1. October 7-9 hmang khan Tripura District PYD Conference chu Darchawi khuaah neih a ni. He hun hmanpui tur hian Pastor H. Lalropuia, General PYD President; Pastor C. Lalmalsawma, General PYD Treasurer; Evan. C. Lalremruata, Aizawl East District PYD Financial Secretary te bakah Unaupa H. Lalrinawma; Unaupa Pazawna; Farnu Lalramsiami B/W leh Farnu Ramdingpuii ten General PYD hruaitute hi an tawiawm bawk a ni.
Tripura District PYD Conference hi a vawi 4-na a ni a, Conference thupui atan I Peter 1:16 thu: ‘ Nang ni in thianghlim tur a ni, Kei Ka thianghlim si a’ tih chu hman a ni. Conference hawnna hun hi Rev. Vanlaltluanga Sinate, Tripura District Secretary chuan a hmang a, palai pawh an kal tha hle a ni. Thupui hmang hian general PYD hruaituten thuhrilh rawngbawlna an nei thin a ni. Conference chu hlim taka hman niin General hruaitute chu dam takin October ni 10 thawhtanni khan Mizoram an thleng leh a ni.
2. North Mizoram District LAD Conference Vawi-47-na Oct. Ni 7 – 9 chhunga Headquarters Biak In, Tuikhuahtlanga neih chu tluang takin Oct. ni 7 Pathianni zan khan zo in a tiak ta.
LAD Conference hi Oct. ni 7 Zirtawp zan khan District Supdt. Rev. C. Lalrammuana’n a hawng a, Inkhawm pui palaite fuihna thuchah a sawiah “Kohhran thang zelah Pentecost mite’n Thianghlimna, chhung lam leh pawn lamah uar deuh deuh a pawimawh thu sawiin, Tun atanga kum 3 chhungin UPC kohhran chu Zuk leh hmuam leh ruihtheih thil ti lo Kohhran ni turin Pathian rinchhanin tan kan la dawn a ni a ti”.
Conference Thupui ‘Zirtirna dik’ tih hmangin Speaker Pastor B. Vanlalruata’n Pathian thuchah a sawi thin a ni.
District LAD Conference rorel pawimawh zingah- Kum 2017-ah Dinthar Bial ah LAD Conference nghah te, Kum 2019 NEI UPC LAD Golden Jubilee chu NEI huam chhung kohhran hrang hrangah rualkhaia hman a nih theih nan Gen. LAD kuta hlan te, District Office-ah Tisa leh Thlarau lama mi chaklote tan Councellor dah te, Thianghlimna uar zawka kalpui te an rel.
North Mizoram District huam chhungah hian Pastor Bial 28 awmin Kohhran LAD dinna khaw 147 niin, chhungkaw 5320 an awm a, LAD member 4627 an awm mek bawk a ni.
Tin, October 10 thawhtanni khan North Mizoram District Headquarters Biak In, Tuikhuahtlangah Sister C. Lalthangpuii, District LAD President kaihhruaiin meeting neih nghal a ni a, Conference rorel bawhzui ngai hrang hrang te an thlir ho nghal. Board rorel pawimawh zingah Tirhkoh Ramtlan rawih chhunzawm te, District Missions Support chhunzawm te, Marapara Missions Field chhawmdawl te leh LAD Day tawngtai thupui hrang hrang sawihona neih a nih bakah Kum 2017 chhunga atan Budget Rs. 15,30,800/- (Cheng nuai sawmpanga singthum leh zariat) an passed bawk.
Facebook