Mi thar 52 senglut :
June ni 19-26 chhung khan General Superintendent Rev. Lalmalsawma Sailo, General Missions Director Rev. R. Lalhawia, General Missions Treasurer Evan PC. Lalrokima te bakah General PYD hruaitu General PYD President Pastor H.Lalropuia leh General PYD Treasurer Rev C.Lalmalsawma te chuan North Bengal leh Sikkim Missions Field tlawhin rawngbawlna an nei a, June ni 28, Zirtawpni khan Field chhuahsanin Aizawl an pan.
North Bengal leh Sikkim Missions Field –a an rawngbawl chhung hian Biakin 2- KUMARPARA leh TULSIPARA Biak in te hawngin, Kumarpara biak in hi General Suptd Rev. Lalmalsawma Sailo chuan hawngin, Tulsipara Biak in hi Lunglei Dist Missions Director Rev. R. Vanlalenga’n a hawng a ni. Field chhunga hmun hrang hrang tlawhkualin rawngbawlna an nei a, an rawngbawlna hmun hrang hrangah Pentecost Kohhrana lawi turin mi thar 52 Kohhranah an seng lut. Mi thar sengluhna hmun te :
1. Kumarpara ah – member 5
2-Bhutan (thimphu) ah – member 1
3-Darjeling Alubari ah – member 6
4-Ranjuvali ah – member 40
General Superintendent Rev. Lalmalsawma sailo hian June ni 29 atanga July ni 2 chhung Central District ah hun hman chhunzawm nghalin, District Board thutpuiin, Seminar a neihpui nghal dawn a ni. Barak District pan lehin July ni 3 atanga ni 4 chhung Barak District Board a telpui leh ang a, ruahman dan chuan July ni 5, Zirtawpniah Aizawl a let ang.
General Sunday School hruaitu 3, General Director Rev. R. Laichhingpuia, Secretary Rev. R. Vanlalawia leh Treasurer Evan F. Lalsangliana te chuan June ni 29 atanga ni 30 chhunga Manipur District 3 Joint Sunday School Meet ah telpuiin rawngbawlna an nei.
General Sunday School hruaitute hian July ni 1 atanga ni 5 chhung Dimapur Missions Field tlawhin seminar an nei nghal dawn a, hetiangin hun an hmang ang.
General Sunday School Director Rev. R. Laichhingpuia – Dimapur leh Khatkhati ah
General Sunday School Secretary Rev. R. Vanlalawia – Diphu leh Silonijan
General Sunday School Treasurer Evan F. Lalsangliana – Athbung leh Chumukedima
General Secretary Rev. R. Lalrinsanga leh General Treasurer Rev. Zohmingthanzama te chuan tunkar khan Office ah thuin ; tun Pathianni pawh hi zinchhuak lovin an lawina tualchhung Kohhranah hun an hmang dawn a ni.
Facebook