GENERAL HRUAITUTE PROGRAMME:
General Superintendent Rev. R. Lalrinsanga chuan April ni 15 Inrinni hian Siphir Bial rawngbawltu seminar Zanlawn ah a neih pui ang a, Inrinni zan atanga Pathianni zan thleng Revival Program neih zawmin rawngbawlna a nei ang.
General Treasurer Rev. Lalmalsawma Sailo leh General Missions Director, Rev. R. Laichhingpuia te chuan April ni 15 leh 16 hian N. Bengal & Sikkim Missions Field Conference hmanpuiin rawngbawlna an nei ang.
General Sunday School Director, Rev. Biaksangzuala chuan April ni 15 Inrinni hian N. Lunglengah Sunday School Seminar a neih pui a, Pathian ni hian Revival neiin rawngbawlna a neih chhun zawm ang.
———-
UPC NEI LITARATURE & PUBLICATION BOARD:
April ni 18, 2023 Thawhleh ni khan UPC North East India Literature and Publication Board chu Chairman Rev. Zohmingthanzama kaihhruaiin General Headquarters Committee Room, Aizawl ah neih a ni.
Literature and Publication Board meeting hian nakum 2024 UPC North East India Beihrual thupui zir tur “Ramthim rawngbawlna” tih Rev. K. Satinvela ziak chu thlir ho vin Editna neih a ni.
———-
COMPASSION CENTER PROJECT COMMITTEE:
April ni 20, 2023 Ninga ni khan Compassion Center Project Committee CCPC chu General Headquarters Committee room, salem veng Aizawl ah neih a ni.
Compassion Center Project Committee hi Chairman Rev. R. Lalrinsanga chuan kaihruaiin Audrene Scism Children Home leh Susanne Downs Boarding School chung changa hmalakna tur tul leh pawimawh hrang hrangte an rel a ni.
———-
———-
CHHIMTUIPUI DISTRICT:
MI THAR LAWM LUT :
1. Ni 9.4.2023 (Pathianni) khan Siaha College Veng II Local ah ECM Kohhran atangin chhungkaw khat member 6 Kohhran ah lawm luh an ni.
2. Ni 9.4.2023 (Pathianni) khan Ephatha Local ah Pastor J.Chawnthanga Siaha Bial Mission Director in Kohhran dang atangin chhungkaw 2 member 5 Kohhran ah a lawm lut.
3. Ni 16.4.2023 khan Vawmbuk Local Church ah Mizoram Baptist Church atangin chhungkaw 2 member 12 Kohhran ah Rev.WL Thanghre District Secretary in a lawm lut a, mi 9 in Baptisma an chang nghal a ni.
———-
BIALTU PASTOR TAN LAK LUHNA NEI :
Ni 16.4.2023 (Pathianni) khan Niawhtlang Local Church ah Niawhtlang Bial Pastor atan Pastor Larry Lalliandinga chu Rev.Joseph L.Thlauhthang District Superintendent in lak luhna a nei. Niawhtlang Kohhran ten an Pastor thar hi an lawm thiamin Bial enkawlnaah malsawmna tam tak dawng turin duhsakna an hlan a ni.
———-
DISTRICT MISSIONS DIRECTOR THAR IN QUARTERS A LUAH LUT TA :
District Missions Director thar Rev.Lalhnehchunga te chhungkua chuan Ni 15.4.2023 (Inrinni) khan a bial hlui Niawhtlang Bial atangin District Missions Director Quarters a luah lut ta. Rev.Lalhnehchunga hi a bial hlui Niawhtlang Local atangin Mi 30 chuang thlahtu neiin an ui hle a, a hna thar thawh turah malsawmna tam tak dawng turin duhsakna an hlan bawk a ni.
———-
INTLAWHTAWN HUN HMANG:
April ni 14-16.2023 chhung khan Siaha Bial LAD ten Tuipang V’ Local tlawhin rawngbawlna tluang tak leh hlawhtling takin an nei. Siaha Bial LAD hruaitute hian he Intlawhtawn programme hi kaihruaiin, Speaker atan a hmante, Rev.K.Kawngkharmawia, Dr.Aichhunga, Sis.T.Lallianmawii, Rbt.LC Khuangpari leh Sist.Hc Lalmuanpuii te hnen atangin Pathian thuchah tha tak tak ngaihthlak thin a ni bawk. Tuipang V’ Local ten Inrinni khan ruai siam sakin, hlim tak leh hlawhtling taka inthlawhtawnna hun hi hman a ni.
———-
SALVATION CAMPING NEI DAWN:
Ni 19-23.4.2023 hian Siaha College Vaih Local Church ah Salvation camping neih a ni dawn a. Speaker atan Evan.N.Thanghnuna District Evangelist hman a ni ang.
———-
SUNDAY SCHOOL MEET NEI DAWN :
Ni 21-23.4.2023 hian Archhuang Local Church ah Bial Sunday School meet neih a ni dawn a. He meet hi Bial Sunday School hruaitu ten an kaihruai anga, bial chhung Local hrang hrang atangin intihsiakna hrang hrang an nei dawn a ni.
———-
———-
LAWNGTLAI WEST DISTRICT:
LAWNGTLAI SOUTH BIAL PCD RISING DAY HMANG
April ni 14 Zirtawp zan khan Lawngtlai South bial Pentecostal Children Department(PCD)chuan a dincham pha(Rising day) an hmang a, he hun hi Lawngtlai District PCD President, District PYD Vice President leh Treasurer ten an tel pui a ni. Lawngtlai South bial ah hian kum 2014 April ni 14 khan PCD hi din tan a lo ni tawh a ni.
Hruaitu hmasate:
Chairman : Rbt. S.T lallunghnema, Mampui local
V.chairman : Rbt K.Laldinthara chandmary local
Secretary : Bro.C Lalthianghlima chandmary
Asst secretary : Upa lalhmachhuana Bethel
Treasure : Sist Z.T vanlalruatsangi chandmary
Sectional pastor : Rev.K kawngkharmawia
———-
BIAL HUAPA SEMINAR NEIH A NI:
April ni 15 Inrinni khan, Lawngtlai South bial LAD chuan mampui local ah seminar an nei. Resource person ah Rev. Lalsawmliana Sailo bialtu pastor hman niin, “Zuk leh hmuam that lohna” tih thupui hmangin seminer hi neih a ni.
———-
———-
LUNGLEI DISTRICT:
MUALTHUAM ‘S BIAK IN SAK TUR LUNGPHUM PHUM :
April ni 17 Thawhtanni khan Tawipui bial chhunga awm Mualthuam S biak in sak ṭhat tur lungphum chu bialtu Pastor Rev.R.Vanlalengan a phum.
Mualthuam S biak in sak that tur hi a dung 45ft. a vang 27ft. a sak tum niin tunah hian Mualthuam S Local-ah hian Member 90 vel an lawi mek a ni.
Lungphum phumna hun hi Tawipui bial hruaituten an telpui a ni. Mualthuam S ah hian kum 1972 ah kohhran a ding a hetah bian Biak in sak nghal a ni a, tuna an biak in sak leh tur hi Biak in 5 an sakna tur a ni.
———-
Music Festival Organising comt.an thukhawm:
April ni 16 Pathianni chawhnu khan District UPC Conference Hall ah Music Committee leh PYD lunglei District tangkawpin a buatsaih tur Music Festival chungchang ngaihtuahin Organising Committee thutkhawm vawikhatna neih a ni a, he hun hi Org.committee chairman Evan.C.Lalremchhunga chuan a kaihruai. An rorel pawimawh zualte
1. Music Festival hi October Last week ah neih nise tha tih a ni a, Solo tur lo ngaihtuah tur inruat anih bakah bial zaipawlte zai tura sawm tha tih a ni a, thusawi turin District Superintendent Rev.C.Vanlalena ruat a ni
2. Music festival buatsaih nan hian budget atan Rs.150000 (Nuaikhat singnga) ruahman a ni.
———-
———-
NORTH MIZORAM DISTRICT
DISTRICT HRUAITUTE PROGRAMME:
North Mizoram District Superintendent Rev. Chhiarpuia chuan April ni 20 ningani hian UPC-NEI Campassion Centre Committee-ah meeting neiin kolasib Khuangpuilamah a kal ang a; April ni 23 Pathianni chhun hmangin Chaltlang Bial Bawngkawn kohhrante’n an Biak in an luahluh lawmna leh hlanna inkhawm telin rawngbawlna a nei ang.
North Mizoram District Secretary Rev. K. Lalduhsanga chuan April ni 18 thawhlehni khan NEI-UPC Literature Board committee-ah telin NEI UPC General Office meeting a nei a, April ni 26- 30 Pathianni hmang hian Tlangsang Bial PYD buatsaiha Crusade neihah Speaker niin rawngbawlna a nei ang.
North Mizoram District Treasurer Rev. C. Lalthantluanga chuan April ni 20 Ningani hian Kolasib-ah kalin Compassion Centre-a meeting a nei ang. April ni 21-23 chhung hian Bro. Vanlalhruaia te chhungin Mualpui kohhran te kaltlanga Pathian chawimawina an neih turah Speaker niin rawngbawlna a nei ang.
North Mizoram District Director Rev. C. Lalramthanga chuan April ni 20 Ningani hian District Missions-in Bawngva khuaa Tirhkoh quarters an sak hmabak sak chhunzawm turin a fehchhuak ang a, Bawngvaa hun an hman zawh hnuah a tul anga Missions Field fangin S. Chhinluang Missions Field-ah Pathianni a hmang ang.
North Mizoram District Sunday School Director Lalruatkima Fanai chuan SS-a thawktute pual Seminar neiin heng hmunah te hian a fehchhuak ang:-
1. April 21, 23 Zirtawpniah Phainuam bial Saiphaiah
2. April ni 21, 23 Zirtawp zanah Bilkhawthlir Bial Dawrvengah
3. April ni 22, 23 Inrinni nilengin Bairabi bial ah
———-
K. Sarali work camp:
Rengdil Bial Missions Dept chuan April ni Dt 11 thawhlehni khan Rengdil Bial chhunga Missions Field K Sarali khuaa tirhkoh Quarter chu extend hna an thawk a, quarters extend hna hi rim taka thawkin ft 24 leh 8 a zau chu Bial Pastor Rev. C. Laltlanchhuaha hovin mawi takin an thawk zo a ni. Rengdil Bial Missions Dept te chungah hian Kohhranhote leh District Mission Dept te chuan lawmthu an sawi a ni.
———-
NAUPANG LÁNG CAMP NEI:
Thenzawl Bial Sunday School buatsaihn April ni 14-15 chhung khan Thenzawl Vengpui Biak Inah Naupang Làng Camp buatsaih a ni. He Camp-ah hian Thenzawl Bial chhunga SS Naupang mi 180 vel lutin, rawngbawltu atan Apostolic Revival Speaker Evan. T. Vanlalruata leh a team te hman an ni.
April ni 16 Pathianni ah followup programme hman niin; Pathian thu ropui tak tak ngaihthlak niin, SS Naupang zingah Thlarau thianghlim dawng thar pawh mi engemawzat an awm bawk a ni.
———-
SIHPHIR BIALAH RAWNGBAWLTU SEMINAR NEI:
April ni 15-16, 023 Pathianni hmang khan, Sihphir Bial kohhranpui buatsaihin rawngbawltu Seminar cum revival Zanlawnah neih a ni.
Seminar-ah hian NEI UPC Gen. Supdt. Rev. R Lalrinsanga chu Resource person niin; Seminar thupuiah Administration leh Leadership hman a ni a, Bial chhung rawngbawltute’n an hlawkpui hle.
———-
MAMIT BIALAH WORK CAMP NEI:
North Mizoram District Missions Deparrtment ruahmannain Mamit Bial chhunga Bawngva Preaching Point-ah leh Damdiai Missions Field ah Work-Camp neih a ni.
Bawngva Preaching Point-ah hian Chawlhhmun Headquarters Local Missions Department te chuan April ni 10 thawhtanni atanga Work Camp neiin Member 19 an thawk chhuak a, Bawngvaah hian Misssionary Quarters sak hna an thawk a ni.
Damdiai Missions Field lamah Chaltlang Bial Missions Department te thawkchhuak thungin April ni 10 Thawhtanniah vék Damdiai MF Biak in sak hna hi an tan a, Work Camp-a thawk chhuak te hi an vaiin mi 16 an ni. Damdiai MF Biak in sak hna hi Bial 16 intel khawm tena an sak tur a ni.
Bawngva leh Damdiai a hnathawh dan tur ruahman hi District Missions Director Rev. C.Lalramthanga chuan a hmunah a enpui bawk a ni.
———-
GOLDEN JUBILLEE LAWM:
April 13 ningani khan Rengdil Bial Hriphaw Local PYD te chuan an din cham vawi 50-na Golden Jubilee lawmin, Hriphaw Biak inah hun an hmang a, Jubilee Lungphum North Mizoram District Superintendent Rev Chhiarpuia chuan Jubillee lungphum a phum.
Jubillee lawmnaah hian Jubilee Dar vuak ni bawkin District Superintendent leh Bialtu Pastor ten an vaw hmasa a, PYD hruaitu lo ni tawh te bakah rawngbawltu pawimawh ten jubilee dar hi an vua a ni.
Jubilee lawmna inkhawmah hian mipui Biak in khata inkhawmin District Superintendent Rev Chhiarpuia NMD Supdt in Pathian thuchah a sawi bakah Bialtu Pastor Rev.C.Laltlanchhuaha’n PYD hruaitu lo ni tawh chatuan ram pan ta te sunna hun a hmang bawk.
Jubilee lawm ni hian Hriphaw local PYD hruaitu lo tawh zawng zawng leh hruaitu nilai te Chawimawina Citation hlan vek niin; tlaiah Jubilee ruai theh a nib awk.
———-
LEADERSHIP TRAINING NEIH A NI:
Mamit Bial Conference 2023 in a lo rel tawh angin April ni 15 Inrinni khan Mamit Headquarters Kohhran Biak Inah Leadership Training neih a ni.
Bial chhung atangin Tualchhung kohhran hrang hranga Kohhran Committee member chin leh Bial Department hrang hrang hruaitute atangin member 28 an tel thei a ni.
Leadership Training ah hian Resource Person atan NMD Treasuer Rev. C.Lalthantluanga hman a ni a, rawngbawltute leh department hrang hranga hruaitute mawhphurhna leh tih tur te ngaihthlak a ni. Hei bakah hian kohhran serh leh sang chungchangah practical te a tih niin zawhna leh chhanna hun hman a ni bawk a training naa kal ten hlawkthlak an ti hle.
———-
ORGANISING COMMITTEE DIN :
April ni 13 ningani khan District hruaitute ruahman angin an kaihhruaina hnuaiah General Conference 2024 Organising Committee din a ni.
He meeting hi Project Director, CCPC Office, ASC Home Khuangpuilamah neih niin Rev. K. Lalduhsanga, District Secretary-in a kaihruai a. Rev. C. Lalthantluanga, District Treasurer leh Kolasib Venglai leh Diakkawn Bial hruaitute an tel a ni.
Kum 2024-ah hian N. Mizoram District hian General Conference a thleng dawn a. Hei hi Kolasib Venglai Bial leh Diakkawn Bial ten inthlen tawm turin District lamin a ruahman bakah hruaituten Organising dinpui tura a tih angin Organising Committee hi din a ni.
Rev. R. Lalnithanga, Kolasib Venglai Pastor chu Chairman atan ruat a ni a, Evan. Zorermmawia Hlondo, Venglai Bial Secretary chu Org. Secretary atan ruat niin Upa R. Neihlaia, Diakkawn Bial Secretary chu Treasurer atan ruat a ni bawk. Bial 2 OB te bakah hian Dept. tin President/Director te leh PD, CCPC te Committee member atan ruat an ni a. District hruaitute pathum chu Ex-officio an ni bawk ang.
District hruaituten an lo ruahman lawk angin Gen. Conf. hi Kolasib Vengthar-a District ramah thlen tum a ni.
———-
SAKAWRTUICHHUN AH CHAWIMAWINA CRUSADE NEI:
Zirtawpni kalta April ni 14 atangin Sakawrtuichhun Biak In ah Chawimawina Crusade neih a ni. Chawimawina Crusade-ah hian Rehoboth Revival Team Speaker Evan. PC Lalramchhuanmawia leh a team ten rawngbawlna neiin; Thlarau lam malsawmna duhawm tak hnuaiah hun hmangin, an ruahman danah April ni 16 Pathianni Zan țiak tur chu Thlarau lam hnathawh leh kohhran chelhna avangin April ni 19 Nilai zan thleng rawngbawlna hi an nei a ni. Rehoboth Team te rawngbawlna Lalpan hriak a thih a, kohhranah siamthar duhawm tak a thleng a ni.
———-
SIHPHIR BIAL SEMINAR:
April ni 15-16.2023 chhung khan Rev. R Lalrinsanga Gen. Superintendent chuan, Sihphir bial Zanlawn Biak in ah Bial chhunga Rawngbawltute tan Seminar cum Revival neihpuiin hun a hmang a, Administration leh Leadership chungchang zirho a ni a, bial chhung rawngbawltuten an hlawkpui hle a ni.
———-
MITHAR NEIH REPORT
Kawnmawiah MI THAR LAWM LUT:
Pathianni kal ta April ni 16 zan inkhawmnaah khan West Phaileng Bial Kawnmawi Kohhrana lawi turin Bro. Lawmthanga te chhungkua member 5 awmna chu UPC (NEI) Kohhranah lawi turin W.Phaileng bialtu Pastor K. Ainawna’n Lal Isua hmingin a lawm lut. Hetihrual hian an fanaute’n chungah Nauhlan rawngbawlna neih nghal a ni.
Kawnmawiah hian Missionary Bro. Pentecost Thangrimawia’n rawngbawlna nei mekin ani hi Kanghmun khua chu Bro Lalruatkima s/o T. upa Vanlalruala(L) Lunglei a awm mek ten an chawmw mek a ni.
———-
S. CHHIMLUANG MISSION FIELD AH MITHAR:
April ni 16 Pathianni khan District Missions enkawl S Chhimluang Missions Field-ah thawktute rawngbawlna kaltlangin mi thar 2 (nupa tuak) Pentecost kohhrana lawi turin lawmluh an ni. Heng mithar te hi Missionsary Evan. Hrangchhankhuma chuan Lalpa Isua hmingin a lawmlut a ni.
———-
KOLASIB VENGLAI KOHHRANAH MEMBER THAR LAWM LUT :
Pathianni kal ta April ni 16 khan Kolasib Venglai Local-a lawi turin Mithar Nupa tuak thar duh awm tak Bro. Lalhunnghaka te Upa CMS Dawngliana, Director, Sunday School Dept in a lawm lut a, chawhnu inkhawmah Evan David Zothansanga Ralte in Lal Isua hmingin sual ngaihdamna baptisma a chantir bawk. Sual ngaihdamna baptisma chang te hi mi 6 an ni. Kolasib Venglai kohhrante hian kumin chhungin mithar 6 lai an neihna a ni.
———-
KOLASIB DIAKKAWN BIAL MISSIONS DEPT BUATSAIH REVIVAL KOL KHUANGPUILAM BIAK INAH NEIH A NI:
April ni 15 leh ni 16 Pathianni hmang khan Kolasib Diakkawn Bial Missions Dept buatsaihin Revival Programme hlimawm tak Kolasib Khuangpuilam Biak inah hman a ni a, he rawngbawlnaah hian Peniel Revival Team ten rawngbawlna neiin; Pathian hriakthih hnuaiah hun hlimawm tak an hmang a ni.
Peniel Revival Team-ah hian Evan. Vanlalzemawia chu team speaker niin; team member 2 dangte ten an rawngbawlna kaltlang hian Bial chhung kohhran mi engemaw zat ten thlarauva siamtharlehna changin Pathian thlarau awmpuina hnuaiah hun hlimawm tak an hmang.
———-
BAWNGKAWNAH PATHIAN CHAWIMAWINA NEI:
April ni 15-16 Inrinni leh Pathianni hmang khan Upa H. Lalbuatsaiha te chhungkuain Pathian chawimawina Kohhrante kaltlanga neiin; Speaker atan Bialtu Pastor Rev P. Vanlalfela hman a ni.
Pathian chawimawina programme kaltlangin kohhranhote zingah Thlarau thianghlim hnathawh duhawm tak thlengin Pathian chawimawina chhimtu Bial chhung local hrang hrang bakah kohhran pawn lam atang pawhin thahnem tak an awm bawk.
———-
BAWNGKAWN KOHHRANTE’N AN BIAK IN SAK AN LUAHLUT DAWN:
Chaltlang Bial Bawngkawn kohhran te chuan Apri ni 23 Pathianni hian Kohhran ten kum 2016 atanga 2023 thleng an lo luah tawh leh Pathian chibai buka rawngbawlna ropui leh thlarauthianghlimin alo chenchilh tawhna biak in chu chhuahsanin, Biak in zau zawk leh changtlung deuh zawk an sak tharah an luah lut dawn. Biak in thar luahluh leh a hlanna inkhawmah hian NMD Supdt Rev. Chhiarpuia leh Rev. P. Vanlalfela Bialtu Pastor ten rawngbawlna an nei ang.
———-
NMD PYD CONFERENCE ORGANISING COMMITTEE THUKHAWM:
North District PYD Conference Vawi 56-na Bairabi Bial a nghah tur atana Organising Committee hmasaber chu, Bairabi Bial Pastor quarters ah April ni 15 zing dar 10:30 am khan thutkhâwm a ni.
Bial kohhranpui Board rorelin Bialpui kuta a nghah angin, Bial Chairman Rev C Lalhmunliana’n Committee a kaihruai a. Organising Committee hnuaiah sub committee hrang hrang din niin Office Bearers pathum theuh leh committee memberte ruat a nih bakah Conference thlenna/nghahna hmun tur ruahmanna siam a ni a. Hmalâk zel dan turte sawihona nghal a ni bawk.
———-
SEMINAR NEIH A NI:
Tlangnuam Bial Sunday School Department hmalaknain ni 15 April 2023 (Inrinni) khan Tlangnuam Bial chhunga Sunday School Department lama mawhphurhna neitu zawng zawng pualin Lungleng I Kohhran Biak Inah Seminar neih a ni, He Seminarah hian NEI UPC Gen. Direcrtor Rev. Biaksangzuala chu resource person ah hman a ni.
Seminar hi I Session leh II Session a then niin T Upa Laltanpuia, Tlangnuam Bial SS Director chuan I Session a kaihruai a, Upa C. Laldawngliana, Saikhamakawn Local SS Director in hunserh a hmang a. NMD SS Director Pastor Lalruatkima Fanai chuan thutawi a sawi bawk. Resource person hnen atangin ZIRTIRTUTE LEH ZIRTIR DAN tih thu, thupui then hrang hrang hmangin heng topic hrang hrang:- 1. Zirtirtu dinhmun 2. Zirtirtu chu 3. Incheina chungchang 4. Zirtirna pe tura inpuahchahna thupuite hi an zir ho a ni.
Session hnihna chu Bro. Lalthanmawia, Tlangnjuam Bial SS Secretary chuan kaihruaiin; resource person hnen atangin SUNDAY SCHOOL DAY THUCHAH zir ho a ni. Rev. Biaksangzuala hian Lungleng I Kohhranah hian Pathianni zan thleng hun hmangin rawngbawlna a nei a ni.
———-
———-
AIZAWL EAST DISTRICT:
District Sunday School Executive meeting neih a ni:
April 18, Thawhlehni khan District Superintentdent Room-ah District Sunday School Executive meeting neih a ni. He hunah hian thu pawimawh tak tak ngaihtuah niin an rorel tlangpui te:-
1. Sunday School Hall sak tanpui dilna lut atangin hengte hi pek tura thlan fel an ni:
ITI Kohhran, N. Vanlaiphai Leilet Kohhran, Bungtlang Bazar Kohhran, Sakawrdai Vengpui, N. Tinghmun Kohhran, Chehrep Kohhran District SS Conference in a rel thar angin Rs 50,000/- theuh pek tur an ni a, District SS Treasurer hnenah ngaihven tur a ni.
2. District Sunday School Meet Organizing Committee ten Meet leh Spelling Bee an buatsaihna tur atan Rs. 1,50,000/- sanction a ni a. Pathianni chawhma inkhawm vawi khat Aizawl khawpui chhung Kohhran tinah thawhlawm an khawn phalsak a ni bawk.
3. Kum 2024 Naupang chawhnu inkhawm zirlaibu ziak turin Evan. Lalhmangaiha (A tê pawl) leh Sis. H. Lalremruati (A lian pawl) te ruat an ni.
4. District LAD Tailoring Training Centre tan Rs. 10,000/- aia tam lo an mamawh thilpek hlan ve nise tih a ni bawk.
———-
District Evangelist lak thar an ni:
April 19. 2023, Nilaini khan Kumin 2023 atan District Evangelist lak thar an ni. District Evangelist hi interview kaltlanga lak niin diltu mi engemaw zat an awm a ni. District Evangelist atana lak tharte chu:
1. Evan Lalbiakmuana, Zemabawk
2. Evan Lalhlimmawia, Vanbawng
3. Evan C. Lalzidinga, Champhai Zion
4. Bro Malsawmdawnga, Thuampui
5. Evan K Vanlaldika, Zemabawk Vengpui
6. Bro Joseph Lalremruata, Bethlehem
7. Bro Vanlalhruaizela, Serchhip Dinthar
8. Evan MH Laldingngheta, Maite
9. Evan Lalremhlua, Leng
10. Upa Lalrokima, Ratu Melkawn
11. Sis Vanlalpari B/W
12. Bro Ramdintluanga, Serchhip Chanmari
13. Bro H. Lallianzela, Maite
14. Evan Ramhuapliana, Lungbial
Heng District Evangelist lak tharte hian April 26, Nilaini-ah District Office-ah Briefing neih tur niin May 5. 2023-ah an awmna hmun tur thleng vek tura tih an ni. An awmna hmun tur hi District hruaituten an la ruahman dawn a ni.
———-
Revival Crusade hlawhtling takin nei:
Serchhip Bial PYD buatsaihin April 12 atanga 16 chhung khan New Serchhip Biak In-ah Revival Crusade hlawhtling taka neih a ni. He hunah hian Speaker-ah Rev H. Lalropuia, District Treasurer chu hman niin April 12, Ninga zan atang khan zantin inkhawm neih thin a ni a, Pathian Thlarau Thianghlim awmpuina hnuaiah hlim takin hun an hmang a ni. April 15, Inrinni nileng khan Pathian thu zirhona neih a ni bawk a, hlawk takin hun an hmang a ni. Serchhip Bial PYD Revival Crusade hmanah hian Bial chhung atangin PYD member engemaw zat inkhawm apiangin an tel thin a ni.
April 15 leh 16 chhung khan Thingsulthliah Bial te chuan Thingsulthliah hmunah Bial chhung rawngbawltute Retreat leh Revival hman a ni a, Bial chhung Kohhran ho te kan kal tha hle a ni. Resource person ah Bialtu Pastor, Rev C Lalengliana hman niin, Thupui ah Rawngbawltute mawhphurhna tih hman a ni. Inrinni zan atangin Revival hman zui nghal niin Speaker ah Bialtu Pastor, Rev C Lalengliana hman ani a, Kohhran ho ten a thusawi an ngaithla tui in an hlawkpui hle a, Pathianni khan Mi 7 in Isua hmingin Baptisma an changa, Thlarau malsawmna tam tak dawngin hun hlimawm tak an hmang a ni.
———-
Sunday School Seminar nei:
April 8, Inrinni nileng khan Sakawrdai Bial Sunday School Department buatsaihin Sunday School Seminar, Sakawrdai hmunah hlawhtling taka neih a ni. He hunah hian Bialtu Pastor Vanlalrosiama chu Resource person-ah hman niin Bial chhung atangin mi 30 chuang an kalthei a, hlawk thlak an ti hle a ni.
———-
District PYD OB meeting neih a ni:
April 13, Ningani khan District Office-ah District PYD OB meeting Rev C.Lalmalsawma, President kaihhruaiin neih a ni. He hunah hian OB tel kimin thu pawimawh tak tak an rel a, an thu passed langsar zualte:
1. Hetiang hian Sub- Committee OB incharge siam a ni:
1. Rev. C. Lalmalsawma, President- Music and Sound Committee
2. Evan. H. Lalhlimpuia, Vice President leh T.Upa C. Zamawia, Financial Secretary – Kumpuan Committee
3. Evan. K. Lalbiaknunga, Treasurer- Fund Raising Committee
4. Evan Lawmsangkima, Asst. Secretary- Environment Protection Committee
5. Evan. R. Vanlalpeka, Secretary- Education Committee
2. Hetiang hian Aizawl khawpui pawn Bial tlawh ni se tih a ni
1. N. Vanlaiphai Bial- May, 2023
2. Champhai Bethel leh Kahrawt Bial- October, 2023
3. Serchhip leh Serchhip Dinthar- 17th -18th June, 2023
3. District PYD hnuaia sub-committee te inpawhna tha zawk a awm theih nan Sports neih nise, a hun atan Dt 23rd June, 2023(Friday), 8:00 PM, Bethesda futsal ground nise tih a ni.
———-
Mithar leh Baptisma chang thar:
April 16, Pathianni khan Sakawrdai Bial Lungsum Kohhrana lawi turin chhungkaw khat member 5 te chu Bialtu Pastor Vanlalrosiama’n Kohhranah sengluhna a nei.
District Evangelist Upa Lalrokima rawngbâwlna atangin April 16, Pathianni vek khan Hnahlan bial, Hqrs. Kohhran leh Vênglai Kohhrana lawi tûrin chhûngkaw khat mi 5 awmna leh chhûngkaw 1, mi 2 an vaiin mi 7 te chu sengluhna neih a ni.
Zohmun Bial Zohmun Localah April 5 atanga 16 chhung khan Evan JH Lalhminghlua leh a team (Apostolic Revival Team) ten rawngbawlna an nei a, Good Friday ni hian Sis. Lalzawmdiki’n Chawimawina neiin, Kohhran ho te an hlim hle. Thlarau boruak kal zelah Pu. Ralkapkunga. Kawlni (UPC ni lo) chuan Chawimawina neiin a ni hi April 15, Inrinni zan khan Bialtu Pastor Vanlalnghakan Kohhranah sengluhna a nei a ni. Apostolic Team te rawngbawlna atang hian member 5 in Sual ngaihdamna Baptisma an changa, Thlarau thianghlim Baptisma mi 15 chuangin an dawng thar bawk a ni.
April 16, Pathianni chawhma inkhawm ah Serchhip Chanmari kohhran a lawi turin member pakhat chu Evan Lalthankima Ralte, Church Board Chairman chuan Kohhranah sengluhna a nei bawk.
———-
Hruaitute Programme:
Rev KVL. Hmangaihkima, District Superintendent chuan Pathianni hmang hian Sialhawk Kohhrana Revival Crusade hman mekah Speaker-ah tangin rawngbawlna a nei.
Rev R. Laltlankima, District Secretary chuan April 20, Ningani khan Keifang Biak In sakna tur lungphum phumna neiin hun a hmang.
Rev H. Lalropuia, District Treasurer chuan Pathianni hmang hian Rabung Bial-ah District Missionary Support zawngin rawngbawlna a nei a, ruahmanna ang chuan Thawhtanni-ah New Chalrang Biakin hmunhma enfelin hun a hmang leh ang.
Rev VL. Hnemtluanga, Missions Director chuan Pathianni hmang hian Keifang Bial, Maite hmuna Revival Crusade hmanah Speaekr-ah tangin rawngbawlna a nei a ni.
Facebook