July ni 18 Nilaini atanga ni 20 zirtawpni chhung khan North Mizoram District kum chanve Board neih a ni.
Kum chanve District board hi North Mizoram District Headquarters Biak in, Tuikhuahtlangah neiin; Board meeting hi Rev. Laltluanga District Supdt. in a kaihruai a, NEI-UPC Gen Supdt. Rev. Lalmalsawma Sailo chuan a telpui.
District Board-ah hian rorel 39 neiin; a pawimawh zualpui tarlang ila
1. Chaltlang bialtu Pastor Rev C. Lalbiakzuala chu Nov. ni 22, 2018-ah pension-a a chhuah dawn avangin Dist. Supdt. ni lai Rev. Laltluanga chuan kum 2019 March thla thleng lo enkawl se.
2. Pastor Quarters thar sak nana District in Rs 15,00,000/- a sanction thin bakah, Quarters chhung cheibawlna a atan Rs 150,000/ chin pek theihna dan siam chu pass a ni.
3. North Mizoram District huam chhunga Pastor quarters leh Biak in hmun neilote tan hmun leina tur leh Bawngkawn Conference Centre sakna tura hmalakna atan bank loan lak ni se.
4. North Mizoram District-in Bawngkawn venga Conference building sakna tura ram a lo lei tawh chu District building committee kutah dahin a tul anga hma lo la turin tih a ni.
5. District office-a hman tur Power backup (generator/solar) lei chung chang ngaihtuah niin Solar emaw Generator emaw lei nise.
6. NEI-UPC ten hun engemaw chen atanga kumtin August thla chhunga rawngbawlna kawnga Rammut programme an neih thin chu District Board member te pawh rammut nise.
7. Pentecostal man fellowship (PMF) chu kum 2018 District conference in din phalna a lo pass tawh leh hemi chungchanga bawhzui ngai te District board kutah a dah angin PMF Inkaihhruaina dan ruahmanna lo siam turin Rev C Lalmuanpuia leh Pastor PC Laltlankima te an ruat.
8. District Conference 2018 rorelin Kohhran thiltiha banner siam reng reng rawng bik neia siam ni rawh se tia a lo passed tawh District board chuan ngaihtuahin Pastor Lalruatkima fanai leh Rev C Lalthantluanga te chu Banner rawng lo thlang turin a ruat.
9. Mission veng huam chhung Model vengah kohhran ram Biak in hmun tur lei nise tih chu remtihtlan a ni.
10. Biak in hmun ram lei belh leh ram neilote tan ram lei sak hetiang hian passed a ni.
- 1) Lawipu vengah
- 2) Selesih Biak in hmun ram lei belh.
- 3) Phaizau Biak in hmun
- 4) Bethel Biak in hmun hmun hlui hralh leh a thar lei.
- 5) Sumsuih Biak in hmun .
- 6) Lungverh Biak in hmun lei belh
11. Zawlnuam borai bial tih chu zawlnuam bial ti a thlak ni se; Zawlnuam Bawrai Bial tih thin chu Zawlnuam Bial tia ziah leh lam tawh tur a ni.
12. Pentecostal Gateway Higher Secondary School leh High School Teacher te pay chu managing board in an lo rel tawh Pay structure chu approve turin District Board ah thehluh niin; District Board chuan a approve bawk a ni.
13. Pentecostal Gate way Higher Secodary School Pricipal Term and Condition chungchang hetiang hian rel a ni:- a) Principal term atan chuan kum khat ni 365/366 a ni ang. b) Kumhnih dan zelah ruat thar thin tur a ni. c) Principal hi District board thurawn lain Managing board in a la/ruat thin ang. d) Principal lak tur chu kum 35 aia naupang lo, kum 60 aia upa lo a ni tur a ni. He dan rel thar hi 1st April 2019 a tang a ni ang.
14. Kumin 2018 chhung hian Financial Campaign neih tha tih a ni a, District hruaitute’n ruahmanna lo siam se tih a ni.
15. District kohhran puiin Mission department a support-na Rs 500000/- a neih chu, ennawn tha tih a ni a, a punna tur chu kum 2019 kumthar budgetah ngaihtuah nise tih a ni.
16. Pastor te Myanmar ramah tour neih ve nise tih chu passed in hemi pual hian an lawmman August 2018 hlawh atangin thlatin cut thin nise tih passed a ni.
Facebook