1. Rev. Lalmalsawma Sailo, General Superintendent leh Rev. Zohmingthanzama, General Treasurer te chu September 25 atanga 30 chhunga Indiana Convention Center, Indianapolis, Indiana, USA ah neih a hman zawh hnu in, October 12 nilai ni khan Kolkata an thleng a, Kolkata ah hian Baptisma rawngbawlna leh Kohhran thil pawimawh te an thawh hnuin naktuk October 15 hian dam takin Mizoram rawn thleng leh tur a beisei a ni.
USA atanga zing haw te lawmna Programme hi October 16 thawhtanni hian General Headquarters Office ah buatsaih tum a ni bawk.
Tin, Chaltlang Kohhranten an sawm angin Rev. Lalmalsawma Sailo, General Superintendent chu Khawvel pum huap UPC Inkhawm pui lian chhima an zin report te pe tura an sawm angin October 16 Pathianni zan hmang hian Chaltlang Kohhran Biak inah inkhawm a neih pui ang. Chaltlang Kohhranten NEI UPC Gen. Supdt. rawngbawlna chhim turin tlang hrang hranga cheng kohhran mite an sawm a ni.
2. Rev. R. Lalhawia, General Missions Director chuan October 15 Pathanni zanah Zemabawkah thusawi rawngbawlna a nei ang.
3. Pastor H. Lalropuia, General PYD President, Rev. C. Vanlalena, Former General PYD President leh Pastor T. Vanlalhruaia, Central District PYD President te chuan October 11 thawhlehni khan Aizawl chhuahsanin North East India PYD member tin ten an thawhkhawm N. Bengal / Sikkim Missions Field-a Madhubaghan Biakin an sak hawnna hun October 16 Pathianni a nei turin an kal. Biak In thar hi Rev. C. Vanlalena, Former General PYD President chuan hawnna hun a hmang dawn a ni.
4. Naktuk October 15 inrinni zan atang hian Churachandpur District, Monglenphai Local ah Rev. Paosei, District Secretary leh Rev. Haungama, District Treasurer te chuan rawngbawlna an nei dawn a, October 16 Pathianni chhunah Tuinom Local ah leh zanah Tuibong Local ah te rawngbawlna an neih chhunzawm leh bawk ang.
5. Rev. Rosanga Kawlni, Aizawl East District Superintendent chuan Keifang Bial, Tawizo-ah rawngbawlna a nei ang. Tawizo ah hian tun hnai khan member thar engemaw zat Kohhran-ah lawmluh an lo ni tawh a ni.
6. Rev. Vanlalfela Ramtiam, Aizawl East District Treasurer chuan naktuk October 15 Inrinni hian Champhai Bial-a rawngbawlna nei turin a kal anga, Pathianni nileng in North Khawbungah rawngbawlna neiin Thawhtanni hian Aizawl let leh tura beisei a ni.
7. Naktuk October 15 Inrinni chhun dar 12:00 hian Lunglei District Missions Field, Bualpui V Biak in thar chu Rev.R.Lalrosanga, District Superintendent chuan a hawng dawn a, District Missions Director Rev. PC. Lalrosanga chuan a hmanpui bawk ang.
8. Zanin October 14 atanga October 16 thleng awh turin Lunglei District Missions Field, Chengpui khuaah Crusade neih a ni dawn a, Speaker atan Lunglei District Secretary Rev. C. Lalrintluanga chu hman a ni ang.
Facebook