August 12, 2016 Zirtawp Zan khan Aizawl City PYD Committee chu North Mizoram District Committee Room, Tuikhuahtlangah neih a ni. An thu ngaihtuah tlangpui te :
1. North East India PYD Social Work Day October 2 a hman thin chu kumin hian Pathianni a nih avangin General PYD thu ngaihchan a nih angin October 3-ah hman nise, October 3 a Social Work Day hman dan turah City PYD ten a huho in hman tha tih a ni a, Social Work Day-ah hian thisen pek runpui (Blood Donation) neih tha tih a ni a, hetiangin ruahmanna siam a ni :
A hmun : Central YMA Hall, Tuikhuahtlang
A hun : Dar 10:00am
Chairman : Evan. C.Lalchhuanga, Chairman, City PYD
Hunserh : Evan. J.H.Malsawmdawngliana, Secretary, General PYD
Zaipawl : North Mizoram District Choir & Pentecostal Choir
Thisen pek kawngah harsatna leh rokhawlhna dang a awm thei anih avangin a rem loh chuan khawpui tifai a hnatlang neih nise tih a ni.
2. Refreshment hna thawk turin North Mizoram District Headquarters Bial PYD te ruat an ni a, Thutthleng rem leh a hmun hma tlawmngaih chhuaha tihfel turin Upper Republic Bial te ngen an ni bawk.
3. Banner leh Sound buaipui turin City PYD Secretary, Bro. H.Laltlingzova chu ruat ani a, Publication lama hmala turin PenNet lama kan hruaitute ruat an ni bawk.
4. Thisen pek theih a nih chuan Bial tin atangin thisen unit 20 tal pe theuh thei turin member a tam thei ang ber kal nise, thisen pe tam bial te hnenah Joint Fellowship-ah hetiang hian lawmman hlan nise:
Lawmman Pakhatna : Citation + Rs 1500
Lawmman Pahnihna : Rs 1000
Lawmman Pathumna : Rs 500
5. Joint Fellowship neih tha tih a ni a, a hun atan November 26-27, 2017 chu ruat ani a, a hmun atan Aizawl East District Headquarter Biakin, Chanmary YMA Hall leh Zemabawk Vengpui Biakinah nei neih chchawk tura ruahman a ni a, he hunah hian Solo Competition neih tur a ni dawn a, endik hna thawk turin heng mite hi ruat an ni:
Chief Judge : Evan. Dr. Lalmuanpuia, City PYD Asst. Secy
Judge :Upa. K.Lalngilneia, Chaltlang, Bro. Lalchhanhima, Zemabawk
Solo Competition First round chu Inrinni dar 11:00am-ah Aizawl East District Headquarter-ah neih a ni anga, he hunah hian intihsiakna a tel turte leh tawiawmtute chauh kal theih a ni ang. First round atangin Judge ten Top 5 an thlang ang a, chungte chuan zanah Chanmary YMA Hall-ah intihsiakna an nei leh ang. Pathianni hun hmanna tur Zemabawk Vengpui Biakinah result puan a ni ang. Intihsiakna tan ni a hun hmang turin hetiang hian ruat an ni:
Host : Evan. R.Lalthlamuana, City PYD Vice Chairman
Hunserh : Evan. F.Lalngaihawma, N.Mizoram Dist. President
(Solo Competition first round-ah hian hla pahnih (2) hmanga intihsiakna neih tur ani a, hla pakhat zawk chu mahni duhthlanna leh music engpawh hman phal a ni a, Common Song erawh chu “Zion khua var tawh rawh” tih Evan. Lianthangvunga(Maliana) phuah niin Acoustic Guiter nen chauhva sak tur a ni.
First round atang hian Top 5 thlan ani anga, chungte chuan zan lamah hla dang pakhat, anmahni duhzawng music hmangin, an sak tawh hla ngai emaw, hla hran emaw hmangin intihsiakna an nei leh ang.)
Fellowship ah hian Awareness programme neih tum a ni a, hetiang hian ruahmanna siam a ni:
1. Social Media(30 minutes) -Evan.Dr. Lalmuanpuia, City PYD Asst. Secy.
2. Intodelh (30 minutes) – Upa C. Zahnuna, Salem Veng, Mualpui Bial.
Pathianni-a fellowship neihna hmun tur Zemabawk Vengpui kohhrante hnenah vengleng ruai leh refreshment buatsaih nan Rs 20,000 a tanpui tha tih a ni a, inkhawm thawhlawm pawh thlengtu Kohhran pualin dah nise.
Fellowship programme hetiangin ruahman a ni. Item nei thei tur dang ten September thla ral hmain hruaitute hnenah thehluh zel tur a ni.
i) Inrinni Chhun (Dar 11:00 am) – Aizawl East Dist.Hqrs. : Solo Competition Round 1
ii) Inrinni Zan – Chanmary YMA Hall (Fellowship) : “Social Media”, Awareness & Solo Competion -Final
iii) Pathianni Zing – Zemabawk Vengpui Biakin (Revival) : Speaker (Speaker tur hi hruaitute kutah dah a ni)
iv) Pathianni Chawhnu – Zemabawk Vengpui Biakin (Fellowship) : “Intodelh”, Awareness & Praise and Worship
v) Pathianni Zan – Zemabawk Vengpui Biakin (Revival) : Speaker
Facebook