-ah Aizawl East District hnuaia rorelna sang, kumtawp District Board chu neih a ni dawn. Rev KVL.Hmangaihkima, District Superintendent chuan a kaihruai anga Bial atang leh Official atanga agenda lutte an ngaihtuah dawn a ni.
———-
No Tobacco Week:
December 5 atanga 10 chhung hian Aizawl East District chhungah kum danga hman thin angin zuk leh hmuam that lohzia in zirtirna, No Tobacco week hman leh a ni dawn. He hunah hian Kohhran memberte chu zuk leh hmuam laka inthiarfihlim turin hruaitute chuan an ngen a ni.
No Tobacco week hawnna hi December 5, Thawhtan zan Dar 7 hian Vanapa Hall-ah ropui taka neih tum niin Rev Rosanga Kawlni, District Thianghlimna Committee chairman chuan inkhawm a kaihruai anga week hawnna leh thuchah tawi, Rev KVL.Hmangaihkima, District Superintendent chuan a nei dawn a ni. Rev R.Laltlankima, District Secretary chuan District Thianghlimna Committee bakah Aizawl East District ten Thianghlimna kawnga hma alak dan hrang hrang report sawiin Dr.R.Lalthangliana, Hon’ble Minister, Health Dept. etc hnen atangin thusawi ngaihthlak a ni bawk ang. No Tobacco week hawnnaah hian District Thianghlimna Committee ten Bial PYD te tana Thianghlimna kawnga Film in siam siak a buatsaih result puanna leh lawmman semna hun hman a ni bawk a, zaithiam hrang hrang an zai bawk ang. He hunah hian District Thianghlimna Committee chuan Kohhran memberte kal vek tura ngenna siamin Aizawl khawpui chhung Bial te chu mi 50 aia tlem lo kal turin ngenna a siam bawk a ni.
———-
Thingsulthliah Naupangte:
November 22, Thawhlehni khan Thingsulthliah Local NPSS te chuan District Office tlawhin District Office hruaitute leh Staff ten an lo dawngsawng a, an pualin District Office-ah hun tawi hman a ni. Hun tawi hman hi Rev. K.Lalawmpuia, Office Head Assistant chuan kaihruaiin District Office inkaihhruaina hrang hrang bakah District Office staff inhmelhriattirna a nei a ni. Thingsulthliah NPSS hruaitute hnen atangin thusawi tawi ngaihthlak ni bawkin fehchhuahin a tum ber chu thangthar Pentecost naupangten Aizawl hmuna kohhran hmun pawimawhte hmuhtir a, kohhran inrelbawl dan pawimawh te hriattir a nih thu an sawi a, “Junior atanga Doctrinal Dept., Naupang leh Zirtirtu an vaiin mi 32 an rawn fehchhuah thu ngaihthlak a ni bawk.
———-
Pathian thu zirhona leh Revival hun hmang:
November 28, Thawhtan zan khan Bethlehem Bial PYD te chuan District PYD Conference rorel bawhzuiin Bethlehem Vengthlangah Pathian thu zirhona leh Revival inkhawm hlawhtling takin an hmang. He hunah hian Speaker-ah T.Upa Lalthansanga Kalwni hman niin Bial chhung atangin PYD member an kal tha a, hlim takin hun an hmang a ni.
Mithar leh baptisma chang thar:
November 27, Pathianni khan Thuampui bial, Thuampui vengtharah District ramlak beihpui thlakna puala rawngbawltu Evan Lalamena rawngbawlnaah mi 3 in sual ngaihdamnan Isua hmingin baptisma an chang a. Baptisma chang zing a mi 2 hi mithar an ni.
November 27, Pathianni vek khan Leng Local-ah mi 2 in sual ngaihdamna baptisma an chang thar bawk. Baptisma changte hi Nupa niin hun hmasa lama Kohhrana sengluh tawhte an ni.
November 30, Nilai zan khan Rabung Bial Murlen hmunah mi 2 in Bialtu Pastor HMS Dawngkima kutah sual ngaihdamna baptisma an chang bawk a, pakhat hi mithar niin Kohhranah sengluh a ni.
———-
HRIATTIRNA
Aizawl East District Missions Department chuan a hnuaia mi ang hian District Missions Evangelist a la dawn a, he lehkha chhuah atang hian dil theih a ni e.
Hna hming : District Missions Evangelist.
Thawh hun tur : January – December 2023.
Hlawh : Rs 15000.00 Pm + gratuity 5% of pay + Quarters.
Dilthei chin : Kohhran a rawngbawltu chin.
Dil theih hun : Dt 13th December 2022 thleng.
Interview hun tur : Dt 14th December 2022. 11 : 00 AM
Interview na hmun tur : District Committee Room.
Thil tel ngaite :
1. Tualchhung kohhran recommend na,
2. Bialtu Pastor recommend na.
Personal Information :
Diltu hming :
Pa/NU Hming :
Pian ni/thla/ kum :
Address :
* Dilna hi plain paper-ah ziakin Director hnenah thawn tur a ni, Pdf. format in Whatsapp a thawn pawh pawm a ni ang.
* Interview a kal te hi TA/DA pek an ni dawn lova, mahni in tum tur a ni e.
* Zawhfiah tur nei te chuan District Missions OB te zawh fiah mai nise
———-
———-
NORTH MIZORAM DISTRICT
DISTRICT HRUAITUTE PROGRAMME:
District hruaitu Pathum Superintendent, Secretary , Treasurer leh Missions Director te chuan Nov ni 28 thawhtan leh a tuk Nov ni 29 thawhlehni khan Gen Executive Committee neiin Gen Office Mualpuiah hun an hmang.
———-
BIAL JOINT REVIVAL NEI:
NMD huam chhunga Bial 31 te chuan Dec. ni 3 leh ni 4 hmang hian Bial group-6-ah insiamin Group patukte’n a hmun an ruatah a rualin Joint Revival an hmang, Bial Joint revival hi hlawk taka hmang thinin, confe rorel leh thildang behbawk awm lovin Pathian thlarauah intuaitharnan an hmang thin a ni.
Group insiamah hian Revival Confe dawngtu apiangten rorel kaihhruaina thawkin kum thar lamah revival thlenna hmun tur leh Confe programme te duangin Pathian thlaraua hlawk thei ang ber turin Programme pawh duan thin a ni. (BIal Joint Revival)
———-
BUILDING COMMITTEE THUKHAWM:
Nov ni 30 Nilaini khan NMD Building committee chu Rev. Chhiarpuia kaihhuaiin Dist. Supdt. Chamber-ah meeting an nei: Meeting-ah hian NMD huam chhunga Biak in, Qtrs leh Centre an neihah construction kallai te an thlir ho bakah kohhran buaiin a nan, tun hnua Court in a pek let leh te a hman tangkai dan tur te an sawi ho a ni (Building)
———-
DISTRICT MISSIONS BOARD THU:
Dec. ni 1 Ningani khan NMD Missions Board chu Dist. Missions Director Rev C. Lalramthanga kaihhruaiin, NMD Hqrs. Kohhran Biak inah an thukhawm, District Board hi District puipa 3 ten hovin, Gen. Missions Director Rev. Biaksangliana’n a rawn ho thei bawk.
District Board-ah hian Missionary Pay thar siam chungchang te, Missionary Transfer and Posting bakah District Office-a Missionary attached-a dah chungchang te an sawi ho va, hei bakah hian Director rual Gen. Missions Field-a fehchhuah dan chungchang te an sawi ho bawk a ni. (District Missions Board)
———-
MAMIT BIAL CHHUNGA DARLAK BIAK IN THAR HAWN A NI:
Mamit Bial chhunga Darlak Biak In thar chu Rev. K.Lalduhsanga, Secretary, North Mizoram District chuan a hawng.
Hawnna programme hi Pastor Vanlalruata, Mamit Bialtu Pastor in kaihruaiin Rev. K.Lalduhsanga chuan ribbon chep chat in Biak In thar hi Lal Isua hmingin a hawng a, Biak in chhung inkhawm Upa Lalchunglura’n kaihruaiin Bialtu Pastor Vanlalruata hnen atangin report hrang hrang ngaihthlak a nib awk.
Dist Secy. Rev. K.Lalduhsanga hnen atangin Pathian thuchah ropui tak ngaihthlak a niin, Inkhawm banah Biak in thar hawn lawmna ruai theh a ni.
Biak In thar hawn programme hi Nov ni 19 Inrinni zan atanga hman tan niin, inrinni zan hian Sist. K.Lalhmachhuani B/W, Secy, Dist. LAD -in Pathian thuchah a sawi a, Pathianni zanah Evan Lalchhuanmawia Sailo, Director, Missions Department, Hqrs. Bial hnen atangin Pathian thuchah ngaihthlak a ni bawk. Hun hman chhung hian Sist. Malsawmdawngliani, High School Veng Local, Mamit chuan zaia rawngbawlna a nei thin a. Darlak Biak in hawn programme hi Mamit Bial chhung atangin kohhran member thahnem takin an hmanpui bawk a ni.
Darlak Biak In hi kum 2016 atanga sak tan niin Kum 2020 khan sak zawh a ni a, a sak na tur atan hian mi inphal te hnen atangin sum leh tha tam tak sen a ni bawk. . (Pic Darlak)
———-
UPC-NEI, NORTH MIZORAM DISTRICT SUNDAY SCHOOL CONFERENCE VAWI – 41 HMAN A NI:
Nov ni 18th Zirtawpni chhun leh zan hmangin UPC-NEI, North Mizoram District Sunday School Conference vawi – 41 na chu North Mizoram District Chaltlang Bial, Bawngkawn Kohhran Biak inah Conference rorela hman niin rorel palai mi 127 in ro an rel.
Conference hawnna leh hlanna Rev. K. Lalduhsanga, NM Dist. Secretary-in a neiin NEI huapa Sunday School hmasawnna tur Zirlaibu-ah te, zirlai zir dan chungchangah te thu tha tak tak a sawi.
Gen. SS Director Rev. Laichhingpuia’n thu sawi bawkin Gen SS hmalakna hrang hrang tarlangin hnam dangte zi ratan zirlaibu English version nei tura hmalakna tluang taka a kal mek thu te, report a pe bawk.
Dist. Supdt. Rev. Chhiarpuia hun pek a nih angin Confe rorel zawhah thu sawiin- ‘rawngbawltute’n kan mawhphurhna kentel hna hi kan ngai pawimawh lo a nih chuan kan nihna kan ngaisang lo a ni’ tiin mahni hna theuha rinawm leh tui taka hna thawk turin rawngbawltute a chah bawk.
Dar 12:00 Noon-ah Dist. SS Director Rev. Lalruatkima Fanai kaihhruaiin rorel inkhawm neih a ni a, rorel tlangpui te:-
1. Dist SS Conference thlenna tura ruahmanna hetiang hian passed a ni.
a. Dinthar Bial – 2023
b. Chawlhhmun Bial – 2024
c. Hunthar Bial – 2025
d. Tlangnuam Bial – 2026
(Confe neih hun hi kumtin Nov Zirtawpni vawi 3-na zel a ni ang)
2. Kum 2023-ah District hruaitute’n Bial tinah seminar cum retreate neihpui nise tih chu passed a ni.
3. North Mizoram Dist. Sunday School Dept in sunday Hall sak tanpuina a pek thin hi tam tham deuh zawka pek a nih theih nan hmalak ni se.
Confe. report bu in a tarlan danin hetiang hi NMD SS dinhmun tlangpui chu a ni:-
Kohhran zat 191, SS nei thei zat 181, SS nei thei lo zat 10, NPSS chawhnu inkhawm thei zat: 61, SS Hall neih zat: 130, SS Hall nei lo: 64, SS Hall nei thar: 12, Camping buatsih zat: 19, Thlarau Baptisma chang thar (Naupang bik) 299, Puitling hming ziak: 12621, Puitling Dept. hming ziak zawng zawng: 13829. Naupang lam hming ziak zawng zawng: 8456 leh Puitling leh Naupang hmingziak zawng zawng: 22285 (Dist. SS Confe Pic)
———-
DISABLE SUNDAY CHUNGCHANGA DAN RUAHMAN DISTRICT BOARD-A PHARH TUR REL:
Nimin Nov ni 22 thawhlehni chawhma dar 11:00Am khan Disable Sunday kohhranin a hman thin chungchanga ruahmanna kalpui dan tur District Board thuneihna a pek anga lo ruahman tura a tihte chuan Dist. Supdt. Rev. Chhiafpuia kaihhruaiin Dist. Supdt room-ah meeting an nei a, ruahmanna hrang hrang an neih te, Dist. Board neih huna pharh atan an peih fel a ni. (Pic. Disable Committee)
———-
DISTRICT PYD CONFERENCE ROREL THUTKHAWM:
NMD PYD te chuan Confe vawi 55-na rorel Dec ni 2 Zirtawpni khan neiin; Rorel inkhawm Evan. Jeno Vanlalruata’n a kaihruai, Confe rorel hi Hqrs. Bial, Hqrs Kohhran Biak in Tuikhuahtlangah neih a ni a, District Puipa pathumte’n an tawiawm thei bawk. Chanchin buatsaih lai hian rorel thuchhuak kimchang hriat theih ani hrih lo a ni.
NMD PYD Board in Conference rorel tur lo enlawktu atana a ruat Reso Comt chu Nov ni 22 thawhlehni khan NMD Office PYD Room-ah an lo thukhawm tawh bawk a ni. (Dist. PYD Confe)
———-
BAPTISMA KHUR SIAM:
Chawlhhmun Bial Missions Dept te chuan NMD enkawl Camping Centre, Sakawrtuichhuan Biak in kawtah Baptisma khur mawi tak siamin work camp in hna an thawk a, an inpekna leh an kut chhuak mawi tak avangin NMD hruaitute chuan lawmthu an sawi a ni. (Baptisma khur)
———-
KRISMAS HMANNA TUR PE:
NMD Hqrs Local LAD te chuan Missions Dept enkawl Field zinga a mamawhzual te Krismas hmanna turin District Missions-ah Nov. ni 25 khan Rs 20000 hlanin, thilpek hi Sist. Sawmtei Hqrs Local LAD President chuan Dist. Missions Treasurer Evan. MS Dawngliana kutah a hlan a ni. Thilpek petute chungah an pek Missions Field te leh Dist. Missions hruaitute’n lawmthu an sawi.
———-
NMD LAD TEN DISTRICT GUEST ROOM TAN MUTBU PE:
Nov. ni 28 thawhtanni khan UPC, NMZ Dist.Hqrts Office building Guest room-a dah turin Dist.LAD Hruaitute chuan Cheng singthum vel zet sengin Mutbu mamawh hrang hrang Donlop 5, Blanket 5, Lukham 5, Lukham case 6 leh Bedsheet 6 leiin Dist. Office-ah an hlan. Thilpek hi NMD LAD President Sist. K. Lalhmachhuani leh Sist. Chhuankungi Dist. LAD Trea. Ten an pe a ni (DIst. LAD)
———-
AILAWNG RAWNGBAWLNA KAL ZELAH MITHAR NEIH ANI:
Nov. ni 15 atanga Evan C. Lalruatsanga leh a team te Reiek Bial Ailawnga Chhandamna Camping Pathian awmpuina changing Nov ni 18 Zirtawp zan khan Baptist Nula Sist. Nuntharmawii chuan Pathian thuthlung hmuin Sual ngaihdamna Baptisma Evan. C. Lalruatsanga kutah a chang a. mithar hi Bialtu Pastor Rev. Lalchuailova’n Nimin Nov ni 20 Pathianni zing khan a lawmlut.
Ailawng Kohhranpui buatsaih Chhandamna Campingah hian Campers 31 lutin, mi 11 in sual ngaihdamna Baptisma an chang.
He rawngbawlna kalzelah hian Nov. ni 22 (Thawhlehni) khan Sist. Thansiami te chhungin Pathian chawimawina an nei bawk. (Ailawng rawngbawlna)
———-
Tlangnuam Local Missions Dept te work camp turin fehchhuak:
Tlangnuam Local Missions Department te chuan Nov ni 21 thawhtanni khan NM District Home Missions Field, Vitor Kalagang Missionary quarters Bathroom, Varandah, Ceiling leh tul dang dang Workcamp a tihsakin member 9 lai an fehchhuak a, Quarter nuam buatsaih saktu TLangnuam Local Missions Dept te chungah Dist. Missions hruaitute leh Vitor Kalagange Missionary ten lawmthu an sawi a ni. (Tlangnuam MD workcamp)
———-
Sihthiang kohhran tlawh:
Nov ni 20 khan Rengdil kohhran te chuan Sihthiang MF tlawhin Sihthiang Mission Field member te nen Maicham buatsaihin Rengdil Bialtu Pastor Rev. C. Laltlanchhuana’n Pathian thuchah sawiin rawngbawlna a nei a, Pastor hian Mithar pa 3 lawmluhna a nei Pastor kut vekah hian member pa 4 in sual ngaihdamna Baptisma an chang a ni. (Sihthiang tlawh)
———-
Mualthuam west Biak in chung chih zo:
District Missions hmalaknaa Mualthuam West Biak in sak kal mek chu Nov ni 21 khan Dist. Missions Director leh Rengdil Bialtu Rev. C. Laltlanchhuaha te bakah Lalpaa mi inpe tirhkoh leh rawngbawltute nen a chhunzawm hna an thawk a, Nov ni 22-ah inchhun hlang felin tukthuan eikhamah Dynaroof chih nghalin hemi ni vek hian an zo a, Mualthuam west kohhrante pawh an lawm hle. (Mualthuam Biak in)
———-
BAWNGVA BIAK LN HMUN TUR LEI FEL A NI:
Tun hnai maia Kohhran dintharna hmun Bawngva Nov ni 22 thawhlehni khan District Missions Dep’t chuan Bawngva PP Biak ln sakna turin Pu Hruaia of Bawngva ln hmun leh a ln dinglai chu lei a ni ta.
———-
MITHAR NEIH A NI:
Nov. ni 20 khan NMD Mission Field hrang hrangah hetiang hian mithar neih report dawn a ni.
1. Kanaan thar( Bairabi bial) Sist. F. Lalsiamliani awmnaah mi thar 4
2. Sihthiang (Rengdil Bial) Evan. F. Lalbiaknia awmnaah 3
3. Kolalian (Rengdil Bial) Evan. Hrangchhankhuma awmnaah 1
Mithar neih zawng zawng zat hi 8 an ni.
———-
SAILAM PREACHING POINT HAWN INKHAWM NEIH A NI:
Nov ni 20 Pathianni khan Sailam khuaah Preaching point hawnna programe hman niin; Bialtu Pastor K. Vanlaldika’n Preaching Point hawnna hi Lal Isua hmingin a nei, hetihrual hian Sailam Preaching Point tan hian kohhran mamawh Inverter leisak a nib awk. (Sailam PP)
———-
MAUBAWK BIAL PYD BUATSAIH CRUSADE NEIH A NI:
Maubawk bial PYD buatsaih Revival Cruasade chu Nov ni 16 Nilai zan atangin Bungkawn kohhranah neiin, hemi rah kal zelah Nov ni 20 Pathianni khan Maubawk Bial PYD President T.Upa David Zodinpuia te chhung chuan kohhranah ₹ 70,000 pein Pathian chawimawina neih a ni.
———-
KANATHAR RAWNGBAWLNA:
Nov ni 21-27 Chhung khan Kananthar Mission Fiedl ruahmannain revival-crusade neih a ni a, Speaker atan Missionary Evan Emmanuel Lalrawngbawlzela Rajdali missionry chu hman a ni.
Crusade neih chhung Pathian awmpuina dawngin Inrinni-ah lang camp neih a ni a campers 46 lutin Pathian thlarau dawng thar mi 8 awmin siamtharna chang mi 5 an awm bakah sualngaihdamna baptisma chang mi 3 an awm bawk a ni.
Crusade chhung hian Bro Lalramthara leh Sist Zosiamliani kananthar ten zaia rawngbawlna an nei thin bawk a ni (Pic. Kananthar)
———-
ZAIPAWL SILVER JUBILEE LAWMNA HUN HMANG:
Dinthar Bial PYD Zaipawl te chuan Nov. ni 21 Thawhțan zan khan Zaipawl Silver Jubilee lawmna Dinthar Biak inah an hmang. Bro. Samuela Hmar, Chairman Music Committee chuan kaihruaiin; Evan. Lalliankima, Music Committee member-in hunserh hmangin Bro. H. Lalmalsawma, Secretary Music Committee hnen atangin Zaipawl chanchin report ngaihthlak a nih bakah Dinthar Bialtu Rev. Laltluanga, chuan Souvenir release na hun a hmang bawk.
Hemi zan hian zaipawla lo tel tawh leh bul tumtu an mi sawm atangin member 20 lai an kal thei a ni, Zaipawl a lo tel tawh member 81 leh Standing Choir member 24 te hnenah memento mawi tak hlan an nih bakah chawl lova kum 10 lo tel tawh member pali te hnenah chawimawina hlan an ni bawk.
Dinthar Bial Zaipawl Silver Jubilee lawmna hi N. Mizoram District Music Committee OB te sawm an nih angin he hunah hian an tel thei a, General Choir leh North Mizoram District Choir ten Jubilee lawmna telpuiin fak hla an rem bawk. (Dinthar Bial Silver)
———-
CHANMARI WEST PYD TEN PARK TIHFAI HNATLANG NEI:
Nov ni 21 thawhṭan zan PYD inkhawm banah Chanmari West PYD, Chaltlang Bial, UPC-NEI te chuan Chanmari West YMA Park (thlamual hlui) tifaiin hnatlang an nei.
YMA Park hi veng chhung hmun laili leh mi veivak tamna a nih avangin bawlhhlawh tharlam a awm ve reng a, heng bawlhlawh te hi chhar faiin halral theih te hal ralin tihfai hnatlang an nei a ni. (Chanmari West PYD)
———-
———-
LUNGLEI DISTRICT
ASC HOME THILPEK HLAN:
Lunglei District Missions Department leh Home Missionary Welfare-te chuan November ni 23 Nilaini khan ASC Home, Kolasib-ah \anpuina an hlan.
November ni 23 Nilai zan khan ASC Home Chapel-ah inkhawmna neih a ni a, he hun hi Home Superintendent Evan.C.Vanlalruatan a kaihruai a, Rev.R.Vanlalenga, District Missions Director chuan thuchah sawiin Evan. K. Lalhlupuia Home Missionary Welfare Chairman-in thu tawi sawina a nei bawk.
Lunglei District Missions Department aiawh hian Rev.R.Vanlalenga chuan Rs.10000 a hlan a, Home Missionary Welfare aiawhin Evan. R. Lalrokhawma chuan Rs.15000 a hlan bawk.
Home Missionary Welfare hian kumin 2022 Project atan ASC Home \anpuina hi pek nise tiin an rel a, chumi Project atan chuan Missionary-te hian thla tin an lawmman a\angin an thawh khawm a ni.
He thilpek hlanna ah hian District Missions Director bakah Home Missionary 8 te an tel kim thei a ni.
———-
THISEN PE :
Lunglei District P.Y.D. Conference-in Blood Donation neih nise a tih bawhzuiin Sertlangpui bial PYD-te chuan November ni 28 Thawh\anni khan Lunglei Civil Hospital tan thisen unit 23 an pe.
Sertlangpui Local Sunday School Hall-a thisen pekna neih ah hian Mipa 21 leh Hmeichhia 2 avaiin Unit 23 pek a ni. Thisen hi Blood bank-a thawktuten Sertlangpui ah hian an kal chilh a ni.
Thisen hi bial hrang hrangin an pe tawh a, Lunglei District PYD hian kumin chhung hian thisen hi Unit 447 a pe tawh a ni.
———-
CRUSADE :
November ni 29 Thawhlehni a\ang khan Theiriat Local-te chuan Crusade an buatsaih a, Speaker atan Thingsai bialtu Pastor Lallawmsanga chu an hmang. He Crusade hian December ni 4 Pathianni thleng a awh ang.
———-
CRUSADE CUM LANG CAMP :
December ni 1, Ningani a\ang khan Zawlpui Local-te chuan Crusade Cum Lang Camp an buatsaih a, Speaker atan Luangmual bialtu Pastor Rev.Lalbiakdika Chawhte chu an hmang.
December ni 2, Zirtawpni khan Upa leh Church Board Member-te tan lang Camp hi neih a ni a, December ni 3 Inrinni hian PYD & LAD tan lang Camp neih chhunzawm leh niin December ni 4, Pathianni chawhnu hian PCD pualin lang Camp hi neih leh a ni ang.
———-
MISSIONS FIELD-AH RAWNGBAWLNA NEI DAWN:
December ni 4, Pathianni hian Headquarters Local PYD-te chuan Chengpui Missions Field-ah rawngbawlna an nei ang.
Headquarters Local PYD-te hian langin Chengpui hi an tlawh dawn a, zingah kalin zan inkhawm banah an haw ang a, Chengpui Missions Field tan hian Rs.5000 an hlan bawk ang.
———-
CAMPING :
November ni 29 Thawhlehni a\ang khan Cherhlun Local-te chuan Camping an buatsaih a, Campers 50 chuang an awm. Speaker atan bialtu Pastor K.Lalnunpuia chu an hmang. He hun hi December ni 4 Pathianni thlengin an hmang ang.
———-
———-
LAWNGTLAI WEST DISTRICT
Rev.F.Lalbiakthuama
District Superintendent.
Date 04.Dec.2022 diltlang south bial rawngbawltu ni a hmanpui a nga Seminar neihpui in rawngbawltu pawimawhna leh practical training.zirtirna a nei ang.
Rev.Lalsawmliana Sailo.
District secretary
Date 03-04.Dec.2022 ah Sawizawh East ah rawngbawltu ni a hman pui anga resource person niin leadership and practical ministry chungchang a neihpui ang, tin,Baptisma rawngbawlna a nei nghal bawk ang
Pastor S.Vanlallunghnema
District Treasurer
Sacrament rawngbawlna tiang hian a nei ang,date.30 zanah hqrs local aha nei a nga dt.03.Dec.22 zanah AOC local ah,dt.04.Dec.22 zan ah bazar local ah,dt.07.Dec.22 zanah council veng local ah te a nei dawn a ni.
———-
MITHAR LAWM LUH LEH NAUHLAN
November ni 27 Pathianni khan Evan Eliazar K.Vanlalvena Home missionary chuan Saizawh East field ah mithar pathum lawm lutin naute pahnih hlanna a nei a ni.
Pathianni hian Lawngtlai AOC Local Church ah Upa L.Lalnunzira Local Chairman chuan kohhran member duhawm tak mai pali(4) lawmluhna a nei a ni.
Pathianni hian Ngengpuikai Home Mission field ah Evan.PC Vanlalpeka chuan chhungkaw khat member thar pariat(8) awmna chu Lalpa Isua hming lawmluhna a nei a ni.
———-
Insak sak:
November ni 29 khan Saizawh Home mission field kohhran te chuan kohhrana lut thar te tan chenna in an sak sak. Saizawh ah hian rawngbawlna a in hawngin nasa takin kohhran hote leh field worker awm mek te an thawh hona a tha in nasa takin thuthlung puan chhuahna an nei thin bawk a ni.
———-
———-
CHHIMTUIPUI DISTRICT NEWS
MI THAR LAWMLUT
Ni 27.11.2022 Pathian ni khan Evan Jona Lalrintluanga chuan chhungkaw khat (member pahnih) chu pangkhua kohhran member ni turin kohhranah a lawm lut.Kumin hian pangkhua kohhran ah hian member thar mi 22 Lalpan a pe ani.
———-
BIAL SUNDAY SCHOOL CAMPAIGN NEI
Ni 27.11.2022 Pathian ni khan Siaha West bial Sunday school department hruaitu te chuan a thawh hnihna atan “kan fate i chhanhim ang u” tih thupui bawhzui nan Sunday school campaign hlawhtling tak an nei.Council vaih local ah Rev Thanchunga sailo Director in hun a hmanga, district headquarters ah Rbt Vanlalruatkima Secretary leh Upa V Lalninghaka Treasurer ten hun an hmang ve bawk ani.
———-
KOHHRAN TAN LUANGCHHUAK
Ni 26.11.2022 khan Sangau bialtu pastor V. Lalhlimpuia chuan Pangkhua kohhrante tlawhin kohhran tan a luangchhuak te thilpek hlanna anei.Pangkhua home mission field tan hian mi in phal ten thilpek pe leh in:
Rbt.S.Vabeima Pulpit a siamsak
Rbt.J Lalhruatchhunga Solar Battery a leisak
Bro.R.Lalsawmliana Sana pui a leisak
Siahatla PMD ten biak in parda tur an leisak.
BIAK IN SA CHHUNZAWM
Tuipang ‘V’ kohhrante chuan biak in sak chhunzawm zelin,biak in chhung leh ceiling rawng hnawi in,aluminium tukver te siam hna an thawk mek ani.Tuipang ‘V’ kohhrante hian 2023 February ah biak in hi hawng hman turin peih fel an tum ani.tun ah hian Generator 3kv leh stabilizer 5kv, Inverter leh a battery te pawh an lei tawh ani.
Facebook