39th General LAD Conference Chanchin

On:

General LAD Conference a vawi 39-na October 6 atanga ni 8 chhung a neih chu Lawngtlai – IV Biakinah tluang taka neih a ni a, Thupui atan ‘Ka nun hian Lalpa a chawimawi e’ Luka 1:46 thu hman a ni.

October 6 zirtawp zanah Inkhawmpui tan zanah Sis. Lalchangliani Sailo, General LAD President inkhawm a kaihruai a, hawnna Rev. Zohmingthanzama, General Treasurer chuan a nei thung. Palai lawmna thusawi Rev. W.L.Thanghre, Chhimtuipui District Superintendent chuan a hmang.

Inkhawmpui hman chhungin Sis. Zoramthangi B/W, Chhimtuipui District LAD President; Sis. Darthahnieng, Central District LAD TReasurer; Sis. K. Lalremruati, Lunglei District LAD Secretary; Sis. Lalthlamuani, Churachandpur District LAD President leh Sis. Lamthiem Imphal District LAD Secretary ten tanna hun an hmang.
Speaker atan a ruat hrang hrang te- Sis. Remmawii, Barak District LAD President ‘Khawtlangah’; Sis. F. Rohlupuii, General LAD Treasurer ‘Kan incheinaah’; Rev. Lalmalsawma Sailo, General Superintendent ‘Kohhranah’; Rev. Rosanga kawlni, Aizawl East District Superintendent ‘Thilpekah’ tih leh Rev. C. Lalrammuana, North Mizoram District Superintendent Thianghlimnaah’ tih hmang ten an hnen atangin Pathian Thuchah ngaihthlak a ni.

Inkhawmpui hun chhungin Pathian fakna hla LAD zaipawlte – inkhawmpui thlengtu Lawngtlai IV Chanmari, Siahatlangkawn, Maubawk, Upper Republic, Pukpui, Lunglei Bazar, Lunglei District Headquarters te bakah Lunglei District PYD Zaipawl, Ebenezer Female choir leh Saiha Bial PYD zaipawl hnen atangin ngaihthlak a ni.

  1. October 7 inrinni chawhma dar 10:00 ah Inkhawmpui rorel inkhawm neih a ni a, khawmpui rorel member 850 ten rorelna hun an nei a, an rorel tlangpui chu-
    1. Kum 2019 General LAD Conference chu North Mizoram District ah nghah a ni a, inkhawmpui thupui atan ‘In eng chu mi mit hmuh in eng rawh se’ tih an thlan a ni.
  2. North East India pumah Chhungkaw maicham uar zawka chhunzawm nise, a bu pawh siam thar tur a tih a ni.
  3. Kum 2018 chhungin ruihhlo ngaite leh a zuartuten an sim theih nan kum 2018 March 31 hian nilenga chawngheia tawngtai neih nise.
  4. Ruihhlo lo hluar zelah District tin ten NGO te hmalakna a theih ang anga tanpui nise tih te an rel.
    Rorel inkhawmah hian General LAD chanchin bu Pentecostal Lady 10th Anniversary a nih avangin a pualin hun hman a ni a, Pen ah te ‘Pentecostal Lady 10th Anniversary’ tih chhut kai chu rorel palai te hnenah sem a ni bawk.

Inkhawmpui chhungin lehkhabu pahnih release a ni a, Rev. Lalmalsawmna Sailo, General Superintendent chuan ‘Chhimtuipui District Arsi Lian te’ Sis. Zoramthangi Chhimtuipui District LAD President ziah leh Rev. Rosanga Kawlni, Aizawl East District Superintendent chuan Evan. J. Lalhmingsanga buatsaih Unaupa Raliapa Chinzah hla 112 awmna bu te chu tlangzarh a ni.

Pathianni zing inkhawmah speaker Rev. Lalmalsawma Sailo chuan Odhisa tan thawhlawm appeal a nei a, puan pawtparh a thlak nghal niin Rs. 83,375/- hmuh chhuah nghal a ni.

Lalpan thusawitue a hmang hle a, khawmpui chhungin Lalpa Thlarau Thianghlim hriak thihna hnuaiah Thlarau lam hla leh Thusawi ngaihnawm tak nen a Lalpa fakna hun hman a ni.

Khawmpui thlengtu ten Inrinni tlai leh Pathianni tlaiah mipuite ei turin ruai an theh a, thlengtute inpekna leh thawhna a ropui hle a ni.