Aizawl East District Conference vawi 24-na March 8 atanga March 11 chhung hian Bethlehem Biak In-ah hman a ni dawn.
Conference ah hian Speaker atan Evan K Vanlalhlimpuia, Evan F Malsawmtluanga, District PYD Secretary, Rev KVL Hmangaihkima, Khawruhlian Bialtu Pastor, Rev Zohmingthanzama, General Treasurer, Rev R Lianzama, District Thianghlimna Committee Chairman leh Rev Rosanga Kawlni, District Superintendent te an ruat.
Kumin hian District Sunday School leh District PYD ten ,khawmpui hran neiloin Dristrict conference ah hian an bet dawn a, March 9, Zirtawpniah rorel inkhawm neiin Sunday School ten Bethlehem Biak In-ah rorelna an nei anga, PYD ten Bethlehem YMA Hall-ah rorel inkhawm an nei ve thung ang. Department pahnih pualin March 9, Zirtawp zanah Inkhawm neih a ni anga, Evan Hr Lalrindika, District S.S Secretary chuan Inkhawm kaihruaiin Evan F Malsawmtluanga, District PYD Sceretary hnen atangin thusawi ngaihthlak a ni ang. Aizawl East District Inkhawmpui hi Rev Ellic Hnehzova Fanai chuan hlanna neiin Pathianni Chawhma-ah General Missions Pual Appeal neih tur niin, Inirnni zan-ah District LAD leh Sunday School ten lawmman semna an nei ang. Pathianni Zan-ah Kohhranpuiin lawmman sem tur a neih hrang hrangte semna hun hmang ang a. Inkhawmpui-ah hian mimal leh zaipawl ten Pathian fakna hla an sa thin ang.
Facebook