GENERAL HRUAITUTE PROGRAMME:
General Superintendent Rev. R. Lalrinsanga chuan April ni 7 Good Friday ni khan Delhi Kohhran-ah rawngbawlna neiin hun a hmang a, April ni 9 Easter Sunday hian Aggra kohhran ah rawngbawlna a nei leh ang.
General Secretary Rev. Zohmingthanzama chuan April ni 6 leh ni 7 khan Lungleng North kohhran ah Good Friday Programme hmanpuiin rawngbawlna a nei.
General Treasurer Rev. Lalmalsawma Sailo chuan April ni 4 khan Dinthar Bial-ah Seminar neiin Church Administration chung chang a zirtir, April ni 6 Lungngaih zan ah Salem Kohhran ah Sacrament semin rawngbawlna a nei a, Good friday ni chhun Inkhawm ah Mualpui kohhran ah thusawiin zan ah Tuikual N Kohhranah rawngbawlna a nei bawk. April ni 9 Easter Sunday chhun ah ITI Kohhran ah hun hmangin zan ah Dinthar Kohhran ah hun a hmang bawk ang.
General Missions Director, Rev. R. Laichhingpuia chuan April ni 7 Good Friday zan khan Mualpui Kohhran ah thusawi rawngbawlna a nei.
General Sunday School Director, Rev. Biaksangzuala chuan April ni 6 Lungngaih zan khan ITI Kohhran ah sacrament rawngbawlna a nei a, April ni 9 Easter Sunday zan ah Mualpui Kohhran ah thusawi rawngbawlna a nei bawk ang.
———-
TLANGNUAM BIAL LAD TEN GENERAL OFFICE TLAWH
North Mizoram District, Tlangnuam Bial LAD te chuan Bial rorel bawh zuiin April ni 4 thawhleh ni khan UPC North East India General Headquarters Office, Mualpui Salem veng an tlawh.
Tlangnuam Bial LAD te hi Bialtu Pastor Rev. Lalruatkima Fanai chuan hovin Bial LAD Member 27 an lai an thawk chhuak a, General Hqrs.Office A.A. Rev. VL. Tluanga Sinate leh Genral Sunday School Director, Rev. Biaksangzuala ten lo dawngsawngin an pual hian Committee Room ah inkhawmna hun tawi neih a ni. Tlangnuam Bial LAD te hian an Bial Silver Jubilee pual in General Hqrs. Office tan Dining Table (Folding) tha tak mai chu an hlan bawk a ni.
———-
———-
AIZAWL EAST DISTRICT
District Missions Board nei:
April 4, Thawhlehni khan District Committee room-ah Rev.VL.Hnemtluanga, Director kaihhruaiin District Missions Board neih a ni. He hunah hian Bial atangin Board member an kal tha thawkhat a ni. An thu passed langsar zualte:
1. Ngentiang leh a chhehvela rawngbawltu dah chungchang Executive meeting kutah dah a ni.
2. Hliappui area Kohhran khaw 4-ah rawngbawltu rawih ni se tih niin Executive meeting ngaihtuah chhunzawm atan dah a ni.
3. District Missions Department in a enkawl Kohhran hnenah District Missions Department in tanpuina Rs 50,000/- theuh pek turah tih niin chungte chu: 1. Champhai Zote, 2. Champhai Dinthar 3. Chehrep 4. Sialhawk
4. Bial thenkhat atangin an bial chhungah Rawngbawltu dah sak tura an ngenna chu Executive meeting-ah a tul angin ruahmanna lo siam se tih a ni.
5. District Media Cell ten hmanraw leina tur atana sponsor an dilna chu Rs 200,000 pek tura tih a ni.
———-
Puanthui zirna tan:
Aizawl East District LAD ten a thlawna puanthui zirna an buatsaih chu April 4, Thawhlehni atang khan Class kal tan a ni. Class tan hma hian District hruaitute hnen atangin hriattur hrang hrang ngaihthlak a ni a, hunserh tawi hman a ni bawk.
Tarlan tawh thin angin Kum 2022 District LAD Conference Zohmun-a neih chuan Tailoring Training Centre din ni se a tih angin District hruaituten chak takin hma an laa, March 31, Zirtawpni khan puanthui zirna hi Rev KVL. Hmangaihkima, District Superintendent chuan alo hawng tawh a ni. Puanthui zirtirtu tur atan hian Sis Lalramnghahchhani, Bethlehem chu lak niin a zirtur, 1st batch atan hian Bial hrang hrang atangin mi 10 lak an ni bawk. April 4.2023 khan class an kal tana thla 6 chhung an zir dawn a ni. Puanthui zirna hi District Buidling hlui chhawng chung berah neih a ni.
———-
Charge hlan:
April 3.2023, Thawhtanni khan District Missions Treasurer atana ruat thar Evan Lalramzauva, Bethlehem Vengthlang chuan Director Rev.VL.Hnemtluanga hnen atangin Charge a la. Charge inhlanna hi Office-ah neih niin Rev.R.Laltlankima, District Secretary in tawngtaina a hmang a ni.
District Missions Treasurer mawhphurhna chelhtu Evan C.Lalchhuanga chu District Board-in Pastor atana a lak avangin Director kutah hian Treasurer hian charge a hlan a, tichuan District Kohhranpui Board March 28-a neih chuan Evan Lalramzauva hi Missions Treasurer atan ruatin vawiin hian Director hnen atangin District Missions Treasurer mawhphurhna hi ala leh ta a ni.
———-
Good Friday:
April 7, Zirtawpni kha Isua Krista, kan tana a tawrhna champha, Good Friday a nih angin District chhunga tualchhung kohhran hrang hrangten urhsun takin an hmang hlawm a, April 6, Ninga zan kha a luangngaih zan niin tualchhung engemaw zat chu Sacrament an kilho a ni. Good Friday-ah hian Tualchhung thenkhat chu chhang ruai an kil laiin tualchhung thenkhat chuan tisa lam ruai thehin hun hlim takin an hmang hlawm a ni. Good Friday hi District hruaitute chuan hetiang hian hmun hrang hrangah rawngbawlna neiin hun an hmang a ni.
Rev KVL. Hmangaihkima, District Superintendent chuan April 6, lungngaih zanah khan Sacrament rawngbawlna neiin Bazar Local-ah hun a hmang a, Good Friday chawhma khan Zemabawk West Kohhranah Sacrament rawngbawlna a nei leh bawk a ni.
Rev R. Laltlankima, District Secretary chuan District Hqrs. Kohhran-ah Speaker-ah tangin rawngbawlna a nei a ni.
Rev H. Lalropuia, District Treasurer chuan Bethlehem Vengthlang Kohhranah Good Friday khan thusawi rawngbawlna neiin hun a hmang a ni.
Rev VL. Hnemtluanga, Missions Director chuan lungngaih zan khan Republic Vengthlang Kohhranah Sacrament rawngbawlna neiin Good Friday pawh Republic Vengthlang Kohhranah a hmang nghal a ni.
———-
———-
NORTH MIZORAM DISTRICT
DISTRICT HRUAITUTE GOOD FRIDAH LEH EASTER SUNDAY PROGRAMME
District Superintendent: UPC-North Mizoram District Supdt. Rev. Chhiarpuia chuan Lal Isua Lungngaih zan April ni 6-ah Sakrament rawngbawlna Headquarters Kohhran Tuikhuahtlangah a nei ang a, a tuk Good Friday April ni 7 chu Sihphir Bial Nausel kohrante hun hmanpuiin zanah Zemabawk (AED)-ah hun a hmang thung ang.
District Secretary: District Secretary Rev. K. Lalduhsanga chuan Good Friday Programme Kolasib Venglai Kohhrante a hmanpui ang a, April ni 9 Easter Sunday chu Tlangnuam Bial Silver Jubilee hman tan tur ni a nih angin Jubilee mei a det ang.
District Treasurer: District Treasurer Rev. C. Lalthantluanga chuan Good Friday atanga Easter Sunday thlengin Chaltlang Bial Chanmari Localah Speaker niin rawngbawlna a nei ang. April ni 9 Pathianni chawhnuah Tlangnuam Bial Silver Jubilee Souvenir Atlangzarh ang.
District Missions Director: District Missions Director Rev. C. Lalramthanga chuan Good Friday atanga Easter Sunday Programme Kanghmun Bial Khawrihnim kohhrante a hmanpui anga, April ni 10 thawhtanniah Damdiai Mission Field Biak in sak ruahmana en turin Damdiai-ah a chhuak leh ang.
———-
TIRHKOHKOH TIRHTE FUIHNA HUN HMANG
Dated 03.04.2023 Monday: Vawiin chawhma dar 11:00Am khan UPC North Mizoram District chuan kumin 2023 chhunga ram bei tur leh kohhran enkawl tura tirhkoh a tirh chhuah tur mi 33 te District Committee roomah intuaitharna leh fuihna hun a hmanpui.
Tirhkoh tirhchhuah inkhawm hi Rev. C. Lalthantluanga, District Treasurer chuan kaihruaiin tawngtaiin an programme hman tur a hlan a, Rev. Chhiarpuia Dist. Superintendent chuan Tirhkoh rawngbawl tura mi inpete puala fuihna thu sawiin an rawngbawlna zawn theuha kohhran tana malsawmna ni tur leh rawng an bawlsaka chu LALPA a ni tih hre tlat fo turin a fuih a ni.
He infuihna inkhawmah hian tirhkoh tirhchhuah tur zawng zawng te an kim vek a, an vaiin mi 33 niin; heng zingah hian Tirhkoh Ramtlán pakhat (1), Revival Speaker pasarih (7) leh Post nghet neia rawngbawl tur mi 25 an awm bawk a ni.
———-
MISSIONARY INDUCTION NEIH A NI
Dt.5.4.2023(Nilaini) zan khan W. Phaileng bial, Electric Veng Preaching Point a rawngbawl turin Evan H. Lalbiaktluanga, Dist kohhranpui rawih chu Pastor K. Ainawna, bialtu Pastor chuan lakluhna a nei.
Upa Pachhunga, Secretary, W. Phaileng bialin inkhawm a kaihruai a. Local hrang hrang aṭanga lo kal te leh tualchhung member te inhmelhriatirna hun hman a nih hnuin, Bialtu Pastor-in Johana 4:23-24 thu chhiarin fuihna thuchah leh inlawmluhna a nei nghal bawk. Bialtu Pastor hian bial chhung din hmun leh hmalakna hrang hrang te a sawi a. Pathian thawhpui tlaka kan thawh chuan Lalpan mal min sawm ṭhin a ni a ti a. Tin, Pentecost kohhrana rawngbawltute hian kan rawngbawlnaah mite an dam tur a ni a, mite an inrem tur a ni a, thlarau dawng thar an awm tur a ni a, thlarau bo kan sengkhawm bawk tur a ni. Kohhran hi hmasawn turin lungrualna a pawimawhzia leh thlarau leh tih tak zeta rawngbawl tur te, thlarauva rawngbawlnaah chuan thiltihtheihna a awmzia te a sawi bawk a ni.
Evan H. Lalbiaktluanga pawhin thusawina hun a nei a, W.Phaileng bialten an lo dawnsawn danah leh a awmna tur local ten an lo buaipuinaah lawmthu a sawi a. Fuihna ṭha tak tak a sawi hnuin ṭawngṭaina a nei zui a ni.
He programme ah hian Kawnmawi kohhran atangin kan missionary Bro Pentecost Thangrimawia leh member pahnih an lo kal thei a. Hqrs local ten biakin khar meuhin, he hun hi an rawn hmang bawk a ni. Kohhran mite kal nan hian Sis Vohbiki’n a lirthei phal takin a rawn thawh bawk a kan lawm hle.
———-
TIHDAM RAWNGBAWLNA NEI DAWN:
W. Phaileng Hqrs Kohhran ah Upa Lalngheta, Rengdil chuan Dt.6.4.2023(Ningani) chhun atangin Easter Sunday thleng biakin a thuhril rawngbawlna bakah tihdam rawngbawlna a nei thin dawn a. A tul angin a rawngbawl chhung pawh pawhsei zel a ni ang. A duh a piang he rawngbawlna hi lo chhim turin an insawm.
———-
SAILAM TIRHKOH LAWMLUHNA NEIH A NI:
A HMUN.Sist Chhuanpari. In SAILAM.
A hun. Dt.5.April 2023. 2.pm.Nilaini.
Chairman Rev. K .Vanlaldika
Chairmanin 11 timothe 4.5 thu leh Tita 2.8 thu chhiarin tul leh pawimawh te a sawi a, Evan Lalramthara sailo chu Sailama Rawngbawlbawl turin Lakluhna a nei, Sailam tirhkoh thar Evan Lalramthara sailo pawhin thu sawiin; Sialsuk Bial Secretary Upa H V.Ramzirliana leh Evan Laldingsanga Bial Mission Director ten thu an sawi bawk.
Hunserh tih tawpnan Evan Lalramthara sailo in tawngtaina anei a. Hunserh tih tawp ani. Bialin thingpui leh chhang tuitak a buatsaih bawk ani.
Sailam tirhkoh lakluh inkhawmah hian Thenzawl leh Sialsuk atangin mi thahnem tak an pungkhawm a ni.
———-
PGHSS IN 2023 – 2024 SESSION ATAN SCHOOL HAWNG:
PG Higher Secondary School chu 2023 – 2024 Session atan April ni 05.04.2023(Wednesday) khan hawn a ni.
Pathian hnenah Inhlantharna atan hun hman a ni a, Conference Hall ah Program hi hman a ni. Miss Laldintluangi’n Program hi kaihruaiin Miss Doris Lalrinsangi’n hunserh a hmang a ni. Principal JH Malsawmdawngliana hnen atangin fuihna thu leh Introduction a nei a, Speaker ah Managing Board Chairman Rev Chhiarpuia niin, Pathian thu tha tak leh fuihna thu tha tak tak min hrilh a, UPC International atanga kan inkhaipadiat dan chanchin bengvarthlak tak min hrilh bawk a ni. School tanni hi Hnatlan nan hman a ni a, School Naupangte pawh Uniform ha lovin an lo kal a, School rawnghnawih that te leh tihfai ngai apiang tifaiin hnatlang neih a ni.
PG Higher Secondary School ah hian Class XI an la lut lo a, tunah hian Zirlai Naupang hi 120 bawr vel an ni tawh a ni.
———-
KOLASIB VENGLAI BIAL PYD BUATSAIH
Seminar/Career Guidance neih a ni.
Ni 4 April 2023 Thawhlehni khan Venglai Sunday School Hall ah Kolasib Venglai Bial PYD hnuaia Education Sub-Committee te buatsaihin Zirlai te tana an kal zelna tura kawng inkawhhmuhna leh Zirlai ni tawh lemlo tan pawha eizawnna tlak hnathawh tur kawng inkawhhmuhna neih a ni.
He hunah hian Sis. Zoramthari Bial PYD Treasurer in hunserh hmangin, Resource Person te atangin thusawi ngaihthlak chhunzawm nghal a ni.
T.Upa Eddie Zonunkima – Youth Employment/ Non Formal Education chungchang
Sis. Vanlalrinchhani – Science Stream
Sis. Lalrempuii – Arts Stream
Bro. Lalroenga – Entrepreneurship
Resource Person atan hian Bial chhung member te ngei hman niin, kalkhawm ten hlawk thlak an ti hle a ni. He hunah hian PYD member chauh pawh nilo, Naupang Sunday School member te pawh an tel a, mi 58 in he hun hi an chhim a ni.
———-
DINTHAR BIAL CHHUNGAH BIAL BUATSAIHIN RAWNGBAWLTU SEMINAR NEIH A NI
Bial Kohhranpui Conference in alo rel tawh angin Dt. 04/04/2023 (Thawhlehni) khan Tuikual Biak inah Rawngbawltu (thuhril rawngbawlna nei chin te) Seminar, ‘Thianghlimna leh Church Administration’ tih thupui hmangin neih a ni.
Seminar hi session 2 ah țhen niin session 1 na hi chawhma dar 11 ah țanin Evan. K.Laldawla, Bial Secretary chuan a kaihruai a, hun kaihhruai nan Pathian thu: 1 Timothea 4:15-16 thu a chhiar a, fakna hla sakhona neih a ni.
Țawngțaina hun hmang turin Sis. F.Rohlupuii B/W sawm niin, țawngțaina a neih hnuin Resource Person Rev. Laltluanga Bialtu Pastor chu hun hmang turin sawm a ni a, ani hnen ațangin THIANGHLIMNA tih thupui hmangin kan thianghlimna tur hrang² heng:
1. Thinlungah
2. Mipat hmeichhiatna ah
3. Incheinaah
4. Ruihtheih thil lakah
5. Sum leh pai ah
6. Social Media țhalo lakah
7. Zuk leh hmuam ah… tih te chu paper țha tak rawn buatsaihin hun țha takin a rawn hmang a ni. Hun a hman zawh hnuin Chairman kaihhruaina in sawihona thupui tur chhawpchhuah sa hmangin sawihona neih bawk a ni.
Sawihona neih zawh hnuin Chairman in Upa R.Kapthanga, Chairman, Chawnpui Local chu țawngțaina nei turin a sawm a, Dar 1:20 pm ani a, session 1 na tihtawp a ni.
———-
CHANMARI KOHHRAN MISSIONS DEPARTMENT TE LUANG CHHUAK
Nimin April ni 3 Thawhtanni khan Chanmari Local Missions Deptt. te chuan W. Phaileng Biala kohhran tiaktir, rawngbawltu quarters sakpui nan Rs. 20000/- N.Mizoram District Missions Dept-ah an hlan. Thilpek hi Sist. Ramnunthari Local Missions Dept Treausrer in Dist. Missions Treasurer kutah a hlanin District Missions hruaitute chuan Chanmari Kohhran Missions Dept te chungah Lalpa Isua hmingin lawmthu an sawi a ni.
———-
GOSEN PREACHING POINT TIRHKOH THLAHNA PROGRAMME NEIH A NI
Nimin Dt 2.4.2023 ( Pathianni chawhnu) Dar 1:30 khan, Kolasib Rengtekawn bial : Gosen Preaching point Tirhkoh Ramchanmawia thlahna Programme bial huapin hman a ni a, Bial chhung aṭangin mi engemawzat kalin,Thlarau lam boruak ṭha tak nen hun hman a ni
He Tirhkoh thlahna Programme hi Tual upa H.Thangmalsawma bial Secy.in kaihruaiin , Bro Ramdina’n zaia rawngbawlna a nei a, Bial Kohhranpui, Bial Department hrang hrang,Mimal leh Local Dept.ṭhenkhat hnen aṭangin thlahna thilpek hlan a ni a, Bro Ramchanmawia Gosen Tirhkoh in Lawm thu sawiin , Bialtu Pastor Rev C.Lalthlenglianan Thu chah sawina hun a nei a ni
Gosen Veng ,Kolasib ah hian Nikum 2022 khan U.P.C ( N.E.I) ding thar in ,Sist J.Lalmuankimi leh a ṭhian ten Lalpa chaknain an din a, Bro Ramchanmawian Gosen P.P hi enkawl chhunzawmin ,Headquarters kohhran :North mizoram District Aizawlin Tirhkoh lawmman hi tumin …Kolasib Rengtekawn bial in Quarters luahman an tum a, Bro Ramchanmawia Gosen Tirhkoh rawngbawlna hi Lalpan mal a sawm hle a ni
———-
Ni 2, April 2023 zanah Bawngkawn Kohhranin Evan. C. Lalawmpuia thlahna leh chawimawina hun hmang
Evan.C.Lalawmpuia, thlahna hunah hian Upa. H. Lalbuatsaihan inkhawm kaihruaiin Farnu Vanlalchhuangin hun hmasa a hmang a. Bialtu Pastor Rev. P. Vanlalfelan fuihna thu sawiin hriak thih rawngbawlna a nei a. Kohhran Department hrang hrangte leh mimal țhenkhat ten thlahna/chawimawina thilhlan an pe a ni. Farnu Esther Lalramnghinglovin Pathian fakna hla sa in Evan. C. Lalawmpuia hian Pathian thu hrilin rawngbawlna a nei zui a, Rev. P. Vanlalfelan malsawm țawngțainain inkhawmna hun a khar a ni.
Ni 4, April 2023 (Tuesday) hian Evan.C.Lalawmpuia hi a rawngbawlna tur hmun, Hmuifang thlengin a hman apiangin thlah tum a ni a, a remchang apiangin țawiawm turin kan insawm nghal a ni e.
———-
HEADQUARTERS BIAL KOHHRANPUI BUATSAIHIN SERHLEH SANG TRAINING RAWNGBAWLTUTEN AN NEI
Hqrs. Bial Confe rorel bawhzuiin Hqrs. Bial chhunga local 5-ah April ni 2 Pathianni chawhnu dar 1:30 khan Kohhran serh leh sang hrang hrang heng 1) Nau hlan 2) Baptisma 3) Hriak thih 4) Kesil rawngbawl 5) Baptismal eh Sakrament rawngbawlna neih chungchangah Evangelist, Bible women, Upa leh Tual upa ten practical training an nei a, rawngbawltute’n an hlawkpui hle.
He training Local tina neihah hian rawngbawltute an kal tha hle a, hetiang hian rawngbawltute fehchhuakin rawngbawlna an nei a ni.
1. Rev. P. Chunga Headquarters Local
2. Rev. K. Darsailova Nursery Local-ah
3. Rev. HL Dawngliana Tuikual S Local
4. Rev. Lalremtluanga Khatla South Local
5. Rev. Sanghleia Sailo Mission Vengthlang Localah
———-
———-
LUNGLEI DISTRICT
GOOD FRIDAY & EASTER SUNDAY HRUAITUTE PROGRAMME :
Hetiang hi Lunglei District UPC hruaituten Good Friday leh Easter Sunday a hun an hman dan tur a ni.
– District Superintendent Rev.C.Vanlalena chuan April ni 6 zanah Ramthar Local-ah Sacrament buatsaihin rawngbawlna a nei ang a, April ni 7 Good Friday-ah a lawina Headquarters Local-ah Good Friday thuchah a sawi ang.
– District Secretary Rev.C.Lalrintluanga chuan Good Friday leh Easter Sunday hi Leite Local-ah a hmang ang.
– District Treasurer Rev.PC.Lalfakawma chuan April ni 6 zan hian Rahsiveng Local-ah Sacrament buatsaihin rawngbawlna a nei anga, April ni 9 Easter Sunday zanah Headquarters Local-ah thusawi rawngbawlna a nei ang.
– District Missions Director Rev. C. Lalhriatpuia chuan a lawina Headquarters Local-ah April ni 6 zan hian Sacrament buatsaihin rawngbawlna a nei ang a, April ni 9 Easter Sunday ah a lawina Headquarters Local-ah thusawi rawngbawlna a nei ang.
———-
———-
LAWNGTLAI WEST DISTRICT
WORK CAMP
Dt 29-30/3/2023 chhung khan Bungtlang South bial chuan bial conference rorel bawhzuiin hmawngbu biak in sak work camp neih a ni a mi sawmhnih pathum(23) thawk chhuak in, Rbt Hc.Ruala Lawngtlai AOC Local chuan work camp hi a ho a ni.
———-
LANG CAMP BUATSAIH A NI.
Date 31.March.2023 Zirtawp ni khan Lawngtlai North bial Sunday sikul buatsaihin Lawngtlai Bazar biakin ah lang camp buatsaih a ni.
Camper hi za leh sawm panga(115) in ziak lut in, Speaker ah Pastot Vanlallunghnema North bialtu leh Evan Lalduhkima Dist.Evangelist chu hmang an ni.
———-
HLA BU RELEASE NA NEI
Date 31.March.2023 Zirtawp zan khan District PCD in hla bu an buatsaih chu,Hqtrs Local ah release a ni.
Evan Lalduhkima chuan he hun hi kaihruaiin Rbt H.Lalnunmawian hunserh hmanna neiin Sist. Darthanbuangin Pathian fakna hla sa in hun hman a ni. Hla bu an buatsaih hi Pastor S.Vanlallunghnema Adviser Dist.PCD in release na hun hi a hmang bawk a ni.
He hla bu hi cheng za sawmnga(Rs.150) a zawrh chhuah tur a ni a District PDC treasurer hnenah lei theih in a awm a ni.
———-
𝐌𝐈𝐓𝐇𝐀𝐑 𝐋𝐀𝐖𝐌 𝐋𝐔𝐇𝐍𝐀 𝐍𝐄𝐈
𝐃𝐚𝐭𝐞 02.𝐀𝐩𝐫𝐢𝐥.2023 𝐏𝐚𝐭𝐡𝐢𝐚𝐧 𝐧𝐢 kh𝐚𝐧 𝐑𝐞𝐯.𝐅.𝐋𝐚𝐥𝐛𝐢𝐚𝐤𝐭𝐡𝐮𝐚𝐦𝐚 𝐃𝐢𝐬𝐭.𝐒𝐮𝐩𝐝𝐭 𝐜𝐡𝐮𝐚𝐧 𝐋𝐚𝐰𝐧𝐠𝐭𝐥𝐚𝐢 𝐂𝐨𝐮𝐧𝐜𝐢𝐥 𝐯𝐞𝐧𝐠 𝐋𝐨𝐜𝐚𝐥 𝐜𝐡𝐮𝐫𝐜𝐡 𝐚𝐡 𝐦𝐢𝐭𝐡𝐚𝐫,𝐂𝐡𝐡𝐮𝐧𝐠𝐤𝐚𝐰 𝐤𝐡𝐚𝐭(1)𝐦𝐞𝐦𝐛𝐞𝐫 𝐩𝐚𝐤𝐮𝐚(9)𝐜𝐡𝐮 𝐋𝐚𝐥𝐩𝐚 𝐈𝐬𝐮𝐚 𝐡𝐦𝐢𝐧𝐠𝐢𝐧 𝐥𝐚𝐰𝐦 𝐥𝐮𝐡𝐧𝐚 𝐚 𝐧𝐞𝐢 𝐚 𝐧𝐢.
———-
SALVATION CAMPING NEI
Date 04-09.April.2023 khan Lawngtlai North bial chuan salvation camping buatsaihin speaker ah Evan C.Lalruatsanga NMD chu hman a ni.
Kohhran chhung leh pawn atangin mi tha hnem tak lut in Pathian ah in siamthar na chang an awm nasa hle a ni.
Thawhtanni thleng camp hi neih a ni
Facebook